Blog

ନବରଙ୍ଗପୁର: ଅତିରିକ୍ତ ଉପଜିଲ୍ଲାପାଳଙ୍କ ଘରୁ ୨ କୋଟିରୁ ଅଧିକ ଟଙ୍କା ଜବତ, ମିଳିଲା ୫ ଶହ ଟଙ୍କିଆ ବିଡ଼ା
ଯାଜପୁର: ମଣ୍ଡିରେ ଧାନ ଦେଇ ହଟହଟା, କାର୍ଯ୍ୟାନୁଷ୍ଠାନ ଦାବି କଲେ ଚାଷୀ

ମଣ୍ଡିରେ ବିକ୍ରି କରି ଏଯାଏ ଧାନ ମୂଲ୍ୟ ପାଇନାହାଁନ୍ତି ଚାଷୀ । ପ୍ରଶାସନିକ ଅଧିକାରୀଙ୍କ ନିକଟକୁ ଦୌଡ଼ି ଦୌଡ଼ି ନୟାନ୍ତ ହେଲେଣି ତଥାପି ବାହାରିପାରୁନି ସମାଧାନ ରାସ୍ତା । କେବେ ମିଳିବ ବକେୟା ଟଙ୍କା ସେ ନେଇ ଚିନ୍ତାରେ ଚାଷୀ ସଂଘ ।

ଯାଜପୁରରେ ବଢୁଛି ଚାଷୀଙ୍କ ଅସନ୍ତୋଷ । ନା ମିଳୁଛି ବକେୟା ଟଙ୍କା ନା ପ୍ରତିଶ୍ରୁତି । କେବଳ ଦୌଡ଼ି ଦୌଡ଼ି ନିରାଶ ହେଉଛନ୍ତି ଚାଷୀ । ଗତବର୍ଷ ମାର୍ଚ୍ଚ ମାସରେ ଯାଜପୁର ଦଶରଥପୁର ବ୍ଲକ ଛତ୍ରପଡ଼ା ସେବା ସମବାୟ ସମିତି ମଣ୍ଡିରେ ଧାନ ବିକ୍ରି କରିଥିଲେ ଚାଷୀ । ହେଲେ ଏଯାଏ ଧାନ ବିକ୍ରି ଟଙ୍କା ମିଳିନି । ଏ ନେଇ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲା ଯୁବ ଭାରତ କୃଷକ ସଙ୍ଘ । କୋର୍ଟଙ୍କ ନିର୍ଦ୍ଦେଶରେ ଜିଲ୍ଲାପାଳ ଆଲୋଚନା କରିଥିଲେ ସୁଦ୍ଧା କୌଣସି ନିଷ୍କର୍ଷ ବାହାରିପାରିନଥିଲା । ଶେଷରେ ଏହାର ସମାଧାନ ପାଇଁ ଜିଲ୍ଲା ଯୋଗାଣ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ସେପଟେ ତୁରନ୍ତ ପ୍ରାପ୍ୟ ପ୍ରଦାନ ସହ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି ସଂଘ ।

ଚାଷୀ କଠିନ ପରିଶ୍ରମ କରି ବିଲରୁ ଧାନ ଉତ୍ପାଦନ କରିଥାଏ । ପରିବାର ପ୍ରତିପୋଷଣ ପାଇଁ ଧାନ ବିକ୍ରି କରି ଦି ପଇସା ପାଇବାକୁ ଲକ୍ଷ୍ୟ ରଖିଥାଏ । ହେଲେ ଦୀର୍ଘ ୧୫ ମାସ ହେଲା ଧାନ ମୂଲ୍ୟ ପାଇବାରୁ ସେମାନେ ବଞ୍ଚିତ । ଏଭଳି ଘଟଣାକୁ ନିନ୍ଦା କରାଯିବା ସହ ତୁରନ୍ତ ପଦକ୍ଷେପ ନେବାକୁ ସାଧାରଣରେ ଦାବି ହୋଇଛି ।
ଜମ୍ମୁକାଶ୍ମୀର: ଅନୁପ୍ରବେଶ ଉଦ୍ୟମ କରି ୪ ଆତଙ୍କବାଦୀ ସଫା

