Blog

ଧନତେରସ ରେ ଗୋଟିଏ ଭୁଲ ଯାହା ଲକ୍ଷ୍ମୀଙ୍କୁ ଦୂରେଇ ଦିଏ!

ଆଜି ଧନତେରସ ପର୍ବ ବହୁତ ଉତ୍ସାହର ସହିତ ପାଳନ କରାଯାଉଛି। ଏହି ଦିନ ଦୀପାବଳି ଉତ୍ସବର ଆରମ୍ଭ। ପାରମ୍ପରିକ ଭାବରେ, ଏହି ଦିନ ଭଗବାନ ଧନ୍ୱନ୍ତରୀ, କୁବେର ଦେବ ଏବଂ ଦେବୀ ଲକ୍ଷ୍ମୀଙ୍କୁ ପୂଜା କରିବା ଦ୍ୱାରା ଘରେ ଧନ, ସୁଖ ଏବଂ ସମୃଦ୍ଧି ଆସିଥାଏ।

ଜ୍ୟୋତିଷ ଶାସ୍ତ୍ର ଅନୁସାରେ, ଧନତେରସରେ କିଛି ଜିନିଷ କିଣିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। ସୁନା, ରୂପା, ନୂତନ ବାସନକୁସନ, ଝାଡୁ, ଦୀପ ଏବଂ ଧନିଆ ବିହନ କିଣିବା ଦ୍ୱାରା ଭଗବାନ କୁବେରଙ୍କ ଆଶୀର୍ବାଦ ଏବଂ ଘରେ ସ୍ଥାୟୀ ସମୃଦ୍ଧି ଆସିଥାଏ। ଧନତେରସରେ କିଛି ଭୁଲ ମଧ୍ୟ ଏଡାଇବା ଉଚିତ। କୁହାଯାଏ ଯେ ଏହି ଦିନ ଏକ ଛୋଟ ଭୁଲ ମଧ୍ୟ ଦେବୀ ଲକ୍ଷ୍ମୀଙ୍କୁ କ୍ରୋଧିତ କରିପାରେ। ଆସନ୍ତୁ ଜାଣିବା ଏହି ଦିନ କେଉଁ ଜିନିଷଗୁଡ଼ିକୁ ଏଡାଇବା ଉଚିତ:

ଧନତେରସ ସନ୍ଧ୍ୟାରେ ଘର ଝାଡୁ କରିବା ବନ୍ଦ କରନ୍ତୁ:

ଧନତେରସ ସନ୍ଧ୍ୟାରେ ଘର ଝାଡୁ କରିବା ଅଶୁଭ ବୋଲି ବିବେଚନା କରାଯାଏ। ଏହା କରିବା ଦ୍ୱାରା ଦେବୀ ଲକ୍ଷ୍ମୀ ଘରୁ ଦୂରେଇ ଯାଆନ୍ତି ଏବଂ ଦାରିଦ୍ର୍ୟ ଆସେ। ତେଣୁ, ସୂର୍ଯ୍ୟାସ୍ତ ପୂର୍ବରୁ ଯେକୌଣସି ସଫା କାର୍ଯ୍ୟ ସମାପ୍ତ କରିବାକୁ ଚେଷ୍ଟା କରନ୍ତୁ।

ଲୁଣ ଦାନ କରନ୍ତୁ ନାହିଁ:

ସନ୍ଧ୍ୟାରେ ଲୁଣ ଦାନ କରିବା ଦ୍ୱାରା ଦେବୀ ଲକ୍ଷ୍ମୀ କ୍ରୋଧିତ ହୁଅନ୍ତି। ଜ୍ୟୋତିଷ ଶାସ୍ତ୍ର ଅନୁସାରେ, ଏହା ରାହୁଙ୍କ ପ୍ରଭାବକୁ ବୃଦ୍ଧି କରେ ଏବଂ ଘରର ଶାନ୍ତିକୁ ବ୍ୟାହତ କରିପାରେ। ଏହି ଦିନ ଲୁଣ ଦାନ କରନ୍ତୁ ନାହିଁ।

ଟଙ୍କା କିମ୍ବା ଜିନିଷ ଧାର ଦିଅନ୍ତୁ ନାହିଁ:

ଧନତେରସରେ କାହାକୁ ଟଙ୍କା କିମ୍ବା ଜିନିଷ ଧାର ଦେବା ଅଶୁଭ ବୋଲି ବିବେଚନା କରାଯାଏ। ଏହା ଦ୍ୱାରା ଲକ୍ଷ୍ମୀ ଏବଂ କୁବେରଙ୍କ ଆଶୀର୍ବାଦ ହ୍ରାସ ପାଏ ଏବଂ ଆର୍ଥିକ ସ୍ଥିରତା ପ୍ରଭାବିତ ହୁଏ ବୋଲି ବିଶ୍ୱାସ କରାଯାଏ।

ତାମସିକ ଖାଦ୍ୟ ପରିହାର କରନ୍ତୁ:

ଧନତେରସରେ, ରସୁଣ, ପିଆଜ କିମ୍ବା ମାଂସ ପରି ତାମସିକ ଖାଦ୍ୟ ପରିହାର କରନ୍ତୁ। ଏହି ଦିନଟି ସାତ୍ତ୍ୱିକ ଖାଦ୍ୟ ଏବଂ ଶୁଦ୍ଧ ଚିନ୍ତାଧାରା ପାଇଁ ଉତ୍ସର୍ଗୀକୃତ। ସାତ୍ତ୍ୱିକ ଆଚରଣ ଦେବୀ ଏବଂ ଦେବତାଙ୍କ ଆଶୀର୍ବାଦ ନେଇଥାଏ।

ଖାଲି ବାସନ କିଣନ୍ତୁ ନାହିଁ:

ଧନତେରସରେ ବାସନ କିଣିବା ଶୁଭ, କିନ୍ତୁ ଘରକୁ ଖାଲି ଆଣନ୍ତୁ ନାହିଁ। ଘରକୁ ଆଣିବା ପୂର୍ବରୁ ନୂଆ ବାସନରେ ଅଳ୍ପ ପରିମାଣର ପାଣି, ଗୁଡ଼ କିମ୍ବା ମିଠା ରଖିବା ଉଚିତ। ଏହା କରିବା ଦ୍ୱାରା ଘରେ ସମୃଦ୍ଧି ସୁନିଶ୍ଚିତ ହୁଏ।
ନୂଆପଡାରେ ଶଙ୍ଖ ବଜେଇବେ ନବୀନ

ଚିନ୍ତାରେ ବିଜେପି ବଡ଼ ଖେଳ ଖେଳିଲେ ନବୀନ। ନୂଆପଡ଼ା ପାଣିପାଗ ବଦଳେଇ ଦେବେ ନବୀନ। ଚୋର ହେଲା ବିଜେପି ଭୋଟ ଛଣୀନେବ ବିଜେଡ଼ି। ନୂଆପଡ଼ା ଉପ ନିର୍ବାଚନ ପାଇଁ ବିଜେଡ଼ି ସୁପ୍ରିମଙ୍କ ମାଷ୍ଟରଷ୍ଟ୍ରୋକ ନେ଼ଇ ଚର୍ଚ୍ଚା। ବିଜେପି କୁ ଚୋର କରି ନୂଆପଡ଼ା ଶିମ୍ପାଥି ଓ ମହିଳାଙ୍କ ଭୋଟ ପାଇଁ ସ୍ନେହାଙ୍ଗିନୀ ଗୋଟି ଚାଳନା ବୋଲି କୁହାଯାଉଛି। ନବୀନ ଖମ୍ ଖିଆଲି ନୁହେଁ ଭାବିଚିନ୍ତି ପ୍ରାର୍ଥୀ ଦେଇଥିବା କୁହା ଯାଉଛି। ଜୟଙ୍କ ବଦଳରେ ଆଉ କାହାକୁ ଭୋଟ ଦେଇ ଦଳକୁ ଭାଙ୍ଗିବା ବଦଳରେ ସ୍ନେହାଙ୍ଗିନୀ ଙ୍କୁ ପ୍ରାର୍ଥୀ କରି ନବୀନ ନୂଆପଡ଼ା ବିଜେଡ଼ିକୁ ଏକ କରି ରଖିବା ପାଇଁ ଚେଷ୍ଟା କରୁଛନ୍ତି ବୋଲି କୁହାଯାଇଛି।

