Blog

ମୁଖ୍ୟଯନ୍ତ୍ରୀଙ୍କ ଅଚଳାଚଳ ସମ୍ପତ୍ତି ଦେଖି ଭିଜିଲାନ୍ସ ଟେରା

ଆଜି ମୁଖ୍ୟଯନ୍ତ୍ରୀ ତଥା ବୈତରଣୀ ବେସିନର ମ୍ୟାନେଜରଙ୍କ କେନ୍ଦୁଝର ସରକାରୀ ବାସଭବନ ଓ କାର୍ଯ୍ୟାଳୟରେ ଯାଞ୍ଚ ଆରମ୍ଭ କରିଛି ଭିଜିଲାନସ୍ ବିଭାଗ । ଆଜି ମୁଖ୍ୟଯନ୍ତ୍ରୀଙ୍କ ଉପସ୍ଥିତି ଏବଂ କେନ୍ଦୁଝର ଭିଜିଲାନ୍ସ DSPଙ୍କ ନେତୃତ୍ୱରେ ଏହି ଯାଞ୍ଚ କରାଯାଉଛି । ଗତକାଲି କେନ୍ଦୁଝରରେ ମୁଖ୍ୟ ଯନ୍ତ୍ରୀଙ୍କର ଅନୁପସ୍ଥିତି ଯୋଗୁଁ ଏହି ୨ଟି ସ୍ଥାନକୁ ଭିଜିଲାନ୍ସ ବିଭାଗ ତରଫରୁ ଜଉମୁଦ ଦେଇ ସିଲ୍ କରାଯାଇଥିଲା । ସୂଚନାଯୋଗ୍ୟ, ଗତକାଲି ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ମୁଖ୍ୟଯନ୍ତ୍ରୀ ତଥା ବୈତରଣୀ ବେସିନର ମ୍ୟାନେଜର କୈଳାଶ ଚନ୍ଦ୍ର ସାହୁଙ୍କ ୧୦ଟି ଠିକଣାରେ ଭିଜିଲାନସ୍ ଚଢ଼ାଉ କରିଥିଲା । ଏହି ଚଢ଼ାଉରେ ୩ଟି Flat, ଗୋଟିଏ ୮୮୨୧ Sqftର ୩ ମହଲା ନିର୍ମାଣାଧୀନ ଘର, ଏକ ଦୋକାନ ଘର, ୨୮ଟି ମୂଲ୍ୟବାନ Plot ଓ ୮୨ ଲକ୍ଷ ୮୦ ହଜାର ଟଙ୍କାର ବ୍ୟାଙ୍କ ଜମା, ଗୋଟିଏ ୪ ଚକିଆ ଗାଡ଼ି ସହ, ୩ଟି ୨ ଚକିଆ ଗାଡ଼ି ଠାବ ହୋଇଛି । ଆଜି ମୁଖ୍ୟଯନ୍ତ୍ରୀ କୈଳାଶ ଚନ୍ଦ୍ର ସାହୁଙ୍କୁ ନେଇ କେନ୍ଦୁଝରରେ ତାଙ୍କର ୨ଟି ଠିକଣାରେ ଭିଜିଲାନ୍ସ ଯାଞ୍ଚ ଜାରି ରଖିଛି ।

ତେବେ ଗତକାଲି ଏହି ମାମଲାରେ କୈଳାଶ ସାହୁଙ୍କ ଯାଜପୁର ଜିଲ୍ଲା ଡ଼ାକବଙ୍ଗଳା ସ୍ଥିତ ଏକ ଆପାଟମେଣ୍ଟ ଭିତରେ ଥିବା ଭଡା ଘରେ ଭିଜିଲାନ୍ସ ଚଢ଼ାଉ କରିଥିଲା । କାରଣ ସେ ଏହା ପୂର୍ବରୁ ସେ ଯାଜପୁରର କୋରେଇ ବ୍ଲକରେ କାର୍ଯ୍ୟରତ ଥିଲେ । ବାଲେଶ୍ୱର ଭିଜିଲାନ୍ସ ଏସପିଙ୍କ ନିର୍ଦ୍ଦେଶ କ୍ରମେ ଏକ ୫ ଜଣିଆ ଟିମ ହଠାତ ବ୍ୟାସନଗର ପୌର ପରିଷଦ ସ୍ଥିତ ଡ଼ାକବଙ୍ଗଳା ଛକରେ ପହଞ୍ଚିଥିଲେ । ଭିଜିଲାନ୍ସ ପକ୍ଷରୁ ଏକାକାଳୀନ କେନ୍ଦୁଝର ଜିଲ୍ଲା ବାସଭବନ ସହିତ କୈଳାଶଙ୍କ ୧୦ଟି ସ୍ଥାନରେ ଚଢ଼ାଉ କରି ସମ୍ପତ୍ତି ଆକଳନ କରାଯାଇଛି ।
ବାତ୍ୟା ପାଇଁ ପ୍ରସ୍ତୁତ ପାରାଦୀପ ବନ୍ଦର !

ବାତ୍ୟା ଦାନାକୁ ନେଇ ପାରାଦୀପ ବନ୍ଦର ପକ୍ଷରୁ ସ୍ବତନ୍ତ୍ର ପ୍ରସ୍ତୁତି ଆରମ୍ଭ ହୋଇଛି।ଆଜି ସଂନ୍ଧ୍ୟା ପୂର୍ବରୁ ବନ୍ଦରର ବର୍ଥରେ ଥିବା ସମସ୍ତ ଜାହାଜରୁ ପଣ୍ୟ ପରିବହନ ଓ ଲୋଡିଂ କାର୍ଯ୍ୟ ଶେଷ କରିବାକୁ ନିର୍ଦ୍ଦେଶନାମା ଜାରି କରାଯାଇଛି । ଆଙ୍କରେଜରେ ଥିବା ଜାହାଜ ଗୁଡିକୁ ସମୁଦ୍ରରେ ସୁରକ୍ଷିତ ସ୍ଥାନରେ ଲଙ୍ଗର ପକାଇ ରହିବାକୁ ଦିଆଯାଇଛି ନିର୍ଦ୍ଦେଶ। ବନ୍ଦରର ଇଫକୋ, ପିପିଏଲ, କେଆଇସିଟି ଓ ଜେଏସଡବ୍ଲୁ ବର୍ଥ ରେ ଲାଗିଥିବା ଜାହାଜ ର ପଣ୍ୟ ଖାଲି କରି ଆଜି ସଂନ୍ଧ୍ୟା ପୂର୍ବରୁ ଜାହାଜ କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ଦିଆଯାଇଛି ନିର୍ଦ୍ଦେଶ। ବନ୍ଦର ର ସମସ୍ତ ମେସିନ, ଲୋଡର ଓ ସମସ୍ତ ଅପରେସନ ଯନ୍ତ୍ରପାତି କୁ ସୁରକ୍ଷିତ ରଖିବା ସହିତ ନିଷିଦ୍ଧାଚଂଳରେ ଥିବା ଲାଇଟ, ହାଇମାକ୍ସ ଲାଇଟ କୁ ସୁରକ୍ଷିତ ପାଇଁ ନିଆଯାଇଛି ପଦକ୍ଷେପ।

