Blog

ଇରାନ ଉପରେ ଆକ୍ରମଣ କରିପାରୁଥିବା ସ୍ଥାନଗୁଡ଼ିକର ଏକ ଗୁପ୍ତ ତାଲିକା ସେୟାର କରିଛି ଆମେରିକା।

ଆମେରିକା, ବ୍ରିଟେନ, ଫ୍ରାନ୍ସ, ଇସ୍ରାଏଲ ଏବଂ ଚାରୋଟି ଆରବ ଦେଶ ସହିତ ମିଶି ଇରାନ ଉପରେ ଆକ୍ରମଣ ପାଇଁ ଏକ ଗୁପ୍ତ ଟାର୍ଗେଟ ତାଲିକା ପ୍ରସ୍ତୁତ କରିଛି। ମୁଖ୍ୟ ଟାର୍ଗେଟ ହେଉଛି ପରମାଣୁ ସ୍ଥାନ (ଫୋର୍ଡୋ, ନାଣ୍ଟେସ ଏବଂ ଇସଫାହାନ), IRGC କମାଣ୍ଡର, ବାଲିଷ୍ଟିକ୍ କ୍ଷେପଣାସ୍ତ୍ର କାରଖାନା ଏବଂ ରଣନୈତିକ ଘାଟି। ଟ୍ରମ୍ପ ପ୍ରତିବାଦ ଏବଂ ପରମାଣୁ କାର୍ଯ୍ୟକ୍ରମକୁ ଧମକ ଦେଇଛନ୍ତି, କିନ୍ତୁ ଏପର୍ଯ୍ୟନ୍ତ କୌଣସି ଆକ୍ରମଣ ହୋଇନାହିଁ।

ଆରବ ଦେଶଗୁଡ଼ିକ ଯୁଦ୍ଧକୁ ଭୟ କରୁଛନ୍ତି। ମଧ୍ୟପ୍ରାଚ୍ୟରେ ଉତ୍ତେଜନା ବୃଦ୍ଧି ପାଉଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନରେ ଚାଲିଥିବା ପ୍ରତିବାଦ ଏବଂ ଏହାର ପରମାଣୁ କାର୍ଯ୍ୟକ୍ରମକୁ ନେଇ ଆକ୍ରମଣ କରିବାକୁ ଧମକ ଦେଇଛନ୍ତି। ରିପୋର୍ଟ ଅନୁଯାୟୀ, ଆମେରିକା, ୟୁକେ, ଫ୍ରାନ୍ସ, ଇସ୍ରାଏଲ ଏବଂ ଚାରିଟି ଆରବ ଦେଶ ସହିତ ମିଶି ଇରାନ ବିରୁଦ୍ଧରେ ଆକ୍ରମଣ ପାଇଁ ଏକ ଟାର୍ଗେଟ ତାଲିକା ପ୍ରସ୍ତୁତ କରିଛି।

ଇରାନ ଏବଂ ଆମେରିକା ଏବଂ ଇସ୍ରାଏଲ ବର୍ଷ ବର୍ଷ ଧରି ପରସ୍ପର ବିରୋଧୀ ହୋଇ ଆସୁଛନ୍ତି। ଓବାମାଙ୍କ ସମୟରେ ୨୦୧୫ରେ ଏକ ପରମାଣୁ ଚୁକ୍ତି ସ୍ୱାକ୍ଷରିତ ହୋଇଥିଲା, କିନ୍ତୁ ଟ୍ରମ୍ପ ୨୦୧୮ରେ ଏହାକୁ ଭାଙ୍ଗି ଦେଇଥିଲେ। ଇରାନ ପୁଣି ଥରେ ୟୁରାନିୟମ ସମୃଦ୍ଧି ବୃଦ୍ଧି କରିଥିଲା। ଜୁନ୍ ୨୦୨୫ରେ ଇସ୍ରାଏଲ ଇରାନର ପରମାଣୁ ସ୍ଥାନ ଉପରେ ଆକ୍ରମଣ କରିଥିଲା। ତା’ପରେ ଆମେରିକା ତିନୋଟି ସ୍ଥାନରେ ବୋମା ପକାଇଥିଲା।
ବଡ଼ବିଲରେ ଆନନ୍ଦ ଓ ଉତ୍ସାହର ଝଲକ, ଉଦଘାଟିତ ହେଲା ୨୬ତମ ବଡ଼ବିଲ ମହୋତ୍ସବ

