Blog

୨୦୩୦ରେ ଆଣ୍ଟାର୍କଟିକାରେ ଦେଖିବାକୁ ମିଳିବ ଭୟଙ୍କର ପରିବର୍ତ୍ତନ!

ଗ୍ଲୋବାଲ ୱାର୍ମିଂ କ୍ରମାଗତ ଭାବରେ ଆମ ପୃଥିବୀ ପାଇଁ ବିପଦ ପାଲଟିଛି। ଯଦିଓ ଏଥିପାଇଁ ଅନେକ ଠୋସ୍ ପଦକ୍ଷେପ ନିଆଯାଉଛି ଏବଂ ଅନ୍ତର୍ଜାତୀୟସ୍ତରରେ ଆଲୋଚନା ଚାଲିଛି, କିନ୍ତୁ ଏସବୁ ସତ୍ତ୍ୱେ ଜଳବାୟୁ ପରିବର୍ତ୍ତନ ଇକୋସିଷ୍ଟମ୍ ଉପରେ ଭୟଙ୍କର ପ୍ରଭାବ ପକାଇବା ଆରମ୍ଭ କରିଛି। ଆଗାମୀ ବର୍ଷମାନଙ୍କରେ ଏହାର ପ୍ରଭାବ ବୃଦ୍ଧି ପାଇବ ବୋଲି ବୈଜ୍ଞାନିକ ଆକଳନ କରିଛନ୍ତି। ଏକ ନୂତନ ବୈଜ୍ଞାନିକ ଅଧ୍ୟୟନ ଅନୁଯାୟୀ, ଆଣ୍ଟାର୍କଟିକା ମହାସାଗରରେ ଗ୍ରୀଷ୍ମକାଳିନ ସାମୁଦ୍ରିକ ବରଫ ୨୦୩୦ ସୁଦ୍ଧା ରହିବ ନାହିଁ |

କ୍ଲାଇମେଟ କନେକ୍ସନ ପତ୍ରିକାରେ ପ୍ରକାଶିତ ଏକ ଅଧ୍ୟୟନରୁ ଜଣାପଡିଛି ଯେ ପ୍ୟାରିସ୍ ଜଳବାୟୁ ଚୁକ୍ତି ଅନୁଯାୟୀ ଗ୍ଲୋବାଲ ୱାର୍ମିଂକୁ ୧.୫ ଡିଗ୍ରୀ ସେଲସିୟସରେ ସୀମିତ ରଖିବାକୁ ଚେଷ୍ଟା କରାଯାଉଛି। ତଥାପି ଉତ୍ତର ପୋଲର ଭାସମାନ ବରଫ ତରଳିବା ବନ୍ଦ ହେଉ ନାହିଁ।

ହେମ୍ବର୍ଗ ବିଶ୍ୱବିଦ୍ୟାଳୟର ଇନଷ୍ଟିଚ୍ୟୁଟ୍ ଅଫ୍ ଓସେନୋଗ୍ରାଫିର ପ୍ରଫେସର ତଥା ସହ-ଲେଖକ ଡର୍କ ନାଟଜ୍ କହିଛନ୍ତି ଯେ ଆଣ୍ଟାର୍କଟିକାରେ ଗ୍ରୀଷ୍ମକାଳୀନ ସାମୁଦ୍ରିକ ବରଫକୁ ସଂରକ୍ଷଣ କରିବା ପ୍ରକ୍ରିୟାରେ ବର୍ତ୍ତମାନ ବିଳମ୍ବ ହୋଇଛି। ଦି ନ୍ୟୁୟର୍କ ଟାଇମ୍ସକୁ ସାକ୍ଷାତକାର ଦେଇ ସେ କହିଛନ୍ତି ଯେ ‘ଆମେ ଆଣ୍ଟାର୍କଟିକା ଗ୍ରୀଷ୍ମକାଳୀନ ସମୁଦ୍ର-ବରଫ କଭରକୁ ଅତି ଶୀଘ୍ର ହରାଇବାକୁ ଯାଉଛୁ। ଅବଶିଷ୍ଟ ବରଫର ସୁରକ୍ଷା ପାଇଁ ଜଳବାୟୁ ପରିବର୍ତ୍ତନ ବିଷୟରେ କିଛି କରିବାକୁ ଆମେ ବହୁତ ବିଳମ୍ବ କରିଛୁ।

ଏଠାରେ କହି ରଖୁଛୁ କି, ବରଫ ତରଳିବାର ପ୍ରଭାବ କେବଳ ସେହି ଅଞ୍ଚଳରେ ନୁହେଁ ସମଗ୍ର ବିଶ୍ୱର ପାଣିପାଗ, ମଣିଷ ଏବଂ ଇକୋସିଷ୍ଟମ ପଡିବ। ଦକ୍ଷିଣ କୋରିଆର ପୋହଙ୍ଗ ୟୁନିଭରସିଟି ଅଫ୍ ସାଇନ୍ସ ଆଣ୍ଡ ଟେକ୍ନୋଲୋଜିର ଗବେଷକ ତଥା ମୁଖ୍ୟ ଲେଖକ ସେଙ୍ଗ-କି ମିନି କହିଛନ୍ତି ଯେ ଏହା ଗ୍ରୀନଲ୍ୟାଣ୍ଡ ଆଇସ୍ ସିଟ୍ ଓ ଗ୍ରୀନ୍ ହାଉସ୍ ଗ୍ୟାସ୍ ଧାରଣ କରିଥିବା ସ୍ଥାୟୀ ତୁଷାର ଭୂମି ବିଶ୍ୱ ତାପମାତ୍ରା ବୃଦ୍ଧି କରିଥାଏ। ଯଦି ଆଣ୍ଟାର୍କଟିକା ମହାସାଗରର ବରଫ ଆଚ୍ଛାଦିତ ଅଞ୍ଚଳ ଏକ ମିଲିୟନ୍ ବର୍ଗ କିଲୋମିଟରରୁ କମ୍ କିମ୍ବା ସମୁଦ୍ରର ସମୁଦାୟ କ୍ଷେତ୍ରର ପ୍ରାୟ ସାତ ପ୍ରତିଶତ ହୁଏ ତେବେ ବୈଜ୍ଞାନିକମାନେ ଏହାକୁ ବରଫମୁକ୍ତ ବୋଲି କହିପାରନ୍ତି।

