Blog

‘ଜୁଲୁ’କୁ ଝୁରୁଛି ‘ପମ୍ପେଟା’

ନନ୍ଦନକାନନ ପ୍ରାଣୀ ଉଦ୍ୟାନରେ ବୁଢା ସିମ୍ପାଞ୍ଜି ଆଖି ବୁଝିଲା ପରେ ବୁଢ଼ୀ ଝୁରୁଥିବା ଭଳି ସ୍ପର୍ଶକାତର କରୁଣ ଦୃଶ୍ୟ ଦେଖିବାକୁ ମିଳୁଛି ନନ୍ଦନକାନନ ପ୍ରାଣୀ ଉଦ୍ୟାନର ସିମ୍ପାଞ୍ଜି ଘରେ I ଗତ ଡିସେମ୍ବର ୩୦ ତାରିଖରେ ସିମ୍ପାଞ୍ଜି ପରିବାରର ମୁଖିଆ ୩୬ ବର୍ଷିୟ ବୁଢା ‘ଜୁଲୁ’ ବାର୍ଦ୍ଧକ୍ୟ ଜନିତ କାରଣରୁ ସବୁଦିନ ପାଇଁ ବିଦାୟ ନେଇଛି I ଜୁଲୁ ଚାଲିଯିବା ପରେ ତାର ଜୀବନ ସାଥୀ ବୁଢ଼ୀ ସିମ୍ପାଞ୍ଜି ‘ପମ୍ପେଟା’ ତାକୁ ଝୁରି ହେଉଛି I ଆଗ ଭଳି ଖୁଆଡ଼ ଆଗ ପାଖ ହତାକୁ ଆସିବାକୁ ଇଛା କରୁନାହିଁ I ଆଖି ଛଳ ଛଳ କରି ଏଣେ ତେଣେ ଚାହୁଁଛି,ମୁଣ୍ଡରେ ହାତ ଦେଇ ବସୁଛି I

ବନ୍ୟପ୍ରାଣୀ ହେଲେ ବି, ଭାବ ଭଙ୍ଗରୁ ସ୍ପଷ୍ଟ ଭାବେ ତା ଅନ୍ତରର ଭାବ ଆବେଗ ବାରି ହୋଇପଡୁଛି ସେ କେତେ ଦୁଖୀ I ଦେଖିଲେ ଲାଗୁଛି ‘ଜୁଲୁ’ ସହିତ ନନ୍ଦନକାନନରେ ବିତାଇ ଥିବା ଦୀର୍ଘ ୩୨ ବର୍ଷର ଅତୀତକୁ ଭୁଲି ନପାରି ମନେ ପକାଉଛି I ଜୁଲୁ ସହ ମିଳନରୁ ୯ ଥର ଗର୍ଭଧାରଣ କରି ଶାବକ ଜନ୍ମ ଦେଇଛି I

ରେ ସମସ୍ତ ଜନ୍ମିତ ୧୨ ଶାବକ ଜୁଲୁ ଓ ପମ୍ପେଟାଙ୍କ ରକ୍ତଜ I ଏମାନଙ୍କ ମଧ୍ୟରୁ କାର୍ତ୍ତିକ ଓ ସୁଭଦ୍ରା ଜିରାଫ ବଦଳରେ ପାଟନା ଯାଇଥିବାବେଳେ ବର୍ଷା, ଜିନ ଓ କୁଇନ ମୃତ୍ୟୁ ହୋଇ ଥିଲା ଏବେ ଜୁଲୁର ମୃତ୍ୟୁ ପରେ ୩୫ବର୍ଷିୟ ପମ୍ପେଟା ପରିବାରର ମୁଖିଆ I ତା ଉପରେ ପରିବାରର ବୋଝ ୫ଟି ମାଈ ଓ ଲିଙ୍ଗ ଚିହ୍ନଟ ହୋଇନଥିବା ଶାବକ ଏକମାତ୍ର ୪ ବର୍ଷର ଅଣ୍ଡିରା ‘ରାଜା’ ନିୟନ୍ତ୍ରଣ କରି ପରିବାରକୁ ସମ୍ଭାଳିବ ଓ ଆଗକୁ ବଢାଇବାର ଦାୟିତ୍ୱ ପମ୍ପେଟା ଉପରେ I