ବାତ୍ୟାର ପରବର୍ତ୍ତୀ ପଦକ୍ଷେପ ଯଥା ଗଛ କାଟିବା, ରାସ୍ତା ସଫା କରିବା ପାଇଁ ସମସ୍ତ ବ୍ୟବସ୍ଥା କରାଯାଇଥିବା ବେଳେ ବିଭିନ୍ନ ପ୍ଲଟରେ ଥିବା କାଗୋ ଗୁଡିକୁ ବର୍ଷା ଓ ପବନରୁ ସୁରକ୍ଷିତ ରଖିବା ପାଇଁ ବନ୍ଦର ପ୍ରଶାସନ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ସେହିପରି ୬ ଟି ସ୍ଥାନରେ କଂଟ୍ରୋଲ ରୁମ ଖୋଲାଯାଇଥିବା ବେଳେ ଶୁଖିଲା ଖାଦ୍ୟ ପାଇଁ ଗୋପବନ୍ଧୁ ଷ୍ଟାଡିୟମ ଠାରେ ସ୍ଥିର କରାଯାଇଛି । ଯଦି ପାୱାରକଟ୍ ହୁଏ ତେବେ ସ୍ବତନ୍ତ୍ର ଜେନେରେଟର ର ବ୍ୟବସ୍ଥା କରାଯାଇଛି ।
ପାଞ୍ଚ ବର୍ଷ ପରେ ମୋଦୀ ଏବଂ ସି ଜିନପିଙ୍ଗଙ୍କ ହେବ ଆମ୍ନା-ସାମ୍ନା, ବିଶ୍ବ ଦେଖିବ ଦୁଇଟି ଏସୀୟ ଦେଶର ଶକ୍ତି

ବ୍ରିକ୍ସ ଶିଖର ସମ୍ମିଳନୀ ୨୦୨୪ ରୁଷର କାଜାନରେ ଆୟୋଜିତ ହୋଇଯାଇଅଛି, ଯାହା ୨୨ ଅକ୍ଟୋବରରୁ ଆରମ୍ଭ ହୋଇଥିଲା, ଏହି ସମ୍ମିଳନୀ ଅକ୍ଟୋବର ୨୪ ପର୍ଯ୍ୟନ୍ତ ଚାଲିବ | ଏହି ସମୟରେ, ଆଜି ବୁଧବାର (୨୩ ଅକ୍ଟୋବର) ଏକ ଐତିହାସିକ ଦିନ ଭାବରେ ଆକଳନ କରାଯାଉଛି, କାରଣ ଆଜି ପ୍ରାୟ ୫ ବର୍ଷ ପରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପରସ୍ପର ସହ ଦ୍ୱିପାକ୍ଷିକ ବୈଠକରେ ଯୋଗଦେବାକୁ ଯାଉଛନ୍ତି। କାଜାନ ସହରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବୈଦେଶିକ ସଚିବ ବିକ୍ରମ ମିଶ୍ରି କହିଛନ୍ତି। ଏହି ସମୟ ମଧ୍ୟରେ ସମଗ୍ର ବିଶ୍ବର ନଜର ରହିଛି | ଏହାପୂର୍ବରୁ, ୨୦୧୯ ରେ ବ୍ରାଜିଲରେ ଆୟୋଜିତ ବ୍ରିକ୍ସ ସମ୍ମିଳନୀରେ ଚୀନ୍ ଏବଂ ଭାରତର ବରିଷ୍ଠ ନେତାମାନେ ଦ୍ୱିପାକ୍ଷିକ ବୈଠକରେ ଅଂଶଗ୍ରହଣ କରିଥିଲେ।

ଏଥର ମୋଦୀ-ଜିନପିଙ୍ଗଙ୍କ ଦ୍ୱିପାକ୍ଷିକ ବୈଠକ ପୂର୍ବ ପରି ଅନେକ କ୍ଷେତ୍ରରେ ଭିନ୍ନ ଅଟେ। ଆଜିର ସମୟରେ, ଯେତେବେଳେ ଦୁନିଆର ଦୁଇ ଭାଗ ମଧ୍ୟରେ ଯୁଦ୍ଧ ଚାଲିଛି, ସେଥିମଧ୍ୟରୁ ଗୋଟିଏ ହେଉଛି ଋଷ,ଯାହା ବ୍ରିକ୍ସ ଶିଖର ସମ୍ମିଳନୀ ଆୟୋଜନ କରୁଛି।

ଏଭଳି ପରିସ୍ଥିତିରେ ଯେତେବେଳେ ଏସୀୟ ଦେଶର ଦୁଇ ଶକ୍ତିଶାଳୀ ନେତା ପରସ୍ପରକୁ ସାମ୍ନା କରିବେ, ଏହାର ପ୍ରଭାବ ବିଶ୍ୱ ସ୍ତରରେ ଦେଖିବାକୁ ମିଳିବ । ତେବେ ଏହି ବୈଠକକୁ ଆହୁରି ସ୍ବତନ୍ତ୍ର ବିବେଚନା କରାଯାଏ କାରଣ କେବଳ ୨ ଦିନ ପୂର୍ବରୁ ଚାଲିଥିବା ସୀମା ବିବାଦକୁ ଭାରତ ଏବଂ ଚୀନ୍ ନିଶ୍ଚିତ କରିବାକୁ ନିଶ୍ଚିତ କରିଛନ୍ତି। ଏହା ମଧ୍ୟ ସମଗ୍ର ବିଶ୍ୱକୁ ଏକ ବାର୍ତ୍ତା ପଠାଇଛି ଯେ ଦୁଇ ପଡ଼ୋଶୀ ସେମାନଙ୍କ ସ୍ୱାର୍ଥ ପ୍ରତି ଅତ୍ୟନ୍ତ ଗମ୍ଭୀର ଅଟନ୍ତି।
ନିଷେଦ୍ଧାଞ୍ଚଳରେ ଖୁଲମଖୁଲା ଚାଲିଛି ମତ୍ସ୍ୟଜୀବୀ ଓ କାଠ ମାଫିଆଙ୍କ ରାଜ୍

