Tag: #bhadrak

ନକଲି ସିମ୍ ଲିଙ୍କ, ଓଡିଶାରେ ଦିଲ୍ଲୀ ପୋଲିସ

ନକଲି ସିମ୍ କାର୍ଡ କାରବାର ନେଇ ଓଡ଼ିଶାରେ ଦିଲ୍ଲୀ ପୋଲିସର ଚଢାଉ । ଏହାପରେ ଦିଲ୍ଲୀ ପୋଲିସ ତରଫରୁ ଜୋରସରରେ ଖୋଳତାଡ ଆରମ୍ଭ କରାଯାଇଥିଲା ।

ରିପୋର୍ଟ ଅନୁଯାୟୀ, ଦିଲ୍ଲୀର ଶାହିନବାଗ ପୋଲିସ ଷ୍ଟେସନ ତରଫରୁ ଏକ ଦଳ ଯାଜପୁର ଏବଂ ପଡ଼ୋଶୀ ଭଦ୍ରକ ଜିଲ୍ଲାର ମଞ୍ଜୁରୀ ରୋଡ ବଜାରରେ ଚଢାଉ କରିଥିଲା। ଚଢାଉ ସମୟରେ, ସିମ କାର୍ଡର ଅବୈଧ ବିକ୍ରୟ କରୁଥିବା ଦୁଇ ଜଣ ମୋବାଇଲ ଫୋନ୍ ଦୋକାନର ମାଲିକଙ୍କୁ ପଚରାଉଚରା ପାଇଁ ଅଟକ ରଖାଯାଇଥିଲା।

ଅଟକ ବ୍ୟକ୍ତିମାନେ ହେଲେ ମଞ୍ଜୁରୀ ରୋଡ୍ ବଜାରରେ ଏକ ମୋବାଇଲ୍ ଦୋକାନ ଚଳାଉଥିବା ସନ୍ତୋଷ ଖଣ୍ଡେଇ ଏବଂ ତାରାଗୋ ଅଞ୍ଚଳର ମହେଶ୍ୱର ପୁଣ୍ଟିଆ। ଉଭୟଙ୍କୁ ଭଦ୍ରକ ଅଣାଯାଇ ସ୍ଥାନୀୟ କୋର୍ଟରେ ହାଜର କରାଯାଇଥିଲା, ପରେ ସେମାନଙ୍କୁ ଅଧିକ ପଚରାଉଚରା ପାଇଁ ଦିଲ୍ଲୀ ପୋଲିସ ରିମାଣ୍ଡରେ ନେଇଥିଲା।

ଅଭିଯୁକ୍ତ ଦୁଇଜଣ ନୂତନ ସିମ୍ କିଣିବା ପାଇଁ ସେମାନଙ୍କ ଦୋକାନକୁ ଆସୁଥିବା ଗ୍ରାହକଙ୍କ ଆଧାରର ଡକ୍ୟୁମେଣ୍ଟ ବ୍ୟବହାର କରି ଏକାଧିକ ସିମ୍ କାର୍ଡ ଆକ୍ଟିଭ କରାଉଥିଲା । ପ୍ରକୃତ ଗ୍ରାହକଙ୍କୁ କେବଳ ଗୋଟିଏ ସିମ୍ କାର୍ଡ ହସ୍ତାନ୍ତର କରାଯାଇ, ଗ୍ରାହକଙ୍କ ଅଜାଣତରେ ଅନ୍ୟ ସିମ୍ କାର୍ଡଗୁଡିକୁ ଆକ୍ଟିଭ ରଖାଯାଉଥିଲା। ଏହି ଅତିରିକ୍ତ ସିମ୍ କାର୍ଡଗୁଡ଼ିକୁ ପରେ ବେଆଇନ ଭାବରେ ବିକ୍ରି କରାଯାଉଥିଲା।

ଅଭିଯୁକ୍ତମାନେ ଯାଜପୁରର କୋରେଇ ଅଞ୍ଚଳର ଅନେକ ବେକାର ଯୁବକଙ୍କୁ ସେମାନଙ୍କ ଦୋକାନରୁ ସିମ୍ କାର୍ଡ କିଣିବା ପାଇଁ ପ୍ରଲୋଭିତ କରିଥିଲେ। ସେମାନେ ଏହି ଯୁବକମାନଙ୍କୁ ପ୍ରତି ସିମ୍ କାର୍ଡ ପାଇଁ ୨୦୦୦ ରୁ ୩୦୦୦ ଟଙ୍କାରେ ଦେଉଥିଲେ । ଅତିରିକ୍ତ ଆକ୍ଟିଭ ସିମ୍ କାର୍ଡଗୁଡ଼ିକୁ ପରେ ଅଧିକ ମୂଲ୍ୟରେ ବେନାମୀ ବ୍ୟକ୍ତିମାନଙ୍କୁ ବିକ୍ରି କରାଯାଇଥିଲା।