ସୂଚନାଯୋଗ୍ୟ, ଫେବୃଆରୀରେ ଆଣ୍ଟାର୍କଟିକାରେ ସମୁଦ୍ର ବରଫ ୧.୯୨ ନିୟୁତ ବର୍ଗ କିଲୋମିଟର ହ୍ରାସ ପାଇଛି, ଯାହା ରେକର୍ଡର ସର୍ବନିମ୍ନ ସ୍ତର ଏବଂ ୧୯୯୧-୨୦୨୦ ମଧ୍ୟରେ ହାରାହାରି ଠାରୁ ପ୍ରାୟ ଏକ ମିଲିୟନ୍ ବର୍ଗ କିଲୋମିଟର ହ୍ରାସ ପାଇଛି। ମାନବକୃତ କାରଣରୁ ଜଳବାୟୁ ପରିବର୍ତ୍ତନ ପାଇଁ ଏପ୍ରିଲରେ ବାଂଲାଦେଶ, ଭାରତ, ଲାଓସ୍ ଏବଂ ଥାଇଲ୍ୟାଣ୍ଡରେ ତାପମାତ୍ରା ୩୦ ଗୁଣ ବୃଦ୍ଧି କରିଛି। ବିଶ୍ୱ ପାଣିପାଗ ଆଟ୍ରିବ୍ୟୁସନ୍ ଗୃପ୍ ଅଧୀନରେ ଅଗ୍ରଣୀ ଜଳବାୟୁ ବୈଜ୍ଞାନିକମାନଙ୍କର ଏକ ଆନ୍ତର୍ଜାତିକ ଦଳ ଦ୍ୱାରା କରାଯାଇଥିବା ଦ୍ରୁତ ଗୁଣବତ୍ତା ବିଶ୍ଳେଷଣ ଅନୁଯାୟୀ, ଏହି ଅଞ୍ଚଳର ଉଚ୍ଚ ଦୁର୍ବଳତା, ଯାହାକି ବିଶ୍ୱର ଉତ୍ତାପ ହଟସ୍ପଟ୍ ମଧ୍ୟରୁ ଅନ୍ୟତମ। ପାଣିପାଗର ପ୍ରଭାବ ବୃଦ୍ଧି ପିଇଛି ।

ସେହିପରି ଏକ ଅଧ୍ୟୟନରୁ ଜଣାପଡିଛି କି,ଶତାବ୍ଦୀର ଶେଷ ସୁଦ୍ଧା ଭାରତରେ ୬୦୦ ମିଲିୟନରୁ ଅଧିକ ଲୋକ ଅତ୍ୟଧିକ ଉତ୍ତାପରେ ରହିବେ। ଅନ୍ୟ ଏକ ଅଧ୍ୟୟନ ରିପୋର୍ଟକୁ କୁହାଯାଉଛି କି, ଦକ୍ଷିଣ ଏବଂ ଦକ୍ଷିଣ-ପୂର୍ବ ଏସିଆର କିଛି ଅଂଶ ଏପ୍ରିଲରେ ପ୍ରବଳ ଉତ୍ତାପ ଅନୁଭବ କରିଥିଲା। ରେକର୍ଡ ଭାଙ୍ଗୁଥିବା ତାପମାତ୍ରା – ଲାଓସରେ ୪୨° ସେଲସିୟସ ଓ ଥାଇଲ୍ୟାଣ୍ଡରେ ୪୫° ସେଲସିୟସ ଛୁଇଁଛି। ଉତ୍ତାପ ହେତୁ ବହୁ ସଂଖ୍ୟକ ଲୋକ ଡାକ୍ତରଖାନାରେ ଭର୍ତ୍ତି ହେଉଛନ୍ତି। ରାସ୍ତା ଘାଟ ଫାଟି ଯାଉଛି। ଅନେକ ସ୍ଥାନରେ ଅଗ୍ନିକାଣ୍ଡ ଘଟୁଛି। ବିଦ୍ୟାଳୟଗୁଡ଼ିକୁ ବନ୍ଦ କରିବାକୁ ପଡୁଛି ଓ ବହୁ ମୃତ୍ୟୁର କାରଣ ଗ୍ରୀଷ୍ମ ପ୍ରବାହ ହୋଇଛି।
ଛତିଶଗଡ଼: ବିଜାପୁର ସୁକୁମା ସୀମା ମୁର୍କାପାଲ ଜଙ୍ଗଲରେ ଯବାନ-ମାଓବାଦୀ ମୁହାଁମୁହିଁ
ରୁଷରେ ଅଟକିଛନ୍ତି ଏୟାର ଇଣ୍ଡିଆ ଯାତ୍ରୀ, ସାନ୍‌ ଫ୍ରାନ୍‌ସିସ୍‌କୋରେ ପହଞ୍ଚାଇବାକୁ ଗଲା ବିମାନ

ରୁଷରେ ଅଟକି ରହିଛି ଏୟାର୍‌ ଇଣ୍ଡିଆ ବିମାନ । ସେଠାରେ ଅଟକି ରହିଥିବା ଯାତ୍ରୀମାନଙ୍କୁ ଆମେରିକାର ସାନ୍‌ ଫ୍ରାନ୍‌ସିସ୍‌କୋରେ ପହଞ୍ଚାଇବା ଲାଗି ଆଜି ମୁମ୍ବାଇରୁ ଗୋଟାଏ ରିଲିଫ୍‌ ବିମାନ ରୁଷ୍‌ର ମଗଦାନ୍‌ ଅଭିମୁଖେ ଯାତ୍ରା ଆରମ୍ଭ କରିଛି । ଏ ନେଇ ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ଘୋଷଣା କରାଯାଇଛି । ନୂଆଦିଲ୍ଲୀରୁ ସାନ୍‌ଫ୍ରାନ୍‌ସିସ୍‌କୋ ଯାଉଥିବା ଏୟାର୍‌ ଇଣ୍ଡିଆ ବିମାନରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ତାହା ରୁଷ୍‌ର ମଗଦାନକୁ ନିଆଯାଇଛି ।

ଉକ୍ତ ବିମାନକୁ ଚଳାଇବା ପାଇଁ ଏୟାର୍‌ ଇଣ୍ଡିଆ ଅଧିକାରୀମାନେ ସମ୍ପ୍ରତି ବିମାନ ଚଳାଚଳ ନିୟମ ସଂକ୍ରାନ୍ତ ସମସ୍ୟାର ସମ୍ମୁଖୀନ ହୋଇଛନ୍ତି । ସେଥିରେ ଥିବା ଯାତ୍ରୀମାନଙ୍କୁ ଆଣିବା ପାଇଁ ଆଜି ଆଉ ଏକ ବିମାନ ରୁଷ୍‌ ମଗଦାନ୍‌ ଯାତ୍ରା କରିଛି । ମସ୍କୋଠାରୁ ୧୦,୦୦୦ କିଲୋମିଟର୍‌ ଦୂର ମଗଦାନ୍‌ରେ ଅବତରଣ କରିଥିବା ଉକ୍ତ ଏୟାର୍‌ ଇଣ୍ଡିଆର ଯାତ୍ରୀମାନଙ୍କୁ ଡର୍ମିଟାରୀ ଗୁଡ଼ିକରେ ରଖାଯାଇଛି । ସମସ୍ତ ବିମାନ ଯାତ୍ରୀଙ୍କ ପାଇଁ ହୋଟେଲ୍‌ ଅସମର୍ଥ ଥିବାରୁ ଡର୍ମିଟାରୀ ଗୁଡ଼ିକରେ ଅଟକିଛନ୍ତି ।

