Blog

ସ୍ତ୍ରୀ ହତ୍ୟାକାରୀ ଫେରାର ସ୍ବାମୀର ଗିରଫଦାରି ଦାବିରେ ଗ୍ରାମରେ ଉତ୍ତେଜନା

ପାରିବାରିକ କଳହରୁ ସ୍ତ୍ରୀକୁ ହତ୍ୟା କରି ସ୍ୱାମୀ ଫେରାର ହୋଇଥିବା ବେଳେ ସ୍ତ୍ରୀର ବାପଘର ଲୋକ ଥାନାର ଦ୍ବାରସ୍ଥ। ସ୍ବାମୀଙ୍କ ପରିବାରର ୫ ଜଣଙ୍କ ସହ ଜଣେ ପୋଲିସ କର୍ମୀଙ୍କ ନାମରେ ଥାନାରେ ଅଭିଯୋଗ। ଏହି ହତ୍ୟାକୁ ନେଇ ଗ୍ରାମରେ ଦେଖାଦେଇଛି ଉତ୍ତେଜନା। ସୂଚନା ମୁତାବକ, ପୁରୁଣାବଜାର ଥାନାଧୀନ ମିର୍ଜାପୁର ଗ୍ରାମର ସେକ ତାହିରଙ୍କ ଝିଅ ରୁନୁ ବିବି ଗୁଜିଦରଡ଼ାସ୍ଥିତ ସେକ ମୋଜଲ ହୋସେନଙ୍କ ସହ ୧୪ ବର୍ଷ ପୂର୍ବେ ନିକାହ ହୋଇଥିଲା। ନିକାହ ପରଠାରୁ ମୋଜେଲ ରୁନୁଙ୍କୁ ଯୌତୁକ ନିର୍ଯାତନା ଦେଇଆସୁଥିଲେ।

ପରେ ରୁନୁ ଦୁଇଟି କନ୍ୟା ସନ୍ତାନଙ୍କୁ ଜନ୍ମ ଦେବାରୁ ଏହି ନିର୍ଯାତନା ବଢିଯାଇଥିଲା। ଥିବା ହେତୁ ମୋଜେଲ ରୁନୁଙ୍କୁ ମାରପିଟ ମଧ୍ୟ କରୁଥିଲେ | ସବୁ ସମୟରେ ମୋଜେଲ ନିଶାସକ୍ତ ଅବସ୍ଥାରେ ରହୁଥିଲେ। ମୋଜେଲଙ୍କ ସାଙ୍ଗରେ ତାଙ୍କର ଦୁଇ ଭଉଣୀ ଓ ଭିଣୋଇ ମଧ୍ୟ ରୁନୁଙ୍କୁ ନିର୍ଯାତନା ଦେଉଥିଲେ |ଏହାକୁ ନେଇ ଗତବର୍ଷ ଏପ୍ରିଲ ମାସରେ ମୋଜେଲର ମରଣାତ୍ମକ ଆକ୍ରମଣରେ ରୁନୁ ଗୁରୁତର ଆହତ ହୋଇଥିଲା। ଏଥିପାଇଁ ପୁରୁଣାବଜାର ଥାନାରେ ଏକ ମାମଲା ମଧ୍ୟ ଦାୟର ହୋଇଥିଲା, ଯାହା ଏବେ କୋର୍ଟରେ ବିଚରାଧୀନ ରହିଛି |

ତେବେ ଗତକାଲି ମଧ୍ୟାହ୍ନରେ ରୁନୁଙ୍କୁ ମୋଜେଲ ଆକ୍ରମଣ କରି ଗୁରୁତର କରି ଫେରାର ହୋଇଯାଇଥିବା ରୁନୁଙ୍କ ଭାଇ ସେକ ସରାଫତ ଖବର ପାଇ ଗୁଜିଦରଡ଼ାରେ ପହଂଚିଥିଲେ। ପୋଲିସ ଉପସ୍ଥିତିରେ ରୁନୁଙ୍କୁ ମେଡିକାଲ ନିଆଯାଇଥିଲେ ମଧ୍ୟ ଡାକ୍ତର ରୁନୁଙ୍କୁ ମୃତ ଘୋଷଣା କରିଥିଲେ। ଏନେଇ ଗ୍ରାମାଞ୍ଚଳ ଥାନାରେ ସେକ ସରାଫତ ଅଭିଯୋଗ କରିଛନ୍ତି। ଅଭିଯୋଗରେ ଥାନାର ଜଣେ କର୍ମଚାରୀଙ୍କ ନାମ ମଧ୍ୟ ଉଲ୍ଲେଖ ଥିବା ବେଳେ ତାଙ୍କ ନାମକୁ ପୋଲିସ ହଟାଇ ଦେବାରୁ ଏହାକୁ ନେଇ ଦେଖାଦେଇଛି ଉତ୍ତେଜନା। ପୋଲିସ ତୁରନ୍ତ ହତ୍ୟାକାରୀ ମୋଜେଲକୁ ଗିରଫ କରିବାକୁ ତଥା ଏତଲାରୁ ବାଦ ଦିଆଯାଇଥିବା ପୋଲିସ କର୍ମଚାରୀଙ୍କ ସହ ସମସ୍ତ ୬ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି।

