Blog

କୁଳିଆମାଲ ପଞ୍ଚାୟତରେ ଜିଲ୍ଲା ପ୍ରଶାସନ ତରଫରୁ ମା ପାଇଁ ଗଛଟିଏ କାର୍ଯ୍ୟକ୍ରମ

କଳାହାଣ୍ଡି, (ସତ୍ୟ ନାରାୟଣ ମହାନନ୍ଦ )ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଙ୍କ ଜନ୍ମଦିନ ଅବସରରେ ଭବାନୀପାଟଣା ସଦର ଅଧୀନ କୁଳିଆମାଳ ପଞ୍ଚାୟତ ରେ ବୁଧବାର କଳାହାଣ୍ଡି ଜିଲ୍ଲା ପ୍ରଶାସନ ଙ୍କ ନେତୃତ୍ୱ ରେ ” ଏକ ପେଡ ମା କେ ନାମ “କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ପ୍ରଥମେ କୁଳିଆମାଳ ସରପଞ୍ଚ ଯାମିନୀ ସାହୁ ଜିଲ୍ଲାପାଳ ପାୱାର ସଚିନ ପ୍ରକାଶ, ରାଜ୍ୟସଭା ସାଂସଦ ସୁଜିତ କୁମାର ସେଠ ଙ୍କ ସମେତ ଉପସ୍ଥିତ ଥିବା ସମସ୍ତ ଅତିଥି ଙ୍କୁ ଆଦର ସହିତ ସ୍ୱାଗତ କରି ପାଛୋଟି ନେଇଥିଲେ |

ହାଇସ୍କୁଲ ରେ ଅନୁଷ୍ଠିତ ବୈଠକ ରେ ଜିଲ୍ଲାପାଳ ପାୱାର ସଚିନ ପ୍ରକାଶ,ରାଜ୍ୟସଭା ସାଂସଦ ସୁଜିତ କୁମାର ସେଠ, କଳାହାଣ୍ଡି ରେ ଛଅ ଲକ୍ଷ୍ୟ ଗଛ ଲାଗିଥିବା ବେଳେ ଏକ ଗ୍ରୀନ କଳାହାଣ୍ଡି କଳାହାଣ୍ଡି କରିବା ଲକ୍ଷ୍ୟ ରହିଛି ବୋଲି କହିଥିଲେ |

ଏଥିରେ ସିଡିଓ ଦୟାମୟ ପାଢ଼ୀ, ଭବାନୀପାଟଣା ବିଡ଼ିଓ ଚନ୍ଦନ କୁମାର ଭୋଇ, କୁଳିଆମାଲ ସରପଞ୍ଚ ଯାମିନୀ ସାହୁ,ଉତ୍ତରାଞ୍ଚଳ ଡ଼ିଏଫଓ ରମେଶ କୁମାର ବିଷ୍ଣୋଇ, ଦକ୍ଷିଣାଞ୍ଚଳ ଡ଼ିଏଫଓ ଆର କାଳିଆ ବାଲନ,ସାଂସଦ ପ୍ରତିନିଧି ଜୟ ଶଙ୍କର ନାୟକ, ବିଜେପି ଜିଲ୍ଲା ସଭାପତି ଯୁଗଳ ପୋଢ଼, ଭବାନୀପାଟଣା ଅଧ୍ୟକ୍ଷ ପ୍ରଫୁଲ୍ଲ ସାହୁ, ଉପାଧ୍ୟକ୍ଷା ପୁଷ୍ପାଞ୍ଜଲି ସାହୁ, ଜିଲ୍ଲାପରିଷଦ ଦୟାନିଧି ନାଏକ,ସ୍କୁଲ ବିଇଓ, ଏବିଇଓ ହୃଷିକେଶ ନାଏକ, ଏବିଇଓ ଜୟ କୁମାର ମୁଣ୍ଡ, ଏବିଇଓ ଜଗଦୀଶ କୁମାର ମୁଣ୍ଡ, ସିଆରସିସି, ଛାତ୍ରଛାତ୍ରୀ, ଏସଏଚଜି ମହିଳା ଅଙ୍ଗନବାଡି କର୍ମୀ, କୁଳିଆମାଳ ପଂଚାୟତ ନିର୍ବାହୀ ଅଧିକାରୀ ଶରତ ସାହୁ ଏବଂ ପଞ୍ଚାୟତ କର୍ତ୍ତୃପକ୍ଷ ଙ୍କ ସମେତ ଆଖପାଖ ଅଞ୍ଚଳ ର ବହୁ ଲୋକ ସାମିଲ ଥିଲେ |
ଲକ୍ ଥାନା ପୋଲିସକୁ ସଫଳତା

ଦିର୍ଘ ଦିନ ଧରି ପାରାଦ୍ଵୀପ ଓ ଏହାର ଆଖପାଖ ଅଞ୍ଚଳରେ ଘରେ ପଶି ସ୍ମାର୍ଟ ଫୋନ୍ ଚୋରି କରୁଥିବା ଜଣେ ଯୁବକ କୁ ଧରିବାରେ ସଫଳ ହୋଇଛି ଲକ୍ ଥାନା ପୋଲିସ । ତା ନିକଟରୁ ୧୦ ଟି ସ୍ମାର୍ଟ ଫୋନ୍ ଜବତ କରିବା ସହିତ ତାକୁ କୋର୍ଟ ଚାଲାଣ କରାଯାଇଛି । ଗତ କାଲି ନିମିଢିହି ଗ୍ରାମର ପ୍ରମୋଦ ତରାଇ ଙ୍କ ଘରେ ଭଡ଼ା ରହୁଥିବା କିଛି କର୍ମଚାରୀଙ୍କ ୪ ଟି ସ୍ମାର୍ଟ ଫୋନ୍ ଚୋରୀ ହୋଇଥିଲା ।