ରୁଷର ମଗଦାନ୍‌ରେ ଘଟିଥିବା ଘଟଣା ଉପରେ ନଜର ରଖାଯାଇଛି ବୋଲି କହିଛି ବେସାମରିକ ବିମାନ ଚଳାଚଳ ମନ୍ତ୍ରାଳୟ । ଏୟାର ଇଣ୍ଡିଆ ସହିତ ଯୋଗଯୋଗରେ ଅଛନ୍ତି ଅଧିକାରୀ । ଯାନ୍ତ୍ରିକ ତ୍ରୁଟି ହୋଇଥିବା ଭିଟି-ଏଏଲ୍‌ଏଚ୍‌ ବିମାନଟିକୁ ସଜାଡ଼ିବା ଲାଗି ଲୋକ ଓ ସାମଗ୍ରୀ ସହିତ ଏୟାର୍‌ ଇଣ୍ଡିଆ ରିଲିଫ୍‌ ବିମାନ ବି୭୭୭-୨୦୦ଏଲ୍‌ଆର୍‌ ଭିଟି-ଏଏଲ୍‌ଏଫ୍‌ ପଠାଯାଇଛି । ଏହି ବିମାନ ଯାତ୍ରୀମାନଙ୍କୁ ମଗଦାନ୍‌ରୁ ସାନ୍‌ ଫ୍ରାନ୍‌ସିସ୍କୋ ଆନ୍ତର୍ଜାତିକ ବିମାନ ବନ୍ଦରରେ ପହଞ୍ଚାଇବ । ଯାତ୍ରୀଙ୍କ ସମସ୍ତ ଦାୟିତ୍ୱ ନେଇଛି ଏୟାର ଇଣ୍ଡିଆ । ସେମାନଙ୍କ ଭଲମନ୍ଦ କଥା ବୁଝାସୁଝା କରୁଥିବା ଏୟାର ଇଣ୍ଡିଆ ପକ୍ଷରୁ କୁହାଯାଇଛି । ଯାତ୍ରୀମାନଙ୍କୁ ଆଶ୍ରୟ ଦେବା ପାଇଁ ସ୍ଥାନୀୟ ସରକାର ମଧ୍ୟ ସାହାଯ୍ୟ କରୁଛନ୍ତି । ବିମାନ ବନ୍ଦର ନିକଟରେ ଥିବା ଗୋଟାଏ ସ୍କୁଲ୍‌କୁ ଯାତ୍ରୀମାନଙ୍କୁ ସ୍ଥାନାନ୍ତର କରାଯାଇଛି ।
କୁସ୍ତିଯୋଦ୍ଧାଙ୍କୁ ଆଲୋଚନା ପାଇଁ ଆମନ୍ତ୍ରଣ, ପ୍ରସ୍ତାବ ଉପରେ ସମସ୍ତଙ୍କ ନଜର

ନ୍ୟାୟ ଦାବିରେ କୁସ୍ତିଯୋଦ୍ଧାଙ୍କ ଆନ୍ଦୋଳନ ଜାରି ରହିଛି । ଏବେ ଆଲୋଚନା ପାଇଁ ପ୍ରସ୍ତାବ କେନ୍ଦ୍ର କ୍ରୀଡ଼ାମନ୍ତ୍ରୀ ଅନୁରାଗ ଠାକୁର । ଆଲୋଚନା ପାଇଁ ପୁଣି ଥରେ ପ୍ରତିବାଦରତ କୁସ୍ତି ଖେଳାଳିମାନଙ୍କୁ ଆମନ୍ତ୍ରଣ କରିଛନ୍ତି ମନ୍ତ୍ରୀ । ତେବେ ସରକାରଙ୍କ ପ୍ରସ୍ତାବ କ’ଣ ନ ଜାଣିବା ଯାଏ ପ୍ରତିବାଦ ବନ୍ଦ ହେବ ନାହିଁ ବୋଲି କୁସ୍ତିଯୋଦ୍ଧା କହିଛନ୍ତି ।

ପ୍ରତିବାଦ ବନ୍ଦ କରିବୁ ନାହିଁ ବୋଲି ରୋକଠୋକ୍ କହିଛନ୍ତି କୁସ୍ତିଯୋଦ୍ଧା ସାକ୍ଷୀ ମଲ୍ଲିକ । ସରକାରଙ୍କ କି ପ୍ରସ୍ତାବ ରହିଛି ଆମେ ଜାଣିନାହୁଁ । ପ୍ରସ୍ତାବ ସମ୍ପର୍କରେ ଆମେ ପ୍ରଥମେ ଜାଣିବା ଉଚିତ । ଡବ୍ଲ୍ୟୁଏଫ୍‌ଆଇ ମୁଖ୍ୟ ବ୍ରିଜ୍‌ ଭୂଷଣଙ୍କୁ ଗିରଫ କରିବା ମୁଖ୍ୟ ଦାବି ଥିବା କଥା କହିଛନ୍ତି ସାକ୍ଷୀ । ଏଥିସହ ସରକାରଙ୍କ ପ୍ରସ୍ତାବ ଖାପ୍‌ ପଞ୍ଚାୟତ ନେତାମାନଙ୍କ ଆଗରେ ଉପସ୍ଥାପନା କରାଯାଇ ସେମାନଙ୍କ ସହିତ ଆଲୋଚନା ହେବ ।

ବୁଝି ନସୁଝି କୌଣସି ପ୍ରସ୍ତାବ ଗ୍ରହଣ କରିବୁ ନାହିଁ ବୋଲି କହିଛନ୍ତି ସାକ୍ଷୀ । ବରିଷ୍ଠ ଏବଂ ସମର୍ଥକମାନଙ୍କ ସହିତ ସରକାର ଦେଇଥିବା ପ୍ରସ୍ତାବ କଥା ଆଲୋଚନା କରିବୁ । ପ୍ରସ୍ତାବ ଠିକଠାକ୍ ଥିଲେ ସମସ୍ତଙ୍କ ସମ୍ମତି ପରେ ଆମେ ରାଜି ହେବୁ ବୋଲି ସେ କହିଛନ୍ତି ।

