ପାଣି ଭିତରେ ଛକି ବସିଥିଲା ମୃତ୍ୟୁ । ପୋଖରୀକୁ ଗାଧୋଇବାକୁ ଆସି ଆଉ ଫେରିଲେନି । ଗାଧୋଇବା ବେଳେ ପୋଖରୀରେ ବୁଡି ଜଣେ ମୃତ୍ଯୁ । ଘଷିପୁରା ଥାନା ଶୈଲଙ୍ଗ ଗାଁ ରେ ଘଟିଛି ଏଭଳି ଏକ ଅଘଟଣ। ସୂଚନା ଅନୁସାରେ ଶୈଲଙ୍ଗ ଗାଁର ଅକ୍ଷୟ କୁମାର ସା ନାମକ ଜଣେ ଯୁବକ ଘରପାଖ ପୋଖରୀକୁ ଗାଧୋଇବା ପାଇଁ ଯାଇଥିଲେ । ଦୁଃଭାଗ୍ୟବଶତଃ ସେ ପାଣିର ବୁଡିଯାଇଥିଲେ । ସେ ବହୁ ସମୟ ଧରି ଘରକୁ ନ ଫେରିବାରୁ ଘରଲୋକେ ତାଙ୍କୁ ବହୁ ଖୋଜା ଖୋଜି କରିଥିଲେ । ପରେ ପୋଖରୀରେ ତାଙ୍କ ମୃତଦେହ ଭାସୁଥିବା ଘର ଲୋକ ଦେଖିବାକୁ ପାଇଲେ ।
ବାଲେଶ୍ଵର ଜିଲ୍ଲା ବାଲିଆପାଳ ବ୍ଲକ ବାବା ପାରୋଳେଶ୍ଵର ବିଷ୍ଣୁ ପ୍ରସିଦ୍ଧ ପାଟ ପର୍ବ ବହୁ ଆଡ଼ମ୍ବରରେ ସମ୍ପନ୍ନ ହୋଇଛି । ୧୪ ଦିନ ଧରି ଅନୁଷ୍ଠିତ ଏହି ବ୍ରତରେ ହଜାର ହଜାର ଭକ୍ତ ଶେଷ ଅର୍ଘ୍ୟ ଦେଇଛନ୍ତି ଶ୍ରୀଜିଉଙ୍କଠାରେ । କୁନା ଭୂଇଁ ଛକ ହା’କାଣ୍ଡ ପୋଖରୀଠାରୁ ଚନ୍ଦନେଶ୍ବର ମନ୍ଦିର ପର୍ଯ୍ୟନ୍ତ ରାସ୍ତାର ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ଏପ୍ରିଲ ୭ ତାରିଖରୁ ଆରମ୍ଭ ହୋଇଥିବା ବିଶ୍ୱ ପ୍ରସିଦ୍ଧ ଚଡ଼କ ପର୍ବର ଆଜି ଥିଲା ବହୁ ପ୍ରତୀକ୍ଷିତ ପାଟ ପର୍ବ । ଏହି ପାଟ ପର୍ବର ମୁଖ୍ୟ ଆକର୍ଷଣ ମାଳା, ଚନ୍ଦନା ଓ କଣ୍ଟାପୋଡ଼ା । ସମସ୍ତ ଉପବୀତଧାରୀ ଭକ୍ତ ହା’ କାଣ୍ଡ ପୋଖରୀ ପୋଖରୀକୁ ଯାଇ ସେଠାରେ ବୁଡ଼ ପକାଇ ମନ୍ଦିରକୁ ଫେରିଥାନ୍ତି । ଅପରାହ୍ନରେ ପାଟ ଭକ୍ତା ନରେନ୍ଦ୍ର ପ୍ରଧାନ ଅନ୍ୟ ୧୩ ଜଣ ମୁଖ୍ୟ ଭକ୍ତଙ୍କ ସମେତ ସେବାୟତ ବର୍ଗ ହା’କାଣ୍ଡ ପୋଖରୀ ଅଭିମୁଖେ ଯାତ୍ରା କରିଥିଲେ । ଦିନ ୪ଟାରେ ଏକ ବିଶାଳ ପଟୁଆଳରେ ଦଶନଖୀ ଏବଂ ଶ୍ରୀଘଟକୁ ସେବାୟତମାନେ ମୁଖ୍ୟ ମନ୍ଦିରକୁ ଅଣାଇଥିଲେ । ଏଥିରେ ଶତାଧିକ ସେବାୟତ, ହଜାର ହଜାର ଭକ୍ତ ଓ ଶ୍ରଦ୍ଧାଳୁ ମାନେ ସାମିଲ ଥିଲେ। କେତେକ ଭକ୍ତ ନିଜକୁ ଶିବ ପାର୍ବତୀ, ରାମ ସୀତା, ରାଧା କୃଷ୍ଣ ଓ ହନୁମାନ ଆଦି ବିଭିନ୍ନ ବେଶରେ ସଜାଇଥିଲେ ।
