Blog

ବନ ବିଭାଗର ଅବହେଳା ନେଲା ଗଜରାଜର ଜୀବନ: ଯନ୍ତ୍ରଣାରେ ଆଖି ବୁଜିଲା ଅସୁସ୍ଥ ମାଈହାତୀ

କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜର ସୁନାଝରି ସଂରକ୍ଷିତ ଜଙ୍ଗଲରେ ଘଟିଥିବା ଏହି ଅଘଟଣ ଏବେ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ସୃଷ୍ଟି କରିଛି। ଶିକାରୀଙ୍କ ଦ୍ୱାରା ଖଞ୍ଜାଯାଇଥିବା ବୋମାକୁ ଖାଦ୍ୟ ଭ୍ରମରେ ଖାଇଦେଇଥିବା ଏହି ୮-୯ ବର୍ଷର ହାତୀଟି ଆଜି ଜଙ୍ଗଲ ମଧ୍ୟରେ ମୃତ ଅବସ୍ଥାରେ ମିଳିଛି। ବନ୍ୟଜନ୍ତୁ ଶିକାର ପାଇଁ ବିଛାଯାଇଥିବା ବୋମା ଖାଇବା ଫଳରେ ହାତୀର ପାଟି ଓ ମୁହଁରେ ଗଭୀର ଆଘାତ ଲାଗିଥିଲା। ଯନ୍ତ୍ରଣା ଯୋଗୁଁ ସେ ଦୀର୍ଘ ଦିନ ଧରି କିଛି ଖାଇପାରୁନଥିଲା। ହାତୀ ଅସୁସ୍ଥ ହେବାର ପ୍ରାୟ ୩-୪ ଦିନ ପରେ ବନ ବିଭାଗ ତାକୁ ଟ୍ରାଙ୍କୁଲାଇଜ୍ କରି ଚିକିତ୍ସା କରିଥିଲା। ମାତ୍ର ଅଭିଯୋଗ ହେଉଛି ଯେ, ଏହି ଚିକିତ୍ସା କେବଳ ଏକ ପ୍ରହସନ ଥିଲା। ହାତୀର ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ ଥିବା ସତ୍ତ୍ୱେ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜର ଏବଂ କର୍ମଚାରୀମାନେ ତାକୁ ନିଜ ସୀମାରୁ ଅନ୍ୟ ରେଞ୍ଜକୁ ଘଉଡ଼ାଇ ଦେଇଥିଲେ, ଯାହାଫଳରେ ସେମାନଙ୍କୁ ଆଉ ଦାୟିତ୍ୱ ନେବାକୁ ପଡ଼ିବ ନାହିଁ। ଯଦି ହାତୀଟିର ଅବସ୍ଥା ଗୁରୁତର ଥିଲା, ତେବେ ତାକୁ କପିଳାସ ହାତୀ ସଂରକ୍ଷଣ କେନ୍ଦ୍ରକୁ ସ୍ଥାନାନ୍ତର କରାଗଲା ନାହିଁ କାହିଁକି?
ବନ ବିଭାଗ କାହିଁକି ଉପଯୁକ୍ତ ଚିକିତ୍ସା କରିବା ବଦଳରେ ହାତୀକୁ ଜଙ୍ଗଲରେ ବୁଲିବାକୁ ଛାଡ଼ିଦେଲା?

ଶିକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ବିଭାଗ କାହିଁକି ବିଫଳ ହେଉଛି?
ଆଜି ଜିରାଳ ଫରେଷ୍ଟ ସେକ୍ସନର ବାସୁଆତଇଳା ନିକଟରେ ହାତୀର ମୃତଦେହ ଠାବ ହେବା ପରେ ବନ ବିଭାଗ ତରବରିଆ ଭାବେ ବ୍ୟବଚ୍ଛେଦ କରି ତାକୁ ପୋତି ଦେଇଛି। ସ୍ଥାନୀୟ ଲୋକଙ୍କ କହିବା କଥା, “ବିଭାଗୀୟ ଦୋଷ ଖସାଇବା ଚକ୍କରରେ ଏକ ନିରୀହ ଗଜରାଜର ବଳି ପଡ଼ିଗଲା।” ଜଙ୍ଗଲ ଏବଂ ବନ୍ୟଜନ୍ତୁ ସୁରକ୍ଷା ପାଇଁ ଉଦ୍ଦିଷ୍ଟ ବନ ବିଭାଗ ଯଦି ଏଭଳି ଦାୟିତ୍ୱହୀନତା ପ୍ରଦର୍ଶନ କରିବ, ତେବେ ଆଗାମୀ ଦିନରେ ଓଡ଼ିଶାର ଗଜରାଜ ବଂଶ ଲୋପ ପାଇବା ନିଶ୍ଚିତ।
ବାଂଲାଦେଶ ପାଇଁ ସାହାରା ସାଜିଲା ଭାରତ

