Tag: #cricket

ଭାରତର ୧୮୫ ର ଜବାବରେ ଅଷ୍ଟ୍ରେଲିଆ ଆରମ୍ଭରୁ ଦୁର୍ବଳ

ବର୍ଡ଼ର-ଗାଭାସ୍କର ସିରିଜର ଅନ୍ତିମ ଟେଷ୍ଟ ମ୍ୟାଚର ପ୍ରଥମ ଇନିଂସରେ ଟିମ୍ ଇଣ୍ଡିଆ ୧୮୫ ରନ୍ ରେ ଅଲଆଉଟ୍ ହୋଇଯାଇଛି। ବର୍ତ୍ତମାନ ଅଷ୍ଟ୍ରେଲିଆ ବ୍ୟାଟିଂ ଆରମ୍ଭ କରିଦେଇଛି ଏବଂ ବୁମ୍ରା ଉସମାନ ଖାୱାଜାଙ୍କୁ ପାଭିଲିୟନକୁ ପଠାଇ ଦିନିକିଆ ଖେଳ ଶେଷ ହେବା ପୂର୍ବରୁ ଅଷ୍ଟ୍ରେଲିଆକୁ ଝଟକା ଦେଇଛନ୍ତି । ୱିକେଟ୍ କିପର ବ୍ୟାଟ୍ସମ୍ୟାନ୍ ଋଷଭ ପନ୍ତ ଭାରତୀୟ ଦଳ ପାଇଁ ପ୍ରଥମ ଇନିଂସରେ ସର୍ବାଧିକ ସ୍କୋର କରିଥିଲେ। ଦଳ ପାଇଁ ପଞ୍ଚମ ସ୍ଥାନରେ ବ୍ୟାଟିଂ କରୁଥିବା ପନ୍ତ ମୋଟ ୯୮ ବଲ୍ ର ସମ୍ନା କରିଥିଲେ। ଏହି ସମୟରେ ସେ ତିନି ଚାରି ଏବଂ ଗୋଟିଏ ଛଅ ସହାୟତାରେ ୪୦ ରନ୍ ସ୍କୋର କରିବାରେ ସଫଳ ହୋଇଥିଲେ।

ବିପକ୍ଷ ଟିମ ପକ୍ଷରୁ ପ୍ରଥମ ଇନିଂସରେ ସ୍କଟ୍ ବୋଲାଣ୍ଡ ସର୍ବାଧିକ ଚାରିଟି ୱିକେଟ୍ ନେବାରେ ସଫଳ ହୋଇଥିଲେ। ତାଙ୍କ ବ୍ୟତୀତ ମିଚେଲ ଷ୍ଟାର୍କ ତିନୋଟି ୱିକେଟ୍ ନେଇଥିଲେ, କ୍ୟାପଟେନ୍ ପ୍ୟାଟ୍ କମିନ୍ସ ଦୁଇଟି ଏବଂ ନାଥନ୍ ଲିଅନ୍ ଗୋଟିଏ ୱିକେଟ୍ ନେଇଥିଲେ।
ଅଷ୍ଟ୍ରେଲିଆ ନେଲା ପ୍ରଥମ ଟେଷ୍ଟର ପ୍ରତିଶୋଧ

ବର୍ଡର-ଗାଭାସ୍କର ଟେଷ୍ଟ ସିରିଜ୍‌ର ଦ୍ୱିତୀୟ ମ୍ୟାଚ୍‌ରେ ଟସ ଜିତି ପ୍ରଥମେ ବ୍ୟାଟିଂ କରିଥିବା ଟିମ ଇଣ୍ଡିଆର ପ୍ରଥମ ଇନିଂସ ୧୮୦ ରନ୍‌ରେ ଅଲଆଉଟ୍‌ ହୋଇଯାଇଛି। ନୀତୀଶ ରେଡ୍ଡୀ ସର୍ବାଧିକ ୪୨ ରନ ସ୍କୋର କରିଥିବାବେଳେ କେ.ଏଲ.ରାହୁଲ ୩୭ ରନ ସ୍କୋର କରିଥିଲେ। ମିଚେଲ ଷ୍ଟାର୍କ ଅଷ୍ଟ୍ରେଲିଆ ପାଇଁ ସର୍ବାଧିକ ୬ଟି ଉଇକେଟ ନେଇଥିଲେ। ମ୍ୟାଚ୍‌ର ପ୍ରଥମ ବଲ ଟିମ ଇଣ୍ଡିଆର ଜୟସ୍ବାଲ ଏଲବିଡବ୍ଲୁ ଆଉଟ ହୋଇଥିଲେ। ଏହା ପରେ କେଏଲ ରାହୁଲ ଏବଂ ଶୁବମାନ ଗିଲଙ୍କ ମଧ୍ୟରେ ଦ୍ୱିତୀୟ ଉଇକେଟ ପାଇଁ ୬୯ ରନର ଭାଗିଦାରୀ ହୋଇଥିଲା। ଷ୍ଟାର୍କ ଏହି ଭାଗିଦାରୀକୁ ଭାଙ୍ଗି ରାହୁଲଙ୍କୁ ପ୍ୟାଭିଲିୟନକୁ ପଠାଇଲେ। ରାହୁଲ ୩୭ ରନ କରି ପ୍ୟାଭିଲିୟନ ଫେରିଥିଲେ। ୭ ରନ ସ୍କୋର କରିବା ପରେ ବିରାଟ କୋହଲି, ୩୧ ରନ ସ୍କୋରରେ ଗିଲ ଏବଂ ତିନି ରନ ସ୍କୋର କରି ଅଧିନାୟକ ରୋହିତ ଶର୍ମା ମଧ୍ୟ ଆଉଟ ହୋଇଥିଲେ। ଏକ ସମୟରେ ଭାରତର ସ୍କୋର ଗୋଟିଏ ଉଇକେଟ ହରାଇ ୬୯ ରନ ଥିବା ବେଳେ କିଛି ମିନିଟରେ ଭାରତ ଲଗାତର ଉଇକେଟ ହରାଇ ପାଞ୍ଚ ଉଇକେଟରେ ୮୭ ରନ ହୋଇଯାଇଥିଲା। ଅର୍ଥାତ୍‌ ଭାରତ ୧୮ ରନ ସ୍କୋର କରି ଆଉ ଚାରିଟି ଉଇକେଟ ହରାଇଥିଲା।