ପାକିସ୍ତାନ ଅଧିକୃତ କାଶ୍ମୀର ପଟୁ ଅନୁପ୍ରବେଶ କରିବାକୁ ଉଦ୍ୟମ କରୁଥିବା ୪ ଜଣ ଆତଙ୍କବାଦୀ ନିହତ ହୋଇଛନ୍ତି । ଜମ୍ମୁ ଓ କଶ୍ମୀରର କୁପ୍‌ୱାଡ଼ା ଜିଲ୍ଲା ଅନ୍ତର୍ଗତ ମଚ୍ଛଲ୍‌ ସେକ୍ଟର୍‌ରେ ଏନକାଉଣ୍ଟର ହୋଇଥିବା ପୋଲିସ କହିଛି । ପୋଲିସ ଓ ଭାରତୀୟ ସେନାର ମିଳିତ ଅଭିଯାନରେ ଆତଙ୍କବାଦୀମାନଙ୍କୁ ନିପାତ କରାଯାଇଛି ।

ଯବାନ ଏବଂ ପୋଲିସର ମିଳିତ ଅଭିଯାନ ଜାରି ଥିବାବେଳେ କୁପୱାଡାର ମଚ୍ଛଲ୍‌ ସେକ୍ଟର ଅନ୍ତର୍ଗତ କାଲା ଜଙ୍ଗଲରେ ଆତଙ୍କବାଦୀଙ୍କ ସହ ମୁହାଁମୁହିଁ ହୋଇଥିଲେ । ଗୁଳି ବିନିମୟରେ ୪ ଆତଙ୍କବାଦୀଙ୍କ ଜୀବନ ଯାଇଛି । ସେମାନେ ପାକିସ୍ତାନ ଅଧିକୃତ କଶ୍ମୀର ପଟୁ ଭାରତୀୟ ସୀମାକୁ ଅନୁପ୍ରବେଶ ଲାଗି ଉଦ୍ୟମ କରୁଥିଲେ । ଘଟଣା ସମ୍ପର୍କରେ ଟ୍ୱିଟ୍ କରି ସୂଚନା ଦେଇଛନ୍ତି କାଶ୍ମୀର ଜୋନ୍‌ ପୋଲିସ । ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମକୁ ପଣ୍ଡ କରିଛନ୍ତି ଭାରତୀୟ ସେନା ।

ଗତ ସପ୍ତାହରେ ମଧ୍ୟ କୁପୱାଡା ଜିଲ୍ଲା ଅନ୍ତର୍ଗତ ଜୁମାଗୁଣ୍ଡ କେରାନ୍‌ ନିକଟରେ ଏଭଳି ଘଟଣା ଦେଖିବାକୁ ମିଳିଥିଲା । ନିୟନ୍ତ୍ରଣ ରେଖା ନିକଟରେ ଆତଙ୍କବାଦୀମାନେ ଅନୁପ୍ରବେଶ ଉଦ୍ୟମ କରିଥିଲେ । ହେଲେ ସେନା ଓ ପୋଲିସର ମିଳିତ ଅଭିଯାନ ସେମାନଙ୍କ ରାସ୍ତା ରୋକିଥିଲା । ଅନୁପ୍ରବେଶ ଉଦ୍ୟମ ଭଣ୍ଡୁର କରିଥିଲେ ଭାରତୀୟ ସେନା । ସେମାନଙ୍କ ଗୁଳିରେ ୫ ଜଣ ଆତଙ୍କବାଦୀ ନିହତ ହୋଇଥିଲେ । ଏଭଳି ଘଟଣା ବାରମ୍ବାର ଘଟୁଥିବାରୁ ସର୍ଚ୍ଚ ଅପରେସନକୁ ଜୋରଦାର କରାଯାଇଛି ।
ଯାଜପୁର: ମହାବୀର ମଠଛନ୍ଦା ଘାଟରେ ବୁଡ଼ିଯାଇ ଯୁବକଙ୍କ ମୃତ୍ୟୁ

ଯାଜପୁର ସଦର ଥାନା ବୁଢ଼ାନଦୀର ମହାବୀର ମଠଛନ୍ଦା ଘାଟରେ ଅଘଟଣ । ଗାଧୋଇବାକୁ ଯାଇ ନଦୀରେ ବୁଡ଼ିଗଲେ ଯୁବକ । ଖୋଜାଖୋଜି ପରେ ଉଦ୍ଧାର ହେଲା ମୃତଦେହ ।