ବଡ଼ବିଲ: ଆନନ୍ଦ ଓ ଉଦ୍ଦୀପନାର ପରିବେଶ ମଧ୍ୟରେ ଗୁରୁବାର ସନ୍ଧ୍ୟାରେ ୨୬ତମ ବଡ଼ବିଲ ମହୋତ୍ସବର ଭବ୍ୟ ଉଦଘାଟନ ହୋଇଯାଇଛି। ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ମୁଖ୍ୟ ଅତିଥି ଭାବେ ଯୋଗଦେଇ ମହୋତ୍ସବର ଶୁଭ ଉଦ୍ଘାଟନ କରିଥିଲେ।ପରମ୍ପରା ଅନୁଯାୟୀ ଅପରାହ୍ନରେ ବଡ଼ବିଲ ହରିହର ମନ୍ଦିରରେ ପୂଜାର୍ଚ୍ଚନା ପରେ ଶୁଭ ଦୀପକୁ କେନ୍ଦ୍ର କରି ଢୋଲ–ତାମସାର ତାଳେ ତାଳେ ଏକ ଶୋଭାଯାତ୍ରା ଉତ୍ସବ ପଡ଼ିଆ ପର୍ଯ୍ୟନ୍ତ ଆଗୁଆଡ଼ିଥିଲା। ଏଥିରେ ବହୁ ସଂଖ୍ୟାରେ ସହରବାସୀ ସାମିଲ ହୋଇଥିଲେ।

ସନ୍ଧ୍ୟାରେ ଆୟୋଜିତ ଉଦଘାଟନୀ ସଭାରେ ମନ୍ତ୍ରୀ ଶ୍ରୀ ଖୁଣ୍ଟିଆ ଆନୁଷ୍ଠାନିକ ଭାବେ ୨୬ତମ ବଡ଼ବିଲ ମହୋତ୍ସବକୁ ଉଦଘାଟନ କରିଥିଲେ। ପ୍ରବଳ ଶୀତ ସତ୍ୱେ ମଧ୍ୟ ଦର୍ଶକଙ୍କ ମଧ୍ୟରେ ଉତ୍ସାହ ଚରମ ସୀମାରେ ପହଞ୍ଚିଥିବା ଦେଖିବାକୁ ମିଳିଥିଲା। ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମଞ୍ଚସ୍ଥ ହୋଇଥିଲା। କରଞ୍ଜିଆର ମଲଖାମ୍ ଓ ସମ୍ବଲପୁରର ଡାଲଖାଇ ନୃତ୍ୟ ଦର୍ଶକଙ୍କୁ ଆକୃଷ୍ଟ କରିଥିଲା। ବିଳମ୍ବିତ ସନ୍ଧ୍ୟାରେ ଓଡ଼ିଶାର ସ୍ୱନାମଧନ୍ୟ କଣ୍ଠଶିଳ୍ପୀ ବର୍ଣ୍ଣାଳି ହୋତାଙ୍କ ମେଲୋଡି କାର୍ଯ୍ୟକ୍ରମରେ ମଞ୍ଚ ସହ ଦର୍ଶକଦୀର୍ଘା ଝୁମିଉଠିଥିଲା।

ଚାରି ଦିନ ଧରି ଚାଲିବାକୁ ଥିବା ଏହି ମହୋତ୍ସବରେ ବିଭିନ୍ନ ନୃତ୍ୟ ପ୍ରଦର୍ଶନୀ, ଡଗ୍ ସୋ’, ଲିଟିଲ୍ ମିସ୍ କଣ୍ଟେଷ୍ଟ ସହ ଅନେକ ପ୍ରତିଯୋଗିତା ଆୟୋଜିତ ହୋଇଛି। ଆଗାମୀ ଦିନରେ ଓଲିଉଡ୍ ଓ ବଲିଉଡର ବହୁ ଖ୍ୟାତନାମା କଳାକାର ମହୋତ୍ସବରେ ଯୋଗଦେବେ ବୋଲି ଆୟୋଜକ କମିଟି ପକ୍ଷରୁ ସୂଚନା ଦିଆଯାଇଛି।
ପଶ୍ଚିମବଙ୍ଗକୁ ଚାଲାଣ ହେଉଛି ଓଡ଼ିଶା ଧାନ