ବାଂଲାଦେଶରେ ଇନ୍ଧନର ଅଭାବକୁ ଦୂର କରିବା ପାଇଁ ମଙ୍ଗଳବାର ଭାରତରୁ ୫,୦୦୦ ଟନ୍ ଡିଜେଲ ପଠାଯାଇଛି। ଏହି ସହାୟତା ଭାରତ-ବାଂଲାଦେଶ ବନ୍ଧୁତ୍ୱ ପାଇପ୍‌ଲାଇନ୍‌ ମାଧ୍ୟମରେ ପାର୍ବତୀପୁର ସୀମା ଦେଇ ବାଂଲାଦେଶରେ ପହଞ୍ଚିବ। ଦୁଇ ଦେଶ ମଧ୍ୟରେ ହୋଇଥିବା ଚୁକ୍ତି ଅନୁସାରେ ଭାରତ ପ୍ରତିବର୍ଷ ବାଂଲାଦେଶକୁ ୧,୮୦,୦୦୦ ଟନ୍ ଡିଜେଲ ଯୋଗାଇବ। ଆଗାମୀ ୬ ମାସ ମଧ୍ୟରେ ଅତିକମରେ ୯୦,୦୦୦ ଟନ୍ ଇନ୍ଧନ ପଠାଯିବାର ଲକ୍ଷ୍ୟ ରଖାଯାଇଛି। ବାଂଲାଦେଶ ପେଟ୍ରୋଲିୟମ କର୍ପୋରେସନ (BPC) ଅଧ୍ୟକ୍ଷ ମହମ୍ମଦ ରେଜାନୁର ରହମାନଙ୍କ ସୂଚନା ଅନୁଯାୟୀ, ଆଗାମୀ ଦୁଇ ମାସ ମଧ୍ୟରେ ବାକି ଥିବା ସମସ୍ତ କୋଟା ପୂରଣ ହେବାର ଆଶା ରହିଛି।

ବାଂଲାଦେଶ ସରକାର ବର୍ତ୍ତମାନ ଇନ୍ଧନର ସ୍ଥିତିକୁ ନେଇ ଚିନ୍ତିତ ଅଛନ୍ତି। ଏହାର କାରଣଗୁଡ଼ିକ ହେଲା:

କିଛି ଅସାଧୁ ବ୍ୟବସାୟୀ ଅଧିକ ଲାଭ ଆଶାରେ ଡିଜେଲ ଓ ପେଟ୍ରୋଲ ଗଚ୍ଛିତ ରଖି ବଜାରରେ କୃତ୍ରିମ ଅଭାବ ସୃଷ୍ଟି କରୁଛନ୍ତି।

ସରକାର ଯାନବାହାନ ପାଇଁ ତେଲ ବିକ୍ରିର ଏକ ନିର୍ଦ୍ଦିଷ୍ଟ ସୀମା ଧାର୍ଯ୍ୟ କରିଥିଲେ ମଧ୍ୟ ଅନେକ ପେଟ୍ରୋଲ ପମ୍ପ ଏହାକୁ ମାନୁନାହାନ୍ତି।

ଖୋଲା ବଜାରରେ ଅଧିକ ଦରରେ ବିକ୍ରି ଏବଂ ସୀମାପାର ଚୋରା ଚାଲାଣ ହେବାର ଆଶଙ୍କା ଥିବାରୁ ଶକ୍ତି ମନ୍ତ୍ରଣାଳୟ ପକ୍ଷରୁ ସ୍ୱେଚ୍ଛାକୃତ ଚଢ଼ାଉ ଜାରି ରହିଛି।

ଯେତେବେଳେ ବିଶ୍ୱ ବଜାରରେ ଇନ୍ଧନ ଦର ଏବଂ ଯୋଗାଣକୁ ନେଇ ଅନିଶ୍ଚିତତା ଦେଖାଦେଇଛି, ସେତେବେଳେ ଭାରତର ଏହି ପଦକ୍ଷେପ ବାଂଲାଦେଶର ଅର୍ଥନୀତିକୁ ଗତିଶୀଳ ରଖିବାରେ ବଡ଼ ସହାୟକ ହେବ।
ଜାତିସଂଘରେ ପାକିସ୍ତାନକୁ ଭାରତର କଡ଼ା ସମାଲୋଚନା: ଆଫଗାନିସ୍ତାନରେ ବିମାନ ଆକ୍ରମଣକୁ ନିନ୍ଦା
ଜାତିସଂଘ ସୁରକ୍ଷା ପରିଷଦରେ ଭାରତ, ଆଫଗାନିସ୍ତାନ ମାଟିରେ ହୋଇଥିବା ନୃଶଂସ ବିମାନ ଆକ୍ରମଣକୁ ନେଇ ପାକିସ୍ତାନର ‘ଦୋମୁହାଁ ନୀତି’କୁ ତୀବ୍ର ସମାଲୋଚନା କରିଛି। ପବିତ୍ର ରମ୍‌ଜାନ୍ ମାସରେ ହୋଇଥିବା ଏହି ଆକ୍ରମଣକୁ ଭାରତ ଏକ “କପଟତା” ବୋଲି ଅଭିହିତ କରିଛି। ଏହି ବିମାନ ଆକ୍ରମଣରେ ପ୍ରାୟ ୧୮୫ ଜଣ ନିରୀହ ନାଗରିକ ପ୍ରାଣ ହରାଇଛନ୍ତି। ମୃତକଙ୍କ ମଧ୍ୟରୁ ପ୍ରାୟ ୫୫ ପ୍ରତିଶତ କେବଳ ମହିଳା ଏବଂ ଶିଶୁ ଥିଲେ। ଭାରତ ଅନୁଯାୟୀ, ଏହି ଆକ୍ରମଣ ଜାତିସଂଘ ଚାର୍ଟର ଏବଂ ଜାତୀୟ ସାର୍ବଭୌମତ୍ୱ ନୀତିର ସ୍ପଷ୍ଟ ଉଲ୍ଲଂଘନ ଅଟେ।

ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ପି. ହରିଶ ପାକିସ୍ତାନର ନାମ ନନେଇ ମଧ୍ୟ ତାଙ୍କୁ କଡ଼ା ଭାଷାରେ ଭର୍ତ୍ସନା କରିଛନ୍ତି। ତାଙ୍କ ବକ୍ତବ୍ୟର ମୁଖ୍ୟ ଅଂଶଗୁଡ଼ିକ ହେଲା:

