Blog

ଜବାହରଲାଲ ନେହରୁ ମହାବିଦ୍ୟାଳୟର ବାର୍ଷିକ ଉତ୍ସବ

କଟକ ଜିଲ୍ଲା ମାହାଙ୍ଗା ବ୍ଲକ କୁଆଁପାଳ ସ୍ଥିତ ଜବାହରଲାଲ ନେହରୁ ମହାବିଦ୍ୟାଳୟର ବାର୍ଷିକ ଉତ୍ସବ ଓ ପୁରସ୍କାର ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ମହାବିଦ୍ୟାଳୟର ଅଧ୍ୟକ୍ଷ ବିସ୍ୟୋତୋସ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମାହାଙ୍ଗା ସ୍ବାଧୀନ ବିଧାୟକ ସାରଦା ପ୍ରସାଦ ପ୍ରଧାନ ଯୋଗ ଦେଇ କଲେଜର ଭିତ୍ତିଭୂମି ବିକାଶ ଉପରେ ଗୁରୁତ୍ଵାରୋପ କରିବା ସହିତ କଲେଜ ପରିସରରେ ୫୫ହଜାର ବର୍ଗଫୁଟ ମଡେଲ ଗୃହ ନିର୍ମାଣ ସହିତ ୬୦୦ ଆସନ ବିଶିଷ୍ଟ ଇଣ୍ଡୋର ଷ୍ଟାଡିୟମ ସହିତ ଅଡ଼ିଟୋରିୟମ ଓ ଷ୍ଟାଫ କମନ ରୁମ ତିଆରି କରାଯିବା ବୋଲି ସୂଚନା ଦେଇଛନ୍ତି |

ମୁଖ୍ୟ ବକ୍ତା ଭାବେ କେନ୍ଦ୍ରାପଡାର ପୂର୍ବତନ ସାଂସଦ ଅନୁଭବ ମହାନ୍ତି ଯୋଗ ଦେଇଥିବା ବେଳେ ପ୍ରଧ୍ୟାପକ ଡ ନିଖୀଳେସପଦ ମହାନ୍ତି ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ |ଏହି କାର୍ଯ୍ୟକ୍ରମରେ କଲେଜର ସମସ୍ତ ଅଧ୍ୟାପକ ଓ ଅଧ୍ୟାପିକା ସହଯୋଗ କରିଥିବା ବେଳେ ମହାବିଦ୍ୟାଳୟର ପୁରାତନ ଓ ବର୍ତ୍ତମାନର ବହୁ ଛାତ୍ରଛାତ୍ରୀ ସହଯୋଗ କରିଥିଲେ |
ଜିଲ୍ଲା ଇସି ସଂଘର ବିକ୍ଷୋଭ, ୪ ଦଫା ସମ୍ବଳିତ ଦାବିପତ୍ର ପ୍ରଦାନ

ଢେଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଶୁକ୍ରବାର ଦିନ ୧୧ ଟା ୧୫ ମିନିଟ ସମୟରେ ଓଡ଼ିଶା ମିଶନ ମହିଳା ଗୋଷ୍ଟୀ ଇସି ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ରାଜ୍ୟ ସରକାରଙ୍କ ମିଶନ ଶକ୍ତି ବିଭାଗର ଜି ପି ଏଲ ଏଫ୍, ବି ଏଲ୍ ପି ର ପୂର୍ନର ଗଠନ ପାଇଁ ନର୍ଦ୍ଧେଶନାମା ସ୍ଥଗିତ ରଖିବା ଦାବୀରେ ଏହି ବିକ୍ଷୋଭ କରାଯାଇଛି ।

ଶେଷରେ ଜିଲ୍ଲାପାଳଙ୍କୁ କାର୍ଯ୍ୟାଳୟରେ ୪ ଦଫା ଦାବି ସମ୍ବଳିତ ଏକ ଦାବିପତ୍ର ମୁଖ୍ୟମନ୍ତ୍ରୀ ଏବଂ ଉପ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଅତିରିକ୍ତ ଜିଲ୍ଲାପାଳଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି । ଜିଲ୍ଲାର ୮ ଟି ବ୍ଲକରୁ ଶହ ଶହ ସଂଖ୍ୟାରେ ଇସି ମହିଳାମାନେ ଏହି କାର୍ଯ୍ୟାଳୟରେ ଯୋଗ ଦେଇଥିଲେ । ଏବଂ ସେମାନଙ୍କ ଦାବି ପୂରଣ ନହେଲେ ଆନ୍ଦୋଳନ ଆଗାମୀ ଦିନରେ ଆହୁରି ବଡ ଧରଣର ଆନ୍ଦୋଳନ ହେବ ବୋଲି ସେମାନେ ପ୍ରକାଶ କରିଛନ୍ତି ।
ଗାଇସିଲେଟ ଠାରେ ବାର୍ଷିକ ଆକାଂକ୍ଷା ଉତ୍ସବ ଅନୁଷ୍ଠିତ