ବେଆଇନ ଭାବରେ ବିକ୍ରି ହୋଇଥିବା ସିମ୍ କାର୍ଡଗୁଡ଼ିକୁ ଅପରାଧିକ କାର୍ଯ୍ୟକଳାପ ପାଇଁ ବ୍ୟବହାର କରାଯାଉଥିଲା ବୋଲି ଅଭିଯୋଗ ହୋଇଛି । ଦିଲ୍ଲୀର ଶାହିନବାଗ ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି। ସନ୍ତୋଷ ଖଣ୍ଡେଇଙ୍କଠାରୁ ଅଭିଯୁକ୍ତମାନେ ବିକ୍ରି କରିଥିବା ଅନେକ ଅବୈଧ ସିମ୍ କାର୍ଡ ଜବତ କରାଯାଇଛି । ତଦନ୍ତକାରୀମାନେ ଦୁଇ ଅଭିଯୁକ୍ତଙ୍କ ବ୍ୟାଙ୍କ ଆକାଉଣ୍ଟରେ ବଡ଼ ଧରଣର ଆର୍ଥିକ କାରବାର ହେବାର ପାଇଛନ୍ତି। ପୋଲିସ ଏବେ ଅନ୍ୟ ଲିଙ୍କଗୁଡ଼ିକୁ ଚିହ୍ନଟ କରିବା ଏବଂ ଏହି ଘଟଣାରେ ଅନ୍ୟ କେଉଁମାନେ ସଂପୃକ୍ତ ଅଛନ୍ତି ସେନେଇ ଏବେ ଯାଞ୍ଚ କରାଯାଉଛି।
ବଳ ସାଉଁଟାଉଛି ଚାନ୍ଦବାଲି କଂଗ୍ରେସ

ଚାନ୍ଦବାଲିରେ ବଳ ଗୋଟାଉଛି କଂଗ୍ରେସ । ଜଳେଶ୍ଵରପୁର ଠାରେ କଂଗ୍ରେସର ସଭାପତି ଓ ଯୁବ ସଭାପତି ଚୟନ ଏବଂ ମିଶ୍ରଣ ପର୍ବ ଅନୁଷ୍ଠିତ ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳୀରେ ବଳଗୋଟାଉଛି କଂଗ୍ରେସ, ଜଳେଶ୍ଵର ପୁର ଗ୍ରାମ ପଞ୍ଚାୟତ ରେ କଂଗ୍ରେସ ର ନୂତନ ସଭାପତି ଓ ଯୁବ ସଭାପତି ଚୟନ ଏବଂ ମିଶ୍ରଣ ପର୍ବ କାର୍ଯ୍ୟ କ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଆଭିମୁଖ୍ୟ ଆଗାମୀ ପଞ୍ଚାୟତ ନିର୍ବାଚନରେ କିଭଳି ବିଜେଡି ଓ ବିଜେପି ଦୁଇ ରାଜନୈତିକ ଦଳ କୁ ଜଳେଶ୍ଵର ପୁର ଗ୍ରାମ ପଞ୍ଚାୟତ ରେ ପଛକୁ ପକାଇ କଂଗ୍ରେସ କିପରି ସଂଗଠନ କରିବ ତାହା ବିଷୟରେ ଆଲୋଚନା ହୋଇଥିଲା । ନୂତନ ସଭାପତି ଓ ଯୁବ ସଭାପତିଙ୍କୁ ଉକ୍ତ ଗ୍ରାମପଞ୍ଚାୟତରେ ଗୁରୁଦାୟିତ୍ଵ ଦିଆଯିବା ସହିତ ଆଗାମୀ ଦିନରେ ଦଳକୁ ସୁଦୃଢ କରିବା ପାଇଁ ଗୁରୁମନ୍ତ୍ର ଦେଇଛନ୍ତି ଆଗଧାଡିର ପୁରୁଖା ନେତାମାନେ ।

ସଭାପତି ହିମାଂଶୁ ନାୟକ ଓ ଯୁବ ସଭାପତି ରତିକାନ୍ତ ପାତ୍ର ଙ୍କ ନେତୃତ୍ବରେ ୩୦ରୁ ଉର୍ଦ୍ଧ ପରିବାର ଅନ୍ୟ ରାଜନୈତିକ ଦଳ ପରିତ୍ୟାଗ କରି ବିଧିବଦ୍ଧ ଭାବେ ଦଳରେ ସାମିଲ ହୋଇଛନ୍ତି । ଉକ୍ତ କାର୍ଯ୍ୟକ୍ରମରେ ବରିଷ୍ଠ ନେତା ଦିଗ ଦାସ, ନିର୍ବାଚନ ମଣ୍ଡଳୀ ନେତା ଅମିୟ ମହାପାତ୍ର, ଚାନ୍ଦବାଲି ନିର୍ବାଚନ ମଣ୍ଡଳୀ ର ଯୁବନେତା ସତ୍ୟାନନ୍ଦ ରାଉତ, ଦୁଇ ନମ୍ବର ଜୋନ୍ ର ଜିଲ୍ଲା ପରିଷଦ ପ୍ରାର୍ଥୀ ଦୀପକ ଭୋଇ, ଜଳେଶ୍ଵର ପୁର ସମବାୟ ସମିତି ର ସଭାପତି ସୁଦର୍ଶନ ମାହୁନ୍ତ,ଆଶିଷ କୁମାର ମାହୁନ୍ତ ପ୍ରମୁଖ ଉପସ୍ଥିତ ରହି ନବାଗତ ମାନଙ୍କୁ ଦଳୀୟ ଉତରିୟ ଦେଇ ଦଳକୁ ସ୍ବାଗତ ଜଣାଇଥିଲେ ।
ଚପଲ କିଣିବାକୁ ଯାଇ ଆଉ ଫେରିଲାନି…

