ଅନୁଗୋଳ ଜିଲ୍ଲା ଆଠମଲ୍ଲିକ ନିର୍ବାଚନ ମଣ୍ଡଳୀର ଅଇଡ଼ା ମଣ୍ଡଳ ଅଞ୍ଚଳରେ ଶୁକ୍ରବାର ତିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଅନୁଗୋଳ ଜିଲ୍ଲାର ବିଜେପି ଜିଲ୍ଲା ଉପସଭାପତି ଅର୍ଜୁନ କୁମାର ସାହୁଙ୍କ ନେତୃତ୍ଵରେ ଆଠମଲ୍ଲିକର ଲିପିଲୋଇ ଶିବ ମନ୍ଦିର ଠାରୁ ହଜାର ହଜାର ବାଇକରେ ଶୋଭାଯାତ୍ରା ଆରମ୍ଭ ହୋଇ ମା ବିନିକେୟୀ ପୀଠଠାରେ ଶେଷ ହୋଇଥିଲା। ଏହି ଶେଭାଯାତ୍ରାରେ ପୁରୁଷ ଓ ମହିଳା ସାମିଲ ହୋଇ ନାରାଦେଇ ରାଲି କରିଥିଲେ। ଶୋଭାଯାତ୍ରାରେ ଆଠମଲ୍ଲିକ ବିଧାନସଭାର ଯୁବ ସମାଜ ସେବି ତଥା , ଜିଲ୍ଲା ଉପ ସଭାପତି ଅର୍ଜୁନ କୁମାର ସାହୁ , ଆଠମଲ୍ଲିକ ନିର୍ବାଚନ ମଣ୍ଡଳୀର ବହୁ ଯୁବ ବିଜେପି କର୍ମୀ ପ୍ରମୁଖ ଯୋଗ ଦେଇଥିଲେ।
ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା ମହୋତ୍ସବ-୨୦୨୫ର ଭବ୍ୟ ସଫଳତା ପରେ ଆୟ-ବ୍ୟୟ ବିଷୟରେ ବିସ୍ତୃତ ଆଲୋଚନା ନିମନ୍ତେ ଏକ ବୈଠକ ଆୟୋଜିତ ହୋଇଛି। ଏହି ବୈଠକରେ ଜିଲ୍ଲାପାଳ ଶ୍ରୀ ଆଦିତ୍ୟ ଗୋୟଲଙ୍କ ସମେତ ବରଗଡ଼ ବିଧାୟକ ଶ୍ରୀ ଅଶ୍ୱିନୀ କୁମାର ଷଡ଼ଙ୍ଗୀ, ଅତାବିରା ବିଧାୟକ ନିହାର ରଞ୍ଜନ ମହାନନ୍ଦ, ପଦମପୁର ବିଧାୟିକା ଶ୍ରୀମତୀ ବର୍ଷା ସିଂ ବରିହା, ଜିଲ୍ଲା ପରିଷଦ ଅଧକ୍ଷା ଶ୍ରୀମତୀ ମାନିନୀ ଭୋଇ, ପୌରାଧ୍ୟକ୍ଷା ଶ୍ରୀମତୀ କଳ୍ପନା ମାଝୀ, ପଦମପୁର ଅତିରିକ୍ତ ଜିଲ୍ଲାପାଳ ଶ୍ରୀ କୃଣାଲ ମୋତିରାମ ଚୌହାନ, ବରଗଡ଼ ଅତିରିକ୍ତ ଜିଲ୍ଲାପାଳ ଶ୍ରୀ ମହେନ୍ଦ୍ର ମହାପାତ୍ର ଧନୁଯାତ୍ରା ମହୋତ୍ସବ ସମିତିର ସମ୍ପାଦକ ଶ୍ରୀ ସୁରେଶ୍ୱର ଶତପଥୀ, ଜିଲ୍ଲା ସ୍ତରୀୟ ଅଧିକାରୀ ତଥା କମିଟିର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ।
ଉପସ୍ଥିତ ସମସ୍ତ ଅତିଥି ତଥା ଲୋକ ପ୍ରତିନିଧି ଧନୁଯାତ୍ରାର ଅଭୂତପୂର୍ବ ସଫଳତାକୁ ସ୍ୱୀକାର କରି ଆୟୋଜକ କମିଟିର ସଦସ୍ୟଙ୍କୁ ଅଭିନନ୍ଦନ ଜଣାଇଥିଲେ। ଧନୁଯାତ୍ରା ମହୋତ୍ସବ ସମିତିର ସମ୍ପାଦକ ଶ୍ରୀ ସୁରଶ୍ୱର ଶତପଥୀ ବରଗଡ଼ ୨୦୨୫ ଧନୁଯାତ୍ରା ମହୋତ୍ସବ
ସମ୍ବନ୍ଧୀୟ ଆର୍ଥିକ ବିବରଣୀ ତଥା ଆୟ-ବ୍ୟୟ ବିଷୟରେ ସ୍ପଷ୍ଟ ଭାବେ ଉପସ୍ଥାପନା କରିବା ପରେ ସମସ୍ତଙ୍କ ମଧ୍ୟରେ ଏହାଉପରେ ବିସ୍ତୃତ ଆଲୋଚନା କରାଯାଇଥିଲା। ପରେ ମଂଚାସୀନ ଅତିଥିଙ୍କ ଦ୍ୱାରା ଧନୁଯାତ୍ରା ଉପରେ ନିର୍ମିତ ଡକ୍ୟୁମେଣ୍ଟାରୀ ଫିଲ୍ମ ଓ ଏକ ଆକର୍ଷଣୀୟ କଫି ଟେବୁଲ ବୁକ୍ର ଉନ୍ମୋଚନ କରାଯାଇଥିଲା । ଏହି ଦୁଇଟି