Blog

ହାଇକୋର୍ଟଙ୍କ ରାୟକୁ ମାନିବାକୁ ନାରାଜ ବାସିନ୍ଦା, ପ୍ରଶାସନକୁ ଜଣାଇଲେ ଗୁହାରୀ

ବିବାଦୀୟ ଜମିରେ ଆଜକୁ ୫୯ ବର୍ଷ ହେବ ଜବରଦଖଲ କରି ଘରଦ୍ୱାର କରି ବସବାସ କରୁଥିବା ଲୋକଙ୍କ ବିକ୍ଷୋଭ ପ୍ରଦର୍ଶନ । ସୂଚନା ମୁତାବକ, କନ୍ଧମାଳ ଜିଲ୍ଲା ଜି.ଉଦୟଗିରି ବ୍ଲକ ମାଲିକାପୋଡି ପଞ୍ଚାୟତର ଅଜୟ ପଡ଼ାରେ କିଛି ଲୋକ ବହୁ ବର୍ଷ ଧରି ରହିଆସୁଛନ୍ତି । ହେଲେ ସେହି ସ୍ଥାନଟି ବିବାଦୀୟ ହୋଇ ରହିଥିବା ବେଳେ ହାଇକୋର୍ଟରେ କେଶ ହେବା ପରେ ଏହା ଉପରେ ରାୟ ମଧ୍ୟ ମାନ୍ୟବର କୋର୍ଟ ଶୁଣାଇଥିଲେ । କେଶଟି ପ୍ରଥମ ପକ୍ଷ ଚନ୍ଦ୍ରମତି ପ୍ରଧାନଙ୍କ ଝିଅ ସଂଯୁକ୍ତା ପ୍ରଧାନ ବନାମ ସତେରା ପ୍ରଧାନ, ଫିଲିପ ପ୍ରଧାନ, ସାଇମନ ପ୍ରଧାନ, ମିସକାନ୍ତା ପ୍ରଧାନ, ମମତା ପ୍ରଧାନ ଓ ମାଗାଦଲିନି ପ୍ରଧାନଙ୍କ ମଧ୍ୟରେ ଚାଲିଥିଲା । ତେବେ କୋର୍ଟ ଉକ୍ତ ଜମିର ମାଲିକାନା ସଂଯୁକ୍ତା ପ୍ରଧାନଙ୍କ ସପକ୍ଷରେ ରାୟ ଶୁଣାଇଥିଲେ । ଏହାକୁ ବିରୋଧ କରି ମଙ୍ଗଳବାର ପ୍ରତିପକ୍ଷ ଉକ୍ତ ଜମିରେ ରହିଆସୁଥିବା ଘର ସମୁଖରେ ଧାରଣା ଦେଇ ପ୍ରଶାସନକୁ ଉକ୍ତ ବିବାଦୀୟ ଜମି ଫେରାଇ ଦେବା ପାଇଁ ନିବେଦନ କରିଛନ୍ତି ।

ଉକ୍ତ ବିବାଦୀୟ ଜମିରେ ସ୍ଥାନୀୟ ତହସିଲଦାର ରଞ୍ଜନ କୁମାର ସାହୁ, SDPO ବିଜୟ କୁମାର ବିଶି, ଥାନା ଭାରପ୍ରାପ୍ତ ଅଧିକାରୀ ଭଗବାନ ପୂଜାରୀ, ଏସ,ଆଇ ଅନନ୍ତ କୁମାର ପ୍ରଧାନ ଆନ୍ଦୋଳନକାରୀଙ୍କୁ ବୁଝାସୁଝା କରିଥିଲେ । ପ୍ରତିପକ୍ଷ ତରଫରୁ କୌଣସି କଥା ନଶୁଣିବାରୁ ପୋଲିସ ପ୍ରଶାସନ ତାଙ୍କୁ ପୋଲିସ ଗାଡ଼ିରେ ଉଠାଇ ନେଇଛି ।
‘ସୁଦୀକ୍ଷା’ ସଂସ୍ଥା ନାଁରେ ଲୁଟିନେଲେ ଲକ୍ଷାଧିକ ଟଙ୍କା