ସରକାରଙ୍କ ସମସ୍ତ ପ୍ରସ୍ତାବ ଗ୍ରହଣୀୟ ହେବ ନାହିଁ । ତେଣୁ ତାକୁ ମାନି ନେଇ ପ୍ରତିବାଦ ଶେଷ କରିବା ଆମ ପକ୍ଷେ ସମ୍ଭବ ନୁହେଁ ବୋଲି କୁସ୍ତିଯୋଦ୍ଧା କହିଛନ୍ତି । ଆଲୋଚନା ପାଇଁ କୌଣସି ସମୟ ଧାର୍ଯ୍ୟ ହୋଇନଥିବା ବେଳେ ସମୟ ଓ ସ୍ଥାନ ଜାଣିବାକୁ ସେମାନେ ଅପେକ୍ଷା କରିଛନ୍ତି । ରୁଦ୍ଧଦ୍ୱାର ନୁହେଁ ଉନ୍ମୁକ୍ତ ବୈଠକରେ ଆଲୋଚନା କରାଯାଇ ସମସ୍ୟାର ସମାଧାନ ବାହାର କରାଯିବ ବୋଲି ଆଶା ରଖିଛନ୍ତି ସାକ୍ଷୀ ।
ବୋରୱେଲରେ ଖସିପଡିଛି ୩ ବର୍ଷର ଶିଶୁ, ଉଦ୍ଧାର କାର୍ଯ୍ୟ ଜାରି

ପୁଣି ବୋରୱେଲ ଟ୍ରାଜେଡି। ମଧ୍ୟପ୍ରଦେଶ ସେହୋର ଜିଲ୍ଲାର ମୁଗାଭାଲି ଗାଁର ଏକ ଖୋଲା ବୋରୱେଲରେ ୩୦୦ ଫୁଟ ତଳକୁ ଜଣେ ୩ ବର୍ଷର ଶିଶୁ କନ୍ୟା ଖସିପଡିଛି। ଗତ ୧୨ ଘଣ୍ଟା ଧରି ପିଲାଟିର ଉଦ୍ଧାର ଅଭିଯାନ ଜାରି ରହିଛି। ତେବେ ଉଦ୍ଧାର ବେଳେ ପିଲାଟି ଆହୁରି ୫୦ ଫୁଟ ତଳକୁ ଖସିଯାଇଛି। ଶିଶୁଟିର ସ୍ୱାଭାବିକ ଶ୍ୱସକ୍ରିୟା ପାଇଁ ତା ନିକଟକୁ ଅକ୍ସିଜେନ ଯୋଗାଣ ବ୍ୟବସ୍ଥା କରାଯାଇଥିଲା ସୂଚନା ରହିଛି।
ମଧ୍ୟପ୍ରଦେଶ ସିହୋର ଜିଲ୍ଲା ମୁଗାବଲି ଗାଁରେ କିଛି ବର୍ଷ ପୂର୍ବେ ଜଣେ ଚାଷୀ ପାଣି ଲାଗି ବୋଲୱେଲ ଖୋଳିଥିଲେ। କିନ୍ତୁ ସେଥିରୁ ପାଣି ବାହାରି ନ ଥିଲା। ତେଣୁ ଚାଷା ସେହି ବୋରୱେଲକୁ ସେମିତି ପକାଇ ଦେଇଥିଲେ। ମଙ୍ଗଳବାର କୁନି ଝିଅଟିଏ ଖେଳୁଥିବା ବେଳେ ହଠାତ୍ ବୋରୱେଲ ଭିତରକୁ ଖସି ପଡିଥିଲା ଓ ଆର୍ତ୍ତ ଚିତ୍କାର କରିଥିଲା। ତାର ଚିତ୍କାର ଶୁଣି ପରିବାର ବର୍ଗ ଆସି ଝିଅକୁ କୂଅରେ ପଡିଥିବା ଦେଖି ଏହା ପରେ ପୋଲିସ ଓ ଅଗ୍ନିଶମ ବିଭାଗକୁ ସୂଚିତ କରାଯାଇଥିଲା। କାଳ ବିଳମ୍ବ ନକରି ଉଦ୍ଧାରକାରୀ ଦଳ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।

VIDEO | A rescue operation with the help of JCB machines is still underway to pull out a 2.5-year-old girl who fell into a 300-feet deep borewell at Mugavali village in Madhya Pradesh's Sehore district on Tuesday afternoon. pic.twitter.com/DGUYp03sZg
— Press Trust of India (@PTI_News) June 7, 2023

ଏସମ୍ପର୍କରେ ଉଦ୍ଧାରକାରୀ ଅଧିକାରୀ କହିଛନ୍ତି କି, ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ କିନ୍ତୁ ଝିଅଟି ଆହୁରି ୫୦ ଫୁଟ ତଳକୁ ଖସି ଯାଇଛି। ତେବେ ତାର ସୁରକ୍ଷା ପାଇଁ ତା ନିକଟକୁ ଅକ୍ସିଜେନ ଯୋଗାଯାଉଛି। କିନ୍ତୁ ସ୍ଥାନଟି ପଥୁରିଆ ହୋଇଥିବାରୁ ପଥର କାଟିବାରେ ସମସ୍ୟା ହେଉଛି। ତଥାପି ଶିଶୁଟିକୁ ସୁରକ୍ଷିତ ଉଦ୍ଧାର କରିବାକୁ ସମସ୍ତ ପ୍ରୟାସ ଜାରି ରଖିଛୁ ବୋଲି କହିଛନ୍ତି ଅଧିକାରୀ। ଏହି ଘଟଣାକୁ ନେଇ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଘଟଣା ସମ୍ପର୍କରେ ଟିକନିକ ଖବର ନେଉଛନ୍ତି ଓ ଶିଶୁକୁ ସୁରକ୍ଷିତ ଉଦ୍ଧାର କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।
ସେପଟେ ଏହି ଘଟଣାକୁ ଗୁଜରାଟର ଜାମନଗର ଜିଲ୍ଲାରେ ହୋଇଥିବା ଘଟଣା ପରି ହୋଇଛି। ଜାମନଗରରେ ୨ ବର୍ଷର ଶିଶୁ ଏକ ବୋରୱେଲରେ ଖସିପଡି ପ୍ରାୟ ୨୦୦ ଫୁଟ ତଳକୁ ଖସି ପଡିଥିଲା। ଶିଶୁଟି ଏକ ଆଦିବାସୀ ପରିବାରରେ ଜନ୍ମ ହୋଇଥିଲା ଓ ତାର ପରିବାର କୃଷି ଶ୍ରମିକ ଭାବେ କାର୍ଯ୍ୟ କରୁଥିଲେ। ବାପା ମା କାମ କରୁଥିବା ବେଳେ ପିଲାଟି ଦିନ ପ୍ରାୟ ୯.୩୦ରେ ବୋରୱେଲରେ ଖସି ଯାଇଥିଲା।

ଶିଶୁଟି ୨୦୦ ଫୁଟ ତଳକୁ ଖସି ପଡିଥିବା ସୂଚନା ପାଇ ତୁରନ୍ତ ଏନଡିଆରଏଫ, ସେନା ଓ ସ୍ଥାନୀୟ ପ୍ରଶାସନ ଉଦ୍ଧାର କାର୍ଯ୍ୟରେ ଲାଗିଯାଇଥିଲେ। ଦୀର୍ଘ ୧୯ ଘଣ୍ଟା ଧରି ଉଦ୍ଧାର କାର୍ଯ୍ୟ ଜାରି ରହିଥିଲାଷ କିନ୍ତୁ ଉଦ୍ଧାରକାରୀ ଦଳ ଶିଶୁଟି ନିକଟରେ ପହଞ୍ଚିବା ବେଳକୁ ତାର ମୃତ୍ୟୁ ହୋଇଥିଲା।

