୧୯ ବର୍ଷ ପରେ ବଦଳିବ ଓଡ଼ିଶା ବୋଟ ନିୟମ। ଦୁଇ ମାସ ଭିତରେ ଆସିବ ନୂଆ ଓଡ଼ିଶା ବୋଟ ଅଧିନିୟମ। ସେହିପରି ଚିଲିକାରେ ସୋଲାର ଓ ଇଲେକ୍ଟ୍ରକ ବୋଟ ଚଳାଇବାକୁ ସରକାର ନିଷ୍ପତ୍ତି ନେଇଛନ୍ତି। ୩ ମାସ ଭିତରେ ପରୀକ୍ଷାମୂଳକ ଭାବେ ପ୍ରଥମ ସୋଲାର ବୋଟ ଚଳାଯିବା ଫଳରେ ବର୍ଷକୁ ପରିବହନ ଖର୍ଚ୍ଚ ୭ ଲକ୍ଷ ଟଙ୍କା ହ୍ରାସ ପାଇବ। ଏହା ସଫଳ ହେଲେ ରାଜ୍ୟର ଅନ୍ୟ ଜଳପଥରେ ସୋଲାର ବୋଟ ଚଳାଯିବ ବୋଲି ବାଣିଜ୍ୟ ଓ ପରିବହନ ସଚିବ ଉଷା ପାଢ଼ୀ କହିଛନ୍ତି।
ପାଢୀ ଆହୁରି କହିଛନ୍ତି, କେନ୍ଦ୍ରୀୟ ଆଇନ ଢାଞ୍ଚାରେ ତିଆରି ହେବ ଅଧିନିୟମ। ଜଳପଥରେ ନିରାପଦ ଯାତ୍ରା ସହ ବୈଷୟିକ ଜ୍ଞାନ କୌଶଳ ବ୍ୟବହାର ଉପରେ ଦିଆଯିବ ଗୁରୁତ୍ୱ। ନୂଆ ନିୟମ ଅନୁସାରେ ସାରା ରାଜ୍ୟରେ ସମୁଦ୍ର, ନଦୀ ଓ ହ୍ରଦରେ ଗୋଟିଏ ପ୍ରକାର ଯାତ୍ରୀବାହୀ ବୋଟ ଚାଲିବ । ବୋଟର ଡିଜାଇନ୍ ପ୍ରସ୍ତୁତ ସରିଛି। ଯାତ୍ରୀଙ୍କ ସହ ପଣ୍ୟ କାରବାରରେ ମଧ୍ୟ ବୋଟ ପ୍ରଚଳନ ହେବ। । ବୋଟ ମାଲିକ, ନିର୍ମାତା, ଅଧିକାରୀ ଓ ନୀତି ନିର୍ଦ୍ଧାରକଙ୍କୁ ନେଇ ନୂଆ ବୋଟ ଅଧିନିୟମ ବିଚାର ହେଉଛି।