Blog

ଚଳିତ ବର୍ଷ ଦୁଇ ଦିନ ଧରି ଚାଲିବ ରଥଯାତ୍ରା, ମୁଖ୍ୟମନ୍ତ୍ରୀ କଲେ ସମୀକ୍ଷା ବୈଠକ

ଚଳିତ ବର୍ଷ ଦୁଇ ଦିନ ଧରି ଚାଲିବ ରଥଯାତ୍ରା । ତେଣୁ ସେଥିପାଇଁ ମଧ୍ୟ ପ୍ରସ୍ତୁତି ଚୂଡାନ୍ତ ହୋଇଛି । ଆସନ୍ତା ୭ ତାରିଖରେ ଟଣାହେବ ରଥ । ଅନ୍ୟପଟେ ରାଜ୍ୟରେ ନୂତନ କରି ସରକାର ଗଢିଥିବା ବିଜେପି ରଥଯାତ୍ରା ଅବସରରେ ଏକ ନୂଆ ଘୋଷଣା କରିଛନ୍ତି । ଏଥର ୨ ଦିନ ରହିବ ଛୁଟି । ଆସନ୍ତା ୭ ଓ ୮ ତାରିଖରେ ସରକାରୀ କାର୍ଯ୍ୟାଳୟ, ସ୍କୁଲ, କଲେଜ ସବୁ ବନ୍ଦ ରହିବ । ତେବେ ଏହି ଛୁଟିକୁ ନେଇ ତୁରନ୍ତ ବିଧିବଦ୍ଧ ବିଜ୍ଞପ୍ତି ପ୍ରକାଶ କରିବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।

ଆଜି ମୁଖ୍ୟମନ୍ତ୍ରୀ ମୋହନ ମାଝୀ ରଥ ଯାତ୍ରା ସମୀକ୍ଷା ବୈଠକରେ ଯୋଗ ଦେବାକୁ ପୁରୀରେ ପହଞ୍ଚିଥିଲେ । ଟାଉନ୍ ହଲରେ ସ୍ୱତନ୍ତ୍ର ସମୀକ୍ଷା ବୈଠକ ହୋଇଥିଲା । ତ୍ରୁଟିଶୂନ୍ୟ ଭାବେ ରଥଯାତ୍ରା ସଂପନ୍ନ ପାଇଁ ସମସ୍ତ ସହଯୋଗ କାମନା କରିଛନ୍ତି ମୁଖ୍ୟମନ୍ତ୍ରୀ । ମହାପ୍ରଭୁଙ୍କ ସେବାକୁ ଜୀବନର ବ୍ରତ ଭାବେ ପାଳନ କରିବାକୁ ସରକାରୀ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।

ମୁଖ୍ୟମନ୍ତ୍ରୀଙ୍କ ସହ ଦୁଇ ଉପମୁଖ୍ୟମନ୍ତ୍ରୀ, ବିଭିନ୍ନ ବିଭାଗର ମନ୍ତ୍ରୀ, ଜିଲ୍ଲାର ସମସ୍ତ ବିଧାୟକ, ମୁଖ୍ୟ ଶାସନ ସଚିବ, ଶ୍ରୀମନ୍ଦିର ମୁଖ୍ୟ ପ୍ରଶାସକ, ଜିଲ୍ଲାପାଳ, ଏସପି, ସେବାୟତ ସମେତ ବିଭିନ୍ନ ବର୍ଗର ବ୍ୟକ୍ତି ବିଶେଷ ମଧ୍ୟ ସମୀକ୍ଷା ବୈଠକରେ ଉପସ୍ଥିତ ଥିଲେ। ତେବେ ଏବି ବୈଠକରେ ରଥଯାତ୍ରାର ସମସ୍ତ ଦିଗ ପ୍ରତି ଆଲୋଚନା ହୋଇଛି ।
୩ ବର୍ଷର ନାବାଳିକାକୁ ଦୁଷ୍କର୍ମ

ସୂଚନା ଅନୁଯାୟୀ ଏୟାରଫିଲଡ୍ ଥାନା ଅଂଚଳରୁ ଆସିଛି ଏଭଳି ସଂଗୀନ ଅଭିଯୋଗ । ସୁନ୍ଦରପଦା ଅଞ୍ଚଳରେ ବାପା ମା’ ଙ୍କ ସହ ଭଡା ଘରେ ରହୁଥିବା ଜଣେ ନାବାଳିକାଙ୍କୁ ପଡିଶା ଘରେ ରହୁଥିବା ଜଣେ ୨୩ ବର୍ଷିୟ ଯୁବକ ଦୁଷ୍କର୍ମ କରିଥିବା ଏୟାରଫିଲଡ୍ ଥାନାରେ ଅଭିଯୋଗ ହୋଇଛି। ଏହି ଘଟଣା ଗତକାଲି ଘଟିଥିବା ବେଳେ ପୋଲିସ ଆଜି କାର୍ଯ୍ୟାନୁଷ୍ଠାନ ଗ୍ରହଣ କରିଛି ଏବଂ ମୁଖ୍ୟ ଅଭିଯୁକ୍ତକୁ ଗିରଫ କରିଛି