ସୂଚନାନୁଯାୟୀ ନନ୍ଦନକାନନରେ ଏବେ ୭ଟି (୫ ମାଈ,୧ ଅଣ୍ଡିରା ଓ ଗୋଟେ ଲିଙ୍ଗ ଚିହ୍ନଟ ହୋଇନଥିବା ଶାବକ) ସିମ୍ପାଞ୍ଜି ରହିଛନ୍ତି I ଗତ ୧୯୯୪ ମସିହା ଜୁନ ୧୬ ତାରିଖରେ ୪ ବର୍ଷର ହୋଇଥିବା ଜୁଲୁ ଓ ୩ ବର୍ଷର ହୋଇଥିବା ଅବସ୍ଥାରେ ପମ୍ପେଟାକୁ ସିଙ୍ଗାପୁର ଚିଡ଼ିଆଖାନାରୁ ନଦନକାନନକୁ ଅଣାଯାଇଥିଲା I
ପ୍ରବାସୀ ଭାରତୀୟ ଦିବସରେ ‘ବନ୍ଦେ ଉତ୍କଳ ଜନନୀ’ ଗାନ ନହେବା ଓଡିଶାକୁ ଅସମ୍ମାନ

ପ୍ରବାସୀ ଭାରତୀୟ ଦିବସରେ ଓଡ଼ିଶାର ଜାତୀୟତାକୁ ସମ୍ମାନ ଜଣାଇ ପ୍ରଥମେ ‘ବନ୍ଦେ ଉତ୍କଳ ଜନନୀ ‘ ସଂଗୀତ ଗାନ କରାଯାଇନଥିବାରୁ ଓଡିଶା ପ୍ରତି ଘୋର ଅସମ୍ମାନ ହୋଇଛି ବୋଲି ସିପିଆଇ(ଏମ) ଓଡିଶା ରାଜ୍ୟ କମିଟି ଅଭିଯୋଗ କରିଛି I ରାଜ୍ୟ ସମ୍ପାଦକ ସୁରେଶ ଚନ୍ଦ୍ର ପାଣିଗ୍ରାହୀ ଓଡ଼ିଆ ଅସ୍ମିତାର କଥା କହୁଥିବା ବିଜେପି ସରକାରର ଏହା ସଂକୀର୍ଣ୍ଣ ମାନସିକତା ବୋଲି କହିଛନ୍ତି I

‘ବନ୍ଦେ ଉତ୍କଳ ଜନନୀ ‘ ସଂଗୀତକୁ ଭୁଲିଯାଇ ପ୍ରବାସୀ ଭାରତୀୟଙ୍କ ସଂଗୀତକୁ ଅଗ୍ରାଧିକାର ଦିଆଯିବା, ପ୍ରତି ଓଡ଼ିଆଙ୍କର ସ୍ୱାଭିମାନକୁ କ୍ଷୁର୍ଣ୍ଣ କରିଛି I ପ୍ରବାସୀ ଭାରତୀୟଙ୍କ ଅସଲ ଉଦେଶ୍ୟ, ଆମ ରାଜ୍ୟର ଖଣିଜ ସମ୍ପଦକୁ କପୋର୍ରେଟ ହାଉସ ହାତରେ ଶସ୍ତା ଦରରେ ଟେକିଦେବା Iସମ୍ମେଳନରେ ଓଡିଶା ପ୍ରତି ଅସମ୍ମାନ ପ୍ରଦର୍ଶନ ପାଇଁ ମୁଖ୍ୟମନ୍ତ୍ରୀ ଓଡିଶାବାସୀଙ୍କ ପାଖରେ କ୍ଷମା ମାଗନ୍ତୁ ବୋଲି ସିପିଆଇ(ଏମ) ଦାବି କରିଛି I
ଖୁବଶୀଘ୍ର କମିସନରେଟ ପୋଲିସ ହାତରେ ଧରାପଡିବ ଲକ୍ଷ୍ମୀଧର

ବହୁଚର୍ଚ୍ଚିତ ସହଦେଵ ନାୟକ ହତ୍ୟାକାଣ୍ଡ ଘଟଣାରେ ହତ୍ୟାକାରୀ ଲକ୍ଷ୍ମୀଧରକୁ ନେଇ କ୍ରାଇମ ସିନ ରିକ୍ରିଏଟ କରିଛି କମିସନରେଟ ପୋଲିସ । ଏଥିପାଇଁ ଦୟାନଦୀ କୂଳରେ ହତ୍ୟାକାଣ୍ଡରେ ବ୍ୟବହୃତ ବ୍ୟାଗକୁ ପ୍ରଦର୍ଶିତ କରିଥିଲା ଲକ୍ଷ୍ମୀଧର । କୁହାଯାଉଛି, ଏହି ବ୍ୟାଗରେ ହତ୍ୟାକାଣ୍ଡରେ ବ୍ୟବହୃତ ଧାରୁଆ ଅସ୍ତ୍ର ଲୁଚାଇରଖି ଲିପିକା ଓ ଲକ୍ଷ୍ମୀଧର ଦୟାନଦୀରେ ଫିଙ୍ଗି ଦେଇଥିଲା ।
ସାଟେଲାଇଟ ଡକିଂ ଅଭିଯାନ ସ୍ଥଗିତ କଲା ଇସ୍ରୋ