ବରଗଡ଼ : ବରଗଡ଼ ଜିଲ୍ଲା ଗାଇସିଲେଟ ନୋଡାଲ ଉଚ୍ଚ ବିଦ୍ୟାଳୟ ଠାରେ ବାର୍ଷିକ ଆକାଂକ୍ଷା ଉତ୍ସବ ୨୦୨୪-୨୫ ଅନୁଷ୍ଠିତ ହୋଇଯାଇଛି l ଏହି ଉତ୍ସବରେ ମୁଖ୍ୟ ଅତିଥି ଭାବେ ଗାଇସିଲେଟ ଜୋନର ଜିଲ୍ଲାପରିଷଦ ସଭ୍ୟା ଝରଣା ପାଣିଗ୍ରାହୀ ଓ ବରଗଡ ଜିଲ୍ଲା ବିଜ୍ଞାନ ନିରୀକ୍ଷକ ଶ୍ରୀଯୁକ୍ତ ଧୀରୋଜ କୁମାର ପଟ୍ଟନାୟକର ଏହି ଉତ୍ସବରେ ଯୋଗଦେଇଥିଲେ l

ମୁଖ୍ୟ ବକ୍ତା ଭାବେ ସ୍ଥାନୀୟ ପଞ୍ଚାୟତ ସମିତି ମହାବିଦ୍ୟାଳୟର ଅଧ୍ୟକ୍ଷ ଡକ୍ତର ଜୟ କେତନ ତ୍ରିପାଠୀ ଓ ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀଯୁକ୍ତ ସରତ କାଲୋ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ଜୟ କୁମାର ସାହୁ ଓ ଶ୍ରୀଯୁକ୍ତ ଧବଳେଶ୍ଵର ବରିହା, ମୋ ସ୍କୁଲ୍ ଅଭିଯାନର ସଭାପତି ତଥା ସ୍ଥାନୀୟ କ୍ଳଷ୍ଟର ସି ଆର୍ ସି ସି କିଶୋର କୁମାର ଯୋଷୀ, ସ୍କୁଲ ପରିଚାଳନା କମିଟିର ସଭ୍ଯ ତ୍ରିଲୋଚନ ପଣ୍ଡା ଯୋଗ ଦେଇଥିଲେ l

ଉଦଘାଟନୀ ଉତ୍ସବ ଓ ସାଂସ୍କୃତିକ କାର୍ଯ୍ୟକ୍ରମକୁ ସ୍କୁଲର ପ୍ରଧାନ ଶିକ୍ଷକ ଅନିଲ କୁମାର ବେହେରା ସଭାପତିତ୍ବ କରିଥିଲେ l ସାଂସ୍କୃତିକ କାର୍ଯ୍ୟକ୍ରମରେ ବିଶିଷ୍ଟ ସମାଜସେବୀ ରଞ୍ଜନ କୁମାର ପଣ୍ଡା ଯୋଗ ଦେଇଥିଲେ l ସ୍ନିଗ୍ଧାରାଣୀ ଦାଶ, ଅସ୍ମିତା ପ୍ରିୟଦର୍ଶିନୀ, ଥବିର ଶିଖା ତଥା ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ତଥା କର୍ମଚାରୀ ଏହି କାର୍ଯ୍ୟକ୍ରମରେ ସମ୍ପୂର୍ଣ୍ଣ ସହଯୋଗ କରି ସାଫଲ୍ୟ କରିଥିଲେ l ଏହି ଅବସରରେ ଏହି ସ୍କୁଲର ପୁରାତନ ଛାତ୍ର ସୁନୀଲ କୁମାର ପୁରୋହିତଙ୍କୁ ଶ୍ରେଷ୍ଠ ଆଲୁମିନି ପୁରସ୍କାର ଓ ଡାକ୍ତର ସତୀଶ କୁମାର ଯୋଷୀକୁ ସମ୍ମାନିତ କରାଯାଇଥିଲା l
କିଏ ହେବ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ?

କିଏ ହେବ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ … ୨୭ ବର୍ଷ ପରେ ଦିଲ୍ଲୀରେ କ୍ଷମତାକୁ ଫେରିବାକୁ ଯାଉଥିବା ବିଜେପି, ବିନା ମୁଖ୍ୟମନ୍ତ୍ରୀ ଚେହେରାରେ ନିର୍ବାଚନ ମଇଦାନକୁ ପ୍ରବେଶ କରିଥିଲା। ବିଜେପିର କହିବା କଥା ଯେ ପ୍ରଧାନମନ୍ତ୍ରୀ ମୋଦିଙ୍କ ଚେହେରାରେ ସେମାନେ ନିର୍ବାଚନ ଲଢ଼ିଛନ୍ତି। ହେଲେ ଏବେ ପ୍ରଶ୍ନ ଉଠୁଛି ମୁଖ୍ୟମନ୍ତ୍ରୀ କାହାକୁ କରାଯିବ, କାରଣ ଅନେକ ଦାବିଦାର ଅଛନ୍ତି? ତଥାପି, ଏହା ମଧ୍ୟ ସମ୍ଭବ ଯେ ଯେପରି ଭଜନ ଲାଲ ଶର୍ମାଙ୍କୁ ରାଜସ୍ଥାନରେ, ମୋହନ ଯାଦବଙ୍କୁ ମଧ୍ୟପ୍ରଦେଶରେ ଏବଂ ବିଷ୍ଣୁ ଦେବ ସାଇଙ୍କୁ ଛତିଶଗଡ଼ରେ ଅଣାଯାଇଥିଲା, ଦିଲ୍ଲୀରେ ମଧ୍ୟ ସମାନ ଘଟଣା ଘଟିବ କି? ବିଜେପି କାହା ମୁଣ୍ଡରେ ଦିଲ୍ଲୀର ମୁକୁଟ ରଖିବ ତାହା କହିବା ବହୁତ କଷ୍ଟକର, କିନ୍ତୁ ବର୍ତ୍ତମାନ ଦିଲ୍ଲୀରେ କିଛି ଚେହେରା ଅଛି ଯେଉଁମାନେ ମୁଖ୍ୟମନ୍ତ୍ରୀ ପଦ ପାଇଁ ଦୌଡ଼ରେ ଥିବାର ଦେଖାଯାଉଛି।