ଏହି ଘଟଣାକୁ ନେଇ ଗ୍ରାମବାସୀଙ୍କ ମଧ୍ୟରେ ଦେଖାଦେଇଥିଲା ଉତ୍ତେଜନା। ଉତ୍ତେଜିତ ଲୋକଙ୍କୁ ପୋଲିସ ବୁଝାସୁଝା କରିଛି। ସାତ ଦିନ ଭିତରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ବୋଲି ପ୍ରତିଶ୍ରୁତି ଦେଇଛନ୍ତି ସିଟି ସିଏସପି ଅଂଶୁମାନ ଦିବେଦୀ

ପୋଲିସର ପ୍ରତିଶ୍ରୁତି ପରେ ଉତ୍ତେଜନା ହ୍ରାସ ପାଇଥିବା ବେଳେ କିନ୍ତୁ ମାମଲାରେ ସମ୍ପୃକ୍ତ ପୋଲିସ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଡି ବସିଛନ୍ତି ଲୋକେ। ଯଦି କାର୍ଯ୍ୟାନୁଷ୍ଠାନ ନ ହୁଏ ଲୋକେ ଆନ୍ଦୋଳନକୁ ଓହ୍ଲାଇବେ ବୋଲି ଦେଇଛନ୍ତି ଚେତାବନୀ
ବାଙ୍ଗିରିପୋଷି: ଦ୍ୱାରଶୁଣୀ ଘାଟିରେ ଓଲଟିଲା ଧଉଳି ଗଣନାଟ୍ୟ ଟ୍ରକ, ୬ ମୃତ, ୧୨ ଆହତ

ବାରିପଦା: ବାଙ୍ଗିରିପୋଷି ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣୀ ଘାଟିରେ ଧଉଳି ଗଣନାଟ୍ୟର ଟ୍ରକ ଓଲଟିବାରୁ ଅତିକମରେ ପାଞ୍ଚ ଜଣ ଲୋକଙ୍କ ମୃତ୍ୟୁ ଘଟିବା ସହିତ ୧୨ ଜଣ ଆହତ ହୋଇଛନ୍ତି । ଗୁରୁତରଙ୍କୁ ଚିକିତ୍ସା ପାଇଁ ସ୍ଥାନୀୟ ଜନସାଧାରଣ, ପୁଲିସ, ଓ ଦେଖାଣହାରିଙ୍କ ସହାୟତାରେ ବାଙ୍ଗିରିପୋଷି ଡାକ୍ତରଖାନାରେ ଭର୍ତ୍ତି କରାଯାଇଛି ।

ଟ୍ରକରେ ଥିବା ସମସ୍ତ ସାମଗ୍ରୀ ୨୦ ଫୁଟ ତଳକୁ ଖସି ପଡିଥିବା ବେଳେ ଉଦ୍ଧାର କାର୍ଯ୍ୟ ଯାରି ରହିଛି । ଲାଇଟ ସରଞ୍ଜାମ ନେଇ ଟ୍ରକଟି ରାଇରଙ୍ଗପୁରରୁ ଜଳେଶ୍ୱର ଯାଉଥିବା ବେଳେ ଝିପି ଝିପି ବର୍ଷ ଯୋଗୁ ଡ୍ରାଇଭର ଭାରସାମ୍ୟ ହରାଇଥିବା କୁହାଯାଉଛି।

ବର୍ତ୍ତମାନ ସୁଦ୍ଧା କିଛି ଯାତ୍ରୀ ଟ୍ରକ ତଳେ ଚାପି ହୋଇ ରହିଛନ୍ତି ବୋଲି ବିଶେଷ ସୂତ୍ରରୁ ପ୍ରକାଶ । ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପୋଲିସଙ୍କୁ ଉଦ୍ଧାର କାର୍ଯ୍ୟରେ ସାହାଯ୍ୟ କରୁଛନ୍ତି ।
ନାବାଳିକା ବଖାଣିଲା ଅପହରଣର ଲୋମ ଟାଙ୍କୁରା କାହାଣୀ

