କମର୍ସିଆଲ୍ ଗ୍ୟାସ୍ ସଙ୍କଟର ପ୍ରଭାବରେ ଖାଇବା ଥାଳି ଦାମ୍ ବଢିଯାଇଛି। Middle Eastରେ ଚାଲିଥିବା ଯୁଦ୍ଧ ପରିସ୍ଥିତି ଯୋଗୁଁ କମର୍ସିଆଲ୍ ଗ୍ୟାସ୍ ଯୋଗାଣରେ ବାଧା ସୃଷ୍ଟି ହୋଇଛି। ଏହାର ସିଧା ପ୍ରଭାବ ହୋଟେଲ୍ ଓ ଟିଫିନ୍ ବ୍ୟବସାୟରେ ପଡ଼ିଛି, ଯାହା ଟିଫିନ୍, ଲଞ୍ଚ ଓ ଡିନର ଥାଳି ସବୁର ଦାମ୍ ବୃଦ୍ଧି ପାଇଛି।
ପୂର୍ବରୁ ଯେଉଁ ଟିଫିନ୍ ୨୦ ଟଙ୍କାରେ ମିଳୁଥିଲା, ଏବେ ତାହା ୩୦ ଟଙ୍କାକୁ ପହଞ୍ଚିଛି। ସେହିପରି ଲଞ୍ଚ ଥାଳି ଯାହା ୮୦ ଟଙ୍କା ଥିଲା, ଏବେ ୧୦୦ ଟଙ୍କା ପର୍ଯ୍ୟନ୍ତ ହୋଇଯାଇଛି। ଗ୍ୟାସ୍ ଦାମ୍ ବୃଦ୍ଧି ଓ ଯୋଗାଣ ସଙ୍କଟର ପ୍ରଭାବରେ ଛୋଟ ହୋଟେଲ୍ ଠାରୁ ବଡ଼ ହୋଟେଲ୍ ପର୍ଯ୍ୟନ୍ତ ସମସ୍ତେ ଦାମ୍ ବଢାଇବାକୁ ବାଧ୍ୟ ହୋଇଛନ୍ତି।
ଏହି ଦାମ୍ ବୃଦ୍ଧି ନେଇ ସାଧାରଣ ଖାଉଟିଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଦୈନିକ ଜୀବନରେ ଖାଦ୍ୟ ଖର୍ଚ୍ଚ ବଢିଯିବାରୁ ମଧ୍ୟବର୍ଗ ଓ ନିମ୍ନମଧ୍ୟବର୍ଗ ପରିବାରଗୁଡ଼ିକ ସବୁଠାରୁ ଅଧିକ ପ୍ରଭାବିତ ହେଉଛନ୍ତି।