ପରିବହନ ଅଧିକାରୀଙ୍କ ନିର୍ଦେଶକ୍ରମେ ଆଜି କନିଷ୍ଠ ମୋଟର ଯାନ ଅଧିକାରୀ ଓ ଟ୍ରାନ୍ସପୋର୍ଟ ଇନସ୍ପେକ୍ଟରଙ୍କ ମିଳିତ ସହଯୋଗରେ ଦଳା ସଂଖଚିଲା ଓ ରାଛିପୁର ନେଳିବାରୀ ରାସ୍ତାରୁ ବେଆଇନ ବାଲି ଓ ମୋହମ ବୋଝେଇ ଓ ବିନା କାଗଜରେ ଗଡୁଥିବା ୭ଟି ଟ୍ରାକ୍ଟର ଉପରେ ୭୦ ହଜାର ଜରିମାନା କରାଯାଇଛି। ବିଶେଷ କରି ମୋଟର ଯାନ ନିୟମକୁ ଉଲଂଘନ କରି ୧୮ ବର୍ଷ ରୁ କମ ବୟସର ପିଲା ଓ ବିନା ଲାଇସେନ୍ସରେ ଗାଡି ଡ୍ରାଇଭ କରିବା ଉପରେ ଜରିମାନା ଆଦାୟ କରାଯାଇଥିବା କୁହାଯାଉଛି। ଯାଜପୁର ରୋଡ ଓ ଦାନଗଦି ଅଞ୍ଚଳରେ ଦିନକୁ ଦିନ ଚୋରା ଲଘୁ ଖଣିଜ ଦ୍ରବ୍ୟର ହରିଲୁଟ ହେଉଥିବାରୁ ଏହି ଚଢ଼ାଉ ଜାରି ରହିବ ବୋଲି ଟ୍ରାନ୍ସପୋର୍ଟ ଇନସେପ୍ଟରଙ୍କ ପକ୍ଷରୁ ସୂଚନା ଦିଆଯାଇଛି।