ପଶ୍ଚିମବଙ୍ଗକୁ ଚାଲାଣ ହେଉଛି ଓଡ଼ିଶା ଧାନ । ଯୋଗାଣ ବିଭାଗର ଚଢ଼ାଉରେ ୯ ଶହ କୁଇଣ୍ଟାଲ ଧାନ ଜବତ । ପଶ୍ଚିମବଙ୍ଗକୁ ଓଡ଼ିଶାରୁ ଚୋରା ଧାନ ଚାଲାଣ ହେଉଥିବା ନେଇ ଅଭିଯୋଗ ପରେ ଜିଲ୍ଲା ଯୋଗାଣ ବିଭାଗ ପକ୍ଷରୁ ବଡ଼ କାର୍ଯ୍ୟାନୁଷ୍ଠାନ ନିଆଯାଇଛି। ପଡୋଶୀ ପଶ୍ଚିମବଙ୍ଗରୁ ଓଡିଶା ଭିତରକୁ ଧାନ ଚୋରା ଚାଲାଣ ହେଉଥିଲା ବେଳେ ଖବର ପାଇ ମାଡି ବସିଛି ଜିଲ୍ଲା ଯୋଗାଣ ବିଭାଗ । ସୂଚନା ଅନୁସାରେ, ଧାନ ଚୋରା ଚାଲାଣ ହେଉଥିବା ଖବର ପାଇ ଯୋଗାଣ ବିଭାଗର ଟିମ୍ ଲକ୍ଷ୍ମଣନାଥ ଟୋଲ ଗେଟ ନିକଟରେ ନଜର ରଖିଥିଲେ। ସନ୍ଦେହଜନକ ଟ୍ରକକୁ ଅଟକାଇ ତଲାଶି ନେବା ପରେ ଆନୁମାନିକ ୯ ଶହ କୁଇଣ୍ଟାଲରୁ ଅଧିକ ଧାନ ଜବତ କରାଯାଇଛି । ଧାନ ଚାଲାଣ ସମ୍ପର୍କରେ କୌଣସି ବୈଧ କାଗଜପତ୍ର ଦେଖାଇ ପାରିନଥିବାରୁ ଟ୍ରକ ସହ ସମସ୍ତ ଧାନକୁ ଜବତ କରାଯାଇଛି। ଏହି ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରହିଥିବା ସହ ଚୋରା ଚାଲାଣ ପଛରେ ଥିବା ଚକ୍ରକୁ ଧରିବାକୁ ପ୍ରୟାସ ଜାରି ରହିଛି।
ଶସ୍ତା ହେଲା ସୁନା ଆଉ ରୁପା ଦାମ, ଜାଣନ୍ତୁ କେତେ ଅଛି ରେଟ୍ ?

ଲଗାତାର ବୃଦ୍ଧି ପାଉଥିବା ସୁନା ଓ ରୁପା ଦାମ ମଧ୍ୟରେ ଗ୍ରାହକଙ୍କ ପାଇଁ ଆସିଛି ଆଶ୍ୱସ୍ତିକର ଖବର। ଶୁକ୍ରବାର ବଜାର ଖୋଲିବା ପରେ ସୁନା ଆଉ ରୁପା ଦାମ କମ ହୋଇଛି । ମିଳିଥିବା ସୂଚନା ଅନୁସାରେ, ସୁନା ଦାମ ୧୦ ଗ୍ରାମ ପିଛା ପ୍ରାୟ ୮ ହଜାର ଟଙ୍କା କମିଛି। ଗତକାଲି ସୁନା ଦାମ ୧ ଲକ୍ଷ ୮୩ ହଜାର ଟଙ୍କାରେ ପହଞ୍ଚିଥିବାବେଳେ, ଶୁକ୍ରବାର ଏହା ପ୍ରାୟ ୮ ହଜାର ୮ ଶହ ଟଙ୍କା କମି ୧ ଲକ୍ଷ ୭୫ ହଜାର ଟଙ୍କାରେ ପହଞ୍ଚିଛି। ସେହିପରି ରୁପା ଦାମରେ ମଧ୍ୟ ବଡ଼ ହ୍ରାସ ଦେଖାଯାଇଛି। ଗୁରୁବାର ରୁପା କେଜି ପ୍ରତି ୪ ଲକ୍ଷ ଟଙ୍କାରେ ପହଞ୍ଚିଥିବାବେଳେ, ଗତକାଲି ଏହା ୩ ଲକ୍ଷ ୯୯ ହଜାର ୮୯୩ ଟଙ୍କା ରହିଥିଲା। ଆଜି ରୁପା ଦାମ ପ୍ରାୟ ୨୦ ହଜାର ଟଙ୍କାରୁ ଅଧିକ କମି ୩ ଲକ୍ଷ ୭୫ ହଜାର ଟଙ୍କାରେ ପହଞ୍ଚିଛି। ସୁନା ଓ ରୁପା ଦାମର ଏହି ହ୍ରାସ ଆଗାମୀ ଦିନରେ ଗ୍ରାହକଙ୍କ ପାଇଁ କିଣାକାଟାକୁ ଆହୁରି ସହଜ କରିପାରେ।
ଅଜିତ ପାୱାରଙ୍କ ମୃତ୍ୟୁକୁ ନେଇ ତେଜିଲା ରାଜନୀତି