ଏହା ପରେ ରିଷଭ ପନ୍ତ ପାରିକୁ ଆଗକୁ ନେବାରେ ବିଫଳ ହୋଇଥିଲେ ଏବଂ ୨୧ ରନ କରି ପ୍ୟାଭିଲିୟନ ଫେରିଥିଲେ। ଅଶ୍ୱିନ ନୀତୀଶ ରେଡ୍ଡୀଙ୍କ ସହ ଇନିଂସକୁ ଆଗକୁ ନେବାପାଇଁ ଚେଷ୍ଟା କରିଥିଲେ ମଧ୍ୟ ଷ୍ଟାର୍କଙ୍କ ଆକ୍ରମଣାତ୍ମକ ବୋଲିଂରେ ଅଶ୍ୱିନଙ୍କ ଉଇକେଟ ମଧ୍ୟ ଚାଲି ଯାଇଥିଲା। ଏହା ପରେ ଖାତା ନ ଖୋଲି ହର୍ଷିତ ରାଣା ଏବଂ ଜସପ୍ରୀତ ବୁମ୍‌ରା ଆଉଟ ହୋଇଥିଲେ। ଶେଷ ଉଇକେଟ ଭାବରେ ୫୪ଟି ବଲରେ ତିନି ଚୌକା ଓ ୩ଟି ଛକା ସହାୟତାରେ ୪୨ ରନ ସ୍କୋର କରିବା ପରେ ନୀତୀଶ ଷ୍ଟାର୍କଙ୍କ ଷଷ୍ଠ ଶିକାର ହୋଇଥିଲେ। ଷ୍ଟାର୍କଙ୍କ ବ୍ୟତୀତ ପ୍ୟାଟ କମିନ୍ସ ଏବଂ ସ୍କଟ ବୋଲାଣ୍ଡ ଦୁଇଟି ଲେଖାଏ ଉଇକେଟ ନେଇଥିଲେ। ଭାରତର ଏହି ଟପ ଅର୍ଡର କୋଲାପ୍ସ ପରେ ଅନେକ କଳ୍ପନା ଜଳ୍ପନା ଆରମ୍ଭ ହୋଇଛି ।
ଟେଷ୍ଟ କ୍ରିକେଟରେ ଜସପ୍ରୀତ ବୁମରାଙ୍କ କମାଲ, ଜହିର ଖାନଙ୍କ ରେକର୍ଡ ଭାଙ୍ଗି ରଚିଲେ ଇତିହାସ

ଜସପ୍ରୀତ ବୁମ୍ରା ତାଙ୍କ ଟେଷ୍ଟ କ୍ୟାରିୟରରେ ଆଉ ଏକ ଚମତ୍କାର ଦେଖାଇଛନ୍ତି । କ୍ୟାଲେଣ୍ଡର ବର୍ଷରେ ସର୍ବାଧିକ ୱିକେଟ୍ ନେଇଥିବା ବୁମରା ଭାରତର ଦ୍ୱିତୀୟ ଦ୍ରୁତ ବୋଲର ସ୍ଥାନ ନେଇଛନ୍ତି । ଏହା କରି ବୁମରା ଜହିର ଖାନଙ୍କ ରେକର୍ଡ ଭାଙ୍ଗି ଦେଇଛନ୍ତି। ୨୦୦୨ ରେ ଜହିର ମୋଟ ୫୧ ୱିକେଟ୍ ନେଇଥିଲେ। ଏଥି ସହିତ ଚଳିତ ବର୍ଷ ବୁମରା ୫୨ * ୱିକେଟ୍ ନେଇଛନ୍ତି। ଏଥି ସହିତ, କ୍ୟାଲେଣ୍ଡର ବର୍ଷରେ ଟେଷ୍ଟରେ ଅଧିକାଂଶ ୱିକେଟ୍ ନେଇଥିବାର ରେକର୍ଡ(Most Test Wickets in a Year for India by Pace Bowlers) କପିଲ ଦେବଙ୍କ ନାମରେ ରହିଛି। ୧୯୮୩ ମସିହାରେ କପିଲ ଦେବ ୭୫ ୱିକେଟ୍ ଏବଂ ୧୯୭୯ ମସିହାରେ ୭୪ ୱିକେଟ୍ ନେଇଥିଲେ।

ଆପଣଙ୍କୁ କହିରଖୁ ଯେ, ଟେଷ୍ଟରେ କ୍ୟାଲେଣ୍ଡର ବର୍ଷରେ ସର୍ବାଧିକ ୱିକେଟ୍ ନେଇଥିବା ଦ୍ରୁତ ବୋଲର ହେଉଛନ୍ତି ଡେନିସ୍ ଲିଲି, ଅଷ୍ଟ୍ରେଲିଆର ଡେନିସ୍ ଲିଲି ୧୯୮୧ ମସିହାରେ ୮୫ ୱିକେଟ୍ ନେଇଥିଲେ। ଏଥି ସହିତ, ଆଲାନ୍ ଡୋନାଲ୍ଡ ୧୯୯୮ ରେ ତାଙ୍କ ନାମରେ ୮୦ ୱିକେଟ୍ ନେବାରେ ସଫଳ ହୋଇଥିଲେ। ଏହା ପରେ ୱେଷ୍ଟଇଣ୍ଡିଜ୍ ର ଜୋଏଲ୍ ଗାର୍ନରଙ୍କ ନାମ ଆସେ | ୧୯୮୪ ମସିହାରେ ୭୯ ୱିକେଟ୍ ନେବାରେ ଜୋଏଲ୍ ଗାର୍ନର କମାଲ ଦେଖାଇଥିଲେ । ଏହା ପରେ କପିଲ ଦେବଙ୍କ ନାମ ଆସେ | ୧୯୮୩ ମସିହାରେ କପିଲ ଦେବ ୭୫ ୱିକେଟ୍ ନେଇଥିଲେ।

ଭାରତ ପାଇଁ ଗୋଟିଏ ବର୍ଷରେ ସର୍ବାଧିକ ଟେଷ୍ଟ ୱିକେଟ୍ ନେଇଥିବା ପେସ୍ ବୋଲର୍ସ |
୭୫ – କପିଲ ଦେବ (୧୯୮୩)
୭୪ – କପିଲ ଦେବ (୧୯୭୯)
୫୨ – ବୁମ୍ରା (୨୦୨୪) *
୫୧ – ଜହିର (୨୦୦୨)
୪୮ – ବୁମ୍ରା (୨୦୧୮)
୪୭ – ଜହିର (୨୦୧୦)
୪୭ – ଶାମି (୨୦୧୮ )
ଟିମ ଇଣ୍ଡିଆର ମୁଖ୍ୟ କୋଚ ଭାବେ ରାହୁଲ ଦ୍ରାବିଡ଼ଙ୍କ ସ୍ଥାନ ନେବେ ଗୌତମ ଗମ୍ଭୀର !