ଘାଟରେ ଗାଧୋଇବା ହେଲା କାଳ । ଗାଧୋଇବାକୁ ଯାଇ ଜୀବନ ହାରିଲେ ରାଜେଶ ମିଶ୍ର । ଯାଜପୁର ବ୍ଳକ୍ ଜାହାନପୁର ପଞ୍ଚାୟତ ଶଙ୍ଖନାଳୀ ଗାଁର ରାଜେଶଙ୍କ ମୃତ୍ୟୁ । ମହାବୀର ମଠଛନ୍ଦା ଘାଟରେ ଅଧିକ ଗଭୀର ଥିବାରୁ ଗାଧୋଇବା ବେଳେ ଯୁବକଙ୍କ ଗୋଡ଼ ଖସିଯାଇଥିଲା । ଶେଷରେ ଯୁବକଙ୍କ ମୃତ୍ୟୁ ଘଟିଥିଲା । ଯାଜପୁର ଅଗ୍ନିଶମ ବାହିନୀ ପକ୍ଷରୁ ଖୋଜାଖୋଜି ପରେ ଉଦ୍ଧାର ହୋଇଛି ମୃତଦେହ । ସଦର ପୋଲିସ ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ମୁଖ୍ୟ ଚିକିତ୍ସାଳୟକୁ ପଠାଇଛି । ଘଟଣାର ତଦନ୍ତ ଜାରି ରଖିଛି ପୋଲିସ ।

ସେପଟେ,ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ନଦୀରୁ ବାରମ୍ବାର ବାଲି ଚାଲାଣ ହେଉଥିବାରୁ ଘାଟ ଅଞ୍ଚଳରେ ଗଭୀର ଅଧିକ ରହିଛି । ଲୋକେ ଗାଧୋଇବା ବେଳେ ସାମାନ୍ୟ ଗୋଡ଼ ଖସିଗଲେ ମୃତ୍ୟୁ ନିଶ୍ଚିତ ବୋଲି ଅଭିଯୋଗ ହୋଇଛି । ଏଭଳି ଘଟଣା ବାରମ୍ବାର ଘଟୁଥିବା ବେଳେ କୌଣସି ପଦକ୍ଷେପ ନିଆଯାଉନଥିବା କହିଛନ୍ତି ସ୍ଥାନୀୟ ଲୋକେ ।
ଆମେରିକା: ‘ଟାଇଟନିକ’ର ଅବଶେଷ ଦେଖିବାକୁ ଯାଇ ‘ଟାଇଟନ୍’ର ୫ ମୃତ

ଶେଷରେ ବୁଡ଼ାଜାହାଜ ‘ଟାଇଟନ’ରେ ଯାତ୍ରା କରିଥିବା ୫ ଜଣଙ୍କ ମୃତ୍ୟୁ ଘଟିଛି । ୫ ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରିଛି ଆମେରିକା ତଟରକ୍ଷୀ ବାହିନୀ ।
ଓସେନ୍‌ ଗେଟ୍‌ ଏକ୍ସପିଡିସନ୍‌ ଦ୍ବାରା ପରିଚାଳିତ ବୁଡ଼ାଜାହାଜ ଟାଇଟନ୍‌ ଆଟ୍‌ଲାଣ୍ଟିକ୍‌ ମହାସାଗରରେ ଭିତର ଆଡ଼କୁ ସଙ୍କୁଚିତ ହୋଇ ନଷ୍ଟ ହୋଇଯାଇଛି । ସେଥିରେ ଥିବା ସମସ୍ତ ବ୍ୟକ୍ତିଙ୍କ ମୃତ୍ୟୁ ହୋଇଥିବା ରିପୋର୍ଟ ଦେଇଛି ଆମେରିକା ତଟରକ୍ଷୀ ବାହିନୀ ।

https://twitter.com/i/status/1671997471415730176

ଗତକାଲି ରିମୋଟ୍‌ ନିୟନ୍ତ୍ରିତ ଯାନରେ ପାଣି ଭିତରେ ଠାବ କରାଯାଇଥିବା ଉକ୍ତ ବୁଡ଼ାଜାହାଜର ଭଗ୍ନାବଶେଷକୁ ପରୀକ୍ଷା କରିବା ପରେ ଆମେରିକା ତଟରକ୍ଷୀ ପକ୍ଷରୁ ଏ ନେଇ ସ୍ପଷ୍ଟ କରାଯାଇଛି । ଗତକାଲି ସମସ୍ତଙ୍କ ପରିବାରବର୍ଗଙ୍କୁ ସୂଚନା ଦିଆଯାଇଛି ।