ପ୍ରମୋଦ ଏ ନେଇ ଲକ୍ ଥାନା ରେ ଏତଲା ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବା ସହିତ ସେଠାରେ ଲାଗିଥିବା ସିସିଟିଭି ଯାଞ୍ଚ କରିଥିଲା । ଯେଉଁଥିରେ ନିମିଢିହି ଗ୍ରାମର ସନାତନ ଲେଙ୍କା ଙ୍କ ପୁଅ ସୌମେନ୍ଦ୍ର ଲେଙ୍କା (ଜଟିଆ) ଫୋନ୍ ଚୋରି କରୁଥିବା ସ୍ପଷ୍ଟ ଜଣାପଡ଼ିଥିଲା । ପୋଲିସ ସଙ୍ଗେ ସଙ୍ଗେ ତାଙ୍କୁ ଗିରଫ କରିବା ସହିତ ତାଙ୍କ ନିକଟରୁ ଉକ୍ତ ଚାରୋଟି ଫୋନ୍ ସହିତ ଆଉ ୬ ଟି ସ୍ମାର୍ଟ ଫୋନ୍ ଜବତ କରିଛି ।

ଜଟିଆ କୁ ପଚରା ଉଚୁରା କରିବା ପରେ ଉକ୍ତ ଫୋନ୍ ଗୁଡ଼ିକୁ ଜାହାର ଫୋନ୍ ତାଙ୍କୁ ଖବର ଦିଆଯାଇ ଫେରାଇବାର ବ୍ୟବସ୍ଥା କରାଯାଉଥିବା ଏକ ସାମ୍ବାଦିକ ସମ୍ମିଳନୀରେ ପାରାଦ୍ଵୀପ ଅତିରିକ୍ତ ଏସପି ସ୍ମୃତି ରଞ୍ଜନ କର ପ୍ରକାଶ କରିଛନ୍ତି । ସେହିପରି ଜଟିଆ ନାମରେ ପାରାଦ୍ଵୀପ, ଲକ୍ ଥାନା, ବିରିଡି ଥାନାରେ ପାଖାପାଖି ୧୪ ରୁ ଉର୍ଦ୍ଧ୍ୱ କେସ ରହିଥିବା ପୋଲିସ୍ ସୂଚନା ଦେଇଛି ।
ସରିତା ସାହିତ୍ୟ ସଂସଦ ଉଦଘାଟିତ

କୁଜଙ୍ଗ ତାଳଦଣ୍ଡାସ୍ଥିତ ବ୍ରହ୍ମ ଜଗନ୍ନାଥ ମିସନ ପକ୍ଷରୁ ସରିତା ସାହିତ୍ୟ ସଂସଦ ଉଦ୍‌ଘାଟିତ ହୋଇଯାଇଛି।

ଏଥିରେ ସାହିତ୍ୟିକ ଅସିତ କୁମାର ମହାନ୍ତି ମୁଖ୍ୟବକ୍ତା ଭାବରେ ଯୋଗଦେଇ ସାହିତ୍ୟ ବିନା ଗୋଟିଏ ଜାତିର ସୁସମୃଦ୍ଧ ହୋଇପାରୋନାହିଁ ଏବଂ ସାହିତ୍ୟ ଗୋଟିଏ ଜାତିର ପରିଚୟ ସୃଷ୍ଟି କରିଥାଏ ବୋଲି କହିଥିଲେ |

କୁଜଙ୍ଗ ତାଳଦଣ୍ଡା ସ୍ଥିତ ବ୍ରହ୍ମ ଜଗନ୍ନାଥ ମିଶନ ଆନୁକୂଲ୍ୟରେ ଅନୁଷ୍ଠିତ ସରିତା ସାହିତ୍ୟ ସଂସଦ ଓ କବି ସମ୍ମିଳନୀରେ ଉଦ୍‌ଘାଟକ ଭାବେ ଜଗତସିଂହପୁର ଜିଲ୍ଲା ଭାଜପା ସଭାପତି ପ୍ରତାପ ମିଶ୍ର, ବିଶିଷ୍ଟ ସାହିତ୍ୟିକ ଗୀତିକାର ଦୋବୀଦତ୍ତ ମହାନ୍ତି, ଓଡିଶା ସାହିତ୍ୟ ଏକାଡେମୀର ସହ ସଚ୍ଚିବ ସଂଜୟ କୁମାର ଛୁଆଳସିଂହ, ସୁସାହିତ୍ୟିକା ଡକ୍ଟର ସ୍ନେହାଶ୍ରୀ ସ୍ବାଇଁ, ପ୍ରମୁଖ ମଞ୍ଚାସୀନ ଅତିଥିଭାବେ ଯୋଗଦେଇ କ୍ୟାପଟେନ ସଂଜୀବ କୁମାର ମୁଦୁଲିଙ୍କ ଧର୍ମପତ୍ନୀ ସ୍ବର୍ଗତା ସରିତା ମିଶ୍ରଙ୍କ ୫୦ ତମ ଜନ୍ମ ଦିବସ ଓ ଦ୍ଵିତୀୟ ଶ୍ରାଦ୍ଧବାର୍ଷିକୀ ଅବସରରେ ପ୍ରଦୀପ ପ୍ରଜ୍ଜ୍ଵଳନ କରି ଓ କେକ୍ କାଟି ସରିତା ସାହିତ୍ୟ ସଂସଦକୁ ଉଦ୍‌ଘାଟନ କରିଥିଲେ ।