କ’ଣ ପ୍ରବେଶ ବର୍ମା ଉପଯୁକ୍ତ ପସନ୍ଦ?
ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ସାହିବ ସିଂହ ବର୍ମାଙ୍କ ପୁଅ ପରବେଶ ବର୍ମା ପଶ୍ଚିମ ଦିଲ୍ଲୀ ନିର୍ବାଚନମଣ୍ଡଳୀରୁ ଦୁଇଥର ସାଂସଦ ହୋଇଛନ୍ତି। ପରବେଶ ବର୍ମା ନୂଆଦିଲ୍ଲୀ ଆସନରୁ ଆପ ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ପରାସ୍ତ କରିଛନ୍ତି। ଏହି ଆସନରେ ସେ ଅରବିନ୍ଦ କେଜରିୱାଲ ଏବଂ ପୂର୍ବତନ କଂଗ୍ରେସ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତଙ୍କ ପୁଅ ସନ୍ଦୀପ ଦୀକ୍ଷିତଙ୍କ ବିରୁଦ୍ଧରେ ପ୍ରତିଦ୍ୱନ୍ଦ୍ୱିତା କରୁଥିଲେ। ଏହି ବିଜୟ ପରେ, ପ୍ରବେଶ ବର୍ମା ‘ମୁଖ୍ୟମନ୍ତ୍ରୀ’ ପଦ ପାଇଁ ଜଣେ ଦୃଢ଼ ଦାବିଦାର ଭାବରେ ଉଭା ହୋଇଛନ୍ତି। ତଥାପି, ପ୍ରବେଶ ବର୍ମା କେବେ ଦାବି କରିନଥିଲେ ଯେ ସେ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ସେ ଜଣେ ଫାୟାରବ୍ରାଣ୍ଡ ନେତା, ଯାହାଙ୍କ ଅନେକ ବୟାନ ବିବାଦ ସୃଷ୍ଟି କରିଛି। ସେ ନାଗରିକତା ସଂଶୋଧନ ଆଇନ, ଜାତୀୟ ନାଗରିକ ପଞ୍ଜିକା ଏବଂ ଜାତୀୟ ଜନସଂଖ୍ୟା ପଞ୍ଜିକା ବିରୋଧରେ ଶାହିନ ବାଗ ପ୍ରତିବାଦ ସମ୍ପର୍କରେ ଏପରି ଅନେକ ବୟାନ ଦେଇଛନ୍ତି, ଯାହାକୁ ତୀବ୍ର ବିରୋଧ କରାଯାଇଥିଲା।

ବୀରେନ୍ଦ୍ର ସଚଦେବାଙ୍କୁ ପିନ୍ଧାଯିବ କି ମୁକୁଟ ?
ବୀରେନ୍ଦ୍ର ସଚଦେବାଙ୍କୁ ୨୦୨୨ ମସିହାରେ ଦିଲ୍ଲୀ ବିଜେପିର କାର୍ଯ୍ୟକାରୀ ସଭାପତି ଏବଂ ୨୦୨୩ ମସିହାରେ ପୂର୍ଣ୍ଣକାଳୀନ ସଭାପତି ଭାବରେ ନିଯୁକ୍ତ କରାଯାଇଥିଲା। ଦିଲ୍ଲୀ ବିଜେପିରେ ଗୋଷ୍ଠୀ ବିବାଦକୁ ନିୟନ୍ତ୍ରଣରେ ରଖିବା ଏବଂ ୧୯୯୮ ପରେ ପ୍ରଥମ ଥର ପାଇଁ ରାଜଧାନୀରେ ଦଳକୁ କ୍ଷମତାକୁ ଆଣିବାର ଶ୍ରେୟ ବୀରେନ୍ଦ୍ର ସଚଦେବାଙ୍କୁ ନିଶ୍ଚିତ ଭାବରେ ମିଳିବ। ଦିଲ୍ଲୀର କଠିନ ଚ୍ୟାଲେଞ୍ଜର ସମ୍ମୁଖୀନ ହୋଇ, ସଚଦେବା ସର୍ବଦା ବିଶ୍ୱାସ ପ୍ରକାଶ କରିଛନ୍ତି ଯେ ବିଜେପି ଦିଲ୍ଲୀରେ ସରକାର ଗଠନ କରିବ। ପ୍ରାରମ୍ଭିକ ଟ୍ରେଣ୍ଡରେ ବିଜେପି ଆରାମଦାୟକ ନେତୃତ୍ୱ ନେଉଥିବା ଦେଖାଯିବା ପରେ ମୁଖ୍ୟମନ୍ତ୍ରୀ କିଏ ହେବେ ବୋଲି ପଚରାଯିବାରୁ, ସଚଦେବା କେବଳ କହିଥିଲେ ଯେ ଏହା ଦଳର କେହି ଜଣେ ହେବେ ଏବଂ କେନ୍ଦ୍ରୀୟ ନେତୃତ୍ୱ ଏହା ଉପରେ ନିଷ୍ପତ୍ତି ନେବେ।