ବିଶ୍ବ ଖାଦ୍ୟ ସୁରକ୍ଷା ଦିବସ

ପ୍ରତିବର୍ଷ 7 ଜୁନ୍ ରେ ବିଶ୍ୱ ସ୍ୱାସ୍ଥ୍ୟ ସୁରକ୍ଷା ଦିବସ ପାଳନ କରାଯାଏ ।  ଏହି ଦିନ ପାଳନ କରିବାର ଉଦ୍ଦେଶ୍ୟ ହେଉଛି ଖାଦ୍ୟ ଉତ୍ପାଦକ, ଗ୍ରାହକ ଏବଂ ସରକାରଙ୍କୁ ଖାଦ୍ୟ ନିରାପତ୍ତା ବିଷୟରେ ଅବଗତ କରାଇବା। ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଅନୁଯାୟୀ, ପ୍ରତିବର୍ଷ ବିଶ୍ୱରେ ପ୍ରତି 10 ଜଣ ଲୋକ ଦୂଷିତ ଖାଦ୍ୟ ଖାଇବା ପରେ ଅସୁସ୍ଥ ହୋଇପଡନ୍ତି। କୌଣସି ଦେଶ ଏହା ଦ୍ୱାରା ସ୍ପର୍ଶ କରନ୍ତି ନାହିଁ ।  ଖାଦ୍ୟରେ ଜୀବାଣୁ, ଜୀବାଣୁ, ପରଜୀବୀ ଏବଂ ରାସାୟନିକ ପଦାର୍ଥର ଉପସ୍ଥିତି ଯୋଗୁଁ 200 ରୁ ଅଧିକ ରୋଗ ହୁଏ। ଏହି କାରଣରୁ ଖାଦ୍ୟ ସୁରକ୍ଷା ପ୍ରତି ଧ୍ୟାନ ଦେବା ଉପରେ ଗୁରୁତ୍ୱ ଦିଆଯାଇଛି। ଏହି ଦିନ ପାଳନ କରିବା 2018 ରେ WHO ଏବଂ ଖାଦ୍ୟ ଏବଂ କୃଷି ସଂଗଠନ (FAO) ଦ୍ୱାରା ଆରମ୍ଭ ହୋଇଥିଲା ।  ଏହି ଦିନ ପାଳନ କରିବାର ଗୋଟିଏ କାରଣ ହେଉଛି ଲୋକଙ୍କୁ ଖାଦ୍ୟ ନିରାପତ୍ତାର ଗୁରୁତ୍ୱ ବିଷୟରେ ଅବଗତ କରାଇବା ।  ଖାଦ୍ୟ ନଷ୍ଟ ନକରିବା ଏବଂ ସ୍ୱାସ୍ଥ୍ୟ ପାଇଁ ନିରାପଦ ଖାଦ୍ୟ ଯୋଗାଇବା ହେଉଛି ଏହି ଦିନ ପାଳନ କରିବା ସମ୍ବନ୍ଧୀୟ ବିଷୟ । ବିଶ୍ୱ ଖାଦ୍ୟ ସୁରକ୍ଷା ଦିବସ 2023 ର ବିଷୟବସ୍ତୁ ହେଉଛି 'ଖାଦ୍ୟ ମାନକ ଜୀବନ ବଞ୍ଚାନ୍ତୁ' |WHO ଅନୁଯାୟୀ, ବିଶ୍ୱ ଖାଦ୍ୟ ଦିବସର ମହତ୍ତ୍ୱ କେବଳ ଜଣେ ବ୍ୟକ୍ତି କିମ୍ବା କ one ଣସି ଶ୍ରେଣୀ ସହିତ ନୁହେଁ, ବରଂ ଆମେ ସମସ୍ତେ ଏହା ସହିତ ସଂଯୁକ୍ତ ।  ଆପଣ ସରକାରଙ୍କ ପାଇଁ କାମ କରନ୍ତୁ, ଖାଦ୍ୟ ବ୍ୟବସାୟରେ ଅଛନ୍ତି କିମ୍ବା ଏକ କ୍ୟାଟରିଂ ଆଉଟଲେଟରେ କାମ କରନ୍ତୁ, ଆପଣଙ୍କୁ ଖାଦ୍ୟ ନିରାପତ୍ତା ନିଶ୍ଚିତ କରିବାକୁ ପଡିବ ଯାହା ଦ୍ବାରା ଗ୍ରାହକଙ୍କ ସ୍ୱାସ୍ଥ୍ୟ ବିପର୍ଯ୍ୟସ୍ତ ନହୁଏ। ଏଥିପାଇଁ ସ୍ୱଚ୍ଛତା, ଉତ୍ପାଦନ, ସଂରକ୍ଷଣ ସୁବିଧା ଏବଂ ଖାଦ୍ୟ ମୂଲ୍ୟର ଯତ୍ନ ନେବା ଆବଶ୍ୟକ । 

ଖାଦ୍ୟ ନିରାପତ୍ତାକୁ କିପରି ସୁନିଶ୍ଚିତ କରାଯିବ । 
-ଖାଦ୍ୟ ସାମଗ୍ରୀକୁ ସଠିକ୍ ପରିଷ୍କାର କରିବା ଖାଦ୍ୟ ନିରାପତ୍ତା ନିଶ୍ଚିତ କରିବା ଜରୁରୀ ।  କଞ୍ଚା କିଛି ଖାଇବା ପୂର୍ବରୁ ପନିପରିବା କିମ୍ବା ଫଳ ଭଲ ଭାବରେ ଧୋଇ ଦିଅନ୍ତୁ । 
-ରାନ୍ଧିବା ସମୟରେ ପରିଷ୍କାର ପରିଚ୍ଛନ୍ନତାର ଯତ୍ନ ନିଅନ୍ତୁ ।  ଯଦି ଖାଦ୍ୟ ଏକ ସ୍ୱଚ୍ଛ ଉପାୟରେ ପ୍ରସ୍ତୁତ ନହୁଏ, ତେବେ ଏହାକୁ ଖାଇବା ଠାରୁ ଦୂରେଇ ରୁହନ୍ତୁ । 
-ଅନେକ ଖାଦ୍ୟ ରାନ୍ଧିବା ପରେ ଖାଇବା ଠିକ୍ ।  ବିଶେଷ କରି ମାଂସ ଏବଂ ମାଛ ରାନ୍ଧିବା ପାଇଁ ପରାମର୍ଶ ଦିଆଯାଇଛି । 
-ଖାଦ୍ୟ ସାମଗ୍ରୀକୁ ସଠିକ୍ ଭାବରେ ସଂରକ୍ଷଣ କରିବା ମଧ୍ୟ ଗୁରୁତ୍ୱପୂର୍ଣ୍ଣ । 
-ଜୀବାଣୁ ନଷ୍ଟ କରିବା ପାଇଁ ଖାଦ୍ୟ ଗରମ କରି ଖାଇବା ଭଲ।
-ଖାଦ୍ୟ ପ୍ରସ୍ତୁତ କରିବା ପୂର୍ବରୁ ହାତ ଧୋଇ ଦିଅନ୍ତୁ ।