ଚଉଦ ବର୍ଷର ନାବାଳିକା ବଖାଣିଲା ନିଜ ଅପହରଣର ଲୋମ ଟାଙ୍କୁରା କାହାଣୀ। ତା ଉପରେ ଲୋଲୁପ ଦୃଷ୍ଟି ରଖିଥିବା ମଣିଷ ରୂପି ରାକ୍ଷସ ତା ସମ୍ପର୍କୀୟ ଭାଇ କିପରି ତାକୁ ଅପହରଣ କରିଥିଲା ଓ କିପରି ତା କବଳରୁ ରକ୍ଷା ପାଇ ନୂଆ ଜୀବନ ପାଇଲା ସେ ସବୁ ବଖାଣିଛି ନାବାଳିକା। କେନ୍ଦ୍ରାପଡ଼ା ସଦର ଥାନା ଅଧୀନ ବସପୁର ନାରହରିପୁର ଅଞ୍ଚଳର ଜଣେ ୧୪ ବର୍ଷୀୟା ନାବାଳିକା ଉପରେ ପଡୋଶୀ ଘରର ଚାଳିଶ ବର୍ଷୀୟ ସମ୍ପର୍କୀୟ ଭାଇ ଚନ୍ଦନ ଜେନା ଖରାପ ନଜର ରଖିଥିଲା। ବିଭିନ୍ନ ସମୟରେ ତାକୁ ବିବାହ କରିବାକୁ କହୁଥିଲା। ସେ ଘରେ ଏ ବିଷୟରେ କହିଥିଲେ ବି ଘର ଲୋକ କହୁଥିଲେ ମଜାରେ ଚନ୍ଦନ ଏମିତି କହୁଥିବା। ତେଣୁ ଏହି କଥାକୁ ଗୁରୁତ୍ବ ଦେଉନଥିଲେ ନାବାଳିକାର ପରିବାର ଲୋକେ। ହେଲେ ଜାନୁଆରୀ ୧୬ ତାରିଖରେ ନାବାଳିକା ସ୍କୁଲରୁ ଫେରୁଥିବା ସମୟରେ ତାକୁ ଚନ୍ଦନ ଓ ତା ସହଯୋଗୀମାନେ ଏକ କାର ଯୋଗେ ଅପହରଣ କରି ନେଇଥିଲେ।

ଏନେଇ ନାବାଳିକାର ପରିବାର ପକ୍ଷରୁ କେନ୍ଦ୍ରାପଡା ସଦର ଥାନାରେ ଅଭିଯୋଗ ହୋଇଥିଲା। ଚନ୍ଦନ ସେଠାରେ ନାବାଳିକା ସହ ଖରାପ ଆଚରଣ କରିଥିବା ନାବାଳିକା କହିଥିବା ବେଳେ ଚନ୍ଦର କୌଣସି କାମରେ ଘରୁ ବାହାରକୁ ଯାଇଥିବା ବେଳେ ସେ ନିଜ ମାଙ୍କୁ ଫୋନ କରି ସବୁ କଥା କହିଥିଲେ। ପରିବାର ଲୋକ ଝିଅ ଫୋନ କରି ଉଦ୍ଧାର କରିବାକୁ ଗୁହାରି କରିଥିବା ଥାନାରେ ଅଭିଯୋଗ କରିଥିଲେ। ଏହା ପରେ ପୋଲିସ ଚନ୍ଦନର ଫୋନ ଟ୍ରାକ୍ କରି କଳିଙ୍ଗ ନଗର ଅଞ୍ଚଳରୁ ନାବାଳିକାଙ୍କୁ ଉଦ୍ଧାର କରିବା ସହ ଅପହରଣ କାରି ଚନ୍ଦନ କୁ ଗିରଫ କରି କୋର୍ଟ ଚାଲାଣ କରିଥିଲା। ଉଦ୍ଧାର ପରେ ନାବାଳିକା ଏହି ସବୁ କଥା ନିଜ ମୁହଁରେ ବଖାଣିଛି।
ଘନ କୁହୁଡ଼ି ଯୋଗୁଁ ଶ୍ରୀକଲା ଘାଟିରେ ଭାରସାମ୍ୟ ହରାଇ ଓଲଟିଲା କାର ,୩ ଆହତ

