Blog

ଭାରତର କେଉଁ ସ୍ଥାନରେ ପାଳନ ହୁଏ ଚାଇନିଜ୍ ନବବର୍ଷ?

କୋଲକାତା ଚାଇନିଜ୍ ନବବର୍ଷ ପାଳନ କରେ ବୋଲି ଆପଣ ଜାଣିଛନ୍ତି କି ? ଭାରତର କେବଳ କୋଲକାତାରେ ହିଁ ଚାଇନିଜ୍ ସମ୍ପ୍ରଦାୟର ଲୋକେ ଦେଖିବାକୁ ମିଳନ୍ତି । ୧୭୮୦ ମସିହାରେ ଚାଇନିଜ୍ ମାନେ କୋଲକାତା ଆସିଥିଲେ û ଏବଂ ଚର୍ମ କାରିଗର, ବଢ଼େଇ ଭାବରେ କାମ କରୁଥିଲେ । ସେମାନେ ହିଁ ଭାରତ-ଚାଇନା ଖାଦ୍ୟ ଆରମ୍ଭ କରିଥିଲେ ଯାହାକୁ ଆମେ ଭାରତୀୟ ହକ୍କା ଚାଇନିଜ୍ ଖାଦ୍ୟ ବୋଲି କହିଥାଉ। କୋଲକାତାରୁ ଚାଇନିଜମାନେ ଭାରତର ବିଭିନ୍ନ ସ୍ଥାନକୁ ଯାତ୍ରା କରିଥିଲେ। ଆମେ କଟକରେ ବସବାସ କରୁଥିବା ଚାଇନିଜ୍ ପରିବାରଗୁଡ଼ିକୁ ପାଇପାରିବା । ଯେଉଁଠାରେ ସେମାନେ ଶିକ୍ଷାଦାନ, ଦନ୍ତ ଚିକିତ୍ସକ ଏବଂ ଚାଇନିଜ୍ ରେଷ୍ଟୁରାଣ୍ଟ ଭଳି ବିଭିନ୍ନ ବୃତ୍ତି କରୁଛନ୍ତି । ଯେଉଁଠାରେ ଏବେ ବି ଆପଣ ଜାତିଗତ ଚାଇନିଜ୍ ଖାଦ୍ୟ ପାଇପାରିବେ।

ଆଜି ଚାଇନିଜ୍ ନବବର୍ଷ, ୨୦୨୬, ଏହା ଜ୍ୱଳନ୍ତ ଘୋଡ଼ାର ବର୍ଷ। ଉତ୍ସବ ପ୍ରସିଦ୍ଧ ଡ୍ରାଗନ୍ ନୃତ୍ୟ ସହିତ ଆରମ୍ଭ ହୁଏ, ଯେଉଁଠାରେ ଡ୍ରାଗନ୍ ପୋଷାକ ପିନ୍ଧି ଲୋକମାନେ ସେମାନଙ୍କର ନୃତ୍ୟ ପ୍ରଦର୍ଶନ କରନ୍ତି, ଏହିଠାରେ ଘରର ମହିଳା ଡ୍ରାଗନ୍ମାନଙ୍କୁ ଖାଦ୍ୟ ଦିଅନ୍ତି। ଏହା ଏକ ବୈଦ୍ୟୁତିକ ପରିବେଶ ଥିଲା ଯେଉଁଠାରେ ଡ୍ରମ୍ ଗର୍ଜନ କରନ୍ତି। ଡ୍ରାଗନ୍ କେବଳ ଚାଇନିଜ୍ ନୁହେଁ ବରଂ ଉପସ୍ଥିତ ସମସ୍ତ ଲୋକଙ୍କୁ ଏକ ସୁଖଦ ଏବଂ ସମୃଦ୍ଧ ନୂତନ ବର୍ଷ ପାଇଁ ସେମାନଙ୍କର ଆଶୀର୍ବାଦ ଦିଅନ୍ତି।
ଯୁପିରେ ମେଣ୍ଟ ଓୱେସି ପାଇଁ ଅତ୍ୟନ୍ତ ଆଗ୍ରହୀ, କିନ୍ତୁ AIMIM ଏପର୍ଯ୍ୟନ୍ତ କୌଣସି ଦଳ ସହ ସମ୍ମତି ସାଧିପାରିନାହିଁ।