ସମସ୍ତ ମଂଚାସୀନ ଅତିଥିମାନେ ସ୍ବର୍ଗତା ମିଶ୍ରଙ୍କ ପ୍ରତି ତାଙ୍କ ପତି କ୍ୟାପଟେନଙ୍କ ଅନାବିଳ ସ୍ନେହ, ପ୍ରେମ ଓ ଭଲପାଇବା ଅତୁଳନୀୟ ବୋଲି ପ୍ରକାଶ କରିଥିଲେ |

ଏହି ଅବସରରେ ଓଡ଼ିଶାର ବିଭିନ୍ନ ପ୍ରାନ୍ତରରୁ ଆସିଥିବା ଶତାଧିକ କବି ଓ କବୟତ୍ରୀ ସ୍ବରଚିତ କବିତା ପାଠ କରିଥିଲେ |

ବିଶିଷ୍ଟ ଟିଭି ଉପସ୍ଥାପକ ଅଭିନନ୍ଦନ ଦାସ ମଞ୍ଚ ପରିଚାଳନା କରିଥିବା ବେଳେ ସରିତା ସାହିତ୍ୟ ସଂସଦର ସମ୍ପାଦିକା ରୁନିବାଳା ମଲ୍ଲିକ ଧନ୍ୟବାଦ ଦେଇଥିଲେ |
କାଶିଆ ନାଳ ବ୍ରିଜରୁ ଖସିଲା ୧୬ ଚକିଆ ଟ୍ରକ

ରାତି ସମୟରେ ଏକ ୧୬ ଚକିଆ ଯୋଡା ଖଣି ଅଞ୍ଚଳରୁ ଖଣିଜ ସାମଗ୍ରୀ ନେଇ ଆସୁଥିବା ସମୟରେ ଝୁମ୍ପୁରା ଥାନା ରଜାବସା କାସିଆ ନାଳ ଉପରେ ଅନ୍ତର୍ଗତ ଭାରସାମ୍ୟ ହରାଇ ପୋଲ ତଳକୁ ଖସିପଡିଛି ଟ୍ରକ ଫଳରେ ଗାଡିର ଚାଳକ ଗୁରୁଦେବ ଗାଡିରେ ଯାକି ହେଇ ମୃତ୍ୟୁବରଣ କରିଥିବା ବେଳେ ସୂଚନା ପାଇ ଝୁମ୍ପୁରା ପୋଲିସ ଓ ଅଗ୍ନିସମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଯାରି ରଖିଛନ୍ତି l
ଜଗଦଳା ନାଳ ନିକଟରୁ ଗଳିତ ମୃତଦେହ ଉଦ୍ଧାର

ବାମେବାରୀ ଥାନା କାଳିଆପାଳ ଜଙ୍ଗଲ, ଜଗଦଳା ନାଳ ନିକଟରୁ ଆଜି ଜଣେ ବ୍ୟକ୍ତିଙ୍କ ଗଳିତ ମୃତଦେହ ଉଦ୍ଧାର ହୋଇଛି । ତେବେ ମୃତ ବ୍ୟକ୍ତିଙ୍କ ପରିଚୟ ଏଯାଏଁ ମିଳିପାରିନାହିଁ । ଘଟଣା ସ୍ଥଳରେ ବାମେବାରୀ ପୋଲିସ ପହଞ୍ଚି ସାଇଣ୍ଟିଫିକ୍ ଟିମର ସହାୟତାରେ ତଦନ୍ତ ଆରମ୍ଭ କରିଛି ।

ସୂଚନା ଅନୁସାରେ, ଗତକାଲି ସ୍ଥାନୀୟ କିଛି ଲୋକ ଜଙ୍ଗଲରେ ଛେଳି ଚାରାଇବା ବେଳେ ନାଳ ନିକଟରେ ଏକ ଗଲିଟ ମୃତଦେହ ପଡ଼ିଥିବାର ଦେଖିଥିଲେ । ଏନେଇ ଗାଁ ଲୋକେ ଆଜି ବାମେବାରୀ ପୋଲିସକୁ ଜଣାଇଥିଲେ । ଖବର ପାଇ ପୋଲିସ୍ ଘଟଣା ସ୍ଥଳରେ ପହଞ୍ଚି ପାରିପାର୍ଶ୍ଵିକ ସ୍ଥିତି ଅନୁଧ୍ୟାନ କରିବା ସହ ତଦନ୍ତ ଆରମ୍ଭ କରିଛି ।

ବ୍ୟକ୍ତିଙ୍କ ମୃତ୍ୟୁ ହେବାର ପାଖାପାଖି ଏକ ସପ୍ତାହ ହୋଇଯିବ ବୋଲି ପୋଲିସ ଅନୁମାନ କରୁଛି । ତେବେ ବ୍ୟକ୍ତି ଜଣକ କିଏ ଏବଂ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଲା, ତାଙ୍କୁ କେହି ହତ୍ୟା କରିଛି ନା ଏହା ପଛରେ ଆଉ କିଛି କାରଣ ରହିଛି ତାହା କିଛି ଜଣାପଡ଼ିନାହିଁ । ପୋଲିସ୍ ବିଭିନ୍ନ ଦିଗକୁ ନେଇ ଅନୁସନ୍ଧାନ ଜାରିରଖିଛି ।
ସ୍ବର୍ଗଦ୍ୱାରରେ ଚମତ୍କାର, ଜୁଇ ମୁହଁରୁ ଉଠିପଡ଼ିଲେ