ମହାରାଷ୍ଟ୍ର ରାଜନୀତିର ମରାଠା ଚେହେରା ଅଜିତ ପାୱାରଙ୍କ ମୃତ୍ୟୁ କେବଳ ଉପମୁଖ୍ୟମନ୍ତ୍ରୀ ପଦବୀ ପାଇଁ ନୁହେଁ ବରଂ ଅର୍ଥମନ୍ତ୍ରୀ, ମରାଠା ରାଜନୀତି, ଚିନି ଲବି ଏବଂ ସମବାୟ ରାଜନୀତି ପାଇଁ ମଧ୍ୟ ରାଜନୈତିକ ପ୍ରଭାବ ପକାଇବ। ଅଜିତ ପାୱାରଙ୍କ ମୃତ୍ୟୁ ଦ୍ୱାରା ସୃଷ୍ଟି ହୋଇଥିବା ରାଜନୈତିକ ଶୂନ୍ୟସ୍ଥାନକୁ କିଏ ପୂରଣ କରିବ ତାହା ଦେଖିବାକୁ ବାକି ରହିଲା |

ଗୁରୁବାର ଦିନ ବାରାମତିରେ ମହାରାଷ୍ଟ୍ରର ପୂର୍ବତନ ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କୁ ଶେଷ ବିଦାୟ ଦିଆଯାଇଥିଲା। କେନ୍ଦ୍ର ଗୃହମନ୍ତ୍ରୀ ଅମିତ ଶାହ, କେନ୍ଦ୍ର ମନ୍ତ୍ରୀ ନୀତିନ ଗଡକରୀ, ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉଦ୍ଧବ ଠାକରେ ଏବଂ ରାଜ ଠାକରେଙ୍କ ସମେତ ବହୁ ପ୍ରମୁଖ ରାଜନୈତିକ ବ୍ୟକ୍ତିବିଶେଷ ଅନ୍ତିମ ସଂସ୍କାରରେ ଯୋଗ ଦେଇଥିଲେ ଏବଂ ଶ୍ରଦ୍ଧାଞ୍ଜଳି ଜଣାଇଥିଲେ। ଛଅ ଥର ଉପମୁଖ୍ୟମନ୍ତ୍ରୀ ଥିବା ଅଜିତ ପାୱାରଙ୍କ ପରଲୋକ କେବଳ ପାୱାର ପରିବାର ପାଇଁ ନୁହେଁ ବରଂ ମହାରାଷ୍ଟ୍ରର ରାଜନୈତିକ ଦୃଶ୍ୟପଟ ପାଇଁ ମଧ୍ୟ ଏକ ଗମ୍ଭୀର ଆଘାତ ଦେଇଛି।

ଅଜିତ ପାୱାରଙ୍କ ପରଲୋକ କେବଳ ଏନସିପିର ରାଜନୈତିକ ଭବିଷ୍ୟତ ଉପରେ ପ୍ରଶ୍ନ ଉଠାଇ ନାହିଁ, ବରଂ ମହାରାଷ୍ଟ୍ରର ରାଜନୈତିକ ଦୃଶ୍ୟପଟକୁ ସମ୍ପୂର୍ଣ୍ଣ ପରିବର୍ତ୍ତନ କରିଛି। ଏହି ରାଜନୈତିକ ପ୍ରଭାବ କେବଳ ଉପମୁଖ୍ୟମନ୍ତ୍ରୀ ପଦବୀ ନୁହେଁ ବରଂ ଅର୍ଥମନ୍ତ୍ରୀ ପଦବୀ, ମହାରାଷ୍ଟ୍ରର ମରାଠା ରାଜନୀତି, ଚିନି ଲବି ଏବଂ ସମବାୟ ରାଜନୀତି ଉପରେ ମଧ୍ୟ ପ୍ରଭାବ ପକାଇବ। ଅଜିତ ପାୱାର ମହାରାଷ୍ଟ୍ର ରାଜନୀତିରେ ଏକ ମୁଖ୍ୟ ଭୂମିକା ଗ୍ରହଣ କରିଥିଲେ, ଯାହା ମହାଯୁତି (ମହାଗଠବନ୍ଧନ) ମଧ୍ୟରେ ବିଜେପିକୁ କ୍ଷମତାର ସନ୍ତୁଳନ ବଜାୟ ରଖିବାରେ ସାହାଯ୍ୟ କରିଥିଲା। କିନ୍ତୁ ବର୍ତ୍ତମାନ, ମେଣ୍ଟ ରାଜନୀତିରେ, ବିଜେପି କେବଳ ଜଣେ ଶକ୍ତିଶାଳୀ ଅଜିତ ପାୱାରଙ୍କୁ ଖୋଜିବା ନୁହେଁ ବରଂ ତାଙ୍କ ବିଦାୟ ଦ୍ୱାରା ମହାରାଷ୍ଟ୍ର ରାଜନୀତିରେ ସୃଷ୍ଟି ହୋଇଥିବା ଶୂନ୍ୟସ୍ଥାନକୁ ପୂରଣ କରିବାର ଚ୍ୟାଲେଞ୍ଜର ସମ୍ମୁଖୀନ ହେଉଛି।
ଆକାଶ ଛୁଆଁ ହେଲା ସୁନା ଦର, ଆଉ କିଣିପାରିବେନି ସୁନା

