Blog

ଓଣ୍ଡା ଷ୍ଟେସନରେ ଦୁଇ ମାଲବାହୀ ଟ୍ରେନ ଦୁର୍ଘଟଣାଗ୍ରସ୍ତ

ପୁଣି ଦୁଇ ଟ୍ରେନ ଭିତରେ ଦୁର୍ଘଟଣା। ରବିବାର ଭୋର ୪ଟାରେ ପଶ୍ଚିମବଙ୍ଗର ବାଙ୍କୁରାରେ ଦୁଇ ମାଲବାହୀ ଟ୍ରେନ ଭିତରେ ଦୁର୍ଘଟଣା ଘଟିଥିବା ବେଳେ ମାଲବାହୀ ଟ୍ରେନର ୧୨ଟି ବଗି ଲାଇନଚ୍ୟୁତ ହୋଇଯାଇଛି।

ଓଣ୍ଡା ଷ୍ଟେସନରେ ଗୋଟିଏ ମାଲବାହୀ ଟ୍ରେନ ଅନ୍ୟ ଟ୍ରେନକୁ ପଛରୁ ଧକ୍କା ଦେଇଥିଲା। ଫଳରେ ଦୁଇଟି ଯାକ ଟ୍ରେନ କ୍ଷତିଗ୍ରସ୍ତ ହୋଇଛି। ଦୁର୍ଘଟଣା ପରେ ରେଳ ସେବା ପ୍ରଭାବିତ ହୋଇଛି। ୧୨ଟି ବଗି ଲାଇନଚ୍ୟୁତ ହୋଇଥିବା ବେଳେ ସେମିତି କିଛି କ୍ଷୟକ୍ଷତି ହୋଇନାହିଁ। କେବଳ ଜଣେ ଟ୍ରେନ ଡ୍ରାଇଭର ସାମାନ୍ୟ ଆହତ ହୋଇଛନ୍ତି। ତେବେ ଏହି ଦୁର୍ଘଟଣାରେ ପ୍ଲାଟଫର୍ମ ଓ ସିଗ୍ନାଲ ରୁମ ମଧ୍ୟ କ୍ଷତିଗ୍ରସ୍ତ ହୋଇଛି।

ରେଳବାଇ ପକ୍ଷରୁ ସୂଚନା ଦିଆଯାଇଛି କି, ଦୁର୍ଘଟଣା ବେଳେ ଉଭୟ ମାଲବାହୀ ଟ୍ରେନ ଖାଲି ରହିଥିଲା। ତେବେ କେଉଁ କାରଣରୁ ଧକ୍କା ଘଟିଲା ତାହା ଜଣାପଡି ନ ଥିଲା ବେଳେ କାରଣ ଖୋଜା ଚାଲିଛି। ଘଟଣା ପରେ ଅଦ୍ରା ଡିଭିଜନରେ ଟ୍ରେନ ସେବା ପ୍ରଭାବିତ ହୋଇଛି।

ଅଦ୍ରା ଡିଭିଜନ ଅଧୀନରେ ପଶ୍ଚିମବଙ୍ଗର ପଶ୍ଚିମ ମେଦିନାପୁର, ବଙ୍କୁରା, ପୁରୁଲିଆ ଓ ବୃନ୍ଦାବନ ରହିଥିବା ବେଳେ ଝାରଖଣ୍ଡର ଧନବାନ, ବୋକାରୋ ଓ ସିଂହଭୂମୀ ରହିଛି। ଏହି ସବୁ ଜିଲ୍ଲାରେ ଟ୍ରେନ ସେବା ପ୍ରଭାବିତ ହୋଇଛି। ରେଳ ଅଧିକାରୀମାନେ ସ୍ଥିତିକୁ ସ୍ୱାଭାବିକ କରିବାକୁ ଚେଷ୍ଟା କରୁଛନ୍ତି। ଖୁବଶୀଘ୍ର ଯାତାୟାତ ସ୍ୱାଭାବିକ ହେବ ବୋଲି ରେଳବାଇ ପକ୍ଷରୁ କୁହାଯାଇଛି।
ଜମ୍ମୁ: ଅମରନାଥ ଯାତ୍ରା ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା, ଉଦ୍ଧମପୁରରେ ଡ୍ରୋନ ମାଧ୍ୟମରେ ଚାଲିଛି ସର୍ଭେଲାନ୍ସ, ଜୁଲାଇ ୧ରୁ ଦୁଇ ମାସ ପାଇଁ ଚାଲିବ ଅମରନାଥ ଦର୍ଶନ
ହିମାଚଳ ପ୍ରଦେଶ: ଭାରି ବର୍ଷାରେ ପ୍ରାୟ ୮ ଗାଡି କ୍ଷତିଗ୍ରସ୍ତ, ଗତକାଲି ରାତିରେ କୁଲ୍ଲୁରେ ହୋଇଥିଲା ପ୍ରବଳ ବର୍ଷା
ମସ୍କୋ: ବେଲାରୁଷର ଏଣ୍ଟ୍ରି,’ୱାଗନର’ର ୟୁ-ଟର୍ଣ୍ଣ, ଅଳ୍ପକେ ବର୍ତ୍ତିଲା ଋଷ