ସ୍ବର୍ଗଦ୍ୱାରରେ ଚମତ୍କାର । ଶବଦାହ ପାଇଁ ଆସିଥିଲେ ପୁରୀ ସ୍ବର୍ଗଦ୍ୱାର । ଅନ୍ତିମ ସଂସ୍କାର ପାଇଁ ସମସ୍ତେ ପ୍ରସ୍ତୁତ ମଧ୍ୟ ଥିଲେ । ଠିକ୍ ଏତିକି ବେଳେ ହଠାତ୍ ଘଟିଲା ଆଶ୍ଚର୍ଯ୍ୟ କଲା ଭଳି ଘଟଣା । ସମସ୍ତେ ହତବାକ୍ ହୋଇ ରହିଗଲେ । ଶବ ସତ୍କାର କରିବା ବେଳେ ଉଠି ବସିଲେ ବୃଦ୍ଧା । କଥାରେ ଅଛି, ଦଣ୍ଡେ ନିମିଷେ ଥିଲେ ପ୍ରାଣ ନ ନିଅନ୍ତି ଜନ୍ତୁରାଣ । ଏହି ବୃଦ୍ଧା ହେଉଛନ୍ତି ତା’ର ଉଦାହରଣ । ଜୁଇରୁ ଉଠିବସିଲେ । ଜଳିବା ପୂର୍ବରୁ ଫେରିଆସିଲା ଜୀବନ । ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ପୁରୀ ସ୍ୱର୍ଗଦ୍ୱାରରେ ଦେଖିବାକୁ ମିଳିଛି ।

ସୂଚନାନୁସାରେ, ବୃଦ୍ଧା ଜଣକ ହେଉଛନ୍ତି ଗଞ୍ଜାମ ପୋଲସରାର ୮୬ ବର୍ଷୀୟ ପି.ଲକ୍ଷ୍ମୀ । ପି ଲକ୍ଷ୍ମୀ ମରିଯାଇଥିବା ଜାଣି ତାଙ୍କ ପରିବାର ଲୋକମାନେ ଶବ ଦାହ ପାଇଁ ଆମ୍ବୁଲାନ୍ସ ଯୋଗେ ଗଞ୍ଜାମରୁ ପୁରୀ ସ୍ୱର୍ଗଦ୍ୱାରକୁ ଆଣିଥିଲେ l କିନ୍ତୁ ସେଠାରେ ମୃତ୍ୟୁ ହୋଇଥିବା ପି ଲଷ୍ମୀ ହଠାତ ବଞ୍ଚିକି ଉଠିଲେ । ବୃଦ୍ଧାଙ୍କୁ ଟେକି ଟେକି ସ୍ୱର୍ଗଦ୍ୱାରରୁ ୧୦୮ ଆମ୍ବୁଲାନ୍ସ ଯୋଗେ ପୁରୀ ହସ୍ପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି l

ସମ୍ପୂର୍ଣ୍ଣ ଘଟଣା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ୍ ହେଉଛି । ବୃଦ୍ଧାଙ୍କ ପରିବାର ଲୋକଙ୍କ କହିବା କଥା ଯେ, ପି ଲକ୍ଷ୍ମୀ କିଛି ଦିନ ହେବ ଅସୁସ୍ଥ ଥିଲେ। କାଲି ତାଙ୍କର ନିଶ୍ବାସ ବନ୍ଦ ହୋଇଯାଇଥିଲା । ଯେତେ ଡାକିଲେ ବି ସେ ଶୁଣିନଥିଲେ କି କିଛି ହଲଚଲ ହୋଇନଥିଲେ।

ସ୍ୱର୍ଗଦ୍ୱାରର ବିଗତ ୫ ବର୍ଷ ମଧ୍ୟରେ ଏହା ପ୍ରଥମ ଘଟଣା ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ଧୋକା ଦେଇଛି ରୁଙ୍ଗଟା ମାଇନ୍ସ

ଗରିବ ଲୋକଙ୍କ ପାଇଁ ଜମି ରାକ୍ଷସ ସାଜିଛି ରୁଙ୍ଗଟା ମାଇନ୍ସ , ଲୋକଙ୍କୁ ନାଲି ଆଖି ଦେଖାଇ ଜମି ହଡପ ପାଇଁ ଚଳାଇଛି ବଡ ମାଷ୍ଟର ପ୍ଲାନ , ଲୋକଙ୍କ ଜାଗା ବଦଳରେ ଟଙ୍କା ନଦେଇ ଲୋକଙ୍କୁ ବର୍ଷ ବର୍ଷ ଧରି ଠକି ଆସୁଛି ରୁଙ୍ଗଟା କମ୍ପାନୀ , ଯେଉଁଥିପାଇଁ ଏବେ ଢେଙ୍କାନାଳ ଅଂଚଳରେ ଦେଖିବାକୁ ମିଳିଛି ବିରାଟ ଜନ ଅସନ୍ତୋଷ | ସ୍ଥାନୀୟ ପ୍ରଶାସନ ଓ ଲୋକାଲ ନେତାଙ୍କ ସହ ମିଶି ଲୋକଙ୍କ ଜାଗା ନେଇ ଯାଇଥିବା ସ୍ଥାନୀୟ ଲୋକେ ଅଭିଯୋଗ ହୋଇଛି | ଏମିତିକି ସରକାରୀ ଜାଗାକୁ ବି ଛାଡ଼ୁନି ଏହି ଜମି ଖିଆ କମ୍ପାନୀ , ସରକାରୀ ଜାଗା ଯେଉଁଠି ଦେଖିଲେ ତାକୁ ମାଡି ବସି ଅକ୍ତିଆର କରିବା ସହ ସ୍ଥାନୀୟ କିଛି ଲୋକଙ୍କୁ ଧରି ଏଭଳି ମନାମାନୀ ଚଳାଉଥିବା ଦେଖିବାକୁ ମିଳିଛି | ଗୋଟିଏ ପଟେ ଅଂଚଳରେ ପ୍ରଦୂଷଣ ବଢିବା ସହ ଅନେକ ସ୍ଥାନରେ ଏହି ପ୍ରଦୂଷଣକୁ ନେଇ ବିରୋଧ ପ୍ରଦର୍ଶନ କରାଯାଇଛି | କିନ୍ତୁ କମ୍ପାନୀ ନିଜର ଲାଭ ପାଇଁ ଲୋକଙ୍କୁ ମରଣ ମୁହଁକୁ ଠେଲି ଦେଉଥିବା କୁହାଯାଉଛି |