‘୪୧ ଶହଙ୍କୁ ସଂପୂର୍ଣ୍ଣ ମାଗଣାରେ ପଶ୍ଚିମବଙ୍ଗ ପଠାଯାଇଛି’

ବାଲେଶ୍ବର ବାହନଗା ଟ୍ରେନ୍ ଦୁର୍ଘଟଣା ପରେ ରାଜ୍ୟ ସରକାରଙ୍କ ଘୋଷଣା ଅନୁଯାୟୀ ୪୧ ଶହ ଲୋକଙ୍କୁ ସଂପୂର୍ଣ୍ଣ ମାଗଣାରେ ପଶ୍ଚିମବଙ୍ଗ ପଠାଯାଇଛି। କଟକ, ପୁରୀ ଓ ଭୁବନେଶ୍ବରରୁ ୧୦୫ଟି ବସ୍‌ରେ ଗଲା ୩ ଦିନ ଭିତରେ ୪୧୦୦ ଯାତ୍ରୀଙ୍କୁ ମାଗଣାରେ ପଠାଇବା ବ୍ୟବସ୍ଥା କରି ପାରିଛି ରାଜ୍ୟ ସରକାରଙ୍କ ବାଣିଜ୍ୟ ଓ ପରିବହନ ବିଭାଗ। ଓଡ଼ିଶା ଭିତରେ ବି ୧୨୬ଟି ବସରେ କଟକ, ପୁରୀ ଓ ଭୁବନେଶ୍ବରରେ ଅଟକିଥିବା ୭ ହଜାର ଯାତ୍ରୀଙ୍କୁ ସଂପୂର୍ଣ୍ଣ ମାଗଣାରେ ସେମାନଙ୍କ ଗନ୍ତବ୍ୟସ୍ଥଳରେ ପହଞ୍ଚା ଯାଇଥିଲା। ବାହାନଗା ଟ୍ରେନ୍ ଦୁର୍ଘଟଣା ପରେ ପରେ ବସ୍‌ଷ୍ଟାଣ୍ଡ, ରେଳଷ୍ଟେସନରେ ହେଲପ୍ ଡେସ୍କ୍‌ ଖୋଲିବା ପାଇଁ ବିଭାଗ ପକ୍ଷରୁ ପୁରୀ, କଟକ, ଭୁବନେଶ୍ବର ଆରଟିଓଙ୍କ ଜରିଆରେ ପାଣ୍ଠିର ବ୍ୟବସ୍ଥା କରାଯାଇଥିଲା।

ଦୁର୍ଘଟଣା ଦିନ ଓ ପରେ ମୃତକଙ୍କୁ ସେମାନଙ୍କ ଘରେ ପହଞ୍ଚାଇବା ପାଇଁ ୮୪ଟି ଆମ୍ବୁଲାନ୍‌ସ ବ୍ୟବସ୍ଥା କରାଯାଇଥିଲା। ଏବେ ବି ୧୮ଟି ଆମ୍ବୁଲାନ୍‌ସ ଏଥିପାଇଁ ସଂରକ୍ଷିତ ରଖାଯାଇଛି। ମୃତ ଶରୀର ଓ ସେମାନଙ୍କ ସଂପର୍କୀୟଙ୍କୁ ନେବା ପାଇଁ ଏହି ଆମ୍ବୁଲାନସ୍‌ ବ୍ୟବହାର କରାଯାଉଛି। ସେଥିରୁ ୪ଟି ଆମ୍ବୁଲାନ୍‌ସ ଓଡ଼ିଶାର ବିଭିନ୍ନ ସ୍ଥାନକୁ, ୩୫ଟି ବିହାର ଓ ୪୩ଟି ପଶ୍ଚିମବଙ୍ଗ ପଠାଯାଇଛି। ଦୁର୍ଘଟଣାସ୍ଥଳରୁ ୪୭ ଛୋଟ ପିଲାଙ୍କୁ ଉଦ୍ଧାର କରି ବିହାର ବାଗଲପୁରକୁ ଏକ ସ୍ବତନ୍ତ୍ର ବସ୍‌ରେ ନିଆଯାଇଥିଲା। କଟକରୁ ୨୨ଟି ବସ୍‌ରେ ୧୦୭୦ ଯାତ୍ରୀ, ପୁରୀରୁ ୪୭ଟି ବସ୍‌ରେ ୨୦୩୦ ଯାତ୍ରୀ ଓ ଭୁବନେଶ୍ବରରୁ ୩୬ଟି ବସ୍‌ରେ ୧୬୬୫ ଯାତ୍ରୀଙ୍କୁ କଲିକତା ନିଆଯାଇଥିଲା।
ଭୁବନେଶ୍ବର ରେଳଷ୍ଟେସନ୍‌ରୁ ୨୧ଟି ବସ୍‌ରେ ଓଡ଼ିଶାର ବିଭିନ୍ନ ପ୍ରାନ୍ତକୁ ୧୦୫୦ ଯାତ୍ରୀ, କଟକ ରେଳଷ୍ଟେସନ୍‌ରୁ ୧୦୫ଟି ବସ୍‌ରେ ୫୩୪୪ ଯାତ୍ରୀଙ୍କୁ ଓଡ଼ିଶାର ବିଭିନ୍ନ ସ୍ଥାନକୁ ନିଆଯାଇଥିଲା। ୧୦୫ଟି ବସ୍‌ରେ୩ ଦିନ ଭିତରେ ୪୧୦୦ ଯାତ୍ରୀଙ୍କୁ ମାଗଣା ପଠାଇବା ବ୍ୟବସ୍ଥା କରିଛି ରାଜ୍ୟ ସରକାର ବୋଲି ସୂଚନା ଦିଆ ଯାଇଛି।
ମୃତକଙ୍କ ଚିହ୍ନଟ ପାଇଁ ଏମ୍ସ-ଭୁବନେଶ୍ୱର ଯାଆନ୍ତୁ: ପୂର୍ବତଟ ରେଳପଥ