୧୯୧୨ରେ ଆଟଲାଣ୍ଟିକ୍‌ ମହାସାଗରେ ଦୁର୍ଘଟଣାଗ୍ରସ୍ତ ହୋଇ ବୁଡ଼ିଯାଇଥିଲା ‘ଟାଇଟାନିକ୍‌’ ଜାହାଜ । ଏହାର ଅବଶେଷ ଦେଖିବା ପାଇଁ କ୍ଷୁଦ୍ର ବୁଡ଼ାଜାହାଜ ‘ଟାଇଟନ୍‌’ରେ ଯାଇଥିଲେ ୫ ଜଣ ।

This is so sad, you can hear their pure panic in their final hours 😢😭 #OceanGate #titanic #titanicsub #OceanGateExpeditions #Titan #OceanGate pic.twitter.com/1g9ROcTlcn
— 𝙗𝙖𝙯 🎱 (@BazHoopz) June 22, 2023

ସେମାନଙ୍କ ମଧ୍ୟରେ ଥିଲେ ଇଂଲଣ୍ଡ‌ର ୫୮ ବର୍ଷିୟ ହାମିସ୍‌ ହାର୍ଡିଂ, ଫ୍ରାନ୍ସର ୭୭ ବର୍ଷିୟ ପଲ୍‌-ହେନ୍‌ରି ନାର୍ଜିଓଲେଟ୍‌ । ଓସେନ୍‌ଗେଟ୍‌ ମାଲିକାନାରେ ଥିବା ଇଭ୍‌ରେଟ୍‌’ର ମୁଖ୍ୟ ୬୧ ବର୍ଷିୟ ଏକ୍‌ଜିକ୍ୟୁଟିଭ୍‌ ଅଫିସର ଷ୍ଟକ୍‌ଟନ୍‌ ରସ୍‌ ଏବଂ ପାକିସ୍ତାନର ୪୮ ବର୍ଷିୟ ଶାହଜାଦ୍‌ ଦାଉଦ୍ ଓ ତାଙ୍କର ୧୯ ବର୍ଷିୟ ପୁଅ ସୁଲେମାନ୍‌ ।

ଜୁନ୍ ୧୮ରେ ଯାତ୍ରା ଆରମ୍ଭ କରିଥିଲା ଟାଇଟନ୍ । କାର୍ବନ୍‌ ଫାଇବର୍‌ ଓ ଟାଇଟନିୟମ୍‌ରେ ନିର୍ମିତ ୬.୭ ମିଟର୍‌ ଲମ୍ବ କ୍ଷୁଦ୍ର ବୁଡ଼ାଜାହାଜ ଟାଇଟନ୍‌ରେ ଜଣେ ଚାଳକଙ୍କ ସମେତ ୪ ଜଣ ଯାତ୍ରୀ ଯିବା ଭଳି ବ୍ୟବସ୍ଥା ଥିଲା ।

ଏହି ବୁଡ଼ାଜାହାଜ ସମୁଦ୍ର ଗର୍ଭର ସର୍ବାଧିକ ୧୩ ହଜାର ୧୨୦ ଫୁଟ୍‌ ତଳକୁ ଯାଇପାରିବାର କ୍ଷମତା ରଖିଥିଲା । ୫ ଜଣଙ୍କ ପାଇଁ ଥିଲା ୪ ଦିନର ଅକ୍ସିଜେନ୍ । ଯାତ୍ରା ଆରମ୍ଭ କରିବାର ପ୍ରାୟ ୧ ଘଣ୍ଟା ୪୫ ମିନିଟ୍‌ ପରେ ଟାଇଟନ୍‌ ସହ ସମସ୍ତ ଯୋଗାଯୋଗ ବିଚ୍ଛିନ୍ନ ହୋଇଥିଲା ।
ଆମେରିକା: ମିଳିଲା ବୁଡ଼ାଜାହାଜ ‘ଟାଇଟନ୍’ର ଭଗ୍ନାଂବଶେଷ, ସମସ୍ତ ୫ ମୃତ,ସ୍ପଷ୍ଟ କଲା ଆମେରିକା ତଟରକ୍ଷୀ ବାହିନୀ
MyChart Login Web page
Blogs
- CasinoMCW Productivity
- Alive and Then
Remember that in case your “Lay bets” option are lifeless it indicates one to picked choice dimensions are less than minimal count, or another problems are available. In cases like this it’s a good idea to get hold of our very own Customer support. The brand new transform from country Law that were held inside the 2019 minimal the menu of legal betting entertainments. (more…)
ଅଧ୍ୟାଦେଶ ପ୍ରସଙ୍ଗରେ କଂଗ୍ରସ ସମର୍ଥନ ନକଲେ ବିରୋଧୀ ଏକତାରୁ ଅଲଗା ହେବ ଆପ୍ !

