Blog

ପହଲଗାମ ଆତଙ୍କବାଦୀ ଆକ୍ରମଣକୁ ଶ୍ରୀଲଙ୍କାର ନିନ୍ଦା

ବୁଧବାର (୨୩ ଏପ୍ରିଲ, ୨୦୨୫) ଶ୍ରୀଲଙ୍କାର ନେତାମାନେ ଜମ୍ମୁ ଏବଂ କାଶିରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣକୁ ଦୃଢ଼ ନିନ୍ଦା କରିଛନ୍ତି, ଯେଉଁଥିରେ ଅତି କମରେ ୨୬ ଜଣଙ୍କ ଜୀବନ ଯାଇଥିଲା।

ସୋସିଆଲ ମିଡିଆ ପ୍ଲାଟଫର୍ମ ‘X’ର ଏକ ପୋଷ୍ଟରେ ରାଷ୍ଟ୍ରପତି ଅନୁରା କୁମାରା ଦିସାନାୟକ କହିଛନ୍ତି: “ଭାରତରେ ହୋଇଥିବା କାପୁରୁଷ ଆତଙ୍କବାଦୀ ଆକ୍ରମଣକୁ ମୁଁ କଡ଼ା ଶବ୍ଦରେ ନିନ୍ଦା କରୁଛି। ଆମର ହୃଦୟ ପୀଡିତ ଏବଂ ସେମାନଙ୍କ ପରିବାର ସହିତ ଅଛି। ଶ୍ରୀଲଙ୍କା ସର୍ବଦା ଭାରତର ଲୋକଙ୍କ ସହିତ ଏକତାରେ ଠିଆ ହୋଇଛି।”

ବିରୋଧୀ ଦଳ ନେତା ସାଜିତ ପ୍ରେମଦାସା କହିଛନ୍ତି: “ମୁଁ ଜାମ୍ମୁ ଏବଂ କାଶ୍ମୀରରେ ହୋଇଥିବା କାପୁରୁଷ ଆତଙ୍କବାଦୀ ଆକ୍ରମଣର ଦୃଢ଼ ନିନ୍ଦା କରୁଛି। ନିର୍ଦ୍ଦୋଷ ନାଗରିକଙ୍କ ବିରୁଦ୍ଧରେ ହିଂସା ମାନବତା ବିରୁଦ୍ଧରେ ଏକ ଗମ୍ଭୀର ଅପରାଧ। ଆମେ ପୀଡିତ, ସେମାନଙ୍କ ପରିବାର ଏବଂ ଭାରତର ଲୋକଙ୍କ ସହିତ ଏକତାରେ ଠିଆ ହୋଇଛୁ। ଆମକୁ ସର୍ବଦା ଆତଙ୍କବାଦ ବିରୁଦ୍ଧରେ ଏକଜୁଟ ହେବାକୁ ପଡିବ।”
ସାନବଡ଼ ଗୋପାଳପୁର ପଞ୍ଚାୟତରେ ସେଣ୍ଟ୍ରାଲ ବ୍ୟାଙ୍କ ପକ୍ଷରୁ ଋଣ ଶିବିର କାର୍ଯ୍ୟକ୍ରମ

