ପ୍ରେମକୁ ନେଇ ଆଜିକାଲିର ଯୁବକ, ଯୁବତୀଙ୍କ ମଧ୍ୟରେ ଅନେକ ସମୟରେ କିଛି ବିବାଦ ଦେଖିବାକୁ ମିଳିଥାଏ। କିଏ ପ୍ରେମରେ ଅନ୍ୟର ଜୀବନ ନେଉଛି ତ ଆଉ କିଏ ପାଗଳ ହୋଇ ଆତ୍ମହତ୍ୟା କରୁଛି।
ତେବେ ଏହା ମଧ୍ୟରେ ଏକ ଘଟଣା ସାମ୍ନାକୁ ଆସିଛି, ଜଣେ ଯୁବକ ‘ଆଇ ଲଭ୍ ୟୁ’ କହିବା କାରଣରୁ ଜଣେ ଯୁବତୀ କ୍ରୋଧାନ୍ୱିତ ହୋଇ ଚପଲରେ ପିଟିଛନ୍ତି । ଏବେ ସୋସିଆଲ ମିଡ଼ିଆରେ ଏହି ଘଟଣାର ଭିଡିଓ ଭାଇରାଲ ହେବାରେ ଲାଗିଛି ।
ଉତ୍ତରପ୍ରଦେଶର ଆଗ୍ରାର ସଡ଼କ ମଝିରେ ଦେଖିବାକୁ ମିଳିଥିଲା ଏହି ଦୃଶ୍ୟ । ଜଣେ ଯୁବକ‘ଆଇ ଲଭ୍ ୟୁ’କହିବାରୁ ଯୁବତୀ ଓ ତାଙ୍କର ବାନ୍ଧବୀ ଯୁବକଙ୍କୁ ଚପଲରେ ପିଟିଥିଲେ ।
କମଲା ନଗରରେ ଏହି ଘଟଣା ଘଟିଥିବାର ସୂଚନା ମିଳୁଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଯୁବକଙ୍କୁ ଉଦ୍ଧାର କରିବା ସହିତ ମାମଲା ଦାୟର କରିଥିଲା ।
ଘଟଣାଟି ସକାଳ ସମୟରେ ଘଟିଥିଲା । ଦୁଇଜଣ ଯୁବତୀ ପ୍ରଥମେ ଯୁବକଙ୍କୁ ରାସ୍ତା ମଝିରେ ଧରିଥିଲେ । ଏହାପରେ ଜଣେ ଯୁବତୀ ଗାଲକୁ ଚାପୁଡ଼ା ମାରିଥିଲେ ଓ ତା’ପରେ ଅନ୍ୟ ଯୁବତୀ ହାତରେ ଚପଲ ଧରି ଯୁବକଙ୍କୁ ପିଟିଥିଲେ ।
ପିଟିବା ସମୟରେ ‘ଆଇ ଲଭ ୟୁ’ କହ ବୋଲି ଜଣେ ଯୁବତୀ କହୁଥିଲେ । ଏହି ଦୃଶ୍ୟ ଦେଖି ରାସ୍ତାରେ ଲୋକଙ୍କ ଭିଡ଼ ଜମିଥିଲା । ତେବେ ଯୁବତୀଙ୍କୁ ଅସଦାଚରଣ କରିବା ଅଭିଯୋଗରେ ଯୁବକଙ୍କୁ ପୋଲିସ ଗିରଫ କରିଥିବା ଜଣାପଡ଼ିଛି ।