ପିଲାଙ୍କୁ ପାଠ ପଢ଼ାଇବା ସହିତ ମହିଳାଙ୍କୁ ରୋଜଗାର ଦେବାକୁ କହି ଲକ୍ଷାଧିକ ଟଙ୍କା ଲୁଟି ନେଲେ ‘ସୁଦୀକ୍ଷା’ ନାମକ ସଂସ୍ଥା । କେନ୍ଦ୍ରାପଡା ଜିଲ୍ଲା ଗରଦପୁର ବ୍ଲକ ଅଞ୍ଚଳରୁ ୭୦୦ରୁ ଉର୍ଦ୍ଧ ମହିଳାଙ୍କ ଠାରୁ ଟଙ୍କା ଲୁଟିନେଇଥିବା ଅଭିଯୋଗ ହୋଇଛି । ପିଲାଙ୍କୁ ଉନ୍ନତ ମାନର ଶିକ୍ଷା ଓ ମହିଳାଙ୍କୁ ମାସିକ ରୋଜଗାର ଯୋଗାଇବାର ପ୍ରଲୋଭନ ଦେଖାଇ ସୁଧୀକ୍ଷା ନାମକ ସଂସ୍ଥା ବେଆଇନ ଅର୍ଥ ଆଦାୟ କରିଥିବା ଘଟଣା ଏବେ ସାମ୍ନାକୁ ଆସିଛି । ଏହି ସଂସ୍ଥାର ଚେର ରାଜଧାନୀରୁ ଗ୍ରାମାଞ୍ଚଳ ପର୍ଯ୍ୟନ୍ତ ଲମ୍ବିଥିବା କହିଛନ୍ତି ଲୁଟର ଶିକାର ହୋଇଥିବା ମହିଳା ମାନେ । ଅଭିଯୋଗ ମୁତାବକ, ମହିଳାଙ୍କୁ ଏହି ସଂସ୍ଥାରେ ମାସ ମାସ ଧରି ନିଜ କାର୍ଯ୍ୟରେ ଲଗାଇ ଦରମା ନଦେଇ ଓଲଟା ସଂସ୍ଥାର କର୍ମଚାରୀ ମହିଳା ମାନଙ୍କୁ ଧକମ ଚମକ ଦେଇ ଭୟଭୀତ କରିଥିବା ନେଇ ମହିଳା ମାନେ ଗଣମାଧ୍ୟମକୁ କହିଛନ୍ତି । ଗରଦପୁର ଅଞ୍ଚଳର ସ୍ଵାଗତିକା ଗ୍ରହଚାର୍ଯ୍ୟ ନାମକ ଜଣେ ମହିଳା ଏବଂ ସୁଦୀକ୍ଷା ନାମକ ସଂସ୍ଥାର ମୁଖ୍ୟ ପ୍ରତାପ ଚନ୍ଦ୍ର ସାହୁ ପ୍ରଥମେ ଗରଦପୁର ଅଞ୍ଚଳର ପ୍ରଚାର ଆରମ୍ଭ କରିଥିଲେ । ବିଭିନ୍ନ ସ୍ଥାନରେ ସୁଦିକ୍ଷା ଆପକୁ ବ୍ୟାନର ଓ ଡାକବାଜି ଯନ୍ତ୍ର ଦ୍ୱାରା ପ୍ରଚାର ପ୍ରସାର କରି ମହିଳା ମାନଙ୍କୁ ମିଟିଂ ଜରିଆରେ ରୋଜଗାରର ପ୍ରଲୋଭନ ଦେଖାଇ ଅର୍ଥ ଆଦାୟ କରି ସଂସ୍ଥାକୁ ଦେବା ପାଇଁ କହିଥିଲେ ।