ଟିମ ଇଣ୍ଡିଆର ମୁଖ୍ୟ କୋଚ ଭାବେ ରାହୁଲ ଦ୍ରାବିଡ଼ଙ୍କ ସ୍ଥାନ ନେଇପାରନ୍ତି ଗୌତମ ଗମ୍ଭୀର | ଭାରତୀୟ ପ୍ରିମିୟର୍ ଲିଗ୍ 2024 (IPL) ର ଲିଗ୍ ପର୍ଯ୍ୟାୟରେ Kolkata Knight Riders (KKR) ଉତ୍କୃଷ୍ଟ ମାନର କ୍ରୀଡା ପ୍ରଦର୍ଶନ କରିଥିବାରୁ ଗୌତମ ଗମ୍ଭୀରଙ୍କ ନାମ ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ (Coach) ଭାବରେ ଚର୍ଚ୍ଚାର ପରିସରକୁ ଆସିଥିଲା | Knight Riders ଫାଇନାଲ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ (Sunrisers Hyderabad) ପରାସ୍ତ କରି ଟାଇଟଲ୍ ଜିତିବା ପରେ ଏହି ଚର୍ଚ୍ଚା ଜୋର ଧରିଥିଲା | ଫାଇନାଲ ମ୍ୟାଚ ପରେ ଗମ୍ଭୀର ମଧ୍ୟ ବିସିସିଆଇ (BCCI) ସଚିବ ଜୟ ଶାହାଙ୍କ ସହିତ ଦୀର୍ଘ ସମୟ ଧରି ଆଲୋଚନା କରିଥିବା କଥା ବିଭିନ୍ନ ଗଣ ମାଧ୍ୟମରେ ପ୍ରକାଶିତ ହୋଇଥିଲା |

ଯଦିଓ ପୂର୍ବତନ ଭାରତ ଓପନର୍ଙ୍କର ଜାତୀୟ ଦଳର ମୁଖ୍ୟ ପ୍ରଶିକ୍ଷକ, କିମ୍ବା ଆଇପିଏଲ୍ ହେବାର କୌଣସି ଅଭିଜ୍ଞତା ନାହିଁ; ତଥାପି ଚଳିତ ବର୍ଷ KKR କୁ IPLରେ ବିଜୟୀ କରାଇବାରେ ତାଙ୍କ ଭୂମିକା BCCI ପାଇଁ ଗମ୍ଭୀରଙ୍କୁ ଦ୍ରାବିଡଙ୍କ ଉତ୍ତରାଧିକାରୀ ଭାବରେ ଭାବରେ ବିଚାର କରିବାକୁ ଯଥେଷ୍ଟ ଖୋରାକ ଯୋଗାଇଥିଲା ।

ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (BCCI) ମଧ୍ୟ ଭାରତୀୟ ଦଳର ମୁଖ୍ୟ ପ୍ରଶିକ୍ଷକଙ୍କ ଭୂମିକା ପାଇଁ ଷ୍ଟିଫେନ୍ ଫ୍ଲେମିଂ ଏବଂ ଆଣ୍ଡି ଫୁଲଙ୍କ ପରି ଅନ୍ୟ ଆଇପିଏଲ୍ କୋଚ୍ ତଥା ଅଷ୍ଟ୍ରେଲୀୟ ନାମ ପ୍ରତି ଆଗ୍ରହୀ ଥିବା ପରି ମନେ ହେଉଥିଲା, କିନ୍ତୁ ବର୍ତ୍ତମାନ ସୁଦ୍ଧା ଗମ୍ଭୀରଙ୍କ ନାମ ଅନ୍ୟମାନଙ୍କ ତୁଳନାରେ ଆଗରେ ଅଛି ବୋଲି କୁହାଯାଉଛି | ଭାରତୀୟ ପ୍ରିମିୟର୍ ଲିଗ୍ (ଆଇପିଏଲ୍) 2024 ଫ୍ରାଞ୍ଚାଇଜ୍ ପାଇଁ ମେଣ୍ଟର ଭାବରେ ଗମ୍ଭୀରଙ୍କ ଗୁରୁତ୍ୱ ବୃଦ୍ଧି ପାଇଛି |

୨୦୨୩ ବିଶ୍ୱକପ ପରେ ଟିମ ଇଣ୍ଡିଆର ମୁଖ୍ୟ କୋଚ ଭାବେ ରାହୁଲ ଦ୍ରାବିଡ଼ ଓ ଭାରତୀୟ ଟିମର ସର୍ପୋଟ ଷ୍ଟାଫଙ୍କ କାର୍ଯ୍ୟକାଳ ସମାୟିକ ଭାବେ ବୃଦ୍ଧି କରାଯାଇଥିଲା ଯାହାକି ଜୁନ ମାସରେ ଶେଷ ହେବାକୁ ଯାଉଛି । ଭାରତୀୟ ପୁରୁଷ ଟିମର ମୁଖ୍ୟ କୋଚ୍‌ ପଦ ପାଇଁ ବିସିସିଆଇ ଆବେଦନ ପତ୍ର ଗ୍ରହଣ କରିଥିବାରୁ ରାହୁଲ ଦ୍ରାବିଡ଼ଙ୍କ କାର୍ଯ୍ୟକାଳକୁ ଆଉ ବୃଦ୍ଧି କରାଯିବ ନାହିଁ ବୋଲି ସ୍ପଷ୍ଟ ହୋଇଯାଇଛି। ତେବେ, ଜୟ ଶାହ କହିଛନ୍ତି ଯେ ରାହୁଲ ଦ୍ରାବିଡ଼ ଚାହିଁଲେ ମୁଖ୍ୟ କୋଚ ପଦ ପାଇଁ ଆବେଦନ କରିପାରିବେ।

ମେ’ 27 ସୁଦ୍ଧା ମୁଖ୍ୟ ପ୍ରଶିକ୍ଷକଙ୍କ ଭୂମିକା ପାଇଁ ବିସିସିଆଇ ବିଜ୍ଞପ୍ତି ପ୍ରକାଶ କରିଥିଲା ଏବଂ 3,000 ରୁ ଅଧିକ ଆବେଦନପତ୍ର ପାଇଥିଲା । ବିସିସିଆଇ ଗ୍ରହଣ କରିଥିବା ଦରଖାସ୍ତ ବା ଆବେଦନପତ୍ର ଗୁଡିକ ମଧ୍ୟରେ ‘ସଚିନ୍ ତେନ୍ଦୁଲକର’, ‘ନରେନ୍ଦ୍ର ମୋଡିସ୍’ ଏବଂ ‘ଅମିତ ଶାହାସ୍’ ଙ୍କ ନାମରେ କିଛି ନକଲି ଆବେଦନପତ୍ର ମଧ୍ୟ ସାମିଲ ଥିଲା |

