Blog

ସ୍ବାଧୀନତା ଦିବସ ପୂର୍ବରୁ ରାଜ୍ୟରେ ଉତ୍ସବର ମାହୋଲ, ବିଭିନ୍ନ ସ୍ଥାନରେ ତ୍ରିରଙ୍ଗା ଶୋଭାଯାତ୍ରା

ଦେଶବ୍ୟାପି ହର ଘର ତ୍ରିରଙ୍ଗା ଅଭିଯାନ ଆରମ୍ଭ ହୋଇଛି । ରାଜ୍ୟର ବିଭିନ୍ନ ସ୍ଥାନରେ ମଧ୍ୟ ଏହା ପାଳିତ ହୋଇଥିବା ଦେଖିବାକୁ ମିଳିଛି । ଅନୁଗୋଳ ଆଠମଲ୍ଲିକ ବିଜେପି ପକ୍ଷରୁ ଏହା ପାଳନ କରାଯାଇଥିବା ବେଳେ ଏଥିରେ ହଜାର ହଜାର ସଂଖ୍ୟାରେ ବିଜେପି କର୍ମୀ ଯୋଗ ଦେଇଥିଲେ । ଆଠମଲ୍ଲିକ ଅଞ୍ଚଳର ଆରାଧ୍ୟା ଦେବୀ ମା ମାହେଶ୍ୱରୀ ମନ୍ଦିର ସମ୍ମୁଖରୁ ହାତରେ ତ୍ରିରଙ୍ଗା ଧରି ଏକ ବିରାଟ ପଦଯାତ୍ରାରେ ବାହାରିଥିଲା । ସେହିପରି ଅନୁଗୁଳରେ ବିଜେପି ପକ୍ଷରୁ ବିଧାୟକ ପ୍ରତାପ ଚନ୍ଦ୍ର ପ୍ରଧାନଙ୍କ ନେତୃତ୍ୱରେ ଏକ ପଦଯାତ୍ରା ଅନୁଷ୍ଠିତ ହୋଇଛି । ୪୦୦ ମିଟରରୁ ଅଧିକା ଲମ୍ବର ଜାତୀୟ ପତାକା ଧରି ଏକ ଶୋଭାଯାତ୍ରା ଅନୁଗୁଳ ଜଗନ୍ନାଥ ମନ୍ଦିର ସମ୍ମୁଖରୁ ଆରମ୍ଭ ହୋଇ ଅନୁଗୁଳ ବଜାର ପୁରୁଣା ବସଷ୍ଟାଣ୍ଡ ବାଟେ ହୋଇ ପୁନଃ ଜଗନ୍ନାଥ ମନ୍ଦିରରେ ସମାପ୍ତ ହୋଇଥିଲା ।

ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକରେ ମଧ୍ୟ ହର ଘର ତ୍ରିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ବ୍ଳକ ପ୍ରଶାସନ ତରଫରୁ ଆୟୋଜିତ ଉକ୍ତ କାର୍ଯ୍ୟକ୍ରମରେ ବ୍ଳକ ଓ ତହସିଲର ସମସ୍ତ କର୍ମଚାରୀ, ମହିଳା ସ୍ୱୟଂ ସହାୟକ ଗୋଷ୍ଠୀର ସଭ୍ୟା, ନିକଟସ୍ଥ ବିଦ୍ୟାଳୟର ଶହ ଶହ ସଂଖ୍ୟକ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଚାନ୍ଦବାଲି ବ୍ଲକ ପରିସରରୁ ଏକ ବିଶାଳ ରାଲି ବାହାରି ଚାନ୍ଦବାଲି ସହର ପରିକ୍ରମା କରିବା ସହ ଘରେ ଘରେ ତ୍ରିରଙ୍ଗା ଉଡାଇବାକୁ ସମସ୍ତଙ୍କୁ ନିବେଦନ କରିଥିଲେ ।

ବଲାଙ୍ଗୀରରେ ଜିଲ୍ଲା ପ୍ରଶାସନ ପକ୍ଷରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜିଲ୍ଲା ପ୍ରଶାସନର ତ୍ରିରଙ୍ଗା ଶୋଭାଯାତ୍ରା । ଅଭିଯାନରେ ସାମିଲ ହେଲେ ଲୋକ ପ୍ରତିନିଧି, ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକ । ଏହି ଅବସରରେ ବଲାଙ୍ଗିର ଜିଲ୍ଲା ପ୍ରଶାସନ ତରଫରୁ ମୁଖ୍ୟାଳୟ ସ୍ଥିତ କୋଶଳ କଳା ମଣ୍ଡଳ ପଡିଆ ଠାରୁ ପାଟଣା ଛକ ଦେଇ ପିପି ଏକାଡେମୀ ହାଇସ୍କୁଲ ଛକଠୁ କୋଶଳ କଳା ମଣ୍ଡଳ ପଡିଆ ଯାଏଁ ତ୍ରିରଙ୍ଗା ଶୋଭାଯାତ୍ରା ହୋଇଥିଲା । ଏଥିରେ କେତେକ ଅଧିକାରୀଙ୍କ ସମେତ ବିଭିନ୍ନ ବିଦ୍ୟାଳୟ ଗୁଡିକର ଛାତ୍ରଛାତ୍ରୀ ଯୋଗ ଦେଇଥିଲେ ।