()ରାଜ୍ୟରେ ଜାରି ରହିଛି ଘନ କୁହୁଡି । ଫଳରେ ଜନ ଜିବନ ଅସ୍ତବ୍ୟସ୍ତ ହୋଇ ପଡିଛି । ଏହି କୁହୁଡି ଯୋଗୁଁ ଅନେକ ଦୁର୍ଘଟଣା ଘଟୁଥିବାର ମଧ୍ୟ ଦେଖିବାକୁ ମିଳୁଛି ।ସେହିଭଳି ଏହି ଘନ କୁହୁଡି ଯୋଗୁଁ ଜି.ଉଦୟଗିରି ନିକଟସ୍ଥ ଶ୍ରୀକଲା ଘାଟିରେ ଏକ କାର ଦୁର୍ଘଟଣା ଗସ୍ତ ହୋଇଛି । ଗାଡିରେ ଥିବା ତିନି ଜଣଙ୍କୁ ଆହତ ଅବସ୍ଥାରେ ଗ୍ରାମବାସୀ ଉଦ୍ଧାର କରି ଜି.ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଚିକିତ୍ସା କରାଇଥିବା ଜଣା ପଡିଛି । କାର ମାଲିକ ଅଭିଷେକ ଗିରି ନିଜେ କାର ଚଳାଉଥିବା ବେଳେ ସାଥିରେ ସୁନୀଲ ପଟ୍ଟନାୟକ ଏବଂ ସାୟନ ମୁଖାର୍ଜି ଗାଡ଼ିରେ ବସିଥିଲେ । ସୂଚନା ପ୍ରକାରେ ଜି.ଉଦୟଗିରି ଅଞ୍ଚଳରେ ଓଡ଼ିଆ ଫିଲ୍ମ “ଅଦୃଶ୍ୟ”ର ସୁଟିଂ ଚାଲିଅଛି । ଯେଉଁଥିରେ ନାୟକ ଭୂମିକାରେ ଅଭିଷେକ ଗିରି ଓ ନାୟିକା ସାୟନ ମୁଖାର୍ଜୀ ଅଭିନୟ କରୁଥିବା ସୂଚନା ରହିଛି।

ତେବେ ସେମାନେ ସକାଳୁ ସକାଳୁ ଶ୍ରୀକଲା ଘାଟି ଆଡ଼େ ବୁଲି ଯାଇ ଫେରୁଥିବା ବେଳେ ଘନ କୁହୁଡ଼ି ଯୋଗୁଁ ଘାଟିରେ କାରଟି ଭାରସାମ୍ୟ ହରେଇ ଏକ ଗାର୍ଡ ୱାଲ କୁ ମାଡ଼ ହୋଇ ପ୍ରାୟ ୧୦୦ ମିଟର ପର୍ଯ୍ୟନ୍ତ ଘୋଷାଡ଼ି ହୋଇ ଓଲଟି ଯାଇଥିଲା । ଫଳରେ ତିନି ଜଣ ଆହତ ହୋଇଥିଲେ । ତେବେ ଦୁର୍ଘଟଣା ସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଧନୁଯାତ୍ରାର ୮ମ ସନ୍ଧ୍ୟା: କଂସ ରାଜାଙ୍କ ସ୍ବର୍ଗ ବିଜୟ, ଗୋପପୁରରେ ଅକ୍ରୁର

ବରଗଡ ମୁକ୍ତାକାଶ ରଙ୍ଗ ମଞ୍ଚରେ ଧନୁଯାତ୍ରାର ୮ମ ରଜନୀରେ ମହାରାଜା କଂସ ଓ ରାକ୍ଷସ ରାକ୍ଷସୀଙ୍କ ଅଟ୍ଟହାସ୍ୟରେ କମ୍ପିଥିଲା ସମଗ୍ର ମଥୁରାନଗରୀ । କପଟ ଧନୁଯାତ୍ରା ଆଳରେ ବାଳ କୃଷ୍ଣ, ବଳରାମଙ୍କୁ ମଥୁରା ଆଣି ହତ୍ୟା କରିବାକୁ ମହାରାଜା କଂସଙ୍କ ଆଦେଶରେ ଗୋପପୁର ଯାଇଛନ୍ତି ମନ୍ତ୍ରୀ ଅକ୍ରୁର। ନନ୍ଦରାଜାଙ୍କୁ କଂସଙ୍କ ଚିଟାଉ ଦେଇ ଦୁଇ ଭାଇଙ୍କୁ ଘେନିଆସିବେ ମଥୁରା । ତେବେ ଗୋପପୁର ଯିବା ବେଳେ ଯମୁନା ନଦୀରେ ଶ୍ରକୃଷ୍ଣଙ୍କ ପାଦ ଚିହ୍ନ ଦେଖି ଅକ୍ରୁ ନିଜକୁ ଧନ୍ୟ ମନେ କରିଛନ୍ତି । ଯମୁନା ନଦୀରେ ଶ୍ରୀକୃଷ୍ଣ ଓ ବଳରାମ ସଖା ସହୋଦରଙ୍କ ସହ ନାଚଗୀତ କରୁଥିବା ବେଳେ ଶଙ୍ଖଚୁଡ଼ ନାଗକୁ ଦଳନ କରିବା ସହ ଅନ୍ଧ ବ୍ରାହ୍ମଣଙ୍କୁ ଚକ୍ଷୁଦାନ କରିଛନ୍ତି, ଯେଉଁଥିପାଇଁ ବ୍ରାହ୍ମଣୀମାନେ ଦେଇଛନ୍ତି ଭୁରି ଭୋଜନ । ସେପଟେ ମଥୁରାନଗରୀରେ ମହାରାଜା କଂସ ସ୍ବର୍ଗପୁର ଆକ୍ରମଣ କରି ଇନ୍ଦ୍ରଙ୍କୁ ଓ ଯମପୁରରେ ଯମରାଜଙ୍କୁ ପରାସ୍ତ କରି ମଦମତ୍ତ ମହାରାଜା କଂସ ନାଚଗୀତରେ ମସଗୁଲ ହୋଇଥିବା ଦେଖିବାକୁ ମିଳିଛି। ଏଥିସହ ରାଜ୍ୟର ବିଭିନ୍ନ ସମସ୍ୟା ବୁଝି ବ୍ୟାଙ୍କ, ଡାକଘର ଅଧିକାରୀଙ୍କୁ ନାନା ନିର୍ଦ୍ଦେଶ ଦେଇଛନ୍ତି ମହାରାଜ କଂସ।

