ବର୍ବରତାର ସୀମା ଟପିଗଲେ ଲୋକେ । ମହିଳାଙ୍କୁ ଅସଦାଚରଣ ଅଭିଯୋଗରେ ଜଣେ ବ୍ୟକ୍ତିଙ୍କୁ ଚୂନକାଳି ବୋଳିବା ସହ ଚପଲ ମାଳ ପିନ୍ଧାଇ ବୁଲାଇଲେ । ଏଭଳି ଘଟଣା ଦେଖିବାକୁ ମିଳିଛି ପାରାଦ୍ୱୀପ ମେରାଇନ ଥାନା ଅଧିନସ୍ଥ ନେହେରୁ ବଙ୍ଗଳା ବସ୍ତି ଅଞ୍ଚଳ ରେ । ସୁଚନା ଅନୁଯାୟୀ ଜଣେ ମହିଳାଙ୍କୁ ଅସଦାଚରଣ କରିଥିଲେ ଜଣେ ନିଶାସକ୍ତ ବ୍ୟକ୍ତି । ଏନେଇ କିଛି ଲୋକ ଜାଣିବା ପରେ ବସ୍ତିର କିଛି ଲୋକ ଓ ମହିଳା ଙ୍କ ସମ୍ପର୍କୀୟ ମାନେ ଉକ୍ତ ବ୍ୟକ୍ତିକୁ ଉତ୍ତମ ମାଧ୍ୟମ ଦେବା ସହିତ ଚୁଟି କାଟି ସାତବେଣ୍ଟିଆ କରିଥିଲେ । କିନ୍ତୁ ଏଥିରେ ସେମାନଙ୍କ ମନ ବୁଝି ନଥିଲା, ଉତ୍ୟକ୍ତ ଲୋକେ ଉକ୍ତ ବ୍ୟକ୍ତିର ସାର୍ଟ ଓ ଗଞ୍ଜି ଓହ୍ଲାଇ ଦେହସାରା ନାଲିରଙ୍ଗ, ଚୂନ ଓ କଳା ବୋଳିବା ସହିତ ଚପଲ ମାଳ ପିନ୍ଧାଇ ଗାଁ ଦାଣ୍ରେ ବୁଲାଇଥିଲେ । ତେବେ ଏଠାରେ କହି ରଖୁଛୁ କି ଯଦି କୌଣସି ବ୍ୟକ୍ତି କିଛି ଦୋଷ କରିଛି ତାକୁ ପୋଲିସ କୁ ହସ୍ତାନ୍ତର କରିଦେବା ଉଚିତ୍ । ଏଭଳି ଆଇନକୁ ନିଜ ହାତକୁ ନେବା କେତେ ଯୁକ୍ତି ସଂଗତ ବୋଲି ସାଧାରଣରେ ଚର୍ଚ୍ଚା ହେଉଛି ।