ସମୟ ଗଡିବା ସହ ବଢିବାରେ ଲାଗିଛି ବାତ୍ଯା ପ୍ରତି ଲୋକଙ୍କର ଭୟ । ଆସୁଥିବା ବାତ୍ଯା ପାଇଁ ସବୁପ୍ରକାରର ସତର୍କ ମୂଳକ ପଦକ୍ଷପ ରାଜ୍ୟ ସରକାର ଗ୍ରହଣ କରୁଥିବା ବେଳେ ଜିରୋ କାଜୁଆଲିଟି ମୁଳଲକ୍ଷ୍ଯ ରହିଛି । ମାତ୍ର ବାତ୍ଯାକୁ ଲୋକେ ଆତଙ୍କିତ ଅବସ୍ଥାରେ ରହିଥିବା ବେଳେ ସାମ୍ନାକୁ ଆସିଛି ଅବ୍ଯବସ୍ଥାର ଚିତ୍ର । ଆପଣ ଦେଖୁଥିବା ଏହି ଦୃଶ୍ଯ ବାଲେଶ୍ଵର ଜିଲ୍ଲା ବାଲିଆପାଳ ବ୍ଲକ ଅସ୍ତି ଗ୍ରାମପଞ୍ଚାୟତ ବାତ୍ୟା ଆଶ୍ରୟସ୍ଥଳୀରେ ଦୃଶ୍ଯ ।
ଏଠାରେ ବାତ୍ଯା ଆଶ୍ରୟସ୍ଥଳୀରେ ପଡିଛି ତାଲା । ଲୋକମାନଙ୍କ ଠାରୁ ଆରମ୍ବ କରି ଗୃହ ପାଳିତ ପଷୁ ପର୍ଯ୍ଯନ୍ତ ସମସ୍ତେ ଗୋଟିଏ ସ୍ଥାନରେ ରହିଛନ୍ତି । ନାଁ ଏମାନଙ୍କ ପାଖରେ କୈଣସି ରନ୍ଧା ଖାଦ୍ଯ ପହଞ୍ଚିଛି ନାଁ ପହଞ୍ଚିଛି କୌଣସି ସୁଖିଲା ଖାଦ୍ଯ । ଉକ୍ତ ସ୍ଥାନରେ କୌଣସି ଅଧିକାରୀ ମାନଙ୍କର ମଧ୍ଯ ଦେଖା ନାହିଁ । ଧାମରା ଏବଂ ଭିତରକନିକାରେ ବାତ୍ଯା ଦାନା ଲ୍ଯାଣ୍ଡଫଲ କରିବାର ଥିବାବେଳେ ବାଲେଶ୍ବର ଜିଲ୍ଲା ରେର୍ଡ ଆଲର୍ଟରେ ରହିଛି ।
ସବୁଠୁ ବଡ କଥା ହେଲା ବାଲେଶ୍ବର ବାଲିଆପାଳ ବ୍ଲକରେ ବିଭିନ୍ନ ଆଶ୍ରୟସ୍ଥଳୀ ଖୋଲିଥିବା ବେଳେ ପାଖାପାଖି ଏକ ହଜାରରୁ ଅଧିକ ଲୋକ ବିଭିନ୍ନ ଆଶ୍ରୟସ୍ଥଳୀରେ ରହିଛନ୍ତି । ବାଲିଆପାଳ ବ୍ଲକରେ ୯୦ଟି ଆଶ୍ରୟସ୍ଥଳୀରେ ୨୦ ହଜାରରୁ ଅଧିକ ଲୋକଙ୍କୁ ସ୍ଥାନାନ୍ତରିତ କରିବା ପାଇଁ ପ୍ରଶାସନ ବ୍ୟବସ୍ଥା କରିଛି । ହେଲେ ଏଠି ପ୍ରଶ୍ନ ଉଠୁଛି ଏସବୁରୁ କେମିତି ବାଦ୍ ପଡିଲା ବାଲିଆପାଳ ବ୍ଲକ ଅସ୍ତି ଗ୍ରାମପଞ୍ଚାୟତର ବାତ୍ଯା ଆଶ୍ରୟସ୍ଥଳୀ ? କାହିଁକି ଏଠାରେ କୌଣସି ବ୍ୟବସ୍ଥା କରାଯାଇନାହିଁ ? କାହିଁକି ପଡିଛି ତାଲା ?
ମୂଳକ ରାଜ୍ଯ ସରକାର ଜିରୋ କାଜୁଆଲିଟ ଉପରେ ଗୁରୁତ୍ବ ଦେଇଛନ୍ତି । ଉପରେ ଗୁରୁତ୍ବ ଦେଉଥିବା ବେଳେ ସାମ୍ନାକୁ ଆସିଲା ଅବ୍ଯବସ୍ଥାର ଚିତ୍ର ।