ଇସ୍ରୋର ପ୍ରଥମ ସାଟେଲାଇଟ ଡକିଂ ଅଭିଯାନ ସ୍ଥଗିତ। ଦୁଇ ସାଟେଲାଇଟ ମଧ୍ଯରେ ଗତିଜନିତ ସମସ୍ଯା ପରିଲକ୍ଷିତ ହେବା ପରେ ଏହି ନିଷ୍ପତ୍ତି ନେଇଛି ଇସ୍ରୋ। ଗତ ଜାନୁଆରୀ ୭ରେ ଏହି ପ୍ରକ୍ରିୟା ଆରମ୍ଭ ହେବାକୁ ଥିଲା ହେଲେ ପରେ ଏହାକୁ ସ୍ଥଗିତ ରଖାଯାଇଥିଲା । ଭବିଷ୍ୟତର ଅନେକ ମିଶନ ସମେତ ଚନ୍ଦ୍ରଯାନ-୪ ଦିଗରେ ଏହି ଅଭିଯାନ ସହାୟତା କରିବ ବୋଲି ଲକ୍ଷ୍ଯ ରହିଛି। ସ୍ପେସ ଡକିଂ ଏକ୍ସପେରିମେଣ୍ଟ ବା ସ୍ପେଡେକ୍ସ ସାଟେଲାଇଟ କ୍ଷେତ୍ରରେ କୌଣସି ପ୍ରତିବନ୍ଧକ ସୃଷ୍ଟି ହେବ ନାହିଁ ବୋଲି କହିଥିଲା ଇସ୍ରୋ । ଗତ ଡିସେମ୍ବର ୩୦ରେ ଇସ୍ରୋ ପକ୍ଷରୁ ପ୍ରେରଣ କରାଯାଇଥିଲା ଦୁଇଟି ଚେଜର ଓ ଟାର୍ଗେଟ ସ୍ପେଡେସ୍କ ସାଟେଲାଇଟ ।

ସ୍ପେଡେକ୍ସ ଲଞ୍ଚ ହେବା ପରେ ଏହାର ଡକିଂ ଉପରେ ଗୁରୁତ୍ବ ଦିଆଯାଉଥିଲା ଯାହାକି ବିଭିନ୍ନ ପର୍ଯ୍ୟାୟ ଉପରେ ନିର୍ଭର କରିଥାନ୍ତା । ଦୁଇଟି ଯାକ ସାଟେଲାଇଟକୁ ମନିଟରିଂ କରିବା ଲାଗି ବିଭିନ୍ନ ଗ୍ରାଉଣ୍ଡ ଷ୍ଟେସନକୁ ବ୍ୟବହାର କରାଯାଇଥାନ୍ତା । ସେକଣ୍ଡ ପ୍ରତି ୧୦ ମିଲିମିଟର ଗତିରେ ଚେଜର ସାଟେଲାଇଟ ଟାର୍ଗେଟ ସାଟେଲାଇଟରେ ପ୍ରବେଶ କରିବା ଲକ୍ଷ୍ଯ ରହିଥିଲା । ଥରେ ଦୁଇଟି ଯାକ ଉପଗ୍ରହ ପରସ୍ପର ସହ ସଂଯୁକ୍ତ ହେଲେ ଏହା ଏକ ସିଙ୍ଗଲ ୟୁନିଟରେ ପରିଣତ ହୋଇଥାନ୍ତା। ହେଲେ ଏହି ଅଭିଯାନକୁ ସ୍ତଗିତ ରଖାଯାଇଛି।
ଜଳୁଛି ଜଙ୍ଗଲ, ଜଙ୍ଗଲରେ କାୟା ମେଲାଇଛି ନିଆଁ