ସୃଜନାତ୍ମକ ପ୍ରସ୍ତୁତି ବରଗଡ଼ ଧନୁଯାତ୍ରା ମହୋତ୍ସବର ଐତିହ୍ୟ, ସଂସ୍କୃତିକ ବୈଭବ ତଥା ଗୌରବକୁ ସ୍ଥାୟୀ ରୂପ ଦେବା ଉଦ୍ଦେଶ୍ୟରେ ପ୍ରସ୍ତୁତ କରାଯାଇଛି। ଏହା ଓଡିଶାର ଏହି ବୈଶିଷ୍ଟ୍ୟ ପୂର୍ଣ୍ଣ ଉତ୍ସବକୁ ଦେଶ ଓ ବିଦେଶରେ ଅଧିକ ପ୍ରଚାର କରିବାରେ ସାହାଯ୍ୟ କରିବ। ବୈଠକରେ ସମସ୍ତ ସଦସ୍ୟ ଉକ୍ତ ବର୍ଷର ଧନୁଯାତ୍ରାକୁ ପାରଦର୍ଶୀ ଓ ଆକର୍ଷଣୀୟ ଭାବେ ଆୟୋଜନ କରିଥିବାରୁ ଓଡିଶା ସରକାର ତଥା ଜିଲ୍ଲାର ସମସ୍ତ ଲୋକ ପ୍ରତିନିଧିଙ୍କୁ ଧନ୍ୟବାଦ ଜଣାଇ ଆଗାମୀ ଦିନରେ ଏହି ମହୋତ୍ସବକୁ ଅଧିକ ଆକର୍ଷଣୀୟ ତଥା ବିଶ୍ୱସ୍ତରୀୟ କରିବା ପାଇଁ ଅନୁରୋଧ କରିଥିଲେ ।
କୋରାପୁଟ ଜିଲ୍ଲା ସେମିଳିଗୁଡା ଅନ୍ତର୍ଗତ କୃଷକ ବଜାର ଠାରେ ମା ଦୁର୍ଗା ମିନି ଟ୍ରକ ଚାଲକ ସଂଘ ବୈଠକ ଅନୁଷ୍ଠିତ ହଇଥିଲା । ସଂଘର ସଭାପତି ରମେଶ ଖିଲ, ଉପସଭାପତି ରୁନା ରାଉତ, ସାଧାରଣ ସମ୍ପାଦକ ତ୍ରିନାଥ ପଦାର,ଯୁଗ୍ମ ସମ୍ପାଦକ ମନୋଜ ରାଓ,କୋଷାଦକ୍ଷ ନରେଶ କୁମାର ଅଗ୍ରୱାଲ, ଉପଦ୍ରଷ୍ଟା ପଦ୍ମ ଚରଣ ମିଶ୍ର, ଆଇନ ଉପଦ୍ରଷ୍ଟା ସତ୍ୟ ନାରାୟଣ ସାହୁ, ଯୋଗଦେଇ ଆଗାମୀ ଦିନରେ ସଂଘ କିପରି ସୁଦୃଢ କରାଯିବ ଅନେକ ସମାଜିକ କାମରେ ସଂଘର କର୍ମ କର୍ତ୍ତା ଲିପ୍ତ ରହିବେ ଜନ ସାଧାରଣଙ୍କ ଅସୁବିଧା ବେଳେ ସାହାଯ୍ୟ ସୋହଯୋଗରେ ହାତ ବଢ଼ାଇବେ ବୋଲି ସଂଘର କର୍ମ କର୍ତ୍ତା କହିଛନ୍ତି । ଏହି ଅବସରରେ ବହୁ ସଂଖ୍ୟାରେ ମିନି ଟ୍ରକ ଚାଳାକ କର୍ମ କର୍ତ୍ତା ଉପସ୍ଥିତ ରହିଥିଲେ । ବୈଠକରେ ସଭାପତିଙ୍କ ନିର୍ଦେଶ କ୍ରମେ ପ୍ରତ୍ୟେକ ମାସରେ ସଂଘର ଉନ୍ନତି ପାଇଁ ବୈଠକ ଡକାଯାଉଛି ।
ବଲିଉଡରେ ଏପରି ଅନେକ ପ୍ରେମ କାହାଣୀ ଅଛି, ଯାହା କେବେ ସଫଳ ତ ହୋଇପାରି ନାହିଁ, ହେଲେ ଏହା କାହାଠାରୁ ଲୁଚି ମଧ୍ୟ ରହିନାହିଁ। ମୁମତାଜ ଏବଂ ଶମ୍ମି କପୁରଙ୍କ ପ୍ରେମ କାହାଣୀ ମଧ୍ୟ ଏହି ପ୍ରେମ କାହାଣୀ ମଧ୍ୟରୁ ଗୋଟିଏ। ୬୦ ଏବଂ ୭୦ ଦଶକର ଜଣେ ଆଗଧାଡିରେ ଥିବା ଅଭିନେତ୍ରୀ ସେହି ସମୟର ଶ୍ରେଷ୍ଠ ଅଭିନେତା ଶମ୍ମି କପୁରଙ୍କ ପ୍ରେମରେ ପଡ଼ିଯାଇଥିଲେ।
ମୁମତାଜ ଏବଂ ଶମ୍ମି କପୁର ବିବାହ କରିବାକୁ ଚାହୁଁଥିଲେ, ହେଲେ ଅଭିନେତ୍ରୀ କେବଳ ଏହି କାରଣରୁ ବିବାହ କରିବାକୁ ମନା କରିଦେଲେ, କାହିଁକିନା ସେ ଆଗକୁ କାମ କରାଇବାକୁ ରଖିବାକୁ ଚାହୁଁଥିଲେ। କିନ୍ତୁ କପୁର ପରିବାର ଏଥିପାଇଁ ଅନୁମତି ଦିଅନ୍ତି ନାହିଁ। ପରେ, ବ୍ୟବସାୟୀ ମୟୂର ମାଧୱାନୀଙ୍କ ସହ ବିବାହ ପରେ ତାଙ୍କୁ ମଧ୍ୟ ସେହିପରି କରିବାକୁ ପଡିଲା। ନିକଟରେ ମୁମତାଜ ଶମ୍ମି କପୁରଙ୍କ ସହ ତାଙ୍କର ପ୍ରେମ କାହାଣୀ ଏବଂ ତାଙ୍କ ସହ ତାଙ୍କର ଶେଷ ସାକ୍ଷାତ ବିଷୟରେ କହିଥିଲେ।