ଯଦିଓ ଉତ୍ତର ପ୍ରଦେଶ ବିଧାନସଭା ନିର୍ବାଚନକୁ ଗୋଟିଏ ବର୍ଷ ବାକି ଅଛି, ତଥାପି ଦଳବଦଳ ଏବଂ ମେଣ୍ଟର ରାଜନୈତିକ ପ୍ରକ୍ରିୟା ଆରମ୍ଭ ହୋଇସାରିଛି। ଅସଦୁଦ୍ଦିନ ଓୱେସିଙ୍କୁ ଉତ୍ତର ପ୍ରଦେଶରେ ଏକ ମେଣ୍ଟର ଅତ୍ୟନ୍ତ ଆବଶ୍ୟକତା ଅଛି, କିନ୍ତୁ ସେ କୌଣସି ଦଳ ସହିତ ଏକ ଚୁକ୍ତିରେ ପହଞ୍ଚି ପାରୁନାହାଁନ୍ତି। ବିଏସପି ମୁଖ୍ୟ ମାୟାବତୀ ଏକାକୀ ନିର୍ବାଚନ ଲଢ଼ିବେ ବୋଲି ଘୋଷଣା କରିବା ପରେ, ଓୱେସିଙ୍କ ପାଇଁ ଆଉ କେଉଁ ବିକଳ୍ପ ବାକି ଅଛି? ମୁସଲିମ ରାଜନୀତିର ଆବରଣ ତଳେ, ଅସଦୁଦ୍ଦିନ ଓୱେସି ହାଇଦ୍ରାବାଦର ଚାରମିନାର ପରିସୀମା ବାହାରେ ତାଙ୍କ ଦଳ, AIMIMକୁ ଉଚ୍ଚ କରିବା ଏବଂ ଜାତୀୟ ମାନ୍ୟତା ପ୍ରତିଷ୍ଠା କରିବା ପାଇଁ ନିରନ୍ତର ପ୍ରୟାସରେ ନିୟୋଜିତ ଅଛନ୍ତି। ଏହି ମିଶନର ଅଂଶ ଭାବରେ, ଓୱେସି ଉତ୍ତର ପ୍ରଦେଶ ରାଜନୀତିରେ ନିଜକୁ ଏକ ଟ୍ରମ୍ପ କାର୍ଡ ଭାବରେ ପ୍ରତିଷ୍ଠିତ କରିବାକୁ ଲକ୍ଷ୍ୟ ରଖିଛନ୍ତି। ତଥାପି, ଅବଧର ପୁଲାଓ ତୁଳନାରେ ହାଇଦ୍ରାବାଦୀ ବିରିୟାନି ସର୍ବଦା ପଛରେ ପଡ଼ିଛି। ଏହାର ମସଲା, ମସଲା ଏବଂ କଞ୍ଚାପଣ କେବେ ବି ଅବଧର ଲୋକମାନଙ୍କୁ ଆକର୍ଷିତ କରିନାହିଁ | ଉତ୍ତର ପ୍ରଦେଶ ରାଜନୀତି ଏପରି ଯେ ସବୁଠାରୁ ପ୍ରଭାବଶାଳୀ ନେତାଙ୍କୁ ମଧ୍ୟ ବୋକା ବନାଇହେବ। ୨୦୧୭ ଏବଂ ୨୦୨୨ ନିର୍ବାଚନରେ ତାଙ୍କର ସର୍ବୋତ୍ତମ ପ୍ରୟାସ ସତ୍ତ୍ୱେ, ଅସଦୁଦ୍ଦିନ ଓୱେସି କୌଣସି ରାଜନୈତିକ କରିସ୍ମା ପ୍ରଦର୍ଶନ କରିପାରିଲେ ନାହିଁ। ଏହି କାରଣରୁ, ୨୦୨୭ ବିଧାନସଭା ନିର୍ବାଚନ ପାଇଁ, ଓୱେସି ଉତ୍ତର ପ୍ରଦେଶରେ ଏକ ରାଜନୈତିକ ଆଶାବାଡ଼ି ଖୋଜୁଛନ୍ତି, ଯାହା ସାହାଯ୍ୟରେ ସେ ରାଜନୈତିକ ପାଦ ରଖିପାରିବେ। ଯଦି ଓୱେସି ବିଜେପି ସହିତ ମେଣ୍ଟ ଗଠନ କରିପାରିବେ ନାହିଁ, ତେବେ ସମାଜବାଦୀ ପାର୍ଟି (SP) ଏବଂ କଂଗ୍ରେସ ତାଙ୍କ ସହିତ ମିଶିବାକୁ ରାଜି ନୁହଁନ୍ତି। ଅସଦୁଦ୍ଦିନ ଓୱେସି ଉତ୍ତର ପ୍ରଦେଶରେ ବିଏସପି ସହିତ ଏକ ମିଳିତ ନିର୍ବାଚନ ପାଇଁ ନଜର ରଖିଛନ୍ତି, କିନ୍ତୁ ମାୟାବତୀ ଏକାକୀ ନିର୍ବାଚନ ଲଢ଼ିବେ ବୋଲି ଘୋଷଣା କରି ତାଙ୍କର ରାଜନୈତିକ ଯୋଜନାକୁ ବିଫଳ କରିଛନ୍ତି। ଏହିପରି, ଓୱେସି ଉତ୍ତର ପ୍ରଦେଶର ରାଜନୈତିକ ଚକ୍ରବ୍ୟୁହରେ ଏକାକୀ ଅଛନ୍ତି, ଏବଂ ପ୍ରଶ୍ନ ହେଉଛି: AIMIM ସହିତ କିଏ ମେଣ୍ଟ ଗଠନ କରିବ?