ଗୋଟିଏ ପଟେ ଇସଲାମିକ ସଂହତିର କଥା କହିବା ଏବଂ ଅନ୍ୟପଟେ ରମ୍‌ଜାନ୍ ମାସରେ ମୁସଲମାନ ବହୁଳ ପଡ଼ୋଶୀ ଦେଶ ଉପରେ ଆକ୍ରମଣ କରିବା ପାକିସ୍ତାନର ପ୍ରକୃତ ରୂପକୁ ଦର୍ଶାଉଛି।

ପାକିସ୍ତାନ ନିଜର ସ୍ୱାର୍ଥ ପାଇଁ ବିଭିନ୍ନ ଆତଙ୍କବାଦୀ ଗୋଷ୍ଠୀକୁ ବ୍ୟବହାର କରି ପଡ଼ୋଶୀ ଦେଶଗୁଡ଼ିକରେ ଅଶାନ୍ତି ସୃଷ୍ଟି କରୁଛି।

ଇସଲାମିକ୍ ଷ୍ଟେଟ୍, ଅଲ-କାଏଦା, ଲସ୍କର-ଏ-ତୈବା ଏବଂ ଜୈଶ-ଏ-ମହମ୍ମଦ ଭଳି ସଂଗଠନକୁ ରୋକିବା ପାଇଁ ବିଶ୍ୱ ସମ୍ପ୍ରଦାୟ ଏକଜୁଟ ହେବା ଜରୁରୀ।
1. ଭଳି ସଂଗଠନକୁ ରୋକିବା ପାଇଁ ବିଶ୍ୱ ସମ୍ପ୍ରଦାୟ ଏକଜୁଟ ହେବା ଜରୁରୀ।
“ଆତଙ୍କବାଦ ସମଗ୍ର ବିଶ୍ୱ ପାଇଁ ଏକ ବଡ଼ ବିପଦ। ସୀମାପାର ଆତଙ୍କବାଦ ଏବଂ ଏହାର ସମର୍ଥକମାନଙ୍କୁ ରୋକିବା ପାଇଁ ଆମକୁ ଦୃଢ଼ ପଦକ୍ଷେପ ନେବାକୁ ହେବ।”
ସିବିଆଇ ଜାଲରେ ଟିଭିକେ ମୁଖ୍ୟ ବିଜୟ: କରୁର ଦଳାଚକଟା ମାମଲାରେ ପୁଣି ଜାରି ହେଲା ସମନ

ତାମିଲନାଡୁର କରୁର ଜିଲ୍ଲାରେ ଘଟିଥିବା ଭୟାଭୟ ଦଳାଚକଟା ମାମଲାରେ ଅଭିନେତାରୁ ରାଜନେତା ସାଜିଥିବା ତାମିଲଗା ଭେଟ୍ରି କାଝାଗମ (TVK) ମୁଖ୍ୟ ଜୋଶେଫ ବିଜୟ ଚନ୍ଦ୍ରଶେଖରଙ୍କ ଅଡ଼ୁଆ ବଢ଼ିବାରେ ଲାଗିଛି। ଏହି ସମ୍ବେଦନଶୀଳ ଘଟଣାର ତଦନ୍ତ କରୁଥିବା କେନ୍ଦ୍ରୀୟ ତଦନ୍ତ ବ୍ୟୁରୋ (CBI) ଆସନ୍ତା ମଙ୍ଗଳବାର ଦିନ ପୁଣି ଥରେ ହାଜର ହେବା ପାଇଁ ବିଜୟଙ୍କୁ ସମନ ଜାରି କରିଛି। ତଦନ୍ତକାରୀ ଅଧିକାରୀଙ୍କ ସୂଚନା ଅନୁଯାୟୀ, ଏହି ମାମଲାରେ ସଂସ୍ଥା ହାତରେ କିଛି ନୂଆ ପ୍ରମାଣ ଓ ତଥ୍ୟ ଲାଗିଛି।

ଏହି ଅତିରିକ୍ତ ସାମଗ୍ରୀ ସମ୍ପର୍କରେ ବିଜୟଙ୍କଠାରୁ ଅଧିକ ସ୍ପଷ୍ଟୀକରଣ ଆବଶ୍ୟକ ଥିବାରୁ ତାଙ୍କୁ ତୃତୀୟ ଥର ପାଇଁ ନୋଟିସ ଜାରି କରାଯାଇଛି। ଗତ ୨୭ ସେପ୍ଟେମ୍ବର ୨୦୨୫ରେ ତାମିଲନାଡୁର କରୁର ଜିଲ୍ଲାରେ ବିଜୟଙ୍କ ଦ୍ୱାରା ଏକ ବିଶାଳ ରାଜନୈତିକ ରାଲି ଆୟୋଜନ କରାଯାଇଥିଲା। ଏହି ସମୟରେ ଅତ୍ୟଧିକ ଭିଡ଼ ଯୋଗୁଁ ଭୟଙ୍କର ଦଳାଚକଟା ହୋଇଥିଲା, ଯେଉଁଥିରେ: ୪୧ ଜଣ ବ୍ୟକ୍ତି ପ୍ରାଣ ହରାଇଥିଲେ।୬୦ ରୁ ଅଧିକ ଲୋକ ଗୁରୁତର ଆହତ ହୋଇଥିଲେ। ସୁରକ୍ଷା ବ୍ୟବସ୍ଥାରେ ତ୍ରୁଟି ଏବଂ ଏହି ଦୁଃଖଦ ଘଟଣା ପାଇଁ ଦାୟୀ କିଏ, ସେ ନେଇ ସିବିଆଇ ନିଜର ତଦନ୍ତ ଜାରି ରଖିଛି।
ମହିଳାଙ୍କ ସୁରକ୍ଷା ପାଇଁ ଗଠନ ହେଲା ‘ନିର୍ଭୟା ବାହିନୀ’

