Tag: #CM

ବାଲିଆପାଳ ମାଛ ଚାଷୀଙ୍କୁ ଠିକିଦେଲା ସାମୁଦ୍ରିକ ମତ୍ସ୍ୟ ବିଭାଗ, ଡଙ୍ଗା ତିଆରି ପାଇଁ କାର୍ଯ୍ୟାଦେଶ ଦେଲା ହେଲେ ଟଙ୍କା ଦେଲାନି, ଚିନ୍ତାରେ ମତ୍ସ୍ୟଜୀବୀ

ସରକାର ମତ୍ସ୍ୟଜିବୀ ମାନଙ୍କ ପାଇଁ ବିଭିନ୍ନ ପ୍ରକାରର ଯୋଜନା କରିଛନ୍ତି, ମାତ୍ର କିଛି ଦୁର୍ନୀତିଗ୍ରସ୍ତ ଅସାଧୁ ଅଧିକାରୀ ମାନଙ୍କ ପାଇଁ ଏହି ଯୋଜନା ହେଉଛି ବାଟବଣା,ସମୁଦ୍ରରୁ ମାଛ ମାରି ଜୀବିକା ନିର୍ବାହ କରୁଥିବା ମତ୍ସ୍ୟଜୀବୀ ମାନେ ଡଙ୍ଗା ତିଆରି ସହାୟତା ପାଇଁ ମନୋନୀତ ହୋଇଥିଲେ ମଧ୍ୟ ଅଧିକାରୀ ମାନଙ୍କୁ ହାତଗୁଞ୍ଜା ଦେଇ ନପାରି ସହାୟତା ପାଇବାରୁ ବଞ୍ଚିତ ହୋଇଛନ୍ତି । ବାଲେଶ୍ବର ବାଲିଆପାଳ ରୁ ଦେଖନ୍ତୁ ଏହି ରିପୋର୍ଟ।

ଦୁର୍ନୀତିଗ୍ରସ୍ତ ଅଧିକାରୀଙ୍କ ପାଇଁ ରୃଣ ଭାରରେ ବୁଡ଼ିଲେ ମତ୍ସ୍ୟଜୀବୀ, ସରକାରଙ୍କ ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନାରୁ ଡଙ୍ଗା ତିଆରି ପାଇଁ କାର୍ଯ୍ୟାଦେଶ ପାଇଲେ,ମାତ୍ର ହାତଗୁଞ୍ଜା ଦେଇ ନପାରିବାରୁ ଟଙ୍କା ପାଇଲେନି, ଯାହା ଫଳରେ ଡଙ୍ଗା ତିଆରି ପାଇଁ କରିଥିବା ଋଣ ପରିଶୋଧ କରି ନପାରି ୠଣ ଭରରେ ବୁଡ଼ି ରହିଛନ୍ତି, ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ସମୁଦ୍ର ଉପକୂଳବର୍ତ୍ତୀ ଚୈମୁଖ ଏବଂ ଡଗରା ଅଞ୍ଚଳରେ,୨୦୨୨-୨୩ ଆର୍ଥିକ ବର୍ଷରେ ଏହି ଅଞ୍ଚଳରେ ୬ ଜଣ ମତ୍ସ୍ୟଜୀବୀଙ୍କୁ ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନାରେ ଯନ୍ତ୍ରଚାଳିତ ଡଙ୍ଗା ତିଆରି ପାଇଁ ବିଭାଗୀୟ ଅଧିକାରୀ କାର୍ଯ୍ୟାଦେଶ ଦେଇଥିଲେ, ହିତାଧିକାରୀ ମାନେ ବ୍ୟାଙ୍କ ଋଣ ଏବଂ ଧାର ଉଧାରି କରି ଡଙ୍ଗା ତିଆରି କରି ବିଭାଗୀୟ ଅଧିକାରୀ ଙ୍କ ନିକଟକୁ ଦୈଡି ଦୈଡି ନୟାନ୍ତ ହୋଇଥିଲେ ମଧ୍ୟ ଏଥିପ୍ରତି ଅଧିକାରୀ କର୍ଣ୍ଣପାତ କରୁ ନାହାନ୍ତି କି ଜିଓ ଟ୍ୟାଗ କରୁ ନାହାନ୍ତି,ଯାହା ଫଳରେ ଉଧାର ଟଙ୍କା ଫେରସ୍ତ କରି ନପାରି ଚିନ୍ତାରେ ପଡ଼ିଛନ୍ତି ।

ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନାରେ ଡଗରା ଏବଂ ଚୈମୁଖ ଅଞ୍ଚଳରୁ ୨୦ ଜଣ ମତ୍ସ୍ୟଜୀବୀଙ୍କୁ ଯନ୍ତ୍ରଚାଳିତ ଡଙ୍ଗା ତିଆରି କରି କାର୍ଯ୍ୟାଦେଶ ମିଳିଥିଲା, ବାଲିଆପାଳ ରେ ସାମୁଦ୍ରିକ ମତ୍ସ୍ୟ ବିଭାଗ କାର୍ଯ୍ୟାଳୟ ଥାଇ ମଧ୍ୟ ଚନ୍ଦନେଶ୍ୱର ସାମୁଦ୍ରିକ ମତ୍ସ୍ୟ ବିଭାଗ କାର୍ଯ୍ୟାଳୟ ମାଧ୍ୟମରେ ୧୪ ଜଣକ ଭେରିଫିକେସନ ହୋଇ ଟଙ୍କା ମିଳିଲା ମାତ୍ର ବର୍ତ୍ତମାନ ସୁଦ୍ଧା ୬ ଜଣଙ୍କର ଭେରିଫିକେସନ ହେଲା ନାହିଁ କି ଟଙ୍କା ମିଳିଲା ନାହିଁ, ସୁଚନା ଅନୁସାରେ ଚନ୍ଦନେଶ୍ୱର ସାମୁଦ୍ରିକ ମତ୍ସ୍ୟ ବିଭାଗ ଅଧିକାରୀ ଅଧିନରେ ଥିବା ବିଲ୍ଡର ମଧ୍ୟରେ ୩୦ ପ୍ରତିଶତ ହାତଗୁଞ୍ଜା ଯେଉଁ ମାନେ ଦେଉଛନ୍ତି ସେମାନଙ୍କୁ ଡଙ୍ଗା ତିଆରି ବାବଦରେ ଟଙ୍କା ମିଳୁଛି ଯେଉଁ ମାନେ ହାତଗୁଞ୍ଜା ଦେବାକୁ ବାରଣ କରିଛନ୍ତି ସେମାନଙ୍କୁ ଟଙ୍କା ମିଳୁନାହିଁ ବୋଲି ଅଭିଯୋଗ ହୋଇଛି, ଯାହାଫଳରେ ବାଲିଆପାଳ ୬ ଜଣ ମତ୍ସ୍ୟଜୀବୀଙ୍କୁ ବର୍ତ୍ତମାନ ସୁଦ୍ଧା ସେମାନଙ୍କ ଟଙ୍କା ମିଳୁନାହିଁ,ପୁଣି ୨୦୨୩ -୨୪ ଆର୍ଥିକ ବର୍ଷରେ ବାଲିଆପାଳ ର ୨୭ ଜଣ ଏବଂ ଚନ୍ଦନେଶ୍ୱର ର ୨୧ ଜଣ ଡଙ୍ଗା ତିଆରି କରିବା ପାଇଁ ଆବେଦନ କରିଥିଲେ ମାତ୍ର ଚନ୍ଦନେଶ୍ୱର ର ୧୪ ଜଣକୁ ଡଙ୍ଗା ତିଆରି ପାଇଁ କାର୍ଯ୍ୟାଦେଶ ମିଳିଥିଲା ବେଳେ ବାଲିଆପାଳ ର କାହାକୁ ବି କାର୍ଯ୍ୟାଦେଶ ମିଳି ନଥିଲା,ଯାହାକୁ ନେଇ ରାଜ୍ୟ ମତ୍ସ୍ୟ ନିର୍ଦ୍ଦେଶାଳୟ ଙ୍କ ନିକଟରେ ଅଭିଯୋଗ ହୋଇଥିଲା,ଗତ ୨୦୨୫ ସେପ୍ଟେମ୍ବର ମାସରେ ଚନ୍ଦନେଶ୍ୱର ସାମୁଦ୍ରିକ ମତ୍ସ୍ୟ ଅଧିକାରୀ ଅନନ୍ତ ଜେନା ଏବଂ ବାଲେଶ୍ବର ସାମୁଦ୍ରିକ ମତ୍ସ୍ୟ ଅଧିକାରୀ ସିଏଚ୍ ପଲ୍ଲବୀ ଙ୍କ ବିରୁଦ୍ଧରେ ଅନୁସନ୍ଧାନ ପାଇଁ ନିର୍ଦ୍ଦେଶ ଦେଇଥିଲେ କଟକ ମତ୍ସ୍ୟ ନିର୍ଦ୍ଦେଶାଳୟ, ମାତ୍ର ତାର କୈଣସି କାର୍ଯ୍ୟାନୁଷ୍ଠାନ ହେଉ ନଥିବା ଅଭିଯୋଗ ହୋଇଛି, ତେବେ ଜିଲ୍ଲା ସାମୁଦ୍ରିକ ମତ୍ସ୍ୟ ଅଧିକାରୀ ସିଏଚ୍ ପଲ୍ଲବୀ ଏବଂ ଡଗରା ଅଞ୍ଚଳର ଜଣେ ମତ୍ସ୍ୟଜୀବୀ ନାରାୟଣ ବେହେରା ଙ୍କ ମଧ୍ୟରେ ଫୋନ୍ ଯୋଗେ ହୋଇଥିବା କଥାବାର୍ତ୍ତା ରୁ ଜଣା ପଡୁଛି ଅଧିକାରିଣୀ ଶ୍ରୀମତୀ ପଲ୍ଲବୀ ବୁଲେଇ ବଙ୍କେଇ କହୁଥିବା କଥାରୁ ପିସି କଥାକୁ ସ୍ବୀକାର କରୁଛନ୍ତି ବୋଲି ଜଣାପଡ଼ୁଛି । ସାମୁଦ୍ରିକ ମତ୍ସ୍ୟ ବିଭାଗ ଅଧିକାରୀ ଏନେଇ ବାଲିଆପାଳ ସାମୁଦ୍ରିକ ମତ୍ସ୍ୟ ବିଭାଗ ଅଧିକାରୀଙ୍କୁ ପଚାରିବାରୁ ସେମାନଙ୍କ ଜିଓ ଟ୍ୟାଗ ହୋଇ ନଥିବାରୁ ସେମାନଙ୍କୁ ଡଙ୍ଗା ନିର୍ମାଣ ଅର୍ଥ ମିଳିବ ନାହିଁ ବୋଲି କହିଛନ୍ତି,ତେବେ କାହିଁକି ଜିଓ ଟ୍ୟାଗ ହୋଇନାହିଁ ବୋଲି ପଚାରିବାରୁ ସନ୍ତୋଷଜନକ ଉତ୍ତର ଦେଇ ପାରିନଥିଲେ, ତେବେ ଆସନ୍ତା ୧୫ ଦିନ ମଧ୍ୟରେ କୌଣସି ପଦକ୍ଷେପ ଗ୍ରହଣ କରା ନଗଲେ ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି ମତ୍ସ୍ୟଜୀବୀ।
ବନ୍ଦ ହୋଇପାରେ ୫୦୦ ଟଙ୍କିଆ ନୋଟ୍‌! ଦୁର୍ନୀତି ରୋକିବାକୁ ନିଷ୍ପତ୍ତି ନେଇପାରନ୍ତି ସରକାର

