ଶିବସେନା (ଉଦ୍ଧବ ଦଳ) ସାଂସଦ ସଞ୍ଜୟ ରାଉତ ରବିବାର ଗୃହମନ୍ତ୍ରୀ ଅମିତ ଶାହାଙ୍କୁ ପାଲଟା ଜବାବ ଦେଇଛନ୍ତି । ରାଉତ କହିଛନ୍ତି ଯେ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ନାନ୍ଦେଡରେ ଦେଇଥିବା ଉଦ୍ଧବ ଠାକରେଙ୍କୁ ଦେଇଥିବା ମନ୍ତବ୍ୟରୁ ଜଣାପଡୁଛି ଯେ, ଉଦ୍ଧବ ଠାକରେଙ୍କୁ ବିଜେପି ଭୟ କରୁଛି । ସେ କହିଛନ୍ତି ଯେ, ମହାରାଷ୍ଟ୍ରରେ ଶିବସେନାଙ୍କ ଆଭିମୁଖ୍ୟ ଅକ୍ଷୂର୍ଣ୍ଣ ରହିଛି ।
ଗୃହମନ୍ତ୍ରୀ ଅମିତ ଶାହା ଶନିବାର ଦିନ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ପ୍ରଶ୍ନ କରିଥିଲେ ଯେ ମୁଁ ଉଦ୍ଧବ ଠାକରେଙ୍କୁ ପଚାରିବାକୁ ଚାହୁଁଛି, ଯେ କର୍ଣ୍ଣାଟକରେ ଯେଉଁ ସରକାର ଗଠିତ ହୋଇଛି ସିଏ ଇତିହାସ ପୁସ୍ତକରୁ ବୀର ସାବରକରଙ୍କୁ ଲିଭାଇବାକୁ ଚାହୁଁଛନ୍ତି । ଆପଣ ଏଥିରେ ସହମତ କି ?
ଏହାସହିତ ଅମିତ ଶାହା ମହା ବିକାଶ ଅଘାଡି ଅର୍ଥାତ୍ MVAର ମିଳିତ ଗଠବନ୍ଧକୁ ମଧ୍ୟ ଟାର୍ଗେଟ କରିଥିଲେ । ସଞ୍ଜୟ ରାଉତ କହିଛନ୍ତି, “ନନ୍ଦେଡ ରାଲିରେ ନିଜର ୨୦ ମିନିଟର ଭାଷଣରେ ଅମିତ ଶାହା ଅତି କମରେ ସାତ ମିନିଟ୍ ପର୍ଯ୍ୟନ୍ତ ଉଦ୍ଧବ ଠାକରେଙ୍କୁ ଆକ୍ରମଣ କରିଥିଲେ । ଏହାର ଅର୍ଥ ହେଉଛି ଯେ, ମାତୋଶ୍ରୀଙ୍କ ଆଧିପତ୍ୟ ଅକ୍ଷୁର୍ଣ୍ଣ ରହିଛି । ଶିବସେନା ଦଳ ଭାଙ୍ଗିଦିଆଗଲା ଏବଂ ଏହାର ନାମ ଏବଂ ନିର୍ବାଚନୀ ପ୍ରତୀକ ବିଶ୍ବାସଘାତକଙ୍କୁ ଦେଇଦିଆଗଲା । ଏହାସତ୍ତ୍ବେ ମଧ୍ୟ ସେମାନଙ୍କ ମଧ୍ୟରେ ଠାକରେ ଏବଂ ଶିବସେନାଙ୍କ ଭୟ ରହିଛି, ଏହି ଭୟ ଭଲ ଅଟେ । “
ରାଜ୍ୟସଭା ସାଂସଦ ରାଉତ କହିଛନ୍ତି ଯେ, ଶିବସେନାର ନିର୍ବାଚନୀ ପ୍ରତୀକ ତଥା ନାମକୁ ଏକନାଥ ସିନ୍ଦେ ଗୋଷ୍ଠିର ବିଶ୍ବାସଘାତକ ମାନଙ୍କୁ ଦିଆଯିବା ସତ୍ତ୍ବେ ବିଜେପି ଠାକରେଙ୍କୁ ଭୟ କରୁଛି ।
Leave a Reply