ଆନ୍ତର୍ଜାତିକ ମହିଳା ଦିବସ ଅବସରରେ ଓଡ଼ିଶା ଯୁବ ସାଂସ୍କୃତିକ ସଂସଦ ପକ୍ଷରୁ ରାଜଧାନୀରେ ଏକ ଭବ୍ୟ ‘ନିର୍ଭୟା ସମାରୋହ’ ଆୟୋଜିତ ହୋଇଯାଇଛି। ମହିଳାଙ୍କ ସମ୍ମାନ ଓ ସୁରକ୍ଷାକୁ ପ୍ରାଧାନ୍ୟ ଦେଇ ଆୟୋଜିତ ଏହି କାର୍ଯ୍ୟକ୍ରମରେ ରାଜ୍ୟର କୋଣ ଅନୁକୋଣରୁ ଶତାଧିକ ମହିଳା ସାମିଲ ହୋଇଥିଲେ। କାର୍ଯ୍ୟକ୍ରମର ଶୁଭାରମ୍ଭରେ ମାଷ୍ଟର କ୍ୟାଣ୍ଟିନ ଛକରୁ ରାମ ମନ୍ଦିର ପର୍ଯ୍ୟନ୍ତ ଏକ ବିଶାଳ ପଦଯାତ୍ରା ଅନୁଷ୍ଠିତ ହୋଇଥିଲା। ଏଥିରେ ମହିଳାମାନେ ନିଜର ଅଧିକାର ଏବଂ ସୁରକ୍ଷା ସମ୍ପର୍କିତ ସ୍ଲୋଗାନ ଦେଇ ସମାଜରେ ସଚେତନତା ସୃଷ୍ଟି କରିଥିଲେ।

ପଦଯାତ୍ରା ପରେ ଏକ ସ୍ଥାନୀୟ ହୋଟେଲରେ ମୁଖ୍ୟ ସମାରୋହ ଆୟୋଜିତ ହୋଇଥିଲା। ଶୀତକଣ୍ଠ ଦାଶ: ଅଧ୍ୟକ୍ଷ, କଳିଙ୍ଗ ହସ୍ପିଟାଲ, ଗୁରୁ କଲ୍ୟାଣ ମହାପାତ୍ର: ସମ୍ପାଦକ, ଦୈନିକ ଖବରକାଗଜ ‘ସମୟ’, ବିକେ ଦୁର୍ଗେଶ ନନ୍ଦିନୀ, ପ୍ରଫେସର ସୋମା ଚାନ୍ଦ, ଶକୁନ୍ତଳା ବଳିୟାର ସିଂ: ବିଶିଷ୍ଟ ଲେଖିକା, ଏହି ଅବସରରେ ଏକ ବଡ଼ ଘୋଷଣା କରାଯାଇଛି। ମହିଳାଙ୍କୁ ନ୍ୟାୟ ଓ ସୁରକ୍ଷା ଯୋଗାଇଦେବା ଲକ୍ଷ୍ୟରେ ‘ନିର୍ଭୟା ବାହିନୀ’ ଗଠନ କରାଯାଇଛି। ରାଜ୍ୟର ପ୍ରତି ବ୍ଲକର ମହିଳାଙ୍କୁ ଏହି ବାହିନୀରେ ଯୋଡ଼ି ନାରୀ ଅଧିକାର ପାଇଁ ଲଢ଼େଇ କରିବା ଏବଂ ସେମାନଙ୍କୁ ଆଇନଗତ ସହାୟତା ପ୍ରଦାନ କରିବା। ସମାଜର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ପ୍ରତିଭାବାନ ମହିଳାମାନଙ୍କୁ ‘ନିର୍ଭୟା ପୁରସ୍କାର ୨୦୨୬’ ରେ ସମ୍ମାନିତ କରାଯାଇଥିଲା। ଏହା ସହିତ ମଞ୍ଚରେ ମନୋରମ ଓଡ଼ିଶୀ ନୃତ୍ୟ ଏବଂ ସଙ୍ଗୀତ ପରିବେଷଣ କରାଯାଇ କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରାଯାଇଥିଲା।
ବାହାରିଲା କ୍ଷେପଣାସ୍ତ୍ର, ଇରାନ ନୁହେଁ ଏଥର ରୁଷ କରିବ ଯୁଦ୍ଧ