ବଜାରକୁ ଚପଲ କିଣିବାକୁ ଯାଇ ନାବାଳିକା ନିଖୋଜ । ଦୀର୍ଘ ଏକ ମାସରୁ ଉର୍ଦ୍ଧ୍ୱ ହେବ ନିଖୋଜ ନାବାଳିକାର ଟେର ପାଉନି ପୋଲିସ । ସେପଟେ ପରିବାର ଲୋକେ ଅସନ୍ତୋଷ ପ୍ରକାଶ କରିଛନ୍ତି । ଏଭଳି ଦୁଖଃଦ ଘଟଣା ପିରହାଟ ଥାନା ଅଧିନ ଖଡିଜାଣ ଗ୍ରାମରେ ଦେଖିବାକୁ ମିଳିଛି । ସୂଚନା ମୁତାବକ ଉକ୍ତ ଗ୍ରାମର ବିଦ୍ୟାଧର ଦାସଙ୍କ ନାବାଳିକା ଝିଅ ନିକଟସ୍ଥ ଗଦି ବଜାରକୁ ଜୁନ ମାସ ୨୫ ତାରିଖ ଦିନ ଚପଲ କିଣିବାକୁ ଯାଇ କେଉଁ ଆଡେ ନିଖୋଜ ହୋଇ ଯାଇଥିଲେ।

ଝିଅ ଘରକୁ ନ ଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ ହେଲେ ଝିଅକୁ ପାଇନଥିଲେ। ନିରାଶ ହୋଇ ଫେରିବା ପରେ ଜାଣିବାକୁ ପାଇଥିଲେ ଯେ ତିହିଡି ଥାନା ଅଧିନ କାଁପଡା ଗ୍ରାମର ବାଦଲ ମଳିକ ଓ ମଳୟ ମଳିକ ତାଙ୍କ ଝିଅକୁ ଅପହରଣ କରି ନେଇଛନ୍ତି । ଯାହାକୁ ନେଇ ବିଦ୍ୟାଧର ପିରହାଟ ଥାନାରେ ପରିବାର ଲୋକ ଏକ ଲିଖିତ ଅଭିଯୋଗ କରିଥିଲେ ।

ଆଭିଯୋଗ କରିବାର ପ୍ରାୟଏକ ମାସରୁ ଉର୍ଦ୍ଧ୍ୱ ସମୟ ବିତି ଯାଇଥିଲେ ମଧ୍ୟ ପୋଲିସର ହାତ ଖାଲି। ନିଜ ଝିଅକୁ ଫେରି ପାଇବା ପାଇଁ ବାରମ୍ବାର ଥାନାକୁ ଦୌଡ଼ି ନିରାଶ ହେବା ପରେ ପରିବାର ଲୋକେ ଭଦ୍ରକ ଏସପିଙ୍କ ଦ୍ୱାରସ୍ଥ ହୋଇଥିଲେ ଓ ଅଭିଯୋଗ କରିଥିଲେ ମଧ୍ୟ କିଛି ସୁଫଳ ମିଳି ନଥିଲା।

ଅପହରଣକାରୀ ଖୁଲମ-ଖୁଲା ବୁଲୁଥିଲେ ମଧ୍ୟ ତାଙ୍କ ବିରୁଦ୍ଧରେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବାରୁ ଅସନ୍ତୋଷ ପ୍ରକାଶ କରିଛନ୍ତି ପରିବାର ଲୋକେ । ଅନ୍ୟ ପଟେ ପିରହାଟ ଥାନାଧିକାରିଣୀଙ୍କୁ ଏ ବିଷୟରେ ପଚାରିବାରୁ ତଦନ୍ତ ଚାଲିଛି ,ଆମେ ନାବାଳିକାକୁ ଉଦ୍ଧାର କରିବାକୁ ଚେଷ୍ଟା ଜାରି ରଖିଛୁ ବୋଲି ଜଣାଇଛନ୍ତି ।
ମକଡ୍ରିଲ ପାଇଁ ଜନସାଧାରଣଙ୍କୁ ସଚେତନତା

ଯୁଦ୍ଧ ପାଇଁ ଜୋରଦାର ଚାଲିଛି ପ୍ରସ୍ତୁତି। ଆଜି ଅପରାହ୍ନ ୪ ଟାରେ ହେବ ମକଡ୍ରିଲ । ସେଥିପାଇଁ ସ୍ଥାନୀୟ ଲୋକଙ୍କୁ କିଭଳି ସଚେତନ କରାଯିବ ଏବଂ ସେମାନଙ୍କ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବ । ପାରାଦ୍ବୀପରେ ପୂର୍ବ ପ୍ରସ୍ତୁତି ଆରମ୍ଭ ହୋଇଛି । ପାରାଦ୍ଵୀପ ସର୍କିଟ ହାଉସରେ ଜିଲ୍ଲାପାଳ ଜେ ସୋନାଲଙ୍କ ଅଧ୍ୟକ୍ଷତାରେ ବିଭିନ୍ନ ପ୍ରଶାସନିକ ଅଧିକାରୀ ଓ କମ୍ପାନୀ ପ୍ରତିନିଧିଙ୍କୁ ନେଇ ଆଲୋଚନା ହୋଇଛି । ବନ୍ଦର ଭିତ୍ତିକ ଶିଳ୍ପ ସହର ପାରାଦ୍ଵୀପରେ ରହିଛି ୧୫ ରୁ ଉର୍ଦ୍ଧ୍ୱ ଛୋଟ ବଡ କମ୍ପାନୀ । ଯଦି ଯୁଦ୍ଧ ହୁଏ ତେବେ କମ୍ପାନୀର ଅନେକ କ୍ଷତି ହେବ ତେବେ ବହୁ ଲୋକ ଏଥିରେ ପ୍ରଭାବିତ ହେବେ । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି । ଆଜି ଅପରାହ୍ନ ୪ ଟା ବେଳେ ଷଣ୍ଢକୁଦ ବସ୍ତିରେ ମକ୍ ଡ୍ରିଲ ହେବ ଏଥିପାଇଁ ପ୍ରଥମେ ସାଇରନ ବାଜିବ ବୋଲି ଜିଲ୍ଲାପାଳ କହିଛନ୍ତି ।