ତେବେ ଗତକାଲି ପୀଡିତାଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲକୁ ନିଆଯାଇଥିଲା ଅବସ୍ତା ଗୁରୁତର ହେବାରୁ ପରେ କଟକ ବଡ଼ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି । ପୋଲିସ ମୁଖ୍ୟ ଅଭିଯୁକ୍ତକୁ ଅଟକ ରଖି ପଚରା ଉଚରାକରୁଛି…
କାଦୁଆ ଯୋଡ଼ାବନ୍ଧ ଗାଁରେ ଗୁପ୍ତାଙ୍ଗ କାଟି ଯୁବକଙ୍କୁ ହତ୍ୟା, ମୃତ ଦେହ କାଜୁ ଜଙ୍ଗଲରୁ ଉଦ୍ଧାର

ଗୁପ୍ତାଙ୍ଗ କାଟି ଯୁବକଙ୍କୁ ହତ୍ୟା । ଘଟଣା ଯେତିକି ବିଭତ୍ସ, ସେତିକି ଜଘନ୍ୟ, ସେତିକି ଭୟାନକ ମଧ୍ଯ । ଘଟଣାଟି ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ଥାନା ଅଧିନ କାଦୁଆ ଯୋଡ଼ାବନ୍ଧ ଗାଁରେ ଘଟିଛି । ମୃତକଙ୍କ ନାଁ ଚିତ ରଞ୍ଜନ ସାହୁ ବୟସ ପାଖାପାଖି ୪୩ ବର୍ଷ । ଚିତରଞ୍ଜନ ଗତକାଲି ସଂଧ୍ୟାରୁ ଘରକୁ ଫେରି ନଥିଲେ , ତେଣୁ ରାତିରେ ତାଙ୍କ ବଡ଼ ଭାଇ ସୀମାଞ୍ଚଳ ସାହୁ ଓ ଜେଜେବାପା ଦଣ୍ଡପାଣି ସାହୁ ଖୋଜାଖୋଜା କରିଥିଲେ । ହେଲେ ଚିତରଞ୍ଜନଙ୍କ ପତ୍ତା ମିଳି ନଥିଲା ।

ନିରାଶ ହୋଇ ସେମାନେ ଘରକୁ ଫେରି ଆସିଥିଲେ । ଆଜି ସକାଳେ ଚିତରଞ୍ଜନଙ୍କ ମୃତଦେହ ନିକଟରେ ଥିବା କାଜୁ ତୋଟାରେ ପଡ଼ିଥିବା କିଛି ଗ୍ରାମବାସୀ ଦେଖିବାକୁ ପାଇଥିଲେ । ଏନେଇ ପୁଲିସକୁ ଖବର ଦିଆଯାଇଥିଲା । ତେବେ ଜଗନ୍ନାଥ ପ୍ରସାଦ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଭଞ୍ଜନଗର ଉପଖଣ୍ଡ ମେଡିକାଲକୁ ପଠାଇଛି । ଅନ୍ୟପଟେ ଛତ୍ରପୁର ସାଇଣ୍ଟିଫିକ୍ ଟିମ୍ ସହ ସନ୍ଧାନି କୁକୁର ମଧ୍ୟ ଘଟଣା ସ୍ଥଳରେ ପହଞ୍ଚି ଛାନ୍ ଭିନ୍ ଆରମ୍ଭ କରିଛି ।ତେବେ କିଏ ଓ କାହିଁକି ଏହି ହତ୍ୟା କରିଛି ତାହାର କାରଣ ଏପର୍ଯ୍ଯନ୍ତ ଜଣାପଡିନାହିଁ…

— ଭଞ୍ଜନଗର, ଗଞ୍ଜାମରୁ ରାଜେଶ୍ ଆଲଟିଆଙ୍କ ରିପୋର୍ଟ, #Suchanatv24x7
ଆଜିଠାରୁ ଲାଗୁ ହେଲା ନୂଆ ତିନି ଆଇନ

୨୦୨୪ ଜୁଲାଇ ୧, ସୋମବାର, ଭାରତୀୟ ଆଇନ ଇତିହାସରେ ଆସିଲା ବିରାଟ ପରିବର୍ତ୍ତନ। ଆଜିଠାରୁ ଦେଶରେ ଲାଗୁ କରାଯାଇଛି ୩ ନୂଆ ଅପରାଧିକ ଆଇନ। ବ୍ରିଟିଶ ଅମଳର ଇଣ୍ଡିଆନ ପେନାଲ କୋଡ (IPC) ହେଲା ଭାରତୀୟ ନ୍ୟାୟ ସଂହିତା (BNS)। କୋଡ ଅଫ କ୍ରିମିନାଲ ପ୍ରୋସିଜ୍ୟୁଅର ବା (CRPC) ଏବେ ହେଲା ଭାରତୀୟ ନାଗରିକ ସୁରକ୍ଷା ସଂହିତା (BNSS) ଓ ଇଣ୍ଡିଆନ ଏଭିଡେନ୍ସ ଆକ୍ଟ (IEA) ହେଲା ଭାରତୀୟ ସାକ୍ଷ୍ୟ ଅଧିନିୟମ (BAS)। ଜୁଲାଇ ୧ ରାତି ୧୨ଟାରୁ ନୂଆ ତିନିଟି ଆଇନକୁ ଲାଗୁ କରିଛନ୍ତି କେନ୍ଦ୍ର ସରକାର। ଏଣିକି ଅନଲାଇନରେ ମଧ୍ୟ ଏଫଆଇଆର ଦାୟର କରାଯାଇ ପାରିବ। ଏହା ବ୍ୟତୀତ, ମହିଳାଙ୍କ ସହ ଜଡିତ ଅପରାଧ ମଧ୍ୟରୁ ଅଧିକାଂଶରେ ଅଧିକ ଦଣ୍ଡବିଧାନର ବ୍ୟବସ୍ଥା କରାଯାଇଛି। ତେବେ ୩ଟି ନୂଆ ଆଇନରେ କଣ ବିଶେଷତା ରହିଛି ସେ ସମ୍ବନ୍ଧରେ ଆସନ୍ତୁ ଜାଣିବା।