ଆମେରିକା କାଲିଫର୍ଣ୍ଣିଆରେ ହୁତୁହୁତୁ ହୋଇ ଜଳୁଛି ଲସ୍ ଏଞ୍ଜଲ୍ସ ଜଙ୍ଗଲ । ଧିରେ ଧିରେ ନିଆଁ ସହର ଆଡକୁ ବ୍ଯାପିବାରେ ଲାଗିଲାଣି । ଏହି ଜଙ୍ଗଲ ପୋଡିରେ ବର୍ତ୍ତମାନ ପର୍ଯ୍ଯନ୍ତ ୫ ଜଣଙ୍କର ମୃତ୍ଯୁ ହୋଇଥିବାବେଳେ ଅନେକ ଆହାତ ହୋଇଛନ୍ତି । ପାଖାପାଖି ୭୦ ହଜାର ଲୋକଙ୍କୁ ରେସକ୍ଯୁ କରି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ନିଆଁ ପ୍ରାୟ 5 ହଜାର ଏକର ଜଙ୍ଗଲରେ କାୟା ମେଲାଇଛି । ଏକ ହଜାରରୁ ଅଧିକ ଘର ଜଳିପୋଡି ପାଉଁଶ ହୋଇଯାଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁଯାୟୀ ଅତ୍ଯାଧିକ ପବନ ପାଇଁ ନିଆଁ ଚାରିଆଡେ ବ୍ଯାପିବାରେ ଲାଗିଛି , ଫଳରେ ଅଗ୍ନୀଶମ ବାହୀନିକୁ ନିଆଁ ଲିଭଆଇବାରେ ଅସୁବିଧା ହେଉଛି । ମାତ୍ର ସମସ୍ତ କର୍ମଚାରୀ ପ୍ରାଣପଣେ ନିଆଁ ଲିଭାଇବା ପାଇଁ ଚେଷ୍ଟା କରୁଛନ୍ତି । ଜଳୁଥଇବା ନିଆଁରେ ଅନେକ ଗୁଡିଏ ଜଙ୍ଗଲୀ ଜନ୍ତୁଙ୍କର ଜୀବନ ମଧ୍ଯ ଗଲାଣି । ତେବେ ନିଆଁର ଏତେ ଦୃତ୍ତଗତିରେ ବ୍ଯାପୁଛିଯେ ଆଗାମୀ ଦିନରେ ସ୍ଥିତି ଆହୁରି ବିଗିଡିବା ନେଇ ଆଶଙ୍କା କରାଯାଉଛି …
ଆଜି ପବିତ୍ର ଶାମ୍ବ ଦଶମୀ, କାହିଁକି ହୁଏ ଶାମ୍ବ ଦଶମୀ ?

ସକାଳୁ ସକାଳୁ ଚନ୍ଦ୍ରଭାଗାରେ ହଜାର ହଜାର ଶ୍ରଦ୍ଧାଳୁ ଓ ପର୍ଯ୍ୟଟକ ସୂର୍ଯ୍ୟୋଦୟ ଦର୍ଶନ କରିଛନ୍ତି । ଶାମ୍ବ ଦଶମୀ ଅବସରରେ କୋଣାର୍କରେ ସୂର୍ଯ୍ୟ ରଥଯାତ୍ରା ଓ ସୌର ମହାଯଜ୍ଞ ଅନୁଷ୍ଠିତ ହେଉଛି। ସୂର୍ଯ୍ୟ ରଥଯାତ୍ରା ୨୭ ଦିନ ଯାଏ ଚନ୍ଦ୍ରଭାଗାରେ ଅନୁଷ୍ଠିତ ହେବ। ଏହାକୁ ଦେଖିବାକୁ କୋଣାର୍କକୁ ପର୍ଯ୍ୟଟକଙ୍କ ସୁଅ ଛୁଟିବ ।

ପୌରାଣିକ କଥା ଅନୁସାରେ,
ଏହି ଦଶମୀକୁ ଶାମ୍ବ ଦଶମୀ, ଗାଁ ଗହଳରେ ସମ୍ବର ଦଶମୀ ବୋଲି କୁହାଯାଏ । ଶ୍ରୀକୃଷ୍ଣଙ୍କ ସବୁ ପୁତ୍ର ମଧ୍ୟରେ ଜାମ୍ବବତୀ ଗର୍ଭଜାତ ଶାମ୍ବ ଅତ୍ୟନ୍ତ ସୁନ୍ଦର ଥିଲେ । ଦୁର୍ଯ୍ୟୋଧନଙ୍କ କନ୍ୟା ଲକ୍ଷଣାଙ୍କୁ ଶାମ୍ବ ଅପହରଣ କରି ବିବାହ କରିଥିଲେ। ଅନ୍ତଃପୁର ମଧ୍ୟରେ ଶ୍ରୀକୃଷ୍ଣ ସତ୍ୟଭାମାଙ୍କ ସହ ପ୍ରେମାଳାପରେ ମଗ୍ନଥିବା ବେଳେ ଦ୍ୱାର ଦେଶରେ ଶାମ୍ବଙ୍କୁ ଜଗାଇ ଆଦେଶ ଦେଇଥିଲେ- କାହାକୁ ଅନ୍ତଃପୁରକୁ ନ ଛାଡ଼ିବା ପାଇଁ । ତେବେ ଏ ସମୟରେ ମହର୍ଷି ଦୁର୍ବାସା ଦ୍ୱାରଦେଶରେ ପହଞ୍ଚିଲେ ଶ୍ରୀକୃଷ୍ଣଙ୍କୁ ଦର୍ଶନ କରିବାପାଇଁ ଚାହିଁଲେ । ଶାମ୍ବ ମହର୍ଷି ଦୁର୍ବାସା ଋଷିଙ୍କ କ୍ରୋଧରେ ଭୟଭୀତ ହୋଇ ଶ୍ରୀକୃଷ୍ଣଙ୍କୁ ଡାକି ଦେଇଥିଲେ । ଫଳରେ ଶ୍ରୀକୃଷ୍ଣ ଶାମ୍ବଙ୍କୁ କୁଷ୍ଠ ରୋଗର ଅଭିଶାପ ଦେଇଥିଲେ ।