ପୁଣି ବନ୍ଦ ହେବ କି ୫୦୦ ଟଙ୍କିଆ ନୋଟ୍‌ । ଏମିତି ଚର୍ଚ୍ଚା ବି ଆରମ୍ଭ ହୋଇଗଲାଣି । ଖାସ୍‌ କରି ଆନ୍ଧ୍ରର ମୁଖ୍ୟମନ୍ତ୍ରୀ ଏନ୍‌ ଚନ୍ଦ୍ରବାବୁ ନାଇଡୁ ବୟାନ ଦେବା ପରେ ଚର୍ଚ୍ଚା ଆହୁରି ବଢିଯାଇଛି । କାରଣ ସେ ସ୍ପଷ୍ଟ ଭାବରେ କହିଛନ୍ତି, ଦୁର୍ନୀତିକୁ ବନ୍ଦ କରିବାକୁ ହେଲେ ୫୦୦ ଟଙ୍କିଆ ନୋଟ୍‌ ବନ୍ଦ ହେବା ଦରକାର । କଥାହେଲା ଏନଡିଏରେ ସେ ସାମିଲ ଥିବାରୁ ତାଙ୍କ ବୟାନ ବେଶ୍‌ ଗୁରୁତ୍ବପୂର୍ଣ୍ଣ ରହୁଛି । ପୂର୍ବରୁ ବି ମୋଦୀ ସରକାର ନୋଟ୍‌ବନ୍ଦୀ କରିଥିଲେ । ଯାହାଦ୍ବାରା କୋଟି କୋଟି ଲୋକ ହଇରାଣ ହୋଇଥିଲେ । ଏବେ ପୁଣି ଥରେ ନୋଟ୍‌ବନ୍ଦୀ ହେଉଥିବାରୁ ସୋସିଆଲ ମିଡିଆରେ ବେଶ୍‌ ଚର୍ଚ୍ଚା ଚାଲିଲାଣି ।

ପୂରା ଦେଶରେ ଏବେ ଦୁର୍ନୀତି ହେଉଥିବା ଦେଖାଯାଉଛି । ଅଫିସରଙ୍କଠୁ ଆରମ୍ଭ କରି ସରକାରୀ କର୍ମଚାରୀମାନେ ପିସି ନନେଲେ କିଛି କାମ କରୁନାହାନ୍ତି । ନିଇତି କେଉଁଠି ଭିଜିଲାନ୍ସ ରେଡ୍‌ ହେଉଛି ତ ଆଉ କେଉଁଠି ଇଡି ଓ ସିବିଆଇ ଚଢାଉ ହେଉଛି । ଓଡ଼ିଶାରେ ବି ରବିବାର ରାତିରେ ଧର୍ମଗଡ଼ ଉପଜିଲ୍ଲାପାଳଙ୍କ ଘରେ ରେଡ୍‌ ମାରିଥିଲା ଟିମ୍ ଭିଜିଲାନ୍ସ । ପାଖାପାଖି ୪୭ ଲକ୍ଷ ଟଙ୍କା ପ୍ରାଥମିକ ଭାବରେ ମିଳିଥିଲା । ଯେଉଁଥିରେ ୫୦୦ ଟଙ୍କିଆ ନୋଟ୍‌ ଥିବାର ଦେଖାଯାଇଥିଲା । ତେଣୁ ବାବୁମାନେ କେଉଁପରି ଭାବରେ ଦୁର୍ନୀତି କରୁଛନ୍ତି ତାହା ସମସ୍ତେ ଜାଣନ୍ତି । ଏହି ସମୟରେ ଜଣେ ମୁଖ୍ୟମନ୍ତ୍ରୀ ଯେଉଁ ବୟାନ ଦେଇଛନ୍ତି ତାହାକୁ ନେଇ ଚର୍ଚ୍ଚା ବଢିଛି ।

ରାଜ୍ୟରେ ଚାଲିଥିବା ଜନକଲ୍ୟାଣକାରୀ ଯୋଜନାକୁ ନେଇ ଚନ୍ଦ୍ରବାବୁ କହିଛନ୍ତି, ପୂର୍ବରୁ ଏତେ ଯୋଜନା ନଥିଲା । ହେଲେ ଏବେ ଅନେକ ଯୋଜନା ସରକାର କଲେଣି । ହେଲେ ଦୁଃଖର କଥା ଗରିବ ଓ ଧନୀ ଲୋକଙ୍କ ମଧ୍ୟରେ ଅନ୍ତର ବଢିବାରେ ଲାଗିଛି । ଏହାସହ ଉଭୟ ଜାତିଭିତ୍ତିକ ଓ କୁଶଳୀ ଜନଗଣନା ହେବା ଦରକାର । ଏହାସହ ସେ କହିଛନ୍ତି, ହିନ୍ଦୀଭାଷା ଆମର ରାଷ୍ଟ୍ରଭାଷା । ତେଣୁ ସେହି ଭାଷାକୁ ଶିଖିଲେ ଅସୁବିଧା ନାହିଁ । ମାତୃଭାଷା ଶିଖିବା ଯେତିକି ଜରୁରୀ, ରାଷ୍ଟ୍ରୀୟ ଭାଷା ଶିଖିବା ସେତିକି ଜରୁରୀ ବୋଲି ସେ କହିଛନ୍ତି ।

ମୋଟ୍‌ ଉପରେ, ଚନ୍ଦ୍ରବାବୁ ଦେଇଥିବା ବୟାନକୁ ନେଇ ଏବେ ଭାରି ଚର୍ଚ୍ଚା । କାରଣ ନୋଟବନ୍ଦୀକୁ ନେଇ ସେ ଯେଉଁ ଇସାରା ଦେଇଛନ୍ତି ଯଦି ସତ ହୁଏ ତାହେଲେ ଲୋକେ ହଇରାଣ ହେବେ ବୋଲି କୁହାଯାଉଛି । ଅବଶ୍ୟ ଏନେଇ କେନ୍ଦ୍ର ସରକାର କୌଣସି ସ୍ପଷ୍ଟ ପ୍ରତିକ୍ରିୟା ଦେଇନାହାନ୍ତି । ଏବେ କେବଳ ଯାହା ସୋସିଆଲ ମିଡିଆରେ ଚର୍ଚ୍ଚା ହେଉଛି ।
‘ମୂଖ୍ୟ ମନ୍ତ୍ରୀ କନ୍ୟା ବିବାହ ଯୋଜନା’,ଏଣିକି ଚିନ୍ତା ମୁକ୍ତ ହେବେ ଗରିବ ମାତା-ପିତା