ମହିଳା ସ୍ଵୟଂ ସହାୟିକା ଗୋଷ୍ଠୀ(ଏସ୍‌ଏଚ୍‌ଜି)ଗୁଡ଼ିକ ପାଇଁ ସୁଧମୁକ୍ତ ଋଣ ବ୍ୟବସ୍ଥାକୁ ରାଜ୍ୟ ସରକାର ଜାରି କରିଛନ୍ତି।ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏ ସଂକ୍ରାନ୍ତୀୟ ପ୍ରସ୍ତାବକୁ ଗତ ୮ ତାରିଖରେ ଅନୁମୋଦନ କରିଥିଲେ । ଏହି ପ୍ରରିପେକ୍ଷୀରେ ଆଜି ରାଜନଗର ବ୍ଲକ ସାନବଡ଼ ଗୋପାଳପୁର ପଞ୍ଚାୟତ କାର୍ଯ୍ୟାଳୟ ଠାରେ ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆ ପକ୍ଷରୁ ଷଷ୍ଠ ତମ ଋଣ ଶିବିର ଅନୁଷ୍ଠିତ ହୋଇଛି। ଏହି ଶିବିରରେ ରାଜନଗର ବ୍ଲକ ବିଡ଼ିଓ ରବି ନାରାୟଣ ଆଚାର୍ଯ୍ୟ, ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆର ଚିଫ ମ୍ୟାନେଜର ମୁକୁନ୍ଦ କର୍ଣ୍ଣ,ବ୍ରାଞ୍ଚ ହେଡ଼ ଅଭୟ କୁମାର ସାହୁ,ସିନିଅର ମ୍ୟାନେଜର ସଂନ୍ଦୀପ ଚୌଧୁରୀଙ୍କ ସହିତ ସରପଞ୍ଚ ଗୋଲେଖ ସ୍ୱାଇଁ ମଧ୍ୟ ସାମିଲ ଥିଲେ। ପାଖାପାଖି ୩୨ ଟି ସ୍ୱୟଂ ସହାୟିକା ଗୋଷ୍ଠୀଙ୍କୁ ଏହି ଶିବିର ମାଧ୍ୟମରେ ତିନି କୋଟି ଟଙ୍କାର ଋଣ ପ୍ରଦାନ କରାଯାଇଛି ।

ଏହି ସୁଧମୁକ୍ତ ଋଣ ବ୍ୟବସ୍ଥାକୁ ମୁଖ୍ୟମନ୍ତ୍ରୀ ପୂର୍ବରୁ ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ଜାରି ରଖିଥିଲେ। ଗତ ମଙ୍ଗଳବାର ଏହାକୁ ୨୦୨୫-୨୬ ଓ ପରବର୍ତ୍ତୀ ବର୍ଷଗୁଡ଼ିକ ପାଇଁ ଜାରି ରଖିବା ପ୍ରସ୍ତାବକୁ ଅନୁମୋଦନ ମଧ୍ୟ ଦେଇଥିଲେ। ଏହାଦ୍ୱାରା ମହିଳା ସ୍ବୟଂ ସହାୟିକା ଗୋଷ୍ଠୀ ବିନା ସୁଧରେ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ନେଇପାରିବେ। ଏହି ପଦକ୍ଷେପ ରାଜ୍ୟରେ ମହିଳା ଉଦ୍ୟୋଗୀ ଓ ଲକ୍ଷପତି ଦିଦି ସୃଷ୍ଟି କରିବାରେ ସହାୟକ ହେବ ବୋଲି ମୁଖ୍ୟମନ୍ତ୍ରୀ କହିଥିଲେ । ତେବେ ସରକାରଙ୍କ ପକ୍ଷରୁ ମହିଳା ମାନଙ୍କୁ ଲକ୍ଷପତି କରାଇବାରେ ସେଣ୍ଟ୍ରାଲ ବ୍ୟାଙ୍କ ଏକ ଗୁରୁତ୍ୱପୂର୍ଣ ଦାଇତ୍ୱ ନିଭାଇଛି। ଏହି ଋଣ ଶିବିର ମାଧ୍ୟମରେ ମହିଳା ଭାଗୀଦାରି ଜରିଆରେ ରାଜ୍ୟର ଗ୍ରାମାଞ୍ଚଳ ଓ ସହରାଞ୍ଚଳର ଅର୍ଥନୀତି ସୁଦୃଢ ହେବ ବୋଲି ରାଜନଗର ବ୍ଲକ ବିଡ଼ିଓ ରବିନାରାୟଣ ଆଚାର୍ଯ୍ୟ ଓ ସେଣ୍ଟ୍ରାଲ ବ୍ୟାଙ୍କର ଚିଫ ମ୍ୟାନେଜର ମୁକୁନ୍ଦ କର୍ଣ୍ଣ ମତ ରଖିଥିଲେ।
ଭାରତର କାର୍ଯ୍ୟାନୁଷ୍ଠାନରେ ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଆସିଫ୍ ଖୱାଜା ଦେଇଛନ୍ତି ସିଧା ଧମକ- ‘ଯଦି ଆକ୍ରମଣ ହୁଏ ତେବେ…’

