Blog

Google କଲା ବଡ଼ ଘୋଷଣା: କ୍ରୋମରେ ଆସୁଛି ‘Auto Browse AI’ ଫିଚର

ଟେକ୍ ଦୁନିଆକୁ ପୁଣି ଧକ୍କା ଦେଇ Google ଆଣୁଛି ଏକ ନୂଆ ଏବଂ ଦମଦାର ସୁବିଧା Chrome ଆଉଟ Browse AI ଫିଚର | ଏହି ଫିଚର ଆସିବା ପରେ, ୟୁଜର୍ମାନେ ଯେ କାମ ହାତେହାତେ କରୁଥିଲେ ଟିକେଟ୍ ବୁକିଂ, ଫର୍ମ ଫିଲଅପ,ପେମେଣ୍ଟ କରିବା ସେଗୁଡ଼ିକ ଆପେ ଆପେ Chrome କରିଦେବ | Google Chrome ଶୀଘ୍ର ହେବ AI Agent Browser, ଯେପରି OpenAI ର ALTAS ଓ Perplexity ର Comet Browser ରେ ଦେଖିବାକୁ ମିଳୁଛି | ଏହା ମାନବ କମାଣ୍ଡ ନେଇ, ନିଜେ ପେଜ୍ ବୁଝିବ,ବଟନ୍ ଚିହ୍ନିବ, ଫର୍ମ ପୂରଣ କରିବ, ଟିକେଟ୍ ବୁକ୍ କରିବ, ବୁକିଂ ପ୍ରକ୍ରିୟା ପୂରଣ କରିଦେବ | Google ସ୍ପଷ୍ଟ କରିଛି ୟୁଜର୍ ଅନୁମତି ଛଡ଼ା କୌଣସି ଫର୍ମ ଭରିବ ନାହିଁ ୟୁଜର୍ ଛଡ଼ା କୌଣସି ତଥ୍ୟ ସେୟାର ହେବ ନାହିଁ |

ପେମେଣ୍ଟ ବି ୟୁଜର୍ ଅନୁମତି ଛଡ଼ା ହେବ ନାହିଁ ପ୍ରତ୍ୟେକ ୟୁଜର୍ ନିୟନ୍ତ୍ରଣ ରହିବ | ଏବେ ଏହି ଫିଚର ପରୀକ୍ଷଣ ଫେଜରେ ଅଛି, କିଛି ଚୟନୀୟ ୟୁଜରଙ୍କ ପାଇଁ ରୋଲ୍ଆ ଉଟ୍ ହେଉଛି | ବହୁତ ଶୀଘ୍ର ଏହା ସମସ୍ତ Chrome ୟୁଜରଙ୍କ ପାଇଁ ଉପଲବ୍ଧ ହେବ | ଯେଉଁମାନେ ଅନଲାଇନ୍ କାମରେ ଅସୁବିଧା ଭୋଗନ୍ତି ସେମାନଙ୍କୁ ଲମ୍ବା ପ୍ରକ୍ରିୟା ବୋର୍ ଲାଗେ ସେମାନେ ଜଲ୍ଦି କାମ କରିବା ଚାହୁଁନ୍ତି , ଆଉ ମଧ୍ୟ ମଲ୍ଟିଟାସ୍କିଂ ପସନ୍ଦ କରନ୍ତି | ଏହା ପରେ ୱେବ୍ ବ୍ରାଉଜିଙ୍ଗ search-click-ସ୍କ୍ରୋଲଲ ନୁହେଁ ହେବ command-and-done | Perplexity ର Comet ଯେପରି productivity ଉଠାଇଦେଇଛି, ଠିକ ସେମିତି ଗୁଗଲ କ୍ରୋମ |
ସେନା ଆତଙ୍କୀ ମଧ୍ୟରେ ଗୁଳିବିନିମୟ, ଡ୍ରୋନ୍ ପଠାଇ ଷଡ଼ଯନ୍ତ୍ର ରଚିଥିଲା ପାକିସ୍ତାନ

ଜମ୍ମୁ–କାଶ୍ମୀର ସୀମାନ୍ତ ଅଞ୍ଚଳରେ ପୁଣି ଆତଙ୍କବାଦୀ ଗତିବିଧି ତୀବ୍ର ହୋଇଯାଇଛି। କିସ୍ତୱାର ଜିଲ୍ଲାର ଡୋଲଗାମ ଅଞ୍ଚଳରେ ଆଜି ସକାଳୁ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି। ଆତଙ୍କୀ ଲୁଚି ରହିଥିବା ଗୁଇନ୍ଦା ସୂଚନା ଆଧାରରେ ସୁରକ୍ଷା ବାହିନୀ ଅଭିଯାନ ଆରମ୍ଭ କରିଥିଲେ। ତେବେ ଏହି ଏନକାଉଣ୍ଟରରେ କୌଣସି ଆତଙ୍କୀ ନିପାତ ହୋଇଛନ୍ତି କି ନାହିଁ, ତାହା ନେଇ ଏବେ ପର୍ଯ୍ୟନ୍ତ ସ୍ପଷ୍ଟ ସୂଚନା ମିଳିନାହିଁ। ସୁରକ୍ଷା ଏଜେନ୍ସିଗୁଡ଼ିକ ଦୀର୍ଘଦିନ ଧରି କିସ୍ତୱାର ଓ ଆଖପାଖର ପାହାଡ଼ିଆ ଅଞ୍ଚଳରେ ଆତଙ୍କବାଦୀ ଉପସ୍ଥିତି ପ୍ରତି ନଜର ରଖିଆସୁଥିଲେ। ଜାନୁଆରୀ ମାସ ଆରମ୍ଭରୁ ଏଠାରେ ‘ଅପରେସନ୍ ତ୍ରାଶି–ଆଇ’ ଚାଲୁ ରହିଛି, ଯାହାକୁ ଜମ୍ମୁ ଅଞ୍ଚଳରେ ଆତଙ୍କବାଦୀଙ୍କ ବିରୋଧରେ ଏକ ବଡ଼ ଓ ସୁଚିନ୍ତିତ ଅଭିଯାନ ଭାବେ ଦେଖାଯାଉଛି।