ନବୀନ ଯଦି ଅନ୍ୟ ଦଳରୁ ନେତା ଆମଦାନୀ କରିଥାନ୍ତେ ତାହେଲେ ବିଜେଡ଼ି ଭୋଟ ମାଇନସ କରିଥାନ୍ତା। କିନ୍ତୁ ସ୍ନେହାଙ୍ଗିନୀଙ୍କୁ ପ୍ରାର୍ଥୀ କରି ଏବେ ବିଜେପି ଓ କଂଗ୍ରେସ ଉପରେ ଚାପ ପକାଇଛନ୍ତି ନବୀନ। ମହିଳା ଭୋଟ ସହ ପ୍ରାର୍ଥୀ ଚୋରୀ ଆଉ ଗତ ଦେଢ଼ ବର୍ଷରେ ବିଜେପି ସରକାରର ଅପାରଗତା ବଖାଣି ବିଜେଡ଼ି ଭୋଟ ଛାଣି ନେବ ବୋଲି କୁହାଯାଉଛି। ନୂଆପଡ଼ା ନହେଲେ ପଶ୍ଚିମ ଓଡ଼ିଶାର ଜଣେ ଲଢ଼ୁଆ ନେତ୍ରୀ । ତାଙ୍କ ପାଇଁ ଦଳୀୟ ସମର୍ଥନ ରହିବ ।

ଅନ୍ୟପଟେ ଜୟଙ୍କ ଦଳ ଡିଆଁ ପରେ ବିଜେଡ଼ି ଆଉ ବିଜେପିରେ ଦେଖାଦେଇଥିବା ଆସୋନ୍ତାସର ଲାଭ ବିଜେଡ଼ିକୁ ମିଳିବ ବୋଲି କୁହାଯାଉଛି। ଏବେବି ବିଜେଡ଼ିର ରାଜନୀତି ଆଗରେ ବିଜେପି-କଂଗ୍ରେସ କ୍ଲିନ୍ ବୋଲ୍ଡ ବୋଲି ଚର୍ଚ୍ଚା ହେଉଛି। ତେବେ ଦେଖାଯାଉ ନୂଆପଡ଼ା ଏଥର କାହାର ହେଉଛି। ଆଉ କିଏ ବାଜିମାତ କରୁଛି।
ବାପାର ଅପମାନ ବଦଳରେ ଗଡିଲା ମୁଣ୍ତ

ବାପାର ପ୍ରତିଶୋଧ ନେବା ପାଇଁ ପୁଅ ପାଲଟିଲା ରାକ୍ଷସ … ମାତ୍ର ଚଉଦ ବରଷ ବୟସରେ ହାତରେ ଧରିଲା … ମାରଣା ଅସ୍ତ୍ର …ପ୍ରତିଶୋଧ ନିଆଁରେ ଜାଳିଲା ପାଞ୍ଚ ବରଷର ବାଳକକୁ …ନା ଆଗ ଦେଖିଲା ନା ପଛ ବେକରେ ଲଗାଇଲା ମାରଣା ଅସ୍ତ୍ର ….ଦର୍ଶକବନ୍ଧୁ ଏହି ଭଳି ଆଭାବନିୟ ଘଟଣା ଦେଖିବାକୁ ମିଳିଛି ..ଓଡ଼ିଶାର ନବରଙ୍ଗପୁର ଜିଲ୍ଲାରୁ ଏକ ଅତ୍ୟନ୍ତ ଦୁଃଖଦ ଖବର ଆସିଛି। ପାପଡାହାଣ୍ଡି ଥାନା ଅଞ୍ଚଳର କୃଷ୍ଣଗୁଡ଼ା ଗାଁରେ, ଜଣେ ୧୪ ବର୍ଷୀୟ ବାଳକ ଜଣେ ୫ ବର୍ଷୀୟ ବାଳକକୁ ନିର୍ମମ ଭାବରେ ହତ୍ୟା କରିଛି। କୁହାଯାଉଛି ଯେ ତାଙ୍କ ବାପାଙ୍କ ଅପମାନର ପ୍ରତିଶୋଧ ନେବା ପାଇଁ ଏହି ହତ୍ୟାକାଣ୍ଡ କରାଯାଇଥିଲା। ସମଗ୍ର ଗାଁ ଆଶ୍ଚର୍ଯ୍ୟରେ ଅଛି।

ଶୁକ୍ରବାର ସକାଳେ, ୫ ବର୍ଷୀୟ ବାଳକ ମଜେଶ ମହୁରିଆ ଖେଳିବାକୁ ବାହାରକୁ ଯାଇଥିଲା। ଯେତେବେଳେ ସେ ବହୁତ ସମୟ ପର୍ଯ୍ୟନ୍ତ ଫେରି ନଥିଲା, ତାଙ୍କ ପରିବାର ତାଙ୍କୁ ଖୋଜାଖୋଜି ଆରମ୍ଭ କରିଥିଲେ। ଗାଁ ଲୋକମାନେ ମଧ୍ୟ ଖୋଜାଖୋଜିରେ ସାମିଲ ହୋଇଥିଲେ। ଏହି ସମୟରେ, ଗାଁ ଲୋକ ଦେଖିଲେ ଯେ ପାଖରେ ଥିବା ଏକ ପରିତ୍ୟକ୍ତ ପୁରୁଣା ଘରର ଦ୍ୱାର ବନ୍ଦ ଥିଲା ଏବଂ ଘରୁ ଦୁର୍ଗନ୍ଧ ବାହାରୁଥିଲା।ପରିବାର ଏବଂ ଗାଁ ଲୋକ ଘର ପାଖକୁ ପହଞ୍ଚିବା ପରେ, ଦ୍ୱାର ଭିତରୁ ବନ୍ଦ ଥିଲା। ଯେତେବେଳେ ଲୋକମାନେ ସନ୍ଦେହ କଲେ, ସେମାନେ ଦ୍ୱାର ଭାଙ୍ଗି ଭିତରର ଦୃଶ୍ୟ ଦେଖି ଆଶ୍ଚର୍ଯ୍ୟ ହୋଇଗଲେ। ସାନ ପୁଅ ମଜେଶର ମୃତଦେହ ବନ୍ଦ ଘର ଭିତରେ ପଡ଼ିଥିଲା ଏବଂ ଅଭିଯୁକ୍ତ ପୁଅଟି ମଧ୍ୟ ଭିତରେ ଉପସ୍ଥିତ ଥିଲା। ପ୍ରଥମେ ସେ କୌଣସି ସୂଚନା ନ ଥିବା କଥା ମନା କରିଥିଲା, କିନ୍ତୁ ଗାଁ ଲୋକଙ୍କ ଦ୍ୱାରା ପଚରାଯିବାରୁ ସେ ଖସିଯିବାକୁ ଚେଷ୍ଟା କରିଥିଲା। କ୍ରୋଧିତ ହୋଇ ଗାଁ ଲୋକମାନେ ତାକୁ ଧରି ପିଟିଥିଲେ।