ଏହି ସଂସ୍ଥା ପ୍ରତ୍ୟକ ପଞ୍ଚାୟତରେ ସ୍କୁଲ ଖୋଲି ପିଲାଙ୍କୁ ପାଠ୍ୟ ପୁସ୍ତକ ସହ ଅନଲାଇନ କ୍ଲାସ ଜରିଆରେ ସହଜ ପାଠ ପଢା ଯୋଗାଇ ଦେବ ବୋଲି କହିଥିଲା । ଏହି ପାଠ ପଢା ବାବଦକୁ ପ୍ରଥମେ ଫର୍ମ ପୂରଣ କରିଥିବା ବ୍ୟକ୍ତିଙ୍କ ଠୁ ୪ରୁ ୫ ହଜାର ଟଙ୍କା ଲେଖାଏଁ ଆଦାୟ କରିଥିଲା । ଏହା ସହ ସଂସ୍ଥାକୁ ଆହୁରି ଅଗ୍ରସର କରିବା ପାଁଇ ମହିଳା ମାନଙ୍କୁ ବିଭିନ୍ନ ପଦ ପଦବୀ ପ୍ରଦାନ କରି ସମାନଙ୍କୁ ଆଇ କାର୍ଡ ଦେଇଥିଲା । ବିଭିନ୍ନ ପଦବୀ ଅନୁସାରେ ୭୫୦୦ରୁ ୨୫୦୦୦ ପର୍ଯ୍ୟନ୍ତ ଦରମା ପ୍ରଦାନ କରାଯିବ ବୋଲି କହିଥିଲା ସଂସ୍ଥା । ସଂସ୍ଥା ପକ୍ଷରୁ ମହିଳା ମାନଙ୍କୁ ନିଯୁକ୍ତି ପତ୍ର, ଆଇ କାର୍ଡ ଓ ମାସିକ ଖାତା ପ୍ରଦାନ କରାଯାଇଥିଲା । ହେଲେ ଗରଦପୁର ବ୍ଲକର ସାତ ଶହରୁ ଉର୍ଦ୍ଧ ମହିଳାଙ୍କ ଠାରୁ ଟଙ୍କା ନେଇ ସେମାନଙ୍କୁ ମାସ ମାସ ଧରି କାର୍ଯ୍ୟରେ ଲଗାଇ ମଧ୍ୟ ସଂସ୍ଥାର କର୍ମଚାରୀ ଆଉ ଧରା ଛୁଆଁ ଦେଉନାହାନ୍ତି । ମାସିକ ଦରମା ତ ଦୂରର କଥା ପିଲାଙ୍କ ପାଠ ପଢା ବାବଦ ନେଇଥିବା ଅର୍ଥ ରାଶିକୁ ବି ଫେରସ୍ତ କରିନାହିଁ । ଟଙ୍କା ଫେରସ୍ତ ପାଁଇ ସଂସ୍ଥାର ମୁଖ୍ୟ କହୁଥିବା ପ୍ରତାପ ଚନ୍ଦ୍ର ସାହୁ ଏବଂ ତାର ସହଯୋଗୀ ସ୍ଵାଗତିକା ଗ୍ରହଚାର୍ଯ୍ୟଙ୍କୁ କହିଲେ ସେମାନେ ଓଲଟା ମହିଳାଙ୍କୁ ଧମକ ଦେଇଥିଲେ । ଯାହାକୁ ନେଇ ଠକାମୀର ଶିକାର ହୋଇଥିବା ମହିଳା ମାନେ ଶେଷରେ ନିରାଶ ହୋଇ ପାଟକୁରା ଥାନାରେ ଲିଖିତ ଅଭିଯୋଗ କରିଛନ୍ତି ।
ପ୍ରବଳ ବର୍ଷା ନେଇ ବିଭିନ୍ନ ଜିଲ୍ଲାକୁ ଆଲର୍ଟ ଜାରି, ପ୍ରଭାବରେ ପ୍ରବଳରୁ ଅତିପ୍ରବଳ ବର୍ଷିବ

ଆସୁଛି ଆଉ ଏକ ଲଘୁଚାପ।ଆସନ୍ତା ୧୨ ଘଣ୍ଟା ଭିତରେ ଲଘୁଚାପର ରୂପ ନେବ।ପ୍ରଭାବରେ ଆଜି ପ୍ରବଳରୁ ଅତି ପ୍ରବଳ ବର୍ଷା ନେଇ ୭ ଜିଲ୍ଲାକୁ ଅରେଞ୍ଜ ଓ୍ୱାର୍ଣ୍ଣିଂ ଜାରି କରାଯାଇଛି । ସେହି ସବୁ ଜିଲ୍ଲାଗୁଡିକ ହେଉଛି ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବରଗଡ଼, ଦେବଗଡ଼, କୋରାପୁଟ ଓ ନବରଙ୍ଗପୁର । ଆଜି ପ୍ରବଳ ବର୍ଷା ପାଇଁ ୫ ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି।ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସୋନପୁର, ବଲାଙ୍ଗୀର ଜିଲ୍ଲାକୁ ଆଲର୍ଟ ଜାରିହୋଇଥିବା ସୂଚନା ମିଳିଛି ।ଲଘୁଚାପ ପ୍ରଭାବ ରେ ଆସନ୍ତା ୧୧ ତାରିଖ ଯାଏଁ ବର୍ଷାର ପରିମାଣ ବଢିବ।ସେହିଭଳି ୯ ତାରିଖ ସକାଳ ସାଢ଼େ ୮ଟାରୁ ୧୦ ତାରିଖ ସକାଳ ସାଢ଼େ ୮ଟା ପର୍ଯ୍ୟନ୍ତ ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର ଓ ଦେବଗଡ଼ ଜିଲ୍ଲାର ଗୋଟିଏ ବା ଦୁଇଟି ସ୍ଥାନରେ ପ୍ରବଳ ବର୍ଷା ହୋଇପାରେ।
ପ୍ୟାରିସ୍ ଅଲିମ୍ପିକ୍ସ୨୦୨୪: ହରିୟାଣା ମୁଖ୍ୟମନ୍ତ୍ରୀଙ୍କ ଘୋଷଣା, କହିଲେ- ଭିନେଶ ଫୋଗାଟ୍ ପାଇବେ ରୌପ୍ୟ ପଦକ ବିଜେତା ସମ୍ମାନ