ଶ୍ରୀକୃଷ୍ଣ ପୁତ୍ରକୁ ଅଭିଶାପ ଦେଇ ଅନୁତପ୍ତ ହୋଇ ଦୁର୍ବାସାଙ୍କୁ ପୁତ୍ର ଶାମ୍ବର କୁଷ୍ଠ ମୁକ୍ତି ଉପାୟ ପଚାରିବାରୁ ଦୁର୍ବାସା ଅର୍କକ୍ଷେତ୍ର କୋଣାର୍କ କଥା କହି ଶାମ୍ବଙ୍କୁ ସେ କ୍ଷେତ୍ରରେ ସୂର୍ଯ୍ୟପୂଜା କରିବା ପାଇଁ ନିର୍ଦ୍ଦେଶ ଦେଲେ । ତା ପରେ ଦେବର୍ଷି ନାରଦଙ୍କ ସହ ଶାମ୍ବ ପୁଣ୍ୟଧାମ ଚନ୍ଦ୍ରଭାଗା ତୀରରେ ପ୍ରବେଶ କଲେ । ସେହି ଦିନ ଥିଲା ପୌଷମାସ ଶୁକ୍ଳ ପକ୍ଷ ଦଶମୀ ତିଥି ।

କୃଷ୍ଣଙ୍କ ପୁତ୍ର ଶାମ୍ବ ବ୍ୟାଧି ମୁକ୍ତି ପାଇଁ କୋଣାର୍କ ତଥା ତତ୍କାଳୀନ ମୈତ୍ରେୟ ବନରେ ସୂର୍ଯ୍ୟ ଉପାସନା କରିଥିଲେ। ଆଜିର ଦିନରେ ଶାମ୍ବ ଚନ୍ଦ୍ରଭାଗାରେ ସ୍ନାନ କରି ସୂର୍ଯ୍ୟଙ୍କୁ ପୂଜା କରି ବ୍ୟାଧି ମୁକ୍ତ ହୋଇଥିଲେ। ତେବେ ଶାମ୍ବ ହିଁ ପ୍ରଥମେ ସୂର୍ଯ୍ୟନାରାୟଣଙ୍କ ବିଗ୍ରହ ପୂଜା ଆରମ୍ଭ କରି ସୂର୍ଯ୍ୟ ରଥ ଯାତ୍ରା ଆରମ୍ଭ କରିଥିଲେ।
ତିରୁପତି ମନ୍ଦିରରେ ଦଳାଚକଟା, ଛଅ ମୃତ ଶତାଧିକ ଆହତ

ଆନ୍ଧ୍ରପ୍ରଦେଶର ପ୍ରସିଦ୍ଧ ତିରୁପତି ମନ୍ଦିରରେ ଦଳାଚକଟା ହୋଇ ତାମିଲନାଡୁ ସାଲେମ ଜିଲ୍ଲାର ଜଣେ ମହିଳାଙ୍କ ସମେତ ୬ ଜଣଙ୍କର ମୃତ୍ୟୁ ହୋଇଛି ଓ ଶତାଧିକ ଆହତ ହୋଇଛନ୍ତି I ବୈକୁଣ୍ଠ ଏକାଦଶୀ ଏବଂ ବୈକୁଣ୍ଠ ଦ୍ୱାର ଦର୍ଶନ ଉପଲକ୍ଷେ ଶ୍ରୀନିବାସମ ବୈରାଗୀପେଟାଡା ରାମାନାଇଡ଼ୁ ସ୍କୁଲ ଓ ସତ୍ୟନାରାୟଣପୁରମ ନିକଟରେ ଆଗୁଆ ଟିକେଟ ବିକ୍ରି କରାଯିବାକୁ ଘୋଷଣା କରାଯାଇଥିଲା I ବୈରାଗୀପେଟାଡା ପାର୍କ ନିକଟ ବୈକୁଣ୍ଠ ଦ୍ୱାର ଦର୍ଶନ ଟିକେଟ କେନ୍ଦ୍ରରେ ଆଜି ପୁର୍ବାହ୍ନରୁ ଶ୍ରଦ୍ଧାଳୁଙ୍କ ଲମ୍ବା ଲାଇନ ଲାଗିଥିଲା I ରାତିରେ ଭିଡ଼ ଅସମ୍ଭ ଭାବେ ବୃଦ୍ଧି ପାଇବାରୁ ଦଳାଚକଟା ସ୍ଥିତି ସୃଷ୍ଟି ହୋଇଥିଲା I