ରେଡିଓ ନଶା ସହିତ ଆଲୋଚନାରେ ମୁମତାଜ ତାଙ୍କ ପୁରୁଣା ସ୍ମୃତି ବଖାଣିଥିଲେ। ଏହି ସମୟରେ ମୁମତାଜ ଦେବ ଆନନ୍ଦଙ୍କ ସହ ତାଙ୍କର ବନ୍ଧୁତା ଏବଂ ଶମ୍ମି କପୁରଙ୍କ ସହ ତାଙ୍କର ପ୍ରେମ କାହାଣୀ ବିଷୟରେ ମଧ୍ୟ କହିଥିଲେ। ଦେବ ଆନନ୍ଦଙ୍କ ସହ ତାଙ୍କ ବନ୍ଧୁତା ବିଷୟରେ ସେ କହିଥିଲେ- ‘ଦେବ ଆନନ୍ଦ ମୋତେ ମୁମଜୀ କହି ଡାକୁଥିଲେ… ମୋର ସମସ୍ତ ହିରୋ ମୋତେ ଭଲ ପାଉଥିଲେ।’ ମୋର ସହ-କଳାକାରମାନଙ୍କ ସହିତ ରୋମାଣ୍ଟିକ ଲିଙ୍କ-ଅପ୍ ବିଷୟରେ ପ୍ରାୟତଃ ଖବର ଆସୁଥିଲା କାରଣ ସେମାନେ ସମସ୍ତେ ମୋତେ ଭଲ ପାଉଥିଲେ।’
ଶମ୍ମି କପୁରଙ୍କ ସହ ତାଙ୍କ ପ୍ରେମ କାହାଣୀ ବିଷୟରେ ମୁମତାଜ କହିଛନ୍ତି, “ଶମ୍ମି କପୁର ଏତେ ସୁନ୍ଦର ଥିଲେ ଯେ କୌଣସି ଝିଅ ତାଙ୍କ ପ୍ରତି ଆକର୍ଷିତ ହେବାରୁ ନିଜକୁ ରୋକି ପାରୁ ନଥିଲେ।” ଯେତେବେଳେ ତାଙ୍କୁ ପଚରାଗଲା ଯେ ତାଙ୍କର ଏବଂ ଶମ୍ମି କପୁରଙ୍କ ପ୍ରେମ କାହାଣୀ କିପରି ଆରମ୍ଭ ହୋଇଥିଲା, ମୁମତାଜ ହସି ହସି କହିଲେ, “ଆପଣ ମଧ୍ୟ ନିଶ୍ଚୟ ପ୍ରେମ କରିଥିବେ, ଆପଣଙ୍କୁ କିପରି ହୋଇଥିଲା ? ସେ ମୋତେ ପ୍ରପୋଜ ମଧ୍ୟ କରିଥିଲେ।”
ଶମ୍ମି କପୁରଙ୍କୁ ମନେ ପକାଇ ମୁମତାଜ Rediff.com କୁ କହିଥିଲେ, “ମୁଁ ଭାବୁନାହିଁ ଯେ ସେ ମୋ ଉପରେ ଯେତେ ପ୍ରେମ ବର୍ଷାଇଥିଲେ, କେହି ମୋତେ ସେତିକି ପ୍ରେମ ଦେଇପାରିବେ। ମୁଁ ତାଙ୍କୁ କେବେ ଭୁଲି ପାରିନାହିଁ। ଆଜି ମଧ୍ୟ, ଯେତେବେଳେ ତାଙ୍କ ନାମ ନିଆଯାଏ, ମୋ ଆଖିରେ ଲୁହ ଆସିଯାଏ। ଏହା କୌଣସି ଲଭ ଆଫାୟାର ନଥିଲା, ଏହା ତା’ଠାରୁ ବହୁତ ଅଧିକ ଥିଲା। ଆମେ ପରସ୍ପରକୁ ବହୁତ ଭଲ ପାଉଥିଲୁ।”
ଶମ୍ମି କପୁରଙ୍କ ସହ ତାଙ୍କର ଶେଷ ସାକ୍ଷାତକୁ ମନେ ପକାଇ, ମୁମତାଜ ଭାବପ୍ରବଣ ହୋଇ କହିଲେ- ‘ସେ ଏବେ ବି ମଦ୍ୟପାନ କରୁଥିଲେ… ମୁଁ ତାଙ୍କୁ ପଚାରିଲି, ‘ତୁମେ ଯେତେବେଳେ ସୁସ୍ଥ ନୁହଁ, ତେବେ କାହିଁକି ମଦ୍ୟପାନ କରୁଛ?’ ‘ସେ କହିଲେ ଯେ ସେ ଅଧିକ ଦିନ ବଞ୍ଚିବେ ନାହିଁ ଏବଂ ମୁଁ ତାଙ୍କୁ କହିଲି, ‘ତେବେ ପିଅ, ମଜା କର।’ ମୁଁ ଆଉ କଣ କହିପାରିବି? ମୁଁ ତାଙ୍କୁ ଅଟକାଇ ପାରି ନଥିଲି । ମୁଁ ତାଙ୍କ ସହିତ କିଛି ସମୟ ବସି,ଫେରି ଆସିଲି। ମୁଁ ତାଙ୍କୁ ମରୁଥିବାର ଦେଖିପାରିନଥାନ୍ତି ।