ବାଂଶୁରୀ ସ୍ୱରାଜ ମଧ୍ୟ ହୋଇପାରନ୍ତି…
ସ୍ୱର୍ଗତ ସୁଷମା ସ୍ୱରାଜଙ୍କ ଝିଅ ବାଂଶୁରୀ ସ୍ୱରାଜ ଦିଲ୍ଲୀରେ ବିଜେପିର ଜଣେ ପ୍ରମୁଖ ନେତ୍ରୀ ଭାବରେ ଉଭା ହେଉଛନ୍ତି। ସେ ଗତ ବର୍ଷ ହିଁ ସାଂସଦ ଭାବରେ ନିର୍ବାଚିତ ହୋଇଥିଲେ, ତା’ପରେ ସେ ନିରନ୍ତର କାମ କରିଆସୁଛନ୍ତି। ସେ ଜଣେ ଓକିଲ, ତାଙ୍କୁ ୨୦୨୩ ମସିହାରେ ଦିଲ୍ଲୀ ବିଜେପିର ଆଇନଗତ ସେଲର ମୁଖ୍ୟ ନିଯୁକ୍ତ କରାଯାଇଥିଲା ଏବଂ ତା’ପରେ ତାଙ୍କୁ ନୂଆଦିଲ୍ଲୀ ଲୋକସଭା ନିର୍ବାଚନମଣ୍ଡଳୀରୁ ପ୍ରାର୍ଥୀ କରାଯାଇଥିଲା, ସେ ବର୍ତ୍ତମାନର ସାଂସଦ ଏବଂ କେନ୍ଦ୍ରମନ୍ତ୍ରୀ ମୀନାକ୍ଷୀ ଲେଖିଙ୍କ ସ୍ଥାନରେ ନିର୍ବାଚିତ ହୋଇଥିଲେ।

ମନୋଜ ତିୱାରୀ ମଧ୍ୟ ମୁଖ୍ୟମନ୍ତ୍ରୀ ଦୌଡ଼ରେ!
୨୦୨୪ ଲୋକସଭା ନିର୍ବାଚନରେ ବିଜେପି ପକ୍ଷରୁ ଦିଲ୍ଲୀରୁ ପ୍ରାର୍ଥୀ ହେବାରେ ଏକମାତ୍ର ସାଂସଦ ମନୋଜ ତିୱାରୀ ହେଉଛନ୍ତି ରାଜଧାନୀରେ ଦଳର ସବୁଠାରୁ ବଡ଼ ଚେହେରା। ପୂର୍ବାଞ୍ଚଳ ଅଞ୍ଚଳର ପ୍ରବାସୀମାନଙ୍କ ମଧ୍ୟରେ ଅଭିନେତାରୁ ରାଜନେତା ହୋଇଥିବା ମନୋଜ ତିୱାରୀ ବହୁତ ଲୋକପ୍ରିୟ। କିଛି ଦିନ ପୂର୍ବେ ଏକ ସାକ୍ଷାତକାର ସମୟରେ ଯେତେବେଳେ ମନୋଜ ତିୱାରୀଙ୍କୁ ପଚରାଯାଇଥିଲା ଯେ ଯଦି ବିଜେପି କ୍ଷମତାକୁ ଆସେ, ତେବେ ମୁଖ୍ୟମନ୍ତ୍ରୀ କିଏ ହେବେ? ସେ ଏଥିରେ କାହାର ନାମ ନେଇ ନଥିଲେ, କିନ୍ତୁ ସେ ମଧ୍ୟ ମୁଖ୍ୟମନ୍ତ୍ରୀ ଦୌଡ଼ରେ ଥିବା ସମ୍ଭାବନାକୁ ଅସ୍ୱୀକାର କରିନଥିଲେ।
ପାରାଦ୍ଵୀପ କଲେଜ ସୁବର୍ଣ୍ଣ ଜୟନ୍ତୀ ସମାରୋହର ଉଦ୍ଘାଟନୀ ଉତ୍ସବ

ପାରାଦ୍ଵୀପ କଲେଜର ସୁବର୍ଣ୍ଣ ଜୟନ୍ତୀ କାର୍ଯ୍ୟକ୍ରମରେ ଯୋଗ ଦେଇ କାର୍ଯ୍ୟକ୍ରମକୁ ଉଦ୍ଘାଟନ କଲେ ଓଡ଼ିଶାର ମହାମହିମ ରାଜ୍ୟପାଳ ଡଃ ହରି ବାବୁ କମ୍ଭମପତି ।