ସୂଚନା ପାଇବା ପରେ ପାପଡାହାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚିଥିଲା। ସେମାନେ ଅଭିଯୁକ୍ତକୁ ଭିଡ଼ରୁ ଉଦ୍ଧାର କରି ସୁରକ୍ଷା ପାଇଁ ହେପାଜତକୁ ନେଇଥିଲେ। ଏହାପରେ ପୋଲିସ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିଲା ଏବଂ ଏକ ବୈଜ୍ଞାନିକ ତଦନ୍ତ ଦଳକୁ ଘଟଣାସ୍ଥଳକୁ ଡକାଇଥିଲା।ପୋଲିସର ପ୍ରାରମ୍ଭିକ ତଦନ୍ତରୁ ଜଣାପଡ଼ିଥିଲା ଯେ ହତ୍ୟା ଏକ ପ୍ରତିଶୋଧମୂଳକ ଅପରାଧ। କିଛି ଦିନ ପୂର୍ବରୁ ଗାଁରେ ବିବାଦ ହୋଇଥିଲା। ମଜେଶର ବାପା ଶିବ ମହୁରିଆଙ୍କ ₹୪,୦୦୦ ନିଖୋଜ ହୋଇଯାଇଥିଲା। ଚୋରି ସନ୍ଦେହ କରି, ଗାଁ ଲୋକମାନେ ଅଭିଯୁକ୍ତ ପୁଅକୁ ଡାକି ପଚରାଉଚରା କରିଥିଲେ। ପିଲାଟିକୁ ଏକ ଗ୍ରାମ ସଭାରେ ସର୍ବସାଧାରଣରେ ଭର୍ତ୍ସନା କରାଯାଇଥିଲା, ଯାହା ଫଳରେ ତାଙ୍କ ପରିବାର ଗଭୀର ଅପମାନିତ ଅନୁଭବ କରିଥିଲେ।

ଏହି ଘଟଣା ଦ୍ୱାରା କ୍ରୋଧିତ ହୋଇ ଅଭିଯୁକ୍ତ ପୁଅ ପ୍ରତିଶୋଧ ନେବାକୁ ନିଷ୍ପତ୍ତି ନେଇଥିଲା ଏବଂ ସୁଯୋଗ ଖୋଜୁଥିଲା ବୋଲି ଜଣାପଡିଛି। ଶୁକ୍ରବାର ଦିନ, ଯେତେବେଳେ ସେ ନିର୍ଦ୍ଦୋଷ ମାଜେଶକୁ ଏକୁଟିଆ ପାଇଲେ, ସେ ତାକୁ ହତ୍ୟା କଲେ।ଘଟଣା ପରେ, ଏକ ବୈଜ୍ଞାନିକ ତଦନ୍ତ ଦଳକୁ ଡକାଯାଇଥିଲା। ଦଳ ଘଟଣାସ୍ଥଳକୁ ଯାଇ ପ୍ରମାଣ ସଂଗ୍ରହ କରିଥିଲା।ପୋଲିସ କହିଛି ଯେ ଏହି ମାମଲା ଅତ୍ୟନ୍ତ ସମ୍ବେଦନଶୀଳ କାରଣ ଅଭିଯୁକ୍ତ ଏବଂ ପୀଡିତା ଉଭୟ ନାବାଳକ।ପାପଡାହାଣ୍ଡି ଥାନା ଅଧିକାରୀ ଦୀପକ ଜେନା କହିଛନ୍ତି, “ଉଭୟ ପିଲା ନାବାଳକ। କିଶୋର ନ୍ୟାୟ ଆଇନ ଅନୁଯାୟୀ ମାମଲାର ତଦନ୍ତ କରାଯାଉଛି। ବୈଜ୍ଞାନିକ ଦଳ ତଦନ୍ତ ଆରମ୍ଭ କରିଛି ଏବଂ ସମସ୍ତ ଆଇନଗତ ପ୍ରକ୍ରିୟା ଅନୁସରଣ କରାଯାଉଛି।”

ଏହି ବିଭତ୍ସ ହତ୍ୟା ପରେ, ସମଗ୍ର କୃଷ୍ଣଗୁଡ଼ା ଗାଁ ନୀରବ ହୋଇଯାଇଛି। ଗାଁ ଲୋକେ କେବେ କଳ୍ପନା କରିନଥିଲେ ଯେ ଦୁଇଟି ପରିବାର ମଧ୍ୟରେ ଏକ ଛୋଟ ଆର୍ଥିକ ବିବାଦ ଏତେ ଭୟଙ୍କର ପରିଣାମ ଆଣିବ।ଜଣେ 14 ବର୍ଷୀୟ ନାବାଳକ କିପରି ଏତେ କଠୋର ପଦକ୍ଷେପ ନେଇପାରେ ତାହା ଭାବି ସମସ୍ତେ ଭୟଭୀତ।ଏହି ଘଟଣା ସମାଜ ପାଇଁ ପ୍ରଶ୍ନ ଉଠାଏ: ପିଲାମାନଙ୍କ ମଧ୍ୟରେ ବୃଦ୍ଧି ପାଉଥିବା ହିଂସା ଏବଂ ପ୍ରତିଶୋଧ ନେବା ପଛରେ କ’ଣ କାରଣ ଅଛି? ପୁଅଟି ଏକା ଏହି ପଦକ୍ଷେପ ନେଇଛି ନା କେହି ପ୍ରରୋଚିତ ହୋଇଛି ତାହା ନିର୍ଣ୍ଣୟ କରିବା ପାଇଁ ପୋଲିସ ଏବଂ ପ୍ରଶାସନ ଏବେ ପୁଙ୍ଖାନୁପୁଙ୍ଖ ତଦନ୍ତ କରୁଛନ୍ତି।ଏହି ଭୟଙ୍କର ଘଟଣା କେବଳ ନବରଙ୍ଗପୁର ଜିଲ୍ଲାକୁ ନୁହେଁ ବରଂ ସମଗ୍ର ଓଡ଼ିଶା ରାଜ୍ୟକୁ ଥରାଇ ଦେଇଛି। ଗୋଟିଏ ପଟେ ଜଣେ ୫ ବର୍ଷର ବାଳକ ନିଜ ଜୀବନ ହରାଇଲା, ଅନ୍ୟପଟେ ଜଣେ ୧୪ ବର୍ଷର ବାଳକ ତା’ର ଶୈଶବ ଏବଂ ଭବିଷ୍ୟତ ଉଭୟ ହରାଇଲା।
ଏଣିକି ବୁଲିପାରିବେ ଜାତୀୟ ଉଦ୍ୟାନ ଶିମିଳିପାଳ