୧ ଜୁଲାଇ ପୂର୍ବରୁ ଅର୍ଥାତ୍ ଜୁନ ୩୦, ୨୦୨୪ ପର୍ଯ୍ୟନ୍ତ ଦାୟର ହୋଇଥିବା ମାମଲା ପୂର୍ବ ନିୟମ ମୁତାବକ ଯାଞ୍ଚ ଓ ଟ୍ରାଏଲ ହେବ।
ସିଆରପିସିରେ ୪୮୪ ଧାରା ଥିଲା, ଏବେ ବିଏନଏସଏସରେ ଏହାକୁ ବଢାଇ ୫୨୧ କରାଯାଇଛି। ସେହିପରି ଆଇପିସିରେ ପୂର୍ବରୁ ୩୫୭ ଧାରା ରହିଥିଲା, ଯାହା ଏବେ ୫୧୧ ହୋଇଛି। ଆଇଇଏରେ ୧୬୭ ଧାରା ଥିଲା, ତାକୁ ନୂଆ ବିଏସଏରେ ବଢାଇ ୧୭୦ ଧାରା କରାଯାଇଛି।
ଏଥିରେ ଡିଜିଟାଲ ସାକ୍ଷ୍ୟକୁ ମଧ୍ୟ ଗ୍ରହଣ କରିବାର ବ୍ୟବସ୍ଥା ରହିଛି। ତେବେ ଏଥିପାଇଁ ଫରେନ୍ସିକ ଯାଞ୍ଚ ହେବ।
କୌଣସି ଅପରାଧିକ ମାମଲାରେ କେହି ବି ନାଗରିକ କୌଣସି ସ୍ଥାନରୁ ଏଫଆଇଆର ଦାୟର କରିପାରିବେ। ଏହାକୁ ଯାଞ୍ଚ ପାଇଁ ସମ୍ପୃକ୍ତ ଥାନାକୁ ପଠାଇ ଦିଆଯିବ।

ଶୁଣାଣି ଶେଷ ହେବାର ୪୫ ଦିନ ଭିତରେ ରାୟ ପ୍ରକାଶ
ପ୍ରଥମ ଶୁଣାଣିର ୬୦ ଦିନ ଭିତରେ ଚାର୍ଜଫ୍ରେମ୍ ଦାଖଲ

ଅଭିଭାବକଙ୍କ ଉପସ୍ଥିତିରେ ମହିଳା ପୋଲିସ ନେବେ ଦୁଷ୍କର୍ମ ପୀଡ଼ିତାଙ୍କ ବୟାନ
୭ ଦିନ ଭିତରେ ପୀଡ଼ିତାଙ୍କ ମେଡିକାଲ ରିପୋର୍ଟ ପ୍ରଦାନ
ସାଙ୍ଗଠନିକ ଅପରାଧ ଓ ଆତଙ୍କବାଦର ସଂଜ୍ଞା ପରିବର୍ତ୍ତନ
‘ରାଜଦ୍ରୋହ’ ବଦଳରେ ‘ଦେଶଦ୍ରୋହ’ ଶବ୍ଦ ସାମିଲ

ସମସ୍ତ ତଲାସୀ ଓ ଜବତ କ୍ଷେତ୍ରରେ ଭିଡ଼ିଓଗ୍ରାଫି ବାଧ୍ୟତାମୂଳକ
ଗିରଫ ହେବା ପରେ ବ୍ୟକ୍ତି ପରିବାର ଓ ସମ୍ପର୍କୀୟଙ୍କୁ ଜଣାଇପାରିବେ
ନିଜର ସ୍ଥିତି ସମ୍ପର୍କରେ ଜଣାଇବାକୁ ମିଳିଛି ଅଧିକାର
ଗିରଫ ସମ୍ପର୍କିତ ସମସ୍ତ ତଥ୍ୟ ଥାନା କିମ୍ବା ପୋଲିସ ମୁଖ୍ୟାଳୟରେ ରଖାଯିବ
ବ୍ୟକ୍ତିଗତ ନୁହେଁ; ଇଲେକ୍ଟ୍ରୋନିକ ମାଧ୍ୟମରେ କରିହେବ FIR
ଆଦିବାସୀ ମହିଳାଙ୍କୁ ଗଣଦୁଷ୍କର୍ମ, ତିନି ଜଣଙ୍କୁ ଗିରଫ କଲା ଚାନ୍ଦବାଲି ପୋଲିସ