ପ୍ୟାରିସ୍ ଅଲିମ୍ପିକ୍ସରେ ଭାରତୀୟ ରେସଲର ଭିନେଶ ଫୋଗାଟ୍ ଙ୍କୁ ଲାଗିଛି ବଡ଼ ଝଟକା । ଭିନେଶ ଫୋଗାଟ୍ ଫାଇନାଲରେ ପ୍ରବେଶ କରିଥିଲେ ମଧ୍ୟ ପଦକ ଜିତିବାରେ ବିଫଳ ହୋଇଥିଲେ। ବାସ୍ତବରେ, ସେ ୫୦ କିଲୋଗ୍ରାମ ବର୍ଗରେ ଅଂଶଗ୍ରହଣ କରିଥିଲେ, କିନ୍ତୁ ତାଙ୍କର ଓଜନ ମାତ୍ର ୧୦୦ ଗ୍ରାମ ଅଧିକ ଥିଲା, ଯାହା ପରେ ତାଙ୍କୁ ଡ଼ିସକ୍ୱାଲିଫାଇ କରାଯାଇଥିଲା। ଏହି ନିଷ୍ପତ୍ତିରେ ଅସନ୍ତୋଷ ବିନେଶ ଫୋଗାଟ କୁସ୍ତିରୁ ଅବସର ଘୋଷଣା କରିଛନ୍ତି । ବିନେଶ ଫୋଗାଟଙ୍କ ଅବସର ପରେ ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି। ତେବେ ସେପଟେ ହରିୟାଣା ମୁଖ୍ୟମନ୍ତ୍ରୀ ନାଏବ ସାଇନି ଏକ ବଡ଼ ଘୋଷଣା କରିଛନ୍ତି।

‘ବିନେଶ ଫୋଗାଟ ଫାଇନାଲ ଖେଳିପାରିନଥିଲେ କିନ୍ତୁ ସେ …‘

ହରିୟାଣା ମୁଖ୍ୟମନ୍ତ୍ରୀ ନାଏବ ସାଇନି କହିଛନ୍ତି ଯେ ବିନେଶ ଫୋଗାଟ ଫାଇନାଲ ଖେଳିପାରିନଥିଲେ ମଧ୍ୟ ତାଙ୍କୁ ପୁରସ୍କାର ସମେତ ସମସ୍ତ ସୁବିଧା ପ୍ରଦାନ କରାଯିବ, ଯାହାକି ରୌପ୍ୟ ପଦକ ବିଜେତାଙ୍କୁ ଦିଆଯାଇଥାଏ । ସେ ତାଙ୍କ ସୋସିଆଲ ମିଡିଆ ପୋଷ୍ଟରେ ଲେଖିଛନ୍ତି ଯେ କେତେକ କାରଣରୁ ସେ ଅଲିମ୍ପିକ୍ସର ଫାଇନାଲ ଖେଳିବାକୁ ସକ୍ଷମ ହୋଇନାହାଁନ୍ତି କିନ୍ତୁ ସେ ଆମ ସମସ୍ତଙ୍କ ପାଇଁ ଚାମ୍ପିୟନ|

हरियाणा की हमारी बहादुर बेटी विनेश फौगाट ने ज़बरदस्त प्रदर्शन करके ओलंपिक में फाइनल में प्रवेश किया था। किन्हीं भी कारणों से वो भले ही ओलंपिक का फाइनल नहीं खेल पाई हो लेकिन हम सबके लिए वो एक चैंपियन है।

हमारी सरकार ने ये फैसला किया है कि विनेश फौगाट का स्वागत और अभिनंदन एक…
— Nayab Saini (@NayabSainiBJP) August 8, 2024

‘ଆମେ ବିନେଶଙ୍କ ପାଇଁ ଗର୍ବିତ …’

ହରିୟାଣା ମୁଖ୍ୟମନ୍ତ୍ରୀ ନାଏବ ସାଇନି ଆହୁରି ଲେଖିଛନ୍ତି ଯେ ଆମ ସରକାର ନିଷ୍ପତ୍ତି ନେଇଛନ୍ତି ଯେ ଭିନେଶ ଫୋଗାଟଙ୍କୁ ପଦକ ବିଜେତା ଭଳି ସ୍ୱାଗତ କରାଯିବ ଏବଂ ସମ୍ମାନିତ କରାଯିବ। ଅଲିମ୍ପିକ୍ ରୌପ୍ୟ ପଦକ ବିଜେତାଙ୍କୁ ହରିୟାଣା ସରକାର ଦେଇଥିବା ସମସ୍ତ ସମ୍ମାନ, ପୁରସ୍କାର ଏବଂ ସୁବିଧା ମଧ୍ୟ ଭିନେଶ ଫୋଗେଟ୍ ଙ୍କୁ କୃତଜ୍ଞତା ସହିତ ପ୍ରଦାନ କରାଯିବ, ଆମେ ବିନେଶଙ୍କ ପାଇଁ ଗର୍ବିତ |
ବାଂଲାଦେଶର ସେନା ମୁଖ୍ୟଙ୍କ ବିବୃତ୍ତି ଭାଇରାଲ: ‘ଶେଖ ହସିନାଙ୍କ ପାଇଁ ବିକ୍ଷୋଭକାରୀଙ୍କ ଉପରେ ଗୁଳି…

