Blog

ଘରେବି ସୁରକ୍ଷିତ ନୁହଁ ସାଧାରଣ ଜୀବନ,ଦୁର୍ବୁତ୍ତ ଘରେପଶି ଭୂଜାଲିରେ ଆକ୍ରମଣ କରି ଲୁଟିନେଲେ ଲକ୍ଷାଧିକ ଟଙ୍କା ଓ ଅଳଙ୍କାର

ଘରେ ବସି ଦେଖୁଥିଲେ ଟିଭି, ହାଠାତ ଘରେ ପଶି ଭୂଜାଲିରେ ଆକ୍ରମଣ କରି ଲୁଟିଲେ ଦୁର୍ବୁତ୍ତ। ନଗଦ ୪୦ ହଜାର ଟଙ୍କା ଓ ଦୁଇଲକ୍ଷ ଟଙ୍କାର ସୁନା ଗହଣା ଲୁଟ୍ ହୋଇଥିବା ଅଭିଯୋଗ ହୋଇଛି। ସୂଚନା ଅନୁଯାୟୀ କୁଜଙ୍ଗ ଥାନା ଅନ୍ତର୍ଗତ ୧୬ ନମ୍ବର ସ୍ଥିତ କେନାଲ ରାସ୍ତାରେ ରହୁଥିବା ଅବସର ପ୍ରାପ୍ତ ଅଧ୍ୟାପକ ଦେବୀ ପ୍ରସାଦ ମିଶ୍ରଙ୍କ ଘରେ ଦୁଇ ଜଣ ଦୃବୃତ୍ତ ମୁଣ୍ଡରେ ହେଲମେଟ ପିନ୍ଧି ଓ ହାତରେ କଟୁରୀ , ଭୁଜାଲି ଧରି ହଠାତ ଘର ଭିତରେ ପଶି ଅଧ୍ୟାପକ ଜଣଙ୍କୁ ଭୁଜାଲିରେ ଆକ୍ରମଣ କରିବା ସହ ଏକ ରୁମ ଭିତରେ ଭର୍ତ୍ତି କରି ବାହାରପଟୁ କବାଟ ବନ୍ଦ କରିଦେଇଥଇଲେ । ପରେ ସମସ୍ତ ସୁନା ଅଳଙ୍କାର ଏବଂ ଘରେ ଥିବା ୪୦ ହଜାର ଟଙ୍କା ଲୁଟ ହୋଇଥିବା କହିଛନ୍ତି ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଥିବା ଶ୍ରୀ ମିଶ୍ର

ଏଠାରେ ସୂଚନାଯୋଗ୍ୟ ଗତ ୬ ତାରିଖ ଦିନ ବିଳମ୍ବିତ ରାତିରେ କେହି ଦୁର୍ବୃତ୍ତ ତାଙ୍କ ମୋଟର ସାଇକେଲ ଚୋରି କରିବାକୁ ଚେଷ୍ଟା କରୁଥିବା ବେଳେ ଅଧ୍ୟାପକ ଜଣଙ୍କ ପହଞ୍ଚି ଯିବାରୁ ସେ ଛାଡ଼ି ପଳାଇଥିଲେ । ଏ ସମ୍ପର୍କରେ ଅଧ୍ୟାପକ ମିଶ୍ର କୁଜଙ୍ଗ ପୋଲିସ କୁ ଜଣାଇବା ସହ ସି ସି ଟି ଭି ଫୁଟେଜ ଦେଇଥିଲେ । ସେହିପରି ଗତ ଶନିବାର ଦିନ ମଧ୍ଯ ଜଣେ ଯୁବକ ପାରାଦ୍ଵୀପ ରୁ ଘରକୁ ଫେରୁଥିବା ବେଳେ ବିଶ୍ବାଳି ଗ୍ରାମରେ ତାଙ୍କୁ କେହି ଭୁଜାଲିରେ ଆକ୍ରମଣ କରି ତାଙ୍କଠାରୁ ମୋଟରସାଇକେଲ ଛଡାଇ ନେଇଥିଲେ । ତେବେ ଦିନକୁ ଦିନ ଅଞ୍ଚଳରେ ଚୋରମାନଙ୍କ ପାଦ୍ରୁଭାବ ବଢୁଥିବାରୁ ସ୍ଥାନୀୟରେ ଚିନ୍ତାପ୍ରକଟ କରିଛନ୍ତି ଅଞ୍ଚଳବାସୀ…….
ହେଲମେଟ ନ ପିନ୍ଧ, ସିଗାରେଟ ପି ଚାଲ …ସଲମାନ ଖାନ ଫାୟାରିଂ ମାମଲାରେ ଚାର୍ଜସିଟରେ ବଡ ଖୁଲାସା

ବଲିଉଡ ସୁପରଷ୍ଟାର ସଲମାନ ଖାନଙ୍କ ଘର ବାହାରେ ଗୁଳି ଫାଇରିଙ୍ଗ ମାମଲାରେ ମୁମ୍ବାଇ କ୍ରାଇମ ବ୍ରାଞ୍ଚ ଦ୍ୱାରା ଦାଖଲ କରାଯାଇଥିବା ଚାର୍ଜସିଟରେ ଅନେକ ତଥ୍ୟ ସାମ୍ନାକୁ ଆସିଛି । ଯେଉଁଥିରେ ଅନମୋଲ ବିଷ୍ଣୋଇ ଏବଂ ତାଙ୍କ ସୁଟରଙ୍କ ମଧ୍ୟରେ ବାର୍ତ୍ତାଳାପର ଅଡିଓ କ୍ଲିପ୍ ମଧ୍ୟ ଅଛି | ଏହି ଅଡିଓ କ୍ଲିପ୍ ରେ ଲରେନ୍ସଙ୍କ ଭାଇ ଅନମୋଲ ତାଙ୍କ ସୁଟର ପାଲ ଏବଂ ଗୁପ୍ତାଙ୍କୁ ହେଲମେଟ ନ ପିନ୍ଧିବା ଏବଂ ସିଗାରେଟ ଟାଣିବା କଥା କହିଛନ୍ତି, ଯାହାଫଳରେ ଦୁହେଁ ନିର୍ଭୟରେ ଦେଖାଯିବେ | ଲରେନ୍ସଙ୍କ ଭାଇ ଅନମୋଲ ଗୋଟିଏ ଦିନ ପୂର୍ବରୁ ସୁଟରମାନଙ୍କୁ ନିର୍ଦ୍ଦେଶ ଦେଇ କହିଥିଲେ ଯେ ହେଲମେଟ ନ ପିନ୍ଧିବା ପାଇଁ … ନିର୍ଭୟରେ ଦେଖାଯିବା ପାଇଁ ଗୁଳି ଚଳାଇବା ସମୟରେ ସିଗାରେଟ ଟାଣନ୍ତୁ … ତୁମେ ଇତିହାସ ରଚିବ । ଏହି ସୁଟରମାନେ ଏପ୍ରିଲ ୧୪ ରେ ମୁମ୍ବାଇର ବାନ୍ଦ୍ରାସ୍ଥିତ ବଲିଉଡ ଅଭିନେତା ସଲମାନ ଖାନଙ୍କ ଗାଲାକ୍ସି ଆପାର୍ଟମେଣ୍ଟ ବାହାରେ ଗୁଳି ଚଳାଇଥିଲେ।