ଭଦ୍ରକ ଜିଲ୍ଲାରେ ପୁଣି ଲଜ୍ଜା। ଗରିବ,ନିଶାସକ୍ତ, ଆଦିବାସୀ ମହିଳାଙ୍କୁ ସୁରକ୍ଷିତ ଘରେ ଛାଡିବାକୁ କହି ଗଣଦୁଷ୍କର୍ମ। ମହିଳାଙ୍କ ଅଭିଯୋଗ ପରେ ପୋଲିସ ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି। ସୂଚନା ମୁତାବକ ଭଦ୍ରକ ଜିଲ୍ଲାର ବେତଡା ଅଞ୍ଚଳର ଜଣେ ଆଦିବାସୀ ମହିଳା କାମ ଅନ୍ବେଷଣରେ ଚାନ୍ଦବାଲି ଚାଲି ଆସିଥିଲେ। ଭୁଁଇମୂର୍ତ୍ତି ପଞ୍ଚାୟତ ଅନ୍ତର୍ଗତ ଜଗନ୍ନାଥପୁରର ସଞ୍ଜୟ ଦାସ ନାମକ ଜଣେ ପରିଚିତଙ୍କ ଘରେ ରହିବା ସହ ଜଣକ ଘରେ ଉଭୟ ସଞ୍ଜୟ ଓ ମହିଳା କାମ କରୁଥିଲେ । କିଛି ଦିନ ତଳେ ସେ ତାଙ୍କ ଗାଁ ବେତଡା ଚାଲିଯାଇଥିଲେ ଓ ଗତ ୨୫ ତାରିଖ ଦିନ ଚାନ୍ଦବାଲି ଫେରିଥିଲେ। ଚାନ୍ଦବାଲିରେ ପହଞ୍ଚିବା ପରେ ମହିଳାଙ୍କର ସଞ୍ଜୟଙ୍କ ସହ ଦେଖା ହୋଇଥିଲା। ମହିଳା କାମକରୁଥିବା ମାଲିକ ପାଖରେ ତାଙ୍କ ବକେୟା ଟଙ୍କା ଆଣିବାକୁ ସାଙ୍ଗରେ ଯିବାକୁ ସଞ୍ଜୟକୁ କହିଥିଲେ। ହେଲେ ସଞ୍ଜୟ କଟକରୁ ଫେରୁଥିବାରୁ କ୍ଲାନ୍ତ ହୋଇଯାଇଥିଲେ ଓ ପରେ ଯିବାକୁ କହିଥିଲେ। ଉଭୟ ସଞ୍ଜୟଙ୍କ ଘରକୁ ଆସିଥିଲେ। ମାତ୍ର ଉକ୍ତ ମହିଳା ମଦ୍ୟପାନ କରିଥିବାରୁ ସଞ୍ଜୟଙ୍କ ସ୍ତ୍ରୀ ତାଙ୍କୁ ଘରେ ରଖାଇ ଦେଇ ନ ଥିଲେ । ରାତି ହୋଇଯାଇଥିବାରୁ ଜଣେ ନିଶାସକ୍ତ ମହିଳାଙ୍କୁ ଏକା କୁଆଡେ ଛାଡିବେ ଭାବି ସଞ୍ଜୟ ତାଙ୍କୁ ଚାନ୍ଦବାଲିରୁ ତାଙ୍କ ଗାଁକୁ ପଠେଇବାକୁ ବାହାରି ଥିଲେ ।ସେହି ସମୟରେ ଜଗନ୍ନାଥପୁରରୁ ଚାନ୍ଦବାଲିକୁ ବାଇକ ଯୋଗେ ଗ୍ରାମର ଜଗନ୍ନାଥ ଦାସ ଓ ପଦ୍ମ ଲୋଚନ ଦାସ ଯାଉଥିଲେ । ସଞ୍ଜୟ ମହିଳାଙ୍କୁ ସେମାନଙ୍କ ବାଇକରେ ବସାଇ ଦେଇ ଚାନ୍ଦବାଲିରେ ଛାଡି ଦେବାକୁ କହିଥିଲେ । ଜଗନ୍ନାଥ ଓ ପଦ୍ମଲୋଚନ ମହିଳାଙ୍କୁ ବାଇକରେ ନେଇ କିଛି ବାଟ ଯିବା ପରେ ଏକ ନିଛାଟିଆ ଜାଗା ଦେଖି ରହିଥିଲେ ଓ ସେମାନଙ୍କର ଅନ୍ୟ ଜଣେ ସହଯୋଗୀ ପ୍ରଦୀପ ଦାସକୁ ଡାକିଥିଲେ। ପ୍ରଦୀପ ଆସିବା ପରେ ତିନି ଦୁର୍ବୃତ୍ତ ମହିଳାଙ୍କ ସହ ଗଣଦୁଷ୍କର୍ମ କରିଥିଲେ।

ମହିଳାଙ୍କ ସହ ଜୋରଜବରଦସ୍ତ କରୁଥିବା ବେଳେ ସେ ବଡ ପାଟିରେ ଚିତ୍କାର କରିଥିଲେ। ସ୍ଥାନୀୟ ଲୋକ ପାଟି ଶୁଣି ଆସିବାରୁ ଦୁର୍ବୃତ୍ତମାନେ ସେଠାରୁ ଚାଲିଯାଇଥିଲେ। ମହିଳା ଲୋକଙ୍କୁ ସବୁ କଥା କହିବା ପରେ ସେମାନେ ତାଙ୍କୁ ଥାନାକୁ ନେଇଯାଇଥିଲେ। ମହିଳାଙ୍କ ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରିବା ସହ ତିନି ଅଭିଯୁକ୍ତଙ୍କୁ ଗିରଫ କରିଥିବା ସୂଚନା ଦେଇଛନ୍ତି ଏସଡିପିଓ।