ୟୁପି ରାଜନୀତିରେ କ’ଣ ଅସଦୁଦ୍ଦିନ ଓୱେସି ଏକା ରହିଗଲେଣି?
ଉତ୍ତର ପ୍ରଦେଶ ବିଧାନସଭା ନିର୍ବାଚନକୁ ହୁଏତ ଗୋଟିଏ ବର୍ଷ ଦୂର ହୋଇପାରେ, କିନ୍ତୁ ରାଜନୈତିକ ଚିତ୍ର ପ୍ରାୟତଃ ସ୍ପଷ୍ଟ ହୋଇଯାଇଛି। ବିଜେପି ଅନୁପ୍ରିୟା ପଟେଲଙ୍କ ଅପନା ଦଳ ଓମ୍ ପ୍ରକାଶ ରାଜଭରଙ୍କ ସୁଭାସ୍ପା, ସଞ୍ଜୟ ନିଷାଦଙ୍କ ନିଷାଦ ପାର୍ଟି ଏବଂ ଜୟନ୍ତ ଚୌଧୁରୀଙ୍କ ଆରଏଲଡି ସହିତ ମେଣ୍ଟ ଗଠନ କରିଛି। ଏହି ସମୟରେ, ସମାଜବାଦୀ ପାର୍ଟି (ଏସ୍ ପି) ଏବଂ କଂଗ୍ରେସ ମେଣ୍ଟ ପୂର୍ବରୁ ଚୂଡ଼ାନ୍ତ ହୋଇସାରିଛି। କଂଗ୍ରେସ ଏବଂ ସମାଜବାଦୀ ପାର୍ଟି ଉଭୟ ୨୦୨୪ରେ ଯେପରି ନିର୍ବାଚନ ଲଢ଼ିଥିଲେ ସେହିପରି ୨୦୨୭ ନିର୍ବାଚନ ଲଢ଼ିବାକୁ ଯୋଜନା କରିଛନ୍ତି |
ବୁଧବାର ଦିନ ବିଏସପି ମୁଖ୍ୟ ମାୟାବତୀ ପୁଣି ଥରେ ଏକାକୀ ନିର୍ବାଚନ ଲଢ଼ିବେ ବୋଲି ଘୋଷଣା କରି ତାଙ୍କର ରାଜନୈତିକ ମତ ସ୍ପଷ୍ଟ କରିଛନ୍ତି। ସେ ଏକ ମେଣ୍ଟ ବିଷୟରେ ଚାଲିଥିବା ସମସ୍ତ ଆଲୋଚନାକୁ ସମ୍ପୂର୍ଣ୍ଣ ଭ୍ରାମକ ଏବଂ ଭିତ୍ତିହୀନ ବୋଲି କହି ଖାରଜ କରିଛନ୍ତି। ମାୟାବତୀ ବିଏସପି କର୍ମୀମାନଙ୍କୁ ମେଣ୍ଟ ସମ୍ପର୍କରେ “ମିଥ୍ୟା ଖବର”କୁ ଅଣଦେଖା କରିବାକୁ ଏବଂ ନିର୍ବାଚନ ପ୍ରସ୍ତୁତିରେ ଧ୍ୟାନ ଦେବାକୁ ଅନୁରୋଧ କରିଛନ୍ତି। ସେ ସ୍ପଷ୍ଟ ଭାବରେ କହିଛନ୍ତି ଯେ ବିଏସପି ନିଜ ଶକ୍ତିରେ ବିଶ୍ୱାସ କରେ ଏବଂ କୌଣସି ଆଶାବାଡ଼ି ବିନା ନିର୍ବାଚନ ଲଢ଼ିବ |
ବିଜେପି ସହିତ ମେଣ୍ଟ କରିଥିବା ଛୋଟ ଦଳଗୁଡ଼ିକ କୌଣସି ପରିସ୍ଥିତିରେ ସେମାନଙ୍କର ମେଣ୍ଟ ଛାଡିବାକୁ ପ୍ରସ୍ତୁତ ନୁହଁନ୍ତି। ସମାଜବାଦୀ ପାର୍ଟି ଏବଂ କଂଗ୍ରେସ ପୂର୍ବରୁ ଓୱେସିଙ୍କଠାରୁ ନିଜକୁ ଦୂରେଇ ରଖିଛନ୍ତି, ଏବଂ ମାୟାବତୀ ଏକାକୀ ନିର୍ବାଚନ ଲଢ଼ିବେ ବୋଲି ଘୋଷଣା କରି AIMIMର ସମସ୍ତ ଆଶାକୁ ଧୂଳିସାତ୍ କରିଦେଇଛନ୍ତି। ଏହିପରି, ଓୱେସି ୟୁପି ରାଜନୀତିରେ ସମ୍ପୂର୍ଣ୍ଣ ଭାବରେ ଏକାକୀ।
ଆଜିଠୁ ଯୁକ୍ତ ଦୁଇ ପରୀକ୍ଷା ଆରମ୍ଭ, ୪ ଲକ୍ଷରୁ ଅଧିକ ଛାତ୍ରଛାତ୍ରୀ ଦେଉଛନ୍ତି ପରୀକ୍ଷା

ଭୁବନେଶ୍ବର : ରାଜ୍ୟରେ ଆଜିଠୁ ଯୁକ୍ତ ଦୁଇ ପରୀକ୍ଷା ଆରମ୍ଭ ଯାଇଛି | ସିଏଚଏସଇ (Council of Higher Secondary Education Odisha ) ପକ୍ଷରୁ ଆୟୋଜିତ ଏହି ପରୀକ୍ଷାରେ ମୋଟ ୪ ଲକ୍ଷ ୧୬ ହଜାର ୨୩ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଛନ୍ତି |

ବିଭାଗ ଅନୁଯାୟୀ, କଳାରେ ୨,୫୬,୭୦୭ ଛାତ୍ରଛାତ୍ରୀ , ବିଜ୍ଞାନରେ ୧,୧୪,୩୬୩ ଛାତ୍ରଛାତ୍ରୀ , ବାଣିଜ୍ୟରେ ୨୪,୬୨୧ ଛାତ୍ରଛାତ୍ରୀ ଏବଂ ଧନ୍ଦାମୂଳକ ଶିକ୍ଷାରେ ୫,୯୩୨ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି। ସାରା ରାଜ୍ୟରେ ୧୩୫୭ଟି ପରୀକ୍ଷା କେନ୍ଦ୍ରରେ ୨୩ଟି ସିଟିଂରେ ପରୀକ୍ଷା ଫେବ୍ରୁଆରି ୨୮ ପର୍ଯ୍ୟନ୍ତ ଚାଲିବ। ପରୀକ୍ଷା ସକାଳ ୧୦ଟାରୁ ଆରମ୍ଭ ହୋଇ ଅପରାହ୍ନ ୧ଟାରେ ଶେଷ ହେବ।