ସର୍ବ କାଳୀନ ରେକର୍ଡ ଭାଙ୍ଗିଲା ସୁନା ଦର । ଏକାଥରକେ ୨୪ କ୍ୟାରେଟ ସୁନା ୧୧ ହଜାର ୭୭୦ ଟଙ୍କା ବଢ଼ିଲା । ଆଜ୍ଞା ହଁ ଦିନକ ମଧ୍ୟରେ ସୁନା ଦର ଏକାଥରକେ ୧୧ ହଜାର ଟଙ୍କାରୁ ଅଧିକ ବଢ଼ି ସର୍ବକାଳୀନ ରେକର୍ଡ ସୃଷ୍ଟି କରିଛି । ୨୪ କ୍ୟାରେଟ ୧୦ ଗ୍ରାମ ପିଛା ୧ ଲକ୍ଷ ୭୮ ହଜାର ୮୫୦ ଟଙ୍କାରେ ପହଞ୍ଚିଛି । ସେହିପରି ୨୨ କ୍ୟାରେଟ ସୁନା ୧୦ ଗ୍ରାମ ପିଛା ୧ ଲକ୍ଷ ୬୩ ହଜାର ୯୫୦ ଟଙ୍କାକୁ ବଢ଼ିଛି । ସୁନା ସହିତ ରୁପା ଦରରେ ମଧ୍ୟ ଭାରି ବୃଦ୍ଧି ଦେଖାଯାଇଛି। ରୁପା କେଜି ପିଛା ୪ ଲକ୍ଷ ୨୫ ହଜାର ଟଙ୍କାକୁ ଛୁଇଁଛି । ବିଶ୍ୱ ବଜାରର ଅସ୍ଥିରତା, ଆଶଙ୍କା ଓ ନିବେଶକଙ୍କର ସୁରକ୍ଷିତ ନିବେଶ ପ୍ରତି ଆକର୍ଷଣ ବଢ଼ିବା ଏହି ଦର ବୃଦ୍ଧିର ମୁଖ୍ୟ କାରଣ ବୋଲି ବିଶେଷଜ୍ଞମାନେ କହୁଛନ୍ତି । ଏଭଳି ଦରବୃଦ୍ଧି ଗହଣା କ୍ରେତାଙ୍କ ପାଇଁ ଚିନ୍ତାର କାରଣ….
କ୍ରୀଡ଼ାରେ ରାଜନୀତି ? ବାଂଲାଦେଶ ସରକାରର ଦୋମୁହାଁ ମୁଖା ଖୋଲା

କ୍ରିକେଟକୁ ନେଇ ଆସିଲା ବାଂଲାଦେଶ ସରକାରଙ୍କ ଦୋମୁହାଁ ନୀତି ଏବେ ସର୍ବସାଧାରଣଙ୍କ ସାମ୍ନାରେ ଖୋଲିଯାଇଛି | ଯାହାକି ଟ୍ୱେଣ୍ଟି-୨୦ ବିଶ୍ୱକପ ପାଇଁ ଭାରତ ଆସିବା ଖେଳାଳିଙ୍କୁ ନେଇ ବାଂଲାଦେଶର ସରକାର ଦେଇଥିଲେ ଏକ ବଡ଼ ବୟାନ | ଭାରତରେ ବାଙ୍ଗଲାଦେଶୀୟ ଖେଳାଳିଙ୍କ ସୁରକ୍ଷା ପ୍ରତି ବିପଦ ଅଛି ବୋଲି ମହମ୍ମଦ ୟୁନୁସଙ୍କ କାମଚଳା ସରକାର କହିଛନ୍ତି | ସବୁଠୁ ବଡ ଆଶର୍ଯ୍ୟର କଥା ଖେଳାଳିଙ୍କ ସୁରକ୍ଷା ପ୍ରତି ବିପଦ ଅଛି ଏହି କଥା ଏବେ ମିଛ ବୋଲି ପ୍ରମାଣିତ ହୋଇଛି | କାରଣ ବାଂଲାଦେଶ ସରକାର ଭାରତ ଆସି ଏସୀୟ ସୁଟିଂ ଚାମ୍ପିଅନ୍‌ସିପ୍‌ ଖେଳିବା ପାଇଁ ନିଜ ଦେଶର ସୁଟିଂ ଦଳକୁ ତୁରନ୍ତ ମଞ୍ଜୁରି ଦେଇଛନ୍ତି |
ନୂଆଦିଲ୍ଲୀର କର୍ଣ୍ଣି ସିଂହ ସୁଟିଂ ରେଞ୍ଜରେ ଫେବ୍ରୁଆରି ୨ରୁ ୧୪ ପର୍ଯ୍ୟନ୍ତ ହେବାକୁ ଥିବା ଏସୀୟ ସୁଟିଂ ଚାମ୍ପିଅନ୍‌ସିପ୍‌ରେ
ବାଂଲାଦେଶର ଦୁଇ ଜଣ ସୁଟର୍ ଟଁଜିଲେ ଯିଏ କି ୨୧ ବର୍ଷୀୟା ଆରିଫିନ ସରିଆ ଓ ୨୬ ବର୍ଷୀୟ ଅଲିମ୍ପିଆନ୍‌ ମହମ୍ମଦ ରବିବୁଲ ଇସଲାମ୍ ସାମିଲ ହୋଇଛନ୍ତି | ଏହି ମଞ୍ଜୁରି ପାଇଁ ବାଂଲାଦେଶ ସରକାର ଯେ କାରଣ ଦେଖାଇଛି, ସେଥିରେ ସୁଟିଂ ପ୍ରତିଯୋଗିତା ବନ୍ଦ କବାଟ ଭିତରେ ଏବଂ ଗୋଟିଏ ସ୍ଥାନରେ ହେଉଥିବାରୁ ସୁରକ୍ଷା ବିପଦ ନାହିଁ |