ସରକାରୀ ନିୟମ ଅନୁସାରେ ସ୍ଥାନୀୟ ଅଂଚଳରେ ଯେଉଁଭଳି କାର୍ଯ୍ୟ କରାଯିବା କଥା ତାହା ହେଉନାହିଁ , ଭୂତଳ ଜଳସ୍ଥରକୁ ଅତ୍ୟଧିକ ବ୍ୟବହାର ଯୋଗୁଁ ଏବେ ଅଂଚଳରେ ଜଳସଂକଟ ଦେଖାଯାଉଥିବା ଅଭିଯୋଗ ହେଉଛି | କେବଳ ସେତିକି ନୁହେଁ ମାଇନ୍ସରୁ ବାହାରୁଥିବା ଧୁଆଂ ଓ ଡଷ୍ଟ ଯୋଗୁଁ ରାସ୍ତାରେ ଯିବା ଆସିବା କରୁଥିବା ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି | ପ୍ରଦୂଷଣ ପ୍ରଭାବରେ ଏବେ ଲୋକେ ବିଭିନ୍ନ ରୋଗର ଶିକାର ହେଉଥିବା ଦେଖିବାକୁ ମିଳିଛି | ଜମି ଅଧିଗ୍ରହଣ ବେଳେ ଯେଉଁ ଚୁକ୍ତି କରାଯାଇଥିଲା ତାହାକୁ ପୂରଣ କରିବାରେ କମ୍ପାନୀ ବିଫଳ ହେଉଥିବା ଅଭିଯୋଗ ହେବା ସହ ଆଗକୁ କମ୍ପାନୀ ଯଦି ଏଭଳି ମନ ଇଛା କାମ କରେ ତେବେ ଏହା ଅଂଚଳ ପାଇଁ ଆହୁରି ବିପଦ ସୃଷ୍ଟି କରିବ |

ପିଲାଙ୍କୁ ଚାକିରୀ ଦେବାକୁ କହି ଅନ୍ୟ ରାଜ୍ୟର ପିଲାଙ୍କୁ ନିଯୁକ୍ତି ଦେଉଛି ଏହି କମ୍ପାନୀ | ହଜାର ହଜାର ଲୋକଙ୍କ ଜମି ନେଇ ଏଯାଏଁ ଜମି ବଦଳରେ ଟଙ୍କା ଦେବାର ନାଁ ଧରୁନି କମ୍ପାନୀ | ୨ ବର୍ଷ ତଳେ ଲୋକଙ୍କୁ ଯେଉଁ କଥା ଦେଇଥିଲା ସେ କଥା ରଖିବାରେ ସମ୍ପୂର୍ଣ ବିଫଳ ହୋଇଛି କମ୍ପାନୀ | ପ୍ରଶାସନ ସହ ମିଶି ଯେନେ ତେନେ ପ୍ରକାରେ ଜାଗା ନେଇଯିବାକୁ ଚାଲ କରୁଛି କମ୍ପାନୀ | ତେବେ ଢେଙ୍କାନାଳ ଜିଲା ଓ ଓଡାପଡା ଓ ହିନ୍ଦୋଳ ବ୍ଲକ ର ଅନେକ ଲୋକଙ୍କୁ ଠକି ଜମି ନେଇଥିବା ନେଇ ବାରମ୍ବାର ଅଭିଯୋଗ ହୋଇଥିଲେ ବି ଲୋକଙ୍କ ଅଭିଯୋଗର କୌଣସି ସମାଧାନ ହୋଇପାରି ନାହିଁ | ତେବେ ଏଭଳି ସମ୍ବେଦନଶୀଳ ଘଟଣାରେ ସରକାର ଆଗକୁ କଣ ପଦକ୍ଷେପ ନେଉଛନ୍ତି ତାହା ଦେଖିବାକୁ ବାକି ରହିଲା |
ନୂଆପଡାରେ ଉପ ନିର୍ବାଚନ ଲଢ଼ିବେ ଅନୁଭବ!