କେନ୍ଦ୍ର ବିଜେପି ବିରୋଧରେ ନୀତିଶ କୁମାରଙ୍କ ଆନ୍ଦୋଳନ ଜାରି ରହିଛି । ବିରୋଧୀଙ୍କ ଏକାଠି କରି ମୋଦି ସରକାରଙ୍କୁ ହଟାଇବା ଲାଗି ଉଦ୍ୟମ ଜାରି ରଖିଛିନ୍ତି । ସେଥିପାଇଁ ଲୋକସଭା ନିର୍ବାଚନରେ ଏକଜୁଟ ହୋଇ ଲଢ଼ିବା ପାଇଁ କହିଛନ୍ତି ବିହାର ସିଏମ୍ । ଆସନ୍ତା ଶୁକ୍ରବାର ବିରୋଧୀ ଦଳ ଗୁଡ଼ିକୁ ନେଇ ପାଟନାରେ ବୈଠକ କରିବେ ନୀତିଶ । ହେଲେ ଏହା ପୂର୍ବରୁ ଆମ ଆଦମୀ ପାର୍ଟି ଆପ୍ ସର୍ତ୍ତ ରଖି ବହିଷ୍କାର ଧମକ ଦେଇଛି । ଆସନ୍ତାକାଲି ସୁଦ୍ଧା କଂଗ୍ରେସ, ଅଧ୍ୟାଦେଶ ପ୍ରସଙ୍ଗରେ ସମର୍ଥନ ଘୋଷଣା ନକଲେ ବୈଠକ ବହିଷ୍କାର କରିବ ଆପ୍ । ଆମ୍ ଆଦମୀ ପାର୍ଟି ନିଜ ଆଭିମୁଖ୍ୟ ବିରୋଧୀ ଦଳ ଗୁଡ଼ିକ ସାମ୍ନାରେ ସ୍ପଷ୍ଟ କରିଥିବା ସୂଚନା ମିଳିଛି ।

ରାଜ୍ୟସଭାରେ କଂଗ୍ରେସ ଅଧ୍ୟାଦେଶ ଉପରେ ସମର୍ଥନ କରିବାର ଆଶ୍ୱାସନା ନଦେଲେ ବିରୋଧୀଙ୍କ ବୈଠକ ବହିଷ୍କାର କରାଯିବ । ସେପଟେ, ବିରୋଧୀଙ୍କ ବୈଠକରେ କେବଳ ବିଜେପିକୁ ହରାଇବା ଉପରେ ଚର୍ଚ୍ଚା ହେବ, ଅଧ୍ୟାଦେଶ ଉପରେ କୌଣସି ଆଲୋଚନା ହେବାର ନାହିଁ । ଏହାପୂର୍ବରୁ ଆପ୍ ସଂଯୋଜକ ଅରବିନ୍ଦ କେଜରିୱାଲ ବିରୋଧୀ ନେତାଙ୍କୁ ଚିଠି ଲେଖି ଦାବି ରଖିଥିଲେ ଯେ ସର୍ବପ୍ରଥମେ ଦିଲ୍ଲୀକୁ ନେଇ ଅଣାଯାଇଥିବା କେନ୍ଦ୍ର ସରକାରଙ୍କ ଅଧ୍ୟାଦେଶ ଉପରେ ଚର୍ଚ୍ଚା ହେଉ । ଏଥିସହ ପାଟନା ବୈଠକରେ ସବୁ ଦଳ କଂଗ୍ରେସର ଆଭିମୁଖ୍ୟ ସ୍ପଷ୍ଟ ଚାହାଁନ୍ତି ବୋଲି କହିଛନ୍ତି କେଜ୍ରିୱାଲ ।