ବାଲେଶ୍ବର ବାହାନଗା ରେଳ ଦୁର୍ଘଟଣାରେ ଉଦ୍ଧାର କାର୍ଯ୍ୟ, ରେଳ ଧାରଣା ମରାମତି ଶେଷ ହୋଇ ରେଳ ଚଳାଚଳ ଆରମ୍ଭ ହୋଇଛି। କିନ୍ତୁ ଏପର୍ଯ୍ୟନ୍ତ ୮୩ଟି ମୃତଦେହ ଚିହ୍ନଟ ନ ହୋଇ ପଡିରହିଛି। ଏହାକୁ ନେଇ ଏକ ଗୁରୁତ୍ବପୂର୍ଣ୍ଣ ସୂଚନା ଜାରି କରିଛି ପୂର୍ବତଟ ରେଳପଥ। ବାହାନଗା ବଜାର ଟ୍ରେନ ଦୁର୍ଘଟଣାରେ ମୃତକମାନଙ୍କୁ ଚିହ୍ନଟ ପାଇଁ ଅନ୍ୟ ହସ୍ପିଟାଲ ନ ଯାଇ କେବଳ ଭୁବନେଶ୍ୱର ସ୍ଥିତ ଏମ୍ସ ହସ୍ପିଟାଲରେ ପହଞ୍ଚିବାକୁ ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି।

ବାହାନଗା ରେଳ ଦୁର୍ଘଟଣାରେ ପ୍ରାଣ ହରାଇ କ୍ୟାପିଟାଲ୍‌, ସମ୍‌, କିମ୍ସ, ହାଇଟେକ୍‌ ଓ ଆମ୍ରି ହସ୍ପିଟାଲ୍‌ରେ ଥିବା ୩୯ ମୃତଦେହକୁ ଗତକାଲି ଭୁବନେଶ୍ବର ଏମ୍ସ ସ୍ଥାନାନ୍ତର କରାଯାଇଥିଲା। ଡାକ୍ତର, ହସ୍ପିଟାଲ୍‌ର ଅନ୍ୟାନ୍ୟ କର୍ମଚାରୀ ଏବଂ ଡାକ୍ତରୀ ଛାତ୍ରମାନେ ଅକ୍ଳାନ୍ତ ପରିଶ୍ରମ କରିଥିବା ବେଳେ ଏମ୍ସରେ ଏବେ ସୁଦ୍ଧା ସମୁଦାୟ ୧୬୨ଟି ମୃତଦେହ ପହଞ୍ଚିଥିଲା। ସେଥିମଧ୍ୟରୁ ୭୧ଟି ମୃତଦେହକୁ ସେମାନଙ୍କ ସଂପର୍କୀୟମାନଙ୍କୁ ପ୍ରଦାନ କରାଯାଇଛି। ଅନ୍ୟ ମୃତକଙ୍କ ଚିହ୍ନଟ ପ୍ରକ୍ରିୟା ଏବେ ବି ଜାରି ରହିଛି। ତେଣୁ ଯେଉଁ ଯାତ୍ରୀଙ୍କ ପରିବାର ସେମାନଙ୍କ ସ୍ବଜନଙ୍କୁ ଖୋଜୁଛନ୍ତି ସେମାନେ ଭୁବନେଶ୍ୱର ଏମ୍ସ ଯାଇ ମୃତଦେହ ଖୋଜିପାରିବେ ବୋଲି କୁହାଯାଇଛି।

ସେପଟେ କିଛି ମୃତଦେହ ପାଇଁ ଜଣେ ବି ଦାବିଦାର ନଥିବ ବେଳେ ଗୋଟେ ଗୋଟେ ମୃତଦେହ ପାଇଁ ୬ ଜଣ ଲେଖାଏ ଦାବିଦାର ବାହାରୁଥିବା ସେ କହିଛନ୍ତି। ଓଡ଼ିଶାରେ ଡିଏନଏ ପରୀକ୍ଷଣ ବ୍ୟବସ୍ଥା ନଥିବାରୁ ଭୁବନେଶ୍ବର ଏମ୍‌ସ ତତ୍ତ୍ବାବଧାନରେ ଦିଲ୍ଲୀ ଏମ୍‌ସକୁ ପଠାଯାଇଛି। ପ୍ରକୃତ ପରିଜନଙ୍କୁ ଚିହ୍ନଟ ପାଇଁ ଏମ୍ସରୁ ୩୩ ରକ୍ତ ନମୁନା ଡିଏନଏ ଟେଷ୍ଟ ପାଇଁ ପଠାଯାଇଥିବା ସୂଚନା ଦେଇଛନ୍ତି ମେୟର ସୁଲୋଚନା ଦାସ।

ଉଲ୍ଲେଖଯୋଗ୍ୟ, ବାହାନଗା ଟ୍ରେନ୍ ଦୁର୍ଘଟଣାର ୪ ଦିନ ପରେ ଗତକାଲି ଟ୍ରାକ୍‌ରେ ଗଡ଼ିଛି କରମଣ୍ଡଳ ସୁପରଫାଷ୍ଟ ଏକ୍ସପ୍ରେସ୍‌।ଚେନ୍ନାଇ ପଟୁ ଯାତ୍ରା କରୁଥିବା ଏହି ଦ୍ରୁତଗାମୀ ଟ୍ରେନ୍ ମଙ୍ଗଳବାର ମଧ୍ୟାହ୍ନ ୧୨ଟା ୫ରେ ବାହାନଗା ଦେଇ କୋଲକାତା ଶାଲିମାର ଅଭିମୁଖେ ଯାଇଥିଲା। ଜୁନ୍ ୨ ତାରିଖ ସନ୍ଧ୍ୟାରେ କୋଲକାତାରୁ ଚେନ୍ନାଇ ଅଭିମୁଖେ ଯିବା ବେଳେ ବାହାନଗା ବଜାର ଷ୍ଟେସନ୍‌ଠାରେ ଅପ୍‌ଲାଇନ୍‌ରେ ଦୁର୍ଘଟଣାଗ୍ରସ୍ତ ହୋଇଥିଲା କରମଣ୍ଡଳ। ତା ପରଠାରୁ ଏହି ରୁଟ୍‌ରେ ଟ୍ରେନ୍ ଚଳାଚଳ ବନ୍ଦ ରହିଥିଲା। ସେପଟେ ଡାଉନ୍‌ ଲାଇନ୍‌ରେ ଚେନ୍ନାଇ ପଟୁ ଆସୁଥିବା କରମଣ୍ଡଳକୁ ଆନ୍ଧ୍ରପ୍ରଦେଶର ବିଜୟୱାଡାଠାରେ ୩ ଦିନ ଅଟକାଇ ଦିଆଯାଇଥିଲା। ସ୍ଥିତି ସ୍ବାଭାବିକ ହେବା ପରେ ଗତକାଲି ଏହି ଟ୍ରେନ୍ କୋଲାକାତାକୁ ଯାଇଛି।
ଆଜିଠାରୁ WTC ଫାଇନାଲ୍ ଟକ୍କର, ଚାମ୍ପିଅନ୍ ହେବାକୁ ଲଢ଼ିବେ ଭାରତ ଓ ଅଷ୍ଟ୍ରେଲିଆ