ବିସିସିଆଇର ସମ୍ପାଦକ ଜୟ ଶାହଙ୍କ ସୂଚନା ଅନୁସାରେ କ୍ରିକେଟର ୩ ଫମାର୍ଟ ପାଇଁ ଭିନ୍ନଭିନ୍ନ କୋଚ୍ ନିଯୁକ୍ତିର କୌଣସି ସମ୍ଭାବନା ନାହିଁ । ତେବେ, କ୍ରିକେଟ୍ ଉପଦେଷ୍ଟା କମିଟିର ମାର୍ଗଦର୍ଶନରେ BCCI ମନୋନୀତ ହୋଇଥିବା ଖୁବ୍ ଶୀଘ୍ର ପ୍ରାର୍ଥୀଙ୍କର ସାକ୍ଷାତକାର ନେଇପାରେ ।
ମୁମ୍ବାଇ ଇଣ୍ଡିଆନ୍ସର ପରାଜୟ କରିଛି ପଏଣ୍ଟ ଟେବୁଲରେ ଓଲଟପାଲଟ, ବଦଳିଲା ଟପ୍ ୪ର ସମୀକରଣ

ଆଇପିଏଲ୍ ୨୦୨୪ ର ଅଷ୍ଟମ ମ୍ୟାଚ୍ ରେ ସନରାଇଜର୍ସ ହାଇଦ୍ରାବାଦ ଦଳ ମୁମ୍ବାଇ ଇଣ୍ଡିଆନ୍ସ କୁ ୩୧ ରନ୍ ରେ ପରାସ୍ତ କରି ଟୁର୍ନାମେଣ୍ଟରେ ପ୍ରଥମ ବିଜୟ ହାସଲ କରିଛି | ମୁମ୍ବାଇ ଉପରେ ବିଜୟ ସହ ହାଇଦ୍ରାବାଦ ମଧ୍ୟ ପଏଣ୍ଟ ଟେବୁଲରେ (ଆଇପିଏଲ ପଏଣ୍ଟ ଟେବୁଲ) ଖାତା ଖୋଲିଛି। କେବଳ ଏତିକି ନୁହେଁ, ହାଇଦ୍ରାବାଦ ଦଳ ସର୍ବଶେଷ ପଏଣ୍ଟ ଟେବୁଲରେ ୩ ନମ୍ବରରେ ପହଞ୍ଚିଛି। ମୁମ୍ବାଇ ବିପକ୍ଷ ମ୍ୟାଚରେ ହାଇଦ୍ରାବାଦ ବ୍ୟାଟିଂରେ ରନର ବର୍ଷା କରିଥିଲା, ଯାହା ଫଳରେ ନେଟ୍ ରନ୍ ହାର ମଧ୍ୟ ବହୁତ ଉନ୍ନତ ହୋଇଥିଲା । ସେପଟେ ପଏଣ୍ଟ ଟେବୁଲରେ ଏକ ନମ୍ବରରେ ସିଏସକେ ରହିଛି | ଚେନ୍ନାଇ ସୁପର କିଙ୍ଗ୍ସ ଦଳ ଏପର୍ଯ୍ୟନ୍ତ ୨ ଟି ମ୍ୟାଚ୍ ଖେଳିଛି ଏବଂ ଉଭୟ ଜିତିବାରେ ସଫଳ ହୋଇଛି |

ଏଥି ସହିତ ରାଜସ୍ଥାନ ରୟାଲ୍ସ ଦଳ ଦ୍ୱିତୀୟ ସ୍ଥାନରେ ରହିଛି। ବର୍ତ୍ତମାନ ହାଇଦ୍ରାବାଦ ତୃତୀୟ ସ୍ଥାନରେ ଏବଂ କେକେଆର୍ ଚତୁର୍ଥ ସ୍ଥାନରେ ରହିଛି। ଏହା ପରେ ପଞ୍ଜାବ କିଙ୍ଗ୍ସ ପଞ୍ଚମ ସ୍ଥାନରେ ରହିଛି। ପଞ୍ଜାବ ଏପର୍ଯ୍ୟନ୍ତ ୨ ଟି ମ୍ୟାଚ୍ ଖେଳିଛି ଯେଉଁଥିରେ ଗୋଟିଏ ଜିତିଛି ଏବଂ ଅନ୍ୟଟିରେ ହାରିଛି | ଆରସିବି ମଧ୍ୟ ୨ଟି ମ୍ୟାଚ୍ ଖେଳିଛି, ଗୋଟିଏ ଜିତି ଗୋଟିଏ ହାରି ଷଷ୍ଠ ସ୍ଥାନରେ ରହିଛି। ଗୁଜୁରାଟ ଟାଇଟାନ୍ସ ଦଳ ସପ୍ତମ ସ୍ଥାନରେ ରହିଛି। ଗୁଜୁରାଟ ମଧ୍ୟ ଦୁଇଟି ମ୍ୟାଚ ମଧ୍ୟରୁ ଗୋଟିଏ ଜିତିଛି। ଦିଲ୍ଲୀ କ୍ୟାପିଟାଲସ ଅଷ୍ଟମ ସ୍ଥାନରେ ଥିବାବେଳେ ମୁମ୍ବାଇ ଇଣ୍ଡିଆନ୍ସ ନବମ ନମ୍ବରରେ ରହିଛି। ଏହା ବ୍ୟତୀତ ଲକ୍ଷ୍ନ ସୁପର ଜିଆଣ୍ଟସ୍ ଦଳ ଶେଷ ସ୍ଥାନରେ ଯଥା ୧୦ ନମ୍ବରରେ ରହିଛି | ଲକ୍ଷ୍ନ ଏପର୍ଯ୍ୟନ୍ତ କେବଳ ଗୋଟିଏ ମ୍ୟାଚ୍ ଖେଳିଛି।
ଚେନ୍ନାଇର ଛକା ବର୍ଷାରେ ଫିକା ପଡିଲା ଗୁଜୁରାଟ, ୧୭ତମ ଥର ପାଇଁ ୫୦ରୁ ଅଧିକ ରନରେ ଜିତିଲା

ଚେନ୍ନାଇ ସୁପର କିଙ୍ଗସ୍ (ସିଏସକେ) ଗୁଜୁରାଟ ଟାଇଟାନ୍ସ (ଜିଟି) କୁ ଇଣ୍ଡିଆନ ପ୍ରିମିୟର ଲିଗ୍ -୨୦୨୪ ର ସପ୍ତମ ମ୍ୟାଚ୍ ରେ ୬୩ ରନ୍ ରେ ପରାସ୍ତ କରିଛି | ମଙ୍ଗଳବାର ଚେନ୍ନାଇ ଚୋପାକ୍ ଷ୍ଟାଡିୟମରେ ୨୦ ଓଭରରେ ୬ ୱିକେଟ୍ ରେ ୨୦୬ ରନ୍ ସଂଗ୍ରହ କରିଥିଲା । ଏହାର ଜବାବରେ ଗୁଜୁରାଟ ଦଳ ୮ ୱିକେଟ୍ ରେ ମାତ୍ର ୧୪୩ ରନ୍ ସ୍କୋର କରିପାରିଥିଲା ।

