Blog

ମହିଳାଙ୍କୁ ସଶକ୍ତ କରିବା ପାଇଁ ରାଜ୍ୟ ସରକାରଙ୍କ ଆଉ ଏକ ପଦକ୍ଷେପ

ମହିଳା ମାନଙ୍କୁ ସଶକ୍ତ କରିବା ପାଇଁ ରାଜ୍ୟ ସରକାର ଅନେକ ପଦକ୍ଷେପ ନେଉଛନ୍ତି । ଯେମିତିକି ମହିଳା ମାନେ ନିଜେ ସ୍ଵାବଲମ୍ବୀ ହୋଇପାରିବେ । ଅନ୍ୟ ମାନଙ୍କ ଉପରେ ନିର୍ଭରଶୀଳ ହେବେ ନାହିଁ । ତେବେ ମହିଳା ଙ୍କୁ ଆହୁରି ସଶକ୍ତ , ଆତ୍ମନିର୍ଭରଶୀଳ କରିବା ପାଇଁ ଗୃହଲକ୍ଷ୍ମୀ ଉତ୍ପାଦକ ଗୋଷ୍ଠୀ ଏକ ପ୍ରୟାସ କରିଛି । ଦେଓଗାଁ ରେ ଖୋଲିଛି ଟସର ସୁତାକଟା ଓ ବୁଣାକାର କେନ୍ଦ୍ର । କେନ୍ଦୁଝର ଜିଲ୍ଲା ଘସିପୁରା ନିର୍ବାଚନ ମଣ୍ଡଳୀ ରାଘବପୁର ଗୃହଲକ୍ଷ୍ମୀ ଉତ୍ପାଦକ ଗୋଷ୍ଠୀ ଦ୍ୱାରା ଟସର ରୁ କିପରି ସୂତାକଟା ମେସିନ ସାହାଯ୍ୟ ରେ ସୁତା ବାହାର କରାଯାଇ ପାରିବ ସେନେଇ ଏକ ତାଲିମ ଶିବିର ଅନୁଷ୍ଠିତ ହୋଇଯାଇଛି । ସ୍ୱୟଂ ସହାୟକ ଗୋଷ୍ଠୀ ର ୫୦ ରୁ ଅଧିକ ମହିଳା ୫ ଦିନ ଧରି ହେବାକୁ ଥିବା ଏହି ତାଲିମ କାର୍ଯ୍ୟକ୍ରମରେ ଭାଗ ନେଇଛନ୍ତି । ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଘସିପୁରା ବି.ଡି.ଓ ବିନିତା ବିଜୟିନୀ ଯୋଗ ଦେଇଥିଲେ ।

ବିଶିଷ୍ଠ ଅତିଥି ଭାବେ କେନ୍ଦ୍ରୀୟ ରେଶମ ବୋର୍ଡ କଟକ ର ସିନିଅର ଟେକନିକାଲ ଆସିଷ୍ଟାଣ୍ଟ ନିଖିଳେଶ ପଣ୍ଡା ଏବଂ ଟେକ୍ନିସିଆନ ପ୍ରଦୀପ୍ତ କୁମାର ମିଶ୍ର ପ୍ରମୁଖ ଯୋଗ ଦେଇଥିଲେ | ଗୃହିଣୀ ମାନେ କିପରି ଆତ୍ମ ନିର୍ଭରଶୀଳ ହୋଇ ଆଗକୁ ବଢ଼ି ପାରିବେ ଏନେଇ ସେ ଉତ୍ସାହିତ କରିଥିଲେ ।
ଡାଙ୍ଗସୋରଡା ବନବିଭାଗ ସେକ୍ସନ ପକ୍ଷରୁ ସଚେତନତା ଶିବିର

ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ଡାଙ୍ଗସୋରଡା ପଞ୍ଚାୟତ ଅଧିନସ୍ଥ ଯୁଗାପଦର ଗ୍ରାମ ଠାରେ ମୁନିଗୁଡ଼ା ବନ୍ୟାଞ୍ଚଳ ଅଧିନସ୍ଥ ଡାଙ୍ଗସୋରଡା ବନ ବିଭାଗ ସେକ୍ସନ ତରଫରୁ ଏକ ଦିନିଆ ସଚେତନ ଶିବିର କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା। ଏଥିରେ ଆଗାମୀ ଗ୍ରୀଷ୍ମ ରୁତୁ ପ୍ରଭାବ ଜଙ୍ଗଲ ନିଆଁ ଲାଗିବା ଓ ନିଆଁ ଲଗାଇବା ଏକ ଆଇନଗତ ଅପରାଧ ଅଟେ।

ବର୍ତ୍ତମାନ ପ୍ରତ୍ୟେକ ଜାଗାରେ ନିଆଁ ଲାଗିବା ସନ୍ଦେହରେ ଯୁଗାପଦର ଗ୍ରାମରେ ଏକ ଜନ ସଚେତନ କାର୍ଯ୍ୟକ୍ରମ କରାଯାଇଥିଲା। ଏହି କାର୍ଯ୍ୟକ୍ରମରେ ଗ୍ରାମବାସୀ ମହିଳା ଓ ପୁରୁଷମାନଙ୍କୁ ଜଙ୍ଗଲ ନିଆଁ ଲଗାଇବା ଠାରୁ ନିବୃତ୍ତ ରହିବା ନିମନ୍ତେ ଏବଂ ଜଙ୍ଗଲ ସୁରକ୍ଷା କରିବା ସହ ଜଙ୍ଗଲ ସୁରକ୍ଷା ସହ ପଶୁପକ୍ଷୀଙ୍କ ସୁରକ୍ଷା ନିମନ୍ତେ ଏକ ଆଲୋଚନା କରାଯାଇଥିଲା। ପ୍ରତ୍ୟେକ ପରିବାର ମଧ୍ୟରେ ଗୋଟିଏ ଗୋଟିଏ ଗଛ ଲଗାଇବା ନିମନ୍ତେ କୁହାଯାଇଥିଲା। ଏଥିସହ ମହିଳା, ପୁରୁଷ ଏକ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରି ସଚେତନତା ବାର୍ତ୍ତା ପହଞ୍ଚାଇ ଥିଲେ।

ଏଥିରେ ଗ୍ରାମର ମହିଳା ପୁରୁଷ, ଯୁବକ ଯୁବତୀ ମିଶି ଜଙ୍ଗଲ ସୁରକ୍ଷା ଆମର ରକ୍ଷା। ଗଛ ବଞ୍ଚିଲେ ଆମେ ବଞ୍ଚିବା ଏପରି ସଚେତନର ବିଭିନ୍ନ ପ୍ରକାରର ସ୍ଲୋଗାନ ଦେଇ ସଚେତନତା ବାର୍ତ୍ତା ଦେଇଥିଲେ। ଏହି କାର୍ଯ୍ୟକ୍ରମକୁ ଡାଙ୍ଗସୋରଡା ସେକ୍ସନର ବନପାଳ ସୁଜାତା ସୁନା ମୁଦିଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ କରାଯାଇଥିଲା। ଏଥିରେ ମୁଖ୍ୟ ଅତିଥି ଡାଙ୍ଗସୋରଡା ସରପଞ୍ଚ ଶ୍ରୀମତୀ ଅନିତା ଶବର ଯୋଗଦେଇ ଏହାର ଶୁଭାରମ୍ଭ କରିଥିଲେ।

ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ବିଜୟ ପ୍ରସାଦ ଉଲ୍ଲାକା ଉପସ୍ଥିତ ରହି ଜଙ୍ଗଲ ସୁରକ୍ଷା , ପରିବେଶ ସୁରକ୍ଷା ଓ ଜଙ୍ଗଲ ନିଆଁ ନିବାରଣ ନିମନ୍ତେ ଗ୍ରାମ ବାସୀ ମାନଙ୍କୁ ପୁଙ୍ଖାନୁପୁଙ୍ଖ ଭାବେ ବୁଝାଇଥିଲେ। ଅନ୍ୟ ମାନଙ୍କ ମଧ୍ୟରେ ବନ ବିଭାଗର ବନରକ୍ଷୀ କୁନି କୁସୁଲିଆ , କସ୍ତୁରୀ ପ୍ରହରାଜ ସମେତ ଯୁଗାପଦର ଗ୍ରାମ ସହ ନାଉଡୁଗୁଡା , ଭାଲୁଗୁଡା, କିଞ୍ଜିରିମାଲା ଏଭଳି ବିଭିନ୍ନ ଗ୍ରାମରୁ ଶତାଧିକ ମହିଳା , ପୁରୁଷ ଏବଂ ଯୁବକ , ଯୁବତୀ ଏହି ସଚେତନ କାର୍ଯ୍ୟକ୍ରମ ରେ ଉପସ୍ଥିତ ରହିଥିଲେ।

ଉକ୍ତ ସଚେତନ କାର୍ଯ୍ୟକ୍ରମ ରେ ନେଟ୍ ଭଲି ବଲ୍ ମୁଖ୍ୟ ଅତିଥି ଦ୍ବାରା ପ୍ରଦାନ କରାଯାଇଥିଲା। ସେହିଭଳି ଏହା ପୂର୍ବରୁ ବିଭିନ୍ନ ଗ୍ରାମ ମାନଙ୍କ ରେ ବନପାଳ ଜରିଆରେ ଯୁବକ ମାନଙ୍କୁ ନେଟ୍ ଭଲି ବଲ୍ ପ୍ରଦାନ କରାଯାଇଥିବା ସହ ସଚେତନତା କାର୍ଯ୍ୟକ୍ରମ କରାଯାଇଥିଲା।
ଚନ୍ଦ୍ରପୁର ବ୍ଲକରେ ଯୁଗ୍ମ ଅଭିଯୋଗ ଶୁଣାଣୀ କାର୍ଯ୍ୟକ୍ରମ

ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ସଦର ମହକୁମା ଠାରେ ଜିଲ୍ଲାପାଳ ପାରୁଲ ପଟୱରୀ ଉପସ୍ଥିତ ରହି ଲୋକଙ୍କ ଅଭିଯୋଗ ପତ୍ର ଗ୍ରହଣ କରିଥିଲେ। ଏହି ଯୁଗ୍ମ ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ଚନ୍ଦ୍ରପୁର ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସମ୍ଯକାନ୍ତ ବାଙ୍ଗୁଲ ଓ ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ କୋଇନ କିମ୍ବାକା ଏବଂ ମୁଖ୍ୟବକ୍ତା ଚନ୍ଦ୍ରପୁର ପଞ୍ଚାୟତ ସରପଞ୍ଚ ରଞ୍ଜିତା ବ୍ରେକବେଡା ସମେତ ବ୍ଳକର ସମସ୍ତ ବିଭିନ୍ନ ବିଭାଗ ଅଧିକାରୀଙ୍କ ନେତୃତ୍ୱରେ ଏହି ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ କରାଯାଇଥିଲା।

ଏହାସହ ଶୁଣାଣୀରେ ଜିଲ୍ଲାର ସମସ୍ତ ମାନ୍ୟଗଣ୍ୟ ବ୍ୟକ୍ତି ପ୍ରମୁଖ ଉପସ୍ଥିତ ରହି ଜନସାଧାରଣଙ୍କ ବିଭିନ୍ନ କ୍ଷେତ୍ରର ସମସ୍ୟା ଭିତ୍ତିକ ପତ୍ରକୁ ଗ୍ରହଣ କରିବାକୁ ସହଯୋଗ କରିଥିବା ଦେଖିବାକୁ ମିଳିଥିଲା। ମୋଟ ୩୩ ଟି ଅଭିଯୋଗ ଲୋକଙ୍କ ଠାରୁ ଜିଲ୍ଲାପାଳ ପାରୁଲ ପଟୱରୀ ଗ୍ରହଣ କରିଥିଲେ। ମୋଟ ୩୩ ଅଭିଯୋଗ ମଧ୍ୟରୁ ବ୍ୟକ୍ତିଗତ ୧୪ ଟି , ଗୋଷ୍ଠୀ ଗତ ଅଭିଯୋଗ ୧୫ ଟି , ଓ ସ୍ବାସ୍ଥ୍ୟ ଗତ ଅଭିଯୋଗ ୪ ଟି ରହିଥିଲା। ଏହା ସହିତ ବୁଡୁବାଲି ଗ୍ରାମର ଭିନ୍ନକ୍ଷମ ଯୋହନ ଜାଗେରେଙ୍ଗାଙ୍କୁ ୨ ଲକ୍ଷ ୫୦ ହଜାର ଟଙ୍କା ର ଏକ ବ୍ୟାଟେରୀ ଅପରେଟର ଇ ରିକ୍ସା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ତରଫରୁ ପ୍ରଦାନ କରାଯାଇଥିଲା।

ଏହି କ୍ଷେତ୍ରରେ ଚନ୍ଦ୍ରପୁର ବ୍ଲକ ସମସ୍ତ କୋଣ ଅନୁକୋଣରେ ରହୁଥିବା ପ୍ରତ୍ୟେକ ଗାଁ ଗହଳିରୁ ଗ୍ରାମବାସୀ ପହଞ୍ଚି ନିଜ ନିଜର ସମସ୍ୟାକୁ ସମାଧାନ କରିବା ନିମନ୍ତେ ଦରଖାସ୍ତ ପ୍ରଦାନ କରିଥିଲେ। ଏହି ଅଭିଯୋଗ ଶୁଣାଣୀ ଶିବିର ଗୋଷ୍ଠୀଗତ , ସାମୂହିକ ଓ ବ୍ୟକ୍ତିଗତ , ସ୍ବାସ୍ଥ୍ୟଗତ ଏବଂ ବିଭିନ୍ନ କାର୍ଯ୍ୟକ୍ରମ ପାଇଁ ତଥା ସାହି ସିସି ରୋଡ଼ ଓ ପାନୀୟ ଜଳର ସମସ୍ୟା ଏଭଳି ବିଭିନ୍ନ ସମସ୍ୟାକୁ ନେଇ ଆଜି ବ୍ଲକ ସ୍ତରୀୟ ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ କରାଯାଇଥିବା ଦେଖିବାକୁ ମିଳିଥିଲା।
ଜଗନ୍ନାଥଙ୍କ ବତ୍ରିଶ ବେଶ ଦର୍ଶନ ପାଇଁ ଜମୁଛି ଶ୍ରଦ୍ଧାଳୁଙ୍କ ଭିଡ

ବାଲେଶ୍ବର/ବାଲିଆପାଳ : ଜଗତର ନାଥ ଶ୍ରୀଜଗନ୍ନାଥ, ଯିଏ କି ଭାବର ଡୋରରେ ଭକତଙ୍କ ସହ ବନ୍ଧା, କାଇଁ କେତେ ଦୂରରୁ ଧାଇଁ ଆସନ୍ତି ଲୋକେ, ସେହି ଚକା ନୟନକୁ ଦେଖିବା ପାଇଁ, ଆଉ ଯିଏ ଥରେ ସେହି ଚକାନୟନକୁ ଦେଖେ ଆଖି ଫେରେଇ ପାରେ ନାହିଁ, ଭକତକୁ କେତେବେଳେ କେଉଁ ରୂପରେ ଦର୍ଶନ ଦେବେ ସେ କଥା ତାଙ୍କୁ ହିଁ ଜଣା, ପୁରୀ ଯାଇ ମହାପ୍ରଭୁଙ୍କୁ ଦର୍ଶନ କରିବାକୁ ସକ୍ଷମ ନ ଥିବା ଭକ୍ତଙ୍କ ପାଇଁ ବାଲେଶ୍ବର ଜିଲ୍ଲା ବାଲିଆପାଳ ବ୍ଲକ ଅନ୍ତର୍ଗତ ଜାମୁତକୁଲା ଗ୍ରାମବାସୀଙ୍କ ଦ୍ୱାରା ଆୟୋଜିତ ମହାପ୍ରଭୁ ଜଗନ୍ନାଥଙ୍କ ୩୨ ବେଶ ଦର୍ଶନ କରିବା ପାଇଁ ଜମୁଛି ଶ୍ରଦ୍ଧାଳୁଙ୍କ ଭିଡ |