“ଗୁଳି ଏମିତି ଚଳାଅ ଯେ ଯେମିତି ସଲମାନ ଡରିଯିବେ”
ଲରେନ୍ସ ବିଷ୍ନୋଇଙ୍କ ଭାଇ ସୁଟରଙ୍କୁ କହିଛନ୍ତି ଯେ ଗୁଳି ଚଳାଇବା ସମୟରେ ଭାବି ଚିନ୍ତି ଏବଂ ତୁରନ୍ତ ସବୁ ସ୍ଥାନରେ ଚଳାଇବାକୁ ପଡ଼ିବ। ତାହା ପାଇଁ ଅଧା ମିନିଟ୍, ଏକ ମିନିଟ୍ କିମ୍ବା ଦେଢ ମିନିଟ୍ ସମୟ ଲାଗେ, କୌଣସି ଅସୁବିଧା ନାହିଁ, ଏବଂ ଆପଣଙ୍କୁ ଏହାକୁ ଏପରି ଭାବରେ ଚଳାଇବାକୁ ପଡିବ ଯେ ଭାଇ (ସଲମାନ) ଯେମିତି ଭୟଭୀତ ହୋଇଯିବେ |

ମୋତେ ଏବଂ ମୋ ପରିବାର ପାଇଁ ଲରେନ୍ସ ବିଷ୍ଣୋଇଙ୍କ ବିପଦ
ଏହି ବାର୍ତ୍ତାଳାପ ସେହି ଅଡିଓ କ୍ଲିପ୍ ର ଅଟେ, ଯାହା ଚାର୍ଜ ସିଟ୍ ରେ ଉଲ୍ଲେଖ କରାଯାଇଛି | ଏହି ଚାର୍ଜସିଟରେ ସଲମାନ ଖାନଙ୍କ ବିବୃତ୍ତି ମଧ୍ୟ ଅନ୍ତର୍ଭୁକ୍ତ ହୋଇଛି। ସଲମାନ ଖାନଙ୍କ ତରଫରୁ କୁହାଯାଇଛି ଯେ ସେ ଅନୁଭବ କରୁଛନ୍ତି ଯେ ଲରେନ୍ସ ବିଷ୍ଣୋଇ ଏବଂ ତାଙ୍କ ଗ୍ୟାଙ୍ଗ ତାଙ୍କୁ ଏବଂ ତାଙ୍କ ପରିବାର ସଦସ୍ୟଙ୍କୁ ହତ୍ୟା କରିବାକୁ ଚାହୁଁଛନ୍ତି, ସେଥିପାଇଁ ଗୁଳି ଚଳାଇଥିଲେ। ପୋଲିସ୍ ଚାର୍ଜସିଟ୍ ରେ ଘଟଣା ଦିନ ବାଇକ୍ ଚଳାଉଥିବା ଅଭିଯୁକ୍ତ ଅନମୋଲ ଏବଂ ବିକି କୁମାର ଗୁପ୍ତାଙ୍କ ମଧ୍ୟରେ ସିଗନାଲ୍ ଆପରେ ବାର୍ତ୍ତାଳାପର ଅଡିଓ କ୍ଲିପ୍ ର ଏକ କପି ମଧ୍ୟ ରହିଛି।
ପ୍ରେମରେ ଅନ୍ଧ ହୋଇ ନେଇଗଲା ୩ଟି ଜୀବନ,ଛୋଟ ପିଲାଙ୍କୁ ବି ଛାଡିଲାନି

ବିବାହିତା ମହିଳାଙ୍କୁ ପ୍ରେମ କଲା, ଆଉ ତାକୁ ପାଇବା ପାଇଁ ସବୁ ସୀମା ଡେଇଁଗଲା । ଶେଷରେ ମୃତ ପ୍ରେମିକାଙ୍କୁ ନଦୀକୁ ଫିଙ୍ଗିବା ସହିତ ତାଙ୍କର ଦୁଇ ପିଲାଙ୍କୁ ମଧ୍ୟ ଜୀବନ୍ତ ନଦୀକୁ ଫିଙ୍ଗି ଦେଇଛି । ଏମିତି ଏକ ଲୋମ ଟାଙ୍କୁରା ଘଟଣା ଆସିଛି ମହାରାଷ୍ଟ୍ର ପୁନେରୁ । ତେବେ ପୁଲିସ ସୂତ୍ରରୁ ଜଣାପଡିଛି ଯ, ୩୭ ବର୍ଷିୟ ଗଜେନ୍ଦ୍ର ଜଗନ୍ନାଥ ଦଗଦଖୈରଙ୍କ ପ୍ରେମରେ ଅନ୍ଧ ହୋଇଯାଇଥିଲେ ୨୫ ବର୍ଷିୟା ସମରୀନ ନିଶାର ନେଭେରେକର । ସମରୀନ ବିବାହିତା ହୋଇଥିବା ବେଳେ ତାଙ୍କର ମଧ୍ୟ ୨ ଜଣ ଛୋଟ ପିଲା ରହିଥିଲେ । ଏଥିସହିସ ସେ ପୁଣି ଥରେ ମଧ୍ୟ ବର୍ଭବତୀ ହୋଇଥିଲେ । ତଥାପି ସମରୀନ ଗଜେନ୍ଦ୍ରଙ୍କ ପ୍ରେମକୁ ଗ୍ରହଣ କରିନେଇଥିଲେ । ତେବେ ସମରୀନ ପୁନଶ୍ଚ ଗର୍ଭବତୀ ହୋଇଥିବା ଜାଣି ଗଜେନ୍ଦ୍ର ଗର୍ଭ ନଷ୍ଟ ପାଇଁ ନିଷ୍ପତ୍ତି ନେଇଥିଲେ । ‌ତେଣୁ, ‌ସେ ନିଜର ବିବାହିତା ଗର୍ଭବତୀ ପ୍ରେମିକାଙ୍କୁ ଧରି ମେଡିକାଲ ଯାଇଥିଲେ । ହେଲେ ଗର୍ଭନଷ୍ଟ ସମୟରେ ଡାକ୍ତରଙ୍କ ଅବହେଳା ଯୋଗୁଁ ମହିଳାଙ୍କ ମୃତ୍ୟୁ ହୋଇଯାଇଥିଲା । ଏହାପରେ ଗଜେନ୍ଦ୍ର ତାଙ୍କ ସାଙ୍ଗ ରବିକାନ୍ତଙ୍କ ସହ ପ୍ରେମିକାଙ୍କ ମୃତଦେହ ହସ୍ପିଟାଲରୁ ଆଣି ଇନ୍ଦ୍ରାୟନି ନଦୀରେ ଫିଙ୍ଗି ଦେଇଥି‌ଲେ । ସମରୀନଙ୍କ ମୃତଦେହ ନଦୀକୁ ଫିଙ୍ଗିବା ବେଳେ ଦେଖି ପାଖରେ ଥିବା ତାଙ୍କର ଦୁଇ ପିଲା କାନ୍ଦିବାକୁ ଆରମ୍ଭ କରିଥିଲେ । ଏହାପରେ ରାଗିଯାଇଥିଲା ପିଶାଚ ପ୍ରେମିକ ଗଜେନ୍ଦ୍ର । ପ୍ରେମିକାଙ୍କ ଦୁଇ ସନ୍ତାନଙ୍କୁ ମଧ୍ୟ ସେହି ନଦୀକୁ ଠେଲି ଦେଇଥିଲେ ।