ପୋଲିସ ମହିଳାଙ୍କ ଡାକ୍ତରୀ ମାଇନା କରିବା ପରେ ଚାନ୍ଦବାଲି ମାଜିଷ୍ଟ୍ରେଟ ନିକଟରେ ବୟାନ ରେକର୍ଡ କରିଛି । ସେପଟେ ଏହି ଘଟଣାରେ ଗିରଫ ହୋଇଥିବା ତିନି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। ସେମାନେ ସମସ୍ତ ଅଭିଯୋଗକୁ ଖଣ୍ଡନ କରୁଥିଲେ ମଧ୍ୟ କୋର୍ଟ ସେମାନଙ୍କୁ ଜେଲ ପଠାଇ ଦେଇଛନ୍ତି।

— ଭଦ୍ରକ ଚାନ୍ଦବାଲିରୁ ଦେବକାନ୍ତ ମହାନ୍ତିଙ୍କ ରିପୋର୍ଟ, SUCHANATV24X7
ଭାରତରେ ବାଲ୍ୟବିବାହ ବିଶ୍ୱର ଏକ-ତୃତୀୟାଂଶ

ବାଲ୍ୟ ବିବାହ ବନ୍ଦ କରିବାକୁ ଭାରତ ସରକାରଙ୍କ ସବୁ ଯୋଜନା ବିଫଳ। ଏବେ ମଧ୍ୟ ଦେଶରେ ବେଧକ ବାଲ୍ୟ ବିବାହ ହେଉଛି। ଜାତିସଂଘ ପ୍ରକାଶ କରିଥିବା ରିପୋର୍ଟ ମୁତାବକ ବିଶ୍ବରେ ୬୪୦ ମିଲିୟନ ବାଲ୍ୟ ବିବାହ ମଧ୍ୟରୁ ଭାରତରେ ୨୦୦ ମିଲିୟନ, ଯାହା ବିଶ୍ବ ରିପୋର୍ଟର ଏକ ତୃତୀୟାଂଶ। ସ୍ଥାୟୀ ବିକାଶ ଲକ୍ଷ୍ୟ ରିପୋର୍ଟ ୨୦୨୪ ଅନୁଯାୟୀ, ପ୍ରତି ୫ଜଣରେ ଜଣେ ନାବାଳିକା ବିବାହ କରୁଛନ୍ତି। ସେହିପରି ଏପର୍ଯ୍ୟନ୍ତ ଆମ ଭିତରେ ଲିଙ୍ଗଗତ ବିଭେଦତା ଭରି ରହିଥିବା ନେଇ ଜାତିସଂଘ ଚିନ୍ତା ପ୍ରକଟ କରିଛି। ମହିଳା ବିରୋଧୀ ହିଂସା ସମାଜ ପାଇଁ ଚ୍ୟାଲେଞ୍ଜ ସୃଷ୍ଟି କରିଥିବା କହିଛି ଜାତିସଂଘ।ପୁରୁଷ ଓ ମହିଳାଙ୍କ ମଧ୍ୟରେ ଥିବା ଅସମାନତା ଦୂର କରିବା ପାଇଁ ପ୍ରାୟ ୧୭୬ବର୍ଷ ସମୟ ଲାଗିବ ବୋଲି କହିଛି ଜାତିସଂଘ।

ଏହା ବ୍ୟତୀତ, ୨୦୧୫ରେ ବିଶ୍ୱର ଶୀର୍ଷ ନେତୃତ୍ବଙ୍କ ଦ୍ୱାରା ଦାରିଦ୍ର୍ୟ ଦୂରିକରଣ ଠାରୁ ଲିଙ୍ଗଗତ ସମାନତା ହାସଲ ପରି ବିଭିନ୍ନ ସମସ୍ୟା ଦୂର କରିବାକୁ ୧୬୯ଟି ଲକ୍ଷ୍ୟ ଧାର୍ଯ୍ୟ କରାଯାଇଥିଲା। ହେଲେ ସେସବୁର ୧୭ ପ୍ରତିଶତ ପୂରଣ କରିବାକୁ ଆମକୁ ୨୦୩୦ ପର୍ଯ୍ୟନ୍ତ ଅପେକ୍ଷା କରିବାକୁ ହେବ ବୋଲି କୁହାଯାଇଛି।

ଲକ୍ଷ୍ୟ ପୂରଣ ପାଇଁ ୟୁଏନ ସେକ୍ରେଟେରୀ ଜେନେରାଲ୍ ଆଣ୍ଟୋନିଓ ଗୁଟେରସ୍ ଶାନ୍ତି ସ୍ଥାପନା, ଜଳବାୟୁ ପରିବର୍ତ୍ତନର ମୁକାବିଲା, ଅନ୍ତର୍ଜାତୀୟ ଅର୍ଥ ପ୍ରୋତ୍ସାହନା ଦିଗରେ ବିଫଳତା, ବିକାଶ ପଥରେ ବାଧକ ସାଜୁଥିବା କହିଛନ୍ତି। ତଥାପି ୨୦୩୦ର ଏଜେଣ୍ଡାକୁ ପୂରଣ କରିବା ପାଇଁ ତ୍ୱରିତ ପ୍ରୟାସ ଉପରେ ଗୁରୁତ୍ୱାରୋପ କରାଯାଇଛି।
ମନୋଜ ଆହୁଜା ହେଲେ ନୂଆ ମୁଖ୍ୟ ଶାସନ ସଚିବ