ଯେଉଁ କଥାକୁ ନେଇ ପୁରା ବିଶ୍ୱ ଡରୁଥିଲା ଏବେ ତାହା ହିଁ ହେଲା , ଯେଉଁ ରୁଷକୁ ଡରୁଥିଲେ ଆମେରିକା ଓ ଇସ୍ରାଏଲ ଏବେ ସେହି ରୁଷ ସାମ୍ନାକୁ ଆସିଛି ଆଉ ଯୁଦ୍ଧ ପାଇଁ ସଜବାଜ ହେଉଥିବା ମଧ୍ୟ ଚର୍ଚା ଜୋର ଧରିଲାଣି | କାରଣ ଲଗାତାର ଗୋଟିଏ ଦେଶ ଉପରେ ଆଜିକୁ 10 ଦିନ ଧରି ଆମେରିକା , ଇସ୍ରାଏଲ ଓ ପଡୋଶୀ ରାଷ୍ଟ୍ର ମାନେ ଯେଉଁଭଳି ଆକ୍ରମଣ କରୁଛନ୍ତି ତାକୁ ଦେଖି ଆଉ ସହି ପାରିଲାନି ବନ୍ଧୁ ରାଷ୍ଟ୍ର ରୁଷ | ବଢୁଥିବା ଉତ୍ତେଜନା ମଧ୍ୟରେ ଏବେ ଖୋଲାଖୋଲି ଭାବେ ଇରାନ ସପକ୍ଷରେ ବାହାରିଛି ରୁଷ୍। ଆମେରିକା ଓ ଇସ୍ରାଏଲ ବିରୋଧୀ ଯୁଦ୍ଧରେ ରୁଷ୍ ପ୍ରତ୍ୟକ୍ଷ ଭାବେ ସାମିଲ ହୋଇନଥିଲେ ମଧ୍ୟ ଇରାନକୁ ସମସ୍ତ ପ୍ରକାର ଆନୁଷଙ୍ଗିକ ସହାୟତା ଯୋଗାଇ ଦେଉଛି। ବିଶେଷ କରି ଆମେରିକାର ସାମରିକ ଗତିବିଧି ଓ ଗୁଇନ୍ଦା ସୂଚନା ପ୍ରଦାନ କରି ରୁଷ୍, ଇରାନର ଶକ୍ତି ପାଲଟିଛି। ସାମ୍ପ୍ରତିକ ସ୍ଥିତିରେ ଲେବାନନ୍‌ର ବେରୁଟ୍‌ରେ ଫସି ରହିଥିବା ଇରାନର ରାଷ୍ଟ୍ରଦୂତ ଓ ଅନ୍ୟାନ୍ୟ ନାଗରିକଙ୍କୁ ରୁଷ୍ ଏହାର ସ୍ୱତନ୍ତ୍ର ବିମାନ ଯୋଗେ ଉଦ୍ଧାର କରିଛି। ଲେବାନନ୍‌ର ଜଣେ ବରିଷ୍ଠ ଅଧିକାରୀଙ୍କ ସୂଚନା ଅନୁଯାୟୀ ଶନିବାର ରାତିରେ ରୁଷ୍‌ର ଏକ ବିମାନ ଯୋଗେ ୧୧୭ ଜଣ ଇରାନୀ ନାଗରିକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।ଏହି ଉଦ୍ଧାର ହୋଇଥିବା ଲୋକଙ୍କ ମଧ୍ୟରେ ଇରାନର ରାଷ୍ଟ୍ରଦୂତ ଏବଂ ଦୂତାବାସର ଅନ୍ୟାନ୍ୟ ପ୍ରମୁଖ କର୍ମଚାରୀ ରହିଛନ୍ତି। ସୂଚନାଯୋଗ୍ୟ ଯେ, ବେରୁଟ୍‌ରେ ସକ୍ରିୟ ଥିବା ଇରାନ ସମର୍ଥିତ ହେଜବୋଲ୍ଲା ଆତଙ୍କବାଦୀ ସଂଗଠନକୁ ନିପାତ କରିବା ପାଇଁ ଇସ୍ରାଏଲ ଏବେ ଆକ୍ରମଣକୁ ଜୋରଦାର କରିଛି। ଇସ୍ରାଏଲର ଏହି ନିରନ୍ତର ଏୟାରଷ୍ଟ୍ରାଇକ୍ ଯୋଗୁଁ ଲେବାନନ୍‌ରେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି। ଲେବାନନ୍ ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ, ଇସ୍ରାଏଲର ଏହି ସାମରିକ କାର୍ଯ୍ୟାନୁଷ୍ଠାନରେ ଏପର୍ଯ୍ୟନ୍ତ ୩୯୪ ଜଣ ନିରୀହ ନାଗରିକଙ୍କର ମୃତ୍ୟୁ ହେଲାଣି। ଏଭଳି ସଙ୍କଟ ସମୟରେ ରୁଷ୍‌ର ସହାୟତା ଇରାନ ପାଇଁ ଏକ ବଡ଼ ଆଶ୍ୱସ୍ତି ପାଲଟିଥିବା ବେଳେ, ଏହା ବିଶ୍ୱ ରାଜନୀତିରେ ଏକ ନୂଆ ସମୀକରଣ ସୃଷ୍ଟି କରିଛି। ଇସ୍ରାଏଲ ପକ୍ଷରୁ ରବିବାର ଇରାନର ଇସ୍‌ପାହାନ ବିମାନ ବନ୍ଦର ଉପରେ ଆକ୍ରମଣ କରାଯାଇଛି। ଏହି ଆକ୍ରମଣରେ ଇରାନ ବାୟୁସେନାର ଏକ ଏଫ୍‌-୧୪ ଯୁଦ୍ଧବିମାନ ନଷ୍ଟ ହୋଇଥିବାର ସୂଚନା ମିଳିଛି। ଏହାବ୍ୟତୀତ ଇସ୍ରାଏଲର ଲଢୁଆ ଜେଟ୍‌ଗୁଡିକ ଇରାନ ରାଜଧାନୀ ତେହେରାନରେ ଥିବା ତୈଳ ଡିପୋ ଏବଂ ବିଶୋଧନାଗାର ଉପରେ ବୋମାମାଡ କରିଥିବା ଜଣାପଡିଛି। ଏହି ଆକ୍ରମଣ ପାଇଁ ଇରାନ ପକ୍ଷରୁ ଇସ୍ରାଏଲ ଓ ଆମେରିକାକୁ ଦାୟୀ କରାଯାଇଛି। ଆମେରିକା ଏହାର ଫଳ ଭୋଗିବ ବୋଲି ଇରାନର ଜଣେ ବରିଷ୍ଠ ଅଧିକାରୀ କହିଛନ୍ତି। ତେବେ ଆଗକୁ ଆମେରିକା ଓ ରୁଷ ମଧ୍ୟରେ ଯଦି ପତ୍ୟକ୍ଷ କିମ୍ବା ପରୋକ୍ଷରେ ଯୁଦ୍ଧ ଆରମ୍ଭ ହୋଇଯାଏ ତେବେ ଏହା ପୁରା ବିଶ୍ୱ ପାଇଁ ଏକେ ବଡ ବିପଦ ସୃଷ୍ଟି କରିବା ନେଇ ଆଶଙ୍କା
ଚାକିରି ନାହିଁ, ଭତ୍ତା ଅଛି! ୧୫୦୦ ପାଇଁ ଧାଡ଼ିରେ ଉଚ୍ଚଶିକ୍ଷିତ ଯୁବକ