କିଛିଦନ ଧରି ମହିଳାଙ୍କୁ ତାଙ୍କ ପରିବାର ଲୋକେ ଯୋଗାଯୋଗ କରିବାରୁ ଚେଷ୍ଟା କରୁଥିଲେ ସୁଦ୍ଧା ଯୋଗାଯୋଗ ହୋଇପାରିନଥିଲା । ବାଧ୍ୟ ହୋଇ ପରିବାର ଲୋକେ ତଲେଗାଁ ଦଭାଡେ ଥାନାରେ ସମରୀନ ଓ ୨ ପିଲାଙ୍କ ନିଖୋଜ ନେଇ ଏଫଆଇଆର କରିଥିଲେ । ଏହାପରେ ପୋଲିସ ତଦନ୍ତ ଆରମ୍ଭ କରିଥିବା ବେଳେ ଘଟଣାର ଚେର ଖୋଜି ପାଇବାରେ ସଫଳ ହୋଇଥିଲା । ଗଜେନ୍ଦ୍ରଙ୍କୁ କାବୁ କରି ସବୁ ସତ ତାଙ୍କ ପାଟିରୁ ବାହାର କରିଥିଲା । ଏହାପରେ ଘଟଣାର ସମସ୍ତ ବିବରଣୀ ଏକାଠି କରି ଅଭିଯୁକ୍ତ ଗଜେନ୍ଦ୍ର ଓ ତାଙ୍କ ବନ୍ଧୁ ରବିକାନ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
୭୦ତମ ପ୍ରତିଷ୍ଠା ଦିବସ ପାଳନ କଲେ ମଜଦୂର ସଂଘ

ରାୟଗଡ଼ା ସ୍ଥିତ କୃଷ୍ଣଚନ୍ଦ୍ର ନଗର ଭବନ ଠାରେ ଭାରତୀୟ ମଜଦୂର ସଂଘର ୭୦ ତମ ପ୍ରତିଷ୍ଠା ଦିବସ ମହା ଆଡମ୍ବର ସହକାରେ ପାଳନ କରାଯାଇଛି । ଏହି ଅବସରରେ ଗାନ୍ଧୀ ପାର୍କ ଠାରୁ ଏକ ପଦଯାତ୍ରାରେ ବାହାରି କୃଷ୍ଣଚନ୍ଦ୍ର ନଗର ଭବନଠାରେ ପହଞ୍ଚି ପ୍ରତିଷ୍ଠା ଦିବସ ପାଳନ କରାଯାଇଥିଲା। ପ୍ରାରମ୍ଭରେ ଭଗବାନ ବିଶ୍ଵକର୍ମା , ଭାରତ ମାତା ଏବଂ ଭାରତୀୟ ମଜଦୁର ସଂଘର ପ୍ରତିଷ୍ଠାତା ଦତ୍ତୋପନ୍ତ ଠେଙ୍ଗଡୀ ଜିଙ୍କ ଫଟୋ ଚିତ୍ର ରେ ପୂଷ୍ପ ମାଲ୍ୟାର୍ପଣ ସହ ଦୀପ ପ୍ରଜ୍ବଳନ କରି ଶ୍ରମିକ ଭାଇ ଭଉଣୀ ମାନଙ୍କ ଦ୍ୱାରା ଶ୍ରମିକ ଗୀତ ଗାନ କରି କାର୍ଯ୍ୟକ୍ରମ ଆରମ୍ଭ ହେଇଥିଲା। ଉକ୍ତ କାର୍ଯ୍ୟକ୍ରମ ରେ ଅତିଥି ଭାବେ ରାଷ୍ଟ୍ରୀୟ ସ୍ଵୟଂସେବକ ସଂଘ ର ଜିଲ୍ଲା ପ୍ରଚାରକ ଶଙ୍କର ପ୍ରଧାନ , ସକ୍ଷମର ରାଜ୍ୟ ସଂରକ୍ଷକ , ସମାଜସେବୀ ତଥା କର୍ମଜୀବି ସାମ୍ବାଦିକ ସଂଘ ର ରାଜ୍ୟ ସଭାପତି ଶ୍ରୀ ବାଦଲ କୁମାର ।

ଏବଂ ଶ୍ରମିକ ନେତା ତଥା ଭାରତୀୟ ମଜଦୁର ସଂଘ ର ରାଜ୍ୟ ଉପସଭାପତି ଶ୍ରୀ ଯୋଗେଶ୍ଵର ଦାସ ଯୋଗ ଦେଇ ନିଜ ନିଜ ବକ୍ତବ୍ୟରେ ସ୍ଵାଧୀନତା ପ୍ରାପ୍ତି ପରେ ଶ୍ରମିକ ମାନଙ୍କ ସ୍ବାର୍ଥ ରକ୍ଷା ପାଇଁ ଭିନ୍ନ ଭିନ୍ନ ରାଜନୈତିକ ବିଚାର ଧାରା ରଖୁଥିବା ଅନେକ ଗୁଡ଼ିଏ ଶ୍ରମିକ ସଂଘଠନ ସୃଷ୍ଟି ହୋଇଥିଲା। ଏହାପରେ ରାଜନୈତିକ ବିଚାରା ଧାରା ଠାରୁ ଦୂରେଇ ରହି ଶ୍ରମିକ ମାନଙ୍କ ହିତ ପାଇଁଁ ଭାରତୀୟ ବିଚାର କୁ ଦୃଷ୍ଟିରେ ରଖି ଏକ ଅଣ ରାଜନୈତିକ ଶ୍ରମିକ ସଂଗଠନ ଏବଂ ଭାରତୀୟ ବିଚାର ରେ ଶ୍ରମିକ ମାନଙ୍କ ସମସ୍ତ ସମସ୍ୟାର ସମାଧାନ କରିବା ନେଇ ଦେଶ ଗଠନରେ ଆଗରେ ରହି ଶ୍ରମିକ ମାନଙ୍କ ସମସ୍ତ ସମସ୍ୟାକୁ ସମାଧାନ କରିବା ସହ ବିଭିନ୍ନ ଉନ୍ନୟନମୂଳକ କାର୍ଯ୍ୟ ସଂପର୍କରେ ଅନୁଧ୍ୟାନ କରିବା ପାଇଁ ବିଚାର ଧାରା କରିଥିଲେ। ଏନେଇ ଆଜି ସାରା ଦେଶରେ ପ୍ରଥମ ସ୍ଥାନ ଅଧିକାର କରି ୭୦ ବର୍ଷ ପୂର୍ତ୍ତି ପାଳନ କରିଆସୁଛି ଭାରତୀୟ ମଜଦୂର ସଂଘ ବୋଲି ପ୍ରକାଶ କରିଥିଲେ ।