୧୧ ଦିନର ଲୀଳାଖେଳା, ମହାପ୍ରଭୁଙ୍କ ଦୂର୍ଲଭ ବତ୍ରିଶ ବେଶ ସାଙ୍ଗକୁ ଶ୍ରୀମନ୍ଦିର ଭଳି ଚାଲିଛି ନିତୀକାନ୍ତି, ମହାପ୍ରଭୁଙ୍କ ସୁନା ବେଶ ସହିତ ୩୨ ଟି ଭିନ୍ନ ଭିନ୍ନ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି ଜଗତର ନାଥ ଜଗନ୍ନାଥ, ଅଞ୍ଚଳର ହଜାର ହଜାର ଶ୍ରଦ୍ଧାଳୁ ମାନେ ଠାକୁରଙ୍କ ସମସ୍ତ ବେଶକୁ ଗୋଟିଏ ସ୍ଥାନରେ ଦର୍ଶନ କରି ମହାପ୍ରଭୁଙ୍କ କୃପାଲାଭ କରୁଛନ୍ତି |

୫୦ ଜଣ ପଣ୍ତିତଙ୍କ ଦ୍ବାରା ବେଦପାଠ ସାଙ୍ଗକୁ ଆରମ୍ଭ ହୋଇଥିଲା ମହାପ୍ରଭୁଙ୍କ ପୂଜାର୍ଚ୍ଚନା | ସ୍ଥାନୀୟ ଅଞ୍ଚଳ ସମେତ ବସ୍ତା ,ବାଲିଆପାଳ,ଜଳେଶ୍ୱର, ପଡୋଶୀ ମୟୁରଭଞ୍ଜ ଜିଲ୍ଲା ସମେତ ପଶ୍ଚିମବଙ୍ଗ ଅଞ୍ଚଳରୁ ଶ୍ରଦ୍ଧାଳୁ ମାନେ ଏଠାକୁ ଛୁଟି ଆସୁଛନ୍ତି |

ଜାମୁତକୁଲା ଗ୍ରାମରେ ଆୟୋଜିତ ଏହି 32 ବେଶ କାର୍ଯ୍ୟକ୍ରମ ଫେବୃୟାରୀ 4 ତାରିଖ ଠାରୁ ଆରମ୍ଭ ହୋଇ ଆସନ୍ତା 15 ତାରିଖ ପର୍ଯ୍ୟନ୍ତ ଚାଲୁ ରହିବ | ବିଶେଷ ଆକର୍ଷଣ ଭାବରେ 11 ତାରିଖରୁ 15 ତାରିଖ ପର୍ଯ୍ୟନ୍ତ 56 ମାଦଳ ଅନୁଷ୍ଠିତ ହେବ | ଶେଷ ଦିନରେ 30 ହଜାର ଶ୍ରଦ୍ଧାଳୁଙ୍କ ପାଇଁ ଆନନ୍ଦ ବଜାରର କାର୍ଯ୍ୟକ୍ରମ ରହିଛି ବୋଲି କମିଟି ପକ୍ଷରୁ କୁହାଯାଇଛି |
ରାୟଗଡ଼ା ଡିଜିଟାଲ ମିଡିଆ ବନ୍ଧୁମିଳନ ବୈଠକ ଅନୁଷ୍ଠିତ

ରାୟଗଡ଼ା ଜିଲ୍ଲା ଡିଜିଟାଲ ମିଡିଆ ତରଫରୁ ଆଜି ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ବନ୍ଧୁ ମିଳନ ରାୟଗଡ଼ା ସ୍ଥାନୀୟ ପିତା ମହଲ ବନଦୁର୍ଗା ମନ୍ଦିର ପରିସର ଆମ୍ବ ତୋଟା ଠାରେ ଆୟୋଜିତ କରାଯାଇଥିଲା। ଏହି କାର୍ଯ୍ୟକ୍ରମ RDM ଡିଜିଟାଲ ମିଡିଆର ସଭାପତି ଅଞ୍ଜନ ନାଏକଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। ଏଥିରେ ଜିଲ୍ଲାର ୧୧ ଗୋଟି ବ୍ଲକର ଅନେକ ମାନ୍ୟଗଣ୍ୟ ଡିଜିଟାଲ ମିଡିଆର ସାମ୍ବାଦିକ ବ୍ୟକ୍ତିମାନେ ଯୋଗଦେଇ ଥିଲେ।। ଏହି ବନ୍ଧୁ ମିଳନ କାର୍ଯ୍ୟକ୍ରମରେ ଜିଲ୍ଲା ଲୋକ ସମ୍ପର୍କ ଅଧିକାରୀଙ୍କ ତରଫରୁ ମୁଖ୍ୟ ଅତିଥି ଭାବେ ଡମ୍ବୁରୁ ଧର ପଣ୍ଡା ଯୋଗ ଦେଇ ଜିଲ୍ଲାର ଅନେକ ବିକାଶ ମୁଳକ ଓ ବିଭିନ୍ନ ସମସ୍ୟା ଗୁଡିକ ଲୋକ ଲୋଚନକୁ ଆଣିବା ପାଇଁ ଡିଜିଟାଲ ମିଡିଆର ବନ୍ଧୁ ମିଳନ କାର୍ଯ୍ୟକ୍ରମ ଆହ୍ୱାନ ଦେଇଥିଲେ। ସମସ୍ତ ସାମ୍ବାଦିକ ଭାଇ ମାନଙ୍କ ଦ୍ଵାରା ସହଯୋଗ କରିବାକୁ ଆଲୋଚନା କରି ଉନ୍ନତ ମାନର ବିଷୟରେ ମଧ୍ୟ ଆଲୋଚନା କରାଯାଇଥିଲା।

ଏହି କାର୍ଯ୍ୟକ୍ରମରେ ନୂତନ ଭାବେ ଆସିଥିବା ସାମ୍ବାଦିକ ଭାଇମାନଙ୍କୁ ବନ୍ଧୁ ମିଳନ କାର୍ଯ୍ୟକ୍ରମରେ ସ୍ଵାଗତ କରି ସମ୍ମାନିତ କରାଯାଇଥିଲା। ଏଥିରେ ପ୍ରତ୍ୟେକ ସାମ୍ବାଦିକ ନିଜ ପରିଚୟ ପ୍ରଦାନ କରିଥିବା ବେଳେ ଡିଜିଟାଲ ମିଡିଆ ସଂଘ ତରଫରୁ ବିଭିନ୍ନ ବ୍ଲକରୁ ବ୍ଲକ ସଭାପତିର ଦାୟିତ୍ଵ ପ୍ରଦାନ କରାଯାଇଥିଲା । ମୁନିଗୁଡ଼ା ବ୍ଲକରେ ପ୍ରସାଦ ସାହୁକାର, ଚନ୍ଦ୍ର ପୁର ବ୍ଲକରେ ବିଜୟ ପ୍ରସାଦ ଉଲାକା, ବିଷମକଟକ ବ୍ଲକରେ ରବିନ୍ଦ୍ର ସାହୁଙ୍କୁ ଚୟନ କରି ସମସ୍ତଙ୍କ ସହମତି ରେ ନିଷ୍ପତ୍ତି ନେଇ ନିଜ ବ୍ଲକର ଦାୟିତ୍ବ ଦିଆଯାଇଛି। କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ଆଶୁତୋସ୍ ପଟ୍ଟନାୟକ, ଉପସଭାପତି ଗୋପିନାଥ ଗୈଡ, ଆଡଭାଇଜର ପ୍ରସାଦ ଲିମା, ଖଗେଶ୍ବର ସିଙ୍ଗ, ସୁପ୍ରିୟା ଷଡ଼ଙ୍ଗୀ ପ୍ରମୁଖ ଉପସ୍ଥିତ ରହି ଏହି ୨୦୨୫ ରାୟଗଡ଼ା ଡିଜିଟାଲ ମିଡିଆ ବନ୍ଧୁ କାର୍ଯ୍ୟକ୍ରମ ବୈଠକ ଅନୁଷ୍ଠିତ ହୋଇଥିଲା।
ଯଦୁମଣି ପ୍ରଧାନ ପ୍ରେକ୍ଷାଳୟ ଉଦଘାଟିତ