ଏବେ ପ୍ରଥମଥର ପାଇଁ ପରୀକ୍ଷା ପରିଚାଳନା ହବ୍‌ରେ AI ମାଧ୍ୟମରେ ନଜର ରଖିବାର ବ୍ୟବସ୍ଥା କରାଯାଇଛି। ହବ୍‌କୁ କେହି ପ୍ରବେଶ କରେ ତେବେ ମୁଖ୍ୟାଳୟକୁ ଆଲର୍ଟ ହୋଇଯିବ । ସିଏଚଏସଇ କାର୍ଯ୍ୟାଳୟରେ ୨୪ ଘଣ୍ଟିଆ କଣ୍ଟ୍ରୋଲ ରୁମ୍‌ ଖୋଲାଯାଇଛି। ଷ୍ଟ୍ରଙ୍ଗରୁମ୍‌ରେ ଗୋଟିଏମାତ୍ର ପ୍ରବେଶ ପଥ ରହିବ ଓ ସେଠାରେ ଗ୍ରିଲ୍ ସହ କବାଟ ବ୍ୟବସ୍ଥା ରହିଛି। ହବ୍‌ ଓ ବାହାରେ ପୋଲିସର କଡା ପ୍ରହରା ବ୍ୟବସ୍ଥା କରାଯାଇଛି।

ପରୀକ୍ଷା କେନ୍ଦ୍ରରେ ପ୍ରବେଶ ପୂର୍ବରୁ ଛାତ୍ରଛାତ୍ରୀମାନେ ମୋବାଇଲ ଫୋନ୍‌ ସୁପରିଟେଣ୍ଡେଣ୍ଟଙ୍କ ପାଖରେ ଜମା ଜମା କରିବେ । ଘଣ୍ଟି ବାଜିବା ପୂର୍ବରୁ କେହି କେନ୍ଦ୍ର ଛାଡି ପାରିବେ ନାହିଁ ଓ ପ୍ରଶ୍ନପତ୍ର ବାହାରକୁ ନେଇ ପାରିବେ ନାହିଁ । ସକାଳ ସାଢେ ୮ଟା ମଧ୍ୟରେ ପ୍ରଶ୍ନପତ୍ର ପ୍ୟାକେଟ କେନ୍ଦ୍ରରେ ପହଞ୍ଚିବ ଓ କେନ୍ଦ୍ର ସୁପରିଟେଣ୍ଡେଣ୍ଟ, ପର୍ଯ୍ୟବେକ୍ଷକ, ପରୀକ୍ଷା ନୀରିକ୍ଷକ ଏବଂ ଜିଲ୍ଲା ପ୍ରଶାସନ ପ୍ରତିନିଧିଙ୍କ ଉପସ୍ଥିତିରେ ଖୋଲାଯିବ। ଦ୍ୱି-ସ୍ତରୀୟ ଯାଞ୍ଚ ପରେ ପରୀକ୍ଷାର୍ଥୀଙ୍କୁ କେନ୍ଦ୍ରକୁ ପ୍ରବେଶ କରାଯିବା |
ବାଲିଆପାଳରେ ପରିବାରିକ ବିବାଦରୁ ଦାହ କାଣ୍ଡ,୪ ଗୁରୁତର

ବାଲେଶ୍ୱର: ବାଲିଆପାଳ ଥାନା ଅନ୍ତର୍ଗତ ନାରାୟଣପୁର ଗ୍ରାମରେ ଘଟିଥିବା ଦାହ ଘଟଣାକୁ ନେଇ ଅଞ୍ଚଳରେ ଚଞ୍ଚଳତା ସୃଷ୍ଟି ହୋଇଛି। ପରିବାରିକ ବିବାଦକୁ କେନ୍ଦ୍ର କରି ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କୁ ଗୁରୁତର ଭାବେ ଆହତ କରିଥିବା ଅଭିଯୋଗ ହୋଇଛି। ସ୍ତ୍ରୀଙ୍କୁ ବଞ୍ଚାଇବାକୁ ଯାଇ ଶ୍ୱଶୁର, ଶାଶୁ ଓ ଶଳା ମଧ୍ୟ ଆହତ ହୋଇଛନ୍ତି। ସୂଚନା ଅନୁଯାୟୀ, ନାରାୟଣପୁର ଗ୍ରାମର ରାଜେନ୍ଦ୍ର ସାମନ୍ତରାୟଙ୍କ ଝିଅଙ୍କ ବିବାହ ୭ ବର୍ଷ ପୂର୍ବେ ସୋର ଅଞ୍ଚଳର ମାଳତ୍ରୀ ଗ୍ରାମର କରୁଣାକର କବିଙ୍କ ସହ ହୋଇଥିଲା। ଦୁହେଁଙ୍କର ଦୁଇ ଯୋଡ଼ା ସନ୍ତାନ ମଧ୍ୟ ଅଛି । କିଛି ଦିନ ଧରି ପରିବାରିକ ଅସନ୍ତୋଷ ଚାଲିଥିବା ବେଳେ ସ୍ତ୍ରୀ ନିଜ ବାପଘରେ ରହୁଥିଲେ।

ଗତରାତିରେ ଅଭିଯୁକ୍ତ ଶ୍ୱଶୁର ଘରକୁ ଆସି ବାଦବିବାଦ କରିଥିବା ଏବଂ ପରିସ୍ଥିତି ଉତ୍ତେଜିତ ହେବାରୁ ଆଗ୍ନେୟ ପଦାର୍ଥ ବ୍ୟବହାର କରି ଆକ୍ରମଣ କରିଥିବା ଅଭିଯୋଗ ରହିଛି। ଘଟଣାରେ ଚାରିଜଣ ଗୁରୁତର ଭାବେ ଆହତ ହୋଇଥିବା ସୂଚନା ମିଳିଛି। ଚିତ୍କାର ଶୁଣି ସ୍ଥାନୀୟ ଲୋକେ ଅଭିଯୁକ୍ତଙ୍କୁ କାବୁ କରି ପୋଲିସଙ୍କୁ ହସ୍ତାନ୍ତର କରିଥିଲେ। ଆହତମାନଙ୍କୁ ପ୍ରଥମେ ପ୍ରତାପପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା, ପରେ ଅବସ୍ଥା ଗୁରୁତର ହେବାରୁ ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ଧନପୁରରେ ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର

ଯାଜପୁର ଜିଲ୍ଲା ଅନ୍ତର୍ଗତ ପାଣିକୋଇଲ ଥାନା ଧନପୁର ଗ୍ରାମ ନିକଟ ଏକ ଗଛରୁ ଜଣେ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକଙ୍କ ପରିଚୟ ସ୍ଥାନୀୟ ଶ୍ରୀଧର ବାରିକ ବୋଲି ଜଣାପଡିଛି। ସେ ଅଞ୍ଚଳର ଏକ ରାଇସ ମିଲରେ କାମ କରୁଥିବା ସୂଚନା ମିଳିଛି।

ଘଟଣାକୁ ନେଇ ଆତ୍ମହତ୍ୟା ସନ୍ଦେହ କରାଯାଉଥିବା ବେଳେ ମୃତଦେହ ନିକଟରୁ ଏକ ହାତଲେଖା ଚିଠି ଜବତ ହୋଇଛି। ତଥାପି ମୃତ୍ୟୁର ସଠିକ୍ କାରଣ ସ୍ପଷ୍ଟ ହୋଇନଥିବାରୁ ପୋଲିସ ତଦନ୍ତ ଆରମ୍ଭ କରିଛି।

ପୋଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ପ୍ରମାଣ ସଂଗ୍ରହ କରିଥିବା ସୂଚନା ମିଳିଛି। ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଯାଇଛି।ଅନ୍ୟପଟେ, କ୍ଷତିପୂରଣ ଦାବିରେ ମୃତକଙ୍କ ପରିବାର ଓ ଗ୍ରାମବାସୀ ଉକ୍ତ ରାଇସ ମିଲ ଫାଟକ ସମ୍ମୁଖରେ ଧାରଣାରେ ବସିଛନ୍ତି। ପରିସ୍ଥିତିକୁ ନଜରରେ ରଖି ପୋଲିସ ପକ୍ଷରୁ ଆବଶ୍ୟକ ନିରାପତ୍ତା ବ୍ୟବସ୍ଥା କରାଯାଇଛି। ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚଞ୍ଚଳତା ସୃଷ୍ଟି ହୋଇଛି।
ଆଲିଆରେ ଜାଗର ଅବସରେ ଆଲୋକେଶ୍ୱର ମହାଦେବଙ୍କ ମହାଯଜ୍ଞ ପୂର୍ଣ୍ଣାହୁତି

ଯାଜପୁର: କୋରେଇ ବ୍ଲକ ଅନ୍ତର୍ଗତ ଧନେଶ୍ୱର ପଞ୍ଚାୟତର ଆଲିଆ ଗ୍ରାମରେ ଜାଗର ଉପଲକ୍ଷେ ଶ୍ରୀ ଶ୍ରୀ ଆଲୋକେଶ୍ୱର ମହାଦେବଙ୍କ ତିନିଦିନିଆ ବିଶ୍ୱଶାନ୍ତି ପଞ୍ଚକୁଣ୍ଡିୟ ମହାଯଜ୍ଞ ମଙ୍ଗଳବାର ପୂର୍ଣ୍ଣାହୁତି ମହାସମାରୋହରେ ସମାପ୍ତ ହୋଇଛି।

ଆଧ୍ୟାତ୍ମିକ ପରିବେଶ ମଧ୍ୟରେ ଆୟୋଜିତ ଏହି ଯଜ୍ଞରେ କର୍ତା ଭାବେ ଅଜୟ ବୋଇତେଇ ଓ ତାଙ୍କ ଧର୍ମପତ୍ନୀ ଚଞ୍ଚଳୀ ବୋଇତେଇ ପୂଜାଚର୍ଚ୍ଚା ଆରମ୍ଭ କରିଥିଲେ। ରବିବାର କଳଶଯାତ୍ରା, ଅଙ୍କୁରାରୋପଣ, ଘଟଉତ୍ତୋଳନ ଓ ମହାଦୀପ କାର୍ଯ୍ୟକ୍ରମ ହୋଇଥିଲା। ସୋମବାର ସୂର୍ଯ୍ୟପୂଜା, ଗୁରୁପୂଜା, ଗୀତାଯଜ୍ଞ ଓ ଅଗ୍ନିସଂସ୍ଥାନ ହୋଇଥିବାବେଳେ ମଙ୍ଗଳବାର ଚଣ୍ଡୀଯଜ୍ଞ ସହ ପୂର୍ଣ୍ଣାହୁତି ଅନୁଷ୍ଠିତ ହୋଇଥିଲା ବୋଲି ପୂଜକ ରବିନାରାୟଣ ପଣ୍ଡା ସୂଚନା ଦେଇଥିଲେ।

ଗ୍ରାମର ସର୍ବାଙ୍ଗୀନ ଉନ୍ନତି ଓ ସମସ୍ତ ଗ୍ରାମବାସୀଙ୍କ ମଙ୍ଗଳକାମନା ଉଦ୍ଦେଶ୍ୟରେ ପଛଲା ୫ ବର୍ଷ ଧରି ଏହି ଯଜ୍ଞର ଆୟୋଜନ ହୋଇଆସୁଛି ବୋଲି ମୁଖ୍ୟ ଉପଦେଷ୍ଟା ବିଜୟ ବୋଇତେଇ କହିଛନ୍ତି। ଏହି ମହାଯଜ୍ଞରେ ଅଜୟ ବୋଇତେଇ, ସଞ୍ଜୟ ବୋଇତେଇ, ଅର୍ଜୁନ ସାହୁ, ଚନ୍ଦ୍ରମଣୀ ବେହେରା, ଦୀପକ ସାହୁ, ଚୈତନ୍ୟ ବେହେରା, ଅରୁଣ ସାହୁ, ଅମୀୟ ସାହୁ, ରଘୁନାଥ ଭୂୟାଁ, ବିଦ୍ୟାଧର ବୋଇତେଇ, ଦୀପକ ବୋଇତେଇ, ନାରାୟଣ ଭୂୟାଁ, ସୋନୁ ବୋଇତେଇ ସମେତ ସମସ୍ତ ଗ୍ରାମବାସୀ ଉତ୍ସାହର ସହ ଯୋଗଦେଇ ସହଯୋଗ କରିଥିଲେ।