ଆଜି ଠାରୁ ପର୍ଯ୍ୟଟକଙ୍କ ପାଇଁ ଖୋଲିବ ଜାତୀୟ ଉଦ୍ୟାନ ଶିମିଳିପାଳ । ଶିମିଳିପାଳକୁ ପ୍ରବେଶ ପାଇଁ ଚଳିତ ବର୍ଷ ଦିନବେଳା ପର୍ଯ୍ୟଟକମାନଙ୍କ ପାଇଁ ofline ପ୍ରବେଶ ପତ୍ର ବନ୍ଦ ରହିଛି, କେବଳ www.shimilipal.org ୱେବସାଇଟ ମାଧ୍ୟମରେ ବୁକିଂ କରି ନିଜର ପ୍ରବେଶ ପତ୍ର ପାଇ ପାରିବେ, ପ୍ରତ୍ୟେକ ଦିନ ପର୍ଯ୍ୟଟକଙ୍କ ୬୦ ଟି ଗାଡିକୁ ପ୍ରବେଶ ପାଇଁ ଅନୁମତି ରହିଛି, ସକାଳ ୫ ଟାରୁ ୯ ଟା ପର୍ଯ୍ୟନ୍ତ ଯଶିପୁର ପଟୁ ତୁଳସୀବଣୀ ତନଖି ଫାଟକ ଦେଇ ୩୫ ଟି ଓ ସକାଳ ୮ ଟାରୁ ୯ ଟା ମଧ୍ୟରେ ବାରିପଦା ପଟୁ ପୀଠାବଟା ତନଖି ଫାଟକ ଦେଇ ୨୫ ଟି ପର୍ଯ୍ୟଟକଙ୍କ ଗାଡିକୁ ପ୍ରବେଶ ପାଇଁ ଅନୁମତି ମିଳିପାରିବ ।ରାତ୍ରୀ ରହଣି ପାଇଁ ପର୍ଯ୍ୟଟକ ମାନେ ପୂର୍ବରୁ www.ecotourodisha.com ୱେବସାଇଟରେ ବୁକିଂ କରି ପାରିବେ, ଆଜି ଯଶିପୁର ଓ ପୀଠାବଟା ଠାରେ ପର୍ଯ୍ୟଟକଙ୍କୁ ବିପୁଳ ଭାବେ ସ୍ୱାଗତ କରାଯାଇଛି, ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ପର୍ଯ୍ୟଟକ ମାନେ ଜଙ୍ଗଲରେ ଜୀବଜନ୍ତୁ ଦେଖିବା ସହ ଜଙ୍ଗଲ ସଫାରୀର ମଜା ନେଇ ପାରିବେ, ଆଜି ପ୍ରଥମ ଦିନରେ ପର୍ଯ୍ୟଟକ ମାନଙ୍କୁ ବନବିଭାଗ ପକ୍ଷରୁ ଭବ୍ୟ ସ୍ୱାଗତ କରାଯାଇଥିବାରୁ ସେମାନେ ବନବିଭାଗର ପଦକ୍ଷେପକୁ ପ୍ରଶଂସା କରିଛନ୍ତି।
ପୁଣି ରେଳ ଦୁର୍ଘଟଣା, ଅଳ୍ପକେ ବର୍ତ୍ତିଲେ ଯାତ୍ରୀ

ପୁଣି ଅବହେଲା … ପୁଣି ବାଜିରେ ଯାତ୍ରୀଙ୍କ ଜୀବନ …ରେଲୱେ ଡିପାର୍ଟମେଣ୍ଟର ଆବହେଲା କାରଣରୁ ଅଳ୍ପକେ ବର୍ତ୍ତିଲେ ଯାତ୍ରୀ ବିହାର ଯାଉଥିବା ଗରିବ ରଥ ଏକ୍ସପ୍ରେସରେ ଭୟଙ୍କର ଅଗ୍ନିକାଣ୍ଡ…..ପଞ୍ଜାବର ସିରହିନ୍ଦ ରେଳ ଷ୍ଟେସନ ନିକଟରେ ଏକ ବଡ଼ ଧରଣର ଟ୍ରେନ୍ ଦୁର୍ଘଟଣା ଟଳି ଯାଇଛି…… ଅମୃତସରରୁ ସହରସା ଯାଉଥିବା ଗରିବ ରଥ ଏକ୍ସପ୍ରେସରେ ହଠାତ୍ ନିଆଁ ଲାଗିଯିବାରୁ …..ଯାତ୍ରୀମାନଙ୍କ ମଧ୍ୟରେ ଆତଙ୍କ ଖେଳିଯାଇଛି…… ଟ୍ରେନ୍ ଟି ଅମ୍ବାଲାରୁ ଅଧ କିଲୋମିଟର ଦୂରରେ ଥିବା ସିରହିନ୍ଦ ଷ୍ଟେସନ ନିକଟରେ ପହଞ୍ଚିବା ମାତ୍ରେ ….ଏହି ଘଟଣା ଘଟିଥିଲା……… ଯାତ୍ରୀମାନେ ଟ୍ରେନ୍‌ର ଗୋଟିଏ କୋଚ୍‌ରୁ ଧୂଆଁ ବାହାରୁଥିବା ଦେଖି ତୁରନ୍ତ ରେଳ କର୍ମଚାରୀଙ୍କୁ ସତର୍କ କରାଇ ଦେଇଥିଲେ। ଡ୍ରାଇଭର ବୁଦ୍ଧିମତ୍ତାର ସହିତ କାର୍ଯ୍ୟ କରି ତୁରନ୍ତ ଟ୍ରେନ୍‌କୁ ଅଟକାଇ ଏକ ବଡ଼ ଦୁର୍ଘଟଣାକୁ ଏଡ଼ାଇ ଦେଇଥିଲେ।

ଘଟଣାଟି ସକାଳ ପ୍ରାୟ ସାଢ଼େ ୭ଟା ସମୟରେ ଘଟିଥିବା ଜଣାପଡ଼ିଛି। ରେଳ ଅଧିକାରୀଙ୍କ ଅନୁଯାୟୀ, ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି ଏବଂ କୌଣସି ମୃତାହତ କିମ୍ବା ଆହତ ହୋଇଥିବାର ରିପୋର୍ଟ ନାହିଁ। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ଯାନ୍ତ୍ରିକ ତ୍ରୁଟି କିମ୍ବା ସର୍ଟ ସର୍କିଟକୁ ଏକ ସମ୍ଭାବ୍ୟ କାରଣ ଭାବରେ ବିବେଚନା କରାଯାଉଛି।

ଅଧିକାରୀମାନେ କହିଛନ୍ତି ଯେ ଅଗ୍ନିକାଣ୍ଡକୁ ନିୟନ୍ତ୍ରଣ କରାଯିବା ପରେ ଟ୍ରେନ୍‌ର ସ୍ଥିତି ଯାଞ୍ଚ କରାଯାଉଛି। କ୍ଷତିଗ୍ରସ୍ତ କୋଚ୍‌ର ଯାଞ୍ଚ କରିବା ପରେ, ଟ୍ରେନ୍‌ଟି ଖୁବ୍‌ଶୀଘ୍ର ଏହାର ଗନ୍ତବ୍ୟସ୍ଥଳ, ସହରସା ଅଭିମୁଖେ ଯାତ୍ରା କରିବ। ରେଳ ସୁରକ୍ଷା ବଳ (RPF) ଏବଂ GRP ଦଳଗୁଡ଼ିକ ସମଗ୍ର ଅଞ୍ଚଳକୁ ଘେରାବନ୍ଦୀ କରିଛନ୍ତି ଏବଂ ଯାତ୍ରୀମାନଙ୍କୁ ସମସ୍ତ ଆବଶ୍ୟକୀୟ ସୁବିଧା ଯୋଗାଇ ଦିଆଯାଉଛି।

ଅଗ୍ନିକାଣ୍ଡ ଖବର ବ୍ୟାପିବା ମାତ୍ରେ ଯାତ୍ରୀମାନେ କିଛି ସମୟ ପାଇଁ ଭୟଭୀତ ହୋଇଗଲେ, କିନ୍ତୁ ରେଳବାଇ ଏବଂ ଅଗ୍ନିଶମ ବାହିନୀର ତୁରନ୍ତ ପଦକ୍ଷେପ ପରିସ୍ଥିତିକୁ ନିୟନ୍ତ୍ରଣକୁ ଆଣିଲା। ରେଳବାଇ କର୍ମଚାରୀଙ୍କ ତତ୍ପରତା ଏବଂ ଅଗ୍ନିଶମ ୟୁନିଟର ଦ୍ରୁତ ପ୍ରତିକ୍ରିୟା ଏକ ସମ୍ଭାବ୍ୟ ବଡ଼ ଦୁର୍ଘଟଣାକୁ ଏଡାଇ ଦେଇଥିଲା।