ଯାଜପୁର ରୋଡ ଆଦର୍ଶ ଯୋଗ କେନ୍ଦ୍ର ଓ ସିଭିଲ ସୋସାଇଟି ତରଫରୁ ୭୮ ତମ ସ୍ୱାଧୀନତା ଦିବସ ଅବସରରେ ହର ଘର ତ୍ରିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ଅନୁଷ୍ଠାନ ର ସମସ୍ତ କର୍ମ କର୍ତା ଆଦର୍ଶ ଯୋଗ କେନ୍ଦ୍ର ରୁ ଜାତୀୟ ପତାକା ଧରି ସ୍ଲୋଗାନ ଦେବା ସହିତ ଚୋର୍ଦା ଛକ କାଳୀ ମେଳଣ ପଡିଆ ଦେଇ ହରେକୃଷ୍ଣ ଭବନରେ ପହଞ୍ଚିଥିଲେ ।

ସେହିପରି କେନ୍ଦୁଝର ଜିଲ୍ଲା ଯୋଡ଼ା ପୌରାଅଞ୍ଚଳରେ ବହୁ ଆଡମ୍ବରରେ ଆୟଜିତ ହୋଇଯାଇଛି ହର ଘର ତ୍ରିରଙ୍ଗା ପଦଯାତ୍ରା । ଏଥିରେ ଦେଶର ଏକତା ଓ ଶକ୍ତି ପ୍ରଦର୍ଶନ କରିଥିଲେ ଯୋଡା ପୌରାଞ୍ଚଳର କର୍ମକର୍ତ୍ତା, ଛାତ୍ରଛାତୀ ଓ ବୁଦ୍ଧିଜୀବୀ । କାର୍ଯ୍ୟକ୍ରମରେ ସାମିଲ ହୋଇଥିବା କର୍ମକର୍ତ୍ତା, ଛାତ୍ରଛାତୀ ଓ ବୁଦ୍ଧିଜୀବୀ ହାତରେ ତ୍ରିରଙ୍ଗା ପତାକା ଧରି ସହର ପରିକ୍ରମା କରିବା ସହ କଲ୍ୟାଣି ମଣ୍ଡପରେ ପହଞ୍ଚିଥିଲେ । ସେଠାରେ ଦେଶ ପାଇଁ ବଳିଦାନ ଦେଇଥିବା ମହାପୁରୁଷଙ୍କୁ ସମ୍ମାନ ଜଣାଇଥିଲେ ।
ଭିଜିଲାନ୍ସ ଜାଲରେ ପୂର୍ବତନ ମୁଖ୍ୟଯନ୍ତ୍ରୀ ତାରାପ୍ରସାଦ

ଆୟବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ପୂର୍ବତନ ମୁଖ୍ୟଯନ୍ତ୍ରୀ ତାରାପ୍ରସାଦ ମିଶ୍ରଙ୍କ ଘରେ ଚଢାଉ କରିଛି ଭିଜିଲାନ୍ସ । ଭୁବନେଶ୍ଵର, କଟକ ଓ ଝାରସୁଗୁଡ଼ା ସମେତ ୯ଟି ସ୍ଥାନରେ ଚାଲିଛି ଏକକାଳୀନ ରେଡ। କୋଉଠି କାନ୍ଥରେ ବନ୍ଧୁକ ଟଙ୍ଗା ହୋଇଛିତ ଆଉ କେଉଁଠୁ ମିଳିଛି ବ୍ରାଣ୍ଡେଡ଼ ଘଣ୍ଟା ଓ ବ୍ରାଣ୍ଡେଡ଼ ଚଷମା ଏବଂ ବିଦେଶୀ ମୁଦ୍ରା । ଘର ନୁହେଁତ ପୁରା ମିନି ଯୁଏଲାରୀ ସପ୍ । ଘରେ ରହିଛି ଅଳଙ୍କାର ଦୋକାନ ଭଳି ପୁଳା ପୁଳା ସୁନା ଓ ଦାମୀ ଗହଣା ।