ଜିଟି ପ୍ରଥମ ଥର ପାଇଁ ୫୦ରୁ ଅଧିକ ରନ୍ ବ୍ୟବଧାନରେ ହାରିଲା | ଏଥି ସହିତ ଚେନ୍ନାଇ ୨୯ ତମ ଥର ପାଇଁ ୨୦୦ ରୁ ଅଧିକ ସ୍କୋର କରିଥିଲା। ପ୍ଲେୟାର ଅଫ୍ ଦି ମ୍ୟାଚ୍ ଶିବମ୍ ଦୁବେ ଗତ ୨ବର୍ଷରେ ୪୧ ଟି ଆଇପିଏଲ୍ ଛକା ମାରିସାରିଛନ୍ତି, ଯାହା ଟୁର୍ନାମେଣ୍ଟରେ ସର୍ବାଧିକ। ମ୍ୟାଚ୍ ରେ ପ୍ରସ୍ତୁତ ଶୀର୍ଷ ରେକର୍ଡଗୁଡିକ …

୧. ସିଏସକେ ସବୁଠାରୁ ଅଧିକଥର ୨୦୦+ ସ୍କୋର କରିଛି
୨୯ ତମ ଥର ପାଇଁ ସିଏସକେ ୨୦୦ ରୁ ଅଧିକ ସ୍କୋର କରିଛି | ଏହା ପୂର୍ବରୁ ମଧ୍ୟ ସିଏସକେ ଶୀର୍ଷରେ ଥିଲା | ସିଏସକେ ପରେ, ଆରସିବି ସର୍ବାଧିକ ୨୪ ଥର ୨୦୦ ରୁ ଅଧିକ ରନ୍ ସ୍କୋର ଅତିକ୍ରମ କରିଛି |

୨.ଗତ ୨ ବର୍ଷରେ ଦୁବେ ମାରିଛନ୍ତି ସର୍ବାଧିକ ଛକା
ଶିବମ୍ ଦୁବେ ଗୁଜରାଟ ବିପକ୍ଷରେ ୫ଟି ଛକା ମାରିଥିଲେ, ଏଥି ସହିତ ତାଙ୍କର ୨୦୨୩ ଆଇପିଏଲ ପରଠାରୁ ଏପର୍ଯ୍ୟନ୍ତ ସମୁଦାୟ ୪୧ଟି ଛକା ତାଙ୍କ ନାଁରେ ଯୋଡି ହୋଇଯାଇଛି । ସର୍ବାଧିକ ଛକା ମାରିଥିବା ଖେଳାଳିଙ୍କ ମଧ୍ୟରେ ସେ ପ୍ରଥମ ସ୍ଥାନ ଅଧିକାର କରିଛନ୍ତି। ସେ ଫାଫ୍ ଡୁପ୍ଲେକ୍ସ କୁ ପଛରେ ପକାଇଛନ୍ତି | ଡୁପ୍ଲେକ୍ସ ୨୦୨୩ ରୁ ଏପର୍ଯ୍ୟନ୍ତ ୩୬ଟି ଛକା ମାରିଛନ୍ତି |

୩. ରନ୍ ମାର୍ଜିନ୍ ଦ୍ୱାରା ଜିଟିର ସବୁଠାରୁ ବଡ ପରାଜୟ
ଆଇପିଏଲରେ ପ୍ରଥମ ଥର ପାଇଁ ଗୁଜୁରାଟ ଟାଇଟାନ୍ସ ୬୩ ରନରେ ପରାଜୟର ସମ୍ମୁଖୀନ ହୋଇଥିଲା। ରନ୍ ଦୃଷ୍ଟିରୁ ଏହା ହେଉଛି ଦଳର ସବୁଠାରୁ ବଡ ପରାଜୟ | ଏହାପୂର୍ବରୁ ୨୦୨୩ ମସିହାରେ ମୁମ୍ବାଇ ଇଣ୍ଡିଆନ୍ସ ୨୭ ରନରେ ଗୁଜୁରାଟ ଟାଇଟାନ୍ସ ପରାସ୍ତ କରିଥିଲା। ଦଳ ଟୁର୍ନାମେଣ୍ଟରେ ୩୫ଟି ମ୍ୟାଚ୍ ଖେଳିଛି ଏବଂ ମାତ୍ର ୧୧ ରେ ଦଳକୁ ପରାଜୟର ସମ୍ମୁଖୀନ ହେବାକୁ ପଡିଛି |

୪. ଚେନ୍ନାଇ ୧୭ତମ ଥର ପାଇଁ ୫୦+ ରନ୍ ରେ ଜିତିଛି
ଚେନ୍ନାଇ ସୁପର କିଙ୍ଗ୍ସ ୧୭ତମ ଥର ପାଇଁ ୫୦+ ରନ୍ ବ୍ୟବଧାନରେ ଜିତିଛି | ବର୍ତ୍ତମାନ ପର୍ଯ୍ୟନ୍ତ କୌଣସି ଦଳ ୧୩ ଥରରୁ ଅଧିକ ବଡ଼ ବ୍ୟବଧାନରେ ଜିତିବାକୁ ସକ୍ଷମ ହୋଇନାହାଁନ୍ତି | ଚେନ୍ନାଇ ପରେ ମୁମ୍ବାଇ ୧୩ଥର ୫୦+ ରନ୍ ବ୍ୟବଧାନରେ ଜିତିବାରେ ସକ୍ଷମ ହୋଇପାରିଛି।

୫. ଆଇପିଏଲ୍ ପାୱାରପ୍ଲେରେ ଅଧିକାଂଶ ୱିକେଟ୍ ନେଇଥିବା ଚହର ହେଉଛନ୍ତି ଦ୍ୱିତୀୟ ବୋଲର
ମଙ୍ଗଳବାର ପାୱାରପ୍ଲେରେ ସିଏସକେ ବୋଲର ଦୀପକ ଚହର ୨ଟି ୱିକେଟ୍ ନେଇଥିଲେ। ଏହା ସହ ସେ ଆଇପିଏଲ ପାୱାରପ୍ଲେରେ ସର୍ବାଧିକ ୱିକେଟ୍ ନେଇଥିବା ବୋଲରଙ୍କ ମଧ୍ୟରେ ଦ୍ୱିତୀୟ ସ୍ଥାନରେ ରହିଛନ୍ତି। ସେ ସନ୍ଦୀପ ଶର୍ମାଙ୍କୁ ପଛରେ ପକାଇ ଦୌଡ଼ର ଦ୍ୱିତୀୟ ସ୍ଥାନ ପାଇଛନ୍ତି । ପାୱାରପ୍ଲେରେ ସନ୍ଦୀପଙ୍କର ୫୫ ୱିକେଟ୍ ରହିଛି। ଚହର ବର୍ତ୍ତମାନ ସୁଦ୍ଧା ୫୬ ୱିକେଟ୍ ନେଇସାରିଛନ୍ତି। ପାୱାରପ୍ଲେରେ ଭୁବନେଶ୍ୱର କୁମାର ସର୍ବାଧିକ ୱିକେଟ୍ ନେଇଛନ୍ତି। ସେ ୧୫୮ ଇନିଂସରେ ୬୧ ୱିକେଟ୍ ନେଇଛନ୍ତି।
ହାର୍ଦ୍ଦିକ ରୋହିତ ଶର୍ମାଙ୍କୁ ନିଜ ଇସାରାରେ ପୁରା ଗ୍ରାଉଣ୍ଡରେ ଦୌଡ଼ାଇଲେ !

ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ମୁମ୍ବାଇ ଇଣ୍ଡିଆନ୍ସ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଗୁଜୁରାଟ ଟାଇଟାନ୍ସ ବିପକ୍ଷରେ ଆଇପିଏଲ୍ ୨୦୨୪ ର ପ୍ରଥମ ମ୍ୟାଚ୍ ହାରିଯାଇଛି । ମ୍ୟାଚ୍‌ରେ ଏପରି କିଛି ଦୃଶ୍ୟ ଦେଖିବାକୁ ମିଳିଥିଲା, ଯାହାକୁ ଆପଣ ଦେଖି କହିବେ ଯେ ହାର୍ଦ୍ଦିକ ପାଣ୍ଡ୍ୟା ମୁମ୍ବାଇର ଅଧିନାୟକ ହେବା ମାତ୍ରେ ରୋହିତ ଶର୍ମାଙ୍କ ସହ ଗଣ୍ଡଗୋଳ ଆରମ୍ଭ କରିଦେଇଛନ୍ତି । ମ୍ୟାଚ୍ ସମୟରେ କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ହାର୍ଦ୍ଦିକ ଫିଲ୍ଡିଂ ପାଇଁ ମୁମ୍ବାଇର ପୂର୍ବତନ ଅଧିନାୟକ ରୋହିତ ଶର୍ମାଙ୍କୁ ଫିଲଡିଂ ପାଇଁ ପୁରା ପଡିଆରେ ଦୌଡଉଥିବାର ଦୃଶ୍ୟ ଦେଖାଯାଇଛି ।

ଭିଡିଓରେ ଏହା ଦେଖିବାକୁ ମିଳେ ଯେ ପ୍ରଥମ ରୋହିତ ଶର୍ମା ଦୋୖଡିକି ଦ୍ୱିତୀୟ ଫିଲ୍ଡିଂ ସ୍ଥାନକୁ ଯିବାର ଦେଖିବାକୁ ମିଳେ । ରୋହିତ ତାଙ୍କସ୍ଥାନରେ ପହଞ୍ଚିଯାନ୍ତି , କିନ୍ତୁ ହାର୍ଦ୍ଦିକ ତାଙ୍କୁ ପୁଣି ଫିଲ୍ଡିଂ ସ୍ଥାନ ବଦଳାଇବାକୁ କହନ୍ତି ଏବଂ ମୁମ୍ବାଇର ପୂର୍ବତନ ଅଧିନାୟକ ତା’ପରେ ଅନ୍ୟ ଏକ ସ୍ଥାନକୁ ଯାଆନ୍ତି। ପ୍ରଥମେ ରୋହିତ ଶର୍ମା ଚାଲିକି ଯାନ୍ତି ଏବଂ ପରେ ହାର୍ଦ୍ଦିକଙ୍କଠାରୁ ସଙ୍କେତ ପାଇବା ପରେ ରୋହିତ ଫିଲ୍ଡିଂ ସ୍ଥାନକୁ ଦୌଡ଼ନ୍ତି |

ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଗୁଜୁରାଟ ଟାଇଟାନ୍ସ, ଶୁଭମାନ ଗିଲଙ୍କ ଅଧିନାୟକତ୍ୱରେ ୬ ରନ୍ ରେ ଜିତିଯାଇଥିଲେ। ପ୍ରତିଯୋଗିତା ଅତି ସଂଘର୍ଷ ହୋଇଥିଲା | ଟସ୍ ହାରିବା ପରେ ଗୁଜୁରାଟ ପ୍ରଥମେ ବ୍ୟାଟିଂ କରିବାକୁ ଆସି ୨୦ ଓଭରରେ ବୋର୍ଡରେ ୧୬୮/୬ ରନ୍ ସ୍କୋର କରିଥିଲା।
ମାର୍ଚ୍ଚ ୨୨ ରୁ ଆରମ୍ଭ ହେବ ଆଇପିଏଲର ୧୭ ତମ ସିଜନ, ପ୍ରଥମଦିନରେ ସିଏସକେ କୁ ଭେଟିବ ଆରସିବି

ଆଇପିଏଲ୍ ୨୦୨୪ : ଇଣ୍ଡିଆନ୍ ପ୍ରିମିୟର ଲିଗ୍ ର ୧୭ ତମ ସିଜନ୍ ମାର୍ଚ୍ଚ ୨୨ ରୁ ଆରମ୍ଭ ହେଉଛି | ପ୍ରଥମ ମ୍ୟାଚ୍ ଏମ ଚିଦାମ୍ବରମ୍ ଷ୍ଟାଡିୟମରେ ଖେଳାଯିବ ଯେଉଁଥିରେ ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ମୁହାଁମୁହିଁ ହେବ । ଯେହେତୁ ଭାରତରେ ଲୋକସଭା ନିର୍ବାଚନ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି, ଏପର୍ଯ୍ୟନ୍ତ ଆଇପିଏଲ ୨୦୨୪ ର ୨୧ ଟି ମ୍ୟାଚ୍ କାର୍ଯ୍ୟସୂଚୀ ଜାରି କରିଛି । ଏଠାରେ ଆପଣ ଜାଣିପାରିବେ ଆଇପିଏଲ୍ ୨୦୨୪ ର ମ୍ୟାଚ୍ କେବେ ଏବଂ କେଉଁ ଗ୍ରାଉଣ୍ଡରେ ଖେଳାଯିବ ଏବଂ ଆପଣ କେଉଁଠି ମ୍ୟାଚ୍ ର ଲାଇଭ୍ ଷ୍ଟ୍ରିମିଂ ଦେଖିପାରିବେ ତାହା ମଧ୍ୟ ଜାଣିପାରିବେ |

୨୨ ମାର୍ଚ୍ଚ, ୨୦୨୪- ଚେନ୍ନାଇ ସୁପର କିଙ୍ଗସ୍ ବନାମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର -ରାତି ୮ ରେ |

୨୩ ମାର୍ଚ୍ଚ, ୨୦୨୪ – ପଞ୍ଜାବ କିଙ୍ଗସ୍ ବନାମ ଦିଲ୍ଲୀ କ୍ୟାପିଟାଲସ -ଦିନ ୩:୩୦ ରେ |
୨୩ ମାର୍ଚ୍ଚ, ୨୦୨୪ – କୋଲକାତା ନାଇଟ୍ ରାଇଡର୍ସ ବନାମ ସନରାଇଜର୍ସ ହାଇଦ୍ରାବାଦ – ସନ୍ଧ୍ୟା ୭:୩୦ରେ |

