ସେଦିନ ଥିଲା ଜୁନ୍ ୧୪ ତାରିଖ । ସମସ୍ତେ ରଜ ପାଇଁ ମଉଜ ମଜଲିସରେ ବ୍ୟସ୍ତ ଥାନ୍ତି । ଏତିକି ବେଳେ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳରୁ ଆସିଲା ଏମିତି ଏକ ଘଟଣା ଜାହା ସମସ୍ତଙ୍କୁ ଚକିତ କରିଦେଇଥିଲା । ଜଣେ ୮୦ ବର୍ଷିୟା ବୃଦ୍ଧାଙ୍କ ସହ ହୋଇଥିଲା ଦୂଷ୍କର୍ମ । ଗୁରୁତର ଅବସ୍ଥାରେ ବୃଦ୍ଧାଙ୍କୁ ଉଦ୍ଧାର କରି ମେଡିକାଲ ନିଆଯାଇଥିଲା । ତେବେ ଏହି ଘଟଣା ପଟ୍ଟାମୁଣ୍ଡାଇ ଥାନା ଠାରୁ ମାତ୍ର ୨୦୦ ମିଟର ଦୂରରେ ଘଟିଥିଲା । ହେଲେ ଥାନା ଠାରୁ ଅଳ୍ପ ଦୂରରେ ଏଭଳି ଏକ ଅମାନବୀୟ କାଣ୍ଡ ଘଟିଥିବା ବେଳେ ପୋଲିସ ଏହାର ସୁରାକ ପାଇନଥିଲା । ଯାହାକୁ ନେଇ ଅନେକ ନେଇ ପ୍ରଶ୍ନ ଉଠିଛି । ଦୁଷ୍କର୍ମ ଘଟଣାକୁ ମାସେ ପୂରିବାକୁ ବସିଥିବା ବେଳେ କିନ୍ତୁ ବୃଦ୍ଦାଙ୍କୁ ଏଯାଏଁ ନ୍ୟୟ ମିଳିପାରି ନାହିଁ । ପୋଲିସ ଆଜି ଯାଏଁ ଅଭିଯୁକ୍ତଙ୍କୁ ଧରିବାରେ ବିଫଳ ହୋଇଛି । ଫଳରେ ତୁରନ୍ତ ଅଭିଯୁକ୍ତକୁ ଗିରଫ ଦାବୀ କରି ସଂସାରଫଳ ଗ୍ରାମ ପଂଚାୟତର ବିଭିନ୍ନ ସ୍ୱୟଂ ସାହାୟିକା ଗୋଷ୍ଠିର ଶତାଧିକ ମହିଳା ଥାନା ଘେରାଉ କରିବା ସହ ରାସ୍ତା ରୋକ କରିଥିଲେ ।