ମମତା ବାନାର୍ଜୀ ସରକାର ଯୁବ ସାଥୀ ଯୋଜନା ଆରମ୍ଭ କରିଥିଲେ, ଯେଉଁଥିରେ ଚାକିରି ନଥିବା ଯୁବକମାନଙ୍କୁ ପ୍ରତିମାସ ୧୫୦୦ ଟଙ୍କା ଦିଆଯିବ, ଯାହା ଦ୍ୱାରା ସେମାନେ ନିଜକୁ ପ୍ରତିପୋଷଣ କରିପାରିବେ। ଏହି ଯୋଜନା ୧ ଏପ୍ରିଲରୁ ଆରମ୍ଭ ହେବ।୨୧ ରୁ ୪୦ ବର୍ଷ ବୟସର ବେକାର ଯୁବକମାନଙ୍କ ପାଇଁ, ଏହି ଯୋଜନା ସର୍ବାଧିକ ୫ ବର୍ଷ ପାଇଁ ରହିବ। ବଙ୍ଗଳାର ସମସ୍ତ ୨୫୪ ନିର୍ବାଚନମଣ୍ଡଳୀରେ ଯୁବ ସାଥୀ ଶିବିରଗୁଡ଼ିକ କାର୍ଯ୍ୟ କରୁଛନ୍ତି।
ଲକ୍ଷ ଲକ୍ଷ ବେକାର ଯୁବକ ଏହି ୧୫୦୦ ଟଙ୍କା ପାଇଁ ଧାଡ଼ିରେ ଠିଆ ହୋଇଛନ୍ତି, ଏହି ଯୁବକମାନଙ୍କ ମଧ୍ୟରୁ କିଛି ଉଚ୍ଚଶିକ୍ଷିତ, MBA ରୁ BTech ପର୍ଯ୍ୟନ୍ତ ଧାଡ଼ିରେ ଠିଆ ହୋଇଛନ୍ତି। ଏହି ବେକାର ଯୁବକମାନେ ଏହି ପ୍ରକାରର ଭତ୍ତା ଅପେକ୍ଷା ସ୍ଥିର ଚାକିରି ଚାହାଁନ୍ତି। ଏନେଇ ବିରୋଧୀମାନେ କହୁଛନ୍ତି ଯେ ଏହି ଯୁବ ସାଥୀ ଯୋଜନା ଦର୍ଶାଉଛି ଯେ ମମତା ବାନାର୍ଜୀ ସରକାର ପଡ଼ୋଶୀ ରାଜ୍ୟରେ ଚାକିରି ଖୋଜିବାକୁ ପଶ୍ଚିମବଙ୍ଗ ଛାଡି ଯାଉଥିବା ଯୁବକମାନଙ୍କୁ ଚାକିରି ଦେଇ ପାରୁନାହାଁନ୍ତି।
ବିଚାରପତି ବନାମ ଓକିଲ,କୋଲକାତା ଷ୍ଟାଡିୟମରେ ଜୋରଦାର ଲଢେଇ

ବିଚାରପତି ବନାମ ଓକିଲ । କୋଲକାତାର ହାଇକୋର୍ଟ କ୍ଲବ ଦ୍ୱାରା ଇଡେନ ଗାର୍ଡେନରେ ହାଇକୋର୍ଟ ବିଚାରପତି ବନାମ ଆଟର୍ଣ୍ଣି ଜେନେରାଲଙ୍କ ମଧ୍ୟରେ ଏକ କ୍ରିକେଟ ମ୍ୟାଚ୍ ଆୟୋଜନ କରାଯାଇଥିଲା । କୋଲକାତା ହାଇକୋର୍ଟ କ୍ଲବର ସହାୟକ ସଚିବ ଆଡଭୋକେଟ ଅଶୋକ ଦାସ, ଯିଏ ଜଣେ ପ୍ରବାସୀ ଓଡ଼ିଆ ଏବଂ କୋଲକାତା ହାଇକୋର୍ଟରେ ଜଣେ ସଫଳ ଓକିଲ ଭାବରେ ଅଭ୍ୟାସ କରୁଛନ୍ତି, ଏହି ଟୁର୍ଣ୍ଣାମେଣ୍ଟର ଦାୟିତ୍ୱରେ ଥିଲେ । ସେ ଟ୍ରଫି ଜିତିଥିବା ଦଳର ଅଂଶ ଥିଲେ । କୋଲକାତାର ଆମ ଓଡ଼ିଆ ସମାଜ ପାଇଁ ଇଡେନ ଗାର୍ଡେନରେ ଆମର ଖେଳ ଦେଖିବା ଗର୍ବର ମୁହୂର୍ତ୍ତ ଥିଲା ଯେଉଁଠାରେ ଆନ୍ତର୍ଜାତୀୟ ମ୍ୟାଚ୍ ଅନୁଷ୍ଠିତ ହୁଏ ।