ବରଗଡ଼ ପୂର୍ବତନ ବରଗଡ଼ ବିଧାୟକ, ପୌରାଧ୍ୟକ୍ଷ ତଥା ବିଶିଷ୍ଟ ନେତା ସ୍ୱର୍ଗତ ଯଦୁମଣି ପ୍ରଧାନଙ୍କ ସ୍ମୃତି ଚାରଣ ତଥା ସମ୍ମାନ ରକ୍ଷା ନିମନ୍ତେ ସ୍ଥାନୀୟ କୃଷକ ବଜାର ଠାରେ ନବନିର୍ମିତ ପ୍ରେକ୍ଷାଳୟକୁ ତାଙ୍କ ନାମରେ ଉତ୍ସର୍ଗିକୃତ କରିବା ସହ ଉଦ୍ଘାଟିତ ହୋଇଛି |

ଉଦଘାଟନୀ ସମାରୋହରେ ଜିଲ୍ଲାପାଳ ଶ୍ରୀ ଆଦିତ୍ୟ ଗୋୟଲଙ୍କ ସମେତ ସଦର ବିଧାୟକ ଶ୍ରୀ ଅଶ୍ୱିନୀ ଷଡଙ୍ଗୀ, ଅତାବିରା ବିଧାୟକ ଶ୍ରୀ ନିହାର ରଞ୍ଜନ ମହାନନ୍ଦ, ପୌରାଧ୍ଯକ୍ଷା ଶ୍ରୀମତି କଳ୍ପନା ମାଝି, ଅତିରିକ୍ତ ଜିଲ୍ଲାପାଳ ଶ୍ରୀମତି ମଧୁଛନ୍ଦା ସାହୁ, ସୁପରିଟେଣ୍ଡିଙ୍ଗ ଇଞ୍ଜିନିୟର ଅରୁଣ ପାଣ୍ତେ, ବାର ଆସୋସିଏସନ୍ ସଭାପତି ଶ୍ରୀ ଭିସ୍ମଦେବ ସରାଫ୍, ସାଂସଦ ପ୍ରତିନିଧି ଶ୍ରୀ ସୁରେଶ୍ୱର ସତପଥୀ ଏବଂ ସ୍ୱର୍ଗତ ବିଧାୟକ ଶ୍ରୀ ପ୍ରଧାନଙ୍କ ଧର୍ମପତ୍ନୀ ଶ୍ରୀମତି ହେମନ୍ତ ପ୍ରଧାନ ଉପସ୍ଥିତ ଥିଲେ |

ସୂଚନା ଅନୁସାରେ, ଉକ୍ତ ୫୦୦ ଆସନ ବିଶିଷ୍ଟ ପ୍ରେକ୍ଷାଳୟ ପଶ୍ଚିମ ଓଡିଶା ବିକାଶ ପରିଷଦ ପାଣ୍ଠିରୁ ସର୍ବମୋଟ ୯ କୋଟି ୭ ଲକ୍ଷ ୧୦ ହଜାର ଅଟକଳ ମୂଲ୍ୟରେ ପୂର୍ତ୍ତ ବିଭାଗ ଦ୍ୱାରା ନିର୍ମାଣ କରାଯାଇଛି |

ପ୍ରେକ୍ଷାଳୟର ବାଲକୋନୀ ଠାରେ ୮୮ ଗୋଟି ଆସନ ଥିବାବେଳେ ଗ୍ୟାଲେରୀଠାରେ ୪୧୨ ଗୋଟି ଆସନ ସହ ୨ ଗୋଟି ଚେଞ୍ଜିଙ୍ଗ ରୁମ, ଗୋଟିଏ ଭିଆଇପି ଲାଉଞ୍ଜ ସହ ମହିଳା ଓ ପୁରୁଷଙ୍କ ପାଇଁ ଭିନ୍ନ ଷୌଚାଳୟ ଏବଂ ଅଫିସ ରୁମ, ଷ୍ଟୋର ରୁମ, ପେଣ୍ଟ୍ରି ରୁମ ଏବଂ ୱେଟିଙ୍ଗ ରୁମ ଭଳି ବିଭିନ୍ନ ଅତ୍ୟାଧୁନିକ ବ୍ୟବସ୍ଥା ରହିଛି |
ନିଶାଙ୍କ ପାଇଁ ହିଂସା, ଅଶ୍ଳୀଳ ନାଚକୁ ବିରୋଧ, ଯାତ୍ରା ପାଲଟିଲା ରଣକ୍ଷେତ୍ର

ପୁଣି ବିବାଦରେ ଅଭିନେତ୍ରୀ ନିଶା ମହାରଣା । କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ କୁଦାନଗରୀ ସୁକ ପରୀକ୍ଷିତ ସାଂସ୍କୃତିକ ପରିଷଦ, କୁଦାନଗରୀ ପକ୍ଷରୁ ପୀଠରେ ମାଘ ମେଳା ଚାଲିଥିବା ବେଳେ ଯାତ୍ରା ସ୍ଵର୍ଣ ମନ୍ଦିର ମଞ୍ଚରେ ନିଶା ମହାରଣା ଅଶାଳୀନ ପୋଷାକ ପିନ୍ଧି ନୃତ୍ୟ କରୁଥିଲେ। ପରିବାର ଓ ବନ୍ଧୁଙ୍କ ସହ ଆସିଥିବା କିଛି ଦର୍ଶକ ଏହାକୁ ବିରୋଧ କରିବାରୁ ସ୍ଥାନୀୟ ସୁକ ପରୀକ୍ଷିତ ସାଂସ୍କୃତିକ ପରିଷଦ କମିଟି ସଦସ୍ୟ ଓ ସ୍ଥାନୀୟ ଯୁବକ ଓ କିଛି ଭିନ୍ନ ଦର୍ଶକ ମିଶି ବିରୋଧ ର ସ୍ୱର ଉଠାଇ ଥିବା ଦର୍ଶକ ମାନଙ୍କୁ ଚେୟାର ରେ ମାଡ଼ ମାରି ଲହୁ ଲୁହାଣ କରିଦେଲିଥିଲେ। ଏନେଇ ଯାତ୍ରା ପରିସର ରେ ଚାପା ଉତେଜନା ସୃଷ୍ଟି ହେଇଥିଲା ଫଳରେ ଅଧାରୁ ଯାତ୍ରା ବନ୍ଦ ହୋଇଥିଲା। ଆକ୍ରମଣ ଶିକାର ହୋଇଥିବା ଯୁବକ କୁଦାନଗରି ଥାନାର ଦ୍ୱାରସ୍ତ ହୋଇଛନ୍ତି।