ଖୁବ୍ ଶୀଘ୍ର ରାଜ୍ୟରେ ଲାଗୁହେବ ମୂଖ୍ୟମନ୍ତ୍ରୀ କନ୍ୟା ବିବାହ ଯୋଜନା। ଗରିବ,ଦୁଃଖି ବାପା ମାଆଙ୍କ ମୁଣ୍ଡରୁ ବୋଝ ହାଲୁକା କରିଛନ୍ତି ରାଜ୍ୟ ସରକାର। ଏଣିକି ଝିଅ ବାହାଘର ପାଇଁ ରହିବନି ଚିନ୍ତା। ଆର୍ଥିକ ବର୍ଷ ଲାଗି ୨୦୨୫-୨୬ ରେ ମୂଖ୍ୟମନ୍ତ୍ରୀ ମୋହନ ଚରଣ ମାଝି ସୋମବାର ବିଧାନସଭାରେ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ କରିଥଲେ।

ତେବେ ଏହା ଗରିବଙ୍କ ପାଇଁ ରାଜ୍ୟ ସରକାରଙ୍କ ତରଫରୁ ସୁନେଲି କିରଣର ପ୍ରତିଶୃତି। ପ୍ରଥମ ଥର ପାଇଁ ମୋହନ ସରକାରଙ୍କ ପୂର୍ଣ୍ଣାଙ୍ଗ ବଜେଟ ରେ ମିଳିଛି ଝିଅ ମାନଙ୍କ ପାଇଁ ନୂତନ ଯୋଜନା। ଯାହାର ନାଁ…..’ମୂଖ୍ୟ ମନ୍ତ୍ରୀ କନ୍ୟା ବିବାହ ଯୋଜନା’

୨୫ ବର୍ଷର ବିଜେଡ଼ି ରେକର୍ଡ଼ ଭାଙ୍ଗି, ଓଡ଼ିଶାକୁ ବିଜେପି ଆସିବା ପରେ ମହିଳାଙ୍କ ପାଇଁ ପ୍ରଥମେ ଆରମ୍ଭ ହୋଇଥିଲା ସୁଭଦ୍ରା ଯୋଜନା। ବର୍ଷକୁ ଦୁଇଟି କିସ୍ତି ଦେଇ ହିତାଧିକାରୀଙ୍କୁ ଦେଉଛନ୍ତି ୧୦ ହଜାର ଟଙ୍କା । ପ୍ରଥମ କିସ୍ତି ସମସ୍ତେ ପାଇ ସାରିଥିବା ବେଳେ ମାର୍ଚ୍ଚ ରେ ପାଇବେ ଦ୍ୱିତୀୟ କିସ୍ତି । ମହିଳାଙ୍କ କଥା ସରୁ ସରୁ ପୁଣି ଝିଅ ମାନଙ୍କ ପାଇଁ ଉପହାର ଦେଇଛନ୍ତି ମୋହନ ସରକାର ।

କଣ ଏଇ ‘ମୂଖ୍ୟ ମନ୍ତ୍ରୀ କନ୍ୟା ବିବାହ ଯୋଜନା’
ଗରୀବ ବାପ ମୁଣ୍ଡରୁ ବୋଝ ଓହ୍ଲାଇବାକୁ ଚେଷ୍ଟା କରିଛନ୍ତି ମୂଖ୍ୟମନ୍ତ୍ରୀ । ସେଥିଲାଗି ଚଳିତ ବର୍ଷ ବଜେଟରେ ମୁଖ୍ୟମନ୍ତ୍ରୀ କନ୍ୟା ଯୋଜନା ଅଣା ଯାଇଛି। ଯାହାଦ୍ବାରା ଗରିବ ବାପା ମାଆ ଚିନ୍ତା ମୁକ୍ତ ହୋଇପାରିବେ। ତେବେ ବଜେଟ୍ ରେ ମୁଖ୍ୟମନ୍ତ୍ରୀ କହିଥିଲେ ଯେ….

କନ୍ୟା ସନ୍ତାନ ପ୍ରତ୍ୟେକ ମାତା ପିତା ପାଇଁ ଆଶ୍ରିବଦ ବୋଝ ନୁହେଁ। ଆମେ ସେମାନଙ୍କ ସବୁ ସ୍ବପ୍ନ ପୁରୁଣ କରିବା ପାଇଁ ସମ୍ନାନ ଏବଂ ସସକ୍ତ କରିବା ଉଚିତ୍। ଓଡ଼ିଆ ପରମ୍ପରା ଅନୁସାରେ ଝିଅ ବାହାଘର କରିବା ମହଙ୍ଗା ହେବାରେ ଲାଗିଛି। ବେଳେବେଳେ ବାପା ମା ଝିଅ ବାହାଘର କରିବା ଲାଗି ଅସହାୟ ହୋଇପଡନ୍ତି। ସେଥିଲଗି ମୁଁ ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନା ଆରମ୍ଭ କରିଛି।

ତେବେ ବିବାହ ଯୋଜନା ପାଇଁ ରାଜ୍ୟ ସରକାର ୧୨ କୋଟିର ବ୍ୟୟ ବରାଦ କରିଛନ୍ତି। ଏହି ଯୋଜନା ଖୁବ୍ ଶୀଘ୍ର ଲାଗୁହେବ ବୋଲି ଜଣାପଡିଛି। ହେଲେ ଏହାର ସବିଶେଷ ତଥ୍ୟ ସାମ୍ନାକୁ ଆସିନ ଥିବା ବେଳେ ସୁଭଦ୍ରା ଯୋଜନା ଭଳି ଏହାର ଗାଇଡ ଲାଇନ ରହିବ ବୋଲି ସାଧାରଣରେ ଚର୍ଚ୍ଚା ହେଉଛି।
ଦେବେନ୍ଦ୍ର ଫଡନାଭିସ୍ ଆଜି ତୃତୀୟ ଥର ପାଇଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ

ଆଜି ମହାରାଷ୍ଟ୍ରରେ ନୂତନ ସରକାରଙ୍କ ଶପଥ ଗ୍ରହଣ ସମାରୋହ ହେବାକୁ ଯାଉଛି। ଏହି ସମାରୋହରେ ଭେଟେରାନ୍ ବିଜେପି ନେତା ଦେବେନ୍ଦ୍ର ଫଡନାଭିସ୍ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ମହାରାଷ୍ଟ୍ରରେ ମୁଖ୍ୟମନ୍ତ୍ରୀଙ୍କ ସମ୍ପର୍କରେ ସସପେନ୍ସ ଶେଷ ହେବା ପରେ ଡେପୁଟି ମୁଖ୍ୟମନ୍ତ୍ରୀଙ୍କ ଉପରେ ଥିବା ସନ୍ଦେହ ମଧ୍ୟ ଶେଷ ହୋଇଯାଇଛି। ସୂଚନାନୁସାରେ, ଏକନାଥ ସିନ୍ଦେ ଶେଷରେ ରାଜି ହୋଇଛନ୍ତି। ସେ ଗୁରୁବାର ଡେପୁଟି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବାକୁ ରାଜି ହୋଇଛନ୍ତି। ସାମ୍ବାଦିକ ସମ୍ମିଳନୀରେ ଦେବେନ୍ଦ୍ର ଫଡନାଭିସ୍ ମଧ୍ୟ ଏକନାଥ ସିନ୍ଦେଙ୍କୁ ସରକାରରେ ଯୋଗଦେବାକୁ ଅନୁରୋଧ କରିଥିଲେ। ସିନ୍ଦେ ନିଷ୍ପତ୍ତି ନେବାକୁ ସନ୍ଧ୍ୟା ପର୍ଯ୍ୟନ୍ତ ଅପେକ୍ଷା କରିବାକୁ କହିଥିଲେ। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ସିନ୍ଦେ ଡେପୁଟି ମୁଖ୍ୟମନ୍ତ୍ରୀ ହେବାକୁ ରାଜି ତ ହୋଇଛନ୍ତି। କିନ୍ତୁ, ସେ ଗୃହ ମନ୍ତ୍ରଣାଳୟକୁ ନେଇ ଜିଦ୍ ଧରିଛନ୍ତି। ଏହା ବ୍ୟତୀତ, ଆହୁରି ଅନେକ ବିଭାଗ ଅଛି ଯାହା ସିନ୍ଦେ ନିଜ ସହିତ ରଖିବାକୁ ଚାହୁଁଛନ୍ତି |

ବୁଧବାର କ୍ରମାଗତ ଦ୍ୱିତୀୟ ଦିନ ଥିଲା ଯେତେବଳେ ଫଡନାଭିସ୍ ବର୍ଷାରେ ସିନ୍ଦେଙ୍କୁ ଭେଟିଥିଲେ, ପ୍ରଥମେ ତାଙ୍କୁ ଉପ-ମୁଖ୍ୟମନ୍ତ୍ରୀ ଭାବରେ ମହାୟୁତି ସରକାରରେ ଯୋଗଦେବାକୁ ଏବଂ କ୍ଷମତାରେ ଭାଗିଦାରୀ ଫରମୁଲାକୁ ଅନ୍ତିମ ବଣ୍ଟନ ସୂତ୍ର ଚୂଡ଼ାନ୍ତ ରୂପକୁ ଦେବାପାଇଁ ସାକ୍ଷାତ କରିଥିଲେ । ସୂଚନା ଅନୁଯାୟୀ, ବୈଠକ ୩୦ମିନିଟରୁ ଅଧିକ ସମୟ ଧରି ଚାଲିଥିଲା।
ସିଦ୍ଧରମୈୟାଙ୍କ ବଢିଲା ଅଡୁଆ, ଚାଲିବ ମାମଲା

କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ବଢିଲା ଅଡୁଆ । ଆଜି ତାଙ୍କୁ ହାଇରକୋର୍ଟରୁ ମିଳିଛି ଝଟକା । ଜମି ଦୁର୍ନୀତି ମାମଲା ଉପରେ ସେ କରିଥିବା ଆବେଦନକୁ ହାଇକୋର୍ଟ ଖାରଜ କରିଦେଇଛନ୍ତି । ନିକଟରେ କର୍ଣ୍ଣାଟକ ରାଜ୍ୟପାଳ ଥାଓ୍ବର ଚାନ୍ଦ ଗେହେଲତ ସିଦ୍ଧାରମୟାଙ୍କ ବିରୋଧରେ ଏନେଇ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଥିଲେ । ଯାହାକୁ ଚ୍ୟାଲେଞ୍ଜ କରି ହାଇକୋର୍ଟର ଦ୍ବାରସ୍ଥ ହୋଇଥିଲେ ସିଦ୍ଧ ରମେୟା । ତେବେ ହାଇକୋର୍ଟ କହିଛନ୍ତି, ଏହି ମାମଲା ଉପରେ ରାଜ୍ୟପାଲଙ୍କ ନିଷ୍ପତ୍ତି ନେବାର ସାମ୍ବିଧାନିକ ଅଧିକାର ରହିଛି । ତାଙ୍କ ନିର୍ଦ୍ଦେଶ ଅନୁସାରେ ଜମି ଦୁର୍ନୀତି ମାମଲାର ତଦନ୍ତ ହୋଇପାରିବ ବୋଲି କେର୍ଟ କହିଛିନ୍ତି ।