ସେପଟେ, ମହାରାଜଙ୍କ ଦରବାରରେ ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ ଉପସ୍ଥିତ ହୋଇ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନକାର୍ଯ୍ୟକୁ ରାଜା କଂସଙ୍କ ସମ୍ମୁଖରେ ଉପସ୍ଥାନ କରିଛନ୍ତି। କିନ୍ତୁ ଶ୍ରୀ ଜଗନ୍ନାଥ ମହାପ୍ରଭୁଙ୍କ ନାମ ଉଚ୍ଚାରଣ କରିବାରୁ ମହାରାଜା କଂସ 50 ଲକ୍ଷ ସ୍ବର୍ଣ୍ଣ ମୁଦ୍ରାରେ ଦଣ୍ଡିତ କରିଛନ୍ତି। ସେପଟେ ଧନୁଯାତ୍ରାର ୮ ରଜନୀକୁ ଉପଭୋଗ କରିବାକୁ ହଜାର ହଜାର ସଂଖ୍ୟାରେ ଲୋକଙ୍କ ଗହଳି ଦେଖିବାକୁ ମିଳିଛି।

ମୁକ୍ତାକାଶ ରଙ୍ଗମଞ୍ଚରେ ଧନୁଯାତ୍ରା ଦେଖିବାକୁ ଲୋକଙ୍କ ମଧ୍ୟରେ ରହିଛି ପ୍ରବଳ ଗହଳି। ଆଖପାଖ ଅଞ୍ଚଳରୁ ଲୋକେ ବରଗଡ ଆସୁଥିବା ବେଳେ ସ୍ଥାନୀୟ ଲୋକଙ୍କ ଘରେ ବନ୍ଧୁବାନ୍ଧବ ପକାଇଛନ୍ତି ଡେରା। ସାରା ବରଗଡ ଏବେ ଲାଗୁଛି ଦ୍ବାପର ଯୁଗ ପରି ।
ରାହୁଲ ଗାନ୍ଧୀଙ୍କୁ ଆସାମର ମନ୍ଦିର ପ୍ରବେଶ ବାରଣ, ପଚାରିଲେ – “ମୋର ଅପରାଧ କ’ଣ?”

କଂଗ୍ରେସ ନେତା ରାହୁଲ ଗାନ୍ଧୀ ଆଜିକାଲି ଭାରତ-ଯୋଡୋ ଗସ୍ତରେ ଅଛନ୍ତି, ଆସାମ ଗସ୍ତ ସମୟରେ ଆଜି କଂଗ୍ରେସ ନେତା ଅଭିଯୋଗ କରିଛନ୍ତି ଯେ ଆସାମର ଅଧିକାରୀମାନେ ତାଙ୍କୁ ମନ୍ଦିର ପରିଦର୍ଶନ କରିବାରେ ଅଟକାଉଛନ୍ତି। ସେ ଆସାମରେ ମନ୍ଦିରକୁ ଯିବାକୁ ଚାହୁଁଥିଲେ, କିନ୍ତୁ ଅଧିକାରୀମାନେ ତାଙ୍କୁ ପ୍ରବେଶ କରିବାକୁ ଅନୁମତି ଦେଉନାହାଁନ୍ତି। କଂଗ୍ରେସ ନେତା କହିଛନ୍ତି ଯେ ମୁଁ କୌଣସି ଅପରାଧ କରି ନାହିଁ, ତେବେ କାହିଁକି ମନ୍ଦିରକୁ ଯିବା ବନ୍ଦ କରାଯାଉଛି? ସେ କହିଛନ୍ତି ଯେ ଆମେ କୌଣସି ଅସୁବିଧା ସୃଷ୍ଟି କରିବାକୁ ଚାହୁଁନାହୁଁ, ଆମେ କେବଳ ମନ୍ଦିରରେ ପ୍ରାର୍ଥନା କରିବାକୁ ଚାହୁଁଛୁ।
ମହିଳାଙ୍କ ଗଳା କାଟି ଦୁର୍ବୁତ୍ତ ଫେରାର