ବାଂଲାଦେଶରେ ହିଂସାତ୍ମକ ବିରୋଧକୁ ରୋକିବାରେ ବିଫଳ ହୋଇଥିବା ସେନା ମୁଖ୍ୟଙ୍କ ବଡ ବିବୃତ୍ତି ଏବେ ଭାଇରାଲ ହେବାରେ ଲାଗିଛି। ରିପୋର୍ଟ ଅନୁଯାୟୀ, ଶେଖ ହସିନା ବାଂଲାଦେଶ ପଳାଇବା ପୂର୍ବରୁ ରାତିରେ ସେନା ମୁଖ୍ୟ ତାଙ୍କ ଜେନେରାଲଙ୍କ ସହ ଆଲୋଚନା କରିଥିଲେ। ଏଥିରେ ନିର୍ଣ୍ଣୟ ହୋଇଥିଲା ଯେ ସେନା କର୍ଫ୍ୟୁ ଲାଗୁ କରିବାକୁ ଯାଇ ସାଧାରଣ ନାଗରିକଙ୍କ ଉପରେ ଗୁଳି ଚଳାଇବେ ନାହିଁ ।

ଏହି ସୂଚନା ଦୁଇ ଅଧିକାରୀ ରଏଟର୍ସକୁ ଦେଇଛନ୍ତି। ଜଣେ ଭାରତୀୟ ଅଧିକାରୀଙ୍କ କହିବାନୁଯାୟୀ, ଜେନେରାଲ ୱାକର-ଉଜ-ଜମାନ ହାସିନାଙ୍କ କାର୍ଯ୍ୟାଳୟ ସହିତ ଯୋଗାଯୋଗ କରି ପ୍ରଧାନମନ୍ତ୍ରୀଙ୍କୁ କହିଥିଲେ ଯେ ତାଙ୍କ ସୈନ୍ୟମାନେ କର୍ଫ୍ୟୁ ଲାଗୁ କରିବାରେ ଅସମର୍ଥ ହେବେ | ଅଧିକାରୀଙ୍କ ବାର୍ତ୍ତା ସ୍ପଷ୍ଟ ହୋଇଛି ଯେ ହସିନାଙ୍କୁ ଆଉ ସେନାର ସମର୍ଥନ ନାହିଁ।

‘ଲୋକଙ୍କ ଜୀବନ ରକ୍ଷା କରିବା ନିହାତି ଜରୁରୀ’

ଶେଖ ହାସିନାଙ୍କ ଶାସନର ଅନ୍ତିମ ୪୮ ଘଣ୍ଟା ଷ୍ଟେଟମେଣ୍ଟ୍ ର ଦଲିଲ ପାଇଁ ରଏଟର୍ସ ବାଂଲାଦେଶର ୪ ଜଣ ସେବାରତ ସେନା ଅଧିକାରୀ ଏବଂ ଅନ୍ୟ ଦୁଇଜଣ ବିଶେଷଜ୍ଞଙ୍କ ସହିତ ୧୦ ଜଣ ଲୋକଙ୍କ ସହ କଥା ହୋଇଥିଲେ। ଅବସରପ୍ରାପ୍ତ ବ୍ରିଗେଡିୟର୍ ଜେନେରାଲ୍ ଏମ୍ ସଖୱାତ ହୁସେନ୍ କହିଛନ୍ତି ଯେ ହିଂସା ପ୍ରଦର୍ଶନକୁ ଦୃଷ୍ଟିରେ ରଖି ସୈନିକ ମାନଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା । ବୋଧହୁଏ ଏହି କାରଣରୁ ସେନା ମୁଖ୍ୟଙ୍କ ଉପରେ ଚାପ ରହିଥିଲା, କାରଣ ସୈନିକମାନେ ବାହାରେ ଥିଲେ ଏବଂ ସେମାନେ ଦେଖୁଥିଲେ କ’ଣ ସବୁ ଘଟୁଥିଲା ।
ରାଜଧାନୀରେ ବର୍ଷା ବିତ୍ପାତ, ଜନଜୀବନ ଅସ୍ତବ୍ୟସ୍ତ

ଆସନ୍ତା ୬ ତାରିଖ ଦିନ ଉତ୍ତର-ପଶ୍ଚିମ ବଙ୍ଗୋପସାଗର ଓ ସଂଲଗ୍ନ ଓଡିଶାରେ ଘୂର୍ଣ୍ଣିବଳୟ ହେବ । ଯାହାର ପ୍ରଭାବରେ ଆଜି ରାଜ୍ୟର କିଛି ସ୍ଥାନରେ ବର୍ଷା ହୋଇଥିବା ଦେଖଇବାକୁ ମିଳିଛି । ରାଜଧାନୀ ଭୁବନେଶ୍ବରରେ ମଧ୍ୟ ଆଜି ବର୍ଷାର ବିତ୍ପାତ ଦେଖିବାକୁ ମିଳିଛି । ୭ ତାରିଖରେ ଏହା ଲଘୁଚାପର ରୂପ ନେବା ନେଇ ପୂର୍ବାନୁମାନ କରାଯାଇଛି । ଏଥିସହିତ ୮ ଏବଂ ୯ ତାରିଖରେ ଉତ୍ତର ଉପକୂଳରେ ବି ବର୍ଷିବା ନେଇ ପୂର୍ବାନୁମାନ କରାଯାଇଛି ।