କେନ୍ଦ୍ରାପଡାରେ ନିଜ ଦମରେ ଜିତିଥିଲେ ନା ନବୀନଙ୍କ ଦୟାରୁ ନୂଆପଡ଼ା ଦେବ ପ୍ରମାଣ । ତାରିଖ ହୋଇନି ଘୋଷଣା ହେଲେ ନୂଆପଡାରେ ଉପ ନିର୍ବାଚନ ପାଇଁ ରାଜ୍ୟ ରାଜନୀତି ହେଲାଣି ଉଷ୍ମ। ତେବେ ନୂଆପଡାରେ ବିଜେପି ପ୍ରାର୍ଥୀ ହେବେ ଅନୁଭବ ମହାନ୍ତି। ଅରିନ୍ଦମ, ଆକାଶ, ସିଦ୍ଧାନ୍ତ ଅରିନ୍ଦମ ଥଇଥାନ ହେଇଛନ୍ତି। ତେବେ ଭାଇଜାନଙ୍କୁ ଥଇଥାନ ପାଇଁ ମନମୋହନ ନୂଆପଡାରେ ଦେବେ ଟିକେଟ। ତେବେ ନୂଆପଡ଼ାର ବିଜେପି ବିଧାୟକ ରାଜେନ୍ଦ୍ର ଢୋଲକିଆ ଙ୍କ ଦେହାନ୍ତ ପରେ ସେଠାରେ ୬ ମାସ ଭିତରେ ଉପନିର୍ବାଚନ ହେବା ସମ୍ଭାବନା ଅଧିକ ବଢ଼ିଛି।

ଏଠାରେବିଜେପି ସରକାର ଗଢିବାର ଦେଢ଼ ବର୍ଷ ପରେ ପ୍ରଥମ ଉପନିର୍ବାଚନ ହୋଇଥିବା ବେଳେ ବିଜେଡ଼ି ମଧ୍ୟ ଶାସନରୁ ଯିବା ପରେ ଏହା ପ୍ରଥମ ଉପନିର୍ବାଚନ ସାମ୍ନାକୁ କରିବ । ଏହା ୩ ଦଳ ପାଇଁ ଏସିଡି ଟେଷ୍ଟ କୁହାଯାଉଥିବା ବେଳେ ୩ ଦଳ ଭାବି ଚିନ୍ତି ପ୍ରାର୍ଥି ଦେବେ ନହେଲେ ନାକ ନିଶ ତଳେ ପଡ଼ିବ ବୋଲି କୁହାଯାଉଛି। ତେବେ ଏଥର ୩ ଦଳ ନିଜ ନିଜ ପ୍ରାର୍ଥୀ ବି ବଦଳାଇବେ ବୋଲି ଚର୍ଚ୍ଚା ହେଉଛି। ଏଥର ବିଜେପି ନୂଆପଡ଼ାରୁ ପୁର୍ବତନ ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କୁ ସେଠି ପ୍ରାର୍ଥୀ କରିବ ବୋଲି ଚର୍ଚ୍ଚା ହେଉଛି।

କାରଣ ୨୦୨୪ ନିର୍ବାଚନରେ ବିଜେଡି ଛାଡି ବିଜେପିରେ ମିଶିଥିଲେ ମଧ୍ୟ ଟିକେଟ ପାଇଁ ଦାବୀ କରିନଥିଲେ। ବରଂ ଦଳ ପାଇଁ ଖୁସି ଖୁସିରେ ପ୍ରଚାର କରିଥିଲେ। ତେବେ ଏବେ ଦଳ ତାଙ୍କ ପାଇଁ କିଛି କରିବା ସମୟ ଆସିଛି ବୋଲି ଭାବିବା ସହ ତାଙ୍କୁ ଟିକେଟ ଦେବ ବୋଲି ଚର୍ଚ୍ଚା ହେଉଛି। ତେବେ ମୋହନ- ମନମୋହନ ନୂଆପଡାରେ ତାଙ୍କୁ ସୁଯୋଗ ଦେବେ ବୋଲି ମଧ୍ୟ କୁହାଯାଉଛି। ଅନ୍ୟପଟେ ଓଡିଆ ସିନେମା ଇନ୍ଦର୍ଷ୍ଟ୍ରିର ୪ ଜଣ ବଡ଼ ଅଭିନେତା ତଥା ଆକାଶ ଦାସ ନାୟକ, ସିଦ୍ଧାନ୍ତ ମହପାତ୍ର, ଅରିନ୍ଦମ ରାଏ ଓ ଅନୁଭବ ମହାନ୍ତି ବିଜେପିକୁ ଆସିଥିଲେ। ସେତେବେଳ କେବଳ ଭାଇଜାନ ଙ୍କୁ ଛାଡି ସମସ୍ତଙ୍କୁ ଟିକେଟ ମିଳିଥିଲା। ତେବେ ଆକାଶ ଆଉ ସିଦ୍ଧାନ୍ତ ବର୍ତ୍ତମାନର ବିଧାୟକ ହୋଇଥିବା ବେଳେ ଅରିନ୍ଦମ ଅଳ୍ପ ବ୍ୟବଧାନରେ ହରାଇଥିଲେ ।