କେଜରିୱାଲ ଅଧ୍ୟାଦେଶକୁ ଆଇନ୍ ରୂପ ଦେବା ପାଇଁ ଉଦ୍ୟମ କରିଛନ୍ତି । ତେଣୁ ମୌସୁମୀ ଅଧିବେଶନରେ ସମ୍ଭାବିତ ବିଲକୁ ରାଜ୍ୟସଭାରେ ରୋକିବାକୁ ସେ ଚାହୁଁଛନ୍ତି । ଏଥିପାଇଁ ସେ ବିରୋଧୀ ଦଳ ନେତାମାନଙ୍କୁ ଭେଟି ସମର୍ଥନ ଲୋଡ଼ିଛନ୍ତି । କେଜ୍ରିୱାଲ୍ ମେ ଶେଷ ଭାଗରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏବଂ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧିଙ୍କୁ ଭେଟିବାକୁ ସମୟ ମାଗିଥିଲେ ସୁଦ୍ଧା ଏଯାଏ ତାଙ୍କୁ ଭେଟଘାଟର ସମୟ ଦେଇନି ଦଳ । ତେଣୁ ଏଭଳି ସ୍ଥିତିରେ କଂଗ୍ରେସର ସମର୍ଥନ ନ ମିଳିଲେ ବିରୋଧୀ ଏକତାରୁ ଅଲଗା ହୋଇପାରେ ଆମ୍ ଆଦମୀ ପାର୍ଟି ।
ଆହାର ପାଇଁ ୨୦ କୋଟି, ବାହାନଗା ହାଇସ୍କୁଲ ପାଇଁ ୨.୪୯ କୋଟି ମଞ୍ଜୁରୀ

ରାଜ୍ୟ ଆହାର ସୋସାଇଟି ପାଇଁ ୨୦ କୋଟି ଟଙ୍କା ମଞ୍ଜୁର କରାଯାଇଛି । ରାଜ୍ୟରେ ଥିବା ଆହାର କେନ୍ ଗୁଡ଼ିକର ପରିଚାଳନା ପାଇଁ ଗଠିତ ରାଜ୍ୟସ୍ତରୀୟ ଆହାର କମିଟି ପାଇଁ ଏହି ଟଙ୍କା ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଏହି ଅର୍ଥ ରାଶି ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ମଞ୍ଜୁର ହୋଇଛି । ୨୦୧୫-୧୬ରୁ ୨୦୨୧-୨୨ ଯାଏ ଆହାର କାର୍ଯ୍ୟକ୍ରମ ପାଇଁ ସିଏମଙ୍କ ରିଲିଫ ପାଣ୍ଠିରୁ ୨୨୮.୭୬ କୋଟି ଟଙ୍କା ମଞ୍ଜୁର କରାଯାଇଥିଲା ।

ସହରରେ ଥିବା ବିଭିନ୍ନ ହସ୍ପିଟାଲ,ବସଷ୍ଟାଣ୍ଡ ଏବଂ ଅନ୍ୟାନ୍ୟ ଗହଳି ସ୍ଥାନରେ ଜରୁରୀ କାର୍ଯ୍ୟ ପାଇଁ ଯାଇଥିବା ଗରିବ ଲୋକେ ମାତ୍ର ୫ ଟଙ୍କାରେ ସୁଷମ ଓ ସ୍ଵାସ୍ଥ୍ୟପ୍ରଦ ଆହାର ପାଇପାରୁଛନ୍ତି । ତେଣୁ ଏହାର ଲୋକପ୍ରିୟତା ବଢ଼ିବାରେ ଲାଗିଛି ।

ସେପଟେ, 5T ଯୋଜନା ଅଧୀନରେ ବାହାନଗା ହାଇସ୍କୁଲର ପୁନଃନିର୍ମାଣ ହେବ । ଏଥିପାଇଁ ୨ କୋଟି ୪୯ ଲକ୍ଷ ଟଙ୍କା ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗତ ୨ ତାରିଖରେ ବାହାନଗା ରେଳ ଷ୍ଟେସନରେ ଭୟାବହ ରେଳ ଦୁର୍ଘଟଣା ଘଟିଥିଲା ।

ସ୍ଥାନୀୟ ଲୋକେ ଏବଂ ବାହାନଗା ହାଇସ୍କୁଲ ଶିକ୍ଷକଶିକ୍ଷୟତ୍ରୀମାନେ ଉଦ୍ଧାର ଏବଂ ସେବା କାର୍ଯ୍ୟରେ ସାହାଯ୍ୟ ସହଯୋଗର ହାତ ବଢ଼ାଇଥିଲେ ।ସେମାନଙ୍କ ମହତ୍ ଯୋଗଦାନକୁ ଉତ୍ସାହିତ କରିବା ପାଇଁ ବାହାନଗା ହାଇସ୍କୁଲକୁ 5T କାର୍ଯ୍ୟକ୍ରମରେ ସାମିଲ କରିବା ପାଇଁ ନିର୍ଦ୍ଦେଶ ଦେଇଥିଲେ ନବୀନ । ତାଙ୍କ ନିର୍ଦ୍ଦେଶକ୍ରମେ 5T ସଚିବ ଭି.କେ.ପାଣ୍ଡିଆନ ବାହାନଗା ହାଇସ୍କୁଲର ଛାତ୍ରଛାତ୍ରୀ,ଶିକ୍ଷକଶିକ୍ଷୟିତ୍ରୀ, ଲୋକପ୍ରତିନିଧି,ସ୍କୁଲ ପରିଚାଳନା କମିଟି ତଥା ଜିଲ୍ଲାପାଳଙ୍କ ସହିତ ବିସ୍ତୃତ ଆଲୋଚନା କରିଥିଲେ ।