()ପାଟକୁରା କୁଦାନାଗରୀ ଥାନା ଅନ୍ତର୍ଗତ ପଳଶୁଡ଼ା ବିଲେଇଶୁଣି ମକର ମେଳା ବୁଲିବାକୁ ଆସିଥିବା ଜଣେ ମହିଳାଙ୍କ ଗଳା କାଟି ଫେରାର ହେଲେ ଦୁର୍ବୁତ୍ତ। ମହିଳା ଜଣଙ୍କୁ ଗୁରୁତର ଅବସ୍ଥାରେ ରଘୁନାଥପୁର ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ସ୍ଥାନାନ୍ତର। ମହିଳାଙ୍କ ଘର କ୍ରିଷ୍ନା ନନ୍ଦ ପୁର ଥାନା ଅନ୍ତର୍ଗତ ଗଇଠି ପୁର ହୋଇଥିବା ବେଳେ ଆକ୍ରମଣ ର କାରଣ ଜଣା ପଡିନାହିଁ । ସୁଚନା ଅନୁଯାୟୀ କନିମୁଳ ପଞ୍ଚାୟତ ଗଈଠିପୁର ଗ୍ରାମର ଗଗନ ସେଠିଙ୍କ ପତ୍ନୀ ଜିନତା ସେଠି ଗତକାଲି ପଳଶୁଧା ଗ୍ରାମ ସ୍ଥିତ ବିଲେଇସୁଣୀ ମକର ଯାତ୍ରା ଦେଖିବାକୁ ଯାଇଥିଲେ । ନିକଟସ୍ଥ ନଦୀକୁ ଶୌଚ ହେବାକୁ ଯାଇଥିବା ସମୟରେ କେହି ଜଣେ ଦୁର୍ବୁତ୍ତ ଜିନତାଙ୍କ ଗଳାକୁ ଏକ ଧାରୁଆ ଅସ୍ତ୍ର ସାହାର୍ଯ୍ୟରେ କାଟି ଦେଇଥିଲା ।

ମେଳା ଦେଖିବାକୁ ଆସିଥିବା କିଛି ଲୋକମାନେ ୧୦୮ ଆମ୍ବୁଲାନ୍ସ ଯୋଗେ ନିକଟସ୍ଥ ରଘୁନାଥପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ଜିନତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ଡାକ୍ତର ତାଙ୍କୁ ଜଗତସିଂହପୁର ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରିଥିଲେ । ପରେ ଜିନତାଙ୍କୁ କଟକ ଏସ.ସି.ବି କୁ ସ୍ଥାନାନ୍ତର କରାଯାଇଛି । କ୍ରିସ୍ନାନନ୍ଦପୁର ଥାନା ପକ୍ଷରୁ ଘଟଣାର ଅନୁସନ୍ଧାନ ଜାରି ରହିଛି ।
ଅଗ୍ନିକାଣ୍ଡରେ ଜଳିଗଲା ୬ ବଖରା ଘର, ଲକ୍ଷାଧିକ ଟଙ୍କାର ସମ୍ପତି ନଷ୍ଟ

() ଅଗ୍ନିକାଣ୍ଡରେ ଜଳିଗଲା ଛଅ ବଖରା ଘର । ଲକ୍ଷାଧିକ ଟଙ୍କାର ସମ୍ପତି ନଷ୍ଟ । ଏଭଳି ଏକ ଅଭାବନୀୟ ଘଟଣା ଘଟିଛି ଚାନ୍ଦବାଲି ବ୍ଲକ ଅନ୍ତର୍ଗତ ଭୂଇଁବୃତ୍ତି ପଂଚାୟତ ନୂଆଗାଁରେ । ସୁଚନା ଅନୁଯାୟୀ ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟି ଅଲେଖ ଦାସ ଓ ବିଜୟ ଦାସଙ୍କ ୬ବଖରା ଘର ସମ୍ପୂର୍ଣ ଭାବେ ପୋଡି ପାଉଁଶ ହୋଇ ଯାଇଛି । ପରବାର ଲୋକେ ଶୋଇଥିବା ଅବସ୍ଥାରେ ଘର ଜାଳିବାରୁ ଜୀବନ ବିକଳରେ ଘରୁ ବାହାରକୁ ଚାଲି ଆସିଥିଲେ ।