ନିଶେଦ୍ଧାଞ୍ଚଳରେ ଖୁଲମଖୁଲା ଚାଲିଛି ମାଛ ଓ କାଠ ମାଫିଆଙ୍କ ରାଜ । ମାଛ ମାଫିଆଙ୍କ ମୋଟା ଆଙ୍କରେ ବନ ବିଭାଗ ଚୁପ୍ । ବନ ବିଭାଗ ଓ ମାଛ ମାଫିଆଙ୍କ ମଧ୍ୟରେ ଚାଲିଛି ଚୋରା ପିରତି । ଏକଥା ଆମେ କହୁନାହୁଁ କହୁଛନ୍ତି ଖୋଦ ସ୍ଥାନୀୟ ବାସିନ୍ଦା । ଏମିତି ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ରାଜନଗର ବନଖଣ୍ଡ ଅଧିନସ୍ଥ କନିକା ଓ ରାଜନଗର ରେଞ୍ଜର ନିଶେଦ୍ଧାଞ୍ଚଳରେ । ସେଠାରେ ବନବିଭାଗ ଜଣାତରେ ବେଧଡକ ଚାଲିଛି ମାଛଧରା । ଭେକ୍ଟା ଜାଲ ପାଖରୁ ଆରମ୍ଭ କରି ବେଡ ଜାଲ ପର୍ଯ୍ୟନ୍ତ ବିଭିନ୍ନ ଜାଲ ବସାଇ ମାଛ ଯାଆଁଳ ପାଖରୁ ଆରମ୍ଭ କରି ବଡ଼ ମାଛ ଧରି ମାଛ ବଂଶକୁ ନିପାତ କରୁଛନ୍ତି ମାଛ ମାଫିଆ । ମସ୍ତ୍ୟଜୀବୀଙ୍କ ଅବାଧ ପ୍ରବେଶ ଯୋଗୁଁ କୁମ୍ଭୀର ମାନେ ନିଷେଦ୍ଧାଞ୍ଚଳରେ ଖାଦ୍ୟ ନପାଇ ଭିତରକନିକା ଛାଡି ଗାଁ ଗହଳିର ନଦୀ ନାଳ ଓ ପୋଖରି ଭିତରେ ପସି ଲୋକଙ୍କ ଧନ ଜୀବନ ନଷ୍ଟ କରୁଛନ୍ତି ।

ମାଛ ମାଫିଆ ଖାଲି ମାଛ ମାରୁ ନାହାନ୍ତି ତାହା ସହିତ ଜଙ୍ଗଲରୁ ଗରାଣୀ କାଠ କାଟି ସେହି କାଠକୁ ବେଡ ଜାଲ ବସାଇବା ପାଇଁ କିଳା ପ୍ରସ୍ତୁତ କରୁଛନ୍ତି । ଅନ୍ୟପଟେ ମାଛ ମାଫିଆ ମାନେ ଭିତରକନିକା ନିଷେଧାଞ୍ଚଳରେ ବନ ବିଭାଗକୁ ହାତଗୁଂଜା ଦେଇ ଶତାଧିକ ବୋଟ ରଖିଛନ୍ତି ଆଉ ବୋଟ ପାଖକୁ ଯିବା ଆସିବା କରିବା ପାଇଁ ଜଙ୍ଗଲକୁ ସୁରକ୍ଷା ଦେଉଥିବା ତାର ଜାଲିକୁ କାଟି ରାସ୍ତା କରୁଛନ୍ତି । ଏଭଳି ଅନୈତିକ କାର୍ଯ୍ୟ ଦୀର୍ଘ ବର୍ଷ ହେବ ରାଜନଗର ବନଖଣ୍ଡ ଅଧିନସ୍ତ କନିକା ରେଞ୍ଜର ଗର୍ତ୍ତ ମୌଜା, କେରୁଆପାଳ, ବନିପାଳ, ପ୍ରଭାତୀ, ଅହିରାଜପୁର ଓ ଶୈଳେନ୍ଦ୍ରସରାଇ ଅଞ୍ଚଳରେ ହୋଇଆସିଥିଲେ ସୁଦ୍ଧା ମାଛ ମାଫିଆଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନି ବନ ବିଭାଗ । କାରଣ ଏସବୁ ଅନୈତିକ କାର୍ଯ୍ୟକୁ ନିଜେ ବନ ବିଭାଗ ଅନୁମତି ଦେଇଥିବା ନେଇ ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି ।

ପରିବେଶ ବିତ କହିଛନ୍ତି ଯେଉଁଠି ମାଛ ମାଫିଆ ବୋଟ ରଖି ମାଛ ମାରୁଛନ୍ତି ତାହା ସମ୍ପୂର୍ଣ୍ଣ ନିଷେଧାଞ୍ଚଳ, ତାହା ପୁଣି ବନ ବିଭାଗର ବିଟ ଘର ସାମ୍ନାରେ । ଯଦି ଏ ସବୁ ଅନୈତିକ କାର୍ଯ୍ୟ ବିଟ ଘର ସାମ୍ନାରେ ହେଉଛି ତାହା ଉପରେ ବନ ବିଭାଗ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରୁନାହୁଁ, ତାହା ଏବେ ବଡ ପ୍ରଶ୍ନ ପାଲଟିଛି । ଯେତେବେଳ ଜଙ୍ଗଲ ଓ ତାହାର ବନ୍ୟଜନ୍ତୁଙ୍କ ସୁରକ୍ଷାକୁ ନେଇ ରାଜ୍ୟର ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ଅଧିକ ତତ୍ପରତା ଦେଖାଉଛନ୍ତି, ଠିକ୍ ସେତିକି ବେଳେ ଟଙ୍କା ଲୋଭରେ ରାଜନଗର ବନଖଣ୍ଡ ଅଧିନସ୍ଥ କନିକା ଓ ରାଜନଗର ରେଞ୍ଜରେ ମାଛ ମାଫିଆଙ୍କ ସହିତ ବନ ବିଭାଗ ହାତ ମିଳାଇ ଜଙ୍ଗଲ ଓ ତାହାର ଜୀବଜନ୍ତୁଙ୍କୁ ଧ୍ଵଂସ କରୁଛି । ତେଣୁ ଏଥିପ୍ରତି ଉପରସ୍ଥ ଅଧିକାରୀ ତୁରନ୍ତ ଧ୍ୟାନ ନଦେଲେ ସେଠାରେ ଏପରି ଅନୈତିକ କାର୍ଯ୍ୟ ଆହୁରି ବୃଦ୍ଧି ପାଇବ ବୋଲି ମତପ୍ରକାଶ ପାଇଛି ।
ATMକୁ ଟଙ୍କା ନେବା ବେଳେ ବ୍ୟାଙ୍କ୍ ଗାଡିକୁ ଆକ୍ରମଣ

କେନ୍ଦୁଝର ଜିଲ୍ଲା ଯୋଡା ଫ୍ଲାଏ ଓଭର ନିକଟ ସର୍ଭିସ ରୋଡରେ ବ୍ୟାଙ୍କ୍ରୁ ଟଙ୍କା ନେଇ ଜୁରୁଡ଼ି ଅଭିମୁଖେ ଯାଉଥିବା ବେଳେ ୩ ଜଣ ଦୃର୍ବୁତ୍ତ ଆସି ଅତର୍କିତ ଭାବେ ବ୍ୟାଙ୍କ୍ ଗାଡ଼ିରେ ଥିବା ସୁରକ୍ଷା କର୍ମୀଙ୍କୁ ଆକ୍ରମଣ କରି ଟଙ୍କା ଲୁଟ ଉଦ୍ୟମ କରିଥିଲେ। ଦୁବୃର୍ତ୍ତ ଓ ସୁରକ୍ଷା କର୍ମୀଙ୍କ ମଧ୍ୟରେ ଧସ୍ତାଧସ୍ତି ହେବା ସମୟରେ ଦୁବୃର୍ତ୍ତ ମାନେ ଧରିଥିବା ପିଷ୍ଟଲକୁ ସୁରକ୍ଷା କର୍ମୀ ଛଡାଇ ନେଇଥିଲେ ।