କୋଲକାତାରୁ ସମ୍ବିତ ଦାସ ସୂଚନା ଟିଭି
ରାଷ୍ଟ୍ରପତିଙ୍କୁ ଅସମ୍ମାନ କରି ଫସିଲେ ମମତା ଦିଦି

ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ପଶ୍ଚିମବଙ୍ଗ ସରକାରଙ୍କ ଅପମାନ ପରେ ପଡୁଛି ଉଠୁଛି ପୁରା ଦେଶ | ରାଷ୍ଟ୍ରପତିଙ୍କୁ ଏଭଳି ଅସମ୍ମାନ କରି ମହା ଭୁଲ କରିଦେଇଛନ୍ତି ମମତା ବାନାର୍ଜୀ | ଯେଉଁଥିପାଇଁ ମମତାଙ୍କୁ ରାଜ୍ୟ ଠାରୁ ଦେଶ ସବୁ ଆଡେ ନିନ୍ଦା ଶୁଣିବାକୁ ପଡୁଛି | ଯାହାଙ୍କୁ ସାରା ଦେଶ ମାନୁଛି, ଯିଏ ଦେଶର ସର୍ବୋଚ୍ଚ ନାଗରିକ ତାଙ୍କୁ ଅପମାନିତ କରି ମମତା ଯେଉଁ ଭୁଲ କରିଛନ୍ତି ସେଥିପାଇଁ ତାଙ୍କୁ ବହୁମୂଲ୍ୟ ଦେବାକୁ ପଡିବ | ନିଜ ରାଜ୍ୟରେ ନିଜ ସିଂହ ଭାବୁଥିବ ମମତା ଦିଦି ଏବେ କଣ କରିବେ ନିଜେ ଜାଣି ପାରୁ ନାହାନ୍ତି , ମୁହଁ ଫୁଟାଣି ମାରି ପ୍ରଟୋକଲ ଭାଙ୍ଗିବା ପରେ ନିଜ ରାଜ୍ୟରେ ଏବେ ମମତାଙ୍କୁ ଘେରିଛନ୍ତି ବିରୋଧୀ | ମମତାଙ୍କୁ ଲୋକେ ଛି ଛକରା କରିବା ସହ ଜଣେ ମୁଖ୍ୟମନ୍ତ୍ରୀ ଏତେ ବଡ଼ ଭୁଲ କେମିତି କରି ପାରିଲେ ବୋଲି ପ୍ରଶ୍ନ କରୁଛନ୍ତି |

ପଶ୍ଚିମବଙ୍ଗ ଗସ୍ତରେ ଥିବା ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ନେଇ ଏକ ବଡ଼ ବିବାଦ ମୁଣ୍ଡ ଟେକିଛି। ୯ମ ଆନ୍ତର୍ଜାତୀୟ ସାନ୍ତାଳୀ ସମ୍ମିଳନୀ ଅବସରରେ ରାଷ୍ଟ୍ରପତିଙ୍କୁ ଉଚିତ ସମ୍ମାନ ଏବଂ ପ୍ରୋଟୋକଲ୍ ଦିଆଯାଇ ନଥିବା ନେଇ ଅଭିଯୋଗ ହୋଇଛି। ଏହି ଘଟଣାକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ରାଷ୍ଟ୍ରପତିଙ୍କ ଗସ୍ତ ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ କିମ୍ବା ତାଙ୍କର କୌଣସି କ୍ୟାବିନେଟ୍ ମନ୍ତ୍ରୀ ତାଙ୍କୁ ସ୍ୱାଗତ କରିବାକୁ ଉପସ୍ଥିତ ନଥିଲେ, ଯାହାକୁ ନେଇ ରାଷ୍ଟ୍ରପତି ନିଜେ କ୍ଷୋଭ ପ୍ରକାଶ କରିଛନ୍ତି। ସାନ୍ତାଳୀ ସମ୍ମିଳନୀ ପାଇଁ ପୂର୍ବରୁ ସ୍ଥିର ହୋଇଥିବା ଏକ ବଡ଼ ପଡ଼ିଆ ପରିବର୍ତ୍ତେ ଏକ ଛୋଟ ଏବଂ ସଙ୍କୁଚିତ ସ୍ଥାନକୁ ସଭା ସ୍ଥଳ ସ୍ଥାନାନ୍ତର କରାଯାଇଥିଲା, ଯେଉଁଥିପାଇଁ ହଜାର ହଜାର ଆଦିବାସୀ ଶ୍ରଦ୍ଧାଳୁ ରାଷ୍ଟ୍ରପତିଙ୍କୁ ଦେଖିବାରୁ ବଞ୍ଚିତ ହୋଇଥିଲେ। ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି ଯେ, “ମୁଁ ମଧ୍ୟ ବଙ୍ଗଳାର ଝିଅ ଏବଂ ମମତା ମୋର ସାନ ଭଉଣୀ ପରି। ମୁଁ ଜାଣିନି ସେ କାହିଁକି ରାଗିଛନ୍ତି କିମ୍ବା କାହିଁକି ଏଭଳି ବ୍ୟବସ୍ଥା କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଘଟଣାକୁ “ଲଜ୍ଜାଜନକ ଏବଂ ଅଭୂତପୂର୍ବ” ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ ଟିଏମସି ସରକାର ସମସ୍ତ ସୀମା ଅତିକ୍ରମ କରିଛି ଏବଂ ଜଣେ ଆଦିବାସୀ ମହିଳା ରାଷ୍ଟ୍ରପତିଙ୍କୁ ଅପମାନିତ କରିବା ଦେଶର ଗଣତନ୍ତ୍ର ପାଇଁ ଏକ କଳା ଦିନ।