ଭୁବନେଶ୍ବରରେ ଆଜି ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଲଗାଣ ବର୍ଷା ସାଙ୍ଗକୁ ମଧ୍ୟମ ଧରଣର ପବନ ମଧ୍ୟ ଦେଖିବାକୁ ମିଳିଥିଲା । ଯାହାର ପ୍ରଭାର ପଥଚାରୀ, ରାସ୍ତାକଡ ଦୋକାନ ଏବଂ ରେଷ୍ଟୁରାଣ୍ଟ ଆଦିରେ ଦେଖିବାକୁ ମିଳିଥିଲା । ଜଳବନ୍ଦି ଅଞ୍ଚଳରେ ଆଣ୍ଠୁଏ ଆଣ୍ଠୁଏ ପାଣି ଲହଣଡି ଭାଙ୍ଗୁଥିବା ଦେଖିବାକୁ ମିଳିଥିଲା ।

ତେବେ ପାଣିପାଗ ବିଭାଗର ଆକଳନ କହୁଛି, ୬ ତାରିଖରେ କେନ୍ଦୁଝର, ଭଦ୍ରକ, ଯାଜପୁର, କଟକ, କେନ୍ଦ୍ରାପଡା, ଢେଙ୍କାନାଳ, ବାଲେଶ୍ବର, ମୟୂରଭଞ୍ଜ, ନୟାଗଡ, ଖୋର୍ଦ୍ଧା, ପୁରୀ ଓ ଜଗତସିଂହପୁର ଆଦି ଜିଲ୍ଲା ମାନଙ୍କରେ ୭୦ରୁ ୧୧୦ ମିମି ପର୍ଯ୍ୟନ୍ତ ବର୍ଷା ସମ୍ଭାବନା ରହିଛି । ଉପକୂଳ ଓଡିଶାର ଅଧିକ ସ୍ଥାନରେ ଘଡଘଡି ସହ ବର୍ଷା ହେବାର ସମ୍ଭାବନା ରହିଛି ।
ଆନ୍ଧ୍ରରେ ଓଡ଼ିଆ ଯୁବକଙ୍କୁ ହତ୍ୟା

ଆନ୍ଧ୍ର ପ୍ରଦେଶର ଏକ କମ୍ପାନୀରେ କାର୍ଯ୍ୟରତ ଓଡ଼ିଆ ଠିକାଦାରଙ୍କ ସନ୍ଦେହ ଜନକ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ । କେନ୍ଦ୍ରାପଡା ସଦରଥାନା ଅନ୍ତର୍ଗତ ବାହାକଣ୍ଡିଆ ଗ୍ରାମର ଜଗଦୀଶ ସ୍ବାଇଁ ନାମକ ଯୁବକ ମଧ୍ୟପ୍ରଦେଶ ଗୁଣ୍ଟୁରରେ ଏକ ଘରୋଇ କମ୍ପାନୀରେ ଠିକାଦାର ଭାବେ କାମକରୁଥିଲେ। ଜଗଦୀଶ ଘରକୁ ଆସିବା ପାଇଁ ଜୁଲାଇ ୩୧ ତାରଖ ଦିନ କମ୍ପାନୀରୁ ଟଙ୍କା ଉଠାଇ ପାଖରେ ରଖିଥିଲେ । ସେହିଦିନ ଆନ୍ଧ୍ରରେ ଜଣେ ଓଡ଼ିଆ ସାଙ୍ଗଙ୍କ ଘରେ ରହିଥିଲେ ।ମାତ୍ର ସକାଳୁ ସାଙ୍ଗମାନେ ଦେଖନ୍ତି ତ ଜଗଦୀଶ ସେଠାରେ ମରିପଡିଛନ୍ତି । ସାଙ୍ଗ ମାନେ ଜଗଦୀଶ କୁ ମେଡିକାଲକୁ ନେଇଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗାଁରୁ ଜଗଦୀଶଙ୍କ ବଡଭାଇ ଓ ଦୁଇ ସାଙ୍ଗ ମଧ୍ୟ ପ୍ରଦେଶରେ ପହଞ୍ଚି ମୃତ ଦେହକୁ ବ୍ୟବଛେଦ କରିବା ପରେ ଗୁଣ୍ଟୁର ଥାନାରେ ଏକ ଅଭିଯୋଗ କରିଛନ୍ତି । ପରିବାର ଲୋକଙ୍କ କହିବାକଥା ଜଗଦୀଶଙ୍କୁ ଏକ ଯୋଜନାବଧ ହତ୍ୟାକରାଯାଇଛି । ଟଙ୍କା ଲେଣଦେଣକୁ କେନ୍ଦ୍ର କରି ଜଗଦୀଶଙ୍କୁ ହତ୍ଯା କରାଯାଇଥିବା ଅଭିଯୋଗ ଆଣିଛନ୍ତି ସମ୍ପର୍କୀୟ।
ମର୍ମନ୍ତୁଦ ସଡକ ଦୁର୍ଘଟଣା,ସ୍କୁଲ ପହଁଚିପାରିଲେନି ୨ଛାତ୍ର