ଏହାସହ ତିନିଦିନ ଧରି ଚାଲିବାକୁ ଥିବା କାର୍ଯ୍ୟକ୍ରମର ଉଦଘାଟନୀ ସମାରୋହରେ ଉଚ୍ଚଶିକ୍ଷା, କ୍ରୀଡ଼ାମନ୍ତ୍ରୀ ସୂର୍ଯ୍ୟବଂଶୀ ସୂରଜ, ଜଗତସିଂହପୁର ସାଂସଦ ବିଭୂପ୍ରସାଦ ତରାଇ, ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ, ପାରାଦ୍ଵୀପ ମ୍ୟୁନିସିପାଲଟି ଅଧ୍ୟକ୍ଷ ବସନ୍ତ ବିଶ୍ବାଳ, ପାରାଦ୍ଵୀପ ବନ୍ଦର ଅଧ୍ୟକ୍ଷ ପି ଏଲ ହାରାନାଦ, ଜଗତସିଂହପୁର ଜିଲ୍ଲାପାଳ ଜେ ସୋନାଲ ଯୋଗଦେଇଥିବା ବେଳେ କଲେଜ ଅଧ୍ୟକ୍ଷା ଡଃ ସସ୍ମିତା ଶତପଥୀ ଅଧ୍ୟକ୍ଷତା କରିଥିଲେ।

ଏହି କାର୍ଯ୍ୟକ୍ରମରେ ବହୁ ପୁରାତନ ଛାତ୍ର ଛାତ୍ରୀ, ଶିକ୍ଷକ ଓ କଲେଜର ଛାତ୍ର ଛାତ୍ରୀ ଯୋଗଦେଇଥିଲେ। ପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଆଜିଠୁ ଦ୍ୱାଦଶ ବାଲିଆପାଳ ମହୋତ୍ସବ ଉଦ୍ଘାଟିତ

ଆଜିଠାରୁ ବାଲିଆପାଳର କଳା, ସଂସ୍କୃତି ଓ ସ୍ଥାପତ୍ୟକୁ ଉଜ୍ଜିବୀତ କରିବା ଉଦ୍ଦେଶ୍ୟରେ ବାଲିଆପାଳ ପଂଚାୟତ ଅଫିସ ନିକଟରେ ଅନୁଷ୍ଠିତ ହୋଇଯାଇଛି ଦ୍ୱାଦଶ ବାଲିଆପାଳ ମହୋତ୍ସବ | ଏହାକୁ ଆଜି ସନ୍ଧ୍ୟାରେ ସ୍ଥାନୀୟ ପ୍ରଶାସନିକ ଅଧିକାରୀମାନେ ଉଦ୍ଘାଟନ କରିଛନ୍ତି | ଏ ନେଇ ମହୋତ୍ସବ କମିଟି ପକ୍ଷରୁ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି। ମହୋତ୍ସବ କମିଟିର ଆବାହକ ଇଂ ସୁଶାନ୍ତ କୁମାର ଚକ୍ରବର୍ତୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ସାମ୍ବାଦିକ ସମ୍ମିଳନୀରେ କମିଟିର ଉପଦେଷ୍ଟା ପୂର୍ବତନ ସରପଂଚ ମଧୁସୂଦନ ବାରିକ, ମୂରଲୀ ମୋହନ ସାହୁ, ସଦସ୍ୟ ଅରୁଣ ପାତ୍ର, ଜଗନ୍ନାଥ ବାରିକ, ବିଜୟ ସାମଲ, ବ୍ୟୋମକେଶ ସାହୁ, ସୁଶାନ୍ତ ଦାସ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ |

ଏହି ମେଳା ଆସନ୍ତା ୧୬ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ବେଳେ ଚଳିତବର୍ଷ ମେଳାରେ ରାଜ୍ୟ ତଥା ରାଜ୍ୟ ବାହାରୁ ୧ ହଜାରରୁ ଉର୍ଦ୍ଧ୍ବ ଷ୍ଟଲ, ମୀନାବଜାର, ନାଗରଦୋଳି ସ୍ଥାନ ପାଇଛି | ସେହିପରି ପ୍ରତିଦିନ ସନ୍ଧ୍ୟାରେ ସ୍ଥାନୀୟ ପ୍ରତିଭା ମାନଙ୍କୁ ନେଇ କାର୍ଯ୍ୟକ୍ରମ ସହିତ ହଜି ଯାଉଥିବା ଲୋକ କଳା ପ୍ରଦର୍ଶନ ସାଙ୍ଗକୁ ରାଜ୍ୟ ସରକାରଙ୍କ ସଂସ୍କୃତି ବିଭାଗ ପକ୍ଷରୁ ସମ୍ବଲପୁରୀ, ଗୋଟିପୁଅ, ଛଉ, ଓଡିଶୀ ପ୍ରଭୃତି ନୃତ୍ୟ ଅନୁଷ୍ଠାନମାନେ କାର୍ଯ୍ୟକ୍ରମ ପରିବେଷଣ କରିବେ | ସେହିପରି ପ୍ରତିଦିନ ବିଭିନ୍ନ ତାରକାମାନଙ୍କୁ ନେଇ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ |

ମେଳାର ଶାନ୍ତି ଶୃଙ୍ଖଳା, ପାନୀୟ ଜଳ ବ୍ୟବସ୍ଥା, ଟ୍ରାଫିକ ନିୟନ୍ତ୍ରଣ ପାଇଁ କମିଟି ସମେତ ସ୍ଥାନୀୟ ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଥିବା କମିଟି ପକ୍ଷରୁ ସୂଚନା ଦିଆଯାଇଛି | ଅନ୍ୟମାନଙ୍କ ମଧ୍ୟରେ କମିଟିର ସଦସ୍ୟ ମୁକୁନ୍ଦ ସିଂ, ନରେଶ ସାହୁ,ପିଣ୍ଟୁ ସୀ, ହରବନ୍ଧୁ ଜେନା, ଅସିତ ପଟ୍ଟନାୟକ, ସୁଜୟ ପରିଡା, ଉମାକାନ୍ତ ନାୟକ, ରାଧାକୃଷ୍ଣ ପାତ୍ର, ମୃତ୍ୟୁଞ୍ଜୟ ପରିଡା, ସନାତନ ସିଂ, ବିନୋଦ ବେହେରା, ରଘୁନାଥ ସିଂ, ଇନତାଜ ସାହା ସମେତ କମିଟିର ସମସ୍ତ ସଦସ୍ୟ ଉପସ୍ଥିତ ଥିଲେ | କମିଟିର ବରିଷ୍ଠ ସଦସ୍ୟ ଅନନ୍ତ ବିଶ୍ବାଳ ଧନ୍ୟବାଦ ଅର୍ପଣ କରିଥିଲେ |
ମହାବୀର ପ୍ଲାଣ୍ଟର ବ୍ଲାଷ୍ଟ ଫର୍ନେସରେ ଦୁର୍ଘଟଣା: ୬ ଆହତ, ୨ ଗୁରୁତର

ସୁନ୍ଦରଗଡ଼ ଜିଲ୍ଲା ବ୍ରାହ୍ମଣୀତରଙ୍ଗ ଥାନା କଲୁଙ୍ଗା ସଂଲଗ୍ନ ବଲଣ୍ଡା ଅଞ୍ଚଳରେ ଥିବା ମହାବୀର ଫେରୋ ଆଲଏଜ୍ ପ୍ଲାଣ୍ଟରେ ଏକ ବଡ଼ ଧରଣର ବିସ୍ଫୋରଣ ହୋଇଥିବା ଜଣାପଡିଛି । ବିସ୍ଫୋରଣରେ ୬ ଜଣ ଗୁରୁତର ହୋଇଥିବା ବେଳେ ୨ ଜଣଙ୍କର ଅବସ୍ଥା ସଂକଟାପନ୍ନ ଥିବା ଜଣାଯାଇଛି । ସମସ୍ତଙ୍କୁ ଦଣ୍ଡିଆପାଲିସ୍ଥିତ ଜେପି ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।

ତେବେ ବ୍ଲାଷ୍ଟ ଫର୍ନେସର ଏକ ନୂତନ ଭାଟି ଚଳାଇବା ସମୟରେ ଅଚାନକ ଏକ ବଡ଼ ଧରଣର ବିସ୍ଫୋରଣ ହୋଇଥିବା ଜଣାପଡିଛି । ସ୍ଥାନୀୟ ଲୋକଙ୍କ ମତରେ ବିସ୍ଫୋରଣଟି ଏତେ ଭୟଙ୍କର ଥିଲା ଯେ ଏହାର ଶବ୍ଦ ଆଖପାଖରେ ଥିବା କିଛି କାରଖାନାକୁ ଶୁଣାଯାଇଥିଲା । ତେବେ ଏହି ଘଟଣାର ଭିଡିଓ ଗଣମାଧ୍ୟମରେ ପ୍ରସାରିତ ହେବାପରେ ପ୍ରଶାସନ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ବରିଷ୍ଠ ଅଧିକାରୀଙ୍କ ଢିଲାପଣ ସହ ସେଫଟି ଅଧିକାରୀଙ୍କ ଦାୟିତ୍ବହୀନତା ଯୋଗୁଁ ଏପରି ଦୁର୍ଘଟଣା ଘଟିଥିବା ଶ୍ରମିକ ସଙ୍ଗଠନ ପ୍ରକାଶ କରିଛି । ଦୋଷୀଙ୍କ ପ୍ରତି ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ଦାବି କରିଛି ଶ୍ରମିକ ସଙ୍ଗଠନ । ଉକ୍ତ ଦୁର୍ଘଟଣାରେ ପ୍ଲାଣ୍ଟ ଭିତରେ ଏକ ପ୍ରକାର କୋକୁଆ ଭୟର ବାତାବରଣ ସୃଷ୍ଟି ହେବା ସହ ଶ୍ରମିକ ଗଣ ଏଣେତେଣେ ଦୌଡିବାକୁ ଲାଗିଥିଲେ ।