ଭାରତୀୟ ରେଳବାଇ X (ପୂର୍ବରୁ ଟ୍ୱିଟର) ରେ ଘଟଣା ବିଷୟରେ ସୂଚନା ପୋଷ୍ଟ କରିଛି, ଯେଉଁଠାରେ IR ଲେଖିଛି, “ଆଜି ସକାଳେ (ସକାଳ ୭:୩୦) ସିରହିନ୍ଦ ଷ୍ଟେସନରେ ଟ୍ରେନ ନମ୍ବର ୧୨୨୦୪ (ଅମୃତସର-ସହରସା) ର ଏକ କୋଚରେ ନିଆଁ ଲାଗିଯାଇଥିଲା। ରେଳ କର୍ମଚାରୀମାନେ ତୁରନ୍ତ ସମସ୍ତ ଯାତ୍ରୀଙ୍କୁ ବାହାର କରି ନିଆଁ ଲିଭାଇ ଦେଇଥିଲେ। କୌଣସି ଆହତ ହେବାର ସୂଚନା ମିଳିନାହିଁ। ପ୍ରଭାବିତ କୋଚକୁ ପୃଥକ କରାଯାଇଛି। ଅଗ୍ନିକାଣ୍ଡର କାରଣ ତଦନ୍ତ ଚାଲିଛି।”
“ଦୁଆରେ ପ୍ରଶାସନ” କାର୍ଯ୍ୟକ୍ରମର ଶୁଭାରମ୍ଭ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଐତିହାସିକ ତଥା ଲୋକମୁଖୀ ଯୋଜନା ‘ପିଏମ ଜନମନ’ର ଲକ୍ଷ୍ୟ ସହ ସମ୍ୱନ୍ୱିତ ଏକ ଅନନ୍ୟ ପ୍ରୟୋଗ ଭାବେ ରାୟଗଡା ଜିଲ୍ଲା ପ୍ରଶାସନ, ଓଡ଼ିଶାର ପ୍ରଥମ କରି (ପିଭିଟିଜି), ବିଶେଷ ଭାବେ ପ୍ରଭାବିତ ଜନଜାତିଙ୍କ ନିମନ୍ତେ ଘର ପର୍ଯ୍ୟନ୍ତ ସେବା ପହଞ୍ଚାଇବା ଲକ୍ଷ୍ୟ ରେ ଆଜି ଏକ ଅଭିନଵ ପ୍ରୟାସ ଆରମ୍ଭ କରିଛନ୍ତି I

ରାୟଗଡା ଜିଲ୍ଲାପାଳ ଶ୍ରୀ ଆଶୁତୋଷ କୁଲକର୍ଣ୍ଣିଙ୍କ କରକମଳ ରେ ତଥା ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ଅକ୍ଷୟ ଖେମୁଣ୍ଡୁଙ୍କ ପ୍ରତକ୍ଷ୍ୟ ତତ୍ୱାବଧାନ ରେ ଏହି କାର୍ଯ୍ୟକ୍ରମ ଟି ସଫଳତା ର ସହ ବିଷମକଟକ ବ୍ଲକ ନିୟମଗିରି ର କୁର୍ଲି ପଞ୍ଚାୟତ ଠାରେ ଉଦଘାଟନ ହୋଇଯାଇଛି I

ବିଷମକଟକ ଗୋଷ୍ଟି ଉନ୍ନୟନ ଅଧିକାରୀ ଶିବ ପଟନାୟକ ଏବଂ ସହକାରୀ ଯନ୍ତ୍ରୀ ଝରଣା ତ୍ରିପାଠୀଙ୍କ ପରିକଳ୍ପନା ଓ ମିଳିତ ଉଦ୍ୟମ ରେ ନିୟମଗିର ଖମ୍ବେସୀ ଗ୍ରାମ ଠାରୁ “ଦୁଆରେ ପ୍ରଶାସନ” କାର୍ଯ୍ୟକ୍ରମ ର ପ୍ରୟୋଗ ଆଜି ଆରମ୍ଭ କରାଯାଇଛି I ଏହି ପ୍ରୟାସ ମାଧ୍ୟମରେ ବିଷମକଟକ ପଞ୍ଚାୟତ ସମିତି କାର୍ଯ୍ୟାଳୟ ଅଧୀନରେ ଥିବା ପିଭିଟିଜି ପଞ୍ଚାୟତ ଓ ସେଥିରେ ବସବାସ କରୁଥିବା ହିତାଧିକାରୀ ମାନଙ୍କୁ ଘର ପର୍ଯ୍ୟନ୍ତ ପେନସନ ପହଞ୍ଚାଇବା ଯୋଜନା ର ପ୍ରୟାସ କରାଯାଇଛି I ଏହା ନିୟମଗିରି ର ଶତାଧିକ ଲାଭାନ୍ବିତଙ୍କ ଜୀବନକୁ ସିଧାସଳଖ ପ୍ରଭାବିତ କରିବ ବୋଲି ବୁଦ୍ଧିଜୀବୀ ପ୍ରକାଶ କରିଛନ୍ତି I

ଏହି ପଦକ୍ଷେପ କୁ କେବଳ ଏକ ଦାୟିତ୍ୱ କିମ୍ବା ଦୃଷ୍ଟିକୋଣ ନୁହଁ, ବରଂ ଏହାକୁ ଯଥେଷ୍ଟ ଗୁରୁତ୍ୱ ଦେଇ ପ୍ରଶାସନ ଯୋଜନା କରିଥିବା ଦେଖିବାକୁ ମିଳିଛି। ପିଭିଟିଜି ଅଞ୍ଚଳ ର ହିତାଧିକାରୀଙ୍କ ନିମନ୍ତେ ପେନ୍ସନ ବିତରଣ ପାଇଁ ବିଶେଷ ଡିଜାଇନ୍ ଥିବା ଲିଫାଫା ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ ଛବି ସହିତ ଘରେ ଘରେ ପେନ୍ସନ ପହଞ୍ଚାଇବାର ପ୍ରୟାସ କରାଯାଇଥିବା ଦେଖିବାକୁ ମିଳିଛି।

ପ୍ରକାଶ ଥାଉକି ଏନଏସଏପ ଯୋଜନା ଅଧୀନରେ ଡିବିଟି ମାଧ୍ୟମରେ ପେନ୍ସନ ରାଶି ଲାଭାନ୍ବିତଙ୍କ ଖାତାକୁ ସିଧାସଳଖ ଯାଉଛି। କିନ୍ତୁ ମଧୁବାବୁ ପେନ୍ସନ ଯୋଜନା (ଏମବିପିୱାଇ) ହିତାଧିକାରୀ ମାନଙ୍କୁ ନିକଟସ୍ଥ ଗ୍ରାମପଞ୍ଚାୟତରୁ ଯାଇ ଆଣିବାକୁ ପଡୁଛି I ଭୌଗଳିକ ଦୃଷ୍ଟି ରୁ ଓ ଦୂର୍ଗମ ପାହାଡ଼, ଜଙ୍ଗଳ ଅଞ୍ଚଳ ଦେଇ ମାଇଲ୍ ମାଇଲ୍ ଚାଲି ନିକଟସ୍ଥ ପଞ୍ଚାୟତକୁ ଆସିବାକୁ ହିତାଧିକାରୀ ବାଧ୍ୟ ହେଉଥିଲେ। କିନ୍ତୁ ଏହି ପ୍ରୟୋଗ ଦ୍ୱାରା ନିୟମଗିରି ଅଞ୍ଚଳ ର ହିତାଧିକାରୀଙ୍କ “ଘର ପର୍ଯ୍ୟନ୍ତ ପେନ୍ସନ ପହଞ୍ଚାଇବା” ର ବାଟ ଆପଣେଇଛି ବିଷମକଟକ ବ୍ଲକ ପ୍ରଶାସନ।