ତେବେ ନିଶା ମହାରଣା ଏନେଇ ସାମ୍ବାଦିକ ଙ୍କୁ ପ୍ରତିକ୍ରିୟା ଦେଇ ଏସବୁ ତାଙ୍କ ବିରୋଧ ରେ ଷଡଯନ୍ତ୍ର ଓ ଭାରତୀୟ ଜନତା ପାର୍ଟି ଏସବୁ କରିଛି ବୋଲି ଫୋନୋ ଦେଇଥିଲେ। ଅଶ୍ଳୀଳ ନୃତ୍ୟ କୁ ବିରୋଧ କରି ଦର୍ଶକ ଲହୁଲୁହାଣ ହେବା ପରେ ଘଟଣା ସ୍ଥଳ ରେ ସ୍ଵର୍ଣ ମନ୍ଦିର ଯାତ୍ରା ମାଲିକ ମୁକ୍ତି କାନ୍ତ ସାହୁ ପହଂଚି ଆଉ ଗୋଟିଏ ରାତି ଯାତ୍ରା କୁ ବନ୍ଦ କରି ଥିଲେ। ତେବେ ନିଶା ମହାରଣା ଙ୍କୁ ମଞ୍ଚ କୁ ଆଣିବା ଆୟୋଜକ ଅନୁଷ୍ଠାନ ସୁକ ପରୀକ୍ଷିତ ସାଂକୃତିକ ପରିଷଦ ର ଦାବି ଥିଲା ବୋଲି ଯାତ୍ରା ମାଲିକ କହିଥିଲେ। ନିଶା ଙ୍କ ଅଶାଳୀନ ପୋଷାକ ରେ ନୃତ୍ୟ କୁ ବିରୋଧ କରିବା ଦର୍ଶକ ଙ୍କ ପାଇଁ ମହଙ୍ଗା ପଡିଥିଲା.ସେ ମାଡ଼ ଖାଇ ଲହୁଲୁହାଣ ହୋଇଥିଲେ। ତେବେ କୁଦାନଗରୀ ମେଳା ରେ ଏକା ବେଳେ ଦୁଇଟି ପାର୍ଟି କଲିଙ୍ଗ ଗଣନାଟ୍ୟ ଓ ସ୍ଵର୍ଣ ମନ୍ଦିର ଭିତରେ ଯାତ୍ରା କଣ୍ଟେଷ୍ଟ ଚାଲୁଥିବାରୁ ସ୍ଵର୍ଣ ମନ୍ଦିର ରେ ଅଶ୍ଳୀଳତା କୁ ଦେଖାଇ ଟିକେଟ ବିକ୍ରି କରାଯାଉଥିଲା।

ଯାହା ଫଳରେ ଏଭଳି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। ଯାତ୍ରା ଦର୍ଶକ ଗ୍ୟାଲେରୀ ରେ ଚେୟାର ଭାଙ୍ଗିବା ଓ ଦର୍ଶକ ଙ୍କୁ ଗୋଡ଼ାଇ ଗୋଡ଼ାଇ ମାଡ଼ ମାରୁଥିବା ଭିଡିଓ ଏବେ ଭାଇରଲ ହେଉଛି.ଏବେ କୁଦାନଗରି ଭଳି ଧର୍ମ ଅନୁଷ୍ଠାନ ରେ ଅଶ୍ଳୀଳତା କୁ ବିରୋଧ କରି ଯାତ୍ରା ଦର୍ଶକ ମାଡ଼ ଖାଇବା ଭଳି ଅଭାବନୀୟ ପରିସ୍ଥିତି ଉପୁଜିଛି। ଅଶ୍ଳୀଳ ନୃତ୍ୟ ପାଇଁ ଧର୍ମ ଅନୁଷ୍ଠାନ ରକ୍ତ ରଂଜିତ ହୋଇଛି। ଯାତ୍ରା ରେ ଅଶ୍ଳୀଳତା ହେଲେ ହିଂସାତ୍ମକ ରୂପ ନେଇଥିବା ଦେଖିବାକୁ ମିଳିଛି .. ଆକ୍ରମଣର ଶିକାର ହୋଇଥିବା ଦର୍ଶକ ସମ୍ପର୍କ ସ୍ୱାଇଁ କୁଦାନଗରୀ ଥାନାରେ ଏ ନେଇ ଲିଖିତ ଅଭିଯୋଗ କରିଛନ୍ତି।
ବଡ଼ ଘର ବଡ଼ ଗୁମର କଥା, ପୋଲିସ ଘରେ ବଧୂ ହତ୍ୟା

ପୂର୍ବତନ ପୋଲିସ ଅଧିକାରୀଙ୍କ ଘରେ ନବ ବଧୂର ସନ୍ଦେହ ଜନକ ମୃତ୍ଯୁ । ଏଭଳି ଅଭାବନୀୟ ଘଟଣା ମାର୍ଶାଘାଇ ବ୍ଲକ କରିଲୋ ପାଟଣା ଗାଁ ରେ ଦେଖିବାକୁ ମିଳିଛି ।

ସୂଚନାନୁସାରେ , କୁଦାନଗରୀ ଥାନା ଅନ୍ତର୍ଗତ ଗରଦପୁର ବ୍ଲକ ମାହାଳ ଅଞ୍ଚଳର ଶିକ୍ଷୟତ୍ରୀ ସୁଭାଶିନି ନାୟକ । ମାର୍ଶାଘାଇ ବ୍ଲକ କରିଲୋ ପାଟଣା ଗାଁ ର ଦିବ୍ୟ ଜ୍ୟୋତି ପଟ୍ଟନାୟକଙ୍କୁ ୯ ମାସ ହେବ ବିବାହ କରିଥିଲେ । କିନ୍ତୁ ଗତ କିଛି ଦିନ ପୂର୍ବରୁ ହଠାତ ସୁଭାସିନୀ ଙ୍କ ଶାଶୁ ଘର ଲୋକେ ତାଙ୍କ ବାପ ଘରକୁ ଫୋନ କରି ଝିଅର ଦେହ ଖରାପ ଥିବା ଖବର ଦେଇଥିଲେ । ଖବରପାଇ ଝିଅର ବାପା ରାଜେନ୍ଦ୍ର ନାୟକ ଓ ଭାଇ ନୀଳାଦ୍ରି ନାଥ ନାୟକ ପହଞ୍ଚି ଘର ଭିତରେ ସୁଭାଷିନୀଙ୍କ ସଜ୍ଞାହୀନ ମୃତ ଦେହ ପଡିଥିବା ଦେଖିଥିଲେ । ସୁଭାସିନୀଙ୍କ ପରିବାର ଲୋକଙ୍କ କହିବାନୁସାରେ , ପୂର୍ବରୁ ଶାଶୁ, ଶଶୁର,ଦିଅର ଓ ସ୍ୱାମୀ ଅଧିକ ଯୌତୁକ ଦାବି କରି ସୁଭାଷିନୀ ଙ୍କୁ ନିର୍ଯାତନା ଦେଇଆସୁଥିଲେ । ଶାଶୁ ଘରୁ ବାପ ଘରକୁ ଗଲେ ବାପା ଙ୍କ ଠୁ ଆହୁରି ଯୌତୁକ ମାଗି ଆଣିବାକୁ ଶାଶୁ କହୁଥିଲେ । କିନ୍ତୁ ସୁଭାଷିନୀ ଙ୍କ ବାପ ଘର ଲୋକେ ଯୌତୁକ ଦେବାକୁ ଅସମର୍ଥ ଥିଲେ । ଏନେଇ ସୁଭାଷିନୀ ମଧ୍ୟ କିଛି ଦିନ ହେବ ମାନସିକ ଦୁଶ୍ଚିନ୍ତା ରେ ରହୁଥିବା ପରିବାର ଲୋକେ କହିଛନ୍ତି ।