କଥାରେ ଅଛି କର୍ମଣୟେ ମା ବାଦିକରସ୍ତୁ ମା ଫଳେସୁ କଦାଚନ .ଭଗବାନ କହିଛନ୍ତି କର୍ମ କରିଚାଲ ଫଳ ନିଶ୍ଚୟ ମିଳିବ କିନ୍ତୁ ଫଳ ଓପରେ ଆଶା ରଖନି, ଏକଥା କହିବାର କାରଣ କରୋନା ସମୟରେ କାହାର ଭାଗ୍ୟ ବଦଳିଚି ତ କାହାର ଜୀବନ ମୃତ୍ୟୁ ସାଙ୍ଗରେ ଲଢେଇ .ହଁ ଆଜ୍ଞା ଏ ଦୃଶ୍ୟ ହେଉଛି କେନ୍ଦୁଝର ଜିଲ୍ଲା ହାଟଡିହି ଶିକ୍ଷା ସର୍କଲ ଚାନ୍ଦିବିରଞ୍ଚିପୁର ସ୍ତିତ ଉଦୟନାଥ ସାଜିଛନ୍ତି ଜ୍ୱଳନ୍ତ ଉଦାହରଣ ।
ଉଦୟନାଥ କର ଘର ଭଦ୍ରକ ଜିଲ୍ଲା ବନ୍ତ ବ୍ଲକ ଶିଲନ୍ଧି ଗ୍ରାମର .ସେ ଜଣେ ଉଚ ଶିକ୍ଷିତ ଏବଂ ହାଟଡିହି ଚଣ୍ଡବିରଞ୍ଚିପୁର ସ୍ତିତ ଏସ .ଟି ଜାଭିୟର ବିଦ୍ୟାଳୟ ର ଏମଡି ଉଦୟନାଥ କର . ଉଦୟ ଜଣେ ଯୁବ ଇଂଜିନିୟର ହେଲେ କରୋନା ପରଠୁ ତାଙ୍କ ଭାଗ୍ୟ ବଦଳାଇ ଦେଇଛି ବିଦ୍ୟାଳୟ ଛୁଟି ସମୟରେ ଉଦୟଙ୍କ ନିଜସ୍ୱ ଫାର୍ମ ରେ ଧଳା ଘୁଷୁରୀ ଓ ପିଜୁଳି ଚାଷ କରି ନିଜେ ସ୍ୱାବଲମ୍ବୀ ହେବା ସହ ୩୦ ରୁ ଉର୍ଧ ଲୋକଙ୍କୁ ନିୟୋଜିତ କରି ସେମାନଙ୍କୁ ସ୍ୱାବଲମ୍ବୀ କରାଇପାରିଛନ୍ତି ।
ଏହି ପିଜୁଳି ଚାଷ କରି ଭଦ୍ରକ କଟକ ବାଲେଶ୍ୱର କେନ୍ଦୁଝର ଯାଜପୁର ଏମିତି ଅନ୍ୟାନ୍ୟ ଜିଲା ମାନଙ୍କୁ ଆମଦାନୀ କରନ୍ତି ସେହିପରି ଧଳା ଘୁଷୁରୀ ଚାଷ କରି ରାଜ୍ୟ ବାହାର କୁ ମଧ୍ୟ ଆମଦାନୀ କରିଥାନ୍ତି ମାସକୁ ଏହି ଚାଷ କରି ଉଦୟ ସ୍ୱାବଲମ୍ବୀ ହୋଇପାରିଛନ୍ତି ପିଜୁଳି ଚାଷ ହାରାହାରି ୧ ଏକର ଜାଗାରେ ଚାଷ କରିଛନ୍ତି ଏବଂ ଧଳା ଘୁଷୁରୀ ଏକ ଏକର ସମୁଦାୟ ଦୁଇ ଏକର ଜାଗର ଚାଷ କରି ସାର ବିଷ ଦେଇ ଗଛ ଲଗାଇଛନ୍ତି .ଉଦୟ ଙ୍କ କହିବା କଥା ସରକାର ଯଦି ଆଉ କିଛି ଉନତ ମାନର ଯନ୍ତ୍ରାଂଶ ଯୋଗାଇଦିଆନ୍ତେ ଓ ଯେତିକି ଚାଷ କ୍ଷେତ୍ରରେ କିପରି ଆଉ ଭଲ ଚାଷ କରିପାରନ୍ତେ ସରକାର ତରଫରୁ ଆସୁଥିବା ବିଭିନ ପ୍ରକାର ସୁବିଧା ସୁଯୋଗ ମିଳିଲେ ସେ ଆଉ ଟିକେ ଉପରକୁ ଉଠିପାରନ୍ତେ।
ସରକାର ଦେଶୀ ଇଟାଭାଟି ନିର୍ମାଣ ବନ୍ଦ ପାଇଁ ବିଜ୍ଞପ୍ତି ଜାରି କରିଛନ୍ତି । ସରକାର ସିମେଣ୍ଟ ଇଟାକୁ ଅନୁମତି ଦେଇଥିବାବେଳେ ନାଲି ଇଟା ନିର୍ମାଣକୁ ରୋକ ଲଗାଇଛନ୍ତି । ନାଲି ଇଟା ନିର୍ମାଣ ମୣର୍ତ୍ତିକା କ୍ଷୟ,ବାୟୁ ପ୍ରଦୂଷଣ ଓ ବାୟୁମଣ୍ଡଳକୁ ବ୍ୟାପକ ପ୍ରଭାବ ପକାଉଥିବା ଅନୁଭବକରି ଦେଶୀ ମାଟି ଇଟାଭାଟିକୁ ସରକାର ବନ୍ଦ କରିଥିବା ବେଳେ ଇଟା ଭାଟି କରିବାରେ ବେପାରୀ ପଛଉନାହାନ୍ତି । ପ୍ରଦୂଷଣ ଯୋଗୁଁ ପରିବେଶ ନଷ୍ଟ ହେବା ସହ ଵ୍ଯାପକ ଧୂଆଁ ଯୋଗୁଁ ଯକ୍ଷ୍ମା ରୋଗ ସମେତ ଲୋକେ ବହୁ ରୋଗରେ ପଡୁଛନ୍ତି । କିନ୍ତୁ ସରକାରଙ୍କ ନିୟମକୁ ଫୁ କରି ଦେଇଛନ୍ତି ଇଟା ମାଫିଆ ଓ ରାଜସ୍ଵ କର୍ମଚାରୀ । ଉଭୟଙ୍କ ମଧୁ ଚନ୍ଦ୍ରିକା ରେ ଚାଲିଛି ବେଆଇନ ଇଟାଭାଟି । ଏଭଳି ଦୃଶ୍ୟ ଦେଖିବାକୁ ମିଳୁଛି ଵହଳଦା ବ୍ଳକର ବିଭିନ୍ନ ସ୍ଥାନରେ ।