ତେବେ ଏହି ଜମି ଦୁର୍ନୀତି ଘଟଣା କଣ । ବାସ୍ତବରେ କର୍ଣ୍ଣାଟକର ଜଣେ ସୂଚନା ଅଧିକାର କର୍ମୀ ଟିଜେ ଆବ୍ରାହାମ ମୈସୁର ସହରାଞ୍ଚଳ ବିକାଶ ପ୍ରାଧିକରଣ ଜମି ଆବଣ୍ଟନରେ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣିଥିଲେ । ଏହା ଉପରେ ଏକ ମାମଲା ରୁଜ୍ଜୁ କରି ମୁଖ୍ୟମନ୍ତ୍ରୀଙ୍କ ବିରୋଧରେ ତଦନ୍ତ କରିବାକୁ ନିର୍ଦ୍ଦେଶ ଦେବାକୁ ରାଜ୍ୟପାଳଙ୍କୁ ଅନୁରୋଧ କରିଥିଲେ । ତେଣୁ, ରାଜ୍ୟପାଳ ଅଗଷ୍ଟ ୧୬ ତାରିଖ ଦିନ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ବିରୁଦ୍ଧରେ ନ୍ୟାୟିକ ପ୍ରକ୍ରିୟା କରିବାକୁ ନିର୍ଦ୍ଦେଶ ଦେଇଥିଲେ । ହେଲେ ମୁଖ୍ୟମନ୍ତ୍ରୀ ଏହାକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ଦର୍ଶାଇଥିଲେ । ବିଜେପି ଜାଣିଶୁଣି ଏପରି କରୁଥିବା ଦର୍ଶାଇ ସିଦ୍ଧରମୈୟା ହାଇକୋର୍ଟର ଦ୍ବାରସ୍ଥ ହୋଇଥିଲେ । ତେବେ ଏହି ଆବେଦନ ଉପରେ ହାଇକୋର୍ଟ ସେପ୍ଟେମ୍ବର ୧୨ ତାରିଖରେ ଶୁଣାଣୀ କରି ରାୟ ସଂରକ୍ଷିତ ରଖିଥିଲେ । ଯାହା ଆଜି ପ୍ରକାଶ ପାଇଛି । ଯାହାକୁ ନେଇ କର୍ଣ୍ଣାଟକା କଂଗ୍ରେସ ଶିବିରରେ ହଡକମ୍ପ ଦେଖିବାକୁ ମିଳିଛି ।
ସ୍କୁଲ ଛାତ୍ରୀଙ୍କ ହାତରୁ ରାକ୍ଷୀ ପିନ୍ଧିଲେ ମୁଖ୍ୟମନ୍ତ୍ରୀ

ଆଜି ପବିତ୍ର ରକ୍ଷାବନ୍ଧନ ।ଗାଁଠୁ ସହର ସବୁଠି ଧୁମଧାମରେ ପାଳନ ହେଉଛି ଏହି ରକ୍ଷାବନ୍ଧନ । ଏହି ପରୀପ୍ରେକ୍ଷୀରେ ରାଜ୍ୟ ଅତିଥି ଭବନରେ ଆୟୋଜିତ ରକ୍ଷାବନ୍ଧନ କାର୍ଯ୍ୟକ୍ରମରେ ସାମିଲ ହୋଇଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଉକ୍ତ କାର୍ଯ୍ଯକ୍ରମରେ ଉପସ୍ଥିତ ଥିବା ବିଭିନ୍ନ ସ୍କୁଲର ଛାତ୍ରୀମାନେ ମୁଖ୍ଯମନ୍ତ୍ରୀଙ୍କୁ ଅତି ସ୍ନେହଂର ସର ରାକ୍ଷୀବାନ୍ଧିଥିଲେ । ଏହାସହ ବିଭିନ୍ନ ଅନୁଷ୍ଠାନର ମହିଳା ଓ ମହିଳା ସାମ୍ବାଦିକା ମଧ୍ୟ ସାମିଲ ହୋଇଥିଲେ । ଏବଂ ସବୁ ମହିଳାମାନଙ୍କୁ କିଭଳି ସୁରକ୍ଷା ମିଳିବ ସେନେଇ ପ୍ରତିଶୃତ୍ତି ବଦ୍ଧ ଥିବା ମୁଖ୍ଯମନ୍ତ୍ରୀ ତାଙ୍କ ପ୍ରତିକ୍ରିୟାରେ କହିଛନ୍ତି

ଅତିଥି ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, ଭୁବନେଶ୍ୱର ଏକାମ୍ର ବିଧାୟକ ବାବୁ ସିଂ ମଧ୍ୟ ଉପସ୍ଥିତି ଥିଲେ
ନଡ୍ଡାଙ୍କୁ ରକ୍ତରେ ଚିଠି ଲେଖିଲେ ଯୋଗୀଙ୍କ ସମର୍ଥକ, ମୁଖ୍ୟମନ୍ତ୍ରୀ ପଦରୁ ହଟାଇଲେ ବିଜେପି କାର୍ଯ୍ୟାଳୟ ସମ୍ମୁଖରେ ଏଭଳି କରିବାକୁ ଚେତାବନୀ ଦେଲେ…

ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇଲେ ବିଜେପି କାର୍ଯ୍ୟାଳୟ ସମ୍ମୁଖରେ ନିଜ ଜୀବନ ଦେବାକୁ ଧମକ ଦେଇଛନ୍ତି ଯୋଗୀଙ୍କ ସମର୍ଥକ ସୋନୁ ଠାକୁର । ନିଜ ରକ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କୁ ଏକ ଚିଠି ଲେଖି ଚେତାବନୀ ଦେଇଛନ୍ତି ସୋନୁ।

ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଜଣେ ବଡ଼ ସମର୍ଥକ ଏବେ ଖବର ଶିରୋନାମାରେ ରହିଛନ୍ତି। ଗତ କିଛି ଦିନ ଧରି ଉତ୍ତରପ୍ରଦେଶରେ ରାଜନୈତିକ ସ୍ଥିତିକୁ ନେଇ ଦେଶରେ ଚର୍ଚ୍ଚା ହେଉଛି। କେତେକ ରାଜନୈତିକ ସମୀକ୍ଷକ ଯୋଗୀଙ୍କୁ ମୁଖ୍ୟମନ୍ତ୍ରୀ ପଦରୁ ହଟା ଯିବା ନେଇ ମଧ୍ୟ କହୁଛନ୍ତି। ପୂର୍ବରୁ ଏ ସମ୍ପର୍କରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ପୂର୍ବାନୁମାନ କରିଥିଲେ।

ତେବେ ଯୋଗୀଙ୍କୁ ପଦରୁ ହଟାଇଲେ ସୋନୁ ଠାକୁର ନାମକ ଜଣେ ସମର୍ଥକ କହିଛନ୍ତି ସେ ନିଜ ଜୀବନ ଦେବେ। ସେ ନିଜ ରକ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କୁ ଏକ ଚିଠି ଲେଖିଛନ୍ତି।

ସୋନୁ ଠାକୁର କହିଛନ୍ତି ଯଦି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇ ଦିଆଯାଏ, ତେବେ ଭାରତୀୟ ଜନତା ପାର୍ଟି ରାଜ୍ୟ କାର୍ଯ୍ୟାଳୟ ସାମ୍ନାରେ ମୁଁ ନିଜ ଜୀବନ ଦେବି। ସୋନୁଙ୍କୁ ଏଭଳି ରକ୍ତ ଚିଠି ନେଇ ସୋସିଆଲ ମିଡ଼ିଆରେ ଚର୍ଚ୍ଚା ଆରମ୍ଭ ହୋଇଛି।
ମାନ୍ୟବର ମୁଖ୍ୟମନ୍ତ୍ରୀଙ୍କୁ ହତ୍ୟା ଧମକ ଦେଇଥିବା ଯୁବକ ବିରୋଧରେ କଠୋର କାର୍ଯ୍ୟାନୁଷ୍ଠାନର ଦାବି କରିଛି ବିଜେପି

ଜଣେ ଆଦିବାସୀ ଭାବରେ ମୁଖ୍ୟମନ୍ତ୍ରୀ ଆସନରେ ବସିବା ଅନେକଙ୍କୁ ଇର୍ଷା ଏବଂ ଆକ୍ରୋଶର ବଶବର୍ତ୍ତୀ କରୁଅଛି। ତେଣୁ ଅନେକ ବ୍ୟକ୍ତି ସୋସିଆଲ ମିଡ଼ିଆ ଏବଂ ଅନ୍ୟାନ୍ୟ ମାଧ୍ୟମରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଭାବମୂର୍ତିକୁ କ୍ଷୁଣ୍ଣ କରିବା ପରି ମନ୍ତବ୍ୟ ଦେବା ସହିତ ଅଶାଳୀନ ଭାଷା ପ୍ରୟୋଗ କରି ମାରିଦେବାକୁ ଧମକ ଦେଉଛନ୍ତି | mr.bewafal ନାମରେ instagram I’d ଖୋଲିଥିବା ଜଣେ ଯୁବକ ସିଧା ସଳଖ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଆକ୍ରମଣର ଧମକ ଦେଇଛି I ଆଦିବାସୀ ହୋଇଥିବା ସତ୍ତ୍ୱେ ତାଙ୍କୁ ତାଙ୍କ ଜାତି ନେଇ ସେଇ ଯୁବକ ଜଣକ ଦେଇଥିବା ମନ୍ତବ୍ୟରେ ସମଗ୍ର ଆଦିବାସୀ ସମାଜ ବ୍ୟଥ୍‌ତ ହୋଇଛି। ସେ ଯୁବକର instagram ରେ ପୋଷ୍ଟ ହୋଇଥିବା ଭିଡ଼ିଓ ସହିତ ସମସ୍ତ ପ୍ରମାଣପତ୍ର ଗୋଟିଏ ପେନ୍ ଡ୍ରାଇଭ୍ ରେ ଆଜି କେନ୍ଦୁଝର ପୋଲିସ ନିକଟରେ ବିଜେପି ହସ୍ତାନ୍ତର କରିଛି ଓ ଦୋଷୀ ବିପକ୍ଷରେ ତୁରନ୍ତ ଗିରଫ କରି କୋଠର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବୀ କରିଛି ବିଜେପି ଯୁବମୋର୍ଚ୍ଚା।
ଅନନ୍ତ ଅମ୍ବାନୀଙ୍କ ବିବାହରେ ଯୋଗଦେବେ ମମତା ବାନାର୍ଜୀ, ଶରଦ-ଉଦ୍ଧବଙ୍କୁ ମଧ୍ୟ ଭେଟି ପାରନ୍ତି, ଜାଣନ୍ତୁ କେଉଁ ବିଷୟ ଉପରେ ହେବ ଆଲୋଚନା

ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜି (ଜୁଲାଇ ୧୨) ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀଙ୍କ ବିବାହ ଉତ୍ସବରେ ଯୋଗଦେବାକୁ ମୁମ୍ବାଇ ଆସିବେ। ତାଙ୍କ ମୁମ୍ବାଇ ଗସ୍ତ ସମୟରେ ସେ ଭିନ୍ନ ଭିନ୍ନ ସ୍ଥାନରେ ଶରଦ ପାୱାର ଏବଂ ଉଦ୍ଧବ ଠାକରେଙ୍କୁ ଭେଟି ପାରନ୍ତି । ଲୋକସଭା ନିର୍ବାଚନ ସମାପ୍ତ ହେବା ପରେ ଶରଦ ପାୱାର ଏବଂ ଉଦ୍ଧବ ଠାକରେଙ୍କ ସହ ମମତା ବାନାର୍ଜୀଙ୍କ ଏହା ପ୍ରଥମ ସାକ୍ଷାତ ହେବ।