ଏହି ଘଟଣାରେ ତିରୁମାଲା ତିରୁପତି ଡେଵସ୍ଥାନମ ବୋର୍ଡ ଅଧ୍ୟକ୍ଷ ବିଆର ନାଇଡୁଙ୍କ ଅଧକ୍ଷତାରେ ଏନେଇ ଏକ ଜରୁରୀ ବୈଠକ ଅନୁଷ୍ଠିତ ହୋଇଛି I ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଘଟଣାରେ ଶୋକ ପ୍ରକାଶ କରିଛନ୍ତି I ଦଳାଚକଟା ସମ୍ପର୍କରେ ସେ ମନ୍ଦିର ପରିଚାଳନା କର୍ତ୍ତୁପକ୍ଷଙ୍କ ସହ ଫୋନରେ କଥାବାର୍ତ୍ତା କରିଛନ୍ତି I ଆହତଙ୍କୁ ଉପଯୁକ୍ତ ଚିକିତ୍ସା ଉପଲବ୍ଧ କରାଇବାକୁ ମୁଖ୍ୟମନ୍ତ୍ରୀ ନିର୍ଦେଶ ଦେଇଛନ୍ତି I
ବେଳାଭୂମିରେ ପ୍ରବାସୀ ଭାରତୀୟ, ଉତ୍ସବମୁଖର ପୁରୀ ସହର

ପ୍ରବାସୀ ଭାରତୀୟ ଦିବସ ପାଇଁ ଉତ୍ସବ ମୁଖର ପୁରୀ ସହର। ପ୍ରବାସୀ ଭାରତୀୟଙ୍କୁ ସ୍ବାଗତ କରିବା ପାଇଁ ସାରା ସହର ସଜେଇ ହୋଇଥିବା ବେଳେ ପୁରୀ ବେଳାଭୂମିରେ ବିଚ ଫେଷ୍ଟିଭାଲ ଉଦ୍‌ଘାଟିତ ହୋଇଛି । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ମୁଖ୍ୟ ଅତିଥି ଭାବେ ଯୋଗ ଦେଇ ବିଚ୍ ଫେଷ୍ଟିଭାଲ ଉଦ୍‌ଘାଟନ କରିଛନ୍ତି । ସେ କହିଛନ୍ତି, ୧୮ ତମ ପ୍ରବାସୀ ଭାରତୀୟ ଦିବସ ଓଡିଶାର ଭୁବନେଶ୍ବରରେ ଆୟୋଜିତ ହେଉଥିଲେ ମଧ୍ୟ ପୁରୀ ସମସ୍ତ ପ୍ରବାସୀଙ୍କ ପାଇଁ ଆକର୍ଷଣର କେନ୍ଦ୍ର ସାଜିଛି । ମହାପ୍ରଭୁଙ୍କ ଦର୍ଶନ ସହ ସ୍ବର୍ଣ୍ଣିମ ବେଳାଭୂମି ର ବ୍ଲୁ ଫ୍ଲାଗ ବିଚ, କଳାଗ୍ରାମ ରଘୁରାଜପୁର,ଅପରୂପା ଚିଲିକା ସାତପଡ଼ା, ସୂର୍ଯ୍ୟ ମନ୍ଦିର କୋଣାର୍କ, ରାମଚଣ୍ଡୀ, ପିପିଲି ର ପ୍ରସିଦ୍ଧ ଚାନ୍ଦୁଆ ସେମାନଙ୍କ ପାଇଁ ଉତ୍ସାହ ଆଣିବ । ଏହା କେବଳ ପ୍ରବାସୀ ନୁହେଁ ଆମ ନିଜ ଦେଶର ଲୋକ ମାନଙ୍କୁ ମଧ୍ୟ ଆକୃଷ୍ଟ କରିଛି ।