ସରକାରଙ୍କ ସମସ୍ତ ନିର୍ଦ୍ଦେଶ କୁ ଫୁ କରିଦେଇ ଓ କିଛି ସରକାରୀ ବାବୁ ମାନଙ୍କୁ ମାଲ ଧରାଇଦେଇ ଦିନ ରାତି ଇଟା ଭାଟି କାମ ଚାଲିଛି । ମାଳ ମାଳ ବେଆଇନ ଇଟାଭାଟି ନିର୍ମାଣ ହେଉଛି । ସରକାରଙ୍କ ସମସ୍ତ ନିୟମକୁ ଯଳାଞ୍ଚଳି ଦେଇ ରାଜସ୍ବ ବିଭାଗର ଅସାଧୁ କର୍ମଚାରୀ ମାନେ ପ୍ରତ୍ୟେକ୍ଷରେ ନହେଲେ ବି ପରୋକ୍ଷରେ ସାହାଯ୍ୟର ହାତ ବଢ଼ାଉଛନ୍ତି । ଅଁଳା ଯୋଡ଼ି ଗ୍ରାମ ଆର ଆଇ ଅଫିସର ଅଳ୍ପ ଦୂରରେ ବେଆଇନ ଇଟାଭାଟି ନିର୍ମାଣ ଚାଲିଛି । ବେଆଇନ ମାଟି ଖନନ ହେବା ସହ ଚୋରା ଚାଲାଣ ହେଉଛି।
ଏ ଘଟଣାକୁ ନେଇ ଗଣମାଧ୍ୟମ ପ୍ରତିନିଧି ଅଁଳା ଯୋଡି ଆର ଆଇ ଧ୍ରୁବ ଚରଣ ଦତ୍ତ ଙ୍କୁ ଜଣାଇଲେ ମଧ୍ୟ ସେ ଗଣମାଧ୍ୟମ ପ୍ରତିନିଧି ଙ୍କୁ ଦୁର୍ବ୍ୟବହାର କରିବା ସହ ଚାଲେଞ୍ଜ କରୁଛନ୍ତି । ବେଆଇନ ମାଟି ଚାଲାଣ ଯୋଗୁଁ ସରକାର ଲକ୍ଷ ଲକ୍ଷ ରାଜସ୍ଵ ହରାଉଛନ୍ତି ।
ବାଲେଶ୍ୱର ଜିଲା ଭୋଗରାଇ ଥାନା ଅଧୀନ ଜନୈକା ୧୭ ବର୍ଷୟା କଲେଜ ପଢୁଆ ନାବାଳିକା ଛାତ୍ରୀ ବଳତ୍କାରର ଶିକାର ହୋଇ ତାଙ୍କୁ ହତ୍ୟାକାରାଯାଇଥିବାର ଭୋଗରାଇ ଥାନାରେ ମୃତା ଛାତ୍ରୀଙ୍କ ଭାଇ ଗତ କାଲି ସନ୍ଧ୍ୟାରେ ଅଭିଯୋଗ କରିଛନ୍ତି lଅଭିଯୋଗ ମୂଳେ ଭୋଗରାଇ ଥାନା ପୋଲିସ ଘଟଣା ସ୍ଥଳକୁ ଯାଇ ମୃତ ନାବାଳିକାଙ୍କ ମୃତ ଦେହ ଘରଭିତରୁ ଉଦ୍ଧାର କରି ୧ ୭ ୪ / ୨ ୫ ରେ ମାମଲା ୠଜୁକରିବା ସହିତ ସନ୍ଦେହରେ ବସନ୍ତ ମଝିନାମକ ଜଣେ ଯୁବକକୁ ଅଟକ ରଖି ଅଧିକ ତଦନ୍ତ ଜାରି ରଖିଛନ୍ତି l
ସୂଚନା ଅନୁଯାୟୀ, ମୃତା ଛାତ୍ରୀଙ୍କ ଭାଇ ଏତଲାରେ ଦର୍ଶାଇଛନ୍ତି ଯେ ଗତ ମଙ୍ଗଳବାର ଦିନ ଦିନ ୧୧ଟା୩୦ ମିନିଟ୍ ସମୟରେ ଭୋଗରାଇ ବ୍ଲକ ଲକ୍ଷ୍ମୀପାଟଣା ଗ୍ରାମର ଯୁବକ ବସନ୍ତ ମାଝୀ (ବାଣ୍ଟୁ) ଓ ତାଙ୍କର କିଛି ସହଯୋଗୀ ଘରେ କେହି ନଥିବା ବେଳେ ଏହି ସୁଯୋଗରେ ବଳତ୍କାର କରିବା ସହିତ ଜୀବନରୁ ମାରି ଦେଇ ଆତ୍ମହତ୍ୟାର ରୁପ ଦେବା ପାଇଁ ଘର ଭିତରେ ବେକରେ ରସି ଦେଇ ଝୁଲାଇ ଦେଇଥିବା ମୃତୁ୍କଙ୍କ ଭାଇ ଭାସ୍କର ମାଝୀ ଥାନାରେ ଲିଖିତ ଅଭିଯୋଗ କରିଛନ୍ତି l ଭୋଗରାଇ ଥାନା ଅଧିକାରୀ ଶ୍ରୀବଲ୍ଲଭ ସାହୁଙ୍କ ନେତୃତ୍ୱରେ ଭୋଗରାଇ ପୋଲିସ ମୃତା ଛାତ୍ରୀଙ୍କ ଶରୀରକୁ ବେବଛେଦ କରିବା ପାଇଁ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିବାର ସୂଚନା ମିଳିଛି ।ଏ ସମ୍ପର୍କ ରେ ପୋଲିସ ର ପ୍ରତି କ୍ରିୟା ମିଳି ପାରି ନାହିଁ