ଓଡ଼ିଶାର ନୂଆ ମୁଖ୍ୟ ଶାସନ ସଚିବ ଭାବେ ମନୋଜ ଆହୁଜାଙ୍କ ଦାୟିତ୍ୱ ଗ୍ରହଣ । ରବିବାର ଦିନ ୧୯୯୦ ବ୍ୟାଚର ଆଇଏଏସ୍ ଅଫିସର ଲୋକସେବା ଭବନ ଯାଇ ବିଦାୟୀ ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କଠାରୁ ଦାୟିତ୍ୱ ଗ୍ରହଣ କରିଛନ୍ତି। ମୁଖ୍ଯ ଶାସନ ସଚିବ ଭାବେ ଆହୁଜା ୬ ମାସ କାମ କରିବେ। ଆସନ୍ତା ଡିସେମ୍ବରରେ ସେ ଅବସର ନେବେ। ଆହୁଜା ନୂଆ ମୁଖ୍ଯ ଶାସନ ସଚିବ ହେବା ପରେ ତାଙ୍କୁ ଟ୍ୱିଟରରେ ଶୁଭେଚ୍ଛା ଜଣାଇଛନ୍ତି ବିଦାୟୀ ମୁଖ୍ଯ ଶାସନ ସଚିବ ପ୍ରଦୀପ ଜେନା। ଏହା ପୂର୍ବରୁ ମନୋଜ ଆହୁଜା କେନ୍ଦ୍ରୀୟ ଡେପୁଟେସନରେ ଥିଲେ। ସେ ଖୋର୍ଦ୍ଧା ଜିଲ୍ଲାପାଳ ଭାବେ କ୍ୟାରିଅର ଆରମ୍ଭ କରିଥିଲେ । ୨୦୦୯ରେ ଖାଦ୍ୟ ଯୋଗାଣ ସଚିବ, ୨୦୧୦ରେ ଖଣି ଇସ୍ପାତ ବିଭାଗ ସଚିବ, ୨୦୧୨ରେ କ୍ରୀଡ଼ା ଯୁବ ବ୍ୟାପାର ଓ ୨୦୧୨ରୁ ୨୦୧୫ ପର୍ଯ୍ୟନ୍ତ ବାଣିଜ୍ୟ କର କମିଶନର ଓ ୨୦୧୫ରେ ସମବାୟ ସଚିବ ଭାବେ କାର୍ଯ୍ୟ କରିଥିଲେ।

୨୦୧୭ରେ କେନ୍ଦ୍ରୀୟ ଡେପୁଟେସନରେ ଯିବା ପରେ ସେ ଲାଲ ବାହାଦୂର ଶାସ୍ତ୍ରୀ ଏକାଡେମୀର ସ୍ଵତନ୍ତ୍ର ନିର୍ଦ୍ଦେଶକ ଭାବେ କାମ କରିଥିଲେ । ୨୦୨୦ରେ କେନ୍ଦ୍ର ଶିକ୍ଷାମନ୍ତ୍ରାଳୟରେ ସିବିଏସଇ ଅଧ୍ୟକ୍ଷ ରହିଥଲେ ।ସେ କେନ୍ଦ୍ର କୃଷି ଓ କୃଷକ ସଶକ୍ତୀକରଣ ସଚିବ ଦାୟିତ୍ବ ତୁଲାଉଥିଲେ। ଓଡିଶାରେ ବିଜେପି ସରକାର କରିବା ପରେ ଆହୁଜାଙ୍କୁ ଓଡିଶା ଫେରାଇ ଦେଇଥିଲେ କେନ୍ଦ୍ର ସରକାର। ପି କେ ଜେନାଙ୍କ ପରେ ସେ ହିଁ ମୁଖ୍ୟ ଶାସନ ସଚିବ ହେବେ ବୋଲି ଚର୍ଚ୍ଚା ହେଉଥିଲା। ଆଜି ପୂର୍ବାହ୍ନରେ ସେ ଦାୟିତ୍ବ ଗ୍ରହଣ ପାଇଁ ଭୁବନେଶ୍ବରରେ ପହଞ୍ଚିଥିଲେ। ପି କେ ଜେନାଙ୍କ କାର୍ଯ୍ୟକାଳ ଆଜି ଶେଷ ହୋଇଛି। ଏହା ପୂର୍ବରୁ ସେ ତାଙ୍କ ଏକ୍ସ ହ୍ୟାଣ୍ଡଲରେ ଲେଖିଥିଲେ କି, ଲୋକଙ୍କ ଭିତରେ ଗୋଟିଏ ଧାରଣା ରହିଛି କି, ମୁଖ୍ଯ ଶାସନ ସଚିବଙ୍କ ହାତରେ ସବୁ କିଛି ରହିଛି। ହେଲେ ତାହା ନୁହେଁ। ବ୍ୟବସ୍ଥା, ନିୟମ, କାର୍ଯ୍ୟାବଳୀ ଭିତରେ ମୋର ଏକ ସୀମା ରହିଥିଲା। ତଥାପି ମୁଁ ଅନେକ କ୍ଷେତ୍ରରେ ସମସ୍ୟା ଦୂର କରିବାକୁ ଚେଷ୍ଟା କରିଛି, ଅନେକରେ ନିରାଶ କରିଛି। ସେଥିପାଇଁ ଦୁଃଖିତ। ଏବେ ପ୍ରଶାସନିକ ସେବାରୁ ଅବସର ନେଇ ଲୋକଙ୍କ ସମସ୍ୟା ଦୂର କରିବା ଦିଗରେ କାର୍ଯ୍ୟ କରିବି ବୋଲି ଲେଖିଛନ୍ତି ପ୍ରଦୀପ ଜେନା।