ଅନୁଷ୍ଠିତ କାର୍ଯ୍ୟ କ୍ରମରେ ଭାରତୀୟ ମଜଦୂର ସଂଘ ଦ୍ୱାରା ପରିଚାଳିତ ଅଲ୍ ଓଡିଶା ଅଙ୍ଗନବାଡ଼ି ଲେଡିଜ ୱାରର୍ଜର୍ସ ଆସୋସିଏସନ୍, ଓଡିଶା ରାଜ୍ୟ ଆଶାକର୍ମୀ ସଂଘ , ଜେ କେ ପେପର ମଜଦୂର ସଂଘ , ଉତ୍କଳ ଆଲୁମିନା ମଜଦୂର ସଂଘ , ରାୟଗଡ଼ା ଜିଲ୍ଲା ବ୍ୟବସାୟ ମଜଦୂର ସଂଘ , ବିଶ୍ଵକର୍ମା ମଜଦୁର ସଂଘ , ଇମ୍ଫା ଠିକା ମଜଦୁର ସଂଘ , ଇମ୍ଫା ଶ୍ରମିକ ସଂଘ , ପାଚିକା ସଂଘ , ରାୟଗଡ଼ା ଜିଲ୍ଲା ହୋଟେଲ କର୍ମଚାରୀ ସଂଘ , ରାୟଗଡ଼ା ଜିଲ୍ଲା ସଫେଇ ମଜଦୁର ସଂଘ , ରାୟଗଡ଼ା ଜିଲ୍ଲା ରାଜ ମେସ୍ତୀରି ସଂଘ , ରାୟଗଡ଼ା ଜିଲ୍ଲା ଅଟୋ ଚାଳକ ସଂଘ ଏବଂ ୧୧ ଟି ବ୍ଲକ ର ସମସ୍ତ ବ୍ଳକର କାର୍ଯ୍ୟକର୍ତ୍ତା ମାନେ ଯୋଗ ଦେଇଥିଲେ। ଭାରତୀୟ ମଜଦୂର ସଂଘର ଜିଲ୍ଲା ସଭାପତି ଶ୍ରୀ ମହନ ରାଓ ମାଝୀଙ୍କ ସଭାପତିତ୍ବରେ ଆୟୋଜିତ କାର୍ଯ୍ୟକ୍ରମରେ ,ଉପସଭାପତି ଶ୍ରୀମତୀ ଜୟନ୍ତୀ ପଦ୍ମାଳୟା ସାହୁ ,ଉପସଭାପତି ଶ୍ରୀ ଦୂର୍ଗା ମାଧବ ଘୋଷ , କୋଷାଧ୍ୟକ୍ଷ ଶ୍ରୀମତୀ ଉଷାରାଣୀ ଦାସ , ଶ୍ରୀମତୀ ନେହା ସିଂ , ଶ୍ରୀ ଧର୍ମ ସିଂ ନାଗ, ପରମା ନନ୍ଦ ପ୍ରଧାନ , ଏ ତିରୁପତି ରାଓ , ଆନନ୍ଦ ରାଉଳ , , ରାମକୃଷ୍ଣ ପାଣିଗ୍ରାହୀ , କେ ରାମ ବାବୁ , ଗୀତାଞ୍ଜଳି ହିଆଲ , ନୀରଞନ ସେନାପତି , ପରମାନନ୍ଦ ପ୍ରଧାନ , ଆନନ୍ଦ ରାଓ , ସୁନ୍ଦର ରାଓ କାଡ୍ରାକା ପରିଚାଳନା କରିଥିଲେ । ଉକ୍ତ କାର୍ଯ୍ୟକ୍ରମରେ ବରିଷ୍ଠ କାର୍ଯ୍ୟକର୍ତ୍ତା ଅରୁଣ କୁମାର ଲେଙ୍କା ମଞ୍ଚ ପରିଚାଳନା କରିଥିବା ବେଳେ ସଂଘ ର ଜିଲ୍ଲା ସମ୍ପାଦକ ଶ୍ରୀ ଗଣେଶ କୁମାର ସାହୁ ଉପସ୍ଥିତ ସମସ୍ତ କାର୍ଯ୍ୟକର୍ତ୍ତା ମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।
ଯାଜପୁର ଆରଟିଓ ପକ୍ଷରୁ ୨୦ ନମ୍ବର ଜାତୀୟ ରାଜପଥ ଯାଞ୍ଚ