ଆଉ କେତେକ ମଣ୍ଡରେ ଧୂଣା ସରା ନେଇ ଆସୁଥିବା ବେଳେ ଅନ୍ୟମାନେ କଣ୍ଟା ଦ୍ୱାରା ଜିର, ଶରୀରର ଦୁଇ ପାର୍ଶ୍ୱ, ପେଟ, ପିଠି ଓ ପାଦରେ ଫୋଡ଼ି ମନ୍ଦିର ଅଭିମୁଖେ ଆସିଥିଲେ । ପ୍ରାୟ ୫ଶହରୁ ଉର୍ଦ୍ଧ ଭକ୍ତ କଣ୍ଟା ଫୋଡ଼ିଥିଲେ। ଏହି ଅବସରରେ ହରିବୋଲ ଧ୍ୱନିରେ ସମଗ୍ର ପରିବେଶ ପ୍ରକମ୍ପିତ ହେଉଥିଲା। ଶଙ୍ଖ, ଘଣ୍ଟା, ଝାଲି, ପାରମ୍ପାରିକ ବାଦ୍ୟ, ବାଣ, ରୋଷଣୀ ଆଦିରେ ଉଛୁଳି ଉଠିଥିଲା ସମଗ୍ର ଅଞ୍ଚଳ। ଦଶନଖୀ ମନ୍ଦିରରେ ପହଞ୍ଚିବା ପରେ ଶେଷ ଅର୍ଘ୍ୟ ପ୍ରଦାନ କରାଯାଇଥିଲା । ଏଥିରେ ଉପବୀତଧାରୀ ଭକ୍ତଙ୍କ ସମେତ ବହୁ ଶ୍ରଦ୍ଧାଳୁ ସାମିଲ ଥିଲେ ।
ବରଗଡ ଚେପ୍ଟର ଆଇଏମଏ ତରଫରୁ ସ୍ଥାନୀୟ ଅନ୍ନପୂର୍ଣ୍ଣା ପେଲେସରେ ୪୯ତମ ମାର୍ଶାକୋତ୍ସବ ପାଳିତ ହୋଇଯାଇଛି l ଶାଖା ସଭାପତି ଡ଼ ସୁବଳ କରଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ବରଗଡ ସାଂସଦ ପ୍ରଦୀପ ପୁରୋହିତ ମୁଖ୍ୟ ଅତିଥି ଭାବେ ଯୋଗଦେଇ ସମାବେଶକୁ ଉଦଘାଟନ କରିଥିବା ବେଳେ ବରଗଡ ବିଧାୟକ ଅଶ୍ୱିନୀ ଷଢଙ୍ଗୀ, ଅତାବିରା ବିଧାୟକ ନିହାର ରଞ୍ଜନ ମହାନନ୍ଦ, ଭଟଲି ବିଧାୟକ ଇରାଶିଷ ଆଚାର୍ଜ୍ୟ ସମ୍ମାନିତ ଅତିଥି ଭାବେ ଯୋଗ ଦେଇ ସଦସ୍ୟ ଡାକ୍ତରମାନଙ୍କୁ ଉତ୍ସାହିତ କରିଥିଲେ।
ଆଇଏମଏର ସମ୍ପାଦକ ଡ଼ ସୁବଳ କିଶୋର କରଙ୍କ ସଂଯୋଜନା ରେ ଅନୁଷ୍ଠିତ ଏହି ବୈଠକରେ ଉପସଭାପତି ଡ଼ ଅର୍ଜୁନ ମେହେର ମଂଚାସୀନ ଥିଲେ। ଏ ଅବସରରେ ବକ୍ତା ଭାବେ ଭେଷଜ ବିଶେଷଜ୍ଞ ଡ଼ ନିରୋଜ କୁମାର ମିଶ୍ର ଓ ଡ଼ ସିଦ୍ଧାନ୍ତ କୁମାର କର ଯୋଗଦେଇ ଡାଇବେଟିସ ଓ ପ୍ରଜନନ ବିଜ୍ଞାନ ଉପରେ ଆଲୋକପାତ କରିଥିଲେ। ସମ୍ପାଦକ ଡ଼ କର ମାନପତ୍ର ପାଠ କରିଥିଲେ।
ଶେଷରେ ଉପସଭାପତି ଡ଼ ମେହେର ଧନ୍ୟବାଦ ଅର୍ପଣ କରିଥିଲେ। ଏ ଅବସରରେ ଜିଲ୍ଲାର ବରିଷ୍ଟ ଚିକିତ୍ସକଗଣ ଡ଼ ପ୍ୟାରେଲାଲ ତ୍ରିପାଠୀ, ଡ଼ ରାମକୃଷ୍ଣ୍ ପୁରୋହିତ, ଜିଲ୍ଲା ମୁଖ୍ୟ ଚିକିତ୍ସ୍ୟlଧିକାରୀ ଡ଼ ପ୍ରଶାନ୍ତ କିଶୋର ଦାଶ ତଥା ବରିଷ୍ଠ ସଦସ୍ୟଗଣ ଡ଼ ଏଟମ ସାହୁ, ଡ଼ ସରୋଜ ଯୋଶୀ, ଡ଼ ଘନଶ୍ୟାମ ନାଥ, ଡ଼ ସୁନୀଲ ଅlଚlର୍ଯ୍ୟ, ଡ଼ କମଳିନୀ ଦାଶ, ଡ଼ ଓମ ପ୍ରକାଶ ଲାଠ, ଡ଼ ଶଙ୍କରଲାଲ ଶର୍ମା, ଡ଼ ପ୍ରବୀଣ ଅଗ୍ରୱାଲ, ଡ଼ ନାରାୟଣ ମିଶ୍ର ଙ୍କ ସମେତ ଜିଲ୍ଲାର ବହୁତ ଡାକ୍ତରମାନେ ଉପସ୍ଥିତ ଥିଲେ ।