ଅପର ପକ୍ଷରେ ଦୁବୃର୍ତ୍ତ ମାନେ ସୁରକ୍ଷା କର୍ମୀଙ୍କ ବନ୍ଧୁକକୁ ଛଡାଇ ନେଇ ଆକ୍ରମଣ କରିବାରୁ ଉଦ୍ୟମ କରି ଜୁରୁଡ଼ି ଅଭିମୁଖେ ଫେରାର ହୋଇ ଯାଇଥିଲେ । ଦୁବୃର୍ତ୍ତଙ୍କ ମାଡରେ ସୁରକ୍ଷା କର୍ମୀ ଆହତ ହୋଇଥିବାରୁ ତାଙ୍କୁ ଯୋଡା ଟାଟା ଷ୍ଟିଲ୍ ଡାକ୍ତରଖାନାରେ ଭର୍ତ୍ତି କରାଯାଇଛି । ଘଟଣାରୁ ପ୍ରକାଶ ଯେ, ଇଣ୍ଡସ ଇଣ୍ଡ ଓ ବ୍ୟାଙ୍କ୍ ଅଫ ଇଣ୍ଡିଆ ବ୍ୟାଙ୍କ୍ ରୁ ୩୮ ଲକ୍ଷ ଟଙ୍କା ନେଇ ସିଏମ୍ ଏସ କମ୍ପାନୀର ଗାଡ଼ି ଜୁରୁଡ଼ି ଯାଉଥିଲା ।

ଫ୍ଲାଏ ଓଭର ନିକଟରେ ଗାଡ଼ି ରଖି କର୍ମଚାରୀ କମାର ଯୋଡାର ରିଲାଏନ୍ସ ସ୍ମାର୍ଟ ବଜାରକୁ ଯାଇଥିଲେ । ସେହି ସମୟରେ ୩ ଜଣ ଦୃର୍ବୁତ୍ତ ଆସି ଏହି ଟଙ୍କା ଲୁଟ୍ ଉଦ୍ୟମ କରିଥିଲେ । ଘଟଣା ସ୍ଥଳରେ ବଡ଼ବିଲ ଏସଡିପିଓ ପହଂଚି ଘଟଣାର ତଦନ୍ତ ଆରମ୍ଭ କରିଛନ୍ତି । ଦୁବୃର୍ତ୍ତ ମାନେ ଛୁରୀ, ଭୁଜାଲି, ପିସ୍ତଲ୍ ଓ ଲୁହା ରଡ ଧରି ଲୁଟ ଉଦ୍ୟମ କରିଥିବା ବେଳେ ସେଥିରେ ବିଫଳ ହୋଇଥିଲେ । ଦିନ ଦ୍ୱିପ୍ରହର ରେ ଏପରି ଲୁଟ ଘଟଣା ଅଞ୍ଚଳରେ ଚାନ୍ଚଲ୍ୟ ସୃଷ୍ଟି କରିଛି ।
ମହାରାଷ୍ଟ୍ର ଓ ଝାରଖଣ୍ଡ ବିଧାନସଭା ନିର୍ବାଚନ ପାଇଁ ଘୋଷଣା ହେଲା ତାରିଖ

ମହାରାଷ୍ଟ୍ର ଓ ଝାରଖଣ୍ଡ ବିଧାନସଭା ନିର୍ବାଚନ ପାଇଁ ଆଜି ଭାରତୀୟ ନିର୍ବାଚନ କମିଶନ ତାରିଖ ଘୋଷଣା କରିଛନ୍ତି। ମହାରାଷ୍ଟ୍ରର ୨୮୮ଟି ଆସନ ପାଇଁ ଗୋଟିଏ ପର୍ଯ୍ୟାୟରେ ମତଦାନ ହେବ। ଲୋକମାନେ ନଭେମ୍ବର ୨୦ରେ ସେମାନଙ୍କ ମତାଧିକାର ସାବ୍ୟସ୍ତ କରିବେ। ନଭେମ୍ବର ୨୩ରେ ଭୋଟ ଗଣତି ସହ ରେଜଲ୍ଟ ପ୍ରକାଶ ପାଇବ। ଏଥିପାଇଁ ୨୨ ଅକ୍ଟୋବରରେ ବିଜ୍ଞପ୍ତି ପ୍ରକାଶ ପାଇବ। ନାମାଙ୍କନ ଦାଖଲ ପ୍ରକ୍ରିୟା ଅକ୍ଟୋବର ୨୯ ଯାଏ ଚାଲିବ ।

ସେହିଭଳି ଝାରଣ୍ଡର ୮୧ଟି ବିଧାନସଭା ଆସନ ପାଇଁ ଦୁଇଟି ପର୍ଯ୍ୟାୟରେ ମତଦାନ ଗ୍ରହଣ କରାଯିବ। ପ୍ରଥମ ପର୍ଯ୍ୟାୟ ଭୋଟିଂ ନଭେମ୍ବର ୧୩ ଓ ଦ୍ୱିତୀୟ ପର୍ଯ୍ୟାୟ ଭୋଟ ନଭେମ୍ବର ୨୦ ରେ ଅନୁଷ୍ଠିତ ହେବ। ନଭେମ୍ବର ୨୩ରେ ରେଜଲ୍ଟ ବାହାରିବ। ପ୍ରଥମ ପର୍ଯ୍ୟାୟ ପାଇଁ ନାମାଙ୍କନ ଦାଖଲର ଶେଷ ତାରିଖ ୨୫ ତାରିଖ ରହିଥିବା ବେଳେ ଦ୍ୱିତୀୟ ପର୍ଯ୍ୟାୟ ପାଇଁ ନାମାଙ୍କନ ଦାଖଲର ଶେଷ ତାରିଖ ଅକ୍ଟୋବର ୨୯ ରହିଛି। ଦୁଇଟି ଯାକ ରାଜ୍ୟରେ ଭୋଟ ଗଣତି ଓ ଫଳାଫଳ ନଭେମ୍ବର ୨୩ରେ ପ୍ରକାଶ ପାଇବ। ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଆଜି ତାରିଖ ଘୋଷଣା କରିବା କ୍ଷଣି ମହାରାଷ୍ଟ୍ର ଓ ଝାରଖଣ୍ଡରେ ନିର୍ବାଚନ ଆଚରଣବିଧି ଲାଗୁ ହେଇଛି।
ବାବା ସିଦ୍ଦିକି ହତ୍ୟାକାଣ୍ଡ ପରେ ସତର୍କ ପୋଲିସ, ସଲମାନ ଖାନଙ୍କ ବନ୍ଧୁ-ସମ୍ପର୍କୀୟଙ୍କ ବିଷୟରେ ତଥ୍ୟ ସଂଗ୍ରହ କରିବ କ୍ରାଇମ ବ୍ରାଞ୍ଚ