ଯାଜପୁର ଆରଟିଓ ପାଣିକୋଇଲି କେନ୍ଦୁଝର 20ନମ୍ବର ଜାତୀୟ ରାଜପଥ ଆଲିଆ ଛକ ଠାରେ ପରିବହନ ବିଭାଗ ତରଫରୁ ସମସ୍ତ ଯାତ୍ରୀ ବାହି ବସ ଗୁଡିକୁ କଡା କଡ଼ି ଯାଞ୍ଚ କରାଯାଇଛି l ଅନ୍ୟ ଜିଲ୍ଲାର ରୁଟ୍ର ପରମିଟରେ ଯାଜପୁର ଓ କେନ୍ଦୁଝରରୁ କଟକକୁ ବସ୍ ଚଳାଚଳ କରୁଛି। ମାଲିକ ନିଜର ଲାଭ ପାଇଁ ପରିବହନ ବିଭାଗକୁ ଭୁଆଁ ବୁଲାଇ ଚାଲିଛନ୍ତି । ଅନେକ ସମୟରେ ଯାତ୍ରୀଙ୍କ ଠାରୁ ଧାର୍ଯ୍ୟ ମୂଲ୍ୟ ଠାରୁ ଅଧିକ ଦାମ ନେଉଥିବା ଅଭିଯୋଗ ହୋଇଥିଲା l ଏହାକୁ ଆଖି ଆଗରେ ରଖି ଗାଡ଼ିର ପରମିଟ, ଲାଇସେନ୍ସ,ଅନ୍ୟାନ୍ୟ କାଗଜପତ୍ର, ଭଡ଼ା ବୋର୍ଡ ପ୍ରଦର୍ଶନ କରିବା ଏବଂ ଯାତ୍ରୀଙ୍କୁ ଭଲ ବ୍ୟବହାର ପ୍ରଦର୍ଶନ କରିବାକୁ ତାଗିତ କରାଯାଇଥିଲା l ପରିବହନ ଅଧିକାରୀ ନେତୃତ୍ବରେ ହୋଇଥିବା ଏହି ଚଢ଼ାଉରେ ଦୀପକ କୁମାର ସେଠୀ, ରଜତ ଶତପଥୀ, ଜୁନିୟର ଏମ୍‌ଭିଆଲ ପ୍ରଦୀପ କିଶୋର ବେହେରା ଓ ଏନ୍‌ଫୋର୍ସମେଣ୍ଟ ସାମିଲ ହୋଇଥିଲେ। ଆଗାମୀ ଦିନରେ ପରିବହନ ନିୟମ ଉଲଂଘନ ଏବଂ ଯାତ୍ରୀଙ୍କଠାରୁ ଅଧିକ ଭଡ଼ା ନେଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପରିବହନ ଅଧିକାରୀ ସତର୍କ କରାଇଛନ୍ତି l
କଣ ଟ୍ରମ୍ପଙ୍କଉପରେ ଭାରି ପଡ଼ିବେ କି କମଲା ହାରିସ୍, ନିର୍ବାଚନୀ ବିଶ୍ଳେଷକମାନେ ଦର୍ଶାଇଲେ ଦୁଇଟି କାରଣ,ହଟିଲେ ବାଇଡେନ

ଆମେରିକାରେ ନଭେମ୍ବର ୫ ରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବାକୁ ଯାଉଛି, ଏହି ସମୟରେ ରବିବାର ଦିନ ଗଣତାନ୍ତ୍ରିକ ପ୍ରାର୍ଥୀ ଜୋ ବାଇଡେନ ତାଙ୍କ ପ୍ରାର୍ଥୀପତ୍ରରୁ ଓହରି ଯାଇଛନ୍ତି। ଏଥି ସହିତ ବାଇଡେନ ଉପରାଷ୍ଟ୍ରପତି କମଲା ହାରିସଙ୍କୁ ସମର୍ଥନ କରିଛନ୍ତି। ବର୍ତ୍ତମାନ ଆଶା କରାଯାଉଛି ଯେ ନଭେମ୍ବରରେ ହେବାକୁ ଥିବା ନିର୍ବାଚନରେ କମଲା ହାରିସ୍ ରିପବ୍ଲିକାନ୍ ପ୍ରାର୍ଥୀ ଡୋନାଲ୍ଡ ଟ୍ରମ୍ପଙ୍କ ସହ ଟକ୍କର ଦେଇପାରନ୍ତି।

ବର୍ଷ ଆରମ୍ଭରେ ଅନୁଷ୍ଠିତ ଡେମୋକ୍ରାଟିକ୍ ପ୍ରାଥମିକ ସ୍ତରରେ, ଅଗଷ୍ଟ ୧୯-୨୨ ମଧ୍ୟରେ ଅନୁଷ୍ଠିତ ହେବାକୁ ଥିବା ଡେମୋକ୍ରାଟିକ୍ ସମ୍ମିଳନୀ ପାଇଁ ବାଇଡେନ ସମସ୍ତ ପ୍ରତିନିଧୀଙ୍କଠାରୁ ପ୍ରାୟ ୯୫ ପ୍ରତିଶତ ଜିତିଥିଲେ। ଏଭଳି ପରିସ୍ଥିତିରେ ବାଇଡେନଙ୍କୁ ସମର୍ଥନ କରିବା ପରେ ଏହି ପ୍ରତିନିଧୀମାନେ କମଲା ହାରିସଙ୍କୁ ମଧ୍ୟ ସମର୍ଥନ କରିବେ ବୋଲି ବିଶ୍ୱାସ କରାଯାଏ। ବାଇଡେନଙ୍କ ପ୍ରାର୍ଥୀତ୍ୱରୁ ଓହରିଯିବା ପୂର୍ବରୁ ଆମେରିକାର ଏବିସି ନ୍ୟୁଜ୍ ଏକ ଇପ୍ସୋସ୍ ସର୍ଭେ କରିଥିଲା ଯେଉଁଥିରେ ଡେମୋକ୍ରାଟିକ୍ ଭୋଟରମାନେ ବାଇଡେନଙ୍କ ପ୍ରତ୍ୟାହାରକୁ ୬୦-୩୯ ପର୍ଯ୍ୟନ୍ତ ସମର୍ଥନ କରିଥିଲେ।

ଟ୍ରମ୍ପଙ୍କ ଆଗରେ ବାଇଡେନ ଫିକା
ଏହା ବ୍ୟତୀତ, ଯଦି ଆମେ ଟ୍ରମ୍ପଙ୍କ ବିଷୟରେ ଆଲୋଚନା କରିବା, ଜୁଲାଇ ୧୫-୧୮ ମଧ୍ୟରେ ରିପବ୍ଲିକାନ୍ ସମ୍ମିଳନୀ ପରେ ଟ୍ରମ୍ପଙ୍କ ଭୋଟ୍ ପ୍ରତିଶତ ବୃଦ୍ଧି ପାଇବ ବୋଲି ଆଶା କରାଯାଉଛି। ଜାତୀୟ ସର୍ବେକ୍ଷଣରୁ ଜଣାପଡିଛି ଯେ ଜୁଲାଇ ୧୩ ରେ ବାଇଡେନଙ୍କ ଉପରେ ଟ୍ରମ୍ପଙ୍କ ନେତୃତ୍ୱ ୧.୯ ପଏଣ୍ଟରୁ ୩.୨ ପଏଣ୍ଟକୁ ବୃଦ୍ଧି ପାଇଛି। ଭୋଟ୍ ଅଂଶ ଟ୍ରମ୍ପଙ୍କ ପାଇଁ ୪୩.୫ ପ୍ରତିଶତ ଏବଂ ବାଇଡେନଙ୍କ ପାଇଁ ୪୦.୨ ପ୍ରତିଶତ ବୋଲି ଆକଳନ କରାଯାଇଛି। ବାସ୍ତବରେ, ଆମେରିକାର ରାଷ୍ଟ୍ରପତି ପଦ ଭୋଟ୍ ଦ୍ୱାରା ନୁହେଁ ବରଂ ଇଭି ଦ୍ୱାରା ନିଷ୍ପତ୍ତି ହୋଇଥାଏ | ଏଭଳି ପରିସ୍ଥିତିରେ ବାଇଡେନ ଇଭି ସିଷ୍ଟମରେ ବହୁତ ପଛରେ ଥିଲେ ବୋଲି ଆକଳନ କରାଯାଇଥିଲା।