ସେପଟେ ଭଉଣୀର ମୃତ୍ଯୁ ପରେ ଭାଇ ନୀଳାଦ୍ରି ସବୁ ଘଟଣା ର ଖୁଲାସା କରି କୁଦାନଗରୀ ଥାନା ରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଅନୁସାରେ କୁଦାନଗରୀ ପୋଲିସ ଘଟଣାସ୍ଥଳରୁ ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି ।ବଡ଼ ଘର ବଡ଼ ଗୁମର କଥା । ଯୌତୁକ ପାଇଁ ନବ ବଧୂ କୁ ଶାଶୁ ଘର ଲୋକେ ହତ୍ୟା କରିଥିବା ଅଭିଯୋଗ । ପୂର୍ବତନ ପୋଲିସ ଅଧିକାରୀ ଙ୍କ ଘରେ ନବ ବଧୂର ସନ୍ଦେହ ଜନକ ମୃତୁ ଘଟିଛି । କୁଦାନଗରୀ ଥାନା ଅନ୍ତର୍ଗତ ଗରଦପୁର ବ୍ଲକ ମାହାଳ ଅଞ୍ଚଳ ର ଜଣେ ଶିକ୍ଷୟତ୍ରୀ ସୁଭାଶିନି ନାୟକ ୯ ମାସ ତଳେ ମାର୍ଶାଘାଇ ବ୍ଲକ କରିଲୋ ପାଟଣା ଗାଁ ର ଜଣେ ଅବସର ପ୍ରାପ୍ତ ପୋଲିସ କର୍ମଚାରୀ ଙ୍କ ପରିବାର ରେ ଦିବ୍ୟ ଜୋତି ପଟନାୟକ ଙ୍କୁ ବିବାହ କରିଥିଲେ । କିନ୍ତୁ ତିନି ଦିନ ତଳେ ହଠାତ ଝିଅ ର ଦେହ ଖରାପ ଖବର ପାଇଁ ଶାଶୁ ଘରେ ଝିଅ ର ବାପା ରାଜେନ୍ଦ୍ର ନାୟକ ଓ ଭାଇ ନୀଳାଦ୍ରି ନାଥ ନାୟକ ପହଂଚିବା ପରେ ଘର ଭିତରେ ଶିକ୍ଷୟତ୍ରୀ ସୁଭାଷିନୀ ଙ୍କ ସଜ୍ଞାହୀନ ମୃତ ଦେହ ପଡିଥିଲା । କିନ୍ତୁ ଶାଶୁ ଶଶୁର ଏ ଘଟଣା କୁ ଧ୍ୟାନ ନ ଦେଇ ନିଜ ନିଜ କାମ କରୁଥିଲେ । ସ୍ୱାମୀ ଘରେ ନ ଥିଲେ..ପୂର୍ବରୁ ମଧ୍ୟ ଶାଶୁ, ଶଶୁର,ଦିଅର ଓ ସ୍ୱାମୀ ଅଧିକ ଯୌତୁକ ଦାବି କରି ସୁଭାଷିନୀ ଙ୍କୁ ନିର୍ଯାତନା ଦେଇଥିଲେ ।

ତେବେ ଶାଶୁ ଘର ଲୋକେ ଭାରଗୀତା ତଥା ବିବାହ ପରେ ଝିଅ ବାପ ଘରକୁ ଆସିଲେ ବାପା ଙ୍କ ଠୁ ଆହୁରି ଯୌତୁକ ମାଗି ଆଣିବାକୁ ଶାଶୁ କହୁଥିଲେ । କିନ୍ତୁ ସୁଭାଷିନୀ ଙ୍କ ବାପ ଘର ଲୋକେ ଯୌତୁକ ଦେବାକୁ ଅସମର୍ଥ ଥିଲେ । ସୁଭାଷିନୀ ଙ୍କ ମାସିକ ଦରମା ମଧ୍ୟ ଶାଶୁ ମାଗୁଥିଲେ । ସେ ଟଙ୍କା ନ ଦେବାରୁ ଏନେଇ ସୁଭାଷିନୀ ଙ୍କ ସହ ତାଙ୍କ ଶାଶୁ ବାରମ୍ବାର ଝଗଡା କରୁଥିଲେ । ସୁଭାଷିନୀ ମଧ୍ୟ ମାନସିକ ଦୁଶ୍ଚିନ୍ତା ରେ ରହୁଥିଲେ । ତେବେ ଏନେଇ ଭଉଣୀ ମୃତୁ ପରେ ଭାଇ ନୀଳାଦ୍ରି ନାଥ ନାୟକ ସବୁ ଘଟଣା ର ଖୁଲାସା କରି କୁଦାନଗରୀ ଥାନା ରେ ଲିଖିତ ଅଭିଯୋଗ କରିବା ପରେ କୁଦାନଗରୀ ପୋଲିସ ମୃତଦେହ ବ୍ୟବଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି ।
ଏବି ଡିଭିଲିୟର୍ସଙ୍କୁ କଲେ ପଛ, ରେକର୍ଡ ଟାର୍ଗେଟରେ ରିକି ପଣ୍ଟିଂ ଏବଂ ଏମଏସ ଧୋନି

ରୋହିତ ଶର୍ମା ଏପର୍ଯ୍ୟନ୍ତ ଦିନିକିଆରେ ଅଧିନାୟକ ଭାବରେ ୧୨୦ଟି ଛକା ମାରି ସାରିଛନ୍ତି। ସେ ଏବେ ଏବି ଡିଭିଲିୟର୍ସଙ୍କୁ ପଛରେ ପକାଇ ଚତୁର୍ଥ ସ୍ଥାନରେ ପହଞ୍ଚିଛନ୍ତି। ତାଙ୍କ ପାଖରେ ଖୁବ୍ ଶୀଘ୍ର ରିକି ପଣ୍ଟିଂ ଏବଂ ଏମ୍ଏସ୍ ଧୋନିଙ୍କୁ ପଛରେ ପକାଇବାର ସୁଯୋଗ ଅଛି।

ରୋହିତ ଶର୍ମା ଯେତେବେଳେ ପିଚ୍ ରେ ସେଟ ହୋଇଯାନ୍ତି, ସେତେବେଳେ ତାଙ୍କ ବ୍ୟାଟରୁ , ସେ କେତେ ଛକା ମାରିବେ ତାହା ଦେଖିବାକୁ ଦର୍ଶକ ଚାହିଁ ବସିଥାନ୍ତି । ରବିବାର ସନ୍ଧ୍ୟାରେ କଟକର ବାରବାଟୀ ଷ୍ଟାଡିଅମରେ ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜର ଦ୍ୱିତୀୟ ମ୍ୟାଚ୍ ଖେଳାଯିବା ସମୟରେ ସମାନ ଦୃଶ୍ୟ ଦେଖିବାକୁ ମିଳିଥିଲା। ଏହି ଇନିଂସରେ ରୋହିତ ଶର୍ମା ୭ଟି ଆକାଶଛୁଆଁ ଛକା ମାରି ଅନେକ ନୂଆ ରେକର୍ଡ ନିଜ ନାମରେ କରିଥିଲେ। ରୋହିତ ଶର୍ମା ଏବେ ଦକ୍ଷିଣ ଆଫ୍ରିକାର ସବୁଠାରୁ ବିପଜ୍ଜନକ ବ୍ୟାଟସମ୍ୟାନ୍ ଏବି ଡିଭିଲିୟର୍ସଙ୍କୁ ପଛରେ ପକାଇ ଦେଇଛନ୍ତି। ଏବେ ତାଙ୍କର ଟାର୍ଗେଟରେ ରିକି ପଣ୍ଟିଂ ଏବଂ ଏମଏସ ଧୋନିଙ୍କ ରେକର୍ଡ, ଯେଉଁମାନେ ମହାନ ବ୍ୟାଟସମ୍ୟାନଙ୍କ ତାଲିକାରେ ସାମିଲ ଅଛନ୍ତି। ଯାହାକୁ ରୋହିତ ଶୀଘ୍ର ଭାଙ୍ଗିପାରନ୍ତି।