ବାବା ସିଦ୍ଦିକି ହତ୍ୟାକାଣ୍ଡ ମାମଲା ପରେ ପୋଲିସ ସମ୍ପୂର୍ଣ୍ଣ ସତର୍କ ହୋଇପଡିଛି। ପୋଲିସର ସୂଚନାନୁଯାୟୀ , କ୍ରାଇମ ବ୍ରାଞ୍ଚ, ଆତଙ୍କବାଦୀ ବିରୋଧୀ ସେଲ, ର ଦାୟିତ୍। ସ୍ୱତନ୍ତ୍ର ଶାଖା ଏବଂ କ୍ରାଇମ ବ୍ରାଞ୍ଚ CIUକୁ ଦାୟିତ୍ଵ ଦିଆଯାଇଛି ଯେ ବଲିଉଡ ଅଭିନେତା ସଲମାନ ଖାନଙ୍କ ସହ ଜଡିତ ସମସ୍ତ ଘନିଷ୍ଠ ବନ୍ଧୁ କିମ୍ବା ଘନିଷ୍ଠ ବ୍ୟବସାୟୀଙ୍କ ବିଷୟରେ ତଥ୍ୟ ସଂଗ୍ରହ କରିବା ଫଳରେ । ଭବିଷ୍ୟତରେ ଏମିତି ଦୁର୍ଘଟଣା କାହା ଉପରେ ପୁନର୍ବାର ନ ହୋଉ | କ୍ରାଇମ ବ୍ରାଞ୍ଚକୁ ଏହା ମଧ୍ୟ କୁହାଯାଇଛି ଯେ ସେହି ରାସ୍ତା ସବୁ ଯାଞ୍ଚ କରିବାକୁ ଯେଉଁ ବାଟ ଦେଇ ଅସ୍ତ୍ରଶସ୍ତ୍ର ସହଜରେ ମୁମ୍ବାଇକୁ ଆସୁଛି କିନ୍ତୁ ଏହା କାହାର ରାଡାରରେ ନାହିଁ କିମ୍ବା କାହାଠାରୁ କୌଣସି ଇନପୁଟ୍ ମିଳୁନାହିଁ।

ମୁମ୍ବାଇ କ୍ରାଇମ ବ୍ରାଞ୍ଚ ଶାଖା ଦଳ ଜିଶାନ ସିଦ୍ଦିକିଙ୍କ ବିବୃତ୍ତି ରେକର୍ଡ କରିପାରେ । ପୋଲିସ ସୂତ୍ରରୁ ପ୍ରକାଶ ଯେ ମୁମ୍ବାଇ ପୋଲିସ ପରିବାରରୁ ଜାଣିବାକୁ ଚାହୁଁଛି କି କଣ କିଏ ଥିଲା ଯାହାଠାରୁ ବାବାଙ୍କ ଜୀବନ ପ୍ରତି ବିପଦରେ ଥିଲା ? ପୋଲିସ ଏହା ମଧ୍ୟ ଜାଣିବାକୁ ଚାହୁଁଛି କି କଣ କୌଣସି SRA ପ୍ରକଳ୍ପ ସମ୍ବନ୍ଧୀୟ ମାମଲା ଏତେ ଆଗକୁ ବଢି କି କିଏ ବାବା ସିଦ୍ଦିକିକୁ ହତ୍ୟା କରିବା ପାଇଁ ସୁପାରି ଦେଇ ପାରେ ?

ପୋଲିସ ବାବା ସିଦ୍ଦିକିଙ୍କ ପୁଅ ଜିଶାନଙ୍କଠାରୁ ମଧ୍ୟ ଜାଣିବାକୁ ଚାହୁଁଛି ଯେ ତାଙ୍କୁ କାହା ଉପରେ ସନ୍ଦେହ ଅଛି କିମ୍ବା କାହାରି ବିରୁଦ୍ଧରେ ଅଭିଯୋଗ ଅଛି ଯଦି ଏହିପରି କିଛି ଆସେ ତେବେ କ୍ରାଇମ ବ୍ରାଞ୍ଚ ମଧ୍ୟ ସେହି ଦିଗରୁ ଅନୁସନ୍ଧାନ କରିବ। ମୁମ୍ବାଇ ପୋଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହି ଘଟଣାର ଅର୍ଥ ହେଉଛି ପୋଲିସର ଗୁପ୍ତଚରତା ବିଫଳ ହେଉ । ବାବା ସିଦ୍ଦିକି ଲରେନ୍ସ ବିଶନୋଇଙ୍କ ଟାର୍ଗେଟ ହୋଇପାରେ ବୋଲି ପୋଲିସର କୌଣସି ଧାରଣା ନଥିଲା।
ପୋଲିସକର୍ମୀଙ୍କ ସ୍ତ୍ରୀ-ଝିଅର ହତ୍ୟା,ବିଲରେ ପଡିଥିଲା ଅର୍ଦ୍ଧ ଉଲଗ୍ନ ଶରୀର; ଉତ୍ୟକ୍ତ ଲୋକେ ଜାଳିଦେଲେ ଅଭିଯୁକ୍ତଙ୍କ ଘର

ଛତିଶଗଡର ସୁରଜପୁର ଜିଲ୍ଲାରେ ଏବେ ମଧ୍ୟ ଉତ୍ତେଜନା ଜାରି ରହିଛି । ମାମଲାଟି ହେଉଛି ଡବଲ ହତ୍ୟାକାଣ୍ଡ (ଛତିଶଗଡ ଡବଲ ମର୍ଡର) ର । ଜଣେ ପୋଲିସକର୍ମୀଙ୍କ ସ୍ତ୍ରୀ ଏବଂ ତାଙ୍କ ୧୬ ବର୍ଷର ଝିଅକୁ ଅତି ନିର୍ମମ ଭାବେ ହତ୍ୟା କରାଯାଇଛି, କାରଣ ଏହି ଯେ ଅଭିଯୁକ୍ତ ଜଣକ ପୋଲିସକର୍ମୀଙ୍କୁ ହତ୍ୟା କରିବାରେ ବିଫଳ ହୋଇଥିଲା । ଯାହା ଫଳରେ ତାଙ୍କର ନିରୀହ ସ୍ତ୍ରୀ ଏବଂ ଝିଅକୁ ଏହାର ମୂଲ୍ୟ ଦେବାକୁ ପଡିଲା | ହତ୍ୟାକାରୀ ହେଉଛି ଏକ ହିଷ୍ଟରୀସିଟର | ସେ ଦୁହିଁଙ୍କୁ ଅତି ନିର୍ମମ ଭାବେ ହତ୍ୟା କରିଥିଲା ଏବଂ ପରେ ମୃତଦେହକୁ ଦୂର ବିଲରେ ଫିଙ୍ଗି ଦେଇଥିଲା । ସୁରଜପୁରର ଲୋକମାନେ ଯେତେବେଳେ ଏହି ହତ୍ୟାକାଣ୍ଡ ବିଷୟରେ ଖବର ପାଇଲେ ସେମାନେ ପୂରା ଅଞ୍ଚଳରେ ହୋହଲ୍ଲା ଆରମ୍ଭ କରିଦେଇଥିଲେ।