ଦୁଇଟି ଜିନିଷରୁ ଫାଇଦା ପାଇବେ ହାରିସ୍
ମେଲବୋର୍ଣ୍ଣ ୟୁନିଭରସିଟିର ନିର୍ବାଚନ ବିଶ୍ଳେଷକ ଆଡ୍ରିଆନ୍ ବିମୋଣ୍ଟ କମଲା ହାରିସଙ୍କ ପ୍ରାର୍ଥୀତ୍ୱ ଉପରେ ନିଜର ବିଶ୍ଳେଷଣ ଦେଇଛନ୍ତି। ଏଥିରେ ସେ କହିଛନ୍ତି ଯେ ହ୍ୟାରିସ୍ ବନାମ ଟ୍ରମ୍ପ ନିର୍ବାଚନକୁ ବିଶ୍ଳେଷଣ କରିବା ତରବରିଆ ହେବ, ହେଲେ ସେ ହ୍ୟାରିସଙ୍କ ପ୍ରାର୍ଥୀତ୍ୱକୁ ଉପଯୁକ୍ତ ବୋଲି ବର୍ଣ୍ଣନା କରିଛନ୍ତି। ନିର୍ବାଚନ ବିଶ୍ଳେଷକମାନେ ଦୁଇଟି ବିଷୟ ପ୍ରତି ଧ୍ୟାନ ଦେଇଛନ୍ତି | ସେ କହିଛନ୍ତି ଯେ ଦୁଇଟି ଜିନିଷ ଅଛି ଯେଉଁଥିପାଇଁ ହାରିସ୍ ଙ୍କୁ ଫାଇଦା ମିଳିପାରିବ |
ଶାହା, ରାଜନାଥ, ଶିବରାଜ ଏବଂ ଗଡକରୀ ପର୍ଯ୍ୟନ୍ତ … କେଉଁ ମନ୍ତ୍ରୀ ବଜେଟରେ ପାଇଲେ ସର୍ବାଧିକ ଟଙ୍କା, ଜାଣି ହେବେ ଆଶ୍ଚର୍ଯ୍ୟ

ଅର୍ଥମନ୍ତ୍ରୀ ନିର୍ମଳା ସୀତାରମଣ ମଙ୍ଗଳବାର ସାଧାରଣ ବଜେଟ୍ ଉପସ୍ଥାପନ କରିଛନ୍ତି। ସୀତାରମଣଙ୍କ ଅନୁଯାୟୀ ବଜେଟରେ ଗରିବ, କୃଷକ, ମହିଳା ଏବଂ ଯୁବକମାନଙ୍କ ଉପରେ ବିଶେଷ ଧ୍ୟାନ ଦିଆଯାଇଛି। ପ୍ରତ୍ୟେକ ଥର ପରି, ଏଥର ମଧ୍ୟ ସାଧାରଣ ବଜେଟରେ ମନ୍ତ୍ରଣାଳୟ ପାଇଁ ଅର୍ଥ ଆବଣ୍ଟନ କରାଯାଇଛି।

ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ୨୦୨୪-୨୫ ବଜେଟରେ ସର୍ବାଧିକ ଟଙ୍କା ପାଇଛି। ଏହି ମନ୍ତ୍ରଣାଳୟ ନିତିନ ଗଡକରୀଙ୍କ ସହ ଅଛି। ନିତିନ ଗାଡକରୀ ପରିବହନ ମନ୍ତ୍ରଣାଳୟ ପାଇଁ ବଜେଟରେ ୫୪୪୧୨୮ କୋଟି ଟଙ୍କା ପ୍ରଦାନ କରାଯାଇଛି।

ପ୍ରତିରକ୍ଷା ମନ୍ତ୍ରଣାଳୟକୁ ୪୫୪୭୭୩ କୋଟି ଟଙ୍କା

ଏହି ତାଲିକାରେ ପ୍ରତିରକ୍ଷା ମନ୍ତ୍ରଣାଳୟ ଦ୍ୱିତୀୟ ସ୍ଥାନରେ ରହିଛି, ଯାହା ରାଜନାଥ ସିଂଙ୍କ ଅଧୀନରେ ଅଛି। ବଜେଟରେ ପ୍ରତିରକ୍ଷା ମନ୍ତ୍ରଣାଳୟ ପାଇଁ ୪୫୪୭୭୩ କୋଟି ଟଙ୍କାର ବ୍ୟବସ୍ଥା କରାଯାଇଛି। ଏହା ବ୍ୟତୀତ ଅମିତ ଶାହାଙ୍କ ଗୃହ ମନ୍ତ୍ରଣାଳୟ ପାଇଁ ୧୫୦୯୮୩ କୋଟି ଟଙ୍କାର ବ୍ୟବସ୍ଥା କରାଯାଇଛି।

କୃଷି ପାଇଁ ୧୫୧୮୫୧ କୋଟି ଟଙ୍କା ପ୍ରଦାନ

ଏଥି ସହିତ ଶିବରାଜ ସିଂ ଚୌହାନଙ୍କ କୃଷି ମନ୍ତ୍ରଣାଳୟ ପାଇଁ ବଜେଟରେ ୧୫୧୮୫୧ କୋଟି ଟଙ୍କା ପ୍ରଦାନ କରାଯାଇଛି। ଏହା ବ୍ୟତୀତ ସ୍ୱାସ୍ଥ୍ୟ ମନ୍ତ୍ରଣାଳୟ ପାଇଁ ୮୯୨୮୭ କୋଟି ଟଙ୍କାର ବ୍ୟବସ୍ଥା କରାଯାଇଛି। ଏହି ମନ୍ତ୍ରଣାଳୟ ଜେପି ନଡ୍ଡାଙ୍କ ଅଧୀନରେ ଅଛି, ଏହା ବ୍ୟତୀତ ଧର୍ମେନ୍ଦ୍ର ପ୍ରଧାନ ଶିକ୍ଷା ମନ୍ତ୍ରଣାଳୟ ପାଇଁ ୧୨୫୬୩୮ କୋଟି ଟଙ୍କା ପ୍ରଦାନ କରାଯାଇଛି। ଏଥି ସହିତ ବୈଦେଶିକ ମନ୍ତ୍ରଣାଳୟ ପାଇଁ ୨୨୧୫୫ କୋଟି ଟଙ୍କାର ବ୍ୟବସ୍ଥା କରାଯାଇଛି। ସହରୀ ବିକାଶ ପାଇଁ ବଜେଟରେ ୮୨୫୭୭ କୋଟି ଟଙ୍କା ଆବଣ୍ଟନ କରାଯାଇଛି।