ସୋମବାର ସକାଳ ୭ ଘଟିକା ସମୟରେ ଟାଟା ଡିଏଭି ପବ୍ଲିକ ସ୍କୁଲ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି । ଏଥିରେ ୨ଜଣ ଛାତ୍ରଙ୍କ ସହିତ ସେମାନଙ୍କୁ ମୋଟର ସାଇକେଲରେ ନେଇ ଯାଉଥିବା ଅଭିଭାବକଙ୍କ ମଧ୍ୟ ସୋଚନୀୟ ମୃତ୍ୟୁ ଘଟିଛି । ଏମାନେ ସର୍ଭିସ ରୋଡରୁ ମୁଖ୍ୟ ରାସ୍ତା ଉପରକୁ ଉଠୁଥିବା ସମୟରେ ଫ୍ଲାଏ ଓଭରରେ ଆସୁଥିବା ୨ଟି ଟ୍ରକ ପର୍ଯ୍ୟାୟକ୍ରମେ ସେମାନଙ୍କୁ ଧକ୍କା ଦେଇଥିଲା । ଫଳରେ ସେମାନଙ୍କର ଖଣ୍ଡବିଖଣ୍ଡିତ ଶରିର ଏଣେ ତେଣେ ଛିଟିକି ପଡିଥିବା ବେଳେ ଘଟଣାସ୍ଥଳରେ ସେମାନଙ୍କର ପ୍ରାଣବାୟୁ ଉଡିଯାଇଥିଲା । ଦୁର୍ଘଟଣାଟି ଏତେ ତୀବ୍ର ଥିଲା ଯେ, ମୋଟରସାଇକେଲଟି ଶହେ ଫୁଟ ଦୂରକୁ ଟ୍ରକ ଘୋଷାଡି ନେଇଥିଲା । ଏହି ଘଟଣା ସମଗ୍ର ଯୋଡା ଅଞ୍ଚଳରେ ଏକ ଶୋକାକୂଳ ପରିସ୍ଥିତି ସୃଷ୍ଟି କରିଛି । ଅନ୍ୟପକ୍ଷେ ତଦନ୍ତ କରାଯାଇ ଦୁର୍ଘଟଣା ଘଟାଇଥିବା ଟ୍ରକ ଗୁଡିକୁ ଜବତ କରାଯିବା ସହ ଚାଳକଙ୍କୁ ଗିରଫ କରାଯିବ ବୋଲି ଅତିରିକ୍ତ ଆରକ୍ଷୀ ଅଧିକ୍ଷକ ଦିଲିପ କୁମାର ନାଏକ ପ୍ରତିଶ୍ରୁତି ଦେଇଛନ୍ତି । ତେବେ ଜଣାପଡିଛି ଯେ, ମୃତକ କ୍ରିଷ୍ଣା ଭୁଷାଲ ତ୍ରିବେଣୀ ଆର୍ଥ ମୁଭର୍ସ ଅଧିନରେ ଗୁଆଲିସ୍ଥିତ ଓଏମ୍ସି ଖଣିରେ କାର୍ଯ୍ୟ କରୁଥିଲେ । ଖବର ପାଇ ତ୍ରିବେଣୀର ବରିଷ୍ଠ ଉପସଭାପତି ଭି. କୁମାର, ମାନବ ସମ୍ବଳ ଉପସଭାପତି ବି.ସି. ସ୍ୱାଇଁ ଏବଂ ଅନ୍ୟ ଅଧିକାରୀମାନେ ମୃତ ପରିବାରଙ୍କ ଘରେ ପହଞ୍ଚି ପରିବାରଙ୍କୁ ଶାନ୍ତ୍ୱନା ଦେବା ସହ ୫ ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରିବାର ପ୍ରତିଶ୍ରୁତି ଦେବା ସହ ତ୍ରିବେଣୀର ଦୁର୍ଘଟଣା ପଲିସି ଅନୁଯାୟୀ ୨୦ ଲକ୍ଷ ଏବଂ ଗ୍ରାଚୁ୍ୟଇଟି ଓ ପ୍ରୋଭିଡେଣ୍ଟ ଫଣ୍ଡ ବାବଦକୁ ପ୍ରାୟ ୭ଲକ୍ଷ ଟଙ୍କା ଏହିପରି ୩୨ଲକ୍ଷ ଟଙ୍କା ପ୍ରଦାନ କରିବାର ପ୍ରତିଶ୍ରୁତି ଦେଇଛନ୍ତି ।
ସମସ୍ୟାର ତୁରନ୍ତ ସମାଧାନ ପାଇଁ ଜିଲ୍ଲାପାଳଙ୍କ ନିର୍ଦେଶ