“ଏହା କେବଳ ପେନ୍ସନ ବିତରଣ ନୁହେଁ ବରଂ ଲୋକଙ୍କ ସହିତ ଓ ଲୋକଙ୍କ ପାଇଁ ପ୍ରଶାସନ, ଓ ସମାଜର ଶେଷ ବ୍ୟକ୍ତି ପର୍ଯ୍ୟନ୍ତ ସେବା ପହଞ୍ଚାଇବାର ଏକ ଉଦ୍ୟମ, ଏବଂ ରାୟଗଡା ଜିଲ୍ଲା ଏହି ଦିଗରେ ଏକ ମହତ୍ତ୍ୱପୂର୍ଣ୍ଣ ପାଦକ୍ଷେପ ନେଇଛି ବୋଲି ଜିଲ୍ଲାପାଳ ଆଶୁତୋଷ କୁଲକର୍ଣ୍ଣି ପ୍ରକାଶ କରିଛନ୍ତି ”

ଏହି ‘ଦୁଆରେ ପ୍ରଶାସନ’ କାର୍ଯ୍ୟକ୍ରମ ମାଧ୍ୟମରେ କୁର୍ଲି ପଞ୍ଚାୟତ ର ପାଖା ପାଖି ୫୨୦, କାଙ୍କୁବାଡି ର ୩୭୧, ଚାଞ୍ଚଡାଗୁଡା ର ୨୮୦ ଏବଂ ଡାଲିଆକୁଜି ଗ୍ରାମ ପଞ୍ଚାୟତ ର ୨୮୪, ଏଭଳି ଚାରୋଟି ପିଭିଟିଜି ପଞ୍ଚାୟତ ର ପାଖାପାଖି ୧୪୫୫ ରୁ ଅଧିକ ହିତାଧିକାରୀ ଏହି ଯୋଜନା ଦ୍ୱାରା ଲାଭାନ୍ବିତ ହେବେ ବୋଲି ବିଷମକଟକ ବିଡିଓ ଶିବ ପଟନାୟକ ପ୍ରକାଶ କରିଛନ୍ତି I

ଏହି ପଦକ୍ଷେପ ଆମ ଅଞ୍ଚଳର ଲୋକଙ୍କ ପାଇଁ ଅତ୍ୟାବଶ୍ୟକ ଓ ଏହାକୁ ବାସ୍ତବତା ରେ ପରିଣତ କରିବା ପାଇଁ ସରପଞ୍ଚ ସୁଭର୍ଦନୀ ୱାଡକା ଜିଲ୍ଲା ତଥା ବ୍ଲକ ପ୍ରଶାସନ କୁ କୃତଜ୍ଞତା ଜ୍ଞାପନ କରିଛନ୍ତି I ତେବେ ଏହି ପ୍ରୟୋଗ ନିୟମଗିରି ପର୍ବତ ଶୃଙ୍ଖଳାର ଦୁର୍ଗମ ଅଞ୍ଚଳରେ ବସବାସ କରୁଥିବା ଅଧିବାସୀଙ୍କ ଜୀବନରେ ନୂଆ ଆଶା ଓ ଉତ୍ସାହ ଆଣିଥିବା କୁହାଯାଉଛି। ଏହି କାର୍ଯ୍ୟକ୍ରମ କୁ ବିଷମକଟକ ର ସଫଳ ସଂଯୋଜନା ବିଷମକଟକ ସାମାଜିକ ସୁରକ୍ଷା ଅଧିକାରୀ ମୁନା ତାଡିଙ୍ଗି, ଡିଇଓ ସର୍ବଜିତ ପାଢ଼ୀ କରିଥିବା ବେଳେ ଏହାକୁ ସଫଳ ଆୟୋଜନ ପାଇଁ ସମସ୍ତ ବ୍ଲକ ପ୍ରଶାସନ ନିଜ ର ଯୋଗଦାନ ଦେଇଥିବା ବିଷମକଟକ ବିଡିଓ ପ୍ରକାଶ କରିଛନ୍ତି I

ବିଷମକଟକରୁ ରବିନ୍ଦ୍ର କୁମାର ସାହୁ ସୂଚନା ଟିଭି
କୁଣ୍ଡାବନ୍ଧ ସମଲେଶ୍ୱରୀ ହାଇସ୍କୁଲ ରେ କ୍ଲଷ୍ଟର ସ୍ତରୀୟ ସୁରଭି କାର୍ଯ୍ୟକ୍ରମ

କଳାହାଣ୍ଡି ( ସତ୍ୟ ନାରାୟଣ ମହାନନ୍ଦ ) କେସିଙ୍ଗା ବ୍ଲକ କିକିଆ କ୍ଲଷ୍ଟର ଅଧୀନ କୁଣ୍ଡାବନ୍ଧ ସମଲେଶ୍ୱରୀ ଉଚ୍ଚ ବିଦ୍ୟାଳୟ ପରିସରରେ ସି ଆର ସି ସି ଡୋଲାମଣୀ ମାଝୀ ଙ୍କ ତତ୍ତ୍ଵାବଧାନରେ ଓ ସ୍କୁଲ ପ୍ରଧାନ ଶିକ୍ଷକ ସନ୍ତୋଷ କୁମାର ରଥ ଙ୍କ ସଭାପତିତ୍ବରେ ଗୁରୁବାର କ୍ଲଷ୍ଟର ସ୍ତରୀୟ ଶିଶୁ ସୁଇଭୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ଏଥିରେ ମୁଖ୍ୟ ଅତିଥି ଭାବେ କୁଣ୍ଡାବନ୍ଧ ସରପଞ୍ଚ ରୋଜୀ ପଧାନ, ଏବଂ ସମ୍ମାନିତ ଅତିଥି ଭାବେ ଶିକ୍ଷକ ବିପିନ ବିହାରୀ ପଧାନ, ସ୍କୁଲ ପ୍ରଧାନ ଶିକ୍ଷକ ସନ୍ତୋଷ କୁମାର ରଥ, ସୁବାଷ ପଧାନ, ରାମଚନ୍ଦ୍ର ପଧାନ, ନରୋତ୍ତମଃ ବିଶି, ଓ କିକିଆ ସରପଞ୍ଚ କିଶୋର ପଧାନ ପ୍ରମୁଖ ମଞ୍ଚାସିନ ଥିଲେ | କିକିଆ କ୍ଲଷ୍ଟର ର 14 ଟି ସ୍କୁଲ ଏଥିରେ ଅଂଶ ଗ୍ରହଣ କରିଥିଲେ |