ଆଜିଠାରୁ ଓଭାଲରେ ଆରମ୍ଭ ହେଉଛି ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ମୁକାବିଲା । ଭାରତ ଓ ଅଷ୍ଟ୍ରେଲିଆ ମଧ୍ୟରେ ଏହି ମୁକାବିଲା ହେବ । ଗତଥରର ରନର୍ସ ଅପ୍ ଟିମ୍ ଇଣ୍ଡିଆ ଏଥର କିନ୍ତୁ ଟାଇଟଲ୍ ନେବା ପାଇଁ ପୁରା ଯୋଶରେ ମୈଦାନକୁ ଓହ୍ଲାଇବ ।

କିଏ ଜିତିବ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ମୁକାବିଲା । ଭାରତ ନା ଟିମ୍ ଅଷ୍ଟ୍ରେଲିଆ । କାହାର ହେବ ବାଜିମାତ୍ ସେ ନେଇ କହିବା ମୁସ୍କିଲ । କାରଣ ଗତ କିଛି ମାସ ହେଲା ଭାରତ ବୋଲିଂ, ବ୍ୟାଟିଂ ଏବଂ ଫିଲ୍ଡିଂରେ ଦମଦାର ପ୍ରଦର୍ଶନ ଜାରି ରଖିଛି । ଟେଷ୍ଟରେ ଉନ୍ନତ ପ୍ରଦର୍ଶନ କରି ଫାଇନାଲରେ ପ୍ରବେଶ କରିଛି । IPLର ଷ୍ଟାର ତଥା ଇନଫର୍ମ ଶୁବମନ୍ ଗିଲ୍ ନିଜ ଫର୍ମ ବଜାୟ ରଖିଲେ ଅଷ୍ଟ୍ରେଲିଆ ପାଇଁ ଘାତକ ସାଜିବେ । ଅଭିଜ୍ଞ ଚେତେଶ୍ୱର ପୂଜାରା, ବିରାଟ କୋହଲିଙ୍କ ଉପରେ ସମସ୍ତଙ୍କ ନଜର ରହିଛି । ସେପଟେ, ଦୀର୍ଘଦିନ ପରେ ଦଳକୁ କମବ୍ୟାକ୍ କରିଛନ୍ତି ଅଜିଙ୍କ୍ୟା ରାହାଣେ । ସେ ଏବେ ଫର୍ମରେ ଥିବାରୁ ଦଳ ପାଇଁ ପ୍ଲସ୍ ପଏଣ୍ଟ । ୱିକେଟକିପର ଭରତ ଏବଂ ଅଧିନାୟକ ରୋହିତ ଶର୍ମା ଯଦି ଭଲ ବ୍ୟାଟିଂ କରନ୍ତି ତେବେ ଅଷ୍ଟ୍ରେଲିଆକୁ ହରାଇବାରେ କୌଣସି ସମସ୍ୟା ରହିବନି । ରବୀନ୍ଦ୍ର ଜାଡେଜା, ଆର.ଅଶ୍ୱିନଙ୍କ ପରି ଅଲରାଉଣ୍ଡରଙ୍କୁ ନେଇ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ । ମହମ୍ମଦ ସାମି, ସିରଜ, ଉମେଶ ଯାଦବ ଭଳି ବୋଲର ବୋଲିଂ ଡିପାର୍ଟମେଣ୍ଟ ସମ୍ଭାଳିବେ ।

ପ୍ରଥମ ଥର ପାଇଁ ଫାଇନାଲରେ ଏଣ୍ଟ୍ରି କରିଛି ଟିମ୍ ଅଷ୍ଟ୍ରେଲିଆ । ଏକ ଶକ୍ତିଶାଳୀ ଟିମ୍ ଭାରତ ବିପକ୍ଷରେ ଲଢ଼େଇ କରିବ । ୱାର୍ଣ୍ଣର, ଖାୱଜା, ଲାବସଚାଗ୍ନେ, ସ୍ମିଥଙ୍କ ପରି ଲଢ଼ୁଆ ଖେଳାଳି ମୈଦାନକୁ ଓହ୍ଲାଇବେ । କ୍ୟାମେରାନ୍ ଗ୍ରୀନ୍, ଟ୍ରେଭିଡ୍ ହେଡ ଏବଂ ଆଲେକ୍ସ କ୍ୟାରେଙ୍କ ଉପସ୍ଥିତି ଦଳକୁ ଆହୁରି ଶକ୍ତିଶାଳୀ କରିଛି । ଆରମ୍ଭରୁ ଶେଷ ଯାଏ ବ୍ୟାଟିଂ କରିବାରେ ଖେଳାଳିଙ୍କୁ କୌଣସି ସମସ୍ୟା ନାହିଁ । ଆବଶ୍ୟକସ୍ଥଳେ ପ୍ୟାଟ୍ କମିନ୍ସ ଏବଂ ମିଚେଲ ଷ୍ଟାର୍କ ମଧ୍ୟ ଭଲ ବ୍ୟାଟିଂ କରିପାରିବେ । ବୋଲିଂ ଡିପାର୍ଟମେଣ୍ଟ ସମ୍ଭାଳିବା ପାଇଁ ଷ୍ଟାର୍କଙ୍କ ସାଥ୍ ଦେବେ କମିନ୍ସ, ଅଭିଜ୍ଞ ଲାଏନ୍ ଏବଂ ସ୍କଟ ବୋଲାଣ୍ଡ ।

ଟିମ୍ ଇଣ୍ଡିଆ ଲଗାତାର ଦ୍ୱିତୀୟ ଥର ପାଇଁ ଫାଇନାଲରେ ପ୍ରବେଶ କରିଛି । ଗତଥର ରନର୍ସ ଅପ୍ ହୋଇଥିବା ବେଳେ ଏଥର ଚାମ୍ପିଅନ୍ ହେବାକୁ ଲକ୍ଷ୍ୟ ରଖିଛି । ବଛାବଛା ଖେଳାଳିଙ୍କୁ ନେଇ ପଡ଼ିଆକୁ ଓହ୍ଲାଇବ ଦଳ । ସେପଟେ ପ୍ରଥମ ଥର ପାଇଁ ଅଷ୍ଟ୍ରେଲିଆ WTC ଫାଇନାଲରେ ଏଣ୍ଟ୍ରି କରିଛି । ଟାଇଟଲ୍ ଜିତିବାକୁ ପୁରା ଦମ୍ ଲଗାଇବ ଦଳ । ତେଣୁ ଫାଇନାଲ୍ ମୁକାବିଲା ବେଶ୍ ରୋମାଞ୍ଚକ ହେବା ଆଶା କରାଯାଉଛି ।
ଲଣ୍ଡନ: ଆଜିଠାରୁ ଓଭାଲରେ WTC ଫାଇନାଲ୍, ଭାରତ-ଅଷ୍ଟ୍ରେଲିଆ ମୁକାବିଲା