ଏହି ଅପରେସନ୍ ଭାରତୀୟ ସେନା, ଜମ୍ମୁ–କାଶ୍ମୀର ପୁଲିସ ଓ କେନ୍ଦ୍ରୀୟ ରିଜର୍ଭ ପୁଲିସ ଫୋର୍ସ (CRPF) ମିଳିତ ଭାବେ ପରିଚାଳନା କରୁଛନ୍ତି। ଏହାର ମୁଖ୍ୟ ଲକ୍ଷ୍ୟ ହେଉଛି କିସ୍ତୱାର ଜିଲ୍ଲା ସହ ପାହାଡ଼ିଆ ଓ ଘନ ଜଙ୍ଗଲ ଅଞ୍ଚଳରେ ସକ୍ରିୟ ଆତଙ୍କବାଦୀମାନଙ୍କୁ ନିପାତ କରି ସେମାନଙ୍କର ନେଟୱାର୍କକୁ ସମ୍ପୂର୍ଣ୍ଣ ଭାବେ ଦୁର୍ବଳ କରିବା। ଏହି ମଧ୍ୟରେ ଶନିବାର ସକାଳେ ଜମ୍ମୁ–କାଶ୍ମୀର ସୀମାନ୍ତ ଅଞ୍ଚଳର ଚାଲିଆରୀ ଗ୍ରାମ ନିକଟରେ ଏକ ପାକିସ୍ତାନୀ ଡ୍ରୋନ୍ ଭାରତୀୟ ସୀମାରେ ଅନୁପ୍ରବେଶ କରିଥିଲା। ବିଏସଏଫ ଡ୍ରୋନ୍‌ଟି ଉପରେ ଚାରି ରାଉଣ୍ଡ ଗୁଳି ଚଳାଇଥିବା ପରେ ଏହା ପାକିସ୍ତାନୀ ସୀମାକୁ ପଳାଇଯାଇଥିଲା। ଏହି ଘଟଣା ପରେ ସୀମା ଅଞ୍ଚଳରେ ସର୍ଚ୍ଚ ଅପରେସନ୍ ଜାରି ରହିଛି।

ଗୁଇନ୍ଦା ସଂସ୍ଥାଗୁଡ଼ିକର ମତାନୁସାରେ, ପାକିସ୍ତାନ ସମର୍ଥିତ ଆତଙ୍କବାଦୀ ସଂଗଠନ, ବିଶେଷକରି ଜୈଶ–ଏ–ମହମ୍ମଦ ସହ ସଂପୃକ୍ତ ଗୋଷ୍ଠୀଗୁଡ଼ିକ କିସ୍ତୱାର ଓ ଆସପାସ ଘାଟି ଅଞ୍ଚଳରୁ କାର୍ଯ୍ୟ କରୁଥିବା ସୂଚନା ମିଳୁଥିଲା। ଏହି ସୂଚନା ନିଶ୍ଚିତ ହେବା ପରେ ହିଁ ଅପରେସନ୍ ‘ତ୍ରାଶି–ଆଇ’କୁ ଅଧିକ ତୀବ୍ର କରାଯାଇଛି। ଘନ ଜଙ୍ଗଲ ଓ ଉଚ୍ଚ ପର୍ବତ ଥିବା ଏହି ଅଞ୍ଚଳକୁ ପୂର୍ବରୁ ମଧ୍ୟ ଆତଙ୍କବାଦୀଙ୍କ ପାଇଁ ଏକ ସୁରକ୍ଷିତ ଆଶ୍ରୟସ୍ଥଳ ଭାବେ ଗଣାଯାଉଥିଲା। ତେବେ ସୁରକ୍ଷା ବାହିନୀ ଆତଙ୍କବାଦ ନିରୋଧରେ କଠୋର ମନୋଭାବ ନେଇ ଅଭିଯାନ ଜାରି ରଖିଥିବା କଥା କହିଛନ୍ତି।
ରାଜନୀତିରେ ନୂଆମୋଡ : କଳିକେଶ ନେବେ କି ନୂଆ ଦାୟିତ୍ୱ?

31.01.2026

ବିଜେଡି ରାଜନୀତିରେ ଆଜି ହଠାତ୍ ଚର୍ଚ୍ଚା ଜୋରଦାର ହେଲା କଳିକେଶ ନାରାୟଣ ସିଂହଦେଓଙ୍କ ନବୀନ ନିବାସରେ ପ୍ରବେଶକୁ ନେଇ | ଏହି ସମୟରେ ପୂର୍ବରୁ ପ୍ରତାପ ଜେନା ଓ ଦେବୀ ମିଶ୍ର ମଧ୍ୟ ନବୀନ ନିବାସରେ ଥିବାରୁ ରାଜନୀତିକ ଚର୍ଚ୍ଚା ବଢ଼ିଛି | କଳିକେଶଙ୍କୁ ବଡ଼ ଦାୟିତ୍ୱ ମିଳିପାରେ ବୋଲି ଯେଉଁ ଆକଳନ ଦୁଇ ଦିନ ଧରି ଚଲୁଥିଲା, ଆଜିର ପଦକ୍ଷେପ ଏହାକୁ ଆହୁରି ଜୋରଦାର କରିଛି |