ଅପରପକ୍ଷରେ, ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସୋସିଆଲ ମିଡିଆ ମାଧ୍ୟମରେ ମମତା ବାନାର୍ଜୀଙ୍କୁ ଟାର୍ଗେଟ୍ କରିଛନ୍ତି। ସେ କହିଛନ୍ତି ଯେ ଓଡ଼ିଶାର ଝିଅ ତଥା ଦେଶର ପ୍ରଥମ ନାଗରିକଙ୍କୁ ଏଭଳି ଅପମାନ କରି ମମତା ବାନାର୍ଜୀ ନିଜର ସଂକୀର୍ଣ୍ଣ ମାନସିକତାର ପରିଚୟ ଦେଇଛନ୍ତି। ଆଦିବାସୀ ସମ୍ପ୍ରଦାୟ ଏହାର ଉଚିତ ଜବାବ ଦେବ। ରାଜନୈତିକ ମହଲରେ ଚର୍ଚ୍ଚା ହେଉଛି ଯେ ଏହି ସମ୍ବିଧାନିକ ଅବମାନନା ପାଇଁ ମମତା ବାନାର୍ଜୀଙ୍କୁ ବଡ଼ ମୂଲ୍ୟ ଦେବାକୁ ପଡ଼ିପାରେ। ବିଜେପି ଏବଂ ଅନ୍ୟ ବିରୋଧୀ ଦଳଗୁଡ଼ିକ ମମତାଙ୍କ ବିରୋଧରେ କଡ଼ା ର୍ଯ୍ୟାନୁଷ୍ଠାନ ଦାବି କରିଛନ୍ତି। ଏହି ମାମଲାଟି ଆଗକୁ ଯାଇ ଆଇନଗତ ରୂପ ନେଇପାରେ ବୋଲି ଅନୁମାନ କରାଯାଉଛି।
ପୂର୍ବ ବିଜେଡି ସରକାରକୁ ଟାର୍ଗେଟ୍ କଲେ ଅମିତ ଶାହ, କହିଲେ– ୨ ଦଶକର ଅଭାବ ୫ ବର୍ଷରେ ପୂରଣ କରିବୁ

କେନ୍ଦ୍ର ଗୃହମନ୍ତ୍ରୀ ଅମିତ ଶାହ ପୂର୍ବତନ ବିଜୁ ଜନତା ଦଳ (ବିଜେଡି) ସରକାରକୁ ତୀବ୍ର ଭାବରେ ଟାର୍ଗେଟ୍ କରିଛନ୍ତି। ସେ କହିଛନ୍ତି ଯେ, ଗତ ଦୁଇ ଦଶକରେ ଯାହା ଉନ୍ନତି ହୋଇନଥିଲା, ସେହି ଅଭାବକୁ ଆଗାମୀ ୫ ବର୍ଷରେ ପୂରଣ କରିବାକୁ ସରକାର ପ୍ରତିବଦ୍ଧ।

ଭୁବନେଶ୍ୱରର IDCO ପ୍ରଦର୍ଶନୀ ପଡିଆ ଠାରେ ୩,୨୭୫ କୋଟି ଟଙ୍କାର ବିଭିନ୍ନ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କାର୍ଯ୍ୟକ୍ରମରେ ଯୋଗଦେଇ ସେ ଏହି କଥା କହିଛନ୍ତି। ସଭାକୁ ସମ୍ବୋଧନ କରି ଅମିତ ଶାହ କହିଥିଲେ ଯେ, ପୂର୍ବ ସରକାର ଦୁଇ ଦଶକ ଧରି ଓଡ଼ିଶାର ବିକାଶକୁ ଅବହେଳା କରିଥିଲେ। ଓଡ଼ିଶାର ଲୋକେ ପୁନଃପୁନି ଭୋଟ୍ ଦେଇଥିଲେ ମଧ୍ୟ ସେହି ସରକାର ଏହାକୁ ଜନତାଙ୍କ ବାଧ୍ୟତା ବୋଲି ଭାବିଥିବାକୁ ସେ କଟାକ୍ଷ କରିଥିଲେ। ଶାହ କହିଥିଲେ, “୨୦ ବର୍ଷ ଧରି ଓଡ଼ିଶାର ବିକାଶ ଠପ୍ ଥିଲା। ଯାହା ଦୁଇ ଦଶକରେ ହୋଇନଥିଲା, ଆମେ ତାହାକୁ ଆଗାମୀ ୫ ବର୍ଷରେ କରିଦେଖାଇବୁ।”

ଏହା ସହିତ ସେ କହିଥିଲେ ଯେ ପ୍ରତିଶ୍ରୁତି ଅନୁଯାୟୀ ବଡମ୍ବାରେ ବନ୍ଦ ହୋଇଥିବା ଚିନି କରଖାନାକୁ ପୁନର୍ବାର କାର୍ଯ୍ୟକ୍ଷମ କରାଯାଇଛି। ଏବଂ ଆଗାମୀ ଦିନରେ ନୟାଗଡ଼ରେ ମଧ୍ୟ ଚିନି କରଖାନା ଚାଲୁ କରାଯିବ ବୋଲି ସେ ପ୍ରତିଶ୍ରୁତି ଦେଇଛନ୍ତି।