ଏହା ଥିଲା ଇଂଲିଶ ବୋଲରଙ୍କ ଯୋଜନା
ରଣନୀତିର ଖୁଲାସା କରି ରୋହିତ କହିଛନ୍ତି, “ଇଂଲିସ୍ ବୋଲରମାନେ ବଡି ଲାଇନ୍ ଏବଂ ଷ୍ଟମ୍ପରେ ବୋଲିଂ କରିଥିଲେ। ସେହି ସମୟ ଥିଲା ଯେତେବେଳେ ମୁଁ ମୋର ଯୋଜନା ପ୍ରସ୍ତୁତ କରିଥିଲି ଏବଂ ଖାଲି ସ୍ଥାନରୁ ସଟ୍ ଖେଳିବାକୁ ଚେଷ୍ଟା କରିଥିଲି”, ରୋହିତ କହିଛନ୍ତି, “ମୋତେ ଗିଲ୍ ଏବଂ ଆୟରଙ୍କଠାରୁ ମଧ୍ୟ ଭଲ ସହଯୋଗ ମିଳିଥିଲା । ଗିଲ୍ ଜଣେ ମହାନ ଖେଳାଳି। ଗିଲ୍ ପରିସ୍ଥିତି ଦ୍ୱାରା ପ୍ରଭାବିତ ହୁଅନ୍ତି ନାହିଁ। ଏବଂ ଯଦି ମୁଁ ଭୁଲ ନୁହେଁ, ତେବେ ପରିସଂଖ୍ୟାନ ଏହାକୁ ନିଶ୍ଚିତ କରେ।”

ଏହି ପର୍ଯ୍ୟାୟରୁ ମ୍ୟାଚ୍ ଯେକୌଣସି ସ୍ଥାନକୁ ଯାଇପାରେ
ରୋହିତ ତାଙ୍କ ଇନିଂସ ଉପରେ ଅଧିକ ଆଲୋକପାତ କରି କହିଛନ୍ତି, “ପାଳିର ମଧ୍ୟଭାଗର ଓଭରଗୁଡ଼ିକ ବହୁତ ଗୁରୁତ୍ୱପୂର୍ଣ୍ଣ। ଏହା ଏପରି ଏକ ପରିସ୍ଥିତି ଯେଉଁଠାରେ ମ୍ୟାଚ୍ ଯେକୌଣସି ଦଳ ସପକ୍ଷରେ ଯାଇପାରେ। ଯଦି ଆପଣ ଏହି ଓଭରଗୁଡ଼ିକୁ ଭଲ ଭାବରେ ବ୍ୟବହାର କରନ୍ତି କିମ୍ବା ସେଗୁଡ଼ିକୁ ନିୟନ୍ତ୍ରଣ କରନ୍ତି, ତେବେ ଆପଣଙ୍କୁ ଶେଷ ଓଭରଗୁଡ଼ିକ ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ନାଗପୁରରେ ମଧ୍ୟ, ଆମେ ଏହି ଓଭରଗୁଡ଼ିକରେ ଭଲ ପ୍ରଦର୍ଶନ କରିଛୁ ଏବଂ ୱିକେଟ୍ ନେଇଛୁ। ଯେତେବେଳେ ଆପଣ ନିୟମିତ ବ୍ୟବଧାନରେ ୱିକେଟ୍ ନେଇ ଚାଲିଥାନ୍ତି, ତେବେ ରନ କରିବା ସହଜ ନୁହେଁ।”

ରୋହିତ ଶର୍ମା ଅଧିନାୟକ ଭାବରେ ODIରେ ୧୨୦ଟି ଛକା ମାରି ସାରିଛନ୍ତି
ରୋହିତ ଶର୍ମା ଦିନିକିଆରେ ସର୍ବାଧିକ ଛକା ମାରିବାରେ ଦ୍ୱିତୀୟ ବ୍ୟାଟସମ୍ୟାନ୍। ସେ କଟକ ଦିନିକିଆରେ ହିଁ କ୍ରିସ୍ ଗେଲ୍‌ଙ୍କୁ ପଛରେ ପକାଇ ଦେଇଛନ୍ତି। ଏବେ କେବଳ ପାକିସ୍ତାନର ଶାହିଦ ଆଫ୍ରିଦି ତାଙ୍କ ଆଗରେ ଅଛନ୍ତି। କିନ୍ତୁ ଯଦି ଆମେ ଜଣେ ଅଧିନାୟକ ଭାବରେ କଥା ହେବା, ତେବେ ଏଠାରେ ରୋହିତ ଶର୍ମା ୪ ନମ୍ବରରେ ଅଛନ୍ତି। ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏବି ଡିଭିଲିୟର୍ସ ଦକ୍ଷିଣ ଆଫ୍ରିକାର ଅଧିନାୟକତ୍ୱ ସମୟରେ ଦିନିକିଆରେ ୧୧୮ଟି ଛକା ମାରିଛନ୍ତି। ରୋହିତ ଶର୍ମା ଏପର୍ଯ୍ୟନ୍ତ ଦିନିକିଆରେ ଅଧିନାୟକ ଭାବରେ ୧୨୦ଟି ଛକା ମାରି ସାରିଛନ୍ତି।

ରିକି ପଣ୍ଟିଂ ଏବଂ ଏମ୍ଏସ୍ ଧୋନିଙ୍କୁ ପଛରେ ପକାଇବାର ସୁଯୋଗ
ଯଦି ଆମେ ରୋହିତ ଶର୍ମାଙ୍କଠାରୁ ଆଗରେ ଥିବା ବ୍ୟାଟସମ୍ୟାନଙ୍କ ବିଷୟରେ କଥା ହେବା, ତେବେ ରିକି ପଣ୍ଟିଂ ତାଙ୍କର ସବୁଠାରୁ ନିକଟତର। ରିକି ପଣ୍ଟିଂ ତାଙ୍କ ଦଳର ଅଧିନାୟକତ୍ୱ ସମୟରେ ଏକଦିବସୀୟ ମ୍ୟାଚ୍‌ରେ ୧୨୩ଟି ଛକା ମାରିଛନ୍ତି। ଭାରତ ପାଇଁ ତିନୋଟି ICC ଟାଇଟଲ ଜିତିଥିବା ଅଧିନାୟକ ଏମଏସ ଧୋନି ଏକଦିବସୀୟ ମ୍ୟାଚ୍‌ରେ ଅଧିନାୟକତ୍ୱ କରିବା ସମୟରେ ୧୨୬ଟି ଛକା ମାରିଛନ୍ତି। ଏହାର ଅର୍ଥ ହେଉଛି ରୋହିତ ଶର୍ମାଙ୍କୁ ରିକି ପଣ୍ଟିଂଙ୍କୁ ପଛରେ ପକାଇବା ପାଇଁ ଆଉ ୪ଟି ଛକା ଏବଂ ଏମଏସ ଧୋନିଙ୍କୁ ପଛରେ ପକାଇବା ପାଇଁ ଆଉ ୭ଟି ଛକା ଆବଶ୍ୟକ। ତଥାପି, ଇଂଲଣ୍ଡର ଇଓନ୍ ମୋର୍ଗାନ୍ ଏହି ତାଲିକାରେ ଏକ ନମ୍ବରରେ ଅଛନ୍ତି। ଯିଏ ଅଧିନାୟକତ୍ୱ କରିବା ସମୟରେ ODIରେ ୧୪୭ଟି ଛକା ମାରିଛନ୍ତି।
ଅନନ୍ୟ ତୀର୍ଥସ୍ଥଳୀ ବରାହ କ୍ଷେତ୍ର ଆଳି