ଏହା ବ୍ୟତୀତ ଶକ୍ତି ମନ୍ତ୍ରଣାଳୟ ପାଇଁ ୬୮୭୬୯ କୋଟି ଟଙ୍କା ଏବଂ ଆଇଟି ଏବଂ ଦୂର ସଂଚାର ମନ୍ତ୍ରଣାଳୟ ପାଇଁ ୧୧୬୩୪୨ କୋଟି ଟଙ୍କା ପ୍ରଦାନ କରାଯାଇଛି। ଏଥି ସହିତ ଗ୍ରାମାଞ୍ଚଳର ବିକାଶ ପାଇଁ ୨୬୫୮୦୮ କୋଟି ଟଙ୍କା ଆବଣ୍ଟନ କରାଯାଇଛି। ଲୋକସଭାରେ ୨୦୨୪-୨୫ ପାଇଁ ବଜେଟ୍ ଉପସ୍ଥାପନ କରୁଥିବାବେଳେ ଅର୍ଥମନ୍ତ୍ରୀ ସୀତାରମଣ କହିଛନ୍ତି ଯେ ଚଳିତ ବର୍ଷ ଗ୍ରାମୀଣ ଭିତ୍ତିଭୂମି ସମେତ ଗ୍ରାମାଞ୍ଚଳର ବିକାଶ ପାଇଁ ମୁଁ ୨.୬୬ ଲକ୍ଷ କୋଟି ଟଙ୍କା ପ୍ରଦାନ କରିଛି।
ଘର ଭାଙ୍ଗିଲେ, ଧାନ ବିଲ ନଷ୍ଟ କଲେ ହାତୀ ପଲ

ବଢିବାରେ ଲାଗିଛି କେନ୍ଦୁଝର ଚମ୍ପୁଆ ରେଞ୍ଜ ଉଲୁଣ୍ଡା ସେକ୍ସନ ଅନ୍ତର୍ଗତ ଜ୍ୟୋତିପୁର ଅଞ୍ଚଳକୁ ବୈତରଣୀ ପାର ହୋଇ ମୟୁରଭଞ୍ଜ ପଟୁ ପଶି ଆସିଥିବା ୨୭ ଦଳିଆ ହାତୀ ପଲଙ୍କ ଉପଦ୍ରଵ । ପୂର୍ବ ଦିନ ରାତି ଏହି ହାତୀ ପଲ ତିନି ଭାଗରେ ବିଭକ୍ତ ହୋଇ ଜ୍ୟୋତିପୁର ବିଟ ଅଞ୍ଚଳର ବାଲିପଶି, ନିଶାଗଡ଼ିଆ, ମୋୖଦି ଅଞ୍ଚଳରେ ଏକର ଏକର ଧାନ ଫସଲ ନଷ୍ଟ କରିବା ସହ ବାଲିପଶି ଓ ନିଶାଗଡ଼ିଆ ଗ୍ରାମରେ ୬ଟି ଘର ଭାଙ୍ଗି ଘର ଭିତରୁ ଧାନ ଚାଉଳ ନଷ୍ଟ କରିଛନ୍ତି ।ଗତ ରାତିରେ ଏହି ହାତୀ ପଲ ମଧ୍ୟରୁ ତିନୋଟି ହାତୀ ବୈତରଣୀ ଡେଇଁ ମୟୁରଭଞ୍ଜ କୁ ଲେଉଟି ଯାଇଥିବା ବେଳେ, ରହି ଯାଇଥିବା ୨୪ ହାତୀ ପଲ ନିଶ୍ଚିନ୍ତ ପୁର, କମଣ୍ଡ ଓ ଶିରିକୁଆଁ ଗ୍ରାମ ରେ ୧୨ ଟି ଘର ଭାଙ୍ଗି ଥିବା ଜଣାପଡିଛି।

ରାତି ସାରା ଏହି ହାତୀପଲ ବ୍ୟାପକ କ୍ଷୟକ୍ଷତି କରିବାପରେ ହାତୀ ପଲ ନିକଟସ୍ଥ ଛେଳିଆନାଳ ଜଙ୍ଗଲରେ ରହିଥିବା ବେଳେ ଏମାନଙ୍କ ମଧ୍ୟରୁ ଦୁଇଟି ହାତୀ ଧାନ ବିଲରେ ନିର୍ଭୟରେ ଫସଲ ଖାଉଥିବା ଦେଖାଯାଇଛି। ଏହି ହାତୀ ପଲଙ୍କୁ ନେଇ ଆଖ ପାଖ ଅଞ୍ଚଳରେ ଲୋକେ ଆତଙ୍କିତ ଅବସ୍ଥାରେ ଥିବା ଜଣା ପଡିଛି।
ନିର୍ମଳା ସୀତାରମଣ କେନ୍ଦ୍ର ବଜେଟ୍‌ ୨୦୨୪-୨୫

ନିର୍ମଳା ସୀତାରମଣ କେନ୍ଦ୍ର ବଜେଟ୍‌ ୨୦୨୪-୨୫ ଉପସ୍ଥାପନ କରିଛନ୍ତି
ବିହାରରେ ଆଉ ୪ଟି ନୂଆ ଏକ୍ସପ୍ରେସ ଓ୍ବେ ନିର୍ମାଣ ପାଇଁ ସ୍ଥିର ହୋଇଛି
ଏଥିସହିତ ଏୟାରପୋର୍ଟ ବିକାଶ ସହ ମେଡିକାଲ କଲେଜ ସ୍ଥାପନ ହେବ
ବୁଦ୍ଧଗୟା,ରାଜଗିର,ବୈଶାଳୀ ଓ ଦରଭଙ୍ଗାରେ ହେବ ସଡ଼କ ନିର୍ମାଣ
୨୬,୦୦୦ କୋଟି ଟଙ୍କା ଆର୍ଥିକ ସହାୟତା ଘୋଷଣା କରିଛନ୍ତି ଅର୍ଥମନ୍ତ୍ରୀ
୨୧,୦୦୦ କୋଟି ଟଙ୍କାର ପାଓ୍ବାର ପ୍ଲାଣ୍ଟ ପାଇଁ ଘୋଷଣା ହୋଇଛି
ଆନ୍ଧ୍ରପ୍ରଦେଶକୁ ୧୫,୦୦୦ କୋଟିର ଆର୍ଥିକ ସହାୟତା ପାଇଁ ଘୋଷଣା ହୋଇଛି
ପୋଲାଭରମ ପ୍ରକଳ୍ପ ଶୀଘ୍ର ସମାପ୍ତ ପାଇଁ ପଦକ୍ଷେପ ନିଆଯିବ