ଋଷରେ ଗୃହଯୁଦ୍ଧ ପରିସ୍ଥିତି । କେତେବେଳେ ଦେଶ ଭିତରେ କ’ଣ ଘଟିବ କହିହେବନି । ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଏବେ ଜୋରଦାର ବିରୋଧ ହେଉଛି । ଋଷରେ ରହୁଥିବା ଲୋକ, ଦେଶର ଖାଉଥିବା ଲୋକ ଏବେ ଋଷକୁ ହିଁ ନଷ୍ଟ କରିବାକୁ ବସିଛନ୍ତି । ପୁଟିନ ବିରୋଧରେ ଦଳେ ଥିବାବେଳେ ଅନ୍ୟ ଗୋଷ୍ଠୀ ସମର୍ଥନରେ ବାହାରିଛନ୍ତି । ମାନେ ପ୍ରାଇଭେଟ୍ ଆର୍ମି ‘ୱାଗନର’, ରାଷ୍ଟ୍ରପତି ପୁଟିନଙ୍କୁ ନିଜ ପଦରୁ ହଟାଇବାକୁ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିଛି । ଏପରିକି କିଛି ସହରକୁ ନିଜ କବଜାକୁ ନେଇଛି । ସେପଟେ ପ୍ରାଇଭେଟ୍ ଆର୍ମି ‘ୱାଗନର’ ଉପରେ କଡ଼ା ନଜର ରଖିଛନ୍ତି ଋଷ ସେନା । ଦୋଷୀକୁ ଦଣ୍ଡ ଦେବା ପାଇଁ ପୁଟିନ ସେନା ସଂକଳ୍ପ ନେଇଛନ୍ତି । ଦେଶଦ୍ରୋହୀ, ବିଶ୍ୱାସଘାତକମାନଙ୍କୁ କେବେ ବି କ୍ଷମା କରାଯିବନି ବୋଲି ପୁଟିନ୍ ରୋକଠୋକ୍ କହିଛନ୍ତି ।

ପ୍ରାଇଭେଟ୍ ଆର୍ମି ‘ୱାଗନର’ମୁଖ୍ୟ ପ୍ରିଗୋଝିନ୍‌, ପୁଟିନଙ୍କୁ ଗାଦିଚ୍ୟୁତ କରିବା ପାଇଁ ଜୋରଦାର ଉଦ୍ୟମ ଆରମ୍ଭ କରିଛନ୍ତି । ଏପରିକି ମସ୍କୋ ଅଭିମୁଖେ ପ୍ରାଇଭେଟ୍ ଆର୍ମି ଯାଉଥିବା ବେଳେ ଏଣ୍ଟ୍ରି ମାରିଛନ୍ତି ବେଲାରୁଷ ରାଷ୍ଟ୍ରପତି । ସେ ମଧ୍ୟସ୍ଥତା ପାଇଁ ‘ୱାଗନର’ମୁଖ୍ୟଙ୍କ ସହ ଆଲୋଚନା କରିବା ପରେ ପ୍ରିଗୋଝିନ୍‌ ସହମତି ପ୍ରକାଶ କରିଛନ୍ତି । ଶାନ୍ତିପୂର୍ଣ୍ଣ ଆଲୋଚନା ପାଇଁ ରାଜି ହେବାରୁ ୟୁ-ଟର୍ଣ୍ଣ ନେଇଛି ୱାଗନର ସେନା । ଶେଷରେ ଋଷରେ ବିଦ୍ରୋହର ଧ୍ୱନି ସାମାନ୍ୟ କମିଛି । ରକ୍ତାକ୍ତ ଯୁଦ୍ଧରୁ ଅଳ୍ପକେ ବର୍ତ୍ତିଛି ଦେଶ ତଥାପି ଆଲର୍ଟ ରହିଛନ୍ତି ଋଷ ସେନା ।