ପୋଲିସ ପ୍ରଶାସନ ସହିତ ସାଧାରଣ ଲୋକଙ୍କ ବିଶ୍ବାସ ଓ ସୁସମ୍ପର୍କ ସ୍ଥାପନ କରିବା ନିମନ୍ତେ ଗତକାଲି ତାଳଚୁଆ ସାମୁଦ୍ରିକ ଥାନାର ଭାରପ୍ରାପ୍ତ ଅଧିକାରୀ ବିମଲ କୁମାର ମଲ୍ଲିକଙ୍କ ନେତୃତ୍ଵରେ ତାଳଚୁଆ ସାମୁଦ୍ରିକ ଥାନା ପକ୍ଷରୁ କେରୁଆପାଳ ପଂଚାୟତ ଦେଉଳସାହି ଠାରେ ସ୍ଥାନୀୟ ଯୁବ ପିଢ଼ିଙ୍କ ମଧ୍ୟରେ ଏକ ଭଲି ବଲ ମ୍ୟାଚ୍ ଅନୁଷ୍ଠିତ ହୋଇଯାଇଛି। ଉକ୍ତ ଭଲି ବଲ ମ୍ୟାଚ୍ କୁ ତାଳଚୁଆ ସାମୁଦ୍ରିକ ଥାନାର ଅଧିକାରୀ ବିମଲ କୁମାର ମଲ୍ଲିକ ଶୁଭାରମ୍ଭ କରିଥିଲେ । ପରେ ସାଂସ୍କୃତିକ କାର୍ଯ୍ୟକ୍ରମ ସହିତ ଅପରେସନ ସିନ୍ଦୂରରେ ଭାରତୀୟ ସୈନିକ ମାନଙ୍କ ପରାକ୍ରମ କୁ ସମ୍ମାନ ଜଣାଇ, ଭଲି ବଲ ମ୍ୟାଚ୍ ଆରମ୍ଭ କରାଯାଇଥିଲା। ଏହି ଭଲି ବଲ ମ୍ୟାଚ୍ ରେ ଗିରିଆପାହି, ଅହିରାଜପୁର, ଦେଉଳସାହି ଓ ପ୍ରଭାତୀ ଗାଁର ଯୁବ ପୀଢ଼ି ସାମିଲ ହୋଇଥିଲେ । ଶେଷରେ ଏହି ମ୍ୟାଚ୍ ରେ ଚାମ୍ପିଅନ ହୋଇଥିବା ପ୍ରଭାତୀ ଟିମ୍ କୁ ତାଳଚୁଆ ସାମୁଦ୍ରିକ ଥାନା ଅଧିକାରୀ ବିମଲ କୁମାର ମଲ୍ଲିକ ଟ୍ରଫି ପ୍ରଦାନ କରିଥିଲେ। ଶ୍ରୀ ମଲ୍ଲିକ କହିଛନ୍ତି ତାଳଚୁଆ ଅଞ୍ଚଳରେ ଅନେକ ବାଂଲାଦେଶୀ ଅନୁପ୍ରେଶକାରୀ ଲୁଚି ରହିଛନ୍ତି ସେମାନଙ୍କୁ ଚିହ୍ନଟ କରିବା ପାଇଁ ଧାରଣ ଲୋକଙ୍କ ସାହଯ୍ୟ ନିହାତି ଆବଶ୍ୟକ ଯାହା ଏହି ଭଲି ବଲ ମ୍ୟାଚ୍ ଜରିଆରେ ସୁସମ୍ପର୍କ ଦ୍ଵାରା ସମ୍ଭବ ହୋଇପାରିବ।
ଭାରତୀୟ ବନ୍ଦର ମଜଦୂର ସଂଘ ର ବାର୍ଷିକ ସମ୍ମିଳନୀ ସଂଘ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଏହି ପରିପ୍ରେକ୍ଷୀରେ ପାରାଦ୍ବୀପ ବନ୍ଦର ରେ ଥିବା ସଂଘ ପରିବାର ର ସମସ୍ତ ସଦସ୍ୟ ମାନେ ଉପସ୍ଥିତ ରହି ସଂଘର ନୂତନ କର୍ମକର୍ତ୍ତା ଚୟନ କରିଥିଲେ । ସଭାପତି ଭାବେ ପୁନର୍ବାର ରାକେଶ କୁମାର ପଟ୍ଟନାୟକ ଙ୍କୁ ସଭାପତି ଭାବେ ମନୋନୀତ କରା ଯାଇଥିବା ବେଳେ ପାରାଦ୍ବୀପ ବନ୍ଦରର କର୍ମଚାରୀ ତଥା ବନ୍ଦର ଟ୍ରଷ୍ଟି ଶ୍ରୀକାନ୍ତ ରାଏ ଙ୍କୁ ପୁନର୍ବାର ଭାରତୀୟ ବନ୍ଦର ମଜଦୁର ସଂଘର ସଂପାଦକ ଭାବେ ଚୟନ କରାଯାଇଛି । ଭାରତୀୟ ବନ୍ଦର ମଜଦୁର ସଂଘ ର ବାର୍ଷିକ ସମ୍ମିଳନୀରେ ସଂଘ ର ନୂତନ କର୍ମକର୍ତ୍ତା ଙ୍କୁ ସ୍ବାଗତ ସମ୍ବର୍ଦ୍ଧନା ଦିଆ ଯାଇଥିବା ବେଳେ ବନ୍ଦର କର୍ମଚାରୀ ଓ ଶ୍ରମିକ ମାନଙ୍କ ସ୍ବାର୍ଥ ଲାଗି କାର୍ଯ୍ୟ କରିବା ପାଇଁ ସମସ୍ତ ଚେଷ୍ଟା ଜାରୀ ରହିବ ବୋଲି ସାଧାରଣ ସଂପାଦକ ଶ୍ରୀକାନ୍ତ ରାଏ କହିଥିଲେ । ଏହି ପରିପ୍ରେକ୍ଷୀରେ ସଂଘ ବାର୍ଷିକ ହିସାବ ବିବରଣୀ ଦେବା ସହିତ ସଂଘ ପ୍ରଥମେ ରାଷ୍ଟ୍ର ହିତ ପରେ ଉଦ୍ୟୋଗ ଚିନ୍ତା ଓ ପରେ ଶ୍ରମିକଙ୍କ ହିତ ଲାଗି କାର୍ଯ୍ୟ କରିଥାଏ । ଭାରତୀୟ ବନ୍ଦର ମଜଦୁର ସଂଘ ଏହି ନିୟମାନୁଯାୟୀ କାର୍ଯ୍ୟ କରି ଆସୁଛି । ପାରାଦ୍ବୀପ ବନ୍ଦର ର କର୍ମଚାରୀ ଓ ଶ୍ରମିକଙ୍କ ସ୍ବାର୍ଥ ହାସଲ କରିବା ପାଇଁ ସମସ୍ତେ ଏକତ୍ରିତ ହୋଇ ରହିବା ପାଇଁ ସାଧାରଣ ସଂପାଦକ ଶ୍ରୀକାନ୍ତ ରାଏ ସମସ୍ତ ଶ୍ରମିକ ଓ ବନ୍ଦର କର୍ମଚାରୀ ମାନଙ୍କୁ ଆହ୍ବାନ ଦେଇଥିଲେ । ସଂଘ ର ବାର୍ଷିକ ସମ୍ମିଳନୀରେ ସମସ୍ତ ସଦସ୍ୟ ମାନେ ଉପସ୍ଥିତ ରହି କାର୍ଯ୍ୟକ୍ରମ କୁ ସୂଚାରୁ ରୂପେ ତୁଲାଇଥିଲେ ।
ଉଚ୍ଚ ମାଧ୍ୟମିକ ଶିକ୍ଷା ପରିଷଦ, ଭୁବନେଶ୍ୱର, ଓଡ଼ିଶା ଦ୍ୱାରା ଆୟୋଜିତ ଦ୍ୱାଦଶ ଶ୍ରେଣୀ ପରୀକ୍ଷା ଫଳାଫଳକୁ ନେଇ ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟ, ବରଗଡ଼ ଶାଖାରେ ଏକ ଉତ୍ସବମୁଖର ପରିବେଶ ସୃଷ୍ଟି ହୋଇଛି । ଗତବର୍ଷ ଫଳାଫଳ ଅପେକ୍ଷା ଚଳିତ ବର୍ଷ ଛାତ୍ରୀଛାତ୍ରମାନେ ଉତ୍ତମ ପ୍ରଦର୍ଶନ କରିଛନ୍ତି । ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟ, ବରଗଡ଼ ଅଧ୍ୟକ୍ଷ ନାରାୟଣ ରଥ ଚଳିତ ବର୍ଷର ଫଳାଫଳର ସୂଚନା ପ୍ରଦାନ କରି କହିଛନ୍ତି, ବିଜ୍ଞାନରେ ଲିସା ପ୍ରଧାନ ୫୭୧ ମାର୍କ (୯୫.୧୬%) ଓ ବାଣିଜ୍ୟରେ ଶୁଭମ ପରି ୫୬୯ ମାର୍କ (୯୪.୮୩%) ସହ କଲେଜ ଟପ୍ପର୍ ହୋଇଛନ୍ତି । ବିଜ୍ଞାନରେ ସମୁଦାୟ ୧୭ଜଣ ଏବଂ ବାଣିଜ୍ୟରେ ସମୁଦାୟ ୨ଜଣଙ୍କ ସହ ସର୍ବମୋଟ ୧୯ ଜଣ ଛାତ୍ରୀଛାତ୍ର ୯୦%ରୁ ଊର୍ଦ୍ଧ୍ୱ ମାର୍କ ରଖି ବିଦ୍ୟାଳୟକୁ ଗୌରବାନ୍ବିତ କରିଛନ୍ତି । ଚଳିତବର୍ଷ ଗଣିତରେ ମନିଷ ଅଗ୍ରୱାଲ, ନେହାରାଣୀ ଜୈନ ଏବଂ ନମ୍ରତା ନୀଲା ଓ ପ୍ରାଣୀ ବିଜ୍ଞାନ ରେ ପ୍ରଜ୍ଞା ମେହେର, ସିଜଲ ପଣ୍ଡା ଏବଂ ନିଶିକା ସାହୁ ୧୦୦ରୁ ୧୦୦ ନମ୍ବର ରଖିଥିବାବେଳେ ବିଜ୍ଞାନରେ ସମୁଦାୟ ଛାତ୍ରୀଛାତ୍ରର ୩୪.୪%, ୮୦%ରୁ ଊର୍ଦ୍ଧ୍ୱ ଏବଂ ୮୦% ଛାତ୍ରୀଛାତ୍ର ପ୍ରଥମ ଶ୍ରେଣୀରେ ପାସ କରି ବିକାଶକୁ ପଶ୍ଚିମ ଓ ଅଗ୍ରଣୀ ଶିକ୍ଷାନୁଷ୍ଠାନ ଭାବରେ ପ୍ରତିଷ୍ଠିତ କରିପାରିଛି ବୋଲି ଅଧ୍ୟକ୍ଷ ରଥ ସିଏଚ୍ଏସ୍ଇ ଫଳାଫଳ ବିଷୟରେ ସୂଚନା ଦେଇଛନ୍ତି । କ୍ରିଷ୍ଣା ବିକାଶ ଗ୍ରୁପରେ ଶ୍ରେଷ୍ଠ ଫଳାଫଳ ପାଇଁ କ୍ରିଷ୍ଣା ବିକାଶ ଗ୍ରୁପର ଚେୟାରମ୍ୟାନ ଦାଶରୀ ମୂରଲୀ କ୍ରୀଷ୍ଣା ସଫଳ ଛାତ୍ରୀଛାତ୍ର ଏବଂ ଅଧ୍ୟାପିକା, ଅଧ୍ୟାପକଙ୍କ ପରିଶ୍ରମକୁ ସଫଳତାର ଶ୍ରେୟ ଦେବା ସହିତ ଛାତ୍ରୀଛାତ୍ରମାନଙ୍କ ନିଟ ଏବଂ ଜେ.ଇ.ଇ ପ୍ରବେଶିକା ପରୀକ୍ଷା ପାଇଁ ଏଠାରେ ଦିଆଯାଉଥିବା ଇଣ୍ଟିଗ୍ରେଟେଡ ପ୍ରୋଗ୍ରାମର ପ୍ରଶଂସା କରିଛନ୍ତି ।
ବିକାଶ ସିନିୟର ସେକେଣ୍ଡାରୀ ସ୍କୁଲର ଅଧ୍ୟକ୍ଷ ଚିତରଞ୍ଜନ ପତି ଏହି ଇଣି୍ଟଗ୍ରେଟେଡ ପ୍ରୋଗ୍ରାମ ବିଷୟରେ ସୂଚନା ଦେବାକୁ ଯାଇ କହିଛନ୍ତି, ଚଳିତ ବର୍ଷ ପ୍ରକାଶିତ ଆଇଆଇଟି-ଜେଇଇ(ମେନ) ସେସନ-୨ ପ୍ରବେଶିକା ପରୀକ୍ଷାରେ ବିକାଶ ଆବାସିକ ବିଦ୍ୟାଳୟ, ବରଗଡ଼ ଛାତ୍ର ପ୍ରତ୍ୟୁଷ କୁମାର ସାହୁ ୯୯.୩୯ ପ୍ରତିଶତ ରଖିଥିବାବେଳ ୪ ଜଣ ଛାତ୍ରୀଛାତ୍ର ୯୮ପ୍ରତିଶତ ଊର୍ଦ୍ଧ୍ୱରେ, ୧୪ ଛାତ୍ରୀଛାତ୍ର ୯୭ ପ୍ରତିଶତ ଊର୍ଦ୍ଧ୍ୱରେ, ୨୧ ଛାତ୍ରୀଛାତ୍ର ୯୫ ପ୍ରତିଶତ ଊର୍ଦ୍ଧ୍ୱରେ ଏବଂ ୮୭ ଛାତ୍ରୀଛାତ୍ର ଆଇଆଇଟି-ଜେଇଇ (ମେନ) ସେସନ-୨ରେ ଉତ୍ତୀର୍ଣ୍ଣ ହୋଇଥିବାବେଳେ ଏନ୍ଟିଏ-ନିଟ (ୟୁଜି) ମେଡିକାଲ ପ୍ରବେଶିକା ପରୀକ୍ଷା ୨୦୨୫ରେ ବିକାଶ ଆବାସିକ ବିଦ୍ୟାଳୟ ବରଗଡ଼ ଓ ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟ ବରଗଡ଼ ୪୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ସରକାରୀ ମେଡିକାଲ କଲେଜ୍ରେ ସିଟ ପାଇବା ପାଇଁ କଟଅଫ ମାର୍କ ଊର୍ଦ୍ଧ୍ୱରେ ରଖିବେ ବୋଲି ଆଶା ପ୍ରକାଶ କରାଯାଉଛି । ସେହିପରି ସିୟୁଇଟି (ୟୁଜି), ସିଏ, ନେଷ୍ଟ ଏବଂ ଆଇଜର୍ ପ୍ରବେଶିକା ପରୀକ୍ଷାରେ ମଧ୍ୟ ସ୍କୁଲର ଛାତ୍ରୀଛାତ୍ର ଶ୍ରେଷ୍ଠ ଫଳାଫଳ ହାସଲ କରିବେ ବୋଲି ଆଶା କରାଯାଉଛି ।
ଚଳିତ ବର୍ଷର ଫଳାଫଳକୁ ନେଇ କ୍ରିଷ୍ଣା ବିକାଶ ଗ୍ରୁପର ଟ୍ରଷ୍ଟି ଦାଶରୀ ରାମ ତୁଳସୀ, ପରିଚାଳନା ନିର୍ଦ୍ଦେଶକ ବିବେକ ଦାଶରୀ, ନିର୍ଦ୍ଦେଶକ ଡଃ ସମରେନ୍ଦ୍ର ନାଥ ପଣ୍ଡା, ବିକାଶ ଆବାସିକ ବିଦ୍ୟାଳୟର କାର୍ଯ୍ୟକାରୀ ଅଧ୍ୟକ୍ଷ ଶିଶିର ପ୍ରସାଦ ରାଉଳ, ସିନିୟର୍ ସେକେଣ୍ଡାରୀ ଶାଖାର ଅଧ୍ୟକ୍ଷ ଚିତରଞ୍ଜନ ପତି, ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଶାସନିକ ଅଧିକାରୀ ଏସ.କାନ୍ତାରାଓ, କ୍ରୀଷ୍ଣା ବିକାଶ ଗ୍ରୁପର ଏଚ୍ଆର୍ ହେଡ ଅଶ୍ୱିନୀ ନାୟକ ଓ ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ, ଶିକ୍ଷକ ସମସ୍ତ କୃତି ଛାତ୍ରୀଛାତ୍ରମାନଙ୍କୁ ଶୁଭେଚ୍ଛା ଜଣାଇଥିଲେ ।