ମଙ୍ଗଳବାର (୨୨ ଏପ୍ରିଲ ୨୦୨୫) ଜମ୍ମୁ ଏବଂ କାଶ୍ମୀରର ପହଲଗାମରେ ଆତଙ୍କବାଦୀମାନେ ୨୬ ଜଣ ନିର୍ଦ୍ଦୋଷ ଲୋକଙ୍କୁ ହତ୍ୟା କରିଥିଲେ। ଏହି ଘଟଣା ପରେ, ଭାରତ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ପାକିସ୍ତାନ ବିରୁଦ୍ଧରେ ଅନେକ ବଡ଼ ନିଷ୍ପତ୍ତି ନେଇଥିଲେ। ଏହା ଜାଣିବା ପରେ ପଡ଼ୋଶୀ ଦେଶରେ ହଇଚଇ ସୃଷ୍ଟି ହୋଇଯାଇଛି। ତଥାପି ଏହା ପୂର୍ବରୁ ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ ଏକ ବିବୃତ୍ତି ଜାରି କରି କହିଛନ୍ତି ଯେ ପହଲଗାମ ଆକ୍ରମଣ ପଛରେ ପାକିସ୍ତାନର ହାତ ନାହିଁ। ସେ ଏହି ଆକ୍ରମଣକୁ ନିନ୍ଦା କରୁଛନ୍ତି। ଏହି ସମୟରେ, ସେ ଏକ ପାକିସ୍ତାନୀ ନ୍ୟୁଜ୍ ଚ୍ୟାନେଲ HUM କୁ ଏକ ସାକ୍ଷାତକାର ଦେଇଛନ୍ତି, ଯେଉଁଥିରେ ସେ ଭାରତ ବିରୋଧରେ କହୁଛନ୍ତି।

ପାକିସ୍ତାନୀ ପ୍ରତିରକ୍ଷା ମନ୍ତ୍ରୀ କହିଛନ୍ତି, “ମୁଁ ଭାରତକୁ ପଚାରିବାକୁ ଚାହୁଁଛି ଯେ ଦଶନ୍ଧି ଧରି ଅଧିକୃତ କାଶ୍ମୀରରେ ୭୦୦,୦୦୦ ସୈନିକ ଉପସ୍ଥିତ ଅଛନ୍ତି। ଏହା ସତ୍ତ୍ୱେ, ନିର୍ଦ୍ଦୋଷ ଲୋକଙ୍କୁ ହତ୍ୟା କରାଯାଉଛି। ଭାରତୀୟ ସେନାକୁ ପଚରାଉଚରା କରାଯିବା ଉଚିତ ନୁହେଁ କି? ସେ କହିଛନ୍ତି ଯେ ଆକ୍ରମଣ ପାଇଁ ପାକିସ୍ତାନକୁ ଦାୟୀ କରିବା ଅନୁଚିତ ଏବଂ ଭିତ୍ତିହୀନ।”ପାକିସ୍ତାନ ସମସ୍ତ ପ୍ରକାରର ଆତଙ୍କବାଦକୁ ସ୍ପଷ୍ଟ ଭାବରେ ନିନ୍ଦା କରେ। ପ୍ରକୃତରେ, ପାକିସ୍ତାନ ନିଜେ ଆତଙ୍କବାଦର ସବୁଠାରୁ ବଡ଼ ଶିକାର ହୋଇଛି। ଏହି ସମୟରେ ଆମ ଉପରେ ଆଙ୍ଗୁଠି ଉଠାଇବା ଠିକ୍ ନୁହେଁ। ଆମେ ଆତଙ୍କବାଦକୁ ଦୃଢ଼ ନିନ୍ଦା କରୁ, ତାହା ଭାରତରେ ହେଉ କିମ୍ବା ପାକିସ୍ତାନରେ।

