ସର୍ବଭାରତୀୟ ମହାବୀର ଫୁଟବଲ୍ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଖୋର୍ଦ୍ଧା ଜିଲ୍ଲା କୁହୁଡି ମହାବୀର ଆଥେଲେଟିକ୍ ଆଶୋସିଏସନ ଆନୁକୁଲ୍ୟରେ ୬୫ ତମ ସର୍ବଭାରତୀୟ ଫୁଟବଲ୍ ଟୁର୍ଣ୍ଣାମେଣ୍ଟ ସ୍ଥାନୀୟ ଜନତା ଷ୍ଟାଡିୟମ ରେ ଉଦଘାଟିତ ହୋଇଯାଇଛି । ଏହି ଉଦଘାଟନୀ ଦିବସ ରେ ଆଇନ ମନ୍ତ୍ରୀ ପୃଥିବୀରାଜ ହରିଚନ୍ଦନ ମୁଖ୍ୟ ଅତିଥି ଭାବେ ଯୋଗଦେଇ ଟୁର୍ଣ୍ଣାମେଣ୍ଟ କୁ ଉଦଘାଟନ କରିଥିଲେ ।
ଅନ୍ୟ ଅତିଥି ଙ୍କ ମଧ୍ୟରେ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେବ,ଟାଙ୍ଗି ପଂଚାୟତ ସମିତି ଅଧ୍ୟକ୍ଷା ରିଷ୍ଣା ରାଣୀ ମାନ୍ଧାତା,ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷ ରାମଚନ୍ଦ୍ର ମହାପାତ୍ର ପ୍ରମୁଖ ଯୋଗଦେଇଥିଲେ । ଉଦଘାଟନୀ ମ୍ୟାଚରେ ଚକ୍ରଧରପୁର ସହିତ ୟୁଥ୍ ଡେଭଲପମେଣ୍ଟ କ୍ଳବ୍ କଣ୍ଡରପୁର୍, ଭୁବନେଶ୍ୱର ମଧ୍ୟରେ ଅନୁଷ୍ଠିତ ହୋଇଥିଲା ।
ଉଭୟ ଦଳ ପରସ୍ପର କୁ ୧ – ୧ ଗୋଲ୍ ଦେଇଥିବାରୁ ଟ୍ରାଇ ବ୍ରେକ୍ ର ସହାୟତା ନିଆଯାଇଥିଲା । ଏଥିରେ ଚକ୍ରଧରପୁର ବିଜୟୀ ଲାଭ କରିଥିଲା । ମ୍ୟାଚରେ ଶ୍ରେଷ୍ଠ ଖେଳାଳି ଭାବେ ଚକ୍ରଧରପୁର ର ଅଜୟ ମୁର୍ମୁ ଓ ଭୁବନେଶ୍ୱରର ଚନ୍ଦନ ନାୟକଙ୍କୁ ବିଭୁତି ମେମୋରିଆଲ ଟ୍ରଫି ପ୍ରଦାନ କରାଯାଇଥିଲା ।