କେନ୍ଦ୍ର ସରକାରଙ୍କ ବଜେଟ ଅଧିବେଶରେ ଏଥର ବି ନିରାଶ ହେବାକୁ ପଡିଛି ବିହାରକୁ । କାରଣ ବିହାରକୁ ଯେଉଁ ସ୍ବତନ୍ତ୍ର ରାଜ୍ୟର ମାନ୍ୟତା ଦେବାକୁ ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇଥିଲେ ତାହା ପାଳନ କରିନାହାନ୍ତି । ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ ସପ୍ତମ ଥର ପାଇଁ ସଂସଦରେ କେନ୍ଦ୍ର ବଜେଟ୍‌-୨୦୨୪-୨୫ ଉପସ୍ଥାପନ କରିଛନ୍ତି । ଯେଉଁଥିରେ ଆନ୍ଧ୍ରପ୍ରଦେଶ ଏବଂ ବିହାରକୁ ସ୍ବତନ୍ତ୍ର ରାଜ୍ୟର ମାନ୍ୟତା ମିଳିନଥିବା ବେଳେ ବଡ଼ ଭେଟି ଘୋଷଣା କରିଛନ୍ତି ।

ବଜେଟରେ ବିହାରରେ ଆଉ ୪ଟି ନୂଆ ଏକ୍ସପ୍ରେସ ଓ୍ବେ ନିର୍ମାଣ ପାଇଁ ସ୍ଥିର ହୋଇଛି । ଏଥିସହିତ ଏୟାରପୋର୍ଟ ବିକାଶ ସହ ଅଧିକ ମେଡିକାଲ କଲେଜ ସ୍ଥାପନ ହେବ । ବୁଦ୍ଧଗୟା, ରାଜଗିର, ବୈଶାଳୀ ଓ ଦରଭଙ୍ଗା ଠାରେ ସଡ଼କ ନିର୍ମାଣ ପାଇଁ ୨୬,୦୦୦ କୋଟି ଟଙ୍କା ଆର୍ଥିକ ସହାୟତା ଘୋଷଣା କରିଛନ୍ତି ଅର୍ଥମନ୍ତ୍ରୀ । ଏଥିସହିତ ୨୧,୦୦୦ କୋଟି ଟଙ୍କାର ପାଓ୍ବାର ପ୍ଲାଣ୍ଟ ପାଇଁ ମଧ୍ୟ ଘୋଷଣା କରାଯାଇଛି ।

ସେହିପରି ଆନ୍ଧ୍ରପ୍ରଦେଶ ପାଇଁ ମଧ୍ୟ ବଡ ଘୋଷଣା ହୋଇଛି । ସ୍ପେସାଲ ଷ୍ଟାଟସ୍ ଦିଆଯାଇନଥିଲେ ସୁଦ୍ଧା ୧୫,୦୦୦ କୋଟି ଟଙ୍କା ଆର୍ଥିକ ସହାୟତା ପ୍ରଦାନ ପାଇଁ ଘୋଷଣା ହୋଇଛି । ଏଥିସହିତ ନିର୍ମଳା ସୀତାରମଣ କହିଛନ୍ତି ଯେ, ଆନ୍ଧ୍ରପ୍ରଦେଶ ପୁନର୍ଗଠନ ଆଇନରେ ଦିଆଯାଇଥିବା ପ୍ରତିଶ୍ରୁତି ପୂରଣ କରିବାକୁ ଆମ ସରକାର ଉଦ୍ୟମ କରିଛନ୍ତି । ପୋଲାଭରମ ପ୍ରକଳ୍ପ ଶୀଘ୍ର ସମାପ୍ତ ପାଇଁ ପଦକ୍ଷେପ ନିଆଯିବ ବୋଲି ମଧ୍ୟ କୁହାଯାଉଛି ।
ପୁଲିସବାବୁ ନାକେଦମ,କଏଦୀ ଚମ୍ପଟ

ଝାରପଡା ଜେଲରେ ବିଚାରାଧୀନ କଏଦୀ ଖୋର୍ଦ୍ଧା କୋର୍ଟରୁ ଫେରାର । ତା’କୁ ଧରିବା ଲାଗି ପୁଲିସ ନାକେଦମ ହୋଇଥିବାବେଳେ ରିପୋର୍ଟ ଲେଖାହେବା ଯାଏଁ ଧରି ପାରିନଥିବା ଜଣାଯାଇଛି ।

ସୂଚନା ଅନୁଯାଇ ଖୋର୍ଦ୍ଧା ଜିଲ୍ଲା କୁହୁଡି ଫାଣ୍ଡି ଅଂଚଳର ସୁକାନ୍ତ ନାୟକ ଦୁଇ ବର୍ଷ ଧରି ଟାଙ୍ଗୀ ଥାନା କୁହୁଡି ଫାଣ୍ଡି ଅଂଚଳର ଏକ କେସରେ ଝାରପଡା ଜେଲରେ ସଜା କାଟୁଥିଲେ । ତେବେ ଶନିବାର ଦିନ ଆସାମୀକୁ ଆଇଓ ସାକ୍ଷୀ ନିମନ୍ତେ ଝାରପଡା ଜେଲରୁ ଖୋର୍ଦ୍ଧା କୋର୍ଟ ପୁଲିସ ଦ୍ୱାରା ଅଣାଯାଇଥିଲା ।କୋର୍ଟ ପରିସର ମଧ୍ୟରେ ଆସାମୀର ହାତରୁ ହାତକଡ଼ି ଖୋଲି ଦେବା ପରେ ଆସାମୀ ପୁଲିସକୁ ଚକ୍ମା ଦେଇ ଖସି ଯାଇଥିବା ଖବରକୁ ନେଇ ଚାଂଚଲ୍ୟ ଖେଳିଯାଇଛି । ତେବେ, ଦୀର୍ଘ ସମୟ ଧରି, କଏଦୀ ଜଣକ ପୁଲିସ ହାତରୁ କୋର୍ଟ ଛାତ ଉପରେ ଖସିବା ପାଇଁ ଯୋଜନା କରୁଥିବା ବେଳେ ଶେଷରେ ସଫଳ ହୋଇଛି । କୋର୍ଟ ଛାତ ଉପରକୁ ପ୍ରଥମେ କଏଦୀ ଯାଇଥିଲା ଏବଂ ପରେ ସିଡିରେ ତଳକୁ ଆସି କୌଣସି ମତେ କୋର୍ଟ ପଛ ଭାଗର ପାଚେରୀ ଡେଇଁ ଖସିଯିବାରେ ସଫଳ ହୋଇଥିବା କୋର୍ଟ ସିସିଟିଭିରୁ ଜଣାଯାଉଛି । ତେବେ କଏଦୀ ଧରିବା ଲାଗି ସ୍ଥାନୀୟ ପୁଲିସ ଓ କମିଶନରେଟ ପୁଲିସ ଖୋର୍ଦ୍ଧାର ବିଭିନ୍ନ ସ୍ଥାନରେ ଯାଂଚ କରୁଛନ୍ତି ।