ଗତ ୨୩ ତାରିଖରେ କଳିକେଶଙ୍କ ବାପା ଏ.ୟୁ. ସିଂହଦେଓ ମଧ୍ୟ ନବୀନ ନିବାସ ଯାଇଥିବା ହେତୁ ଏପରି ଚର୍ଚ୍ଚା ତୀବ୍ର ହୋଇଥିଲା | ବରିଷ୍ଠ ନେତା କ୍ୟାପଟେନ୍ ଦିବ୍ୟଶଙ୍କର ମିଶ୍ର ଓ ଦେବେଶ ଆଚାର୍ଯ୍ୟ ମଞ୍ଚରୁ ଖୋଲାଖୋଲି କଳିକେଶଙ୍କୁ ନେତୃତ୍ୱ ଦେବାକୁ ମନୋନୀତ କରିବା ଉଚିତ ବୋଲି କହିଥିଲେ |

କିନ୍ତୁ ଏହି ବୟାନକୁ ସ୍ପଷ୍ଟ ଭାବେ ବିରୋଧ କରିଛନ୍ତି ବିଜେଡିର ବରିଷ୍ଠ ବିଧାୟକ ଅରୁଣ ସାହୁ ଓ ଗଣେଶ୍ୱର ବେହେରା | ସେମାନେ କହିଛନ୍ତି ନିର୍ବାଚିତ ସମସ୍ତ ବିଧାୟକ ନେତୃତ୍ୱ ପାଇଁ ସମାନ ଯୋଗ୍ୟ | ଆମ ସଭାପତି ସକ୍ଷମ |ଉତ୍ତରଧିକାରୀ ଚର୍ଚ୍ଚା ଆସିଲା କେଉଁଠୁ ? ଏହି ପରିସ୍ଥିତିରେ ନବୀନ ପଟ୍ଟନାୟକ କଳିକେଶଙ୍କୁ କୌଣସି ମହତ୍ତ୍ୱପୂର୍ଣ୍ଣ ଦାୟିତ୍ୱ ଦେବେ କି , ସେଥିଲାଗି ସମସ୍ତଙ୍କ ନଜର ଏବେ ନବୀନ ନିବାସ ଉପରେ |
ଲଗାତାର ଦ୍ବିତୀୟ ଦିନରେ କମିଲା ସୁନା–ରୁପା ଦର, ୨୨ କ୍ୟାରେଟ୍ ୧୦ ଗ୍ରାମ୍‌କୁ ୧ ଲକ୍ଷ ୪୭ ହଜାର

ଲଗାତାର ଦ୍ବିତୀୟ ଦିନରେ ସୁନା ଓ ରୁପା ଦରରେ ହ୍ରାସ ଦେଖିବାକୁ ମିଳିଛି। ଆଜି ପୁଣିଥରେ ସୁନା–ରୁପା ଦର ଖସିଛି, ଯାହା ଗ୍ରାହକଙ୍କ ପାଇଁ କିଛିଟା ଆରାମର ଖବର ନେଇଆସିଛି। ୧୦ ଗ୍ରାମ୍ ପିଛା ୨୪ କ୍ୟାରେଟ୍ ସୁନା ଦର ଆଜି ୮ ହଜାର ୬୨୦ ଟଙ୍କା କମିଛି। ଗତ କାଲି ୨୪ କ୍ୟାରେଟ୍ ସୁନା ଦର ୧ ଲକ୍ଷ ୬୯ ହଜାର ୨୦୦ ଟଙ୍କା ଥିବା ବେଳେ, ଆଜି ଏହା ହ୍ରାସ ପାଇ ୧ ଲକ୍ଷ ୬୦ ହଜାର ୫୮୦ ଟଙ୍କାରେ ପହଞ୍ଚିଛି। ସେହିପରି ୨୨ କ୍ୟାରେଟ୍ ସୁନା ଦରରେ ମଧ୍ୟ ବଡ଼ ହ୍ରାସ ଦେଖାଯାଇଛି। ଗତ କାଲି ୧୦ ଗ୍ରାମ୍ ପିଛା ୧ ଲକ୍ଷ ୫୫ ହଜାର ୧୦୦ ଟଙ୍କା ଥିବା ୨୨ କ୍ୟାରେଟ୍ ସୁନା ଦର, ଆଜି ୭ ହଜାର ୯୦୦ ଟଙ୍କା କମି ୧ ଲକ୍ଷ ୪୭ ହଜାର ୨୦୦ ଟଙ୍କାରେ ରହିଛି। ୧୮ କ୍ୟାରେଟ୍ ସୁନା ଦର ମଧ୍ୟ ୧୦ ଗ୍ରାମ୍ ପିଛା ୬ ହଜାର ୪୬୦ ଟଙ୍କା ହ୍ରାସ ପାଇଛି। ଗତ କାଲି ୧ ଲକ୍ଷ ୨୪ ହଜାର ୯୦୦ ଟଙ୍କା ଥିବା ବେଳେ, ଆଜି ଏହା କମି ୧ ଲକ୍ଷ ୨୦ ହଜାର ୪୪୦ ଟଙ୍କା ହୋଇଛି।

ଅନ୍ୟପଟେ, ରୁପା ଦରରେ ଦଶନ୍ଧିରେ ସର୍ବାଧିକ ପତନ ଦେଖିବାକୁ ମିଳିଛି। ଆଜି ମାତ୍ର ଗୋଟିଏ ଦିନରେ କେଜି ପିଛା ରୁପା ଦର ୫୫ ହଜାର ଟଙ୍କା କମିଛି। ଗତ କାଲି ୪ ଲକ୍ଷ ୫ ହଜାର ଟଙ୍କା ଥିବା ରୁପା ଦର, ଆଜି ହ୍ରାସ ପାଇ ୩ ଲକ୍ଷ ୫୦ ହଜାର ଟଙ୍କାରେ ଆସିସାରିଛି। ଲଗାତାର ଦୁଇ ଦିନ ଧରି ସୁନା–ରୁପା ଦର ହ୍ରାସ ପାଇବା ନେଇ ବଜାରରେ ଚର୍ଚ୍ଚା ଜୋର ଧରିଛି।
ମହିଳା ଙ୍କ ସ୍ୱାସ୍ଥ୍ୟ ନେଇ ସୁପ୍ରିମକୋର୍ଟ ଙ୍କ ଐତିହାସିକ ରାୟ, ଋତୁସ୍ରାବ ସ୍ୱଚ୍ଛତା ମୌଳିକ ଅଧିକାର