ଋଷ ଏବଂ ୟୁକ୍ରେନ ଯୁଦ୍ଧକୁ ୧୬ ମାସ ପୁରିଲାଣି । ତଥାପି ଏହାର କୌଣସି ନିଷ୍କର୍ଷ ବାହାରୁନି । ସମାଧାନର ରାସ୍ତା କେହି ବି ବାହାର କରୁନାହାଁନ୍ତି । ୟୁକ୍ରେନ ପୁରାପୁରି ଭାବେ ଧ୍ୱସ୍ତବିଧ୍ୱସ୍ତ ହେଲାଣି । ଆମେରିକା ଏବଂ ୟୁରୋପ ମହାଦେଶର ଶକ୍ତିଶାଳୀ ରାଷ୍ଟ୍ରଗୁଡ଼ିକ ଅସ୍ତ୍ରଶସ୍ତ୍ର ଯୋଗାଉଥିବାରୁ ୟୁକ୍ରେନ ଯୁଦ୍ଧ ଜାରି ରଖିଛି । ଋଷକୁ ମଧ୍ୟ ବହୁ କ୍ଷତି ସହିବାକୁ ପଡ଼ିଲାଣି ।

ବାହ୍ୟ ବଳ ସହାୟତାରେ ୟୁକ୍ରେନ୍ ପଛକୁ ହଟୁନି କି ଯୁଦ୍ଧ ବନ୍ଦ କରୁନି । ଏଭଳି ସ୍ଥିତିରେ ଦେଶ ଭିତରେ ହିଁ ପୁଟିନଙ୍କୁ ବିରୋଧର ସାମ୍ନା କରିବାକୁ ପଡ଼ିଛି । ଋଷ ଗୃହଯୁଦ୍ଧ ଉପରେ କଡ଼ା ନଜର ରଖିଛନ୍ତି ଆମେରିକା, ୟୁକ୍ରେନ ପରି ବିରୋଧୀ ରାଷ୍ଟ୍ର । ସେପଟେ ଋଷ ସ୍ଥିତି ନେଇ ଭାରତ ଭଳି ମିତ୍ର ରାଷ୍ଟ୍ର ଗୁଡ଼ିକ ଟେନସନରେ ପଡ଼ିଛନ୍ତି । ଋଷ ସ୍ଥିତି ସମ୍ଭାଳିବା ପାଇଁ ମିତ୍ରରାଷ୍ଟ୍ର ବେଲାରୁଷ ଆଲୋଚନା କରିବାକୁ ପ୍ରସ୍ତାବ ରଖିଛନ୍ତି । ତେଣୁ ଗୃହଯୁଦ୍ଧ ଆଶଙ୍କା ଦୂର ହେବା ସହ ଦେଶରେ ଶାନ୍ତି ବଜାୟ ରହିବ ବୋଲି ଆଶା କରାଯାଉଛି ।
ପଶ୍ଚିମବଙ୍ଗ: ବାଙ୍କୁରାର ଓଣ୍ଡା ଷ୍ଟେସନରେ ୨ ମାଲବାହୀ ଟ୍ରେନ୍ ମଧ୍ୟରେ ଧକ୍କା, ୧୨ ବଗି ଲାଇନଚ୍ୟୁତ
ଭୁବନେଶ୍ୱର: ବଙ୍ଗୋପସାଗରରେ ଲଘୁଚାପ ସୃଷ୍ଟି, ବିଭିନ୍ନ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ସମ୍ଭାବନା
ମସ୍କୋ: ଗୃହଯୁଦ୍ଧରୁ ଅଳ୍କକେ ବର୍ତ୍ତିଗଲା ଋଷ, ରାଜଧାନୀ ମସ୍କୋ ଯିବେନି ପ୍ରାଇଭେଟ୍ ଆର୍ମି ୱାଗନର
ପୁରୀ: ହେରାପଞ୍ଚମୀରେ ନନ୍ଦିଘୋଷ କାଠ ଭାଙ୍ଗିଲେ ଅଭିମାନିନୀ ମହାଲକ୍ଷ୍ମୀ
ଆଜି ୩ ରଥର ଦକ୍ଷିଣ ମୋଡ଼, ଅପେକ୍ଷା କରିଛି ଶରଧାବାଲି

କେଇଟା ଦିନ ପରେ ବାହୁଡ଼ା ଯାତ୍ରା । ରତ୍ନବେଦୀରୁ ଜନ୍ମବେଦୀକୁ ଫେରିବେ କାଳିଆ ଠାକୁର । ଏଥିପାଇଁ ସେବାୟତଙ୍କ ପକ୍ଷରୁ ପ୍ରତିଦିନ ନୀତିକାନ୍ତି ଜାରି ରହିଛି । ଆଜି ୩ ରଥର ଦକ୍ଷିଣମୋଡ଼ ହେବ । ରଥଯାତ୍ରା ପରଠାରୁ ଶ୍ରୀଗୁଣ୍ଡିଚା ମନ୍ଦିର ସମ୍ମୁଖରେ ଅଟକି ରହିଛନ୍ତି ତିନି ରଥ । ଆଜି ଏହି ରଥ ଦକ୍ଷିଣମୋଡ଼ ନେବେ । ନାକଚଣା ଦ୍ୱାରସ୍ଥିତ ଶରଧାବାଲିରେ ବିଜେ କରିବେ । ଏଥିପାଇଁ ନାକଚଣା ଦ୍ୱାର ସମ୍ମୁଖ ଶରଧାବାଲିକୁ ପୁରାପୁରି ସଫାସୁତରା କରାଯାଇଛି । ଆସନ୍ତାକାଲି ସେବାୟତ ଓ ପୋଲିସ ସହଯୋଗରେ ନାକଚଣା ଦ୍ୱାର ସମ୍ମୁଖ ଶରଧାବାଲିକୁ ନିଆଯିବ ।