Some expectations were beyond my power. Sometimes ppl think a chief secy can do everything. It’s not true. I’m bound by limitations of systems, processes & procedures, rules & regulations. Even if wanted to help in some cases, I cdnt because of such limitations.
— Pradeep Jena IAS (@PradeepJenaIAS) June 29, 2024
ବୀରାଙ୍ଗନା ମହାରାଣୀ ଦୁର୍ଗାବତୀଙ୍କ ୪୬୧ତମ ବଳିଦାନ ଦିବସ ପାଳିତ

ଅନୁଗୋଳ ଜିଲ୍ଲା ଆଠମଲ୍ଲିକ ଉପଖଣ୍ଡ ଆମ୍ବସର ମୁଣ୍ଡା ସ୍ଥିତ ଜଂଘା ବଡ଼ ଦେଓ ମନ୍ଦିର ପ୍ରାଙ୍ଗଣରେ ବୀରାଙ୍ଗନା ମହାରାଣୀ ଦୁର୍ଗାବତୀଙ୍କ ୪୬୧ତମ ବଳିଦାନ ଦିବସ ପାଳିତ ହୋଇଯାଇଛି। ଗୋଣ୍ଡୱାନା ଭବନ ଠାରେ ଅଖିଳ ଭାରତୀୟ ଗୋଣ୍ଡୱାନା ଗୋଣ୍ଡ ମହାସଭା ଓଡ଼ିଶା ପ୍ରଦେଶ ଆଠମଲ୍ଲିକ ତରଫରୁ ଏହି ଦିବସ ଆୟୋଜିତ ହୋଇଯାଇଅଛି। ଏହି ଅବସରରେ ବୀରାଙ୍ଗନା ମହାରାଣୀ ଦୂର୍ଗାବତୀ , ବୀର ସୁରେନ୍ଦ୍ର ସାଏ ଓ ଆମ୍ବେଦକରଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କରି ସଭା ଆରମ୍ଭ କରାଯାଇଥିଲା। ସଭାରେ ଦୁର୍ଗାବତିଙ୍କ ବିଷୟରେ ଅତିଥିଗଣ ଆଲୋକପାତ କରିଥିଲେ। ଗୋଣ୍ଡ୍ ଜାତିର ରୀତି ନୀତି ବିଷୟରେ ବିଭିନ୍ନ ପୁଞ୍ଜର ଭଲ ମନ୍ଦ ଆଲୋଚନା ହୋଇଥିଲା ।ଏହି ସଭାରେ ମୁଖ୍ୟ ଅତିଥି ଭାବେ ଓଡ଼ିଶା ରାଜ୍ୟ ମହାସଚିବ ପ୍ୟାରୀମୋହନ ନାୟକ, ଆଦିବାସୀ ଉନ୍ନୟନ ଅଧ୍ୟକ୍ଷ ସଦାଶିବ ନାୟକ, ବିରଞ୍ଚି ନାୟକ, ଭଜମନ ନାୟକ, ଯୁଧିଷ୍ଠିର ସିଂ ଓ ବହୁ ପଦାଧିକାରୀ ଯୋଗ ଦେଇଥିଲେ।
ନାଇଜେରିଆରେ ସିରିଜ ଆତ୍ମଘାତୀ ବିସ୍ଫୋରଣ, ୧୮ ଜଣଙ୍କ ମୃତ୍ୟୁ

ନାଇଜେରିଆରେ ସିରିଜ ଆତ୍ମଘାତୀ ବିସ୍ଫୋରଣ। ବିସ୍ଫୋରଣରେ ୧୮ ଜଣଙ୍କ ମୃତ୍ୟୁ ହୋଇଛି, ୪୨ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ପୂର୍ବୋତ୍ତର ନାଇଜେରିଆର ଗେଜା ସହରରେ ଶନିବାର ଦିନ ତିନୋଟି ସିରିଜ ଆତ୍ମଘାତୀ ବିସ୍ଫୋରଣ ହୋଇଥିଲା। ଏକ ବିବାହ ସମାରୋହ ଚାଲିଥିବା ବେଳେ ଜଣେ ମହିଳା ପିଠିରେ ଛୁଆକୁ ବାନ୍ଧି ଆସି ପହଞ୍ଚିଥିଲେ ଓ ନିଜକୁ ବିସ୍ଫୋରଣରେ ଉଡାଇଦେଇଥିଲେ। ଏଥିରେ ବିବାହ ମଣ୍ଡପ ପାଲଟି ଯାଇଥିଲା ଧ୍ବଂସ ସ୍ତୁପ। ଭୋଜିରେ ଭାଗ ନେବାକୁ ଆସିଥିବା ଅତିଥିଙ୍କ ମଧ୍ୟରୁ ଅନେକ ବିସ୍ଫୋରଣରେ ପ୍ରାଣ ହରାଇଥିଲେ।