ମହିଳାଙ୍କ ସ୍ୱାସ୍ଥ୍ୟ ନେଇ ସୁପ୍ରିମକୋର୍ଟଙ୍କ ଐତିହାସିକ ରାୟ । ଋତୁସ୍ରାବ ସ୍ୱଚ୍ଛତା ଏବେ ମୌଳିକ ଅଧିକାର । ମହିଳାଙ୍କ ସ୍ୱାସ୍ଥ୍ୟ ଓ ମର୍ଯ୍ୟାଦାକୁ ନେଇ ସୁପ୍ରିମକୋର୍ଟ ଏକ ଐତିହାସିକ ରାୟ ଦେଇଛନ୍ତି । ସେ ସ୍ପଷ୍ଟ କରିଛନ୍ତି ଯେ, ଋତୁସ୍ରାବ ସମୟରେ ସ୍ୱଚ୍ଛତା ଅଧିକାର ଭାରତୀୟ ସଂବିଧାନର ଧାରା ୨୧ ଅନୁଯାୟୀ ଜୀବନ ଅଧିକାର ଓ ଗୋପନୀୟତା ଅଧିକାରର ଅବିଛେଦ୍ୟ ଅଂଶ । କୋର୍ଟ କହିଛନ୍ତି, ଋତୁସ୍ରାବ ମହିଳାଙ୍କ ଶାରୀରିକ ପ୍ରକ୍ରିୟାର ଏକ ସ୍ୱାଭାବିକ ଅଂଶ ଏବଂ ଏହା ସମୟରେ ସ୍ୱଚ୍ଛତାର ଅଭାବ ମହିଳାଙ୍କ ସ୍ୱାସ୍ଥ୍ୟ, ଶିକ୍ଷା ଓ ମର୍ଯ୍ୟାଦାକୁ ଗୁରୁତର ଭାବେ ପ୍ରଭାବିତ କରେ ।

ତେଣୁ ମହିଳାମାନଙ୍କ ପାଇଁ ସମ୍ମାନ, ସ୍ୱାସ୍ଥ୍ୟ ଓ ସମାନତା ସୁନିଶ୍ଚିନ୍ତ କରିବା ରାଜ୍ୟର ସଂବିଧାନିକ ଦାୟିତ୍ୱ ବୋଲି ସୁପ୍ରିମକୋର୍ଟ ମତ ପ୍ରକାଶ କରିଛନ୍ତି । ଏହି ରାୟ ସହିତ କେନ୍ଦ୍ର, ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ, ସେହିପରି ସମସ୍ତ ସରକାରୀ ଓ ବେସରକାରି ବିଦ୍ୟାଳୟଗୁଡ଼ିକୁ କୋର୍ଟ ଏକାଧିକ ବାଧ୍ୟତାମୂଳକ ନିର୍ଦ୍ଦେଶ ଜାରି କରିଛନ୍ତି । ଏହି ରାୟକୁ ମହିଳା ଅଧିକାର ଓ ସ୍ୱାସ୍ଥ୍ୟ କ୍ଷେତ୍ରରେ ଏକ ବଡ଼ ପଦକ୍ଷେପ ଭାବେ ଦେଖାଯାଉଛି । ଏହା ମହିଳାଙ୍କ ପ୍ରତି ଥିବା ସାମାଜିକ ଭେଦଭାବ ଓ ଲଜ୍ଜାଭାବକୁ ଭାଙ୍ଗି, ସମାନ ଓ ମର୍ଯ୍ୟାଦାପୂର୍ଣ୍ଣ ଜୀବନର ପଥକୁ ସୁଗମ କରିବ ବୋଲି ଆଶା କରାଯାଉଛି ।
ଏଥର ବଜେଟ୍ ବ୍ୟାଗରୁ ବାହାରିବ କ’ଣ ? କେଉଁମାନଙ୍କୁ ମିଳିବ ଅଧିକ ଲାଭ ?

କିଏ ଚାହୁଁଛି ଟିକସରୁ ମୁକ୍ତି ,କିଏ ଚାହୁଁଛି ନୂଆ ଚାକିରୀ ,କିଏ ଚାହୁଁଛି ନିଜ ବ୍ୟବସାୟରେ ଅଭିବୃଦ୍ଧି ପାଇଁ ସରକାରୀ ସାହାଯ୍ୟ ,ତ ଆଉ କିଏ ଚାହୁଁଛି ରୋଷେଇ ଘର ପାଇଁ ସାମାନ | ଫେବୃଆରୀ ୧ରେ ଅର୍ଥମନ୍ତ୍ରୀଙ୍କ ବଜେଟ ବ୍ୟାଗରୁ କଣ ବାହାରିବ ? ତା ଉପରେ ସମସ୍ତଙ୍କ ନଜର |