ବାହୁଡ଼ାଯାତ୍ରା ପାଇଁ ପୂର୍ବ ପ୍ରସ୍ତୁତି ଆରମ୍ଭ ହୋଇଛି । ରଥଯାତ୍ରା ପରଠାରୁ ୩ ରଥ ଉତ୍ତରମୁହାଁ ହୋଇ ରହିଥିବା ବେଳେ ଆଜି ୩ ରଥକୁ ଦକ୍ଷିଣ ମୋଡ଼ କରି ରଖାଯିବ। ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତିକାନ୍ତି ହୋଇଛି । ମହାପ୍ରଭୁଙ୍କ ଆଜ୍ଞାମାଳ ବିଜେ ପରେ ତିନି ରଥ ଦକ୍ଷିଣ ମୋଡ଼ ନେବେ । ଶରଧାବାଲିରେ ବାହୁଡ଼ା ଯାତ୍ରା ପାଇଁ ରଥ ଗୁଡ଼ିକୁ ପ୍ରସ୍ତୁତ କରି ରଖାଯିବ । ପରମ୍ପରା ଅନୁଯାୟୀ, ଦକ୍ଷିଣ ମୋଡ଼ ପାଇଁ ପ୍ରଥମେ ଶରଧାବାଲିକୁ ଯିବ ମା’ସୁଭଦ୍ରାଙ୍କ ଦର୍ପଦଳନ ରଥ । ପରେ ବଡ଼ ଠାକୁରଙ୍କ ତାଳଧ୍ୱଜ ଓ ଶେଷରେ ଯିବ ମହାପ୍ରଭୁଙ୍କ ନନ୍ଦିଘୋଷ ରଥ ।

ଆଜି ମଧ୍ୟାହ୍ନ ସାଢ଼େ ୧୨ଟାରେ ରଥ ଆଜ୍ଞାମାଳ ବିଜେ ହେବ । ଅପରାହ୍ଣ ଗୋଟାଏ ସୁଦ୍ଧା ପ୍ରଥମ ଭୋଗମଣ୍ଡପ ଉଠିବା ପରେ ମଇଲମ, ଯାତ୍ରାଙ୍ଗୀ ମହାସ୍ନାନ ସର୍ବାଙ୍ଗ ନୀତି ସାଢ଼େ ୨ଟା ଭିତରେ ଶେଷ ହେବ । ଅପରାହ୍ଣ ୩ଟାରେ ମହାପ୍ରଭୁଙ୍କୁ ନୂଆ ଲୁଗା ଲାଗି ଓ ବେଶ ହେବ । ସନ୍ଧ୍ୟା ୬ଟାରୁ ରାତି ସାଢ଼େ ୯ଟା ପର୍ଯ୍ୟନ୍ତ ମଇଲମ,ବେଶ, ସନ୍ଧ୍ୟା ଆଳତି, ସନ୍ଧ୍ୟାଧୂପ ନୀତି ଅନୁଷ୍ଠିତ ହେବ ବୋଲି ସୂଚନା ମିଳିଛି । ଆଜି ଦକ୍ଷିଣ ମୋଡ଼, ଆଗକୁ ବାହୁଡ଼ା ଯାତ୍ରା । ସେଥିପାଇଁ ଭକ୍ତଙ୍କ ଭିଡ଼ ବି ଜମୁଛି । ପ୍ରଭୁଙ୍କ ଲୀଳା ଦେଖିବା ପାଇଁ ଦୂର ଦୂରାନ୍ତରୁ ଶ୍ରଦ୍ଧାଳୁଙ୍କ ବେଶ୍ ସମାଗମ ହେଉଛି ।
BetAndreas E faça um depósito Jogando AZ Myspace-software Associate System, CPA Render
Contente
As grandes gravadoras são casais com a LGaming fechando a nova parte de acreditar para isso. Para acessar o mau funcionamento da oferta, bem como a terminologia completa, basta clicar na área também ofertas do painel. A terminologia mais recente para ter taxas de comissão, GEO, etapa de destino, manter vários meses, oferta aceita de visitantes do site, landers prontamente disponíveis, você pode monetizar visitantes do site do Facebook, UAC, Seo, ASO, pagamento por clique e similares. (more…)