ପୁରୀର ପ୍ରଚାର ପ୍ରସର ହୋଇ ପାରିଲେ ବିଦେଶୀ ଅତିଥିଙ୍କ ସଂଖ୍ୟା ବଢ଼ିବ । ପୁରୀ ବୁଲିବାକୁ ଆସୁଥିବା ପ୍ରବାସୀମାନେ ଆମର ବଳିଷ୍ଟ ମାଧ୍ୟମ ପାଲଟିବେ । ତେବେ ପ୍ରବାସୀ ଭାରତୀୟଙ୍କ ପାଇଁ ପୁରୀକୁ ସୁନ୍ଦର କରିବା ସହ ସେମାନଙ୍କୁ ଉତ୍ତମ ଆତିଥେୟତା ଦେବା ଆମର କର୍ତବ୍ୟ ବୋଲି ଶ୍ରୀମତି ପରିଡ଼ା କହିଛନ୍ତି । ଏହି ଅବସରରେ ଶ୍ରୀମତି ପରିଡ଼ା ନିମାପଡ଼ାରୁ ପୁରା ଆସିବା ବେଳେ ରାସ୍ତାରେ ଉଗାଣ୍ଡାରେ ରହୁଥିବା ପ୍ରବାସୀ ଭାରତୀୟଙ୍କୁ ଭେଟି ତାଙ୍କ ସହ ସମୟ ଅତିବାହିତ କରିଥିବା ଅନୁଭୂତି ବଖାଣି ଥିଲେ ।

ପୁରୀ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ମହୋତ୍ସବରେ ପିପିଲି ବିଧାୟକ ଆଶ୍ରିତ ପଟ୍ଟନାୟକ, ସତ୍ୟବାଦୀ ବିଧାୟକ ଓମ୍ ପ୍ରକାଶ ମିଶ୍ର, ବ୍ରହ୍ମଗିରି ବିଧାୟିକା ଉପାସନା ମହାପାତ୍ର ଓ ପୁରୀ ବିଧାୟକ ସୁନିଲ କୁମାର ମହାନ୍ତି ପ୍ରମୁଖ ଯୋଗ ଦେଇ ପ୍ରବାସୀ ଭାରତୀୟ ମାନଙ୍କ ସମ୍ମାନାର୍ଥେ ଆୟୋଜିତ ଏହି ସମାରୋହ ଆମ ସଂସ୍କୃତି, ଐତିହ୍ୟ ଓ ଗୌରବକୁ ପୁନର୍ଜିବିତ କରିଛି ବୋଲି କହିଥିଲେ |ପ୍ରାରମ୍ଭରେ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ସମସ୍ତଙ୍କୁ ସ୍ବାଗତ କରିଥିଲେ । ଶେଷରେ ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ ଧନ୍ୟବାଦ ଅର୍ପଣ କରିଥିଲେ । ଆକର୍ଷଣୀୟ ଡ୍ରୋନ ସୋ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଶତାଧିକ ଡ୍ରୋନ ସଜେଇ ହୋଇ ରଥଯାତ୍ରାଠାରୁ ଆରମ୍ଭ କରି କୋଣାର୍କ ଚକ୍ର ପ୍ରଦର୍ଶିତ କରିଥିଲେ |ହଜାର ହଜାର ପାର୍ଯ୍ୟଟକ ବେଳାଭୂମିରେ ଏହି ଡ୍ରୋନ ସୋ ର ମଜା ନେଇଥିଲେ |
ଅଡୁଆରେ ଶେଖ୍ ହସିନା, ପାସପୋର୍ଟ ରଦ୍ଦ କଲେ ବାଂଲାଦେଶର ଅନ୍ତରୀଣ ସରକାର

ଶେଖ୍ ହସିନାଙ୍କ ପାଇଁ ବଢ଼ିଲା ଅଡ଼ୁଆ। ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନା ଏବେ ଅଡ଼ୁଆରେ ପଡିଛନ୍ତି । କାରଣ ଦେଶର ଅନ୍ତରୀଣ ସରକାର ଶେଖ୍ ହସିନାଙ୍କ ପାସପୋର୍ଟ ରଦ୍ଦ କରିଛନ୍ତି । ଶେଖ୍ ହସିନାଙ୍କ ବ୍ୟତୀତ ୯୬ ଜଣଙ୍କ ପାସପୋର୍ଟ ବାତିଲ କରାଯାଇଛି । ସେମାନଙ୍କ ମଧ୍ୟରୁ ଅଧିକାଂଶ ଆୱାମୀ ଲିଗ୍ ସହ ଜଡ଼ିତ ନେତା ଓ ବ୍ୟବସାୟୀ ବି ରହିଛନ୍ତି । ଜୁଲାଇ ମାସରେ ବିକ୍ଷୋଭ ସମୟରେ ନିଖୋଜ କରିବା ଏବଂ ଲୋକଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ପାସପୋର୍ଟ ରଦ୍ଦ ପରେ ଯଦି ଶେଖ୍ ହସିନା ଭାରତ ଛାଡ଼ି ବାଂଲାଦେଶ ଯିବାକୁ ଚେଷ୍ଟା କରନ୍ତି ତେବେ ତାଙ୍କୁ ତୁରନ୍ତ ଗିରଫ କରାଯିବ ବୋଲି ସ୍ପଷ୍ଟ ହୋଇଛି । ଏହା ପୂର୍ବରୁ ଗତ ମଙ୍ଗଳବାର ସକାଳେ ଶେଖ ହସିନା ଓ ଅନ୍ୟ ୧୫ ଜଣଙ୍କ ବିରୋଧରେ ଅନ୍ତର୍ଜାତୀୟ ଅପରାଧ ଟ୍ରିବ୍ୟୁନାଲରେ ଆଉ ଏକ ଅଭିଯୋଗ ଦାଖଲ କରାଯାଇଥିଲା।