ଭାରତୀୟମାନେ ନିଶ୍ଚିତ ଭାବରେ ସେମାନଙ୍କର ଆବଶ୍ୟକତା ପୂରଣ କରିବା ପାଇଁ କିଛି ନା କିଛି ଉପାୟ ଖୋଜି କାଢିଦିଅନ୍ତି । ଏହି ସମୟରେ, ସେମାନେ କିଛି ନୂତନ କାମ ମଧ୍ୟ କରନ୍ତି। ସମ୍ପ୍ରତି, ଏପରି ଜଣେ ଜୁଗାଡ୍ ଇଣ୍ଡିଆନ୍ଙ୍କ ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେଉଛି। ଯେଉଁଥିରେ ଜଣେ ପୁଅକୁ ରୁଟି ବେଲିବା ପାଇଁ ବେଲଣା ବଦଳରେ ବିୟର ବୋତଲ ବ୍ୟବହାର କରି ରୋଟି ବେଲୁଥିବାର ଦେଖାଯାଇଛି । ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓରେ ଦେଖାଯାଇଥିବା ଦୃଶ୍ୟ ଲୋକଙ୍କୁ ଆଶ୍ଚର୍ଯ୍ୟ କରିଦେଇଛି। ଏହି ଭାଇରାଲ ଭିଡିଓଟି କେବଳ ଲୋକଙ୍କୁ ମନୋରଞ୍ଜନ କରିନଥିଲା ବରଂ ଆବଶ୍ୟକ ସମୟରେ ଜଣେ ବ୍ୟକ୍ତି କେତେ ସୃଜନଶୀଳ ହୋଇପାରେ ତାହା ମଧ୍ୟ ଦେଖିବାକୁ ମିଳିଛି ।
ଭିଡିଓରେ ଆପଣ ଦେଖିପାରିବେ ଯେ ଯେତେବେଳେ ଜଣେ ପୁଅ ତାଙ୍କ ଘରେ ବେଲଣା କାଠି ପାଇଲା ନାହିଁ, ସେ ଖାଲିଥିବା ବିୟର ବୋତଲ ବ୍ୟବହାର କରି ରୋଟି ବେଲିବାକୁ ଲାଗିଲା। ଭାଇରାଲ ହେଉଥିବା ଏହି ଭିଡିଓରେ ଦେଖିବାକୁ ମିଳୁଛି ଯେ ଘରର କିଚେନରେ ଜଣେ ପୁଅ ରୋଟି ତିଆରି କରୁଛି। ମଇଦା ଦଳାଯାଇଛି, କିନ୍ତୁ ବେଲଣା କାଠି ନାହିଁ। ଏପରି ପରିସ୍ଥିତିରେ, ରୋଟିଗୁଡ଼ିକୁ ବେଲିବା ପାଇଁ ପିଲାଟି ଏକ ଦେଶୀ ଯୁଗାଡ଼ କୌଶଳ ବ୍ୟବହାର କରିଛି ଏବଂ ପାଖରେ ପଡ଼ିଥିବା ଏକ ବିୟର ବୋତଲକୁ ବେଲଣା ଭାବରେ ବ୍ୟବହାର କରିବା ଆରମ୍ଭ କରିଦେଉଛି । ପିଲାଟି ଆତ୍ମବିଶ୍ୱାସର ସହିତ ବୋତଲରୁ ରୋଟି ବେଲୁଥିବାର ଦେଖାଯାଉଛି।