ସେହିପରି ଭଦ୍ରକ ଜିଲ୍ଲା ଚାନ୍ଦବାଲି ଧାମରା ଚନ୍ଦୀନ ପାଳରେ ଆଜି ଅପରାହ୍ନରେ ହେବାକୁ ଥିବା ମାକଡିଲ ପାଇଁ ଜନସାଧାରଣ ମାନଙ୍କୁ ଡ଼ାକବାଜି ଯନ୍ତ୍ର ସାହାଯ୍ୟରେ ସଚେତନ କରାଉଛି ଭଦ୍ରକ ଜିଲ୍ଲା ପ୍ରଶାସନ। ମକଡିଲ ସମୟରେ କେହି ଜନସାଧାରଣ ଭୟଭୀତ ହେବା ଆବଶ୍ୟକ ନାହିଁ। ପ୍ରଥମ ସାଇରନ ବାଜିବା ସମୟରେ ଲୋକମାନେ କଚ୍ଚା ଘର, ଆଜବେଷ୍ଟସ,ଟିଣ ଛପର ତଳେ ନରହରି ପକ୍କାଘର ଓ ଛାତ ଘରେ ରହିବାକୁ ଭଦ୍ରକ ଜିଲ୍ଲା ପ୍ରଶାସନ ପକ୍ଷରୁ ସଚେତନ କରାଯାଇଛି।
ପ୍ରବଚକ ବିରେନ୍ଦ୍ର ପଣ୍ଡାଙ୍କ ପ୍ରବଚନରେ ଯୋଗ ଦେଲେ ଶତାଧିକ ଲୋକ

ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ଯଶିପୁର ପଞ୍ଚାୟତ ଶୁଭଦିଆ ଗ୍ରାମରେ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ପ୍ରବଚକ ବିରେନ୍ଦ୍ର ପଣ୍ଡା ପ୍ରବଚନ ଦେଇଥିବା ବେଳେ ଶତାଧିକ ଲୋକ ଯୋଗ ଦେଇଥିଲେ । ଯଶିପୁର ପଞ୍ଚାୟତର ଶୁଭଦିଆ ଗ୍ରାମର ସମାଜସେବୀ ଲକ୍ଷ୍ମୀଧର ରାଉତ, ପୀତାମ୍ବର ରାଉତ ବିଗତ ଦିନରେ ଘଣ୍ଟେଶ୍ବର +୨ ଜୁନିୟର ମହାବିଦ୍ୟାଳୟ କୁ ଏକ ଦୁଇ ମହଲା ବିଶିଷ୍ଟ ବିଜ୍ଞାନଗାର ଛାତ୍ର ଛାତ୍ରୀଙ୍କ ଉଦେଶ୍ୟରେ ପ୍ରଦାନ କରିଥିଲେ । ବହୁତ ଦିନର ସ୍ଵପ୍ନ ଥିଲା ଯେ ନିଜ ଜନ୍ମ ମାଟି ପାଇଁ କିଛି ଭଲ କାମ କରିବା ଶୁଭଦିଆ ଗ୍ରାମ ସଂକିର୍ତନ ପାଇଁ ସ୍ଥାୟୀ ମଣ୍ଡପ ଟିଏ ନଥିଲା ଏହାକୁ ନଜରରେ ରଖି ସ୍ଥାୟୀ ମଣ୍ଡପ ଟିଏ ସମାଜ ସେବୀ ଲକ୍ଷ୍ମୀ ଧର ରାଉତ ସ୍ଥାୟୀ ମଣ୍ଡପ ଟିଏ ନିର୍ମାଣ କରି ଗ୍ରାମ ବାସି ଙ୍କ ଉଦେଶ୍ୟ ରେ ପ୍ରଦାନ କରିଛନ୍ତି । ଯାହାକୁ ନେଇ ସ୍ଥାନୀୟ ଲୋକେ ପ୍ରଶଂସା ର ସୁଅ ଛୁଟିଛି । ପ୍ରବଚକ ବିରେନ୍ଦ୍ର ପଣ୍ଡା ପହଞ୍ଚି ଉକ୍ତ ସଂକିର୍ତନ ମଣ୍ଡପ କୁ ଉଦଘାଟନ କରିଥିବା ସୂଚନା ମିଳିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭକ୍ତି ମୟ ପରିବେଶ ସୃଷ୍ଟି ହୋଇଥିବା ଦେଖିବାକୁ ମିଳିଛି ।
ଭାରସାମ୍ୟ ହରାଇ ବାଇକ ଦୁର୍ଘଟଣା, ଚାଲିଗଲା ଯୁବକଙ୍କ ଜୀବନ