ବରଗଡ ଜିଲ୍ଲା ଗାଇସିଲେଟ ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ଜିଲ୍ଲାପାଳ ଶ୍ରୀ ଆଦିତ୍ୟ ଗୋୟଲ ଏବଂ ଆରକ୍ଷୀ ଅଧିକ୍ଷକ ପ୍ରହଲ୍ଲା ସହାୟ ମୀନାଙ୍କ ମିଳିତ ଜନ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ଶ୍ରୀ ଗୋଏଲ ଏବଂ ଆରକ୍ଷୀ ଅଧକ୍ଷକ ପ୍ରହଲ୍ଲାଦ ସହାୟ ମୀନାଙ୍କ ସମେତ ଅନ୍ଯାନ ବରିଷ୍ଠ ଅଧିକାରୀ ମାନେ ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣିଥିଲେ । ସୂଚନାଯୋଗ୍ୟ, ଉକ୍ତ ଶିବିରରେ ଜଳସେଚନ, ବିଦ୍ୟୁତ୍ ଯୋଗାଣ, ପାନୀୟ ଜଳ ଯୋଗାଣ, ରାସନ କାର୍ଡ, ବାର୍ଦ୍ଧକ୍ୟ ଏବଂ ବିକଳାଙ୍ଗ ଭତ୍ତା, ରାସ୍ତା ନିର୍ମାଣ ଆଦି ସମାସ୍ୟା ଅଧାରିତ ସମୁଦାୟ ୬୧ ଗୋଟି ଅଭିଯୋଗ ମଧ୍ୟରୁ ୫୨ ଗୋଟି ବ୍ୟକ୍ତିଗତ ଏବଂ ୦୯ ଗୋଟି ସାମୁହିକ ଅଭିଯୋଗର ଶୁଣାଣି କରି ସମସ୍ତ ସମସ୍ୟା ର ତୁରନ୍ତ ସମାଧାନ କରିବା ପାଇଁ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ ନିର୍ଦେଶ ଦେଇଛନ୍ତି । ସମସ୍ୟାର ତୁରନ୍ତ ସମାଧାନ ପାଇଁ ଜିଲ୍ଲାପାଳଙ୍କ ନିର୍ଦେଶ ।
ବେଆଇନ୍ ଗୋରୁ ବୋଝେଇ କଣ୍ଟେନର ଜବତ

କଣ୍ଟେନର ଯୋଗେ ବେଆନ୍ ଗୋ ଚାଲାଣ ସମୟରେ ମାଡି ବସିଲା ପୋଲିସ୍ I ଘସିପୁରା ପୋଲିସ୍ ର ପେଟ୍ରୋଲିଂ ସମୟରେ କଣ୍ଟେନର ଯେଗେ ଗୋ ଚାଲାଣ ହେଉଥିବା ଗାଡିକୁ ପିଛାକରି ୨୦ ନଂ ଜାତୀୟ ରାଜପଥର ଗୋହିରା ନିକଟରେ ଗାଡିଟିକୁ ଅକାଇବାରେ ସଫଳ ହୋଇଛି ପୋଲିସ I ଡ୍ରାଇଭର ଓ ହେଲପରକୁ କାବୁ କରିବା ସମୟରେ ଅନ୍ୟ ଜଣେ ଖସି ଦୈଡି ପଳାଇଛି ଜବତ କଣ୍ଟେନରରେ ପାଖାପାଖି ୬୦ ଟି ଗୋରୁ ରହିଛନ୍ତି ଢ଼େଙ୍କାନାଳରୁ ଗୋରୁ ବୋଝେଇକରି ମୟୁରଭଞ୍ଜ ଜିଲ୍ଲାର କୈଣସିଏକ ସ୍ଥାନକୁ ଯାଉଥିବା ପୋଲିସ୍ ର ପ୍ରାଥମିକ ତଦନ୍ତରୁ ଜଣାପଡିଛି ସମସ୍ତ ଗୋରୁଙ୍କୁ ତୁରନ୍ତ ବଡବିଲ ଗୋଶାଳାକୁ ସ୍ଥାନାନ୍ତର ପାଇଁ ପୋଲିସ୍ ଉଦ୍ୟମ ଆରମ୍ଭ କରିଛି ଅନ୍ୟପଟେ ଅଟକ ଡ୍ରାଇଭର ଙ୍କୁ ପଚାରା ଉଚାରା ଚଳାଇଥିବା ପୋଲିସ୍ ପକ୍ଷରୁ ସୂଚନା ମିଳିଛି I