ତେବେ ପ୍ରଶ୍ନ ଉଠୁଛି ଯଦି ଭାରତ ସୁରକ୍ଷିତ ନୁହେଁ, ତେବେ ସୁଟର୍‌ମାନେ କିପରି ସୁରକ୍ଷିତ? କ୍ରିକେଟ୍‌ରେ ଭୟ, ସୁଟିଂରେ ସାହସ ଏହା କ’ଣ ରାଜନୈତିକ ଲାଭ ପାଇଁ ଖେଳାଯାଉଥିବା ଖେଳ ନୁହେଁ? କ୍ରୀଡ଼ାପ୍ରେମୀଙ୍କ ମଧ୍ୟରେ ଏହି ନିଷ୍ପତ୍ତିକୁ ନେଇ ଭାରି ଅସନ୍ତୋଷ ଦେଖାଯାଇଛି | ବାଂଲାଦେଶ ସରକାରର ଦୋମୁହାଁ ନୀତି ଏବେ ସମ୍ପୂର୍ଣ୍ଣ ପଦାରେ ପଡିଛି |
ପଞ୍ଜାବ-ହରିୟାଣା ସଚିବାଳୟକୁ ବୋମା ଧମକ

ପଞ୍ଜାବ-ହରିୟାଣା ସଚିବାଳୟକୁ ବୋମା ଧମକ ମିଳିଛି | ଏହି ଧମକ ପରେ ଚଣ୍ଡିଗଡ଼ରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି | ସୂଚନା ମିଳିବା ସହିତ ଚଣ୍ଡିଗଡ଼ ପୁଲିସ, ପଞ୍ଜାବ ପୁଲିସ, ସିଆଏସ୍ଏଫ୍, ବୋମା ନିଷ୍କ୍ରିୟକାରୀ ଦଳ ଓ କୁକୁର ଦଳ ଘଟଣାସ୍ଥଳରେ ପହଞ୍ଚି ଯାଞ୍ଚ କରିଛନ୍ତି | ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରି ସଚିବାଳୟ ପରିସରକୁ ଖାଲି କରାଯାଇଛି ଓ କର୍ମଚାରୀମାନେ ସୁରକ୍ଷିତ ଭାବରେ ଅନ୍ୟ ସ୍ଥାନକୁ ସ୍ଥାନାନ୍ତରିତ କରାଯାଇଛି |
ପୂର୍ବରୁ ଚଣ୍ଡିଗଡ଼ର ଅନେକ ସ୍କୁଲକୁ ଗୁଡିକୁ ବୋମା ଧମକ ମିଳିଥିଲା, ଯାହାକୁ ସୁରକ୍ଷା ଏଜେନ୍ସିଗୁଡ଼ିକ ସତର୍କ ରହି ମୁକାବିଲା କରିଥିଲେ | ସଚିବାଳୟ ପରିସରରେ ବ୍ୟବସ୍ଥାକୁ ବଢ଼ାଇ ଦିଆଯାଇଛି ଓ ସନ୍ଦେହଜନକ କାର୍ଯ୍ୟକଳାପ ଉପରେ ନଜର ରଖାଯାଇଛି |