ଭିଡିଓଟି ଦେଖିବା ପରେ ଲୋକମାନେ ହସି ହସି ବେଦମ ହୋଇଯାଉଛନ୍ତି । ଅନେକ ବ୍ୟବହାରକାରୀ ଏହି ଭିଡିଓକୁ ସେୟାର କରିଛନ୍ତି, ସେମାନଙ୍କ ବନ୍ଧୁମାନଙ୍କୁ ଟ୍ୟାଗ୍ କରିଛନ୍ତି ଏବଂ ଲେଖିଛନ୍ତି, “ତୁମେ ମଧ୍ୟ ଏହି ଯୁଗାଡ଼ ଚେଷ୍ଟା କରିବା ଉଚିତ!” ଯେତେବେଳେ ଅନ୍ୟ କିଛି ବ୍ୟବହାରକାରୀ ଏହି ଦେଶୀ ଜୁଗାଡର ପ୍ରଶଂସା କରିଥିଲେ। ସେହି ସମୟରେ, ଅନ୍ୟ କିଛି ଲୋକ ବାଳକର ବୁଦ୍ଧିକୁ ପ୍ରଶଂସା କରିଥିଲେ।
କର୍ଣ୍ଣାଟକର ପୂର୍ବତନ ଡିଜିପି ଓମ ପ୍ରକାଶଙ୍କ ମୃତ୍ୟୁ ମାମଲାରେ ଏକ ଆଶ୍ଚର୍ଯ୍ୟଜନକ ଖୁଲାସା ହୋଇଛି। ୨୦ ଏପ୍ରିଲରେ ବେଙ୍ଗାଲୁରୁସ୍ଥିତ ତାଙ୍କ ଘରୁ ସେ ମୃତ ଅବସ୍ଥାରେ ମିଳିଥିଲେ। ସୂଚନା ଅନୁଯାୟୀ, ଅପରାହ୍ନରେ ତାଙ୍କର ତାଙ୍କ ସ୍ତ୍ରୀଙ୍କ ସହ ଝଗଡ଼ା ହୋଇଥିଲା। ଝଗଡ଼ା ସମୟରେ ତାଙ୍କ ସ୍ତ୍ରୀ ତାଙ୍କ ଉପରେ ଲଙ୍କା ପାଉଡର ଫିଙ୍ଗି ଦେଇଥିଲେ, ତାଙ୍କୁ ବାନ୍ଧି ଦେଇଥିଲେ ଏବଂ ପରେ ଛୁରିରେ ହାଣି ହତ୍ୟା କରିଥିଲେ। ୬୮ ବର୍ଷୀୟ ଓମ୍ ପ୍ରକାଶଙ୍କ ଉପରେ ମଧ୍ୟ ଏକ କାଚ ବୋତଲ ସାହାଯ୍ୟରେ ଆକ୍ରମଣ କରାଯାଇଥିଲା।
ସୂତ୍ର ଅନୁସାରେ ହତ୍ୟା ପରେ, ଅବସରପ୍ରାପ୍ତ ଅଧିକାରୀଙ୍କ ସ୍ତ୍ରୀ ଅନ୍ୟ ଜଣେ ପୋଲିସ କର୍ମଚାରୀଙ୍କ ସ୍ତ୍ରୀଙ୍କ ସହ କଥା ହୋଇ କହିଥିଲେ ଯେ ସେ ତାଙ୍କ ସ୍ୱାମୀଙ୍କୁ ହତ୍ୟା କରିଛନ୍ତି। ଏହା ପରେ ପୋଲିସ ଘଟଣାସ୍ଥଳରେ ପହଞ୍ଚି ଓମ ପ୍ରକାଶଙ୍କ ସ୍ତ୍ରୀ ଏବଂ ତାଙ୍କ ଝିଅକୁ ହେପାଜତକୁ ନେଇଥିଲା। ମାଆ ଏବଂ ଝିଅଙ୍କୁ ଏବେ ପ୍ରାୟ ୧୨ ଘଣ୍ଟା ଧରି ପଚରାଉଚରା କରାଯାଇଛି। ସୂତ୍ର ଅନୁସାରେ, ପୂର୍ବତନ ପୋଲିସ ମୁଖ୍ୟଙ୍କ ଆଶ୍ଚର୍ଯ୍ୟଜନକ ହତ୍ୟାକାଣ୍ଡର ମୁଖ୍ୟ ସନ୍ଦିଗ୍ଧ ହେଉଛନ୍ତି ପତ୍ନୀ।
ରିପୋର୍ଟ ଅନୁସାରେ, କର୍ଣ୍ଣାଟକର ପୂର୍ବତନ ପୋଲିସ ମୁଖ୍ୟ ଓମ ପ୍ରକାଶଙ୍କ ଆଶ୍ଚର୍ଯ୍ୟଜନକ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ହେଉଛନ୍ତି ତାଙ୍କ ପତ୍ନୀ। ଓମ ପ୍ରକାଶଙ୍କ ପେଟ ଏବଂ ଛାତିରେ ଅନେକ ଛୁରୀ କ୍ଷତ ଚିହ୍ନ ମିଳିଥିଲା। ରିପୋର୍ଟରେ କୁହାଯାଇଛି ଯେ ଓମ ପ୍ରକାଶ ଏବଂ ତାଙ୍କ ପତ୍ନୀଙ୍କ ମଧ୍ୟରେ ସମ୍ପତ୍ତିକୁ ନେଇ ବିବାଦ ଥିଲା। ଓମ୍ ପ୍ରକାଶ ସେହି ସମ୍ପତ୍ତି ତାଙ୍କର ଜଣେ ସମ୍ପର୍କୀୟଙ୍କୁ ଦେଇଥିଲେ, ଯାହା