୨୪ ମାର୍ଚ୍ଚ, ୨୦୨୪ – ରାଜସ୍ଥାନ ରୟାଲ୍ସ ବନାମ ଲଖନଉ ସୁପର ଜିଆଣ୍ଟସ୍ -ଦିନ ୩:୩୦ ରେ |

୨୪ ମାର୍ଚ୍ଚ, ୨୦୨୪ – ଗୁଜୁରାଟ ଟାଇଟାନ୍ସ ବନାମ ମୁମ୍ବାଇ ଇଣ୍ଡିଆନ୍ସ – ସନ୍ଧ୍ୟା ୭:୩୦ ରେ |

୨୫ ମାର୍ଚ୍ଚ, ୨୦୨୪ – ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ପଞ୍ଜାବ କିଙ୍ଗସ୍ – ସନ୍ଧ୍ୟା ୭:୩୦ ରେ|

୨୫ ମାର୍ଚ୍ଚ, ୨୦୨୪ – ଚେନ୍ନାଇ ସୁପର କିଙ୍ଗସ୍ ବନାମ ଗୁଜୁରାଟ ଟାଇଟାନ୍ସ – ସନ୍ଧ୍ୟା ୭:୩୦ ରେ |

୨୫ ମାର୍ଚ୍ଚ, ୨୦୨୪ – ସନରାଇଜର୍ସ ହାଇଦ୍ରାବାଦ ବନାମ ମୁମ୍ବାଇ ଇଣ୍ଡିଆନ୍ସ -ସନ୍ଧ୍ୟା ୭:୩୦ ରେ |

୨୫ ମାର୍ଚ୍ଚ, ୨୦୨୪ – ରାଜସ୍ଥାନ ରୟାଲ୍ସ ବନାମ କ୍ୟାପିଟାଲସ – ସନ୍ଧ୍ୟା ୭:୩୦ ରେ |

୨୮ ମାର୍ଚ୍ଚ, ୨୦୨୪ – ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ କୋଲକାତା ନାଇଟ୍ ରାଇଡର୍ସ – ସନ୍ଧ୍ୟା ୭:୩୦ ରେ |

୨୯ ମାର୍ଚ୍ଚ, ୨୦୨୪ – ଲଖନଉ ସୁପର ଜଏଣ୍ଟସ୍ ବନାମ ପଞ୍ଜାବ କିଙ୍ଗସ୍ – ସନ୍ଧ୍ୟା ୭:୩୦ ରେ |

୩୦ ମାର୍ଚ୍ଚ, ୨୦୨୪ – ଗୁଜୁରାଟ ଟାଇଟାନ୍ସ ବନାମ ସନରାଇଜର୍ସ ହାଇଦ୍ରାବାଦ -ଦିନ ୩:୩୦ ରେ |

୩୧ ମାର୍ଚ୍ଚ, ୨୦୨୪ – ଦିଲ୍ଲୀ କ୍ୟାପିଟାଲସ ବନାମ ଚେନ୍ନାଇ ସୁପର କିଙ୍ଗସ୍ – ସନ୍ଧ୍ୟା ୭:୩୦ ରେ |

୧ ଏପ୍ରିଲ୍, ୨୦୨୪ – ମୁମ୍ବାଇ ଇଣ୍ଡିଆନ୍ସ ବନାମ ରାଜସ୍ଥାନ ରୟାଲ୍ସ – ସନ୍ଧ୍ୟା ୭:୩୦ ରେ |

୨ ଏପ୍ରିଲ୍, ୨୦୨୪ – ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ଲଖନଉ ସୁପର ଜିଆଣ୍ଟସ୍ – ସନ୍ଧ୍ୟା ୭:୩୦ ରେ |

୩ ଏପ୍ରିଲ୍, ୨୦୨୪ – ଦିଲ୍ଲୀ କ୍ୟାପିଟାଲସ ବନାମ କୋଲକାତା ନାଇଟ୍ ରାଇଡର୍ସ – ସନ୍ଧ୍ୟା ୭:୩୦ ରେ|

୪ ଏପ୍ରିଲ୍, ୨୦୨୪ – ଗୁଜୁରାଟ ଟାଇଟାନ୍ସ ବନାମ ପଞ୍ଜାବ କିଙ୍ଗସ୍ -ସନ୍ଧ୍ୟା ୭:୩୦ ରେ |

୫ ଏପ୍ରିଲ୍, ୨୦୨୪ – ସନରାଇଜର୍ସ ହାଇଦ୍ରାବାଦ ବନାମ ଚେନ୍ନାଇ ସୁପର କିଙ୍ଗସ୍ – ସନ୍ଧ୍ୟା ୭:୩୦ ରେ |

୬ ଏପ୍ରିଲ୍, ୨୦୨୪ – ରାଜସ୍ଥାନ ରୟାଲ୍ସ ବନାମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର -ସନ୍ଧ୍ୟା ୭:୩୦ ରେ |

୭ ଏପ୍ରିଲ୍, ୨୦୨୪ – ମୁମ୍ବାଇ ଇଣ୍ଡିଆନ୍ସ ବନାମ ଦିଲ୍ଲୀ କ୍ୟାପିଟାଲସ -ଦିନ ୩:୩୦ ରେ |

୭ ଏପ୍ରିଲ୍, ୨୦୨୪ – ଲଖନଉ ସୁପର ଜିଆଣ୍ଟସ୍ ବନାମ ଗୁଜୁରାଟ ଟାଇଟାନ୍ସ -ସନ୍ଧ୍ୟା ୭:୩୦ ରେ |

ଟିଭିରେ ଆଇପିଏଲ୍ ୨୦୨୪ ଲାଇଭ୍ ଦେଖୁଥିବା କ୍ରିକେଟ୍ ପ୍ରେମୀମାନେ ଷ୍ଟାର୍ ସ୍ପୋର୍ଟସ୍ ଚ୍ୟାନେଲରେ ବିଭିନ୍ନ ଭାଷାରେ ମ୍ୟାଚ୍ ଉପଭୋଗ କରିପାରିବେ | ଯଦି ଆପଣ ଏକ ଆଣ୍ଡ୍ରଏଡ୍ ଡିଭାଇସ୍ (ମୋବାଇଲ୍, ଟାବଲେଟ୍ କିମ୍ବା ଟିଭି) ରେ ଲାଇଭ୍ ଷ୍ଟ୍ରିମ୍ ଦେଖିବାକୁ ଚାହାଁନ୍ତି, ତେବେ ଜିଓ ସିନେମା ପ୍ରୟୋଗରେ ଲାଇଭ୍ ମ୍ୟାଚ୍ ଉପଲବ୍ଧ ହେବ |
ଆମ୍ବସର୍ ମୁଣ୍ଡା କ୍ରିକେଟ୍, ରେଢ଼ାଖୋଲ ବିଜୟୀ