ପରେ ଛାତ୍ରଛାତ୍ରୀ ଙ୍କୁ ନେଇ ଚିତ୍ରାଙ୍କନ,ଗଳ୍ପକଥନ,ଗଣିତ ଦୌଡ଼,ଗଣିତ କୁଇଜ,ପ୍ରବନ୍ଧ ଲିଖନ,ବକୃତା,ବିଭିନ୍ନ ପ୍ରତିଯୋଗିତା ହୋଇଥିବା ବେଳେ କିକିଆ କ୍ଲଷ୍ଟର ର 14 ଗୋଟି ସ୍କୁଲ ର ଅନେକାଂଶ ଛାତ୍ରଛାତ୍ରୀ ନିଜର ଦକ୍ଷତା ଓ ପ୍ରତିଭା ପ୍ରଦର୍ଶନ କରିଥିଲେ | ଶେଷରେ ପ୍ରତିଯୋଗିତା ରେ କୃତିତ୍ୱ ଛାତ୍ର ଛାତ୍ରୀ ମାନଙ୍କୁ ଅତିଥି ଙ୍କ ଦ୍ୱାରା ପୁରସ୍କାର ବିତରଣ କରାଯାଇଥିଲା।ଏଥିରେ ମଞ୍ଚ ପରିଚାଳନା ଶିକ୍ଷକ ଅବନୀ ରଞ୍ଜନ ପଧାନ,ଏବଂ ବିଶେଷ ସହଯୋଗ କରିଥିଲେ ଶିକ୍ଷକ ବିନୋଦ ବାଗ, ସୁଜିତ ବୁଦ୍ଧିଆ, ଦିଲ୍ଲୀପ ପଧାନ, ପ୍ରକାଶ ପଧାନ, ସରୋଜ ଦାସ,ଶିକ୍ଷୟିତ୍ରୀ ରଞ୍ଜିତା ନାଏକ | ଧନ୍ୟବାଦ ଅର୍ପଣ କରିଥିଲେ ସ୍କୁଲ ପରିଚାଳନା କମିଟି ସଭାପତି କେଶବ ବୁଶ୍ୱାଳ |
ଆସନ୍ତା ମାସରୁ ସାମୁଦ୍ରିକ ମତ୍ସ୍ୟଜୀବି ଜନଗଣନା

ନଭେମ୍ବର ୩ ତାରିଖ ରୁ ଆରମ୍ଭ ହେବ ସାମୁଦ୍ରିକ ମତ୍ସ୍ୟଜୀବି ଜନଗଣନା । ଆସନ୍ତା ଡ଼ିସେମ୍ବର ୧୮ ତାରିଖ ପର୍ଯ୍ୟନ୍ତ ଏହା ଚାଲିବ । ଏହି ଜନଗଣନା କୁ ସଫଳ କରିବା ନିମନ୍ତେ ଭାରତୀୟ କୃଷି ଗବେଷଣା ପରିଷଦ ଓ ସେଣ୍ଟ୍ରାଲ ମେରାଇନ ଫିସରିଜ ରିସର୍ଚ୍ଚ ଇନଷ୍ଟିଚ୍ୟୁଟ ପକ୍ଷରୁ ୩ ଦିନିଆ ତାଲିମ ଶିବିର ଆରମ୍ଭ ହୋଇଛି । ପୁରୀ ସ୍ଥିତ ସେଣ୍ଟ୍ରାଲ ମେରାଇନ ଫିସରିଜ ରିସର୍ଚ୍ଚ ଇନଷ୍ଟିଚ୍ୟୁଟ ର କାର୍ଯ୍ୟାଳୟ ରେ ଏହି ତାଲିମ ଦିଆଯାଉଛି । ଅନୁଷ୍ଠାନ ର ବୈଜ୍ଞାନିକ ମାନେ କୋଚି ରେ ତାଲିମ ନେବା ପରେ ମତ୍ସ୍ୟଜୀବୀ ଜନଗଣନା ରେ ସାମିଲ ହେବାକୁ ଥିବା ୨୯ ଜଣ ସୁପର ଭାଇଜର ଙ୍କୁ ତାଲିମ ଦେଉଛନ୍ତି ।

ଏହି ତାଲିମ ଶିବିର ରେ ପଶ୍ଚିମବଙ୍ଗ ଓ ଓଡ଼ିଶା ର ସୁପରଭାଇଜର ଓ ବୈଜ୍ଞାନିକ ମାନେ ଯୋଗ ଦେଇଛନ୍ତି । ଜନଗଣନା କୁ ତ୍ରୁଟି ମୁକ୍ତ ଓ ସୁବିଧା ପାଇଁ ‘ବ୍ୟାସ ଭାରତ’ ମୋବାଇଲ ଆପ ପ୍ରସ୍ତୁତ କରାଯାଇଛି । ଆମ ରାଜ୍ୟର ୬ ଟି ସମୁଦ୍ର କୂଳବର୍ତ୍ତି ଜିଲ୍ଲା ବାଲେଶ୍ବର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର, ପୁରୀ ଓ ଗଞ୍ଜାମରେ ବାସ କରୁଥିବା ତଥା ସାମୁଦ୍ରିକ ମତ୍ସ୍ୟ ଉତ୍ପାଦନ ରେ ନିର୍ଭରଶୀଳ ଥିବା ମତ୍ସ୍ୟଜୀବି ପରିବାରଙ୍କୁ ସର୍ଭେ କରାଯିବ ।

CMFRI ପୁରୀ କ୍ଷେତ୍ର କାର୍ଯ୍ୟାଳୟ ର ବରିଷ୍ଠ ବୈଜ୍ଞାନିକ ଡକ୍ଟର ଜ୍ଞାନ ରଞ୍ଜନ ଦାଶ କହିଛନ୍ତି, ଗତ ୨୦୧୬ ମସିହାରେ ସାମୁଦ୍ରିକ ମତ୍ସ୍ୟଜୀବି ଜନଗଣନା ହୋଇଥିଲା । ପ୍ରତି ୫ ବର୍ଷ ରେ ଥରେ ଏହି ଗଣନା କରାଯାଇ ସାମୁଦ୍ରିକ ମତ୍ସ୍ୟଜୀବି ଙ୍କ ସ୍ଥିତି ଅନୁଧ୍ୟାନ କରାଯାଏ । ଏହା ଦ୍ଵାରା ସେମାନଙ୍କ ପାରିବାରିକ ସ୍ଥିତି ସମ୍ପର୍କରେ ସରକାର ଜାଣିବା ସହ ଆବଶ୍ୟକତା ପୁରଣ ନିମନ୍ତେ ବିଭିନ୍ନ ପଦକ୍ଷେପ ନେଉଛନ୍ତି ।

ତେଣୁ ଚଳିତବର୍ଷ ସର୍ଭେରେ ବାସ୍ତବ ସ୍ଥିତି ଜଣାପଡ଼ିବ। ଏହି ତଥ୍ୟ କୁ ଆଧାର କରି କେନ୍ଦ୍ର ସରକାର ସାମୁଦ୍ରିକ ମତ୍ସ୍ୟଜୀବି ଙ୍କ ଜୀବନ ଜୀବିକା ଉନ୍ନତି ଆଣିବା ପାଇଁ ବିଭିନ୍ନ ପଦକ୍ଷେପ ନେବେ। ଏହାଦ୍ଵାରା ସାମୁଦ୍ରିକ ମତ୍ସ୍ୟଜୀବି ମାନେ ଉପକୃତ ହେବେ। ପୁରୀ ଜିଲ୍ଲା ପାରମ୍ପରିକ ସାମୁଦ୍ରିକ ମତ୍ସ୍ୟଜୀବି ସଂଘ ସଭାପତି ବାବୁଲା ପ୍ରସାଦ ନିଜ ପ୍ରତିକ୍ରିୟାରେ କହିଛନ୍ତି, ସାମୁଦ୍ରିକ ମତ୍ସ୍ୟଜୀବି ଙ୍କ ପ୍ରକୃତ ସ୍ଥିତି ଜାଣିବା ପାଇଁ କେନ୍ଦ୍ର ସରକାର ଯେଉଁ ଜନଗଣନା ଆରମ୍ଭ କରିବାକୁ ଯାଉଛନ୍ତି ତାହା ସ୍ବାଗତ ଯୋଗ୍ୟ । ଏହି ସର୍ଭେ ହେଲେ ସାମୁଦ୍ରିକ ମତ୍ସ୍ୟଜୀବି ଙ୍କ ପ୍ରକୃତ ସମସ୍ୟା ଲୋକ ଲୋଚନ କୁ ଆସିପାରିବ ।
ପୋଷଣ କାର୍ଯ୍ୟକ୍ରମରେ ପୁରୀ ଜିଲ୍ଲା ଶ୍ରେଷ୍ଠ ବିବେଚିତ