ଯେତେବେଳେ ଜଣେ ପାକିସ୍ତାନୀ ମହିଳା ନ୍ୟୁଜ୍ ଆଙ୍କର ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫଙ୍କୁ ପଚାରିଲେ ଯେ ଯଦି ଭାରତ ଆମ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରେ ତେବେ ଆପଣ କ’ଣ କରିବେ, ପ୍ରତିରକ୍ଷା ମନ୍ତ୍ରୀ କହିଥିଲେ ଯେ ଯଦି ଭାରତ ଏପରି କିଛି ପରିସ୍ଥିତି ସୃଷ୍ଟି କରିବାକୁ ଚେଷ୍ଟା କରେ, ତେବେ ଆମେ ଉପଯୁକ୍ତ ଜବାବ ଦେବାକୁ ସମ୍ପୂର୍ଣ୍ଣ ସକ୍ଷମ। ଅଭିନନ୍ଦନଙ୍କ ଘଟଣା ଏବଂ ପାକିସ୍ତାନର ବାୟୁସୀମା ଉଲ୍ଲଂଘନ ହେବା ସମୟରେ କ’ଣ ଘଟିଥିଲା ତାହା ଆପଣ ମନେ ରଖିଥିବେ। ପ୍ରତିରକ୍ଷା ମନ୍ତ୍ରୀ ମଧ୍ୟ ଭାରତୀୟ ଗଣମାଧ୍ୟମକୁ ଜବାବ ଦେଇଥିଲେ। ସେ କହିଥିଲେ ଯେ ଭାରତୀୟ ଗଣମାଧ୍ୟମ ପାକିସ୍ତାନ ଉପରେ ସର୍ଜିକାଲ୍ ଷ୍ଟ୍ରାଇକ୍ ସମ୍ପର୍କରେ କିଛି କହୁଛି। ଆମେ ଆଶା କରୁଛୁ ଯେ ଭାରତ କୌଣସି ଦାୟିତ୍ୱହୀନ ପଦକ୍ଷେପ ନେବ ନାହିଁ। ଯଦି ଭାରତ ପକ୍ଷରୁ କୌଣସି ଆକ୍ରମଣ ହୁଏ, ତେବେ ପାକିସ୍ତାନ ଏହାର ଜବାବ ଦେବାର ସ୍ଥିତିରେ ଅଛି।
ବେଆଇନ ସମସ୍ତ ଖଣି ଲିଜ ବାତିଲ,ଜମି,ଜଳ,ଜଙ୍ଗଲ ଲୁଟେରା ଭାରତଛାଡ ଦାବୀ ନେଇ ଆଦିବାସୀଙ୍କ ଗର୍ଜନ