ଆଠମଲ୍ଲିକ ବ୍ଲକ ଆମ୍ବସର୍ ମୁଣ୍ଡା ପଞ୍ଚାୟତ ଖେଳ ପଡିଆ ଠାରେ ଚାଲିଥିବା ପଞ୍ଚାୟତ ସ୍ତରୀୟ କ୍ରିକେଟ୍ ମ୍ୟାଚ୍ ର ଆଜି ଉଦଯାପିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ କେନ୍ଦ୍ର ସରକାରଙ୍କ ଶିକ୍ଷା ଓ ଦକ୍ଷତା ଉଦ୍ୟମିତା ମନ୍ତ୍ରୀ ଙ୍କ ସହଧର୍ମିଣୀ ତଥା ବିକାଶ ଫାଉଣ୍ଡେସନର ଅଧ୍ୟକ୍ଷା ମୃଦୂଳା ଠାକୁର୍ ଯୋଗ ଦେଇ ବିଜୟୀ ରେଢ଼ାଖୋଲ ଟିମ୍ କୁ ଟ୍ରଫି ପ୍ରଦାନ କରିଥିଲେ।

ମୁଖ୍ୟ ବକ୍ତା ଭାବେ ପୂର୍ବତନ ମନ୍ତ୍ରୀ ତଥା ବିଜେପି ରାଜ୍ୟ କାର୍ଯ୍ୟ କାରିଣୀ ସଦସ୍ୟ ସଞ୍ଜୀବ କୁମାର୍ ସାହୁ, ସମ୍ମାନିତ ଅତିଥି ଭାବେ ଜିଲ୍ଲା ବିଜେପି ସଭାପତି ଦିଲେଶ୍ୱର୍ ପ୍ରଧାନ, ଗଗନ ବିହାରୀ ବାରିକ, ପ୍ରବୀଣ କୁମାର ସାହୁ, ସରପଞ୍ଚ ସସ୍ମିତା ସେଠୀ, ହୃଦାନନ୍ଦ ପ୍ରଧାନ, ଅଜିତ୍ କୁମାର ପ୍ରଧାନ ପ୍ରମୁଖ ଯୋଗ ଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ଏଥିରେ ବହୁତ୍ କ୍ରୀଡ଼ାପ୍ରେମୀ ଯୋଗଦେଇ ଖେଳ ଉପଭୋଗ କରିଥିଲେ।
ଜିଲ୍ଲା ସ୍ତରୀୟ ଫୁଟବଲ ଟୁର୍ନାମେଣ୍ଟ

ଯୁବ ସମାଜ ସେବି ବାବୁଲି ସ୍ୱାଇଁଙ୍କ ପ୍ରଚେଷ୍ଟାରେ ଓ ସ୍ଥାନୀୟ ବାସିନ୍ଦାଙ୍କ ସହଯୋଗରେ କେନ୍ଦ୍ରାପଡ଼ା ଡେରାବିଶ ହରିଅଙ୍କ-ଭୋଳାହାଟ ଖେଳ ପଡିଆରେ ଜୟ ଦୁର୍ଗା ଆଥଲେଟିକ ଆସୋସିଏସନ ତରଫରୁ ଜିଲ୍ଲା ସ୍ତରୀୟ ଫୁଟବଲ ଟୁର୍ନାମେଣ୍ଟ ଆୟୋଜିତ ହୋଇଯାଇଛି। ଦୀର୍ଘ ୮ ଦିନ ଧରି ଏଠାରେ ଫୁଟବଲ ମ୍ୟାଚ ଜାରି ରହିଥିଲା । ଜଗତସିଂହପୁର, ବାଲେଶ୍ୱର, ଢେଙ୍କାନାଳ, କଟକ, ମୟୁରଭଞ୍ଜର ଅନେକ ପ୍ରତିଭାବାନ ଫୁଟବଲ ଟିମ ଆସି ଏଠାରେ ମ୍ୟାଚ ଖେଳିଥିଲେ । ଗୋଟିଏ ଦିନ ବାଲେଶ୍ୱର ଚାନ୍ଦିପୁର ମହିଳା ଫୁଟବଲ ଟିମ ଓ ଢେଙ୍କାନାଳ ମହିଳା ଫୁଟବଲ ଟିମ ମଧ୍ୟରେ ପ୍ରଦର୍ଶନୀ ମ୍ୟାଚ ଆୟୋଜିତ ହୋଇଥିଲା। ଯେଉଁଥିରେ କି ବାଲେଶ୍ୱର ଚାନ୍ଦିପୁର ମହିଳା ଫୁଟବଲ ଟିମ ବିଜୟ ହାସଲ କରିଥିଲେ.କେନ୍ଦ୍ରାପଡ଼ା ଜିଲ୍ଲାରେ ଏଭଳି ବିଶାଳ ଫୁଟବଲ ମହାକୁମ୍ଭ କେବଳ ଡେରାବିଶ ଭୋଳାହାଟ ଖେଳ ପଡ଼ିଆରେ ହିଁ ପଚିଶ ବର୍ଷ ହେବ ଆୟୋଜିତ ହୋଇ ଆସୁଛି ଶେଷ ଫାଇନାଲ ମ୍ୟାଚରେ ପାରାଦ୍ୱୀପ-କୁଜଙ୍ଗ ଫୁଟବଲ ଟିମ ସହ ଜିଲ୍ଲା ଖ୍ରୀଷ୍ଟାନନ୍ଦ ପୁର ଫୁଟବଲ ଟିମର ମ୍ୟାଚ ଅତ୍ୟନ୍ତ ଚିତାକର୍ଷକ ହୋଇଥିଲା । ଶେଷରେ ଖ୍ରୀଷ୍ଟାନନ୍ଦପୁର ଫୁଟବଲ ଟିମ ୪-୦ ଗୋଲରେ ବିଜୟ ହାସଲ କରି ଚାମ୍ପିୟାନ ହୋଇଥଲେ। ଶେଷ ଦିନରେ ଅତିଥି ଭାବେ ରାଜ୍ୟ ବିଜେଡି ଯୁବ ନେତା ତଥା ଉଠା ଜଳ ସେଚନ ନିଗମ ଅଧକ୍ଷ ଅମରେସ ପତ୍ରି ଓ ବରିଷ୍ଟ ସମାଜ ସେବି ଅଜୟ ରାଉତ ଯୋଗ ଦେଇ ବିଜେତା ଦଳଙ୍କୁ ଟ୍ରଫି ପ୍ରଦାନ କରିବା ସହ ଶ୍ରେଷ୍ଠ ଖେଳାଳି ମାନଙ୍କୁ ସମ୍ମାନିତ କରିଥିଲେ । ହଜାର ହାଜର ସଂଖ୍ୟକ ଦର୍ଶକ ଖେଳକୁ ଦେଖିଥିଲେ ।