ହାରିକିବି ଅରିନ୍ଦମ ନିଜେ ପ୍ରାର୍ଥୀ ହୋଇଥିବା ସାଲେପୁର ରେ ବେଶ୍ ଆକ୍ଟିଭ ରହିବା ସହ ବିଧାୟକ ଙ୍କ ଠାରୁ ତାଙ୍କ ଖାତିର ଅଧିକ ବୋଲି କୁହାଯାଉଛି । ଏପଟେ ହେଡକ୍ୱାଟର ରେ ମଧ୍ୟ ତାଙ୍କର ଭଲ ପଡ଼ୁଛି। ତେବେ ଅନୁଭବ ମହାନ୍ତିଙ୍କୁ ଥଇଥାନ କରିବା ମନମୋହନଙ୍କ ପାଇଁ ଦ୍ୟୋନ୍ଦ୍ କରୁଥିଲା । ରାଜ୍ୟସଭାକୁ ପଠାଇବା ନେଇ ଚର୍ଚ୍ଚା ହେଉଥିଲେ ମଧ୍ୟ ଏବେ ତାହା ସମ୍ଭବ ନଥିଲା ତେବେ ନୂଆପଡାରେ ଅନୁଭବ ଙ୍କୁ ଥଇଥାନ କରାଯିବା ବୋଲି କୁହାଯାଉଛି।

ତାଙ୍କ ସିନେମାର ଲୋକ ପ୍ରୀୟତା ବିଜେଡ଼ି ଫଂ ଭାଂଗିବ ବୋଲି କୁହାଯାଉଛି। ସେପଟେ ୨୦୨୪ ରେ ବିଜେପି ପ୍ରାର୍ଥୀ ହୋଇଥିବା ପୁର୍ବତନ ବିଜେପି ସଭାପତି ବସନ୍ତ ପଣ୍ଡାଙ୍କ ପୁଅ ଅଭିନନ୍ଦନ ପଣ୍ଡା ଟିକେଟ ପାଇଲେ ମଧ୍ୟ ହାରି ପାରନ୍ତି ବୋଲି କୁହାଯାଇଛି। କାରଣ ସେ ୨୦୨୪ ନିର୍ବାଚନରେ ତୃତୀୟ ସ୍ଥାନରେ ରହିବା ଶହ ଏବେ ସେତେ ତୃଣମୂଳ ସ୍ତରରେ ଏତେ ଆକ୍ଟିଭ ନାହାଁନ୍ତି । ଅନୁଭବ ଏବେ ବିଜେପି ପାଇଁ ସବୁ ଦିଗରୁ ବେଷ୍ଟ ବୋଲି କୁହାଯାଉଛି। ଯଦି ଅନୁଭବଙ୍କୁ ଟିକେଟ ମିଳେ ତାଙ୍କୁ ବିଧାନସଭା ଏଣ୍ଟ୍ରି ହେବ ତାସହ ବିଜେପି ସିଟ୍ ବଢିବା ଏକ ପ୍ରକାର ଥୟ ବୋଲି କୁହାଯାଉଛି। ତେବେ ଦେଖାଯାଉ ଅନୁଭବ ମହାନ୍ତିଙ୍କ ମୁଣ୍ଡରେ ମନମୋହନ ସୁନା କଳସ ଢାଳୁଛନ୍ତି ନା ନାହିଁ।
ପ୍ରେମିକ ସାମ୍ନାରେ ପ୍ରେମିକାକୁ . . .

ପୁରୀ ବ୍ରହ୍ମଗିରି ର ବାଲିହରଚଣ୍ଡି ପୀଠରେ ଜଣେ ଯୁବତୀଙ୍କୁ ଗଣ ଦୁଷ୍କର୍ମ ହୋଇଥିବା ସାଂଘାତିକ ଅଭିଯୋଗ ଆସିଛି। ଏହି ଘଟଣା ସାରା ବ୍ରହ୍ମଗିରି ଅଞ୍ଚଳରେ ଚର୍ଚ୍ଚା ହୋଇଥିବା ବେଳେ ପୋଲିସ ୨ଜଣଙ୍କୁ ଗିରଫ କରିଛି। ଘଟଣାକୁ ନେଇ ଆଜି ଯୁବତୀର ଡାକ୍ତରୀ ମାଇନା କରାଯାଇଛି।

ଗତ ଶନିବାର ସ୍ପେସଲ ସ୍କ୍ୱାର୍ଡ ସ୍ଥାନୀୟ ଚଣ୍ଡୀପୁଟ ଗ୍ରାମର ତିନିଜଣ ଯୁବକଙ୍କୁ ଅଟକ ରଖି ପଚରଉଚରା କରୁଚି। ବାଲିହରଚଣ୍ଡି ଏକ ପର୍ଯ୍ୟଟନ ସ୍ଥଳୀ। ଏଠାକୁ ବିଭିନ୍ନ ସ୍ଥାନରୁ ପର୍ଯ୍ୟଟକ ମାନେ ବୁଲିବାକୁ ଆସୁଥିବା ବେଳେ ନିକଟରେ ଥିବା ସମୁଦ୍ର ବେଳାଭୂମିକୁ ବୁଲିବାକୁ ଯାଇ ଥାଆନ୍ତି। ଶୁକ୍ରବାର ଜଣେ ଯୁବକ ଓ ଯୁବତୀ ବାଲିହରଚଣ୍ଡି ବୁଲିବାକୁ ଆସି ଥିବାବେଳେ ସ୍ଥାନୀୟ ଚଣ୍ଡୀପୁଟ ଗ୍ରାମର ଚାରି ଜଣ ଯୁବକ ସେମାନଙ୍କର ଫଟୋ ଚିତ୍ର ଉତ୍ତୋଳନ କରିବା ସହିତ ବ୍ଳାକ୍ ମେଲିଂ ମଧ୍ୟ କରିଥିଲେ।