ବାଇକରୁ ପଡି ଚାଲିଗଲା ଯୁବକଙ୍କ ଜୀବନ । ମୃତ ଯୁବକ ଜଣକ ହେଲେ ଭାଦ୍ରକ ଜିଲ୍ଲା ବାସୁଦେବପୁର ବ୍ଳକ ବିଦେଇପୁରର ରତିକାନ୍ତ ମଳିକ । ସୂଚନା ଅନୁଯାୟୀ, ଗତକାଲି ସକାଳ ସମୟରେ ସେ ବାସୁଦେବପୁରୁରୁ କୌଣସି ଏକ କାମରେ ଧାମରା ନିକଟ ଚନ୍ଦନୀପାଳକୁ ଯାଇଥିଲେ । ଧାମରା-ଚନ୍ଦନୀପାଳ ରାସ୍ତାରେ ଆସୁଥିବା ବେଳେ ଭାରସାମ୍ୟ ହରାଇ ବାଇକଟି ଦୁର୍ଘଟଣାର ଶିକାର ହୋଇଥିଲା । ବାଇକଟି ରାସ୍ତା କଡକୁ ଛିଟିକି ପଡିବାରୁ ରତିକାନ୍ତଙ୍କର ମୃତ ହୋଇଛି । ମୃତଦେହ ରାସ୍ତା କଡ ନାଳରେ ପଡିଥିବା ଦେଖି ସ୍ଥାନୀୟ ଲୋକେ ଆମ୍ବୁଲାନ୍ସକୁ ଖବର ଦେଇଥିଲେ । ଆମ୍ବୁଲାନ୍ସ ଯୋଗେ ତାଙ୍କ ମୃତଦେହକୁ ବାସୁଦେବପୁର ଡାକ୍ତରଖାନାକୁ ପଠାଇ ଦିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । କୌଣସି ସୂତ୍ରରୁ ଖବର ପାଇ ପରିବାର ଲୋକ ପହଞ୍ଚି ଶବ ଚିହ୍ନଟ କରିଛନ୍ତି ।
ବିଭିନ୍ନ ଉପକରଣ, ଭତ୍ତା ବାଣ୍ଟିବା ସହ ମୋଟ ୮୮ଟି ଅଭିଯୋଗ ଶୁଣିଲେ ଜିଲ୍ଲାପାଳ

ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକରେ ମିଳିତ ଜନ ଅଭିଯୋଗ ଶୁଣାଣୀରେ ମୋଟ ୮୮ଟି ଅଭିଯୋଗ ଶୁଣିଲେ ଜିଲ୍ଲାପାଳ। ଚାନ୍ଦବାଲି ବ୍ଲକ କନଫରେନ୍ସ ହଲରେ ଜିଲ୍ଲା ପାଳ ଓ ଏସ.ପି.ଙ୍କ ମିଳିତ ଜନ ଅଭିଯୋଗ ଶୁଣାଣୀ ଶିବିର ଚଳିତ ମାସ ଶେଷ ସୋମବାର ରେ ଅନୁଷ୍ଠିତ ହୋଇଯାଇଛି। ବ୍ୟକ୍ତିଗତ ସମସ୍ୟା ଭିତ୍ତିକ ୭୩ଟି ଓ ସାମୁହିକ ସମସ୍ୟା ଭିତ୍ତିକ ୧୫ଟି ଅଭିଯୋଗ ଥିଲା। ସେଥିମଧ୍ୟରୁ ରେଡକ୍ରସ ସମ୍ବନ୍ଧୀୟ ଥିବା ୧ଟି ଆବେଦନର ଶୁଣାଣୀ କରି ଜିଲ୍ଲାପାଳ ଆବେଦନକାରୀ ପ୍ରୀୟମ୍ବଦା ପୋଥାଳ ତାଙ୍କ ସ୍ବାମୀଙ୍କର ଅଧିକ ଚିକିତ୍ସା ପାଇଁ ରେଡକ୍ରସ ପାଣ୍ଠି ରୁ ୧୫ହଜାର ଟଙ୍କା ର ଆର୍ଥିକ ସହାୟତାରେ ରାଶି ପ୍ରଦାନ କରିଛନ୍ତି। ସବୁ ଠାରୁ ବଡ଼କଥା ଗୋପିନାଥ ପୁର ପଞ୍ଚାୟତର ତିନିଶହ ପଚାଶ ଜଣଙ୍କ ରାସନ୍ ସାମଗ୍ରୀ ତିନି ମାସରୁ ଉର୍ଦ୍ଧ୍ବ ହେଲାଣି କାର୍ଡ ଧାରୀ ମାନେ ପାଇ ନାହାଁନ୍ତି, ତିନି ସହ ପଚାଶ ଜଣ ମହିଳା,ପୁରୁଷ ଏକାଠି ହୋଇ ବ୍ଲକ ପରିସରରେ ହୋହାଲ୍ଲା କରିଥିଲେ ମଧ୍ୟ କିଛି ସୁଫଳ ମିଳିନାହିଁ ବୋଲି ହିତାଧିକାରୀ ମାନେ କହିଛନ୍ତି।

ତେବେ ଏହି ଅଭିଯୋଗ ଶୁଣାଣି ସିବିରରେ ସାମାଜିକ ସୁରକ୍ଷା ଯୋଜନା ରେ ୧୫ଜଣ ଙ୍କୁ ଦିବ୍ଯାଙ୍ଗ ଓ ବିଧବା ଭତ୍ତା ,୫ଜଣଙ୍କୁ ତିନି ଚକିଆ ସାଇକେଲ, ତିନିଜଣଙ୍କୁ ବସ୍ ପାସ୍, ଦୁଇଜଣଙ୍କୁ କ୍ରଚେସ ଏବଂ ଜଣକୁ ୱକିଂ ଷ୍ଟିକ୍ ଜିଲ୍ଲାପାଳ ବଣ୍ଟନ କରିଥିଲେ।
ବର୍ଷା ନାହିଁ, ମୁଣ୍ଡରେ ହାତଦେଇ ବସିଛି ଚାଷୀ

