ପଣ୍ୟ କାରବାରରେ ପୁଣି ରେକର୍ଡ କଲା ପାରାଦ୍ଵୀପ ବନ୍ଦର। ୧୨୨ ଦିନରେ ୫୦.୧୬ ମିଲିୟନ ମେଟ୍ରିକ ଟନ ପଣ୍ୟ କାରବାର କରି ରେକର୍ଡ କରିଛି ବନ୍ଦର। ସମସ୍ତ ମେଜର ପୋର୍ଟକୁ ପଛରେ ପକାଇ ପାରାଦ୍ଵୀପ ବନ୍ଦର ଚଳିତ ଆର୍ଥିକ ବର୍ଷରେ ଏହି ବୃହତ ରେକର୍ଡ କରିବା ସହିତ ଅନ୍ୟ ବର୍ଷ ତୁଳନାରେ ୫.୧୬% ଅଭିବୃଦ୍ଧି ହାସଲ କରିଛି। ଏଥିରେ ୨୩:୧୧ ମିଲିୟନ ମେଟ୍ରିକ ଟନ କୋଇଲା ପରିବହନ କରିଥିବା ବେଳେ ଆଇନ ଓର ଓ ପେଲେଟ ଆଇରନ ୯ ମିଲିୟନ ମେଟ୍ରିକ ଟନ ପରିବହନ କରିଛି। ସେହିପରି ଗତବର୍ଷ ତୁଳନାରେ ପାରାଦ୍ଵୀପ ବନ୍ଦର ୮୫.୦୭ % ଅଧିକ କଣ୍ଟେନର କାର୍ଗୋ ପରିବହନ କରିଛି।
ଏହି ରେକର୍ଡ କୁ ନେଇ ବନ୍ଦର ଅଧ୍ଯକ୍ଷ ପି ଏଲ ହରାନାଦ ବନ୍ଦରର କର୍ମଚାରୀଙ୍କ କାର୍ଯ୍ୟକୁ ପ୍ରଶଂସା କରିବା ସହିତ ରାଜ୍ଯ ଓ କେନ୍ଦ୍ର ସରକାରଙ୍କ ସହଯୋଗ ପାଇଁ ଏହା ସମ୍ଭବ ହୋଇଥିବା ଏକ ପ୍ରେସ ବିବୃତ୍ତି ରେ ପ୍ରକାଶ କରିଛନ୍ତି। ଆଗକୁ ଏହିପରି ପଣ୍ୟ କାରବାର ଯାରିରହିବ ଏବଂ ଚଳିତ ବର୍ଷ ପାରାଦ୍ଵୀପ ବନ୍ଦର ୧୫୦ ମିଲିୟନ ମେଟ୍ରିକ ଟନ ପଣ୍ୟ ପରିବହନ ର ଲକ୍ଷ ରହିଥିବା ସେ ପ୍ରକାଶ କରିଛନ୍ତି।