ବାହାନଗା ହାଇସ୍କୁଲରେ ଶହଶହ ଶବ ରଖାଯାଇଥିଲା । ରେଳ ଦୁର୍ଘଟଣା ପରଠାରୁ ବାହାନଗାବାସୀ ସବୁ ପ୍ରକାର ସାହାଯ୍ୟର ହାତ ବଢ଼ାଇଛନ୍ତି । ତେଣୁ ହାଇସ୍କୁଲର ପୁନଃ ନିର୍ମାଣ ପାଇଁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।
ଏଲୋନ ମସ୍କ-ମାର୍କ ଜୁକରବର୍ଗ ମୁହାଁମୁହିଁ, କେଜ୍ ଫାଇଟ୍ ପାଇଁ ପ୍ରସ୍ତୁତ

ଦୁନିଆର ସବୁଠାରୁ ବଡ଼ ଧନୀ ତଥା ଦୁଇ ହାଇ ପ୍ରୋଫାଇଲ୍ ଟେକ୍ନୋଲୋଜି ବିଲିୟନେୟାର ଏଲୋନ୍ ମସ୍କ ଏବଂ ମାର୍କ ଜୁକରବର୍ଗ । ଏବେ ସେମାନେ ଏକ କେଜ୍ ମ୍ୟାଚରେ ପରସ୍ପର ସହ ଲଢ଼ିବାକୁ ରାଜି ହୋଇଛନ୍ତି । ମସ୍କ, ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ଏ ନେଇ ଏକ ବାର୍ତ୍ତା ପୋଷ୍ଟ କରିଛନ୍ତି । ସେ କହିଛନ୍ତି ମାର୍କ ଜୁକରବର୍ଗଙ୍କ ସହ ଏକ କେଜ୍ ଫାଇଟ ବା ଯନ୍ତା ଯୁଦ୍ଧ ପାଇଁ ସେ ପ୍ରସ୍ତୁତ ଅଛନ୍ତି ।

ଫେସବୁକ୍ ଏବଂ ଇନଷ୍ଟାଗ୍ରାମ ପ୍ୟାରେଣ୍ଟ କମ୍ପାନୀ ମେଟାର ମାଲିକ ଜୁକରବର୍ଗ ମସ୍କଙ୍କ ଟ୍ୱିଟର ସ୍କ୍ରିନସଟ୍ ପୋଷ୍ଟ କରିବା ସହ କ୍ୟାପସନ୍ ଲେଖି ଲୋକେସନ ପଠାଇବାକୁ ଲେଖିଛନ୍ତି । ଏ ନେଇ ମେଟା ମୁଖପାତ୍ର ବିବିସିକୁ ଜଣାଇଛନ୍ତି । ଏହା ପରେ ମସ୍କ, ଭେଗାସ୍ ଅକ୍ଟୋନ୍ ସହିତ ଜୁକରବର୍ଗଙ୍କ ପ୍ରତିକ୍ରିୟାରେ ଉତ୍ତର ଦେଇଥିଲେ । ଅକ୍ଟାଗନ୍ ହେଉଛି ଅଲ୍ଟିମେଟ୍ ଫାଇଟିଂ ଚାମ୍ପିଅନସିପ୍ (UFC) ବେଟିଂ ପାଇଁ ବ୍ୟବହୃତ ପ୍ରତିଯୋଗିତା ବା ମ୍ୟାଚ୍ ବା କେଜ ଫାଇଟ । UFC ନେଭାଡାର ଲାସ୍ ଭେଗାସରେ ଅବସ୍ଥିତ । ୫୨ ବର୍ଷୀୟ ମସ୍କ ମଧ୍ୟ ଟ୍ୱିଟ୍ କରିଛନ୍ତି ଯେ ମୋର ଏହି ମହାନ ପଦକ୍ଷେପ ଅଛି ଯାହାକୁ ମୁଁ ୱାଲସ ବୋଲି କହୁଛି, ଯେଉଁଠାରେ ମୁଁ କେବଳ ମୋର ପ୍ରତିଦ୍ୱନ୍ଦ୍ୱୀଙ୍କ ଉପରେ ପଡ଼ି ରହିଛି ଏବଂ କିଛି କରିପାରି ନାହିଁ ।