କଥାରେ ଅଛି ଚାଷ କାମ ଯାହାର କେଡେ ଆନନ୍ଦ ତାହାର ମାତ୍ର ବର୍ଷାର ଅଭାବ ପାଇଁ ଚାଷୀ ଏବେ ମୁଣ୍ଡରେ ହାତଦେଇ ବସିଛି । ଭଦ୍ରକ ଜିଲ୍ଲା ଚାନ୍ଦବାଲିରେ ଅଭାବି ବର୍ଷା ପାଇଁ ଚାଷୀ କୁଳ ହତାଶ। ଚାନ୍ଦବାଲି ଅଞ୍ଚଳ ନଦୀ ନାଳ ଘେରା ଅଞ୍ଚଳ ଭାବେ ବେଶ ପରିଚିତ। ଏହି ଅଞ୍ଚଳର ଅଧିକାଂଶ ଲୋକେ ଚାଷ ଉପରେ ନିର୍ଭରଶୀଳ। ମାତ୍ର ଚଳିତ ବର୍ଷ ଅଭାବି ବର୍ଷା ପାଇଁ ଚାଷୀ ମାନେ ଚାଷ କାର୍ଯ୍ୟ ଏପର୍ଯ୍ୟନ୍ତ ଆରମ୍ଭ କରିପାରୁ ନାହାଁନ୍ତି।ଏପରି ଏକ ଦୃଶ୍ୟ ଦେଖିବାକୁ ମିଳିଛି ଚାନ୍ଦବାଲି ବ୍ଲକ ଅନ୍ତର୍ଗତ ତେନ୍ତୁଳି ଡିହି ପଞ୍ଚାୟତ ସମେତ ଆଖପାଖ ପଞ୍ଚାୟତରେ । ଚାଷ ଜମି ଫାଟି ଆଁ କରିଛି।ଏପଟେ ଚାଷୀ ମାନେ ବ୍ଲକ ବିହନ ଉପରେ ନିର୍ଭରଶୀଳ କିନ୍ତୁ ସରକାରୀ ବିହନ ଗଜା ହେଉନାହିଁ ବୋଲି ଚାଷୀ ମାନେ ଅଭିଯୋଗ କରିଛନ୍ତି।

ତେବେ ଧାର କରଜ କରି ହଳ କରିବା ପରେ ବିଲ ଫାଟି ଆଁ କରିଥିବା ଚାଷୀମାନେ ଅଭିଯୋଗ କରିଛନ୍ତି। ସରକାରଙ୍କୁ ଏ ଦିଗରେ ଅନୁଧ୍ୟାନ କରି ରୁଣ ଛାଡ କଲେ ଚାଷୀ କୁଳର ମେରୁଦଣ୍ଡ ସଳଖି ହୋଇପାରିବ ବୋଲି ପ୍ରତିକ୍ରିୟାରେ କହିଛନ୍ତି ସରପଞ୍ଚଙ୍କ ପ୍ରତିନିଧୀ ।

ତେବେ ଦେଖିବାକୁ ବାକି ରହିଲା ସରକାର ଚାଷୀଙ୍କ ପାଇଁ କଣ ପଦକ୍ଷପ ନେଉଛନ୍ତି
ଗରିବଙ୍କ ଚାଉଳ ଗିଳି ମାଲେମାଲ ହେଉଥିବା ରିଟେଲରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି

ଗରିବ ଅଭାବୀ ପରିବାର କେହି କ୍ଷୁଧାରେ ନ ରୁହନ୍ତୁ, ଏହାକୁ ଆଖି ଆଗରେ ରଖି ସରକାରଙ୍କ ପକ୍ଷରୁ ମୁଣ୍ଡ ପିଛା ମାସିକ ପାଞ୍ଚ କିଲୋ ଚାଉଳ ମାଗଣାରେ ଯୋଗାଇ ଦିଆ ଯାଉଛି। ମାତ୍ର ଏହି ଚାଉଳ ବଣ୍ଟନ ଦାୟିତ୍ବରେ ଥିବା ଅସାଧୁ ରିଟେଲର ଓଜନ ଦଣ୍ଡିରେ ହେରଫେର କରି ମାଲାମାଲ୍ ହେଉଥିବା ଘଟଣା ଏଵେ ସାମ୍ନାକୁ ଆସିଛି। ଖୋଲିଛି ରିଟେଲର ଓ ତାଙ୍କ ସମ୍ପର୍କୀୟଙ୍କ କଳା କାରନାମା। ଓଜନ କରାଯାଉଥିବା କମ୍ପୁଟର ମାପ କଣ୍ଟାକୁ ଟେମ୍ପରିଙ୍ଗ୍ କରି ବର୍ଷ ବର୍ଷ ଧରି ଖାଉଟିମାନଙ୍କୁ ଶୋଷଣ କରାଯାଇ ଆସୁଥିଲା। ଏମିତି ଏକ ଚଞ୍ଚକତା ପଦାକୁ ଆସିଛି ଭଦ୍ରକ ଜିଲ୍ଲାରେ। ବାସୁଦେବପୁର ପୌରପାଳିକା ଅନ୍ତର୍ଗତ ୧୩ ନମ୍ବର ୱାର୍ଡର ରିଟେଲରଙ୍କ ଭାଇ ତଥା ପୂର୍ବତନ ରିଟେଲର ବିଶ୍ବଜିତ ମହାନ୍ତିଙ୍କ ବିରୋଧରେ ଆସୁଛି ଏମିତି ଅଭିଯୋଗ।