ଯୋଗୁଁ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା। ଏହି ଝଗଡ଼ା ଏତେ ବଢ଼ିଗଲା ଯେ ହିଂସା ଆରମ୍ଭ ହୋଇଗଲା ଏବଂ ତାଙ୍କ ସ୍ତ୍ରୀ ତାଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି। ପୋଲିସ ଏବେ ତାଙ୍କ ଝିଅ ମଧ୍ୟ ଏହି ଘଟଣାରେ ସମ୍ପୃକ୍ତ କି ନାହିଁ ତାହା ମଧ୍ୟ ତଦନ୍ତ କରୁଛି। ଓମ ପ୍ରକାଶଙ୍କ ପୁଅର ଅଭିଯୋଗ କ୍ରମେ ପୋଲିସ ଏକ ମାମଲା ରୁଜୁ କରିଛି ଏବଂ ତଦନ୍ତ ଜାରି ରହିଛି।
ବେଙ୍ଗାଲୁରୁର ଅତିରିକ୍ତ ପୋଲିସ କମିଶନର ବିକାଶ କୁମାର କହିଛନ୍ତି ଯେ ପୋଲିସ ଭୋର ପ୍ରାୟ ୪ଟା ସମୟରେ ଅବସରପ୍ରାପ୍ତ ଅଧିକାରୀଙ୍କ ମୃତ୍ୟୁ ବିଷୟରେ ସୂଚନା ପାଇଥିଲା। ଓମ୍ ପ୍ରକାଶ ୧୯୮୧ ବ୍ୟାଚ୍ ଭାରତୀୟ ପୋଲିସ ସେବା ଅଧିକାରୀ ଥିଲେ। ତାଙ୍କୁ ମାର୍ଚ୍ଚ ୨୦୧୫ରେ ପୋଲିସ ମହାନିର୍ଦ୍ଦେଶକ ଭାବରେ ନିଯୁକ୍ତ କରାଯାଇଥିଲା। ପୂର୍ବରୁ ସେ ଅଗ୍ନିଶମ ଏବଂ ଜରୁରୀକାଳୀନ ସେବା ଏବଂ ଗୃହରକ୍ଷୀ ବାହିନୀର ମଧ୍ୟ ନେତୃତ୍ୱ ନେଇଥିଲେ।
କର୍ଣ୍ଣାଟକ ଗୃହମନ୍ତ୍ରୀ ଜି ପରମେଶ୍ୱର କହିଛନ୍ତି, “ଅବସରପ୍ରାପ୍ତ ପୋଲିସ ମହାନିର୍ଦ୍ଦେଶକ ଓମ ପ୍ରକାଶଙ୍କୁ ହତ୍ୟା କରାଯାଇଛି। ପ୍ରାରମ୍ଭିକ ସୂଚନା ଅନୁଯାୟୀ ତାଙ୍କ ପତ୍ନୀ ଅପରାଧ କରିଛନ୍ତି, କିନ୍ତୁ ଏହା ତଦନ୍ତାଧୀନ। ଆମକୁ ଅପେକ୍ଷା କରିବାକୁ ପଡିବ। ମୁଁ ୨୦୧୫ରେ ଗୃହମନ୍ତ୍ରୀ ଥିବା ସମୟରେ ସେ ମୋ ସହିତ କାମ କରିଥିଲେ, ସେ ଜଣେ ଭଲ ଅଧିକାରୀ ଏବଂ ଜଣେ ଭଲ ବ୍ୟକ୍ତି ଥିଲେ। ଏହା ହେବା ଉଚିତ୍ ନଥିଲା, ତଦନ୍ତ ପରେ ସବୁକିଛି ସାମ୍ନାକୁ ଆସିବ।”
ଚେନ୍ନାଇ ସୁପର କିଙ୍ଗ୍ସ ବିପକ୍ଷ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସର ଅଭିଜ୍ଞ ବ୍ୟାଟ୍ସମ୍ୟାନ୍ ରୋହିତ ଶର୍ମା ୭୬ ରନର ଅପରାଜିତ ଇନିଂସ ଖେଳିଥିଲେ। ତାଙ୍କ ଇନିଂସ ଯୋଗୁଁ ମୁମ୍ବାଇ ଏହି ମ୍ୟାଚ୍ ସହଜରେ ଜିତିଥିଲା। ଏହି ଇନିଂସରେ ରୋହିତ ଅନେକ ରେକର୍ଡ ଭାଙ୍ଗିଥିଲେ। ରୋହିତ ଏହି ମ୍ୟାଚ୍ରେ ମୋଟ ୧୦ଟି ବାଉଣ୍ଡ୍ରି ମାରିଥିଲେ, ଯେଉଁଥିରେ ୪ଟି ଚୌକା ଏବଂ ୬ଟି ଛକା ଅନ୍ତର୍ଭୁକ୍ତ। ସେ ଏବେ ବାଉଣ୍ଡାରୀ ମାରିବା ମାମଲାରେ ଡେଭିଡ୍ ୱାର୍ଣ୍ଣରଙ୍କୁ ପଛରେ ପକାଇ ଦେଇଛନ୍ତି।