ଧାର୍ମିକ ଉତ୍ସବ ଅବସରରେ ଗ୍ରାମରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା ଏବଂ ବହୁ ଶ୍ରଦ୍ଧାଳୁ ମହାଦେବଙ୍କ ଦର୍ଶନ କରି ଆଶୀର୍ବାଦ ଗ୍ରହଣ କରିଥିଲେ।
ଯାଜପୁର ରୋଡରେ ନବଜାତକୁ ଉଦ୍ଧାର, ଘଟଣାକୁ ନେଇ ଚର୍ଚ୍ଚା

ଯାଜପୁର ରୋଡରେ ଅମାନବୀୟ ଘଟଣା । ଉଦ୍ଧାର ହେଲା ନବଜାତ ଶିଶୁ । ଜଣେ ନାବାଳିକାଙ୍କୁ ଗର୍ଭବତୀ କରାଇ ବେଆଇନ ପ୍ରସବ କରାଇବା ଘଟଣାରେ ଆସିଛି ନୂଆ ମୋଡ଼ । ନାବାଳିକା ରହୁଥିବା ଭଡାଘର ନିକଟରୁ ନବଜାତକୁ ଉଦ୍ଧାର କରାଯାଇଛି । ସ୍ଥାନୀୟ ଲୋକ ଓ ପୋଲିସଙ୍କ ଯୁକ୍ତ ପ୍ରୟାସରେ ଶିଶୁଟିକୁ ଉଦ୍ଧାର କରି ତୁରନ୍ତ ଚିକିତ୍ସାଳୟରେ ଭର୍ତ୍ତି କରାଯାଇଛି । ଡାକ୍ତରମାନଙ୍କ କହିବା ଅନୁସାରେ ଶିଶୁର ସ୍ୱାସ୍ଥ୍ୟ ଏବେ ସ୍ଥିର ଅବସ୍ଥାରେ ଅଛି । ନାବାଳିକା ଜଣକ ଏକ ଘରୋଇ ହସ୍ପିଟାଲରେ ଶିଶୁକୁ ଜନ୍ମ ଦେଇଥିବା ସୂଚନା ମିଳିଛି । ଘଟଣାରେ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟରେ ପେଶ କରାଯାଇଛି ।

ପୋଲିସ ସୂଚନା ଅନୁଯାୟୀ, ବ୍ୟାସନଗର ସହର କୋପଣ୍ଡ ଗାଁର ୭୦ ବର୍ଷୀୟ ପଦ୍ମନାଭ ଶତପଥୀଙ୍କ ଘରେ ନାବାଳିକା କାମ କରୁଥିଲେ । ସେଠାରେ କାମ କରୁଥିବା ସମୟରେ ତାଙ୍କୁ ପୁନଃପୁନି ଯୌନ ନିର୍ଯାତନା ଦେଇଥିବା ଅଭିଯୋଗ ରହିଛି । ଗର୍ଭବତୀ ହେବା ପରେ ଅଭିଯୁକ୍ତ ତାଙ୍କୁ ଯାଜପୁର ରୋଡ଼ର ଏକ ଘରୋଇ ଚିକିତ୍ସାଳୟକୁ ନେଇଥିବା କୁହାଯାଉଛି । ନାବାଳିକାଙ୍କ ପିତାଙ୍କ ଅଭିଯୋଗ ଆଧାରରେ ପୋଲିସ ମାମଲା ରଜୁ କରି ତଦନ୍ତ ଆରମ୍ଭ କରିଥିଲା । ଘଟଣା ସଂପୃକ୍ତ ମାମଲାରେ ପଦ୍ମନାଭ ଶତପଥୀଙ୍କ ସହ ଘରୋଇ ହସ୍ପିଟାଲର ପରିଚାଳନା ନିର୍ଦ୍ଦେଶକ ମନୋଜ କୁମାର ନାୟକଙ୍କୁ ମଧ୍ୟ ଗିରଫ କରାଯାଇଛି।
ନୂଆପଡାରେ ମାରାଗୁଡା ଲୋକ ମହୋତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ, ସ୍ଥାନ ପରିବର୍ତ୍ତନ ନେଇ ଚର୍ଚ୍ଚା

ନୂଆପଡା ମାରାଗୁଡା ଲୋକ ମହୋତ୍ସବ ପାଇଁ ସ୍ଥାନୀୟ ସଦ୍ଭାବନା ଗୃହଠାରେ ଅନୁଷ୍ଠିତ ହୋଇଯାଇଛି।ଜିଲ୍ଲାପାଳ ମଧୁସୂଦନ ଦାସ ଙ୍କ ସଭାପତିତ୍ୱରେ ଆୟୋଜିତ ଏହି ପ୍ରସ୍ତୁତି ବୈଠକରେ ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ, ନୂଆପଡା ବିଧାୟକ ଜୟ ଢୋଲକିଆ, କଳାହାଣ୍ଡି ପୂର୍ବତନ ଏମପି ବସନ୍ତ ପଣ୍ଡା ତଥା ଜିଲ୍ଲାର ଅନେକ ଛାମୁଆ ନେତା ବୁଦ୍ଧିଜୀବୀ, ଆଇନ ଜୀବୀ ଯୋଗ ଦେଇ ନିଜର ବହୁମୂଲ୍ୟ ମତ ପ୍ରଦାନ କରିଥିଲେ।