ବାତ୍ୟା ଫନି ସମୟରେ ବିଶ୍ବଜିତ ରିଟେଲର ଭାବେ କାମ କରୁଥିବା ବେଳେ ପିଡିଏସ୍ କିରୋସିନି କଳାବଜାରୀ କରି ଜେଲ୍ ଯାଇଥିଲେ ଓ ଯୋଗାଣ ବିଭାଗ ପକ୍ଷରୁ ତାଙ୍କୁ ଦାୟିତ୍ବରୁ ହଟାଯାଇଥିଲା। ମାତ୍ର ବିଶ୍ବଜିତ ବିଜୁ ଜନତା ଦଳର ଜଣେ ପ୍ରଭାବଶାଳୀ ନେତା ଥିବାରୁ ରାଜନୈତିକ ପ୍ରଭାବ ବିସ୍ତାର କରି ନିଜ ସାନଭାଇ ରାକେଶ କୁମାର ମହାନ୍ତିଙ୍କ ନାମରେ ରିଟେଲରସିପ ଆଣି ନିଜେ ପୂର୍ବ ପରି ବୁଝାବୁଝି କରିଆସୁଛନ୍ତି ଓ ଖାଉଟିଙ୍କ ଚାଉଳ ହଡ଼ପ କରୁଛନ୍ତି କମ୍ପୁଟର କଣ୍ଟାକୁ ଟେମ୍ପରିଂ କରି ମୁଣ୍ଡ ପିଛା ୩୦୦-୪୦୦ ଗ୍ରାମ ଗିଳି ଦେଇଆସୁଛନ୍ତି। ହେଲେ ଏବେ ସମୟ ବଦଳିଛି। ବିଜେଡି ଶାସନ କାଳରେ ଖାଉଟି ରିଟେଲରଙ୍କ ବିରୋଧରେ ଦେଉନଥିଲେ ଅଭିଯୋଗ। ରିଟେଲରଙ୍କ ସବୁ ଚଞ୍ଚକତାକୁ ସହିବାକୁ ବାଧ୍ୟ ହେଉଥିଲେ। ଏବେ ସରକାର ବଦଳିଛି। କ୍ଷମତାରେ ବିଜେପି ଆସିଛି। ତେଣୁ ବର୍ଷ ବର୍ଷ ଧରି ଠକାମିର ଶିକାର ହୋଇଥିବା ଖାଉଟି ଏବେ ମୁହଁ ଖୋଲିବା ଆରମ୍ଭ କରିଛନ୍ତି। ଫଳରେ ପୌରପାଳିକା ଅଧୀନରେ ହୋଇଥିବା ଚଞ୍ଚକତା ସାମ୍ନାକୁ ଆସିଛି। ଜଣାପଡିଛି କି, ୧୩,୧୪, ଓ ୧୫ ନମ୍ବର ୱାର୍ଡର ପ୍ରାୟ ୫୦୦ କାର୍ଡଧାରୀ ଆନ୍ଦୋଳନକୁ ଓହ୍ଲାଇଛନ୍ତି।

ଶୁକଦେବପୁର ଆଛାଦ୍ କବ୍ଲ ନିକଟରେ ବିଶ୍ବଜିତ ମହାନ୍ତି ଚାଉଳ ବଣ୍ଟନ କରୁଥିବା ବେଳେ ରଙ୍ଗେହାତ ଧରିଥନ୍ତି ଖାଉଠି। ଓଜନ ସରିଥିବା ଚାଉଳର ପୁନଃ ଓଜନ କରି ପ୍ରତି ବ୍ୟାଗରେ ୩୦୦-୪୦୦ ଗ୍ରାମର ଚାଉଳ କମ ଥିବା ଦେଖାଇଛନ୍ତି। ଯାହାକୁ ନେଇ ଘଟଣା ସ୍ଥଳରେ ଉତ୍ତେଜନା ଦେଖାଦେଇଥିଲା। ଏହା ଦେଖି ବିଶ୍ବଜିତ ମହାନ୍ତି ଗୋଦାମରେ ତାଲା ପକାଇ ସେଠାରୁ ଚାଲିଯାଇଥିଲେ। ହେଲେ ଲୋକଙ୍କ ତାତି ଓ ନୂଆ ସରକାରର ନାଲି ଆଖିରେ ଖବର ପାଇ ଯୋଗାଣ ଅଧିକାରୀ ହିମାଂଶୁ ଦାସ ଘଟଣା ସ୍ଥଳରେ ପହଞ୍ଚି ମାପ କଣ୍ଟା ଜବତ କରି ବାସୁଦେବପୁର ରୋଡ୍ର ସ୍ଥିତ ଓଜନ ଓ ମାପ କାର୍ଯ୍ୟାଳୟକୁ ଆଣିବାକୁ ବିଶ୍ବଜିତ ମହାନ୍ତିଙ୍କୁ ନିର୍ଦେଶ ଦେଇଥିଲେ। ହେଲେ ଅଧିକାରୀଙ୍କ ନିର୍ଦ୍ଦେଶ ନ ମାନି ରିଟେଲର ଅଟା କଳ ପାଖରେ ଥିବା ତାରିଣୀ ଇଲେକ୍ଟ୍ରୋକାଲ୍ସ ଦୋକାନକୁ ନେଇ ଟେମ୍ପରିଙ୍ଗ୍ ସଜାଡୁ ଥିବାବେଳେ ଗଣମାଧ୍ୟମ ପ୍ରତିନିଧି ସେଠାରେ ପହଞ୍ଚି ଯୋଗାଣ ବିଭାଗକୁ ଜଣାଇଥିଲେ। ଯୋଗାଣ କର୍ମଚାରୀ ଆସି ରିଟେଲରଙ୍କ ମେସିନ ଚେକ କରି ସେଥିରେ ଟେମ୍ପରିଂ ହୋଇଥିବା ଜାଣିବାକୁ ପାଇଥିଲେ। ଏଵେ ପ୍ରଶ୍ନ, କେତେ ବର୍ଷ ଧରି ଓଜନରେ ହେଉଥିଲା ଠକେଇ? ହେଉଥିବା ଠକେଇର ଭରଣା କିଏ କରିବ? ପ୍ରକୃତ ରିଟେଲର ଓ କାମ ତଦାରଖ କରୁଥିବା ବିଶ୍ବଜିତଙ୍କ ବିରୋଧରେ କେବେ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିବେ କି ନାହିଁ ?
ତେନ୍ତୁଳିଆ ପ୍ରାଥମିକ ବିଦ୍ୟାଳୟ ପକ୍ଷରୁ ପ୍ରତୀକ୍ଷା ଦିଦିଙ୍କୁ ଅବସର କାଳୀନ ସମ୍ବର୍ଦ୍ଧନା