୨୦୨୧ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାଂଲାଦେଶ ଗସ୍ତ ସମୟରେ ହୋଇଥିବା ଗୁଳିକାଣ୍ଡ ଘଟଣାକୁ ଏଥିରେ ଦର୍ଶାଯାଇଛି। ଶଫିକୁଲ ଇସଲାମ ମୁଫତିଙ୍କ ଦ୍ୱାରା ଦାଖଲ ହୋଇଥିବା ଅଭିଯୋଗରେ କୁହାଯାଇଛି ଯେ ୨୦୨୧ରେ ଯେତେବେଳେ ପ୍ରଧାନମନ୍ତ୍ରୀ ମୋଦୀ ଆସିଥିଲେ, ସେତେବେଳେ ସେଠାରେ ବିକ୍ଷୋଭ ଚାଲିଥିଲା। ସେହି ସମୟରେ ଶେଖ ହସିନାଙ୍କ ସରକାର ବିକ୍ଷୋଭକାରୀଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ । ଯେଉଁଥିରେ ଶଫିକୁଲ ଇସଲାମ ମୁଫତିଙ୍କ ୧୭ ବର୍ଷର ପୁଅ ନିହତ ହୋଇଥିଲେ। ଏହାସହ, ଆହୁରି ଅନେକ ଲୋକଙ୍କୁ ଶେଖ୍ ହସିନା ସରକାର ହତ୍ୟା କରାଯାଇଥିବା ଅଭିଯୋଗରେ ଦର୍ଶାଯାଇଛି ।
ରାଜଧାନୀ ଭୁବନେଶ୍ୱରରେ ବୀଭତ୍ସ ହତ୍ୟାକାଣ୍ଡ, ଯୁବକଙ୍କ ମୁଣ୍ଡକଟା ମୃତଦେହ ଉଦ୍ଧାର

ପ୍ରବାସୀ ଭାରତୀୟ ଦିବସ ପାଇଁ ଉତ୍ସବ ମୁଖର ରାଜଧାନୀ। ହେଲେ ଆଜି ସକାଳେ ରାଜଧାନୀରୁ ମିଳିଛି ଜଣେ ଯୁବକଙ୍କ ମୁଣ୍ଡକଟା ମୃତଦେହ ଏଭଳି ଏକ ବୀଭତ୍ସ ହତ୍ୟାକାଣ୍ଡ ଭୁବନେଶ୍ୱରରେ ଚାଞ୍ଚଲ୍ୟ ଖେଳାଇଛି। ବିଚ୍ ରାସ୍ତାରେ ଯୁବକଙ୍କ ମୁଣ୍ଡ କାଟିଦେଲେ ଦୁର୍ବୃତ୍ତ। ରସୁଲଗଡ଼ରୁ ବାଣୀବିହାର ମେନ ରୋଡ଼ ଓଭରବ୍ରିଜ ଉପରେ ପଡ଼ିଥିଲା ମୁଣ୍ଡବିହୀନ ମୃତଦେହ।

ସୂଚନା ଅନୁସାରେ, ଆଜି ସକାଳୁ ରସୁଲଗଡ଼ରୁ ବାଣୀବିହାର ମେନ ରୋଡ଼ରେ ଏକ ମୁଣ୍ଡବିହୀନ ମୃତଦେହ ପଡିଥିବା ଦେଖିବାକୁ ମିଳିଥିଲା। ରସୁଲଗଡ଼ରୁ ବାଣୀବିହାର ମେନ ରୋଡ଼ରେ କେହି ଯୁବକଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି। ଭୋର ସମୟରେ ହତ୍ୟା କରିଥିବା ପାରିପାର୍ଶ୍ୱିକ ସ୍ଥିତିରୁ ଜଣାପଡୁଛି। ତେବେ ମୃତଦେହ ନିକଟରେ ଏକ ସ୍କୁଟି ବି ପଡିଛି। ଲୋକେ ଏନେଇ ପୋଲିସକୁ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା ।