Blog

ଦ୍ବିପାକ୍ଷିକ ରାଜିନାମାରେ ତାରବାଡ ଘେରୁଛି ଭାରତ,:- ବାଂଲାଦେଶ

ପୁଣି ଭାରତ-ବାଂଲା ମୁହାଁ ମୁହିଁ। ଭାରତ ବାଂଲାଦେଶ ମଧ୍ୟରେ ବଢୁଛି ତିକ୍ତତା। ଭାରତ ନାଁ ରେ ବଡ ଅଭିଯୋଗ କରିଛି ବାଂଲାଦେଶ। ନିୟମ ଉଲଙ୍ଘନ କରି ଦ୍ବିପାକ୍ଷିକ ରାଜିନାମା ରେ ୫ଟି ସ୍ଥାନରେ ତାରବାଡ ନିର୍ମାଣ କରୁଥିବା ଅଭିଯୋଗ ହୋଇଛି । ଯାହାକୁ ନେଇ ଦେଖା ଦେଇଛି ବିବାଦ। ଏନେଇ ବାଂଲାଦେଶର ବୈଦେଶିକ ମନ୍ତ୍ରାଳୟ ସୀମା ସୁରକ୍ଷା ବଳର କାର୍ଯ୍ୟାବଳୀ ପ୍ରସଙ୍ଗରେ ଭାରତୀୟ ହାଇକମିଶନର ପ୍ରଣୟ ବର୍ମାଙ୍କୁ ସମନ କରିଛନ୍ତି । ଭାରତ ବାଂଲାଦେଶର ବିନା ଅନୁମତିରେ ୫ଟି ସ୍ଥାନରେ ତାରବାଡ ନିର୍ମାଣ କରୁଥିବା କାରଣ ଦର୍ଶାଇ ଢାକା ଅଭିଯୋଗ କରିଥିଲା।

ତେବେ ପରେ ଏହି ସମନ ଜାରି ହୋଇଛି । ଏହି ଘଟଣାକୁ ନେଇ ବାଂଲାଦେଶର ବୈଦେଶିକ ସଚିବ ଜସିମ ଉଦ୍ଦିନଙ୍କୁ ଭେଟିବା ପରେ ପ୍ରଣୟ କହିଛନ୍ତି ସୀମାକୁ ଅପରାଧମୁକ୍ତ କରିବା ପ୍ରସଙ୍ଗରେ ସେ ବାଂଲାଦେଶର ସଚିବଙ୍କୁ ସାକ୍ଷାତ କରିଛନ୍ତି । ଏବଂ ଅପରାଧୀଙ୍କ ତୋଡ ଭାଙ୍ଗିବା ଲାଗି ଆଲୋଚନା ହୋଇଛି । ତେବେ ଏହି ପ୍ରସଙ୍ଗକୁ ନେଇ ପ୍ରଣୟ ବର୍ମା କହିଛନ୍ତି ସୀମା ସୁରକ୍ଷା ବଳ ଓ ବାଂଲାଦେଶର ସୀମା ରକ୍ଷକ ବାହିନୀ ସହ ଆଲୋଚନା କରାଯାଇଛି ।

ତେବେ ପୂର୍ବରୁ ଗୃହ ବିଭାଗ ପରାମର୍ଶଦାତା ଲେଫ୍ଟନାଣ୍ଟ ଜେନେରାଲ ଜାହାଙ୍ଗୀର ଆଲମ କହିଥିଲେ ଯେ ସୀମା ସୁରକ୍ଷା ବାହିନୀ ବାଂଲାଦେଶ ଏବଂ ସ୍ଥାନୀୟ ଲୋକଙ୍କ କଡ଼ା ବିରୋଧ ଯୋଗୁଁ ଭାରତ ସୀମାରେ କଣ୍ଟା ତାର ବାଡ଼ ନିର୍ମାଣ କାର୍ଯ୍ୟ ବନ୍ଦ କରିଦେଇଛି । ପୂର୍ବ ସରକାରଙ୍କ କାର୍ଯ୍ୟକାଳରେ ସ୍ୱାକ୍ଷରିତ କିଛି ଚୁକ୍ତିନାମା ଯୋଗୁଁ, “ବାଂଲାଦେଶ-ଭାରତ ସୀମାରେ ଅନେକ ସମସ୍ୟା ହୋଇଛି । ବାଂଲାଦେଶ ଏବଂ ଭାରତ ମଧ୍ୟରେ ସୀମା କାର୍ଯ୍ୟକଳାପକୁ ନିୟନ୍ତ୍ରଣ କରିବା ପାଇଁ ଚାରୋଟି ବୁଝାମଣାପତ୍ର ରହିଛି । “ଏଥିରୁ ୧୯୫୭ର ବୁଝାମଣା ପତ୍ରରେ ସ୍ପଷ୍ଟ କରାଯାଇଛି ଯେ ‘ଜିରୋ ଲାଇନ’ର ୧୫୦ ଗଜ ମଧ୍ୟରେ ପ୍ରତିରକ୍ଷା କ୍ଷମତା ଥିବା ବେଳେ କୌଣସି ବିକାଶମୂଳକ କାର୍ଯ୍ୟ କରାଯାଇପାରିବ ନାହିଁ।

ସେହିପରି ଦ୍ୱିତୀୟ ବୁଝାମଣାପତ୍ରରେ ରହିଛି, ପାରସ୍ପରିକ ସମ୍ମତି ବିନା ଏହି ସୀମା ମଧ୍ୟରେ କୌଣସି ବିକାଶମୂଳକ କାର୍ଯ୍ୟ କରାଯାଇପାରିବ ନାହିଁ । ଦୁଇ ଦେଶ ମଧ୍ୟରେ ସହମତି ହେଲେ ଉନ୍ନତି ମୂଳକ କାର୍ଯ୍ୟ କରାଯାଇପାରିବ ।
ମେସିନରେ ଚାପିହୋଇ ଚାଲିଗଲା ଶ୍ରମିକଙ୍କ ଜୀବନ

ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ପାନିମୁରା ଜଙ୍ଗଲ ଠାରେ ନିର୍ମାଣ ହୋଇଥିବା ମାସ ବାୟୋ ଫୁଏଲସ ପ୍ରାଇଭେଟ ଲିମିଟେଡ ଇଥନାଲ ପ୍ଲାଣ୍ଟ ଠାରେ ମେସିନରେ ଚାପି ହୋଇ ଶ୍ରମିକଙ୍କ ମୃତ୍ୟୁ । ମୃତ ଶ୍ରମିକ ଜଣକ ହେଉଛନ୍ତି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ କଟାପାଳି ପଂଚାୟତ ଅରଖପଦର ଗ୍ରାମର ଅଜୁ ମହାକୁର । ସୂଚନା ମୁତାବକ, ପାନିମୁରା ଜଙ୍ଗଲ ଠାରେ ନିର୍ମାଣ ହୋଇଥିବା ମାସ ବାୟୋ ଫୁଏଲସ ପ୍ରାଇଭେଟ ଲିମିଟେଡ ଇଥାନଲ ପ୍ଲାଣ୍ଟରେ କାର୍ଯ୍ୟରତ ଅବସ୍ଥାରେ ମେସିନରେ ଶ୍ରମିକ ଜଣକ ଚାପି ହୋଇଯାଇଥିଲେ । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏହା ଦେଖି ତାଙ୍କ ସହକର୍ମୀ ତୁରନ୍ତ ବରିଷ୍ଠ କର୍ମଚାରୀ ଏବଂ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ବର୍ତ୍ତମାନ ପ୍ଲାଣ୍ଟ ଭିତରକୁ ବାହାର କୌଣସି ଲୋକଙ୍କୁ ଛଡ଼ା ଯାଉ ନଥିବା ବେଳେ କେବଳ ମୃତ ଶ୍ରମିକଙ୍କ ପରିବାର ଲୋକେ ପ୍ଲାଣ୍ଟ ଭିତରେ ଅଛନ୍ତି ।
କୋରାପୁଟରେ ମ୍ୟାଲେରିଆ ଆତଙ୍କ

କୋରାପୁଟ ଜିଲ୍ଲାରେ କାୟା ବଢ଼ାଉଛି ମ୍ୟାଲେରିଆ। ରାଜ୍ୟର ମ୍ୟାଲେରିଆ ପ୍ରବଣ ଜିଲ୍ଲା ତାଲିକାରେ ତୃତୀୟ ସ୍ଥାନରେ ରହିଛି । ଗତଦୁଇ ବର୍ଷ ତୁଳନାରେ ଆକ୍ରାନ୍ତଙ୍କ ସଂଖ୍ୟା ବଢିଛି । ସର୍ବାଧିକ ଆକ୍ରାନ୍ତ ନାରାୟଣପାଟଣା ଓ ବନ୍ଧୁଗାଁ ବ୍ଲକରେ ଚିହ୍ନଟ ହୋଇଛନ୍ତି । ଗତ ଦୁଇ ବର୍ଷରେ ଜିଲ୍ଲାରୁ କେହି କେହି ମ୍ୟାଲେରିଆରେ ମୃତ୍ୟୁବରଣ କରିନଥିଲେ ସୁଦ୍ଧା ୧୫ ହଜାର ୩୨୬ ଜଣ ଆକ୍ରାନ୍ତ ହୋଇଛନ୍ତି । ନିୟନ୍ତ୍ରଣ ଲାଗି ସ୍ୱାସ୍ଥ୍ୟ ବିଭାଗ ପକ୍ଷରୁ ବର୍ତ୍ତମାନ ମଶାରି ବିତରଣ କରାଯାଉଛି ।

୨୦୨୩ ରେ ଜିଲ୍ଲାର ୧୭ଟି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଞ୍ଚଳରେ ୫ଲକ୍ଷ ୪୩ହଜାର ୮୦ ରକ୍ତ ନମୁନା ପରୀକ୍ଷା ହୋଇଥିଲା । ସେଥିରୁ ୭୦୦୭ ନମୁନା ପଜିଟିଭ୍ ବାହାରିଥିଲା । ଗତବର୍ଷ ଜିଲ୍ଲାରୁ ୮୩୧୯ ଜଣ ମ୍ୟାଲେରିଆ ଆକ୍ରାନ୍ତ ଚିହ୍ନଟ ହୋଇଥିଲେ । ସେଥିରୁ ବନ୍ଧୁଗାଁ ବ୍ଲକ୍ ରେ ସର୍ବାଧିକ ୧୯୦୮ ଜଣ ଆକ୍ରାନ୍ତ ହୋଇଥିଲେ । ଏହା ତଳକୁ ନାରାୟଣପାଟଣା ବ୍ଲକ୍ ରେ ୧୬୨୯ ଜଣ ଆକ୍ରାନ୍ତଙ୍କୁ ଚିହ୍ନଟ କରାଯାଇଥିଲା ।

ମ୍ୟାଲେରିଆ ସଂଖ୍ୟା ବୃଦ୍ଧି ପାଉଥିବାରୁ ଜିଲ୍ଲାରେ ୧୦ଲକ୍ଷ ମଶାରି ପୁନର୍ବାର ବଣ୍ଟନ ନିମନ୍ତେ ସରକାରଙ୍କୁ ଅନୁରୋଧ କରାଯାଇଥିଲା । ଏହାରି ମଧ୍ୟରେ ୭ଲକ୍ଷ ମଶାରି ଆସିଥିବା ବେଳେ ବିତରଣ ଜାରି ରହିଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
ଆଜିଠାରୁ ଦିବ୍ୟ, ଭବ୍ୟ ମହାକୁମ୍ଭ, ଓଡିଶାରୁ ଚାଲିଲା ୪ ଅତ୍ୟାଧୁନିକ ବସ୍

ପୌଷ ପୂର୍ଣ୍ଣିମାର ପବିତ୍ର ଅବସରରେ, ପ୍ରୟାଗରାଜରେ ମହାକୁମ୍ଭ ଆରମ୍ଭ ହୋଇଛି। ରାଜକୀୟ ସ୍ନାନ ପାଇଁ ଏଠାରେ ଭକ୍ତମାନଙ୍କର ଲମ୍ବା ଧାଡି ଲାଗିଛି, ଗତ ଦୁଇ ଦିନ ଧରି ଏଠାରେ ଭକ୍ତମାନେ ଏକାଠି ହେଉଛନ୍ତି।

ବିଶ୍ୱର ସବୁଠାରୁ ବଡ଼ ଧାର୍ମିକ କାର୍ଯ୍ୟକ୍ରମ ‘ମହାକୁମ୍ଭ ମେଳା’। ଆଜିଠାରୁ (ଜାନୁଆରି ୧୩) ଠାରୁ ଫେବୃଆରୀ ୨୬ ପର୍ଯ୍ୟନ୍ତ ଚାଲିବ ଏହି ଉତ୍ସବ। ପ୍ରାୟ ୪୫ କୋଟି ଶ୍ରଦ୍ଧାଳୁ ‘ମହାକୁମ୍ଭ ମେଳା’କୁ ଆସିବା ଆଶା କରାଯାଉଛି। ଶ୍ରଦ୍ଧାଳୁଙ୍କ ସମେତ ଲକ୍ଷାଧିକ ସାଧୁସନ୍ଥ କୁମ୍ଭରେ ପହଁଞ୍ଚିଛନ୍ତି ଏବଂ ସେମାନଙ୍କୁ ତିର୍ଥନାଗରୀରେ ଶାନ୍ତଂପ୍ରେମୀ ଜୋରଦାର ସ୍ୱାଗତ କରିଛନ୍ତି । ଏହି ବିଶାଳ ଧାର୍ମିକ ସମାଗମ ପାଇଁ ରାଜ୍ୟ ସରକାର ସ୍ୱତନ୍ତ୍ର ପ୍ରସ୍ତୁତି କରିଥିବା ବେଳେ ଏହା ଉପରେ ସମଗ୍ର ବିଶ୍ୱର ନଜର ରହିଛି । ଧାର୍ମିକ ସମାଗମରେ ଦୁର୍ଘଟଣାବିହୀନ, ଶାନ୍ତିଶୃଙ୍ଖଳାରେ ଆୟୋଜନ କରିବା ଲାଗି ମୁତୟନ ହୋଇଛନ୍ତି ୩୦ ହଜାରରୁ ଅଧିକ ପୋଲିସ । ସମଗ୍ର ‘ମହାକୁମ୍ଭ ମେଳା’ ଇଲାକାରେ ଲଗାଯାଇଛି ପ୍ରାୟ ୨ ହଜାର ୭୦୦ ଆର୍ଟିଫିସିଆନ ଇଣ୍ଟେଲିଜେନ କ୍ୟାମେରା । ଏହା ସହ ଅଣ୍ଡରୱାଟର ଡ୍ରୋନ ବ୍ୟବସ୍ଥା ବି ପ୍ରଥମ ଥର ଲାଗି କରାଯାଇଛି । ମହାକୁମ୍ଭ ଭାରତୀୟ ସଂସ୍କୃତି, ଆଧ୍ୟାତ୍ମିକତା ଓ ବିଶ୍ୱାସର ପ୍ରତୀକ। ଗଙ୍ଗା, ଯମୁନା, ସରସ୍ବତୀଙ୍କ ସଂଗମ ସ୍ଥଳୀରେ ଆୟୋଜିତ ଉତ୍ସବରେ ସାମିଲ ହେଲେଣି ହଜାର ହଜାର ସାଧୁ, ସନ୍ଥ ଓ ଦେଶବିଦେଶର ଶ୍ରଦ୍ଧାଳୁ । ପ୍ରତି ୧୨ ବର୍ଷରେ ଆୟୋଜିତ ହେଉଥିବା ଏହି ମେଳା କେବଳ ଏକ ଧାର୍ମିକ କାର୍ଯ୍ୟକ୍ରମ ନୁହେଁ ବରଂ ଭାରତର ପରମ୍ପରା ଓ ଆଧ୍ୟାତ୍ମିକ ଐତିହ୍ୟର ଏକ ଦିବ୍ୟ ଉତ୍ସବ।

ଭକ୍ତଙ୍କୁ ସୁରକ୍ଷା ଦେବା ଲାଗି ବ୍ୟାପକ ବ୍ୟବସ୍ଥା କରାଯାଇଛି। ପ୍ରୟାଗରାଜକୁ ପଡିଥିବା ସମସ୍ତ ରାସ୍ତାରେ ସୁରକ୍ଷା ବ୍ୟବସ୍ଥା କରାଯାଇଥିବାବେଳେ ମହାକୁମ୍ଭ ନଗରକୁ ରଖାଯାଇଛି ସିକ୍ୟୁରିଟି ବଳୟରେ । ଅଧିକାଂଶ ରାସ୍ତାରେ ସର୍ଚ୍ଚ ଅପରେସନ କରାଯିବା ସହ ଗାଡି ଯାଞ୍ଚ ବ୍ୟବସ୍ଥା କଡାକଡି କରାଯାଇଛି । ୧୦୨ଟି ଚେକ ପଏଣ୍ଟ ପ୍ରତିଷ୍ଠା କରାଯାଇଥିବାବେଳେ ୭ ସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି ।

ଏହା ସହ ଏନଡିଆରଏପ ଓ କେନ୍ଦ୍ରୀୟ ସଶସ୍ତ୍ର ବାହିନୀ ବି ମୁତୟନ ହୋଇଛନ୍ତି । ୧୨୫ରୁ ଅଧିକ ଆମ୍ବୁଲାନ୍ସ ଓ ୭ଟି ରିଭର ଆମ୍ବୁଲାନସ ନିୟୋଜିତ ରହିଛି । ମହାକୁମ୍ଭ କେବଳ ପାପରୁ ମୁକ୍ତି ପାଇବାର ଏକ ଅବସର ନୁହେଁ, ବରଂ ଆତ୍ମା ଶୁଦ୍ଧି ଏବଂ ମୁକ୍ତି ପ୍ରାପ୍ତିର ଏକ ମାର୍ଗ ବୋଲି କୁହାଯାଏ । କୁମ୍ଭମେଳା ଅବସରରେ ୧୩ ହଜାର ଟ୍ରେନର ବ୍ୟବସ୍ଥା କରାଯାଇଛି । ୧୪୪ ବର୍ଷ ପରେ ଏହି ମହାସଂଯୋଗ ଘଟିବାକୁ ଯାଉଛି । ଗୋଟିଏ ସ୍ଥାନରେ ଗୋଟିଏ ଘରେ ୪ଟି ଗ୍ରହ ଅର୍ଥାତ ସୂର୍ଯ୍ୟ, ଚନ୍ଦ୍ର, ଶନି ଓ ବୃହସ୍ପତି ଅବସ୍ଥାନ କରିବେ । ଏହି ସମୟରେ ସାହି ସ୍ନାନ କଲେ ବୈକୁଣ୍ଠ ପ୍ରାପ୍ତି ବିଶ୍ବାସ ରହିଛି । ଆସନ୍ତା ୧୪ରେ ସାହି ସ୍ନାନ ଲାଗି ପବିତ୍ର ଯୋଗ ରହିଛି ।

ପବିତ୍ର ମହାକୁମ୍ଭ ଅବସରରେ ଦେଶ ବିଦେଶରୁ କୋଟି କୋଟି ଶ୍ରଦ୍ଧାଳୁ ସଙ୍ଗମରେ ସ୍ନାନ କରିବେ। ହଜାର ହଜାର ନାଗା ସାଧୁଙ୍କ ଆଗମନ କୁମ୍ଭମେଳାର ମୁଖ୍ୟ ଆକର୍ଷଣ ପାଲଟିଛି। ରାଜ୍ୟ ସରକାର ଏହି ମେଗା କାର୍ଯ୍ୟକ୍ରମ ପାଇଁ ୧୨ ହଜାର ୬୭୦ କୋଟି ଟଙ୍କା ବିନିଯୋଗ କରିଥିବା ଜଣାପଡିଛି ।

ମହାକୁମ୍ଭ ମେଳାରେ ଯେପରି ଓଡ଼ିଶାର ଶ୍ରଦ୍ଧାଳୁମାନେ ସୁବିଧାରେ ଯୋଗଦେଇପାରିବେ ସେଥିପାଇଁ ରାଜ୍ୟ ସରକାର ପକ୍ଷରୁ ଚାରୋଟି ଅତ୍ୟାଧୁନିକ ବସ୍ ସେବା ଆରମ୍ଭ ହୋଇଛି। ଓଏସ୍ଆରଟିସି ଏହି ୪ଟି ବସ୍ ପୁରୀ, ସମ୍ବଲପୁର, ବ୍ରହ୍ମପୁର, ଭବାନୀପାଟଣାରୁ ୨୦୦ ଜଣ ଶ୍ରଦ୍ଧାଳୁଙ୍କୁ ନେଇ ଯାତ୍ରା ଆରମ୍ଭ କରିଛି। ଏହି ବସ୍ ପ୍ରୟାଗରାଜ ଓ ବାରାଣସୀ ଦେଇ ଅଯୋଧ୍ୟା ପର୍ଯ୍ୟନ୍ତ ଯିବ ।
ଫୁଟିଲା ଗୁଳି, ଟଳିଲେ ବିଧାୟକ,କାରଣ ଅସ୍ପଷ୍ଟ

ନିଜ ବନ୍ଧୁକରୁ ନିଜକୁ ଗୁଳି କଲେ ବିଧାୟକ। ପଶ୍ଚିମ ଲୁଧିଆନାର ଆମ୍‌ ଆଦମୀ ପାର୍ଟି ବିଧାୟକ ଗୁରୁପ୍ରୀତ ଗୋଗିଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ସୂଚନା ଅନୁଯାୟୀ ଏହି ଘଟଣା ବିଳମ୍ବିତ ରାତିରେ ଘଟିଛି। ଗୁରୁପ୍ରୀତଙ୍କ ମୁଣ୍ଡରେ ଗୁଳି ବାଜି ଥିବା ବେଳେ କାହିଁକି ନିଜକୁ ନିଜେ ଗୁଳି ଫୁଟାଇଲେ ତାହା ଅସ୍ପଷ୍ଟ ରହିଛି । ଅନ୍ୟପଟେ ଭୁଲ୍‌ବଶତଃ ନିଜକୁ ନିଜେ ଗୁଳି କରିଥିବା ପରିବାର ଲୋକେ ସୂଚନା ଦେଇଛନ୍ତି।

ଡିସିପିଙ୍କ କହିବା ମୁତାବକ, ଗୁଳି ବାଜିବା ପରେ ତରନ୍ତ ତାଙ୍କୁ ଲୁଧିଆନା ସ୍ଥିତ ଡିଏମ୍‌ସି ହସ୍ପିଟାଲକୁ ନିଆଯାଇଥିଲା। ସେଠାରେ ତାଙ୍କୁ ମୃତ ଘୋଷଣା କରାଯାଇଛି। ବର୍ତ୍ତମାନ ମୃତଦେହକୁ ଶବ ବ୍ୟବଚ୍ଛେଦ ଗୃହରେ ରଖାଯାଇଛି। ଏହି ଘଟଣା ରାତି ପ୍ରାୟ ୧୨ଟା ସମୟରେ ଘଟିଥିଲା। ପୋଷ୍ଟମର୍ଟମ ପରେ ମୃତ୍ୟୁର ପ୍ରକୃତ କାରଣ ଜଣାପଡିବ। ହତ୍ୟା ନା ଆତ୍ମହତ୍ୟା ଏଭଳି ବିଭିନ୍ନ ଦିଗକୁ ନେଇ ତଦନ୍ତ ଜାରି ରଖିଛି ପୋଲିସ । ବିଧାୟକ ଗୁରୁପ୍ରୀତ ଗୋଗିଙ୍କ ମୃତ୍ୟୁ ପରେ ପଞ୍ଜାବର ଆପ୍‌ ଅଧ୍ୟକ୍ଷ ତଥା ମନ୍ତ୍ରୀ ଅମନ ଅରୋଡା କହିଛନ୍ତି, ଏହା ଅତ୍ୟନ୍ତ ଦୁଃଖଦ ଖବର। ସେ ବେଶ୍‌ ଭଲ ଓ ହୃଦୟବାନ ଲୋକ ଥିଲେ। ଆଜି ସେ ଆମ ସମସ୍ତଙ୍କୁ ଛାଡି ଚାଲିଯାଇଛନ୍ତି । ତାଙ୍କ ମୃତ୍ୟୁ ଖବର ଶୁଣି ମୁଁ ବହୁତ ଦୁଃଖିତ।

ଗୁରୁପ୍ରୀତ ଗୋଗି ୨୦୨୨ ମସିହାରେ ଆମ୍ ଆଦମୀ ପାର୍ଟିରେ ଯୋଗ ଦେଇଥିଲେ। ସେ ଲୁଧିଆନା ବିଧାନସଭା ନିର୍ବାଚନରେ ଦୁଇଥର ପୂର୍ବତନ କଂଗ୍ରେସ ବିଧାୟକ ଭରତ ଭୂଷଣ ଆଶୁଙ୍କୁ ପରାସ୍ତ କରିଥିଲେ।
ରାଷ୍ଟ୍ର ଭାଷାର ବିବାଦୀୟ ମତ ଦେଇ ଫସିଲେ ପୂର୍ବତନ କ୍ରିକେଟର!

ବିବାଦରେ ଭାରତୀୟ ପୂର୍ବତନ କ୍ରିକେଟର ରବିଚନ୍ଦ୍ରନ ଅଶ୍ବିନୀ । ଅଶ୍ବିନୀ କ୍ରିକେଟରୁ ସମସ୍ତ ଫର୍ମା‌ଟ୍‌ରୁ ଅବସର ନେବାର ମାସେ ବି ହୋଇନାହିଁ ହେଲେ ବିବାଦୀୟ ବୟାନ ଦେଇ ଏବେ ଚର୍ଚ୍ଚାରେ ରହିଛନ୍ତି ରବିଚନ୍ଦ୍ରନ ଅଶ୍ବିନୀ

ଅଶ୍ବିନୀ ହିନ୍ଦୀ ଭାଷାକୁ ନେଇ ଦେଇଥିବା ବୟାନ ଏବେ ସାରା ଦେଶରେ ଚର୍ଚ୍ଚାରେ ବିଷୟ ପାଲଟିଛି । ଏକ କଲେଜ କାର୍ଯ୍ୟକ୍ରମରେ ଯୋଗଦେଇ ଅଶ୍ବିନୀ କହିଥିଲେ ଏଠାରେ କେତେଜଣ ପିଲା ଇଂଲିଶ ବୁଝୁଛନ୍ତି ଏବଂ କେତେଜଣ ହିନ୍ଦୀ ବୁଝୁଛନ୍ତି । ଏହାପରେ କମ୍ ପିଲା ହିନ୍ଦୀ ବୁଝୁଥିବାର ସେ ଜାଣିଲେ। ପରେ ପରେ ଅଶ୍ବିନୀ ହସି ହସି କହିଥିଲେ, ହିନ୍ଦୀ ଆମର ରାଷ୍ଟ୍ର ଭାଷା ନୁହେଁ ବରଂ ସରକାରୀ ଭାଷା । ଏହି ବୟାନ ପରେ ସୋସିଆଲ ମିଡିଆରେ ଟ୍ରୋଲ ହେଉଛନ୍ତି ଅଶ୍ବିନୀ ।

ଚେନ୍ନାଈର ଏକ ଇଞ୍ଜିନିୟରିଂ କଲେଜର କାଯ୍ୟକ୍ରମରେ ଅଶ୍ବିନୀ ଛାତ୍ରଛାତ୍ରୀଙ୍କୁ କହିଥିଲେ, ଆପଣ ମାନଙ୍କ ଭିତରୁ କିଏ ହିନ୍ଦୀରେ ପ୍ରଶ୍ନ ପଚାରିବାରେ ଆଗ୍ରହୀ କି ? ପରେ ଅଶ୍ବନୀ କହିଥିଲେ, ମୋ ମତରେ ହିନ୍ଦୀ ଦେଶର ରାଷ୍ଟ୍ରୀୟ ଭାଷା ନୁହେଁ, ଏହା ଏକ ସରକାରୀ ଭାଷା । ତେବେ ଅଶ୍ବିନୀଙ୍କ ଏହି ବୟାନ ସତେବେଳେ ଆସିଥିଲା ଯେତେବେଳେ ଦେଶ ୧୦ ଜାନୁଆରୀକୁ ‘ବିଶ୍ବ ହିନ୍ଦୀ ଦିବସ’ ରୁପେ ପାଳନ କରୁଥିଲା । ଅଶ୍ବିନୀଙ୍କ ଏହି ବୟାନ ପରେ କ୍ରିକେଟ ପ୍ରେମୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

ଜଣେ ଇଞ୍ଜିନିୟରରୁ କ୍ରିକେଟର ପାଲଟିଥିବା ଅଶ୍ବିନୀ ହିନ୍ଦୀ ଭାଷାକୁ ନେଇ ଏପରି ମନ୍ତବ୍ୟ ଦେବାକୁ ସହଜରେ ଗ୍ରହଣ କରିପାରୁନାହାନ୍ତି ଫ୍ୟାନ୍ସମାନେ । ବର୍ଡର-ଗାଭାସ୍କର ସିରିଜର ତୃତୀୟ ଟେଷ୍ଟ ପରେ କ୍ରିକେଟରୁ ଅବସର ନେଇଥିଲେ ରବିଚନ୍ଦ୍ରନ ଅଶ୍ବିନୀ ।
ଦୁଇଦିନ ଜାଡ଼ ସହ ଦାଉ ସାଜିବ କୁହୁଡ଼ି

ରାଜ୍ୟର ବିଭିନ୍ନ ସ୍ଥାନରେ ଘନକୁହୁଡି । ଟ୍ବିନ୍‌ସିଟି ଭୁବନେଶ୍ବର ଓ କଟକ ସମେତ ବିଭିନ୍ନ ସ୍ଥାନରେ ଘନକୁହୁଡି ଦେଖିବାକୁ ମିଳିଛି । ଯାହାଫଳରେ ସକାଳେ ଯାତାୟତ କରୁଥିବା ଲୋକମନେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଦୁଇ ଦିନ ହେବ ରାଜ୍ୟରେ ଘନକୁହୁଡି ଦେଖିବାକୁ ମିଳୁଥିବା ବେଳେ ଶୀତ ମଧ୍ୟ ଅନୁଭୂତ ହେଉଛି । କୁହୁଡି ନେଇ ସୁନ୍ଦରଗଡ, ସମ୍ବଲପୁର, ଅନୁଗୁଳ, ଢେଙ୍କାନାଳ, କନ୍ଧମାଳ ଏବଂ କୋରାପୁଟ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ୨ ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ବିଶେଷ କରି ଉପକୂଳ ଓଡ଼ିଶାର ପୁରୀ, ଖୋର୍ଦ୍ଧା, କଟକ, ଜଗତସିଂହପୁର, କେନ୍ଦ୍ରାପଡା, ଯାଜପୁର, ଗଞ୍ଜାମ, ଗଜପତିରେ ତାପମାତ୍ରା ବଢିବାର ସମ୍ଭାବନା ରହିଛି । କୁହୁଡି ପାଇଁ ଘାଟି ରାସ୍ତା ଏବଂ ଦୁର୍ଘଟଣା ପ୍ରବଣ ଅଞ୍ଚଳରେ ଗାଡି ଚଳନା ସମୟରେ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛି ପାଣିପାଗ କେନ୍ଦ୍ର ।କିଛି ଦିନ ବ୍ୟବଧାନରେ ଭୁବନେଶ୍ବର ଓ କଟକ ସହରର ପାରଦ ୧୩ ଡିଗ୍ରି ତଳକୁ ଖସିଛି। ୧୧ଟି ସ୍ଥାନରେ ସର୍ବନିମ୍ନ ତାପମାତ୍ରା ୧୦ ଡିଗ୍ରି ତଳେ ରହିଥିଲା। ସିମିଳିଗୁଡ଼ାରେ ୭.୨, ଫୁଲବାଣୀରେ ୭.୫, ଝାରସୁଗୁଡ଼ାରେ ୭.୬, ରାଉରକେଲାରେ ୭.୯, କିରେଇ ଓ ଚିପିଲିମାରେ ୮.୮, ଦାରିଙ୍ଗବାଡିରେ ୯, ସୁନ୍ଦରଗଡରେ ୯.୧, ଅନୁଗୁଳରେ ୯.୬, କେନ୍ଦୁଝରଗଡ଼ରେ ୯.୯, ଭବାନୀପାଟଣା ଓ ବଲାଙ୍ଗୀରରେ ୧୦ ଡିଗ୍ରି ଲେଖାଏଁ ରହିଥିଲା।
ସକଳ ତୀର୍ଥ ତୋହରି ଚରଣେ…ସାବାସ ପିଣ୍ଟୁ ବାବୁ!

ଜୀବନ ଜୀବିକାର ଅନ୍ୟ ନାମ ସଂଘର୍ଷ,ଆଉ ସେଇ ସଂଘର୍ଷମୟ ଜୀବନ ଭିତରେ ହସ ସାଉଣ୍ଟିବା , ସମାଜ ପ୍ରତି କର୍ତଵ୍ୟ ଏବଂ ପରିବାର ମୁହଁରେ ହସ ଫୁଟାଇବା ହିଁ ହେଉଛି ମୂଳ ଲକ୍ଷ । ସେବା ଦ୍ୱାରା ଈଶ୍ୱର ପ୍ରାପ୍ତି ତଥା ଭାଗବାନ ପ୍ରସନ୍ନ ହେବେ ବୋଲି ତାଙ୍କର ବିଶ୍ୱାସ, ମିଶୁ ମୋର ଦେହ ଏ ଦେଶ ମାଟିରେ ଦେଶ ବାସି ଚାଲି ଯାଆନ୍ତୁ ମୋ ପିଠିରେ, କବିଙ୍କର ଏହି ଉକ୍ତି କୁ ପାଥେୟ କରି ଦୈନନ୍ଦିନ ଜୀବନରେ ଦୁଃଖୀ ଗରିବଙ୍କୁ ସେବା କରି ଆଗେଇ ଚାଲିଛନ୍ତି ବାସୁଦେବପୁରର ରତିକାନ୍ତ ପ୍ରଧାନ।

ନିଜ ଅଞ୍ଚଳ ତଥା ଆଖ ପାଖ ଅଂଚଳରେ ସମସ୍ତେ ତାଙ୍କୁ ପିଣ୍ଟୁ ବାବୁ ବୋଲି ଡାକିଥାନ୍ତି । ରମାକାନ୍ତ ପ୍ରଧାନ ଓ ସୀତା ମଣି ପ୍ରଧାନ ଙ୍କ ସାନ ପୁଅ ହେଉଛନ୍ତି ପିଣ୍ଟୁ । ପିଲାଟି ଦିନରୁ ସେ ସମାଜ ପାଇଁ ନିଜକୁ ସମର୍ପିତ କରିଛନ୍ତି । ସେବା କାର୍ଯ୍ୟ କଲେ ପ୍ରକୃତ ରେ ଆନନ୍ଦ ମିଳେ, ଖୁସି ମିଳେ ବୋଲି ସେ ଅନୁଭବ କରି ଆଜକୁ ଅନେକ ଦିନ ଧରି ସେବା କାର୍ଯ୍ୟରେ ନିଜକୁ ନିୟୋଜିତ କରିଛନ୍ତି । ନିଜ ରୋଜଗାରର ସର୍ବାଧିକ ଭାଗ ସେ ସମାଜ ପାଇଁ ଉତ୍ସର୍ଗ କରିଥାନ୍ତି ।

ରତିକାନ୍ତ ସକାଳୁ ନିଜ ନିତ୍ୟ କର୍ମ ସାରି କର୍ମ କ୍ଷେତ୍ରକୁ ବାହାରିଯାନ୍ତି ଦୁଃଖୀ ଦରିଦ୍ର, ଅସହାୟ ଲୋକ ଙ୍କୁ ଯେଉଁଠି ଦେଖନ୍ତି ସେଇଠି ଅଟକି ଯାଆନ୍ତି ସେ ଖାଲି ନିଜ ଅଞ୍ଚଳରେ ନୁହେଁ ଯେଉଁଠାରୁ ବି ଅସହାୟଙ୍କ ଖବର ମିଳେ ସେ ସେଠାରେ ତତକ୍ଷଣାତ ପହଞ୍ଚି ଯାଆନ୍ତି, ରତିକାନ୍ତଙ୍କର ଏହି ମହତ କାର୍ଯ୍ୟ ପାଇଁ ବିଭିନ୍ନ ମହଲରୁ ତାଙ୍କୁ ପ୍ରଶଂସାର ସୁଅ ଛୁଟିଥିଲା।

ନୂଆବର୍ଷ ଆସିଲେ ଯୁବ ପୀଢ଼ି ମାନଙ୍କ ମଧ୍ୟରେ ଅନେକ ଉତ୍ସାହ ଦେଖିବାକୁ ମିଳେ ନାଚଗୀତ , ଭୋଜି ଭାତ , ମଜାମସ୍ତିରେ ଅନେକ ନୂଆ ବର୍ଷ ପାଳନ କରିଥାନ୍ତି | ହେଲେ ରତିକାନ୍ତ କିନ୍ତୁ ନିଆରା ଢଙ୍ଗରେ ନୂଆ ପାଳନ କରି ଉଦାହରଣ ସୃଷ୍ଟି କରିଛନ୍ତି । ନିଜ ଅଞ୍ଚଳରେ ଥିବା ଶହ ଶହ ବୃଦ୍ଧ ବୃଦ୍ଧା ମାନଙ୍କ ଘରକୁ ଯାଇ ସେମାନଙ୍କୁ ଫଳ ବାଣ୍ଟିବା ସହ ସେମାନଙ୍କଠାରୁ ଆଶୀର୍ବାଦ ନେଇଥିଲେ, ଭଗବାନ ତାଙ୍କୁ ଆର୍ଶୀବାଦ କରନ୍ତୁ, ଅନେକ ନିଆରା କାର୍ଯ୍ୟ କରି ସମାଜ ପାଇଁ ଉଦାହରଣ ସୃଷ୍ଟି କରନ୍ତୁ ବୋଲି ଅଞ୍ଚଳବାସୀ କହିଛନ୍ତି ।
INDIA ମେଣ୍ଟର ଏକ୍ସପାଇରୀ ଡେଟ! କାହିଁକି ମୁହଁ ବୁଲାଉଛନ୍ତି ନେତାମାନେ ? ପଢ଼ନ୍ତୁ କଣ ରହିଛି ଏହା ପଛର କାହାଣୀ

ଗତ କିଛି ଦିନ ହେବ ଇଣ୍ଡିଆ ମେଣ୍ଟରେ ସମୟ କିଛି ଠିକ ଚାଲୁନାହିଁ। ପରିସ୍ଥିତି ଏପରି ହୋଇଛି ଯେ ଏବେ ଏହି ମେଣ୍ଟ ଅଧୀନରେ ଥିବା ସମସ୍ତ ଦଳର ନେତାମାନେ କଂଗ୍ରେସ ଉପରେ ଆକ୍ରମଣ କରୁଥିବା ଦେଖାଯାଉଛି। ଏହି ନେତାମାନେ ମେଣ୍ଟର ‘ଦୁର୍ବଳ’ ସ୍ଥିତି ପାଇଁ କିଛି ପରିମାଣରେ କଂଗ୍ରେସକୁ ମଧ୍ୟ ଦାୟୀ କରୁଛନ୍ତି। ସେମାନଙ୍କ ବିଶ୍ୱାସ ଯେ କଂଗ୍ରେସ ଯୋଗୁଁ, ମେଣ୍ଟ ପୂର୍ବ ପରି ଗୋଟିଏ ପତାକା ତଳେ ଦୃଢ଼ ଭାବରେ ଛିଡ଼ା ହେଉଥିବା ପରି ମନେ ହେଉନାହିଁ। କିଛି ଦିନ ପୂର୍ବରୁ ଓମର ଅବଦୁଲ୍ଲା କହିଥିଲେ ଯେ ମେଣ୍ଟକୁ ମଜବୁତ ରଖିବା ପାଇଁ ପୁଣି ଥରେ ଏକ ବୈଠକ ଡକାଯିବା ଉଚିତ।

ଚିନ୍ତାରେ ବରିଷ୍ଠ ଶିବସେନା ୟୁବିଟି ନେତା ସଞ୍ଜୟ ରାଉତ
ଗଣମାଧ୍ୟମ ରିପୋର୍ଟ ଅନୁସାରେ, ବରିଷ୍ଠ ଶିବସେନା ୟୁବିଟି ନେତା ସଞ୍ଜୟ ରାଉତ ମଧ୍ୟ ଇଣ୍ଡିଆ ମେଣ୍ଟ ବୈଠକ ନ ହେବା ଉପରେ ପ୍ରଶ୍ନ ଉଠାଇଥିଲେ। ସେ କହିଥିଲେ ଯେ ଆମେ ଏକାଠି ଲୋକସଭା ନିର୍ବାଚନ ଲଢ଼ିଥିଲୁ। ସେହି ନିର୍ବାଚନରେ ଆମେ ଭଲ ଫଳାଫଳ ମଧ୍ୟ ପାଇଲୁ। ଲୋକସଭା ନିର୍ବାଚନ ପରେ, ଭାରତ ମେଣ୍ଟକୁ ମଜବୁତ କରିବା ପାଇଁ କାମ କରିବା ଆମର ଦାୟିତ୍ୱ ଏବଂ ବିଶେଷକରି କଂଗ୍ରେସର ଦାୟିତ୍ୱ ଥିଲା। ଯାହା ହେବା ଉଚିତ ଥିଲା ତାହା ହେଉଛି ସେମାନେ ଏକାଠି ବସି ଆଗକୁ ଯିବାର ରାସ୍ତା ଦେଖାଇବା ଏବଂ ଏପରି ଯୋଜନା କରିବା ଉଚିତ ଥିଲା। କିନ୍ତୁ ଲୋକସଭା ନିର୍ବାଚନ ପରଠାରୁ, ମେଣ୍ଟର ଗୋଟିଏ ବି ବୈଠକ ଅନୁଷ୍ଠିତ ହୋଇନାହିଁ। ଏହା ମେଣ୍ଟ ପାଇଁ ଠିକ୍ ନୁହେଁ। ଯଦି ମେଣ୍ଟ ଭିତରେ ଥିବା ଦଳଗୁଡ଼ିକ ମଧ୍ୟରେ ଦୂରତା ଅଛି, ତେବେ ଏଥିପାଇଁ କିଛି ପରିମାଣରେ କଂଗ୍ରେସ ଦାୟୀ। ଏହାର କାରଣ ହେଉଛି କୌଣସି ସମନ୍ୱୟ କିମ୍ବା ଆଲୋଚନା ହେଉନାହିଁ।

ଦିଲ୍ଲୀରେ ମଧ୍ୟ ଫାଟ
ଦିଲ୍ଲୀ ବିଧାନସଭା ନିର୍ବାଚନ ଘୋଷଣା ସହିତ ଇଣ୍ଡିଆ ମେଣ୍ଟ ଭିତରେ ଥିବା ଅନ୍ତର୍ଦ୍ୱନ୍ଦ୍ୱ ଖୋଲାଖୋଲି ଭାବରେ ସାମ୍ନାକୁ ଆସିଛି। ଆମ ଆଦମୀ ପାର୍ଟି ଏବଂ କଂଗ୍ରେସ ଦିଲ୍ଲୀ ବିଧାନସଭା ନିର୍ବାଚନ ପୃଥକ ଭାବରେ ଲଢ଼ୁଥିବା ବେଳେ, ଇଣ୍ଡିଆ ମେଣ୍ଟର ବିଭିନ୍ନ ଦଳ କଂଗ୍ରେସ ପରିବର୍ତ୍ତେ ଆମ ଆଦମୀ ପାର୍ଟିକୁ ସମର୍ଥନ କରୁଥିବା ଦେଖାଯାଉଛି। କିଛି ଦିନ ପୂର୍ବରୁ ସମାଜବାଦୀ ପାର୍ଟି ଏବଂ ଟିଏମସି ଦିଲ୍ଲୀ ବିଧାନସଭା ନିର୍ବାଚନରେ ଆମ ଆଦମୀ ପାର୍ଟିକୁ ସମର୍ଥନ କରିବା ବିଷୟରେ କଥା ହୋଇଥିଲେ। ଏହି ଦିଲ୍ଲୀ ନିର୍ବାଚନରେ, କଂଗ୍ରେସ ନିଜ ଶକ୍ତିରେ ନିର୍ବାଚନ ଲଢ଼ୁଛି ସତ କିନ୍ତୁ ଯଦି ଆମେ ମେଣ୍ଟ ବିଷୟରେ କଥା ହେବା, ତେବେ ଅନ୍ୟମାନେ ଅଲଗା ଅଲଗା ପରି ମନେ ହେଉଛି।

ଓମାର ଅବଦୁଲ୍ଲା ମଧ୍ୟ ବହୁତ କିଛି କହିଥିଲେ
ଜମ୍ମୁ-କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା କିଛି ଦିନ ପୂର୍ବରୁ କହିଥିଲେ ଯେ ଦିଲ୍ଲୀ ବିଧାନସଭା ନିର୍ବାଚନ ପରେ, ସେ ସମସ୍ତ ମେଣ୍ଟ ସଦସ୍ୟଙ୍କ ସହିତ ଏକ ବୈଠକ ଡାକିବା ଉଚିତ। ଯଦି ଏହି ମେଣ୍ଟ କେବଳ ସଂସଦୀୟ ନିର୍ବାଚନ ପାଇଁ ଥିଲା, ତେବେ ଏହାକୁ ସମାପ୍ତ କରିବା ଉଚିତ। ଏବଂ ମେଣ୍ଟ ଭାଙ୍ଗିବା ପରେ, ଆମକୁ ଅଲଗା ଭାବରେ କାମ କରିବା ଉଚିତ। ଏବଂ ଯଦି ଏହା ବିଧାନସଭା ନିର୍ବାଚନ ପାଇଁ ମଧ୍ୟ, ତେବେ ଆମକୁ ଏକାଠି ବସି ଭବିଷ୍ୟତ ଯୋଜନା ଉପରେ କାମ କରିବାକୁ ପଡିବ।