ସରକାରୀ ଟଙ୍କାରେ ବାବୁ ଜଣକ ଚାକଚକ୍ୟ ଜୀବନ ବିତାଉଥିଲେ । ସୁନା ଗହଣା ସହ, ସୁନା ବିସ୍କୁଟ, ସୁନା ଓ ରୂପା କଏନ, ଭିନ୍ନ ଭିନ୍ନ ଡିଜାଇନର ଦାମୀ ଘଣ୍ଟା ଏବଂ ବିଦେଶୀ ମୁଦ୍ରା ଠାବ ହୋଇଛି। । ନିଜର ଚାକିରି ସମସୟରେ ଏତେ ପରିମାଣର ସୁନା ଗହଣା, ଏକାଧିକ ଫ୍ଲାଟ୍‌‌ କିଭଳି କିଣିଲେ ସେ ନେଇ ଖୋଳତାଡ କରୁଛି ଭିଜିଲାନ୍ସ ।ସୂଚନା ଅନୁଯାୟୀ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ପୂର୍ବତନ ମୁଖ୍ୟଯନ୍ତ୍ରୀ ତାରା ପ୍ରସାଦ ମିଶ୍ରଙ୍କ ଘରେ ଆଜି ସକାଳେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି ।
ବାଂଲାଦେଶ ହିଂସାରେ ହିନ୍ଦୁଙ୍କ ଉପରେ ହେଉଥିବା ଆକ୍ରଣକୁ ରାହୁଲଙ୍କୁ ଟାର୍ଗେଟ

ବାଂଲାଦେଶରେ ସରକାର ପରିବର୍ତ୍ତନ ହୋଇଛି ସତ ହେଲେ, ହେଲେ ଭାରତରେ ଏହାର ଚର୍ଚ୍ଚା ଜୋର ଧରିଛି । ବିଶେଷ କରି ଓଡିଶାରେ ଏହାର ପ୍ରଭାବ ଶରଣାର୍ଥୀଙ୍କୁ ନେଇ ବେଶି ଦେଖିବାକୁ ମିଳିଛି । ତେବେ ବାଂଲାଦେଶରେ ସଂଖ୍ୟାଲଘୁ ବା ହିନ୍ଦୁଙ୍କୁ ଟାର୍ଗେଟ କରାଯାଉଥିବା ଭିଡିଓ ସାମ୍ନାକୁ ଆସିବା ପରେ ଭାରତରେ ଲୋକେ ତାତିଛନ୍ତି । ନେତାଙ୍କ ଠାରୁ ଆରମ୍ଭ କରି ସାଧାରଣ ଜନତା ସମସ୍ତେ ବୟାନବାଜି କରିଛନ୍ତି । ହେଲେ ଏହାରି ଭିତରେ ସଂସଦରେ ବିଜେପି ସାଂସଦ ଅନୁରାଗ ଠାକୁର ଏକ ବୟାନ ଦେଲେ । ଯେଉଁଥିରେ ସେ ବିରୋଧି ଦଳ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ୍ କରିଛନ୍ତି । ବାଂଲାଦେଶରେ ହିନ୍ଦୁଙ୍କ ଉପରେ ହେଉଥିବା ହିଂସା ବିରୋଧରେ କାହିଁକି ରାହୁଲ ମୁହଁ ଖୋଲୁନାହାନ୍ତି ବୋଲି କହିଥିଲେ ଅନୁରାଗ ଠାକୁର । ଯାହାକୁ ନେଇ ଶାଣିତ ପ୍ରତିକ୍ରିୟା ରଖିଛନ୍ତି ବରିଷ୍ଠ ସାମ୍ବାଦିକ ଗିରିଜା ଶଙ୍କର ଦାସ ଏବଂ ରମେଶ ଚନ୍ଦ୍ର ମହାନ୍ତ ।

ବିଜେପି ବାରବାର ରାହୁଲ ଗାନ୍ଧୀଙ୍କୁ ଟାର୍ଗେଟ୍ କରୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁହଁ ନଖୋଲିବା ନେଇ ମଧ୍ୟ ଉଠିଛି ଅନେକ ପ୍ରଶ୍ନ । ବରିଷ୍ଠ ସାମ୍ବାଦିକ କେଦାର ମିଶ୍ର କହିଛନ୍ତି, ରାହୁଲ ଗାନ୍ଧୀଙ୍କୁ ଏତେ ଟାର୍ଗେଟ୍ କଣପାଇଁ । ପ୍ରଧାନମନ୍ତ୍ରୀ କାହିଁକି ବାଂଲାଦେଶରେ ହିନ୍ଦୁଙ୍କ ପ୍ରତି ହେଉଥିବା ଅତ୍ୟାଚାର ପାଇଁ ମୁହଁ ଖୋଲୁ ନାହାନ୍ତି । ବାଂଲାଦେଶରେ କଣ ଘଟିବ ସେଥିରେ ଆଣର ମୁଣ୍ଡ ବିନ୍ଧିବାର କାରଣ କଣ । ସେମିତି ଦେଖିଲେ ଭାରତରେ ମଧ୍ୟ ସଂଖ୍ୟାଲଘୁଙ୍କ ଉପରେ ଅନେକ ଆକ୍ରମଣ ହେଉଛି ।

ବାଂଲାଦେଶ ଘଟଣା ଉପରେ ନେତା, ସାଧାରଣ ଜନତା ଯାହା କୁହନ୍ତୁ ନା କାହିଁକି ପ୍ରଧାନମନ୍ତ୍ରୀ ମୋଦୀ କିମ୍ବା ବିରୋଧୀ ଦଳ ନେତା ମୁହଁ ନଖୋଲିବା ଏକ ବଡ ପ୍ରଶ୍ନ ହୋଇ ଠିଆ ହୋଇଛି ।
ଶେଷ ସୋମବାରରେ ମୁର୍ଗା ମହାଦେବରେ କାଉଡିଆଙ୍କ ଜଳାଭିଷେକ

ଯୋଡା ବ୍ଲକ ସର୍ବ ପୁରାତନ ମୁର୍ଗା ମହାଦେବ ମନ୍ଦିର ରେ ଆଜି ଶେଷ ସୋମବାର ରେ ଭକ୍ତ ଙ୍କ ପ୍ରହଳ ଭିଡ଼ । ଏଠାରେ ରାଜ୍ୟ ଓ ରାଜ୍ୟ ବାହାରୁ ଭକ୍ତ ମାନେ ନିଜର ମାନସିକ ରକ୍ଷୀ ପ୍ରସିଦ୍ଧ ମୂର୍ଗା ମହାଦେବ ଶୈବପୀଠରେ ଶ୍ରାବଣ ମାସର ଶେଷ ସୋମବାରରେ ଦଶ ହଜାରରୁ ଉର୍ଦ୍ଧ୍ବ ଶୈବ କାଉଡିଆ ଜଳାଭିଷେକ କରିବା ସହ ଦର୍ଶନ କରିଥିବାର ମନ୍ଦିର ପରିଚାଳନା କମିଟି ପକ୍ଷରୁ ପ୍ରକାଶ କରାଯାଇଛି ।

ଓଡିଶା ସହିତ ବାହାର ରାଜ୍ୟ ଝାଡଖଣ୍ଡ ପ୍ରମୁଖ ଅଞ୍ଚଳର ଅଧିକାଂଶ କାଉଡିଆ ବୈତରଣୀ ଓ ଅନ୍ୟ ନଦୀ ରୁ ଜଳ ଉତ୍ତୋଳନ କରିଥିବା ସମୟରେ ଜିଲ୍ଲା ର ଅଧିକାଂଶ ଶୈବ ଉପାସକ ପୂଣ୍ୟତୟା ବୈତରଣୀ ନଦୀର ଘାଟରୁ ଜଳ ଉତ୍ତୋଳନ କରି ମୂର୍ଗା ମହାଦେବ ପୀଠରେ ଜଳାଭିଷେକ କରିଥିବାର ଦେଖିବାକୁ ମିଳିଛି।ପ୍ରଶାସନିକ ଅବହେଳା କାରଣରୁ ବିଲେଇପଦାରୁ ଦେଓଝର ରାସ୍ତା ଖଣିଜ ସମ୍ପଦ ବୋଝେଇ ଭାରୀଯାନଙ୍କ କବଜାରେ ଥିବାରୁ ସମ୍ପୃକ୍ତ ରାସ୍ତାରେ ସ୍ୱଚ୍ଛନ୍ଦ ଯାତାୟତ ପ୍ରତିହତ ହୋଇଥିବା ସମ୍ବନ୍ଧେ ଅନେକ ଶୈବା ଭକ୍ତ ସେମାନଙ୍କ ବିରକ୍ତି ଜାହିର କରିଥିବାର ଜଣାପଡିଛି ।

ମନ୍ଦିର ପରିଚାଳନା କମିଟି ସଦସ୍ୟଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମୂର୍ଗା ଧବଳେଶ୍ୱର ଶୈବପୀଠରେ ଶେଷ ସୋମବାରରେ ବୋଲବୋମ ଭକ୍ତଙ୍କ ନିମନ୍ତେ ଜଳାଭିଷେକ ଭଳି ସ୍ୱତନ୍ତ୍ର ସୁବିଧା ଉପଲବ୍ଧ କରାଯାଇଥିବା ବେଳେ କାଉଡିଆ ଓ ସାଧାରଣ ଭକ୍ତଙ୍କ ନିମନ୍ତେ ଧାଡିରେ ଜଳାଭିଷେକ ଓ ଦର୍ଶନ ସୁବିଧା କରାଯାଇଥିବାର ଦେଖି ବାକୁ ମିଳିଛି ।
ଗୋ-ଚାଲାଣକାରୀ ଓ ପୋଲିସ ମଧ୍ୟରେ ଗୁଳି ବିନିମୟ, ଜଣେ ଗୁରୁତର, ୫ ଗିରଫ

କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ କୁଲାଢାଙ୍କୁଣି ଅଞ୍ଚଳରେ ପୋଲିସ ଉପରକୁ ଗୁଳିଚାଳନା କରିଥିବା ଅଭିଯୁକ୍ତ ଗୋ-ଚାଲାଣକାରୀକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମିଳିଥିବା ସୂଚନା ଅନୁସାରେ, ଆହତ ଗୋ-ଚାଲାଣକାରୀ ଜଣକ ସାନ୍ତରାପୁର ଅଞ୍ଚଳର ବୋଲି ଜଣାପଡିଛି ।

କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ କୁଲାଢାଙ୍କୁଣି ଅଞ୍ଚଳରେ ଚୋରା ଗୋ-ଚାଲାଣ ହେଉଥିବା ଖବର ପାଇ ପୋଲିସ ଏକ ଗାଡ଼ିକୁ ଅଟକାଇବାକୁ ଚେଷ୍ଟା କରିଥିଲା । ହେଲେ ଗୋ-ଚାଲାଣକାରୀ ପୋଲିସକୁ ଦେଖିବା ମାତ୍ରେ ଗୁଳି ଚଳାଇ ଖସିଯିବାକୁ ଚେଷ୍ଟା କରିଥିଲେ । ପୋଲିସର ପାଲଟା ଗୁଳି ଚାଳନାରେ ଜଣେ ଗୋ-ଚାଲାଣକାରୀର ଗୋଡରେ ଦୁଇଟି ଗୁଳି ବାଜିବରୁ ସେ ଆହତ ହୋଇ ତଳେ ପଡ଼ିଯାଇଥିଲା । ପୋଲିସ ଅଭିଯୁକ୍ତ ଗୋ-ଚାଲାଣକାରୀକୁ ଆଣି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି । ମିଳିଥିବା ସୂଚନା ଅନୁସାରେ, ଆହତ ଗୋ-ଚାଲାଣକାରୀ ଜଣକ ସାନ୍ତରାପୁର ଅଞ୍ଚଳର ବୋଲି ଜଣାପଡିଛି । ଏନେଇ ଆଜି କେନ୍ଦୁଝର ପୋଲିସ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରି ସବିଶେଷ ତଥ୍ୟ ଦେଇଛନ୍ତି କେନ୍ଦୁଝର ଅତିରିକ୍ତ ଆରକ୍ଷୀ ଅଧିକ୍ଷକ ଦିଲ୍ଲୀପ କୁମାର୍ ନାଏକ ।

ଏହି ଘଟଣାରେ ଅଧିକ ତଦନ୍ତ ଜାରି ରହିଥିବା ବେଳେ ପୋଲିସ ପକ୍ଷରୁ ଚାରୋଟି ପିକପ ଜବତ କରାଯିବା ସହ ପାଞ୍ଚ ଜଣଙ୍କୁ ଅଟକ ରଖାଯାଇଥିବା କଥା ଏଏସପି କହିଛନ୍ତି । ଏହାସହ ଗୋଟିଏ ଦେଶୀ ବନ୍ଧୁକ ମଧ୍ୟ ପୋଲିସ ଜବତ କରିଥିବା ପ୍ରକାଶ କରିଛନ୍ତି । ଏହି ଘଟଣାରେ ହରିଚନ୍ଦନପୁର ଓ ପଣ୍ଡାପଡ଼ା ଥାନାରେ ପୁଥକ୍ ପୃଥକ୍ କେସ ରୁଜୁ ହୋଇଥିବା ପ୍ରକାଶ କରିଛନ୍ତି ଏଏସପି ଦିଲ୍ଲୀପ ନାଏକ । ଏହି ଘଟଣାରେ ଗୁରୁତର ଥିବା ଜଣକୁ କଟକ ପଠାଯାଇଥିବା ବେଳେ ଅଧିକ ତଦନ୍ତ ଜାରି ରହିଥିବା ଅତିରିକ୍ତ ଆରକ୍ଷୀ ଅଧିକ୍ଷକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
ସ୍ୱଧୀନତା ଦିବସ ପାଇଁ ଘରେ ଘରେ ତ୍ରିରଙ୍ଗା, ଚଳଚଞ୍ଚଳ ରାଜଧାନୀ

ଅପେକ୍ଷା ମାତ୍ର ୪ ଦିନକୁ । ଆଉ ମାତ୍ର ୪ ଦିନ ପରେ ଦେଶ ପାଳିବ ତାର ୭୮ ତମ ସ୍ୱାଧୀନତା ଦିବସ।ଭାରତ ଛାତିରେ ଉଡିବ ତ୍ରିରଙ୍ଗା ପତାକା । ହାତରେ ତ୍ରିରଙ୍ଗା ମନରେ ଦେଶପ୍ରୀତି ନେଇ ସ୍ୱାଧୀନତା ଦିବସ ପାଳନ କରିବ ସାରା ଭାରତ।ଏହି ପରିପ୍ରେକ୍ଷୀରେ ଭୁବନେଶ୍ୱର ମୁନିସିପାଲିଟି କର୍ପୋରେସନତରଫରୁ ବୀର ସୁରେନ୍ଦ୍ରସାଏ ବିଦ୍ୟା ମନ୍ଦିରର ଛାତ୍ର ଛାତ୍ରୀ ଏବଂଶିକ୍ଷକ ଶିକ୍ଷୟତ୍ରୀ ହର ଘର ତ୍ରିରଙ୍ଗା କାର୍ଯ୍ଯକ୍ରମ ଆୟୋଜିତ ହୋଇଯାଇଛି

ଭୁବନେଶ୍ୱର ମୁନିସିପାଲିଟି କର୍ପୋରେସନତରଫରୁ ସ୍ଥାନୀୟ କର୍ପୋରେଟର ପ୍ରଭାସିନୀ ମହାନ୍ତି, ଯୁବ ସମାଜସେବୀ ପୁରଞ୍ଜନ ପାଢ଼ୀ, ବିଏମସି ଏସଆଇ ପୌମେନ୍ଦ୍ର ପ୍ରଧାନ, ସ୍ୱଛ ସାଥି ଗଣ, ମାତୃଶକ୍ତି ଟ୍ରଷ୍ଟର ସଦସ୍ୟଗଣ ଉପସ୍ଛିତ ଥାଲେ
ବ୍ରାଜିଲରେଭୟଙ୍କର ବିମାନ ଦୁର୍ଘଟଣା

ବ୍ରାଜିଲର ଭିନ୍ହେଡୋରେ ଭୟଙ୍କର ବିମାନ ଦୁର୍ଘଟଣା ।ଦୁର୍ଘଟଣା ଘଟିବା ସମୟର ଛାତିଥରା ଭିଡିଓ କ୍ଯାମେରାରେ କଏଦ ହୋଇଛି । ମିଳିଥିବା ସୂଚନା ଅନୁଯାୟୀ ଦୁର୍ଘଟଣା ହୋଇଥିବା ବିମାନରେ ମୋଟ ୬୮ ଜଣଙ୍କୁ ପରିବହନ କରିବାର କ୍ଷମତା ରହିଛି ମାତ୍ର ବିମାନରେ ୫୮ ଜଣ ଯାତ୍ରୀ ରହିଥିବା ବେଳେ ୪ ଜଣ କ୍ରୁ ମେମ୍ବର ଙ୍କୁ ମିଶାଇ ମୋଟ ୬୨ ଜଣ ରହିଥିଲେ ।

ଏହି ବିମାନ ଦୁର୍ଘଟଣାରେ ସମସ୍ତ ୬୨ ଜଣଙ୍କର ମୃତ୍ୟୁ ଘଟିଛି । ଦୁର୍ଘଟଣାଗ୍ରସ୍ତ ବିମାନଟିର ନାମ ବୋଏପାସ ATR-72 ହୋଇଥିବା ବେଳେ , ବୋଏପାସ୍‌ ଏୟାରଲାଇନ୍ସ ପକ୍ଷରୁ କୁହାଯାଇଛି, ବିମାନଟି କାସ୍କାବେଲରୁ ସାଓ ପାଓଲୋର ଅନ୍ତରାଷ୍ଟ୍ରୀୟ ବିମାନବନ୍ଦର ଅଭିମୁଖେ ଉଡ଼ାଣ ଆରମ୍ଭ କରିଥିଲା। ମାତ୍ର ସାଓ ପାଓଲୋଠୁ ପ୍ରାୟ ୮୦ କିମି ପୂର୍ବରୁ ବିମାନଟି ବିନହେଡୋ ସହରରେ ଦୁର୍ଘଟଣାଗ୍ରସ୍ତ ହୋଇଥିଲା।

ଏହାର ପ୍ରାୟ ଦେଢ ଘଣ୍ଟା ପୂର୍ବରୁ ବିମାନଟି କଣ୍ଟ୍ରୋଲ ରୁମ୍‌ ସହ ଶେଷ ଥର ପାଇଁ ଯୋଗାଯୋଗ କରିଥିଲା।ଖବର ପାଇ ସ୍ଥାନୀୟ ପୁଲିସ୍‌ ଓ ଅଗ୍ନିଶମ ବାହିନୀ କର୍ମଚାରୀ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ବହୁ ପ୍ରଚେଷ୍ଟା ପରେ ବିମାନର ନିଆଁକୁ ନିୟନ୍ତ୍ରଣ କରାଯାଇଥିଲା। ଏହାପରେ ବିମାନର ଭଗ୍ନାବଶେଷ ଭିତରୁ ୬୨ ଜଣଙ୍କ ମୃତଦେହ ଉଦ୍ଧାର କରାଯାଇଛି ।
ଦିଲ୍ଲୀ ମଦ ନୀତି ମାମଲା: ୧୭ ମାସ ପରେ ଜେଲରୁ ମୁକୁଳିବେ ଆପ ନେତା ମନୀଷ ସିସୋଦିଆ

ଦିଲ୍ଲୀ ଏକ୍ସାଇଜ୍ ପଲିସି ସ୍କାମ ସହିତ ଜଡିତ ଦୁର୍ନୀତି ଏବଂ ଅର୍ଥ ହେରଫେର ମାମଲାରେ ସୁପ୍ରିମକୋର୍ଟ ଶୁକ୍ରବାର (୯ ଅଗଷ୍ଟ ୨୦୨୪) ଆମ୍ ଆଦମୀ ପାର୍ଟି (ଏଏପି) ନେତା ମନୀଷ ସିସୋଡିଆଙ୍କୁ ଜାମିନ ପ୍ରଦାନ କରିଛନ୍ତି। ଜଷ୍ଟିସ୍ ବି.ଆର. ଗଭଇ ଏବଂ ଜଷ୍ଟିସ୍ କେ.ଭି.ବିଶ୍ୱନାଥନଙ୍କ ପୀଠ ଏହି ମାମଲାର ରାୟ ଦେଇଛନ୍ତି।