ଭାରତର ପ୍ରଥମ ରେଳ ବଜେଟ୍ ୧୯୨୪ ମସିହାରେ ଆରମ୍ଭ ହୋଇଥିଲା | ଦୀର୍ଘ ବର୍ଷ ଧରି ପ୍ରଥମେ ସାଧାରଣ ବଜେଟ୍,ତାପରେ ରେଳ ବଜେଟ୍ ଏହା ଥିଲା ପରମ୍ପରା | କିନ୍ତୁ ୨୦୧୭ରେ ମୋଦୀ ସରକାର ଆସିବା ପରେ ଏହି ପରମ୍ପରାକୁ ବଦଳାଇ ଦେଇଥିଲେ | ରେଳ ବଜେଟ୍ ଓ ୟୁନିଅନ୍ ବଜେଟ୍‌କୁ ଏକତ୍ର କରିଥିଲେ | ଯଦି ଆମେ ଦେଖିବା ବଜେଟ୍ ଇତିହାସରେ ଆଗରୁ ଦେଶ ୨ ଥର ବଜେଟ୍ ବସୁଥିଲା | ଯେଉଁଥିରେ ପ୍ରଥମ ରେଳ ବଜେଟ୍ ଓ ଦ୍ବିତୀୟରେ ସାଧାରଣ ବଜେଟ୍ ଥିଲା | ସାଧାରଣ ବଜେଟରେ ସରକାରୀ ଶିକ୍ଷା, ସ୍ବାସ୍ଥ୍ୟ ଓ ଦେଶର ଆର୍ଥିକ ବିକାଶ ଏହି ସବୁ ଦିଗ ଉପରେ ବିଶେଷ ଗୁରୁତ୍ବ ଦିଆଯାଉଥିଲା | ଏବେ ରେଳ,ଶିକ୍ଷା,ସ୍ୱାସ୍ଥ୍ୟ ସବୁ ଏକା ସାଙ୍ଗରେ ବଜେଟ୍‌ର ଅଂଶ ଭାବେ ଯୋଡ଼ାଯାଇଛି | ଫେବୃଆରି ୧ ତାରିଖରେ ଦେଶ ଦେଖିବାକୁ ଯାଉଛି ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ନବମ ୟୁନିଅନ୍ ବଜେଟ୍ |

ଯେତେବେଳେ ସମ୍ପତ୍ତିର ମୂଲ୍ୟ ବୃଦ୍ଧି ପାଉଛି ଓ ବ୍ୟାଙ୍କ ଋଣର ଭାର ବଢ଼ିବା ସମୟରେ, ଘର କିଣିବାକୁ ଚାହୁଥିବା ଲୋକ ଟିକସ ରିହାତି ଦାବି କରୁଛନ୍ତି | ବର୍ତ୍ତମାନ, ଧାରା 24(ବି) ଅନୁଯାୟୀ ଗୃହ ଋଣରେ ସୁଧ ରିହାତି 2 ଲକ୍ଷ ଟଙ୍କା ରହିଛି | ଯାହା କିଛି ବର୍ଷ ପୂର୍ବରୁ ସ୍ଥିର କରାଯାଇଥିଲା ଏବଂ ବର୍ତ୍ତମାନର ପରିସ୍ଥିତିରେ ଏହାକୁ ଅପର୍ଯ୍ୟାପ୍ତ ବୋଲି କୁହାଯାଉଛି | ପ୍ଲସ୍ କ୍ୟାସର ପ୍ରତିଷ୍ଠାତା ତଥା ସିଇଓ ପ୍ରଣବ କୁମାର କହିଛନ୍ତି, ବଜେଟ୍ ୨୦୨୬-୨୭ ଟିକସ ସଞ୍ଚୟ ଏବଂ ଦୀର୍ଘକାଳୀନ ନିବେଶକୁ ପ୍ରୋତ୍ସାହିତ କରିବା ଉପରେ ଧ୍ୟାନ ଦେବାର ସମ୍ଭାବନା ଅଛି |
ରିପୋର୍ଟ ଅନୁଯାୟୀ , ସ୍ୱାସ୍ଥ୍ୟ ବୀମା ପରିସର ବଢ଼ିବା ଓ ଦୀର୍ଘକାଳୀନ ଚିକିତ୍ସାକୁ ବିସ୍ତାର କରିବା |ସରକାରୀ ଦରରେ ସେବା ଦିଆଯାଇଲେ ପ୍ରାଇଭେଟ୍ ହସ୍ପିଟାଲ୍ ଉପରେ ଚାପ ବଢ଼ିବା ସମ୍ଭାବନା ରହିଛି | ଆଗାମୀ ବର୍ଷ ୨୦୨୬- ୨୦୨୭ ପାଇଁ GDP 6.8%–7.2% ରହିବା ଅନୁମାନ କରାଯାଉଛି | ଚଳିତ ବର୍ଷର GDP 7.4% ଥିଲେ ମଧ୍ୟ ଭାରତ ଏହି ସମୟରେ ବିଶ୍ୱର ସବୁଠାରୁ ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ | ICRA ର ଅନୁମାନ କରାଯାଉଛି ଯେ ରାଜକୋଷୀୟ ନିଅଣ୍ଟକୁ 4.3% ମଧ୍ୟରେ ସୀମିତ ରଖିବା ପାଇଁ ଚେଷ୍ଟା କାରଯୁଛି |

ଶିଳ୍ପ ଜଗତ ଚାହୁଛି, ଜିଏସଟି(GST) ସମସ୍ୟାର ସମାଧାନ ହେଉ ଏବଂ କଞ୍ଚାମାଲ ଉପରେ ଟିକସ କମ୍ କରାଯାଉ, ଯାହାଦ୍ୱାରା ଭାରତରେ ଜିନିଷ ତିଆରି କରିବା ଶସ୍ତା ହେବ | ସୌର ଶକ୍ତି ଏବଂ ନୂତନ ଟେକ୍ନୋଲୋଜି ପାଇଁ ଅଧିକ ବଜେଟ୍ ବ୍ୟବସ୍ଥା ସହ ଘରୋଇ ଉତ୍ପାଦନକୁ ପ୍ରୋତ୍ସାହନ ମିଳିବା ନେଇ ଆଶା କରାଯାଉଛି | ଛୋଟ ବ୍ୟବସାୟୀଙ୍କ ପାଇଁ ସହଜ ଋଣ ଏବଂ ଟିକସ ନିୟମରେ କୋହଳ କରିବାକୁ ଦାବି ହୋଇଛି | ସେୟାର ବଜାର ଓ ସାଧାରଣ ନିବେଶକ ପାଇଁ ସିକ୍ୟୁରିଟି ଟ୍ରାଞ୍ଜାକସନ୍ ଟ୍ୟାକ୍ସ (STT) କମାଇବା ଏବଂ କ୍ୟାପିଟାଲ ଗେନ୍ ଟ୍ୟାକ୍ସରେ ରିହାତି ପାଇଁ ନିବେଶକମାନେ ଚାହି ରହିଛନ୍ତି। ଯାହା ଫଳରେ ନିବେଶକମାନେ ଅଧିକ ଲାଭ ପାଇପାରିବେ। ଖାଲି ସେତିକି ନୁହେଁ, ସ୍ୱାସ୍ଥ୍ୟ କ୍ଷେତ୍ରରେ ମହିଳାଙ୍କ ସ୍ୱାସ୍ଥ୍ୟ ଏବଂ ଗୁରୁତର ରୋଗ ଉପରେ ଫୋକସ୍, ଶିକ୍ଷାରେ ଡିଜିଟାଲ କ୍ଲାସରୁମ୍ ଓ କୃଷି କ୍ଷେତ୍ରରେ ଏଫପିଓ(ଫାରମର୍ ପ୍ରଡ୍ୟୁସର ଅରଗାନାଇଜେସନ୍)କୁ ଶକ୍ତିଶାଳୀ କରିବା ପାଇଁ ସରକାର ପାଣ୍ଠି ବଢ଼ାଇ ପାରନ୍ତି। ତେବେ ଅର୍ଥମନ୍ତ୍ରୀଙ୍କ ବଜେଟ୍ ପେଡ଼ିରୁ ଏଥର କାହାକୁ କଣ ମିଳୁଛି, ତାହା ଫେବ୍ରୁଆରି ୧ ତାରିଖରେ ସ୍ପଷ୍ଟ ହେବ ।
କୁଆଡ଼େ ଗଲେ କିଙ୍ଗ କୋହଲି ?

ବିରାଟ କୋହଲିଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ନେଇ ଶୁକ୍ରବାର ଦିନ ଯେଉଁ ଚର୍ଚ୍ଚା ଚାଲିଥିଲା, ସେଥିରେ ଏବେ ବିରାମ ଲାଗିଛି | ଶୁକ୍ରବାର ୩୦ ଜାନୁୟାରୀ ୨୦୨୬ ଭୋର ସମୟରେ ହଠାତ୍ ବିରାଟ କୋହଲିଙ୍କ ଅଫିସିଆଲ୍ ଇନଷ୍ଟାଗ୍ରାମ ପ୍ରୋଫାଇଲ୍ ଗାଏବ ହୋଇଯାଇଥିଲା | ପ୍ରାୟ ୨୭୪ ମିଲ୍ରେଲିୟନ ରୁ ଅଧିକ ଫଲୋଅର୍ସ ଥିବା ଏହି ଆକାଉଣ୍ଟକୁ ସର୍ଚ୍ଚ କଲେ ‘User not found’ ବା ‘Page not available’ ଦେଖାଉଥିଲା।

ଭୟଭୀତ ହେଲେ ପ୍ରଶଂସକ: କିଙ୍ଗ କୋହଲି କୌଣସି ସୂଚନା ନଦେଇ ଆକାଉଣ୍ଟ ଡିଲିଟ୍ କରିଦେଲେ କିମ୍ବା ଡିଆକ୍ଟିଭେଟ୍ କରିଦେଲେ ବୋଲି ଚର୍ଚ୍ଚା ଜୋର ଧରିଥିଲା। କିଛି ଲୋକ ଏହାକୁ ତାଙ୍କର ସନ୍ନ୍ୟାସ ନେବେ ବୋଲି ଯୋଡି ଦେଇଛନ୍ତି , ଯାହାକି ତାଙ୍କ ପ୍ରଶଂସକ ମଧ୍ୟରେ ଭୟଭୀତ ଛାୟା ଖେଳିଯାଇଥିଲା | ଆଶ୍ଚର୍ଯ୍ୟର କଥା ଯେ, ପ୍ରାୟ ଠିକ ସେହି ସମୟରେ ବିରାଟଙ୍କ ବଡ଼ ଭାଇ ବିକାଶ କୋହଲିଙ୍କ ଆକାଉଣ୍ଟ ମଧ୍ୟ ଇନଷ୍ଟାଗ୍ରାମରୁ ଗାଏବ ହୋଇଥିଲା |