କେଜରିୱାଲ ମଧ୍ୟ ଦେଇଥିଲେ ଏକ ବିବୃତ୍ତି
କିଛି ଦିନ ପୂର୍ବେ, ଆମ ଆଦମୀ ପାର୍ଟିର ସଂଯୋଜକ ତଥା ପୂର୍ବତନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଦିଲ୍ଲୀ ବିଧାନସଭା ନିର୍ବାଚନ ପାଇଁ ଦଳର ଘୋଷଣା ସମ୍ପର୍କରେ ଏକ ସାମ୍ବାଦିକ ସମ୍ମିଳନୀ କରିଥିଲେ। ଏହି ସାମ୍ବାଦିକ ସମ୍ମିଳନୀ ସମୟରେ, ଯେତେବେଳେ ତାଙ୍କୁ ପଚରାଗଲା ଯେ ସେ ଏହି ନିର୍ବାଚନରେ କଂଗ୍ରେସକୁ କିପରି ଦେଖନ୍ତି, ସେ ତାଙ୍କ ଉତ୍ତର ରଖିଥିଲେ ଯେ ଆପଣମାନେ (ମିଡିଆ) କଂଗ୍ରେସକୁ ସିରିଅସ ସହିତ ନିଅନ୍ତି, ଜନତା ବହୁତ ପୂର୍ବରୁ କଂଗ୍ରେସକୁ ଗମ୍ଭୀରତାର ସହିତ ନେବା ଛାଡି ସାରିଛନ୍ତି ।
ଅମିତାଭ ବଚ୍ଚନଙ୍କଠାରୁ ପୁନମ ପାଣ୍ଡେ ଏବଂ ଶିଳ୍ପା ସେଟ୍ଟୀ ପର୍ଯ୍ୟନ୍ତ, କୁମ୍ଭରେ ବୁଡ଼ ପକାଇସାରିଛନ୍ତି ଏହି ସେଲିବ୍ରିଟିମାନେ

ମହାକୁମ୍ଭ ୨୦୨୫ ଜାନୁଆରୀ ୧୩ ରୁ ଆରମ୍ଭ ହେବାକୁ ଯାଉଛି। କୁମ୍ଭରେ ଯୋଗଦେବା ପାଇଁ ଅନେକ ବଲିଉଡ ସେଲିବ୍ରିଟି ପ୍ରସ୍ତୁତି ଆରମ୍ଭ କରିସାରିଛନ୍ତି। ଅନେକ ସେଲିବ୍ରିଟି କୁମ୍ଭରେ ସ୍ନାନ ମଧ୍ୟ କରିସାରିଛନ୍ତି।

ମହାକୁମ୍ଭ ଆରମ୍ଭ ହେବାକୁ ଯାଉଛି ଏବଂ ଏହାର ପ୍ରସ୍ତୁତି ଜୋରସୋରରେ ଚାଲିଛି। ଲୋକମାନେ କୁମ୍ଭରେ ସ୍ନାନ କରିବା ପାଇଁ ଯୋଜନା କରିସାରିଛନ୍ତି। ବଲିଉଡ ସେଲିବ୍ରିଟିମାନେ ମଧ୍ୟ କୁମ୍ଭରେ ପହଞ୍ଚିବାକୁ ଯାଉଛନ୍ତି ଏବଂ ଅନେକ ଷ୍ଟାର କୁମ୍ଭରେ ବୁଡ଼ ପକାଇ ସାରିଛନ୍ତି।

ବଲିଉଡର ଶହେନଶାହ ଅମିତାଭ ବଚ୍ଚନ ମହାକୁମ୍ଭରେ ସାମିଲ ହୋଇ ସାରିଲେଣି । ସେ କୁମ୍ଭରେ ବୁଡ଼ ପକାଇ ସାରିଛନ୍ତି ଏବଂ ଚଳିତ ବର୍ଷ ମଧ୍ୟ ଏଥିରେ ଅଂଶଗ୍ରହଣ କରିବା ପାଇଁ ପ୍ରସ୍ତୁତି କରିସାରିଛନ୍ତି।

ମନୋରଞ୍ଜନ କ୍ୱିନ୍ ରାଖୀ ସାୱନ୍ତ ମଧ୍ୟ କୁମ୍ଭରେ ଯୋଗ ଦେଇଛନ୍ତି। କୁମ୍ଭରେ ଯୋଗଦେବାର ତାଙ୍କର ଫଟୋ ଭାଇରାଲ ହୋଇଥିଲା।

ବଲିଉଡ ଅଭିନେତା ବିବେକ ଓବେରୟ ମଧ୍ୟ କୁମ୍ଭରେ ସାମିଲ ହୋଇଛନ୍ତି। ସେ ସ୍ୱାମୀ ଚିନ୍ଦାନନ୍ଦଙ୍କ ଆଶ୍ରମକୁ ଆସିଥିଲେ। ତାଙ୍କ ବ୍ୟତୀତ, ଆହୁରି ଅନେକ ସେଲିବ୍ରିଟି ମଧ୍ୟ ଏହି ଆଶ୍ରମକୁ ଆସିଥିଲେ।

ପ୍ରୀତି ଜିଣ୍ଟା ୨୦୧୩ରେ କୁମ୍ଭମେଳା ପରିଦର୍ଶନ କରିଥିଲେ ଏବଂ ସଙ୍ଗମରେ ବୁଡ଼ ପକାଇଥିଲେ। ତାଙ୍କର ଫଟୋ ମଧ୍ୟ ଭାଇରାଲ ହୋଇଥିଲା।

ଶିଳ୍ପା ସେଟ୍ଟି ଜଣେ ଧାର୍ମିକ ବ୍ୟକ୍ତି। ସେ ପ୍ରତ୍ୟେକ ପର୍ବକୁ ବହୁତ ଧୁମଧାମରେ ପାଳନ କରନ୍ତି। ଶିଳ୍ପା ୨୦୧୩ରେ କୁମ୍ଭରେ ମଧ୍ୟ ସ୍ନାନ କରିଥିଲେ।

ପୁନମ ପାଣ୍ଡେ ମଧ୍ୟ କୁମ୍ଭ ପରିଦର୍ଶନ କରି ସ୍ନାନ କରିସାରିଛନ୍ତି। ସେ ନିଜେ କୁମ୍ଭରେ ସ୍ନାନ କରିବାର ଫଟୋ ସୋସିଆଲ ମିଡିଆରେ ସେୟାର କରିଥିଲେ।