ପ୍ରକୃତରେ, ହତ୍ୟା ଅଭିଯୁକ୍ତକାରୀ କୁଲଦୀପ ସାହୁ କେବଳ ହିଷ୍ଟରୀସିଟର ହେବା ସହିତ, କଂଗ୍ରେସର ଜଣେ ନେତା ମଧ୍ୟ। ହେଡ କନଷ୍ଟେବଳ ତାଲିବ ଶେଖ ତାଙ୍କ ପତ୍ନୀ ଏବଂ ଝିଅର ହତ୍ୟାରେ ରାଗିଯାଇ କୁଲଦିଲ ସାହୁଙ୍କ ଘରେ ପହଞ୍ଚି ନିଆଁ ଲଗାଇ ଦେଇଥିଲେ। କ୍ରୋଧିତ ଜନତା ଏସଡିଏମ ଜଗନ୍ନାଥ ବର୍ମାଙ୍କୁ ମଧ୍ୟ ଛାଡି ନଥିଲେ, ତାଙ୍କୁ ଖୁବ ଦୌଡାଇଥିଲେ। ଯାହାଫଳରେ ଏସଡିଏମ ସାହେବ ଏବଂ ତାଙ୍କ ସୁରକ୍ଷାକର୍ମୀ ସେମାନଙ୍କ ଜୀବନ ବଞ୍ଚାଇ ସେଠାରୁ ପଳାଇବାକୁ ପଡିଥିଲା।

ପୋଲିସକର୍ମୀଙ୍କ ସ୍ତ୍ରୀ ଏବଂ ଝିଅର ମୃତଦେହ ଅର୍ଦ୍ଧ ନଗ୍ନ ଅବସ୍ଥାରେ ଦେଖିବାକୁ ମିଳିଥିଲା। ଯେତେବେଳେ ପୋଲିସ ଅଭିଯୁକ୍ତକୁ ଧରିବାକୁ ଚେଷ୍ଟା କଲା, ସେତେବେଳେ ସେ ପୋଲିସ ଉପରକୁ ଗୁଳି ଚଳାଇବା ଆରମ୍ଭ କରିଥିଲା। ଫଳରେ ପୋଲିସକୁ ମଧ୍ୟ ପାଲଟା ଗୁଳି ଚଳାଇବାକୁ ପଡିଥିଲା, ତଥାପି ଅଭିଯୁକ୍ତ ସେଠାରୁ ଖସିଯିବାରେ ସଫଳ ହୋଇଥିଲା ।

ଏହି ଘଟଣା ପରେ ସହରରେ ହିଂସା ଏତେ ବଢି ଯାଇଥିଲା ଯେ କ୍ରୋଧିତ ଜନତା ସହରକୁ ବନ୍ଦ କରି ପ୍ରଥମେ ଅଭିଯୁକ୍ତ କୁଲଦୀପ ସାହୁଙ୍କ ଘର ଏବଂ ଗୋଦାମ ବାହାରେ ପାର୍କିଂ ହୋଇଥିବା ଗାଡିଗୁଡିକରେ ନିଆଁ ଲଗାଇ ଦେଇଥିଲେ ଏବଂ ପରେ ତାଙ୍କ ଘରେ ମଧ୍ୟ ଆକ୍ରମଣ କରିଥିଲେ। ତେବେ ଘଟଣା ସମୟରେ ଅଭିଯୁକ୍ତ ଏବଂ ତାଙ୍କ ପରିବାର ସେହି ଘରେ ଉପସ୍ଥିତ ନଥିଲେ। ଏହି ଘଟଣା ପରେ ସୁରଜପୁର ଏବେ ହିଂସା ଓ ଆଶାନ୍ତରେ ପରିଣତ ହୋଇଯାଇଛି। ପ୍ରତ୍ୟେକ ଗଳି-କନ୍ଦି ଉପରେ ପୋଲିସର ନଜର ରହିଛି। ଉତ୍ତେଜନାକୁ ଦୃଷ୍ଟିରେ ରଖି ଅନ୍ୟ ଜିଲ୍ଲାରୁ ମଧ୍ୟ ପୋଲିସ ଡକାଯାଇଛି।

ହେଡ କନଷ୍ଟେବଳ ତାଲିବ ଶେଖ ଏବଂ ତାଙ୍କ ଟିମ୍ କୁଲଦୀପ ସାହୁକୁ ଗିରଫ କରିବା ପାଇଁ ପହଞ୍ଚିଥିଲେ। କିନ୍ତୁ ଦୁର୍ଦ୍ଦାନ୍ତ ଅଭିଯୁକ୍ତ ଜଣକ ତା କାରରେ ପୋଲିସକର୍ମୀଙ୍କୁ ଚଢାଇବାପାଇଁ ଚେଷ୍ଟା କରିଥିଲା, ସୌଭାଗ୍ୟବଶତ ପୋଲିସ ଠିକ୍ ସମୟରେ ସେଠାରୁ ପଳାଇ ଯାଇଥିଲା। ଏହି ସମୟରେ କୁଲଦୀପ ମଧ୍ୟ ସେଠାରୁ ଫେରାର ହୋଇଯାଇଥିଲା । ଯେତେବେଳେ ଶେଖ ଏବଂ ତାଙ୍କ ଟିମ୍ ତାଙ୍କୁ ଖୋଜିବା ଏବଂ ଗିରଫ କରିବାକୁ ଯୋଜନା କରୁଥିଲେ, ଅଭିଯୁକ୍ତ ହେଡ କନଷ୍ଟେବଳଙ୍କ ଘରେ ପହଞ୍ଚି ତାଙ୍କ ପତ୍ନୀ ଏବଂ ଝିଅକୁ ହତ୍ୟା କରିଥିଲା।