ଏଥିସହ ସେ ଆହୁରି ଟ୍ୱିଟ୍ କରିଛନ୍ତି ଯେ ମୋର ପିଲାମାନଙ୍କୁ ନେବା ଆଣିବା ଏବଂ ତାକୁ ହାତରେ ଧରି ଆକାଶକୁ ଗେଲରେ ଫିଙ୍ଗିବା ବ୍ୟତୀତ ମୁଁ ପ୍ରାୟତଃ ଆଉ କୌଣସି କାମ କରେ ନାହିଁ । ସେପଟେ,୩୯ ବର୍ଷୀୟ ଜୁକରବର୍ଗ ମିଶ୍ରିତ ମାର୍ଶଲ ଆର୍ଟ ବା ମିସ୍କଡ ମାର୍ଶିଆଲ ଆର୍ଟରେ ତାଲିମ ନେଇସାରିଛନ୍ତି । ନିକଟରେ ଜିୟୁ-ଜିତୁ ଟୁର୍ଣ୍ଣାମେଣ୍ଟ ଜିତିଛନ୍ତି । ଏ ସମ୍ପର୍କରେ ମନ୍ତବ୍ୟ ପାଇଁ ବିବିସି, ମସ୍କଙ୍କ ସହ ଯୋଗାଯୋଗ କରିଥିବା ବେଳେ ଟ୍ୱିଟରରେ କୌଣସି ପ୍ରତିକ୍ରିୟା ରଖିନାହାଁନ୍ତି । ରିପ୍ଲାଇ ଚାଟିଂ ସୋସିଆଲ ମିଡିଆରେ ଭାଇରାଲ୍ ହେବା ପରେ ନେଟ୍ ବ୍ୟବହାରକାରୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ବେଟିଂରେ କିଏ ଜିତିବ ସେନେଇ ଚାଟିଂ ଭାଇରାଲ୍ ହୋଇଥିବାବେଳେ ଅନ୍ୟମାନେ ଯୁଦ୍ଧର ବିଜ୍ଞାପନକୁ ଉପହାସ କରିଥିବା ପୋଷ୍ଟର ସମେତ ମେମ୍ ପୋଷ୍ଟ କରିଛନ୍ତି ।

ଏହି ମାସ ଆରମ୍ଭରେ, ମେଟା ଟ୍ୱିଟର ସହିତ ପ୍ରତିଦ୍ୱନ୍ଦ୍ୱୀତା କରିବା ପାଇଁ ଡିଜାଇନ୍ ହୋଇଥିବା ଏକ ସୋସିଆଲ୍ ନେଟୱାର୍କ ପାଇଁ କର୍ମଚାରୀଙ୍କ ଯୋଜନା ଦେଖାଥିଲା ବୋଲି ସୂତ୍ରରୁ ପ୍ରକାଶ । ଇନଷ୍ଟାଗ୍ରାମ,ମେଟାର ଇମେଜ୍-ସେୟାରିଂ ଆପରେ ଅନୁସରଣ କରୁଥିବା ବୁକ୍ ଅନୁସରଣ କରିବାକୁ ଅନୁମତି ଦେଇପାରେ । ଏହା ସମ୍ଭବତଃ କମ୍ପାନୀକୁ ମସ୍ତୋଡନ୍ ପରି ବିକେନ୍ଦ୍ରୀକରଣ ପ୍ଲାଟଫର୍ମରୁ ଅନୁସରଣକାରୀଙ୍କୁ ଆଣିବାକୁ ଅନୁମତି ଦେଇପାରେ । ପ୍ଲାଟଫର୍ମ ବିକାଶରେ ଅଛି ବୋଲି ଜଣେ ମେଟା ମୁଖପାତ୍ର ବିବିସିକୁ କହିଛନ୍ତି । ପାଠ୍ୟ ଆଧାରିତ ନେଟୱାର୍କ ଯେଉଁଥିରେ P92ର ଏକ କାର୍ଯ୍ୟ ଶିରୋନାମା ଅଛି, ବ୍ଲୁସ୍କି କିମ୍ବା ମସ୍ତୋଡନ୍ ଅପେକ୍ଷା ଏଲୋନ ମସ୍କର ଟ୍ୱିଟରରେ ଅଧିକ ପ୍ରତିଦ୍ୱନ୍ଦ୍ୱୀ ହୋଇପାରେ ।