ଆଜି ପବିତ୍ର ବରାହ ଦ୍ୱାଦଶୀ | ଏହି ଉପଲକ୍ଷେ ଆଳିର ଆରାଧ୍ୟ ଦେବତା ଶ୍ରୀ ଶ୍ରୀ ଲକ୍ଷ୍ମୀବରାହଜୀଉଙ୍କ ଜନ୍ମୋତ୍ସବରେ ମନ୍ଦିରରେ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ସମାଗମ ଦେଖିବାକୁ ମିଳେ | ଆଳି ସଡ଼କପଥରେ ଗଲେ କଟକ ଠାରୁ ଚାନ୍ଦବାଲି ମଧ୍ୟରେ ୯୫ କି.ମି. ଦୂରରେ ଆଳି ଲକ୍ଷ୍ମୀବରାହଙ୍କ ପୀଠ ଅବସ୍ଥିତ |

ପ୍ରତି ବର୍ଷ ବରାହ ଦ୍ଵାଦଶୀରେ ବହୁ ଆଡମ୍ବରେ ପୂଜା ପାଆନ୍ତି ଆଳିର ଆରାଧ୍ୟ ଦେବତା ଶ୍ରୀ ଶ୍ରୀ ଲକ୍ଷ୍ମୀବରାହ ଜୀଉ | ଚଳିତ ବର୍ଷ ମଧ୍ୟ ବହୁ ଧୂମଧାମରେ ପାଳନ ହେଉଛି ବରାହ ଦ୍ୱାଦଶୀ | କେନ୍ଦ୍ରାପଡ଼ା,ରାଜନଗର ପଟ୍ଟାମୁଣ୍ଡାଇ,ରାଜକନିକା, ଓ ଆଳିର ଆଖପାଖ ଅଞ୍ଚଳର ଶ୍ରଦ୍ଧାଳୁ ଭକ୍ତମାନଙ୍କର ବହୁ ମାତ୍ରାରେ ସମାଗମ ଦେଖିବାକୁ ମିଳୁଛି । ମାଘ ମାସ ଦ୍ଵାଦଶୀ ଦିନ ବଡ଼ି ଭୋରୁ ପହଡ଼ ଖୋଲିଲା ପରେ ମଙ୍ଗଳ ଆଳତି, ବରାହ ଜୀଉଙ୍କ ସ୍ନାନ କାର୍ଯ୍ୟ ସମାପନ ପରେ ଆଳିର ବର୍ତ୍ତମାନ ଆଳି ରାଜା ଶ୍ରୀ ବ୍ରଜ କେଶରୀ ଦେବ ଓ ରାଣୀ ସାହେବାଙ୍କ ଉପସ୍ଥିତିରେ ଠାକୁରଙ୍କୁ ସେବକ ମାନେ ଅଭିଷେକ କରନ୍ତି |

ଏହା ପରେ ଶ୍ରୀ ଜିଉ ରଜାବେଶ ହୁଅନ୍ତି, ଏହା ପରେ ସର୍ବ ସାଧାରଣ ଦର୍ଶନ ପାଇଁ ଅନୁମତି ମିଳେ | ପରେ ପରେ ଠିକ ଅପରାହ୍ନ 12:30 ସମୟରେ ଲକ୍ଷ୍ମୀବରାହ ଜୀଉଙ୍କ ଜନ୍ମଧୁପ ଉତ୍ସବ ଅନୁଷ୍ଠିତ ହୁଏ | ଯାହାକୁ ଦେଖିବାକୁ ଭକ୍ତମାନେ ଉତ୍ସାହରର ସହ ଅପେକ୍ଷା କରି ରହିଥାନ୍ତି |

ଶ୍ରୀ ବରାହ ଜୀଉଙ୍କ ଏହି ବିଶେଷ ଉତ୍ସବ ଉପଲକ୍ଷେ ମନ୍ଦିର ଠାରୁ ଆଳି ବଜାର ପର୍ଯ୍ୟନ୍ତ ତ୍ବରଣ ଆଲୋକସଜା କରାଯାଇ ଆକର୍ଷଣୀୟ ପରିପାଟିରେ ସାଜସଜା ଦେଖିବାକୁ ମିଳିଥିଲା | ଉତ୍ସବରେ ବରାହଜୀଉଙ୍କ ମନ୍ଦିରରେ ଆହୋରତ୍ର ନାମ ସଂକୀର୍ତନ ସହିତ ଭକ୍ତଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା ମଧ୍ୟ କରାଯାଇଛି |

ଏହା ସହ ସନ୍ଧ୍ୟାରେ ୧୦୮ ନୈଷ୍ଠିକ ବ୍ରାହ୍ମଣଙ୍କ ଦ୍ଵାରା ହରିହାଟ ମହୋତ୍ସବ ହେବା ସହ ନାମ ସଂକୀର୍ତ୍ତନରେ ମନ୍ଦିର ପରିବେଶ ମଧ୍ୟରେ ଏକ ଆଧ୍ୟାତ୍ମ୍ୟ ଭାବନା ଭରି ଉଠିଥିଲା | ଆଜି ହଜାର ହଜାର ଶ୍ରଦ୍ଧାଳୁ ଭକ୍ତମାନଙ୍କ ସମାବେଶରେ ସମଗ୍ର ଆଳି ଅଞ୍ଚଳ ଉତ୍ସଵ ମୁଖର ହୋଇଉଠିଛି | ଅସହ୍ୟ ଗରମ ଗୁଳୁଗୁଳିକୁ ଲକ୍ଷ୍ୟ ରଖି ବକ୍ସ ଅଫିସ ହେଲପିଂ ହ୍ୟାଣ୍ଡ ଓ ଆଳି ସରସ୍ବତୀ ଶିଶୁ ବିଦ୍ୟାମନ୍ଦିର ଅନୁଷ୍ଠାନ ତରଫରୁ ମାଗଣା ଦହିପାଣି ଓ ଜଳଛତ୍ର ବ୍ୟବସ୍ଥା କରାଯାଇଛି |

ଅଧିକ ଭକ୍ତଙ୍କ ସମାଗମ କାରଣରୁ ଆଳି ରାଷ୍ଟ୍ରୀୟ ସ୍ୱୟଂ ସେବକ ସଙ୍ଘ ସ୍ବେଛାସେବୀ ଅନୁଷ୍ଠାନ ପକ୍ଷରୁ ମାଗଣା ଜୋତାଷ୍ଟାଣ୍ଡର ବ୍ୟବସ୍ଥା ମଧ୍ୟ ଦେଖିବାକୁ ମିଳିଥିଲା | ଶ୍ରଦ୍ଧାଳୁଙ୍କ ସୁରକ୍ଷା ଓ ଭିଡ଼ ନିୟନ୍ତ୍ରଣକୁ ଦୃଷ୍ଟିରେ ରଖି ଆଳି ଥାନା ଅଧିକାରୀ ସବ୍ୟସାଚୀ ଶତପଥିଙ୍କ ନେତୃତ୍ୱରେ ଦୁଇ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା |

ବିଶ୍ବାସ ଅଛି, ପବିତ୍ର ବରାହ ଦ୍ୱାଦଶୀରେ ଭଗବାନଙ୍କୁ ଦର୍ଶନ କଲେ ଶୁଭ ଫଳ ମିଳିଥାଏ | ଲକ୍ଷ୍ମୀବରାହଙ୍କ ଜନ୍ମମହୋତ୍ସବକୁ ଆଳି ଦେମାଳ ୟୁଥ କ୍ଳବର ସଦସ୍ୟ ଓ ବିଭିନ୍ନ ସ୍ବେଛାସେବୀ ଅନୁଷ୍ଠାନ ମିଳିତ ଭାବେ ପରିଚାଳନା କରିଥିଲେ |