ପୁରୀ : ଉପଯୁକ୍ତ ପୋଷଣ ଶିଶୁ କୁ ସୁସ୍ଥ ଓ ନିରୋଗ ରଖିବା ସହ ତାହାର ମାନସିକ ସୁସ୍ଥତା ପାଇଁ ସହାୟକ ହୋଇଥାଏ । ସେଥିପାଇଁ ପ୍ରତ୍ୟେକ ବର୍ଷ ସେପ୍ଟେମ୍ବର ରୁ ଅକ୍ଟୋବର ମାସ ମଧ୍ୟରେ ପୋଷଣ ମାହ ବା ମାସର ଆୟୋଜନ କରାଯାଇଥାଏ । ଏହାଦ୍ଵାରା ଉପଯୁକ୍ତ ପୋଷଣ ସମ୍ପର୍କରେ ସଚେତନତା ସୃଷ୍ଟି ସହ ଏହାକୁ ଯେପରି ଲୋକାଭିମୁଖୀ କରାଯିବ ସେଥିପ୍ରତି ବ୍ୟବସ୍ଥା କରାଯାଇଥାଏ । ବ୍ଲକ ସ୍ତରରୁ ଜିଲ୍ଲା ସ୍ତର ଓ ରାଜ୍ୟ ସ୍ତର ପର୍ଯ୍ୟନ୍ତ ପୋଷଣର ପ୍ରତିଯୋଗିତା ଅନୁଷ୍ଠିତ ହୋଇଥାଏ । କନଭରଜେଣ୍ଟ ଆକ୍ସନ ଓ ଡିଜିଟାଇଜେସନ,ଏର୍ଲି ଚାଇଲ୍ଡହୁଡ କେଆର ଓ ଏଡୁକେସନ, ଇନଫାନଟ୍ ଓ ୟଙ୍ଗ ଚାଇଲ୍ଡ ଫିଡ ପ୍ରାକ୍ଟିସ୍, ମେନ ଷ୍ଟ୍ରିମିଂ, ଆଡ୍ରେସ ଓବେସିଟି ଓ ଭୋକାଲ ଫର ଲୋକାଲ ଏହିଭଳି ୬ଟି ବିନ୍ଦୁ କୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ରାଜ୍ୟସ୍ତରୀୟ ୮ମ ରାଷ୍ଟ୍ରୀୟ ପୋଷଣ ମାହ ବା ମାସ ୨୦୨୫ କାର୍ଯ୍ୟକ୍ରମରେ ବିଭିନ୍ନ ପୋଷଣ କାର୍ଯ୍ୟକଳାପରେ ଉତ୍କୃଷ୍ଟ ପ୍ରଦର୍ଶନ ପାଇଁ ପୁରୀ ଜିଲ୍ଲାକୁ ପ୍ରଥମ ପୁରସ୍କାର ପ୍ରଦାନ କରାଯାଇଛି |

ଏବଂ ରାଜ୍ୟ ମଧ୍ୟରେ ପୋଷଣର ମୁଖ ଚିହ୍ନନ ପ୍ରଣାଳୀରେ ମଧ୍ୟ ପୁରୀ ଜିଲ୍ଲା ପ୍ରଥମ ସ୍ଥାନ ହାସଲ କରିଛି । ଭୁବନେଶ୍ୱର ଲୋକସଭା ଭବନରେ ଆୟୋଜିତ ଏକ ସ୍ବତନ୍ତ୍ର ଉତ୍ସବ ରେ ବିଭାଗର ପ୍ରମୁଖ ସଚିବ ଶୁଭା ଶର୍ମା ଓ ନିର୍ଦ୍ଦେଶକ ମନୀଷା ବାନାର୍ଜୀ ଙ୍କ ଠାରୁ
ଏହି ପୁରସ୍କାର କୁ ଜିଲ୍ଲା ସମାଜ କଲ୍ୟାଣ ଅଧିକାରୀ ତନୁପ୍ରଭା ବେଉରା ଓ ପୋଷଣର ଜିଲ୍ଲା ସଂଯୋଜକ ସସ୍ମିତା କର୍ମକାର ଗ୍ରହଣ କରିଥିଲେ । ଏହି ସଫଳତା ପାଇଁ ଜିଲ୍ଲାପାଳ ଦିବ୍ଯ ଜ୍ୟୋତି ପରିଡା ସମାଜ କଲ୍ୟାଣ ଅଧିକାରୀ ଓ କାର୍ଯ୍ୟାଳୟ ର ସମସ୍ତ ଅଧିକାରୀ କର୍ମଚାରୀ ମାନଙ୍କୁ ଶୁଭେଚ୍ଛା ଜଣାଇଛନ୍ତି ।ଏହି ସଫଳତା କୁ ପାଥେୟ କରି ଆଗକୁ ଆହୁରି ଅଧିକ କାର୍ଯ୍ୟ କରି ଜିଲ୍ଲାର ସୁନାମ ବୃଦ୍ଧି କରିବାକୁ ସେ ଆହ୍ବାନ ଦେଇଛନ୍ତି ।
ନୂଆ ଫରେଷ୍ଟର ମାନେ ନେଲେ ସେବାର ସଙ୍କଳ୍ପ

କନ୍ଧମାଳ ଜିଲ୍ଲାର ଜି ଉଦୟଗିରି ବନତାଲିମ୍ କେନ୍ଦ୍ରରେ ୫୯ତମ ଦିକ୍ଷାନ୍ତ ପ୍ୟାରେଡ୍ ଏବଂ ସମାବର୍ତନ ଉତ୍ସବ ପାଳନ ହୋଇଛି । ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ବିକାଶ ରଞ୍ଜନ ଦାସ,ମୁଖ୍ୟ ବନ ସଂରକ୍ଷକ ,ସମ୍ମାନିତ ଅତିଥି ଭାବେ ଆଂଚଳିକ ମୁଖ୍ୟ ବନ ସଂରକ୍ଷକ, ବ୍ରହ୍ମପୁର ମଣ୍ଡଳ, ପ୍ରତାପ କୋଟପଲ୍ଲୀ,ବନଖଣ୍ଡ ଅଧିକାରୀ, କଟକ ଅଧ୍ୟକ୍ଷ ତଥା ସଭା ପରିଚାଳକ ଭାବରେ ଯୋଗଦେଇଥିଲେ ।

ରାଜ୍ୟ ର ବିଭିନ୍ନ ସ୍ଥାନରୁ ୫୦ ଜଣ ଫରେଷ୍ଟର ପ୍ରଶିକ୍ଷଣ ନେଇଥିଲେ ।

ମିଳିତ ପ୍ୟାରେଡ୍ ସହ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା |

ସମସ୍ତ ଙ୍କୁ ମାନପତ୍ର ସହ କୃତିତ୍ୱ ହାସଲ କରିଥିବା ଫରେଷ୍ଟର ଙ୍କୁ ମେଡାଲ ପ୍ରଦାନ କରାଯାଇଥିଲା ।

ଶେଷରେ ଜି ଉଦୟଗିରି ଉପ ବନ ସଂରକ୍ଷକ, ଆଶିଷ କୁମାର ବେହେରା ଧନ୍ୟବାଦ୍ ଅର୍ପଣ କରିଥିଲେ ।