ଦିଲ୍ଲୀର କିଛି ସ୍କୁଲକୁ ବି ବୋମା ଧମକ ମିଳିଛି, ଯାହା ମାଧ୍ୟମରେ ଲୋରେଟୋ କନଭେଣ୍ଟ ସ୍କୁଲ, ଡନ୍ ବୋସ୍କୋ ସ୍କୁଲ (ସିଆର ପାର୍କ), କାର୍ମେଲ ସ୍କୁଲ (ଆନନ୍ଦ ନିକେତନ ଓ ଦ୍ୱାରକାର), ସାଉଥ୍ କ୍ୟାମ୍ପସ ସ୍କୁଲ ଏପଟେ ଦ୍ୱାରକାର କାର୍ମେଲ ସ୍କୁଲରେ ମିଳିଥିବା ଧମକକୁ ମିଛ ବୋଲି ଘୋଷଣା କରାଯାଇଛି |

ପୁଲିସ ଏବଂ ବମ୍ ସ୍କ୍ୱାଡ୍ ଦଳ ଅନ୍ୟ ସ୍କୁଲଗୁଡ଼ିକରେ ଯାଞ୍ଚ ପ୍ରକ୍ରିୟା ଜାରି ରଖିଛନ୍ତି | ସୁରକ୍ଷା ଏଜେନ୍ସିମାନେ କହିଛନ୍ତି ଯେ ପରିସ୍ଥିତି ନିୟନ୍ତ୍ରଣରେ ଅଛି, କିନ୍ତୁ ତଦନ୍ତ ସମ୍ପୂର୍ଣ୍ଣ ନ ହେବା ପର୍ଯ୍ୟନ୍ତ ସତର୍କ ରହିବାକୁ ହେବ |
ଗୁଟଖା ବିକ୍ରିକୁ ନେଇ BMCର କଡ଼ା ପଦକ୍ଷେପ,

ଓମଫେଡ୍ ବୁଥ୍‌ ଓ ଭେଣ୍ଡିଂ ଜୋନ୍‌ରେ ଗୁଟଖା ବିକ୍ରିକୁ ନେଇ ଭୁବନେଶ୍ୱର ମହାନଗର ନିଗମ (BMC) କଡ଼ା ପଦକ୍ଷପ ନେଇଛନ୍ତି | ରାଜ୍ୟ ସରକାରଙ୍କ ନିର୍ଦେଶ ପରେ BMC ପକ୍ଷରୁ ସ୍ପଷ୍ଟ ଚେତାବନୀ ଦିଆଯାଇଛି ଯେ, ଓମଫେଡ୍ ବୁଥ୍‌ ସହିତ ସମସ୍ତ ଭେଣ୍ଡିଂ ଜୋନ୍‌ରେ ଗୁଟଖା ବିକ୍ରି କରିଲେ ସଂପୃକ୍ତ ବ୍ୟବସାୟୀଙ୍କ ଲାଇସେନ୍ସ ବାତିଲ କରାଯିବ |

BMC ସୂତ୍ରରୁ ମିଳିଥିବା ଖବର ଅନୁଯାୟୀ, ଏହି ନିଷେଧାଦେଶ କେବଳ କାଗଜରେ ସୀମିତ ରହିବ ନାହିଁ, ବରଂ ଆଗାମୀ ଦିନରେ ଗୁଟଖା ଏନଫୋର୍ସମେଣ୍ଟ ଡ୍ରାଇଭ୍‌କୁ ଅଧିକ ଜୋରଦାର କରାଯିବ | ଏନେଇ BMC ସାଧାରଣ ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଛି | ଯଦି କୌଣସି ଏଜେନ୍ସି ଗୁଟଖା ସମ୍ପର୍କିତ ପ୍ରଚାର ହୋର୍ଡିଂ, ବ୍ୟାନର କିମ୍ବା ବିଜ୍ଞାପନ ଲଗାଏ, ତେବେ ସେମାନଙ୍କଠାରୁ କଡ଼ା ଜୋରିମାନା ଆଦାୟ କରାଯିବ ବୋଲି BMC ପକ୍ଷରୁ ସୂଚନା ମିଳିଛି |

ସାଧାରଣ ଲୋକଙ୍କ ସ୍ୱାସ୍ଥ୍ୟ ସୁରକ୍ଷା ଓ ସହରକୁ ଗୁଟଖାମୁକ୍ତ କରିବା ଲକ୍ଷ୍ୟରେ BMC ଏହି ପଦକ୍ଷେପ ଗ୍ରହଣ କରିଥିବା ବେଳେ, ଆଗାମୀ ଦିନରେ ନିୟମ ଉଲ୍ଲଂଘନକାରୀଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ଦେଖିବାକୁ ମିଳିବ ବୋଲି ସ୍ପଷ୍ଟ କରାଯଇଛି |
ସୋସିଆଲ ମିଡିଆରେ ବିଶ୍ୱକୁ ଛୁଇଁଲା ଭାରତ: ମୋଦୀଙ୍କ ବହୁଭାଷୀ କୂଟନୀତିରେ ଭାରତ–ଇୟୁ ଚୁକ୍ତି