ତେବେ ଶ୍ରମିକଙ୍କ ପରିବାର ପରିଜନ ସ୍ଥାନୀୟ ପ୍ରଶାସନ ଓ ଫ୍ୟାକ୍ଟ୍ରି ଅଧିକାରୀଙ୍କୁ ଜବାବ ମାଗିଛନ୍ତି । ତେବେ ପ୍ରଶାସନ କହିଛି ଯେ ତଦନ୍ତ ହେବାପରେ ସୁନିଶ୍ଚିତ ଭାବେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଦୁର୍ଘଟଣା ପ୍ରକୃତ ତଥ୍ୟ ଲୁଚାଉଥିବା ଅନୁମାନ କରାଯାଉଛି । ଦେଖିବାକୁ ବାକି ରହିଲା ପ୍ରଶାସନ କେତେଶୀଘ୍ର ପଦକ୍ଷେପ ନେଉଛି ।
ଜାଡେଜା ୬୦୦ ୱିକେଟ କ୍ଲବରେ ପଞ୍ଚମ ଭାରତୀୟ

ଭେଟେରାନ ଅଲରାଉଣ୍ଡର ଟିମ ଇଣ୍ଡିଆ ଖେଳାଳି ରବୀନ୍ଦ୍ର ଜାଡେଜା ପଞ୍ଚମ ଭାରତୀୟ ଭାବେ ୬୦୦ ଅନ୍ତର୍ଜାତୀୟ ୱିକେଟ ମାଇଲଖୁଣ୍ଟ ଅତିକ୍ରମ କରିଛନ୍ତି I ଇଂଲଣ୍ଡ ବିପକ୍ଷ ନାଗପୁର ଦିନିକିଆରେ ୩ ୱିକେଟ ନେଇ ଏହି ଗୌରବ ହାସଲ କରିଛନ୍ତି I ଆଦିଲ ରସିଦଙ୍କୁ ନିଜ ତୃତୀୟ ୱିକେଟ ଭାବେ ଆଉଟ କରିବା ବେଳେ ସେ ଏହି ମାଇଲଖୁଣ୍ଟକୁ ପହଞ୍ଚିଥିଲେ I

ଜାଡେଜା ଦିନିକିଆରେ ୧୯୮ ମ୍ୟାଚରୁ ୨୨୩ ୱିକେଟ ଅକ୍ତିଆର କରିଥିବା ବେଳେ ୮୦ ଟେଷ୍ଟରୁ ୩୨୩ ୱିକେଟ ଏବଂ ୭୪ ଟ୍ୱେଣ୍ଟି-୨୦ ଅନ୍ତର୍ଜାତୀୟରୁ ୫୪ ୱିକେଟ ନିଜ ନାଁ ରେ ସାମିଲ କରିଛନ୍ତି I ଗତବର୍ଷ ଟ୍ୱେଣ୍ଟି-୨୦ ବିଶ୍ୱକପ ବିଜୟ ପରେ ରୋହିତ ଶର୍ମା, ବିରାଟ କୋହଲିଂକ ଭଳି ରବୀନ୍ଦ୍ର ଜାଡେଜା ଏହି ଫର୍ମାଟରୁ ଅବସର ଘୋଷଣା କରି ଦେଇଥିଲେ I

ଅନ୍ତର୍ଜାତୀୟ କ୍ରିକେଟରେ ୬୦୦ ୱିକେଟ ପୂର୍ଣ୍ଣ କରିବାରେ ପଞ୍ଚମ ଭାରତୀୟ ହୋଇଛନ୍ତି I ରବୀନ୍ଦ୍ରଙ୍କ ପୂର୍ବରୁ ଏହି କ୍ଲବ୍ ରେ ଅନିଲ କୁମ୍ବଲେ ୯୫୩ ରବିଚନ୍ଦ୍ରନ ଅଶ୍ୱିନ ୭୬୫ ହରଭଜନ ସିଂହ ୭୦୭ ଓ କପିଳ ଦେବ ୬୮୬ ସାମିଲ ଥିଲେ I ଦିନିକିଆରେ ୨୦୦ ରୁ ଉର୍ଦ୍ଧ ୱିକେଟ ଦଖଲରେ ସେ ସପ୍ତମ ଭାରତୀୟ ଅଛନ୍ତି I
ମଦୁଆ ଶିକ୍ଷକଙ୍କ ତାଣ୍ଡବ, ଛାତ୍ରଛାତ୍ରୀଙ୍କୁ ଦେଲେ ହଗା-ନଗା ମାଡ

ଗୁରୁ ବ୍ରହ୍ମା, ଗୁରୁ ବିଷ୍ଣୁ, ଗୁରୁ ଦେବ ମହେଶ୍ବର, ଗୁରୁ ସାକ୍ଷାତ ପରଂ ବ୍ରହ୍ମ, ତସ୍ମୟଶ୍ରୀ ଗୁରବେ ନମ, ପିତାମାତାଙ୍କ ପରେ ଶିକ୍ଷକଙ୍କୁ ହିଁ ଦ୍ବିତୀୟ ଭଗବାନ ବୋଲି କୁହାଯାଏ, କିନ୍ତୁ ସେହି ଭଗବାନ ଆଜି ରାକ୍ଷସ ପରି କାମ କରିଥିବା ଦେଖିବାକୁ ମିଳିଛି ।

ସୂଚନା ଅନୁସାରେ,ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକ ଡଭା ପଂଚାୟତ ଠାକୁରଦିଆ ଗାଁ ବିଦ୍ୟାଳୟର ସହକାରୀ ଶିକ୍ଷକ ପଦ୍ମଲୋଚନ ମୁନାଙ୍କ ନାଁରେ ଆସିଛି ସାଂଘାତିକ ଅଭିଯୋଗ ।