ଚେନ୍ନାଇ ସୁପର କିଙ୍ଗସ୍ ବିପକ୍ଷ ମ୍ୟାଚ୍ରେ ରୋହିତ ଶର୍ମା ୬ଟି ଛକା ମାରିଥିଲେ। ଏହା ଦ୍ୱିତୀୟ ଥର ହୋଇଛି। ଯେତେବେଳେ ରୋହିତ ଶର୍ମା IPLରେ ଗୋଟିଏ ଇନିଂସରେ ଅତି କମରେ ୬ଟି ଛକା ମାରିଛନ୍ତି। ଏହା ସହିତ, ରୋହିତ ଶର୍ମା ଏବେ IPLରେ ସର୍ବାଧିକ ବାଉଣ୍ଡାରୀ ମାରିବା ମାମଲାରେ ତୃତୀୟ ସ୍ଥାନରେ ପହଞ୍ଚିଛନ୍ତି। ସେ ଆଇପିଏଲରେ ୮୯୯ଟି ବାଉଣ୍ଡାରୀ ମାରିଥିବା ଡେଭିଡ୍ ୱାର୍ଣ୍ଣରଙ୍କୁ ପଛରେ ପକାଇ ଦେଇଛନ୍ତି। ଯେତେବେଳେ ରୋହିତ ଶର୍ମା IPLରେ ୯୦୧ଟି ଚୌକା ମାରିଛନ୍ତି। ଏବେ ଏହି ମାମଲାରେ ତାଙ୍କଠାରୁ କେବଳ ଶିଖର ଧାୱନ ଏବଂ ବିରାଟ କୋହଲି ଆଗରେ ଅଛନ୍ତି। ଧାୱନ ଆଇପିଏଲରେ ୯୨୦ଟି ବାଉଣ୍ଡାରୀ ମାରିଥିବାବେଳେ ବିରାଟ ଏହି ଲିଗରେ ସର୍ବାଧିକ ବାଉଣ୍ଡାରୀ (୧୦୧୫) ମାରିଛନ୍ତି।
ଆନନ୍ଦପୁର ଉପଖଣ୍ଡ ଶୈଲଙ୍କ ସ୍ଥିତ ମା’ ତାରିଣୀ ନର୍ସିଂ କଲେଜ ର ସୁସ୍ଥ ଖାଦ୍ୟ ପ୍ରଦର୍ଶନୀ ଅନୁଷ୍ଠିତ ହୋଇ ଯାଇଛି । ଏହି ଖାଦ୍ୟ ପ୍ରଦର୍ଶନୀ ରେ ୨୦ ରୁ ଉର୍ଦ୍ଧ୍ବ ଷ୍ଟଲ ହୋଇଥିଲା । ଏହି ଖାଦ୍ୟ ପ୍ରଦର୍ଶନୀ ରେ ୫୦ ରୁ ଉର୍ଦ୍ଧ୍ଵ ଖାଦ୍ୟ ଛାତ୍ରଛାତ୍ରୀ ମାନେ ନିଜେ ପ୍ରସ୍ତୁତ କରି ପ୍ରଦର୍ଶନୀରେ ଅଂଶ ଗ୍ରହଣ କରିଥିଲେ । ଏହି ଖାଦ୍ୟ ପ୍ରଦର୍ଶନୀ କୁ ସମାଜ ସେବୀ ବୁଲୁ ପଟ୍ଟନାୟକ ଉଦଘାଟନ କରିଥିଲେ । ଏହି ଖାଦ୍ୟ ପ୍ରଦର୍ଶନୀ ରେ ସାମ୍ବାଦିକ ଅବିନାଶ ଶତପଥୀ ,ନର୍ସିଂ କଲେଜ ର ପରିଚାଳନା କମିଟିର ଅଧ୍ୟକ୍ଷ ଚନ୍ଦ୍ର ଶେଖର ନାୟକ ଓ କଲେଜ ର ଅଧ୍ୟକ୍ଷ ରଞ୍ଜନ କୁମାର ମଲ୍ଲିକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । କଲେଜ ପ୍ରଶାସନିକ ଅଧିକାରୀ ବୈକୁଣ୍ଠ କୁମାର ଜେନା , ଓ ସମସ୍ତ ଅଧ୍ୟାପକ ଓ ଅଧ୍ୟାପିକା ସମସ୍ତ କର୍ମଚାରୀ ଏହି କାର୍ଯ୍ୟକ୍ରମ କୁ ସଂଯୋଜନା କରିଥିଲେ ।