ପରେ ଯୁବତୀଙ୍କୁ ଦୁଷ୍କର୍ମ କରିଥିଲେ ବୋଲି ଅଭିଯୋଗ ହୋଇଛି। ପୋଲିସ ତିନି ଜଣ ଯୁବକ ଙ୍କୁ ଅଟକ ରଖିଥିବା ବେଳେ ମାଷ୍ଟର ମାଇଣ୍ଡ କୁ ଖୋଜୁଥିବା ଜଣା ପଡିଛି। ଏହି ଘଟଣାରେ ବ୍ରହ୍ମଗିରି ଥାନା ଚଣ୍ଡିପୁଟ ଗ୍ରାମର ଯୁବକ ଙ୍କ ସଂପୃକ୍ତି ଥିବା ପୋଲିସ ପକ୍ଷରୁ ସୂଚନା ମିଳିଛି |
ଧାରା ୩୭୪ ଉପରେ ଲାଗିଲା କଟକଣା, ୱାକଫ୍ ସମ୍ପତ୍ତିରେ ତୃତୀୟ ପକ୍ଷ ଅଧିକାର ନାହିଁ

ୱାକଫ୍ ଆଇନକୁ ନେଇ ସୁପ୍ରିମକୋର୍ଟ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । କୋର୍ଟ ସ୍ପଷ୍ଟ କରିଛନ୍ତି ଯେ ସମ୍ପୂର୍ଣ୍ଣ ଆଇନକୁ ସ୍ଥଗିତ କରିବା ପାଇଁ କୌଣସି ଆଧାର ନାହିଁ, ତଥାପି କିଛି ପ୍ରାବଧାନ ଉପରେ ମଧ୍ୟବର୍ତ୍ତୀକାଳୀନ କଟକଣା ଲଗାଇ ଦିଆଯାଇଛି । ମୁଖ୍ୟ ବିଚାରପତି ବି.ଆର. ଗବଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କହିଛନ୍ତି ଯେ, କାର୍ଯ୍ୟନିର୍ବାହୀ କୌଣସି ବ୍ୟକ୍ତିଙ୍କ ଅଧିକାର ନିଷ୍ପତ୍ତି କରିପାରିବେ ନାହିଁ । ୱାକଫ ସମ୍ପତ୍ତିର ମାଲିକାନା ବିଷୟରେ ଚୂଡ଼ାନ୍ତ ନିଷ୍ପତ୍ତି ୱାକଫ ଟ୍ରିବ୍ୟୁନାଲ ଓ ହାଇକୋର୍ଟ ଦେବେ । ରାଜସ୍ୱ ରେକର୍ଡ ସମ୍ବନ୍ଧୀୟ ବିବାଦର ସମାଧାନ ହେବା ପୂର୍ବରୁ କୌଣସି ତୃତୀୟ ପକ୍ଷ ଅଧିକାର ସୃଷ୍ଟି ହେବ ନାହିଁ ।

ସେପଟେ ୱାକଫ ବୋର୍ଡ ଗଠନ ସମ୍ବନ୍ଧରେ କୋର୍ଟ କହିଛନ୍ତି ଯେ ୧୧ ଜଣ ସଦସ୍ୟରେ ସର୍ବାଧିକ ୩ ଜଣ ଅଣ-ମୁସଲିମ ରହିପାରିବେ । ବୋର୍ଡର ସିଇଓ ସମ୍ଭବତଃ ଜଣେ ମୁସଲିମ ହେବା ଉଚିତ । କୋର୍ଟ ଧାରା ୩୭୪ ଉପରେ କଟକଣା ଲଗାଇଛନ୍ତି ଏବଂ ସ୍ପଷ୍ଟ କରିଛନ୍ତି ଯେ , “କେବଳ ୫ ବର୍ଷ ଧରି ଇସଲାମ ପାଳନ କରୁଥିବା ବ୍ୟକ୍ତିମାନେ ୱାକଫ ସୃଷ୍ଟି କରିପାରିବେ” ଏହି ବ୍ୟବସ୍ଥା ସ୍ଥଗିତ ରହିବ । କାରଣ, ଜଣେ ବ୍ୟକ୍ତି ଇସଲାମ ଅନୁଗାମୀ କି ନୁହେଁ ଏହା ନିର୍ଣ୍ଣୟ ପାଇଁ ନିୟମ ନାହିଁ ।

ସର୍ବୋଚ୍ଚ ଅଦାଲତା ୱାକଫ୍‍ ସଂଶୋଧନ ଆଇନ ୨୦୨୫ର ବୈଧତା ଉପରେ କୌଣସି ରାୟ ଦେଇନାହାଁନ୍ତି ଏବଂ ଆଇନକୁ ସ୍ଥଗିତ ରଖିବାକୁ ମନା କରିଛନ୍ତି । କିନ୍ତୁ ଏହାର ଧାରା ଗୁଡିକୁ ସ୍ଥଗିତ ରଖିବା ସମୟରେ କିଛି ସର୍ତ୍ତ ରଖିଛନ୍ତି । ସର୍ବୋଚ୍ଚ ଅଦାଲତ ଆଇନର ୨ଟି ଧାରା ଉପରେ ସ୍ଥଗିତ ରଖିଛନ୍ତି । ଏହାସହିତ ସର୍ତ୍ତାବଳୀ ସ୍ଥିର କରି ସେମାନଙ୍କର ଅନୁପାଳନ ସୁନିଶ୍ଚିତ କରିବାକୁ କହିଛନ୍ତି । ବିଶେଷ କରି ୫ବର୍ଷର ଆବଶ୍ୟକତାର ବ୍ୟବସ୍ଥାକୁ ନିଷିଦ୍ଧ କରିଛନ୍ତି ।