ବାସୁଦେବପୁର ପୌରପାଳିକା ଅନ୍ତର୍ଗତ ୮ ନମ୍ବର ୱାର୍ଡର ତେନ୍ତୁଳିଆ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷୟିତ୍ରୀ ପ୍ରତୀକ୍ଷା ମହାପାତ୍ରଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ବରିଷ୍ଠ ଶିକ୍ଷକ ଶାନ୍ତନୁ କୁମାର ପଳିତାଙ୍କ ସଭାପତିତ୍ବରେ ଅନୁଷ୍ଠିତ ସାଧାରଣ ସଭାରେ ଉପସ୍ଥିତ ଅତିଥିମାନେ ପ୍ରତୀକ୍ଷା ଦିଦିଙ୍କ ଉଚ୍ଚକୋଟିର ଶିକ୍ଷାଦାନ ପଦ୍ଧତି ଓ ତାଙ୍କର ବହୁମୁଖି ପ୍ରତିଭା ଏବଂ ଆଦର୍ଶର ଗୁଣଗାନ କରିଥିଲେ।

ଏହି ଅବସରରେ ଉପଢ଼ୌକନ , ମାନପତ୍ର ସହିତ ପୁଷ୍ପଗୁଚ୍ଛ ଏବଂ ଉପହାରମାନ ଦେଇ ସମ୍ବର୍ଦ୍ଧନା କରାଯାଇଥିଲା। ଉକ୍ତ ବିଦ୍ୟାଳୟର ଶିକ୍ଷୟିତ୍ରୀ ଦେବସ୍ମିତା ସାହୁ ମାନପତ୍ର ପାଠ କରିଥିଲେ। ବିଦାୟ ସମୟରେ ଛାତ୍ରଛାତ୍ରୀମାନେ ଅବସର ନେଉଥିବା ଶିକ୍ଷୟିତ୍ରୀଙ୍କୁ ଧରି କାନ୍ଦି ପକାଇଥିଲେ। ଯାହା ବିଦ୍ୟାଳୟ ପରିସରକୁ ଭାବ ବିହ୍ୱଳ କରିତୋଳିଥିଲା। ଶିକ୍ଷୟିତ୍ରୀ ପ୍ରତୀକ୍ଷା ମହାପାତ୍ର ପିଲାମାନଙ୍କୁ ବୁଝାବୁଝି କରିବା ସହିତ ଭବିଷ୍ୟତରେ ଉତ୍ତମ ଛାତ୍ର ହେବାକୁ ପରାମର୍ଶ ଦେଇଥିଲେ।

ଏହି ସଭାରେ ଅତିଥି ଭାବେ କାଉନସିଲର ଆରତୀ ବିଶ୍ବାଳ, ଅରୁଣ କୁମାର ମଲ୍ଲିକ୍, ବସନ୍ତ ଦାସ, ସି ଆର ସି ସି ତପସ୍ୱିନୀ ବାରିକ, ପ୍ରଧାନ ଶିକ୍ଷୟିତ୍ରୀ ପ୍ରଭାତୀ ଦାସ, ସ୍କୁଲ ପରିଚାଳନା କମିଟିର ସଭାପତି ସୂର୍ଯ୍ୟ କାନ୍ତ ମଲ୍ଲକ୍ , ସୀତାକାନ୍ତ ମଲ୍ଲିକ୍, ମନୋରଞ୍ଜନ ମଲ୍ଲିକ୍ ଏବଂ ସ୍କୁଲର ଛାତ୍ରଛାତ୍ରୀମାନେ ଯୋଗଦାନ କରିଥିଲେ।