ରାୟଗଡା ଜିଲ୍ଲାରେ ଆଉ ଏକ ଚାଞ୍ଚଲ୍ୟକର ଘଟଣା । ଜଣେ ଷଷ୍ଠ ଶ୍ରେଣୀର ଛାତ୍ରୀ ହୋଇଛନ୍ତି ୬ମାସର ଗର୍ଭବତୀ । ଏହା ଜଣାପଡିବା ପରେ ଆଶା ଓ ଅଙ୍ଗନବାଡ଼ି କର୍ମୀଙ୍କ ସହଯୋଗରେ ରାୟଗଡା ଶିଶୁ କଲ୍ୟାଣ କମିଟି ନିକଟରେ ନାବାଳିକାକୁ ହାଜର କରାଯାଇଛି । ଦୀର୍ଘ ସମୟ ଧରି ଉକ୍ତ ନାବାଳିକା ଙ୍କୁ ସମସ୍ତ ବିଷୟରେ ପଚରାଉଚରା କରୁଛି ଶିଶୁ କଲ୍ୟାଣ କମିଟି । ଏହି ଅଭାବନୀୟ ଘଟଣା ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଘଟିଥିବା ଜଣାପଡିଛି । ରାୟଗଡା ସଦର ବ୍ଲକ ଜୁଡି ଗ୍ରାମର ଜଣେ ୧୭ ବର୍ଷର ନାବାଳକ କଲ୍ୟାଣସିଂହପୁର ଦେବଗିରୀ ମହାବିଦ୍ୟାଳୟ ର ଯୁକ୍ତ ଦୁଇ ପ୍ରଥମ ବର୍ଷ ପଢୁଥିବା ନାବାଳିକା ଛାତ୍ରୀଙ୍କ ସହ ପ୍ରେମ ସମ୍ପର୍କ ରଖିଥିଲେ ।
ଉକ୍ତ ନାବାଳିକାଙ୍କ ସହ ନାବାଳକଙ୍କ ର ପ୍ରେମ ସଂପର୍କ ରହିବା ପରେ ଶାରିରୀକ ସଂପର୍କ ଗଡି ଉଠିଥିଲା । ପରେ ସେ ୬ ମାସର ଗର୍ଭବତୀ ହେବା ପରେ ନାବାଳିକାଙ୍କ ପରିବାର ଲୋକେ ଝିଅକୁ ନାବାଳକଙ୍କ ଘରେ ଛାଡି ଦେଇଥିଲେ । ଏହି ଘଟଣା ପ୍ରଚାରିତ ହେବା ପରେ ରାୟଗଡା ମହିଳା ଓ ଶିଶୁ କଲ୍ୟାଣ ବିଭାଗ ନାବାଳିକା କୁ ଉଦ୍ଧାର କରି ସିଡବ୍ଲୁସି ନିକଟରେ ହାଜର କରିଛି । ଅନ୍ୟପଟେ ଘଟଣାର ତଦନ୍ତ ଚାଲିଛି ବୋଲି ସିଡବ୍ଲୁସି ଚେୟାରମ୍ୟାନ ସୂଚନା ଦେଇଛନ୍ତି ।
ମାହାଙ୍ଗା ବ୍ଲକର ଭଦ୍ରେଶ୍ଵର ଠାରେ ସେଣ୍ଟ୍ରାଲ ବ୍ୟାଙ୍କ୍ ଅଫ ଇଣ୍ଡିଆ ଭଦ୍ରେଶ୍ଵର ଓ ନିଶ୍ଚିନ୍ତ କୋଇଲି ଶାଖା ମିଳିତ ସହଯୋଗରେ ୨୨ ଟି ମହିଳା ସ୍ଵୟଂ ସହାୟତା ଗୋଷ୍ଠୀଙ୍କୁ ବ୍ୟାଙ୍କ୍ ପକ୍ଷରୁ ଋଣ ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାହାଙ୍ଗା ବିଧାୟକ ଶାରଦା ପ୍ରସାଦ ପ୍ରଧାନ ଯୋଗଦେଇ ରାଜ୍ୟ ଓ କେନ୍ଦ୍ର ସରକାରଙ୍କ ଯୋଜନା ସମ୍ପର୍କରେ ମତବ୍ୟକ୍ତ କରିଥିଲେ । ଏହା ସହିତ SHG ମହିଳା ମାନେ କିଭଳି ଭାବରେ ବ୍ୟାଙ୍କରୁ ଋଣ ନେଇ ପାରିବେ ଓ ସଠିକ ସମୟରେ ବ୍ୟାଙ୍କରେ ମୂଳଧନ ପୈଠ କରିବା ସହ କୌଣସି ଧନ୍ଦା ମୂଳକ କାର୍ଯ୍ୟ କରୁ ନ ଥିବା ନେଇ କ୍ଷୋଭ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ସେଣ୍ଟ୍ରାଲ ବ୍ୟାଙ୍କ୍ ଅଫ ଇଣ୍ଡିଆ ର ରିଜିଅନାଲ ଅଫିସର ମୁଖ୍ୟ ମୁକୁନ୍ଦ କରନ୍ ଯୋଗଦେଇ ବ୍ୟାଙ୍କ୍ କିଭଳି ଓଡିଶାର ପ୍ରତି ଜିଲ୍ଲାରେ ନାରୀ ସଶକ୍ତିକରଣ ନିମନ୍ତେ କାର୍ଯ୍ୟ କରୁଛି ସେ ନେଇ ମତ୍ତ ବ୍ୟକ୍ତ କରିଥିଲେ । ୫୦ କୋଟିରୁ ୧୦୦ କୋଟି ପର୍ଯ୍ୟନ୍ତ ବ୍ୟାଙ୍କ୍ ଋଣ ପ୍ରଦାନ କରିବାର ଲକ୍ଷ ରଖିଥିବା ସେ ସୂଚନା ଦେଇଥିଲେ ।
ମହିଳା ମାନେ ବିନା ସୁଧରେ ବ୍ୟାଙ୍କରୁ ଋଣ ନେଇ ତାର ସଠିକ ବିନିଯୋଗ କରିବା ଉପରେ ଗୁରୁତ୍ଵ ଦେଇଛନ୍ତି । ଏହି ଅବସରରେ ମୁଖ୍ୟ ଅତିଥି ମାହାଙ୍ଗା ଓ ନିଶ୍ଚିନ୍ତ କୋଇଲି ଅଞ୍ଚଳର ୨୨ ଟି SHG ଗ୍ରୁପ୍ କୁ ଋଣ ଅର୍ଥ ପ୍ରଦାନ କରିବା ସହିତ ଭଦ୍ରେଶ୍ଵର ପଞ୍ଚାୟତର MBK ,CRP ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ମାହାଙ୍ଗା ଓ ନିଶ୍ଚିନ୍ତ କୋଇଲି ଅଞ୍ଚଳର ଏବିଇଓ ପ୍ରମୁଖ ସହଯୋଗ କରିଥିଲେ ମାହାଙ୍ଗା ଓ ନିଶ୍ଚିନ୍ତକୋଇଲି ଅଞ୍ଚଳର SHG ଗ୍ରୁପ ର ମହିଳା ସଭ୍ୟ, ସ୍ଥାନୀୟ ଅଞ୍ଚଳର ବୁଦ୍ଧିଜୀବି ଜନ ପ୍ରତିନିଧି ଓ ବହୁ ଜନ ସାଧାରଣ ମାନେ ଉପସ୍ଥିତ ରହିଥିଲେ । ଶାନ୍ତି ଶୃଙ୍ଖଳା ରକ୍ଷା କରିବାରେ ସ୍ଥାନୀୟ ପୋଲିସ୍ ଆଇଆଇସି ସନ୍ଧ୍ୟାରାଣୀ ସିଂହ ସହଯୋଗ କରିଥିଲେ ।
ଠାକୁରଗଡ଼ ବିଜେପି ମଣ୍ଡଳ ପକ୍ଷରୁ ସଭାପତି ସୁଜିତ୍ କୁମାର ଦେହୁରୀ ଙ୍କ ନେତୃତ୍ୱ ରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଦଳୀୟ ପଦାଧିକାରୀ ମାନେ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ। ମନ୍ତ୍ରୀ ଙ୍କ ସହ ପୂର୍ବତନ ବିଧାୟକ ରମେଶ ଚନ୍ଦ୍ର ସାୟ, ଅନୁଗୁଳ ଜିଲ୍ଲା ବିଜେପି ଉପ ସଭାପତି ଅର୍ଜୁନ କୁମାର ସାହୁ, ପୂର୍ବତନ ବିଜେପି ସଭାପତି ଡିଲେଶ୍ୱର୍ ପ୍ରଧାନ, ବିଜେପି ନେତା ସିଦ୍ଧେଶ୍ୱର ସାହୁ, ବିଶ୍ୱଜିତ୍ ମିଶ୍ର ଓ ଠାକୁରଗଡ଼ ମଣ୍ଡଳ ବିଜେପି ନେତା ବିଭୂତି ଭୂଷଣ ସାହୁ, ରଘୁନାଥ ରଣା, କୁଶ ନାୟକ,ଅଜିତ ମିଶ୍ର ପ୍ରମୁଖ ଉପସ୍ଥିତ ଥିଲେ।