ଶିକ୍ଷକ ଜଣକ ମଦ୍ୟପାନ କରି ନିର୍ମମ ଭାବେ ୧୬ ଜଣ ଛାତ୍ରଛାତ୍ରୀଙ୍କୁ ମାଡ ମାରିଥିବା ଅଭିଯୋଗ ହୋଇଛି । ଏହାସହ ଜୋତାରେ ଗୋଇଠା ମାରିବା ଭଳି ଅଭିଯୋଗ ଆଣିଛନ୍ତି ଅଭିଭାବକ ମାନେ ।
କୋଇଲା କଳା ବ୍ୟପାର, ବ୍ୟବସାୟରେ ଲମ୍ବିଛି ଚେର, ଜବତ ହେଲା ୩୦ ଟନ ଚୋରା କୋଇଲା

ପାରାଦ୍ଵୀପରେ ଲମ୍ବିଛି ଚୋରା କୋଇଲା ବ୍ୟବସାୟର ଚେର । ପାରାଦ୍ଵୀପ ବନ୍ଦରରୁ ଟ୍ରେନ୍ ଯୋଗେ ବିଭିନ୍ନ କମ୍ପାନୀକୁ ଯାଉଥିବା ମୁଲ୍ୟବାନ କୋଇଲାକୁ କିଛି ଦୂର୍ବୁତ୍ତ ଅଧା ବାଟରେ କାଢି ବିକ୍ରି କରୁଥିବା ଜଣାପଡ଼ିଛି। ଗତ ରବିବାର ରାତିରେ ପାରାଦ୍ଵୀପ ସିଜୁ ରେଲୱେ ଷ୍ଟେସନ ନିକଟରେ କିଛି ବ୍ୟକ୍ତି କୋଇଲା କାଢି ଥିବା ଖବର ପାଇବା ପରେ, ରେଲୱେ ପୋଲିସ ସେଠାରେ ପହଞ୍ଚି ପାଖାପାଖି ୫ ଟନର କୋଇଲା ଉଦ୍ଧାର କରିଥିବା ବେଳେ ଗୋଟିଏ ବାଇକ୍ ଜବତ କରିଥିଲେ। ଏହି ଘଟଣାର ତଦନ୍ତ ଭାର ରେଲୱେ କ୍ରାଇମବ୍ରାଞ୍ଚ ନିଜ ହାତକୁ ନେଇ ପାରାଦ୍ଵୀପରେ ଚଢ଼ାଉ କରିଥିଲା। କୋଇଲା ଚୋରି ରାକେଟର ଜଣଙ୍କୁ ଗିରଫ କରାଯିବା ସହ ସମ୍ପୃକ୍ତ ଅନ୍ୟମାନେ ଫେରାର ହୋଇଯାଇଥିଲେ ।

ତଦନ୍ତରେ କ୍ରାଇମବ୍ରାଞ୍ଚ ଦୋଛକି ନିକଟ ଏକ ପାଲ ଘେରା ଘରୁ ବିପୁଳ ପରିମାଣର ଚୋରା କୋଇଲା ଓ ତେଲ ଜବତ କରିଛି । ଏଥିରେ ୧୨ଟି ବ୍ୟାରେଲରେ ପାଖାପାଖି ୨୨ ଶହ ଲିଟର ଚୋରା ଡିଜେଲ ଓ ୬୦୦ ଲିଟର ଚୋରା ପେଟ୍ରୋଲ ଜବତ କରାଯାଇଥିବା ବେଳେ ୩୦ ଟନ୍ ଚୋରା କୋଇଲା ଜବତ କରାଯାଇଛି। କ୍ରାଇମବ୍ରାଞ୍ଚ ଟିମ୍ ଏହି ଘଟଣାରେ ସମ୍ପୃକ୍ତ ଥିବା ୧୪ ରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଧରିବା ପାଇଁ ଚଢ଼ାଉ ଜାରି ରଖିଛି ।

ସୂଚନା ଅନୁସାରେ, ପାରାଦ୍ଵୀପ ବନ୍ଦରରୁ କୋଇଲା ଟ୍ରେନ୍ ଗୁଡିକ ବାହାରିବା ସମୟରେ ଧିରେ ଧିରେ ଯାଇଥାଏ। ଏହାର ସୁଯୋଗ ନେଇ କିଛି ବ୍ୟକ୍ତି ସ୍ଥାନୀୟ ଲୋକଙ୍କ ସହାୟତାରେ ଚଳନ୍ତା ଟ୍ରେନ୍ ରୁ ମୁଲ୍ୟବାନ କୋଇଲା କୁ ତଳକୁ ପକାଇ , ପରେ ଏହାକୁ ନିଜ ଗୋଦାମରେ ରଖି ବିଭିନ୍ନ ଡିପୋକୁ ପଠାଇଥାନ୍ତି। ଏଥିରେ ରେଲୱେ ବିଭାଗର କିଛି କର୍ମଚାରୀ ସାମିଲ ଥିବାର ସୂଚନା କ୍ରାଇମବ୍ରାଞ୍ଚକୁ ମିଳିଥିବା ବିଶେଷ ସୂତ୍ରରୁ ଜଣାପଡିଛି।