ଆଧିକାରିକ ସୂତ୍ରରୁ ମିଳିଥିବା ସୂଚନା ମୁତାବକ, କେମରୁନ ନିକଟବର୍ତ୍ତୀ ସହରରେ ଥିବ ଏକ ହସ୍ପିଟାଲରେ ମଧ୍ୟ ବିସ୍ଫୋରଣ ହୋଇଛି। ଅନ୍ୟ ଏକ ଶ୍ମଶାନ ଭୂମିରେ ମଧ୍ୟ ବିସ୍ଫୋରଣ ହୋଇଛି। ଏହି ବିସ୍ଫୋରଣରେ ୧୮ ଜଣଙ୍କ ମୃତ୍ୟୁ ହୋଇଥିବା ବେଳେ ୪୨ ଜଣ ଆହତ ହୋଇଛନ୍ତି। ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ଗୁରୁତର ଆହତଙ୍କୁ ରାଜଧାନୀ ମୈଦୁଗୁରି ହସ୍ପିଟାଲରେ ଭର୍ତ୍ତି କରାଯାଇଛି।

ଏହି ଆତ୍ମଘାତୀ ଆକ୍ରମଣ ପାଇଁ ଆତଙ୍କୀ ସଂଗଠନ ବୋକୋ ହରାମ ନିଜକୁ ଦାୟୀ କରିଛି। ଏହା ପୂର୍ବରୁ ୨୦୧୪ରେ ବୋକୋ ହରାମ ଗ୍ବେଜା ସହରକୁ ନିଜ କବଜାକୁ ନେଇଯାଇଥିଲା। ପ୍ରାୟ ଏକ ବର୍ଷ ପରେ ୨୦୧୫ରେ ସେନା ସହରକୁ ନିଜ କବଜାକୁ ନେଇଥିଲା।
ତେନ୍ତୁଳିଆ ପ୍ରାଥମିକ ବିଦ୍ୟାଳୟ ପକ୍ଷରୁ ପ୍ରତୀକ୍ଷା ଦିଦିଙ୍କୁ ଅବସର କାଳୀନ ସମ୍ବର୍ଦ୍ଧନା

ବାସୁଦେବପୁର ପୌରପାଳିକା ଅନ୍ତର୍ଗତ ୮ ନମ୍ବର ୱାର୍ଡର ତେନ୍ତୁଳିଆ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷୟିତ୍ରୀ ପ୍ରତୀକ୍ଷା ମହାପାତ୍ରଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ବରିଷ୍ଠ ଶିକ୍ଷକ ଶାନ୍ତନୁ କୁମାର ପଳିତାଙ୍କ ସଭାପତିତ୍ବରେ ଅନୁଷ୍ଠିତ ସାଧାରଣ ସଭାରେ ଉପସ୍ଥିତ ଅତିଥିମାନେ ପ୍ରତୀକ୍ଷା ଦିଦିଙ୍କ ଉଚ୍ଚକୋଟିର ଶିକ୍ଷାଦାନ ପଦ୍ଧତି ଓ ତାଙ୍କର ବହୁମୁଖି ପ୍ରତିଭା ଏବଂ ଆଦର୍ଶର ଗୁଣଗାନ କରିଥିଲେ।

ଏହି ଅବସରରେ ଉପଢ଼ୌକନ , ମାନପତ୍ର ସହିତ ପୁଷ୍ପଗୁଚ୍ଛ ଏବଂ ଉପହାରମାନ ଦେଇ ସମ୍ବର୍ଦ୍ଧନା କରାଯାଇଥିଲା। ଉକ୍ତ ବିଦ୍ୟାଳୟର ଶିକ୍ଷୟିତ୍ରୀ ଦେବସ୍ମିତା ସାହୁ ମାନପତ୍ର ପାଠ କରିଥିଲେ। ବିଦାୟ ସମୟରେ ଛାତ୍ରଛାତ୍ରୀମାନେ ଅବସର ନେଉଥିବା ଶିକ୍ଷୟିତ୍ରୀଙ୍କୁ ଧରି କାନ୍ଦି ପକାଇଥିଲେ। ଯାହା ବିଦ୍ୟାଳୟ ପରିସରକୁ ଭାବ ବିହ୍ୱଳ କରିତୋଳିଥିଲା। ଶିକ୍ଷୟିତ୍ରୀ ପ୍ରତୀକ୍ଷା ମହାପାତ୍ର ପିଲାମାନଙ୍କୁ ବୁଝାବୁଝି କରିବା ସହିତ ଭବିଷ୍ୟତରେ ଉତ୍ତମ ଛାତ୍ର ହେବାକୁ ପରାମର୍ଶ ଦେଇଥିଲେ।

ଏହି ସଭାରେ ଅତିଥି ଭାବେ କାଉନସିଲର ଆରତୀ ବିଶ୍ବାଳ, ଅରୁଣ କୁମାର ମଲ୍ଲିକ୍, ବସନ୍ତ ଦାସ, ସି ଆର ସି ସି ତପସ୍ୱିନୀ ବାରିକ, ପ୍ରଧାନ ଶିକ୍ଷୟିତ୍ରୀ ପ୍ରଭାତୀ ଦାସ, ସ୍କୁଲ ପରିଚାଳନା କମିଟିର ସଭାପତି ସୂର୍ଯ୍ୟ କାନ୍ତ ମଲ୍ଲକ୍ , ସୀତାକାନ୍ତ ମଲ୍ଲିକ୍, ମନୋରଞ୍ଜନ ମଲ୍ଲିକ୍ ଏବଂ ସ୍କୁଲର ଛାତ୍ରଛାତ୍ରୀମାନେ ଯୋଗଦାନ କରିଥିଲେ।