ଏହାପୂର୍ବରୁ ଅଗଷ୍ଟ ୬ ରେ ସିସୋଡିଆଙ୍କ ଆବେଦନ ଉପରେ କୋର୍ଟ ତାଙ୍କ ନିଷ୍ପତ୍ତି ସଂରକ୍ଷିତ ରଖିଥିଲେ। ବାତିଲ ହୋଇଥିବା ଦିଲ୍ଲୀ ଏକ୍ସାଇଜ୍ ପଲିସି ୨୦୨୧-୨୨ ର ପ୍ରଣୟନ ତଥା କାର୍ଯ୍ୟକାରୀ କରିବାରେ ଅନିୟମିତତା ଅଭିଯୋଗରେ ମନୀଷ ସିସୋଡିଆଙ୍କୁ ଫେବୃଆରୀ ୨୬,୨୦୨୩ ରେ ଗିରଫ କରାଯାଇଥିଲା।
ଅଜଣା ଗାଡି ଧକ୍କାରେ କଲେଜ ଛାତ୍ରଙ୍କ ମୃତ୍ୟୁ

ଅନୁଗୋଳ ଜିଲ୍ଲା ନାଲକୋ ଥାନା ଅନ୍ତର୍ଗତ କାଣ୍ଡସର ଠାରେ ଥିବା ଓଁ ବିଦ୍ୟା ଭାରତୀ ଆବାସିକ ମହାବିଦ୍ୟାଳୟ ର ଜଣେ ଛାତ୍ରଙ୍କ ର ଏକ ଅଜଣା ଗାଡି ଧକ୍କା ରେ ମୃତ୍ୟୁ ହୋଇଛି |ମୃତକ ଛାତ୍ର ଜଣକ ହେଲେ ଦେବଗଡ ଜିଲ୍ଲା ଛେପିଲିପାଲି ଗ୍ରାମ ର ହରି ଚନ୍ଦ୍ର ସ୍ୱାଇଁ ଙ୍କ ପୁଅ ରୁପେଶ ସ୍ୱାଇଁ | ରୁପେଶ ଗତ ଏକ ବର୍ଷ ହେବ ଓଁ ବିଦ୍ୟା ଭାରତୀ ଆବାସିକ ମହାବିଦ୍ୟାଳୟ ରେ ରହି ପାଠ ପଢୁଥିଲେ , ଚଳିତ ବର୍ଷ ସେ ଯୁକ୍ତ ଦୁଇ ବିଜ୍ଞାନର ଦ୍ୱିତୀୟ ବର୍ଷ ରେ ପାଠ ପଢୁଥିଲେ ।ଯେହେତୁ କଲେଜ ଟି ସମ୍ପୂର୍ଣ ଆବାସିକ ଥିଲା ତେଣୁ ଏହି କଲେଜ ର ହଷ୍ଟେଲ ରେ ହିଁ ରୁପେଶ ରହି ଆସୁଥିଲେ ।

ଆଜି ସକାଳେ ରୁପେଶ ଙ୍କ ବାପା ହରି ଚନ୍ଦ୍ର ସ୍ୱାଇଁ ଙ୍କ ନିକଟକୁ ହଷ୍ଟେଲ ର ୱୟଡେନ ଫୋନ କରି ଜଣାଇଥିଲେ କି ଆପଣଙ୍କ ପୁଅ ର ଏକ ଦୁର୍ଘଟଣା ହୋଇଛି , ସେ ହସିପିଟାଲ ରେ ଅଛି, ଆପଣ ଶୀଘ୍ର ଆସନ୍ତୁ । ହରିଚନ୍ଦ୍ର ଦେବଗଡ ରୁ ଅନୁଗୋଳ ହସ୍ପିଟାଲ କୁ ଆସିଲା ବେଳକୁ ଜାଣିବାକୁ ପାଇଲେ ଯେ ତାଙ୍କ ପୁଅ ର ମୃତ୍ୟୁ ହୋଇ ସାରିଛି । ତେବେ କଲେଜ କର୍ତ୍ୟୁପକ୍ଷ ଙ୍କୁ ପଚାରିବାରୁ ସେ କହିଥିଲେ କି ଆପଣଙ୍କ ପୁଅ ରାତି ପ୍ରାୟ ୧.୧୫ ସମୟରେ ହଷ୍ଟେଲ ରୁ ସାର ଙ୍କ ଗାଡି ଧରି ପଳାଇଯାଉଥିବା ବେଳେ ୫୫ ନମ୍ବର ଜାତୀୟ ରାଜପଥ ର ଟାଟା ସୋରୁମ ନିକଟରେ ଏକ ଅଜଣା ଗାଡି ଧକ୍କା ଦେଇଥିଲା ଯାହା ଫଳରେ ଆମେ ତାକୁ ସେଠାରୁ ଆଣି ହସ୍ପିଟାଲ ଭର୍ତି କରିଥିଲୁ ଓ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ |

ତେବେ ଘଟଣା ଟିକୁ ନେଇ ପରିବାର ପକ୍ଷରୁ କଲେଜ କର୍ତ୍ୟୁପକ୍ଷ ଙ୍କ ଅବହେଳା ଦର୍ଶାଇ ନାଲକୋ ଥାନାରେ ଏକ ଲିଖିତ ଅଭିଯୋଗ ହୋଇଛି , ରୁପେଶ ଙ୍କ ବାପା ଙ୍କ ଅଭିଯୋଗ କି କଲେଜ ର ଦାୟିତ୍ୱ ହୀନ ପାଇଁ ତାଙ୍କ ପୁଅ ର ମୃତ୍ୟୁ ଘଟିଛି |ରାତି ସମୟରେ ସେ କାହିଁକି ହଷ୍ଟେଲ ରୁ ବାହାରକୁ ଗଲା ?ଯଦି ଯିବାର ଥିଲା ତେବେ ଗାଡି କେଉଁଠୁ ପାଇଲା ଓ ଗାଡି ର ଚାବି ତାକୁ କିଏ ଦେଇଥିଲା ?ହଷ୍ଟେଲ ରୁ ତାଙ୍କ ପୁଅ ଗଲା ସମୟରେ ୱୟଡେନ କଣ କରୁଥିଲେ ? ରୁପେଶ ଏକା ଯାଇଥିଲା କି ତାଙ୍କ ସହ ଆଉ କିଏ ଥିଲା।ଏଭଳି ଅନେକ ଅଭିଯୋଗ କରିଛନ୍ତି | ଏ ଘଟଣାକୁ ଚପାଇ ଦେବାକୁ ବହୁ ଦଲାଲ ମଧ୍ୟ ଲାଗି ପଡିଛନ୍ତି।
ବ୍ରାଉନ ସୁଗାର ଜବତ,ଦୁଇ ଗିରଫ

ବଅଁରପାଳ ନାଲକୋ ଥାନା ଅନ୍ତର୍ଗତ ବଳରାମପ୍ରସାଦ ଗ୍ରାମ ପଞ୍ଚାୟତ ଭାଲୁଧରି ସାହି ରେଲୱେ ପାର୍ଶ୍ଵ ଆମ୍ବ ବଗିଚାରେ ବ୍ରାଉନ ସୁଗାର ବିକ୍ରୀ ହେଉଥିବା ଖବର ପାଇ ନାଲକୋ ପୁଲିସ ସଦଳବଳେ ଗତ କାଲି ସକାଳ ୧୦.୨୫ ରେ ଚଢାଉ କରିଥିଲା।ବ୍ରାଉନ ସୁଗାର ବିକ୍ରୀ କରୁଥିବା ଜଣେ ଯୁବକ ନାଲକୋ ଥାନା ଅନ୍ତର୍ଗତ କାଣ୍ଡସର ଗ୍ରାମର ସତ୍ୟବାନ୍ ସାହୁ ୨୫ ଓ ଅନଗୁଳ ବନ୍ତଳା ଥାନା ଅନ୍ତର୍ଗତ ବ୍ରହ୍ମପୁର ଗ୍ରାମର ଜଣେ ଯୁବକ ପ୍ରଦ୍ୟୁମ୍ନ ସାହୁ@ ପଦି ୨୬ କୁ କାବୁ କରିବା ସହ ତାଙ୍କ ନିକଟରୁ ୫.୦୧ ଗ୍ରାମ ବ୍ରାଉନ ସୁଗାର୍ , ଏକ ମୋଟର ସାଇକେଲ ନଂ – ଓଡି ୧୯ ଏଚ ୦୩୬୨ ଓ ନଗଦ ୧୬୧୦ ଟଙ୍କା ପୁଲିସ ଜବତ କରି ଥାନାକୁ ଆଣିଥିଲା।ଏହି କାରବାରର ମୂଖ୍ୟ କିଙ୍ଗ ପିନ କୁହାଯାଉଥିବା ଗିରାଙ୍ଗ ଗ୍ରାମର ଝିଲି ସାହୁ ପୁଲିସ କୁ ଚକମା ଦେଇ ଫେରାର ହୋଇଯାଇଛି। ବ୍ରାଉନ ସୁଗାର କାରବାରରେ ସମ୍ପୃକ୍ତ ଯୁବକ ଦୁଇଜଣଙ୍କ ନାମରେ ପୁଲିସ ଏକ ମାମଲା ନଂ -୧୩୧/୨୪ ରୁଜୁ କରି କୋର୍ଟ ଚାଲାଣ କରିଛି। ଥାନାର ତଦନ୍ତକାରୀ ଅଧିକାରୀ ଶ୍ରୀ ଗଙ୍ଗାଧର ବେହେରା ଘଟଣାର ତଦନ୍ତ କରୁଛନ୍ତି।