ସବୁଠାରୁ ବଡ ଚର୍ଚ୍ଚାର କଥାଥିଲା ମହୋତ୍ସବ ଅନୁଷ୍ଠିତ କେଉଁଠି ହେବ। କାରଣ ଥିଲା ଯେ ନୂଆପଡା ମିନିଷ୍ଟାଡିୟମରେ ଘାସ ପ୍ରତିରୋପଣ କରାଯାଉଛି। ଯଦି ସେଠି ମହୋତ୍ସବ ଅନୁଷ୍ଠିତ ହୁଏ ତେବେ ଘାସ ନଷ୍ଟ ହେଇଯିବାର ସମ୍ଭାବନା ଅଛି। ଏଣୁ ମହୋତ୍ସବ ଅନୁଷ୍ଠିତ କରିବାର ସ୍ଥାନ ନୂଆପଡା ସଦର ମହକୁମା ଠାରୁ ପାଞ୍ଚ କିଲୋମିଟର ଦୁରକୁ ନ୍ୟାସନାଲ କଲେଜ ପଡିଆକୁ ସ୍ତାନନ୍ତରଣ କାଯାଇଛି। ଏନେଇ ନୂଆପଡା ବାସି ତାଙ୍କର ପ୍ରତିକ୍ରିୟା ରଖିଛନ୍ତି।
ସିଙ୍ଗାପୁରରୁ ଖାଲି ହାତେ ଫେରିଲେ ପରିବାର, ନିଖୋଜ ମର୍ଚ୍ଚାଣ୍ଟ ନାଭି କ୍ୟାଡେଟ୍ ସାର୍ଥକ ମହାପାତ୍ରଙ୍କ ଖୋଜ ମିଳୁନି

ନିଖୋଜ ଓଡିଆ ମର୍ଚ୍ଚାଣ୍ଟ ନାଭି କ୍ୟାଡେଟ୍ ସାର୍ଥକ ମହାପାତ୍ର। ସାର୍ଥକଙ୍କର ଖୋଜଖବର ଏପର୍ଯ୍ୟନ୍ତ ମିଳିନଥିବାବେଳେ ପରିବାର ଲୋକେ ନିରାଶାରେ ସିଙ୍ଗାପୁରରୁ ଓଡ଼ିଶାକୁ ଫେରିଆସିଛନ୍ତି। ସିଙ୍ଗାପୁରରୁ ଖାଲି ହାତେ ଫେରିଲେ ପରିବାର। ସାର୍ଥକଙ୍କ ମାଆ ଓ ମାମୁ ତାଙ୍କୁ ଖୋଜିବା ପାଇଁ ସିଙ୍ଗାପୁର ଯାଇଥିଲେ। କିନ୍ତୁ ସେଠାରେ କୌଣସି ସୁତ୍ର ମିଳିନଥିବାରୁ ସେମାନେ ଆଜି ଓଡ଼ିଶାକୁ ଫେରିଛନ୍ତି। Biju Patnaik International Airportରେ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ପରିବାର ଲୋକଙ୍କ ଆଖିରେ ଥିଲା ଅଶ୍ରୁ ଓ ଅନିଶ୍ଚିତତାର ଛାୟା।

ଜାହାଜରେ ମିଳିଲା ନାହିଁ କୌଣସି ସନ୍ଦେଶ

ଗତ ୧୫ ତାରିଖରେ ସାର୍ଥକ କାମ କରୁଥିବା ‘ଏମ୍.ଭି. ଇ.ଏ. ଜର୍ସି’ ନାମକ ଜାହାଜ ସିଙ୍ଗାପୁର ବନ୍ଦରରେ ଲାଗିବା ପରେ ପରିବାର ଲୋକେ ସେଠାକୁ ପହଞ୍ଚିଥିଲେ। ଡିଜି ସିପିଂର ଦୁଇ ଅଧିକାରୀଙ୍କ ସହଯୋଗରେ ଜାହାଜ ଭିତରେ ଯାଞ୍ଚ କରାଯାଇଥିଲା। କିନ୍ତୁ ସାର୍ଥକଙ୍କ ରୁମ୍‌ ବ୍ୟତୀତ ଅନ୍ୟ କୌଣସି ସ୍ଥାନ ଯାଞ୍ଚ କରିବାକୁ ଅନୁମତି ମିଳିନଥିବା ଅଭିଯୋଗ ହୋଇଛି। ପରିବାର ପକ୍ଷରୁ କୁହାଯାଇଛି ଯେ, ଜାହାଜ କର୍ତ୍ତୃପକ୍ଷ ସିସିଟିଭି ଫୁଟେଜ୍ କିମ୍ବା ଭଏଜ୍ ଡାଟା ରେକର୍ଡର (VDR) ସମ୍ବନ୍ଧୀୟ ତଥ୍ୟ ମଧ୍ୟ ଯୋଗାଇ ନଥିଲେ। ଏହା ଘଟଣାକୁ ନେଇ ସନ୍ଦେହକୁ ଆହୁରି ଗଭୀର କରିଛି।

ଓଡ଼ିଶାର ଧାମନଗର ବ୍ଲକ ଅନ୍ତର୍ଗତ କେଶପୁର ଗାଁ ର ସାର୍ଥକ ମହାପାତ୍ର ଗତ ଫେବ୍ରୁୟାରୀ ୩ତାରିଖରୁ ଜାହାଜରୁ ନିଖୋଜ ଅଛନ୍ତି। ଦୀର୍ଘ ସମୟ ହେଉଥିଲେ ମଧ୍ୟ ତାଙ୍କ ସନ୍ଦର୍ଭରେ କୌଣସି ପ୍ରମାଣିକ ସୂଚନା ମିଳିନାହିଁ। ସିଙ୍ଗାପୁରରେ କୌଣସି ସଫଳତା ନ ମିଳିବାରୁ ପରିବାର ଲୋକେ ଏବେ କେନ୍ଦ୍ର ଓ ରାଜ୍ୟ ସରକାରଙ୍କ ହସ୍ତକ୍ଷେପ ଦାବି କରୁଛନ୍ତି। ସେମାନଙ୍କ ଅନୁରୋଧ ଘଟଣାର ଉଚ୍ଚସ୍ତରୀୟ ଓ ସ୍ବତନ୍ତ୍ର ତଦନ୍ତ କରାଯାଇ ସାର୍ଥକଙ୍କ ଖୋଜଖବର ଶୀଘ୍ର ମିଳିବାକୁ ବ୍ୟବସ୍ତା କରାଯାଉ।