ସୂଚନା ଅନୁଯାୟୀ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଅପରାହ୍ନ ୪ ଟା ସୁଦ୍ଧା ମୁମ୍ବାଇରେ ପହଞ୍ଚିବେ। ସେ ହୋଟେଲ ଟ୍ରାଇଡେଣ୍ଟରେ ରହିବେ | ଏହା ପରେ ସେ ଆସନ୍ତାକାଲି ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀଙ୍କ ବିବାହ ସମାରୋହରେ ଯୋଗଦେବେ। ଏଠାରେ ପହଞ୍ଚିବା ପରେ ସେ ଅନେକ ସଭା ମଧ୍ୟ ସାମିଲ ହେବେ |

ସୂଚନାନୁସାରେ, ମୁମ୍ବାଇ ଗସ୍ତ ସମୟରେ ସେ ଉଦ୍ଧବ ଠାକରେ ଏବଂ ଶରଦ ପାୱାରଙ୍କ ସହ ପୃଥକ ପୃଥକ ବୈଠକ କରିପାରନ୍ତି । ଆସନ୍ତାକାଲି ସନ୍ଧ୍ୟାରେ ମମତା ବାନାର୍ଜୀ ଶରଦ ପାୱାରଙ୍କୁ ଭେଟିବେ। ଆସନ୍ତାକାଲି ସନ୍ଧ୍ୟାରେ ସିଲଭର ଓକ ନିବାସରେ ଏହି ସଭା ଅନୁଷ୍ଠିତ ହେବ | ଏହି ବୈଠକରେ ଜାତୀୟ ରାଜନୀତି ଉପରେ ଆଲୋଚନା କରାଯାଇପାରେ। ଖବର ଅନୁଯାୟୀ ଚଳିତ ବର୍ଷ ଶେଷରେ ମହାରାଷ୍ଟ୍ରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହି କାରଣରୁ ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ | ଏଥି ସହିତ କିଛି ସପ୍ତାହ ମଧ୍ୟରେ ସଂସଦ ଗୃହରେ ବଜେଟ୍ ଅଧିବେଶନ ମଧ୍ୟ ଆରମ୍ଭ ହେଉଛି। ଏଭଳି ପରିସ୍ଥିତିରେ ସେ ସଂସଦ ଅଧିବେଶନରେ ବିରୋଧୀ ଦଳର ରଣନୀତି ବିଷୟରେ ମଧ୍ୟ ଏହି ନେତାଙ୍କ ସହ କଥା ହୋଇପାରନ୍ତି ।

ମମତା ବାନାର୍ଜୀ କ୍ରମାଗତ ଭାବରେ ଆଞ୍ଚଳିକ ନେତାମାନଙ୍କୁ ଭେଟୁଛନ୍ତି। ତେବେ ସେ ଏପର୍ଯ୍ୟନ୍ତ କୌଣସି କଂଗ୍ରେସ ନେତାଙ୍କୁ ଭେଟିନାହାଁନ୍ତି। ବଜେଟ୍ ଅଧିବେଶନରେ ମମତା ବାନାର୍ଜୀ ଦିଲ୍ଲୀ ଆସିବେ ବୋଲି ଯାହା ଖବର ମିଳିଛି । ଏହି ସମୟ ମଧ୍ୟରେ ସେ ସୋନିଆ ଗାନ୍ଧୀଙ୍କୁ ଭେଟି ପାରନ୍ତି |
ମୁଖ୍ୟମନ୍ତ୍ରୀ ହେବା ପରେ ପ୍ରଥମଥର ଲୋକସେବା ଭବନରୁ କାର୍ଯ୍ୟ ଆରମ୍ଭ କରିଛନ୍ତି ମୋହନ ବାବୁ

ଶପଥ ନେବାର ୨୨ ଦିନ ପରେ ଆଜିଠୁ ମୁଖ୍ୟମନ୍ତ୍ରୀ ମୋହନ ମାଝୀ ଲୋକସେବା ଭବନରୁ ବିଧିବଦ୍ଧ ଭାବେ କାମ ଆରମ୍ଭ କରିଛନ୍ତି। ଏହି ଅବସରରେ ସେ କହିଛନ୍ତି ଓଡିଆ ଭାଷାରେ ସରକାରୀ କାର୍ଯ୍ୟ ହେବ । ଏଥିପାଇଁ ଆବଶ୍ୟକ ପଡିଲେ ଆଇନଗତ ସଂଶୋଧନ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଓଡ଼ିଆ ଭାଷା ପ୍ରତିଷ୍ଠାନର ପୁନର୍ଗଠନ କରାଯିବ । ଓଡ଼ିଆ ଭାଷାର ପ୍ରଚାର ପ୍ରସାର ପାଇଁ କମିଶନ ଗଠନ ହେବ । ଓଡିଆ ଭାଷାରେ ହେବ ସମସ୍ତ ସରକାରୀ କାର୍ଯ୍ୟ । ଆବଶ୍ୟକ ପଡିଲେ ଆଇନରେ ହେବ ସଂଶୋଧନ ।

ମୁଖ୍ୟମନ୍ତ୍ରୀ କହିଛନ୍ତି ଭୌତିକ ପ୍ରଗତି ସହ ସାଂସ୍କୃତିକ ପ୍ରଗତିକୁ ଗୁରୁତ୍ୱ ଦିଆଯିବ। ଓଡ଼ିଆ ଅସ୍ମିତା ସଂରକ୍ଷଣ ଓ ପ୍ରସାର ଉପରେ ଗୁରୁତ୍ୱାରୋପ କରାଯାଇଛି। ସାହିତ୍ୟ, କଳା, ସଙ୍ଗୀତ ଓ ଲଳିତ କଳା ଏକାଡେମୀର ପୁନଃଗଠନ ପାଇଁ ପଦକ୍ଷେପ ନେବେ ସରକାର ବୋଲି କହିଛନ୍ତି ମୁଖ୍ୟମନ୍ତ୍ରୀ ।