ଶେଖ ଡ୍ୟୁଟିସାରି ଘରକୁ ଫେରି ଦେଖନ୍ତି ଯେ ଘରର କବାଟ ଭଙ୍ଗା ଯାଇଥିଲା। ସ୍ତ୍ରୀ ଓ ଝିଅ ଘରୁ ନିଖୋଜ ଥିଲେ। ଘର ଭିତରେ ରକ୍ତ ଦାଗ ଦେଖିବା ମାତ୍ରେ ସେ ପୋଲିସକୁ ଏ ବିଷୟରେ ଜଣାଇଥିଲେ। ସେ ଦୁହିଁଙ୍କୁ ଖୋଜିବା ଆରମ୍ଭ କଲେ। ଏହି ଖବର ସହରରେ ବ୍ୟାପିବା ମାତ୍ରେ କ୍ରୋଧିତ ଲୋକମାନେ ସହର ବନ୍ଦ କରି ପ୍ରଥମେ ପୋଲିସ ଷ୍ଟେସନ ବାହାରେ ବିରୋଧ କରିଥିଲେ। ପରେ କୁଲଦୀପ ସାହୁଙ୍କ ଘରେ ପହଞ୍ଚିବା ପରେ ସେମାନେ ଉକ୍ତ ସ୍ଥାନକୁ ଭଙ୍ଗାରୁଜା କରିବା ସହ ଗାଡି ସହିତ ଘରେ ନିଆଁ ଲଗାଇ ଦେଇଥିଲେ।
ମହାରାଷ୍ଟ୍ର ଏବଂ ଝାଡଖଣ୍ଡରେ କେବେ ହେବ ବିଧାନସଭା ନିର୍ବାଚନ? ଆଜି ଘୋଷଣା କରିବେ EC

ମହାରାଷ୍ଟ୍ର ଏବଂ ଝାଡଖଣ୍ଡରେ ବିଧାନସଭା ନିର୍ବାଚନ ତାରିଖ ଆଜି ଘୋଷଣା କରାଯିବ। ଆଜି (ଅକ୍ଟୋବର ୧୫ ) ଅପରାହ୍ନରେ ମହାରାଷ୍ଟ୍ର ଏବଂ ଝାଡଖଣ୍ଡ ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୋଗ ଘୋଷଣା କରିବେ।

ଆଜି ଅପରାହ୍ନ ୩:୩୦ ରେ ନିର୍ବାଚନ ଆୟୋଗ ଏକ ସାମ୍ବାଦିକ ସମ୍ମିଳନୀ କରିବେ। ଏହି ସମୟ ମଧ୍ୟରେ ନିର୍ବାଚନ କେତେ ପର୍ଯ୍ୟାୟରେ ଅନୁଷ୍ଠିତ ହେବ ଏବଂ କେଉଁ ପ୍ରସ୍ତୁତି ଚାଲିଛି ତାହା ନିର୍ବାଚନ କମିଶନ କହିବେ। ସୂଚନା ଅନୁଯାୟୀ ମହାରାଷ୍ଟ୍ର ବିଧାନସଭାର କାର୍ଯ୍ୟକାଳ ୨୬ ନଭେମ୍ବରରେ ଶେଷ ହେଉଛି। ଅନ୍ୟପଟେ ଝାଡଖଣ୍ଡ ବିଧାନସଭାର କାର୍ଯ୍ୟକାଳ ଆସନ୍ତା ବର୍ଷ ଜାନୁୟାରୀ ୫ ତାରିଖରେ ଶେଷ ହେବ।

ନିର୍ବାଚନ ଆୟୋଗ ଏହା ପୂର୍ବରୁ ମହାରାଷ୍ଟ୍ର ଏବଂ ଝାଡଖଣ୍ଡରେ ନିର୍ବାଚନ ସହ ଜଡିତ ଏହାର ପ୍ରସ୍ତୁତି ଶେଷ କରିସାରିଛନ୍ତି । କିଛି ସମୟ ପୂର୍ବରୁ ନିର୍ବାଚନ ଆୟୋଗର ଏକ ଟିମ ଉଭୟ ରାଜ୍ୟ ଗସ୍ତ କରିଥିଲେ। ଏହି ସମୟ ମଧ୍ୟରେ ସେ ନିର୍ବାଚନ ପାଇଁ ପ୍ରସ୍ତୁତିର ଆକଳନ କରିଥିଲେ।

ଯଦି ଆମେ ମହାରାଷ୍ଟ୍ର ବିଧାନସଭା ନିର୍ବାଚନ ବିଷୟରେ ନଜର ପକାଇବା , ତେବେ ଏଠାରେ ପ୍ରତିଯୋଗିତା ମହା ବିକାଶ ଅଘାଡି ଏବଂ ମହାଯୁକ୍ତିଙ୍କ ମଧ୍ୟରେ ହେବ |ମହା ବିକାଶ ଅଘାଡିରେ କଂଗ୍ରେସ, ଏନସିପି ଶରଦ ପାୱାର ଦଳ, ଶିବସେନା ୟୁବିଟି ଅଛି। ଅନ୍ୟପଟେ ମହାଯୁକ୍ତି ସହିତ ବିଜେପି, ଶିବସେନାର ସିନ୍ଦେ ଦଳ ଏବଂ ଅଜିତ ପାୱାରଙ୍କ ଏନସିପି ଗୋଷ୍ଠୀ ଅଛି । ଏଠାରେ ଉଭୟ ମିଳିତ ମେଣ୍ଟ ସିଟ୍ ବଣ୍ଟନ ଚୂଡ଼ାନ୍ତ କରିବାରେ ବ୍ୟସ୍ତ ଅଛନ୍ତି |ବର୍ତ୍ତମାନର ବିଧାନସଭାର କାର୍ଯ୍ୟକାଳ ୨୬ ନଭେମ୍ବରରେ ଶେଷ ହେବାକୁ ଯାଉଛି |

ଯଦି ଆମେ ଝାଡଖଣ୍ଡ ବିଷୟରେ ଜାଣିବା, ତେବେ ରାଜ୍ୟର ସମସ୍ତ ୮୧ ଟି ଆସନରେ ବିଧାନସଭା ନିର୍ବାଚନ ହେବାକୁ ଯାଉଛି । ଝାଡଖଣ୍ଡ ବିଧାନସଭାର କାର୍ଯ୍ୟକାଳ ଜାନୁୟାରୀ ୫ , ୨୦୨୫ ରେ ଶେଷ ହୋଇଯିବ । ସମସ୍ତ ଦଳ ଏଠାରେ ନିର୍ବାଚନ ପାଇଁ ପ୍ରସ୍ତୁତ ହେଉଛନ୍ତି। ନେତାମାନେ ସମସ୍ତ ୮୧ ବିଧାନସଭା ଆସନରେ ପ୍ରଚାର କରିବାରେ ବ୍ୟସ୍ତ ଅଛନ୍ତି। ଏଠାରେ ଇଣ୍ଡିଆ ଆଲାଏନ୍ସ ଏବଂ ଏନଡିଏ ମଧ୍ୟରେ ସିଧାସଳଖ ପ୍ରତିଯୋଗିତା ହେବ | ଶେଷ ଥର ପାଇଁ ଏଠାରେ ୨୦୧୯ ରେ ନିର୍ବାଚନ ଅନୁଷ୍ଠିତ ହୋଇଥିଲା, ଯେତେବେଳେ ମହାମେଣ୍ଟର ବିଜୟ ପରେ ହେମନ୍ତ ସୋରେନ୍ମୁ ଖ୍ୟମନ୍ତ୍ରୀ ହୋଇଥିଲେ।
ବହରାଇଚରେ ପହଞ୍ଚିଲେ ଯୋଗୀ ସରକାରଙ୍କ ସରକାରୀ ସୈନ୍ୟ, ୩୦ ଜଣ ଉପଦ୍ରବୀ ଗଲେ ହାଜତ,ରିପୋର୍ଟ ମାଗିଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ

ବହରାଇଚ, ୟୁପିରେ ସାମ୍ପ୍ରଦାୟିକ ଉତ୍ତେଜନା ପରିସ୍ଥିତି ଲାଗିରହିଛି, ଦ୍ବିତୀୟ ଦିନରେ ଇଣ୍ଟରନେଟ୍ ସେବା ବନ୍ଦ

ବହରାଇଚ୍ ପ୍ରସଙ୍ଗରେ ନିଜେ ମୁଖ୍ୟମନ୍ତ୍ରୀ ସମସ୍ତ ଭାର ନେଇଛନ୍ତି । ଅନ୍ୟପଟେ ବହରାଇଚ୍ ଉପରେ ରିପୋର୍ଟ ମାଗିଛନ୍ତି ମୁଖ୍ୟମନ୍ତ୍ରୀ। ବହରିଚଙ୍କ ରିପୋର୍ଟ ସନ୍ଧ୍ୟା ସୁଦ୍ଧା ମୁଖ୍ୟମନ୍ତ୍ରୀ ପାଖକୁ ଆସିବ। ଯଦି ସେ ଏହି ରିପୋର୍ଟରେ ସନ୍ତୁଷ୍ଟ ନୁହଁନ୍ତି ତେବେ ଡିଜିପି ଏବଂ ସିଏସ୍ ଘଟଣାସ୍ଥଳକୁ ଯିବେ। ସୂଚନାନୁସାରେ, ମୁଖ୍ୟମନ୍ତ୍ରୀ ଜିଲ୍ଲା ମାଜିଷ୍ଟ୍ରେଟଙ୍କ ସହ କଥା ହୋଇଛନ୍ତି।

ଗୃହ ସଚିବ ସଞ୍ଜୀବ ଗୁପ୍ତା, ଏଡିଜି ଏଲ ଆଣ୍ଡ ଲ ଅମିତାଭ ୟଶ ବହରାଇଚ ମାମଲାରେ ପହଞ୍ଚିଛନ୍ତି। ସଞ୍ଜୀବ ଗୁପ୍ତା ଗୃହ ସଚିବ ଅଟନ୍ତି। ମୁଖ୍ୟ ଶାସନ ସଚିବ ସଞ୍ଜୟ ପ୍ରସାଦ ସୂଚନା ଦେଇଛନ୍ତି। ତିରିଶ ଜଣ ଦୁଷ୍କର୍ମକାରୀଙ୍କୁ ଗିରଫ କରାଯାଇଥିଲା। ମୁଖ୍ୟମନ୍ତ୍ରୀ ଯୋଗୀଙ୍କ ନିର୍ଦ୍ଦେଶରେ ଗୃହ ସଚିବ ସଞ୍ଜୀବ ଗୁପ୍ତା ଏବଂ adg ଲ ଏବଂ ଅର୍ଡର ଘଟଣାସ୍ଥଳରେ ପହଞ୍ଚିଥିଲେ |

ଡେପୁଟି ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଲେଖିଛନ୍ତି ଯେ ଉତ୍ତରପ୍ରଦେଶର ଶାନ୍ତି ଏବଂ ପ୍ରଗତିକୁ ନଷ୍ଟ କରିବାକୁ କୌଣସି ଷଡଯନ୍ତ୍ର ସଫଳ ହେବ ନାହିଁ। ଯେଉଁମାନେ ଦଙ୍ଗାକାରୀଙ୍କୁ ସୁରକ୍ଷା ଦେଉଛନ୍ତି ସେମାନେ ପୁଣି ଥରେ ସକ୍ରିୟ ହେବାକୁ ଯାଉଛନ୍ତି, କିନ୍ତୁ ଆମକୁ ସତର୍କ ଏବଂ ସଜାଗ ରହିବାକୁ ପଡିବ | ରାଜ୍ୟର ଉଜ୍ଜ୍ୱଳ ଭବିଷ୍ୟତକୁ ଟାମ୍ପରିଂ କରିବାକୁ ଦିଆଯିବ ନାହିଁ। ଅପରାଧୀଙ୍କୁ ଆଇନର ଆଭିମୁଖ୍ୟରେ ଅଣାଯିବ ଏବଂ କଠୋର ଦଣ୍ଡ ଦିଆଯିବ ଏବଂ ପୀଡିତାଙ୍କୁ ସମ୍ପୂର୍ଣ୍ଣ ନ୍ୟାୟ ମିଳିବ। ଶାନ୍ତି ଏବଂ ଧର୍ଯ୍ୟ ବଜାୟ ରଖିବାକୁ ମୁଁ ସମସ୍ତ ନାଗରିକଙ୍କୁ ନିବେଦନ କରୁଛି |

ଆଜି ସନ୍ଧ୍ୟାରେ ଡିଜିପି ବହରାଇଚ୍ ଯାଇପାରନ୍ତି, ତାଙ୍କ ସହିତ ମୁଖ୍ୟ ଶାସନ ସଚିବ ମନୋଜ ସିଂ ମଧ୍ୟ ତାଙ୍କ ସହ ଯିବାର ସମ୍ଭାବନା ଅଛି | ଏସିଏସ୍ ହୋମ୍ ଦୀପକ କୁମାର, ଏଡିଜି ଏଲ ଆଣ୍ଡ ଲ ଅମିତାଭ ୟଶ ଘଟଣାସ୍ଥଳରେ ପହଞ୍ଚିଥିଲେ।

କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଭଦ୍ରା ସୋସିଆଲ ମିଡିଆ ସାଇଟରେ ଲେଖିଛନ୍ତି ତୁରନ୍ତ ପଦକ୍ଷେପ ନେବାକୁ, ଜନସାଧାରଣଙ୍କୁ ଆତ୍ମବିଶ୍ୱାସରେ ନେବାକୁ ଏବଂ ହିଂସା ବନ୍ଦ କରିବାକୁ ମୁଁ ରାଜ୍ୟ ମୁଖ୍ୟମନ୍ତ୍ରୀ ଏବଂ ରାଜ୍ୟ ପ୍ରଶାସନକୁ ନିବେଦନ କରୁଛି। ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍। ଜନସାଧାରଣଙ୍କୁ ମୋର ଆନ୍ତରିକ ଆବେଦନ ହେଉଛି ଦୟାକରି ଆଇନକୁ ନିଜ ହାତକୁ ନ ନିଅନ୍ତୁ ଏବଂ ଶାନ୍ତି ବଜାୟ ରଖନ୍ତୁ |