ପରିବାର ଏପର୍ଯ୍ୟନ୍ତ ଆଶା ଛାଡ଼ିନାହାନ୍ତି, କିନ୍ତୁ ସମୟ ବିତିବା ସହ ସେମାନଙ୍କ ଚିନ୍ତା ଆହୁରି ବଢ଼ିଚାଲିଛି।
ମଣ୍ଡିରେ ଅଟକିଲା ହଜାର କୁଇଣ୍ଟାଲ ଧାନ: ଟୋକନ୍ ପାଇ ମଧ୍ୟ ଅପେକ୍ଷାରେ ଚାଷୀ, ଧାରଣାରେ ସମର୍ଥନ ଦେଲା ବିଜୁ ଜନତା ଦଳ

ମଣ୍ଡିରୁ ଉଠୁନି ଧାନ। କେନ୍ଦ୍ରାପଡା ଜିଲ୍ଲା ଗରଦପୁର, ମାର୍ଶାଘାଇ ଓ ମହାକାଳପଡ଼ା ବ୍ଲକର ବିଭିନ୍ନ ପାକ୍ସରୁ ଧାନ ଉଠାଣିରେ ବିଳମ୍ବ ହେଉଥିବା ଅଭିଯୋଗ ନେଇ ଚାଷୀମାନେ କ୍ଷୋଭ ପ୍ରକାଶ କରିଛନ୍ତି। ମଣ୍ଡିରେ ହଜାର ହଜାର କୁଇଣ୍ଟାଲ ଧାନ ପଡିରହିଥିବା ବେଳେ ଚାଷୀମାନେ ଦିନରାତି ଧାନ ବସ୍ତା ଜଗିବାକୁ ବାଧ୍ୟ ହେଉଛନ୍ତି।

ଚାଷୀମାନଙ୍କ କହିବା ଅନୁଯାୟୀ, ଜାନୁଆରୀ ମାସରୁ ଟୋକନ ପାଇଥିଲେ ମଧ୍ୟ ଏପର୍ଯ୍ୟନ୍ତ ମିଲରମାନେ ଧାନ ଉଠାଇନାହାନ୍ତି। ଫଳରେ ଶହଶହ ବସ୍ତା ଧାନ ଖୋଲା ଆକାଶ ତଳେ ପଡିରହିଛି। ଜରିପାଲ ବାନ୍ଧି ରକ୍ଷା କରାଯାଉଥିବା ସତ୍ତ୍ୱେ ଗାଈ-ଗୋରୁ ଓ ମୂଷା ଧାନ ନଷ୍ଟ କରୁଥିବା ଅଭିଯୋଗ ଆସିଛି। ଆଳି ବ୍ଲକର ନୂଆଗାଁ ପ୍ରାଥମିକ କୃଷି ସମବାୟ ସମିତିରେ ମଧ୍ୟ ସମାନ ପରିସ୍ଥିତି ଦେଖାଦେଇଛି।

ଜାନୁଆରୀ ୯ ତାରିଖରେ ମଣ୍ଡି ଉଦଘାଟନ ହୋଇଥିଲେ ମଧ୍ୟ ଏପର୍ଯ୍ୟନ୍ତ କେବଳ ୧୮୦୦ କୁଇଣ୍ଟାଲ ଧାନ ଉଠାଯାଇଛି। ଅଧିକରେ ୬୦୦ କୁଇଣ୍ଟାଲ ଧାନ ମଣ୍ଡିରେ ପଡିରହିଛି। ଏହି ସମବାୟ ସମିତିର ୨୦୬ ଜଣ ଚାଷୀ ଧାନ ଦେବା ପାଇଁ ଟୋକନ ପାଇଥିଲେ ମଧ୍ୟ ୧୪ ଦିନ ହେବ ମିଲର ଆସୁନାହାନ୍ତି ବୋଲି ଅଭିଯୋଗ କରିଛନ୍ତି। ବାରମ୍ବାର ପ୍ରଶାସନଙ୍କୁ ଅଭିଯୋଗ କରିବା ସତ୍ତ୍ୱେ ସମସ୍ୟାର ସମାଧାନ ନ ହେବାରୁ ଚାଷୀମାନେ ମଣ୍ଡି ସମ୍ମୁଖରେ ଧାରଣାରେ ବସିଛନ୍ତି। ବିଜୁ ଜନତା ଦଳର କିଛି ନେତାମାନେ ମଧ୍ୟ ଚାଷୀମାନଙ୍କ ସହ ଧାରଣାରେ ସମର୍ଥନ ଜଣାଇଛନ୍ତି।

ଚାଷୀମାନଙ୍କ ଦାବି ହେଉଛି, ମଣ୍ଡିରେ ପଡିରହିଥିବା ଧାନକୁ ଶୀଘ୍ର ଉଠାଇବା ସହ ଅତିରିକ୍ତ ୫ ହଜାର କୁଇଣ୍ଟାଲ ଧାନ କ୍ରୟ ଟାର୍ଗେଟ୍ ଦିଆଯାଉ, ଯାହା ଫଳରେ ସେମାନେ ଆର୍ଥିକ ସମସ୍ୟାରୁ ମୁକ୍ତି ପାଇପାରିବେ।

Blog

ଜାହାଜରେ ମିଳିଲା ନାହିଁ କୌଣସି ସନ୍ଦେଶ