ପ୍ରଶଂସକମାନେ ଚିନ୍ତାରେ ପଡି କୌଣସି ଉପାୟ ନପାଇ ଅନୁଷ୍କା ଶର୍ମାଙ୍କ ଇନଷ୍ଟା ପୋଷ୍ଟରେ ଭାଇଙ୍କ ଆକାଉଣ୍ଟ କୁଆଡ଼େ ଗଲା ? ବୋଲି ପଚାରିବା ଆରମ୍ଭ କରିଥିଲେ | ପ୍ରାୟ କିଛି ଘଣ୍ଟାର ବ୍ୟବଧାନ ପରେ ସକାଳ ପ୍ରାୟ ୮:୩୦ ସମୟରେ ବିରାଟଙ୍କ ଆକାଉଣ୍ଟ ପୁଣିଥରେ ସକ୍ରିୟ ହୋଇଯାଇଥିଲା | ଏପର୍ଯ୍ୟନ୍ତ ବିରାଟ କୋହଲି କିମ୍ବା ମେଟା (Meta) ପକ୍ଷରୁ କୌଣସି ଆଧିକାରିକ ସ୍ପଷ୍ଟିକରଣ ମିଳି ନାହିଁ | ତେବେ ଏହା ଏକ ଯାନ୍ତ୍ରିକ ତ୍ରୁଟି ବୋଲି ଅନୁମାନ କରାଯାଉଛି | କୋହଲିଙ୍କ ଆକାଉଣ୍ଟ ଏବେ ସମ୍ପୂର୍ଣ୍ଣ ସୁରକ୍ଷିତ ଏବଂ ପୂର୍ବଭଳି ଆକ୍ଟିଭ୍ ଅଛି | ତେଣୁ ପ୍ରଶଂସକମାନେ ଚିନ୍ତା କରିବାର କୌଣସି କାରଣ ନାହିଁ।
ଭାରତୀୟ କ୍ରୀଡ଼ା ଜଗତ ପାଇଁ ଏକ ଦୁଃଖଦ ଖବର

ଭାରତୀୟ କ୍ରୀଡ଼ା ଜଗତ ପାଇଁ ଏକ ଦୁଃଖଦ ଖବର ଆସିଛି | ଆଥ୍‌ଲେଟ୍ ତଥା ଭାରତୀୟ ଅଲିମ୍ପିକ୍ ସଂଘର (IOA) ସଭାନେତ୍ରୀ ପିଟି ଉଷାଙ୍କ ସ୍ୱାମୀ ଭି. ଶ୍ରୀନିବାସନଙ୍କର ଆକସ୍ମିକ ଦେହାନ୍ତ ହୋଇଛି | ଶୂକରୀବର ଦିନ ସକାଳେ ହଠାତ୍ ହୃଦ୍‌ଘାତ ହୋଇଥିଲା ଯାହା ଫଳରେ ତାଙ୍କୁ ଡାକ୍ତରଖାନା ନିଆଯିବ ବାଟରେ ତାଙ୍କର ଶେଷ ନିଶ୍ୱାସ ପରିତ୍ୟାଗ କରିଥିଲେ | ଭି . ଶ୍ରୀନିବାସଙ୍କ ବୟସ ୬୭ ବର୍ଷ | ଭି. ଶ୍ରୀନିବାସନ କେବଳ ପିଟି ଉଷାଙ୍କ ଜୀବନସାଥୀ ନଥିଲେ, ବରଂ ସେ ଥିଲେ ଭାରତୀୟ କ୍ରୀଡ଼ାର ଜଣେ ନିରବ ସାଧକ |

ସେ ପେଷାରେଜଣେ CISF ର ଜଣେ ପୂର୍ବତନ ଡିଏସ୍‌ପି (DSP) ଭାବେ ଅବସର ଗ୍ରହଣ କରିଥିଲେ | ସେ ନିଜେ ଜଣେ କୁଶଳୀ କବାଡି ଖେଳାଳି ଥିଲେ | କୋଝିକୋଡ଼ସ୍ଥିତ ଉଷା ସ୍କୁଲ୍ ଅଫ୍ ଆଥଲେଟିକ୍ସ ର ପ୍ରତିଷ୍ଠା ଓ ସଫଳତା ପଛରେ ତାଙ୍କର ବହୁତ ଅବଦାନ ରହିଛି |ଶ୍ରୀନିବାସନଙ୍କ ବିୟୋଗରେ ସାରା ଦେଶରେ ଶୋକର ଛାୟା ଖେଳିଯାଇଛି ତାହା ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ କରିବା ସହ ପିଟି ଉଷାଙ୍କ ପରିବାରକୁ ସମବେଦନ ଜଣେଇଛନ୍ତି |

୨୦୨୬ରେ ଭୁବନେଶ୍ୱରରେ ଅନୁଷ୍ଠିତ SJFI ଜାତୀୟ ସମ୍ମିଳନୀରେ ଭି .ଶ୍ରୀନିବାସ ଓଡ଼ିଶା ଆସିଥିଲେ | ଭାରତୀୟ କ୍ରୀଡ଼ା ସାମ୍ବାଦିକ ସଂଘ (SJFI) ଏବଂ ଓଡ଼ିଶା କ୍ରୀଡ଼ା ସାମ୍ବାଦିକ ସଂଘ (OSJA) ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି | ପିଟି ଉଷାଙ୍କ ସଫଳତା ଓ ରାଜନୈତିକ ଜୀବନର ବିକାଶରେ ଶ୍ରୀନିବାସନଙ୍କ ଭୂମିକା ଅତୁଳନୀୟ ଥିଲା |
ବ୍ୟାନ ହେବନି ପାନ ମସଲା, ସ୍ପଟିକରଣ ଦେଲା ସ୍ୱାସ୍ଥ୍ୟ ବିଭାଗ