ନିଆଁର ପ୍ରକୋପ ଅଧିକ ଥିବାରୁ ଗ୍ରାମବାସୀ ଘରୁ କୌଣସି ସାମଗ୍ରୀ ଉଦ୍ଧାର କରି ପାରିନ ଥିଲେ । ତେବେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲେ ମଧ୍ୟ୍ୟ ଅଗ୍ନିଶମ ବିଭାଗ ପହଁଚିବା ପୂର୍ବରୁ ନିଆଁରେ ଆଁ ସବୁ କିଛି ପୋଡି ପାଉଁଶ ହୋଇ ଯାଇଥିଲା । ତେବେ ଏ ଯାଏଁ ଅଗ୍ନିକାଣ୍ଡର କାରଣ ଜଣା ପଡିନାହିଁ ।
ବାଣୀବିହାର ଓଭରବ୍ରିଜଉପରେ ଦୁର୍ଘଟଣା

ଭୁବନେଶ୍ୱର ବାଣୀବିହାର ଓଭରବ୍ରିଜ ଉପରେ ଦୁର୍ଘଟଣା । ଓଏସଆରଟିସି ବସ୍କୁ ଧକ୍କା ଦେଲା ଘରୋଇ ବସ୍ । ଦୁର୍ଘଟଣାରେ ଦୁଇ ବସର ଡ୍ରାଇଭର ସମେତ ଅନେକ ଯାତ୍ରୀ ଆହତ ହୋଇଛନ୍ତି । ସମସ୍ତ ଆହତଙ୍କୁ ହସ୍ପିଟାଲରେ ଭର୍ତି କରାଯାଇଛି । ଘଟଣାସ୍ଥଳରେ ପୁଲିସ ପହଂଚି ଖୋଳତାଡ଼ ଆରମ୍ଭ କରିଛି । ବସ୍ ବ୍ରେକ ଫେଲ ହେବା ଯୋଗୁ ଏଭଳି ଦୁର୍ଘଟଣା ଘଟିଥିବା ପୁଲିସ କହିଛି । ତେବେ ଓଭରବ୍ରିଜ ଉପରେ ଟ୍ରାଫିକ ନିୟନ୍ତ୍ରଣ ପାଇଁ ପୁଲିସ ମୁତୟନ ହୋଇଛି ।
ଗୁଣି ସନ୍ଦେହ: ୫ ମାସ ହେଲା ଝିଅ ଘରେ ମୁଣ୍ଡ ଗୁଞ୍ଜିଛି ପରିବାର

ଅନ୍ଧବିଶ୍ୱାସର କୁପରିଣତି । ଗୁଣି ଗାରେଡି ସନ୍ଦେହ ପାଇଁ ପଡୋଶୀଙ୍କ ନିର୍ଯାତନାରେ ଭୟଭୀତ ୫ ପ୍ରାଣୀ କୁଟୁମ୍ବ । ଜୀବନ ବିକଳରେ ଏବେ ଆଶ୍ରୟ ନେଇଛି ଜ୍ବାଇଁଙ୍କ ଘରେ। ସେପଟେ ଗାଁରେ ଥିବା ପୁଅ ମୃତ୍ୟୁକୁ ଆପଣେଇ ନେଇଥିବା ବେଳେ ପୁଅକୁ ହତ୍ୟା କରାଯାଇଥିବା ହେଉଛି ଅଭିଯୋଗ। ଏପରି ଏକ ଅମାନୁଷିକ ଘଟଣା ଘଟିଯାଇଛି କେନ୍ଦୁଝର ଜିଲ୍ଲାରେ। କେନ୍ଦୁଝର ଜିଲ୍ଲା ଝୁମ୍ପୁରା ବ୍ଲକ ମଲଦା ପଞ୍ଚାୟତ ରୁଗୁଡି ସାହିର ଗହ୍ମା ମୁଣ୍ଡା ଓ ତାଙ୍କ ସ୍ତ୍ରୀ ସୁନାମଣୀ ୫ ସନ୍ତାନଙ୍କୁ ନେଇ ରହୁଥିଲେ। ହେଲେ ଏହି ଗରିବ ଆଦିବାସୀ ଦମ୍ପତି ଗୁଣିଗାରେଡ଼ି କରୁଥିବା ସନ୍ଦେହ କରୁଥିଲେ ପଡୋଶୀ । ଗହ୍ମା ମୁଣ୍ଡାଙ୍କର ଜଣେ ବୃଦ୍ଧା ପଡ଼ୋଶୀଙ୍କର ଯେତେବେଳେ ଜ୍ଵରରେ ମୃତ୍ୟୁ ହେଲା ଏହି ସନ୍ଦେହ ନେଇଥିଲା ଉତ୍କଟ ରୂପ । ଏହି ଦମ୍ପତି ଗୁଣି କରି ବୃଦ୍ଧାଙ୍କୁ ମାରିଦେଇଥିବା ସନ୍ଦେହରେ ଦିଆଗଲା ନାନା ଶାରୀରିକ ଓ ମାନସିକ ନିର୍ଯାତନା ଦେଇଥିଲେ। ଏମିତି କି ଗହ୍ମା ମୁଣ୍ଡାଙ୍କୁ ମରଣାନ୍ତକ ଆକ୍ରମଣ କରିଥିଲେ । ୫ ମାସ ତଳେ ଗ୍ରାମବାସୀଙ୍କ ଆକ୍ରମଣରେ ଗହ୍ମା ମୁଣ୍ଡା ଓ ସୁନାମଣୀ ଆହତ ହୋଇଥିଲେ। ଏହା ପରେବାଂଶପାଳ ବ୍ଲକ ଫୁଲଝର ରୁଗୁଡ଼ି ମୁଣ୍ଡାସାହିରେ ଥିବା ସେମାନଙ୍କ ଜ୍ୱାଇଁ ସେମାନଙ୍କୁ ଚିକିତ୍ସା କରାଇବା ପରେ ସେମାନେ ଭଲ ହେଲେ। କିନ୍ତୁ ଭୟରେ ଆଉ ଗାଁକୁ ଯିବାକୁ ଚାହିଁନଥିଲେ। ତେଣୁ ଜ୍ବାଇଁ ନିଜ ଗାଁକୁ ଗହ୍ମା, ସୁନାମଣୀ ଓ ତାଙ୍କ ନାବାଳକ ୩ ପୁଅ ଝିଅଙ୍କୁ ଧରି ନିଜ ଘରକୁ ଚାଲିଆସିଥିଲେ। ହେଲେ ରୁଗୁଡି ସାହିରେ ବଡ ପୁଅ ତାର ପରିବାରକୁ ନେଇ ରହୁଥିଲା। କିନ୍ତୁ ତିନି ମାସ ପୂର୍ବେ ବଡ ପୁଅ ଗାଁରେ ମରିଗଲା। କିନ୍ତୁ ପୁଅକୁ ଗାଁ ଲୋକେ ମିଶି ମାରି ଅପ୍ରାକୃତିକ ମୃତ୍ୟୁର ରୂପ ଦେଇଛନ୍ତି ବୋଲି ସନ୍ଦେହ କରୁଛନ୍ତି ଗହ୍ମାଙ୍କ ପରିବାର।

ଏମିତିକି ନିଜ ଉପରେ ହୋଇଥିବା ଆକ୍ରମଣରେ ପୋଲିସରେ ଅଭିଯୋଗ କରିନଥିଲେ ଗ୍ରାମବାସୀଙ୍କ ଭୟରେ। ଗ୍ରାମବାସୀ ଧମକ ଦେଇଥିଲେ ପୋଲିସକୁ ଗଲେ ସମସ୍ତଙ୍କୁ ମାରିଦେବେ। ସେହି ଭୟରେ ପୁଅ ମରିଥିଲେ ମଧ୍ୟ ବାପା, ମାଆ ଭୟରେ ଆଉ ଗାଁକୁ ଫେରି ନ ଥିଲେ। ନିକଟରେ ଜ୍ବାଇଁଙ୍କ ଗ୍ରାମଲୋକେ ନିଜ ନିଜ ସାଧ୍ୟମତେ ସାହାଯ୍ୟ କରି ଶୁଦ୍ଧିକ୍ରିୟା କରିଛନ୍ତି। ଏବେ ଏହି ମୁଣ୍ଡାସାହି ଗ୍ରାମବାସୀ ଗ୍ରାମବାସୀ କହୁଛନ୍ତି କି, ଏହି ପରିବାର ଜୀବନ ପ୍ରତି ବିପଦ ରହିଛି। ପୋଲିସ ଏମାନଙ୍କ ସୁରକ୍ଷା ବ୍ୟବସ୍ଥା କରିବା ସହ ପୁଅ ମୃତ୍ୟୁର ତଦନ୍ତ କରି ଏମାନଙ୍କୁ ନ୍ୟାୟ ଦେଉ।

ସେପଟେ ବଡ ପୁଅର ସ୍ତ୍ରୀ ଓ ପିଲାମାନେ ସେମାନଙ୍କ ନିଜ ଗାଁରେ ରହୁଥିବାରୁ ଗହ୍ମା ମୁଣ୍ଡା ଓ ସୁନାମଣି ଚିନ୍ତାରେ। ଏତେବଡ ଘଟଣାଟିଏ ଘଟିଯାଇଥିଲେ ବି ପୋଲିସ ନିକଟରେ କିପରି ଖବର ନାହିଁ ତାକୁ ନେଇ ବୁଦ୍ଧିଜୀବୀ ଅସନ୍ତୋଷ ବ୍ୟକ୍ତ କରୁଛନ୍ତି।