ବାର ବର୍ଷର ଶାସନ କାଳରେ ସୋସିଆଲ ମିଡିଆକୁ କୂଟନୀତିର ଶକ୍ତିଶାଳୀ ମାଧ୍ୟମରେ ପରିଣତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁଣିଥରେ ନିଜ ଦକ୍ଷତା ପ୍ରଦର୍ଶନ କରିଛନ୍ତି | ମଙ୍ଗଳବାର ଭାରତ ଏବଂ ୟୁରୋପୀୟ ସଂଘ (ଇୟୁ) ମଧ୍ୟରେ ମୁକ୍ତ ବାଣିଜ୍ୟ ଚୁକ୍ତି ଘୋଷଣା ସହିତ ମୋଦୀ ୨୪ଟି ଭିନ୍ନ ୟୁରୋପୀୟ ଭାଷାରେ ସୋସିଆଲ ମିଡିଆ ପୋଷ୍ଟ କରି ସାରା ୟୁରୋପର ଲକ୍ଷଲକ୍ଷ ଲୋକଙ୍କୁ ସିଧାସଳଖ ପହଞ୍ଚିଥିଲେ |

‘ଏକ୍ସ’ରେ ପୋଷ୍ଟ କରି ମୋଦୀ ଲେଖିଥିଲେ, ଭାରତ–ଇୟୁ ମୁକ୍ତ ବାଣିଜ୍ୟ ଚୁକ୍ତି ଦୁଇ ପକ୍ଷ ମଧ୍ୟରେ ଅର୍ଥନୈତିକ ସମ୍ପର୍କକୁ ଆହୁରି ମଜବୁତ କରିବା ସହ ନୂଆ ସୁଯୋଗ ସୃଷ୍ଟି କରିବ | ଏହା ଭାରତ–ୟୁରୋପ ସହଭାଗିତାକୁ ଦୀର୍ଘମ୍ୟାଦୀ ଭିତିରେ ସୁଦୃଢ଼ କରିବ ବୋଲି ସେ କହିଥିଲେ |

ଭୂରାଜନୈତିକ ବିଶେଷଜ୍ଞମାନେ ଏହି ପଦକ୍ଷେପକୁ ମୋଦୀଙ୍କ “ବହୁଭାଷୀ ମାଷ୍ଟରଷ୍ଟ୍ରୋକ୍” ଭାବେ ଅଭିହିତ କରିଛନ୍ତି | ଗୋଟିଏ ମେସେଜ୍‌ ମାଧ୍ୟମରେ ମୋଦୀ ୟୁରୋପୀୟ ସଂଘର ସମସ୍ତ ୨୭ଟି ଦେଶର ନାଗରିକ ଓ ନେତାଙ୍କୁ ସିଧାସଳଖ ସନ୍ଦେଶ ଦେଇଥିଲେ | ଫିନଲ୍ୟାଣ୍ଡ ରାଷ୍ଟ୍ରପତିଙ୍କ ସମେତ ଅନେକ ୟୁରୋପୀୟ ନେତା ହିନ୍ଦୀରେ ପ୍ରତିଉତ୍ତର ଦେଇ ଏହି ଚୁକ୍ତିକୁ ସ୍ୱାଗତ କରିଥିଲେ |

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କଠୋର ବାଣିଜ୍ୟ ନୀତି ଏବଂ ଶୁଳ୍କ ଚାପ ମଧ୍ୟରେ ଏହି ଭାରତ ଇୟୁ ଚୁକ୍ତିକୁ ଗୁରୁତ୍ୱପୂର୍ଣ୍ଣ କୂଟନୈତିକ ସଫଳତା ଭାବେ ଦେଖାଯାଉଛି | ବିଶେଷଜ୍ଞମାନଙ୍କ ମତରେ, ଡିଜିଟାଲ ଯୁଗରେ ସୋସିଆଲ ମିଡିଆ ମାଧ୍ୟମରେ ଏଭଳି ସିଧାସଳଖ ସମ୍ପର୍କ ଗଢ଼ି ତୋଳିବା ଏକବିଂଶ ଶତାବ୍ଦୀର ସର୍ବୋତ୍ତମ କୂଟନୀତିର ଉଦାହରଣ ହୋଇଛି |