ବ୍ୟାନ ହେବନି ପାନ ମସଲା । ଏହି ସ୍ପଷ୍ଟୀକରଣ ଦେଇଛି ସ୍ୱାସ୍ଥ୍ୟ ବିଭାଗ । ଆଜ୍ଞା ହଁ ଏଥିରେ ଟବାକୋ,ନିକୋଟିନ ନଥିବାରୁ ଏହା ବ୍ୟାନ ହେବ ନାହିଁ ବୋଲି ସ୍ଵାସ୍ତ୍ୟ ବିଭାଗ ପକ୍ଷରୁ ସୂଚନା ଆସିଛି । ସ୍ବାସ୍ଥ୍ୟ ବିଭାଗ ସଚିବ ଏମ ଅସ୍ଵସ୍ଥି ଏନେଇ ଅର୍ଥ ବିଭାଗକୁ ଚିଠି ଲେଖି ଅବଗତ କରିଛନ୍ତି । ତମାକୁ ବ୍ୟାନ ନେଇ ୨୦୧୩ ପୁରୁଣା ଆଇନରେ ସଂଶୋଧନ କରି ଗତ ଜାନୁଆରୀ ୨୧ରେ ନୂଆ ଆଇନ ଲାଗୁ କରିଛନ୍ତି ସରକାର । ନୁଆ ଆଇନରେ ପାନମସାଲା, ଜର୍ଦା, ପ୍ରସ୍ତୁତି, ବିକ୍ରୀ ଓ ଗଚ୍ଛିତ ରଖିବା ଉପରେ ରୋକ ଲଗାଯାଇଛି । ତମାଖୁ, ଜର୍ଦା, ଖଇନି, ପାନ ମସାଲାର ସେବନ ଦ୍ୱାରା ଓରାଲ ହେଲ୍ଥ ଉପରେ ବ୍ୟାପକ ପ୍ରଭାବ ପଡି ଥାଏ |ମୁହଁ କ୍ୟାନ୍ସର ସହ ଷ୍ଟୋମକ, ପାନକ୍ରିୟାଜ, ଥ୍ରୋଟ ଏବଂ ରେନାଲ କ୍ୟାନ୍ସର ହବାର ସମ୍ଭାବନା ଥାଏ । ସେଥିପାରୁ ତମାଖୁ ବ୍ୟାନ ଆଇନକୁ କଡାକଡି ପାଳନ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ରାଜ୍ୟରେ ବିଭିନ୍ନ ସ୍ଥାନରେ ପୁଲିସ, ପ୍ରଶାସନ ପକ୍ଷରୁ ରେଡ କରି ଗୁଟଖା, ତମାଖୁ ଜବତ କରାଯାଉଛି ।
ହେଲମେଟ ସଚେତନତାର ନିଆରା ପ୍ରୟାସ: ଦାନଗଦୀରେ ୩୭ତମ ସଡ଼କ ସୁରକ୍ଷା ଓ ଜୀବନ ରକ୍ଷା ଅଭିଯାନ

ଯାଜପୁର ଜିଲ୍ଲା ଦାନଗଦୀ ଅଞ୍ଚଳ ଅନ୍ତର୍ଗତ ସୀଙ୍ଗାଡ଼ିଆ ଛକ ନିକଟରେ ୟୁନିକୋ ଏଣ୍ଟ୍ରପ୍ରାଇଜେସ (ନୀଳାଞ୍ଚଳ କମ୍ପାନୀ) ତରଫରୁ ଦାନଗଦୀ ପୋଲିସର ସହଯୋଗରେ ୩୭ତମ ସଡ଼କ ସୁରକ୍ଷା ଓ ଜୀବନ ରକ୍ଷା ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୋଟରସାଇକେଲ ଆରୋହୀମାନେ କିପରି ହେଲମେଟ ପିନ୍ଧି ନିଜ ଜୀବନ ସୁରକ୍ଷା କରିପାରିବେ, ସେନେଇ ସଚେତନ କରାଯାଇଥିଲା। ଡବଲ ହେଲମେଟ ପିନ୍ଧି ଗାଡ଼ି ଚଳାଉଥିବା ବ୍ୟକ୍ତିମାନଙ୍କୁ ଗୋଲାପ ଫୁଲ ଓ ଚକୋଲେଟ୍ ଦେଇ ସମ୍ବର୍ଦ୍ଧନା କରାଯାଇଥିଲା।

ରାତ୍ରି ସମୟରେ ସଡ଼କ ଦୁର୍ଘଟଣା ରୋକିବା ଉଦ୍ଦେଶ୍ୟରେ ବୁଲା ଗାଈ, ଗୋରୁ ଓ ଷଣ୍ଢମାନଙ୍କ ବେକରେ ରେଡିଅମ୍ ବେଲ୍ଟ ପିନ୍ଧାଯାଉଥିବାର ଦୃଶ୍ୟ ଲୋକଙ୍କ ଆକର୍ଷଣ କେନ୍ଦ୍ର ବନିଥିଲା। ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବା ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ ଥିଲା, ଯାହାକୁ ୟୁନିକୋ ଏଣ୍ଟ୍ରପ୍ରାଇଜେସର ଏକ ନିଆରା ପ୍ରୟାସ ଭାବେ ଦେଖାଯାଉଛି। ଏହି ଅବସରରେ ଦାନଗଦୀ ଫାଣ୍ଡି ଅଧିକାରୀ ଅମୂଲ୍ୟ କୁମାର ମିଶ୍ର ଯୋଗଦେଇ କହିଥିଲେ, “ସମସ୍ତ ଜନସାଧାରଣ ଗାଡ଼ି ଚଳାଇବା ବେଳେ ସର୍ବଦା ହେଲମେଟ ବ୍ୟବହାର କଲେ ନିଜ ସୁରକ୍ଷା ସହ ପରିବାର ମଧ୍ୟ ସୁରକ୍ଷିତ ରହିପାରିବ।”

ଏହି ସଚେତନତା ଅଭିଯାନରେ ନୀଳାଞ୍ଚଳ ଇସ୍ପାତ ନିଗମର RMHS & Logistic Operation ବିଭାଗର ରାକେଶ ମହାନ୍ତି, ଶୁଭେନ୍ଦୁ ଚନ୍ଦା ଓ କୁନାଲ ବିଶ୍ୱାସ ସାମିଲ ହୋଇଥିଲେ।