ବେଆଇନ ସମସ୍ତ ଖଣି ଲିଜ ବାତିଲ, ଜମି, ଜଳ,ଜଙ୍ଗଲ ଲୁଟେରା ଭାରତଛାଡ ଦାବୀ ନେଇ ଆଦିବାସୀ ମାନଙ୍କ ଗର୍ଜନ । ଆଦିବାସୀ ସଂଘର୍ଷ ମୋର୍ଚା( ASM) ତରଫରୁ ଦେଶ ବ୍ୟାପି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ ଦିବସ ପାଳନ ଅବସରରେ ରାୟଗଡ଼ା ଡାକ ବଗଂଲା ଠାରୁ ଏକ ଆଦିବାସୀ ସମାବେଶ ଆରମ୍ଭ ହୋଇ କପିଳାସ ଛକ ଦେଇ ଜିଲ୍ଲାପାଳଙ୍କ କାର୍ଯ୍ଯାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ମହାମହିମ ରାଷ୍ଟ୍ରପତିଙ୍କ ଉଦ୍ଧେଶ୍ୟରେ ଏକ ସ୍ମାରକ ପତ୍ର ପ୍ରଦାନ କରାଯାଇଛି। ୨୦୨୫ ପରଠାରୁ ଛତିଶଗଡ଼ ଅନ୍ୟ ରାଜ୍ୟ ରେ ସୁରକ୍ଷା ବାହିନୀ ଶହ ଶହ ଆଦିବାସୀଙ୍କୁ ହତ୍ଯା ବଦଂ କରିବା, ଇସ୍ରାଇଲି ଡ୍ରୋନ୍, ମିଥ୍ୟା ଏନକାଉଣ୍ଟର, ବିଚାରାଧୀନ ହିଂସା ଓ ଯୁଦ୍ଧ ଉପକରଣର ବ୍ୟବହାର ଏବଂ “ଅପରେସନ୍ କାଗର” ବଦଂ କରିବା, ସାମରିକୀକରଣ ଆଦିବାସୀମାନକଂ ପଞ୍ଚମ ଅନୁସୂଚୀ ଅଞ୍ଚଳରେ ସୁରକ୍ଷା ଶିବିର ପ୍ରତିଷ୍ଠା ବିରୁଦ୍ଧରେ ସମ୍ପୃକ୍ତ ଗ୍ରାମ ସଭା ର ନିୟମ ଲାଗୁ କରିବା, ଛତିଶଗଡ଼ର ପୋଲିସ ବସ୍ତର ଅଞ୍ଚଳର ପ୍ରମୁଖ ଆଦିବାସୀ ନେତା ମନୀଷ କୁଞ୍ଜମଙ୍କୁ ଟାର୍ଗେଟ ବଦଂ କରିବା, ‘ନକ୍ସଲ-ମୁକ୍ତ ଭାରତ’ ନାମରେ ସାମରିକୀକରଣ ଅଭିଯାନ ରେ ଅବାଧ ଯୁଦ୍ଧ ସାମରିକ ଅଭିଯାନ ବଦଂ କରିବା, , “ସମନ୍ବିତ ବିକାଶ କେନ୍ଦ୍ର”ରେ ରିପୋର୍ଟ ଅନୁଯାୟୀ ହସ୍ପିଟାଲ, ସ୍କୁଲ, ରାସନ ବିଭିନ୍ନ କଲ୍ୟାଣକାରୀ ସେବା ପ୍ରଦାନ କରିବା, ଆଦିବାସୀମାନଙ୍କୁ ଜଙ୍ଗଲ, ଜମି ଏବଂ ମର୍ଯ୍ୟାଦା ଯୋଗାଇବା, ଯୁଦ୍ଧନୀତିକୁ ବିନାଶ ଯୁଦ୍ଧକୁ ତୁରନ୍ତ ବନ୍ଦ କରିବା, ନିର୍ଯାତିତ ଆଦିବାସୀଙ୍କ ପାଇଁ ଏକ ଗଣତାନ୍ତ୍ରିକ ସ୍ଥାନ ଏବଂ ପରିବେଶ ଗ୍ୟାରେଣ୍ଟି କରିବା, ଏନକାଉଣ୍ଟରରେ କେବଳ ହତ୍ୟା ବଦଂ କରିବା, ଆଦିବାସୀଙ୍କ ପ୍ରତିବାଦ ବିରୁଦ୍ଧରେ ଅତିରିକ୍ତ ନ୍ୟାୟିକ ହିଂସା ନୀତି ସାମ୍ବିଧାନିକ ଆଇନର ସମ୍ପୂର୍ଣ୍ଣ ବଦଂ କରିବା, ଖଣି ଏବଂ ଶିଳ୍ପାୟନ ନାମରେ କର୍ପୋରେଟ୍ ଲୁଟ୍ ବନ୍ଦ କରିବା, ମାନବାଧିକାର କର୍ମୀ, ଜନ ଆନ୍ଦୋଳନର ନେତା ଏବଂ ନିର୍ଦ୍ଦୋଷ ଆଦିବାସୀଙ୍କୁ ମୁକ୍ତ କରିବା, ଅନ୍ୟାୟ ଭାବରେ ଦୋଷୀ ସାବ୍ୟସ୍ତ ହୋଇ ମିଥ୍ୟା ମାମଲାରେ ଜେଲ୍ ରୁ ମୁକ୍ତ କରିବା ନେଇ ଆଦିବାସୀ ସଂଘର୍ଷ ମୋର୍ଚା (ASM) ର ସର୍ବ ଭାରତୀୟ ନେତା ତ୍ରିପତି ଗମାଙ୍ଗ ଦାବି କରିଛନ୍ତି l

ଏହି ସମାବେଶରେ ଅନ୍ୟ ମାନଙ୍କ ମଧ୍ୟରେ ସଂଜୀବ ଶବର, କୈଳାସ ଶବର, ସୁଦୁରୁ ମଣି ମିଣିଆକା, କ୍ରୀଷ୍ଣା ପାଲାକା,ସବିତା କାଡ୍ରାକା, ନୀଳାଇ କିଲାକା, ବିଶ୍ଵନାଥ ମାଝୀ , ଦାସୁରୁ ପାତିକା, ମୂର୍ତ୍ତୀ ମିଣିଆକା, ଅଷ୍ଟମ ଉଲକା, ଆଚାନା ମାଣ୍ଡିଗିଂ, ଆଶ୍ରିଗା ଅଟକା, ନାଗ ରାଜୁ ପ୍ରମୁଖ ଉପସ୍ଥିତ ଥିଲେ ।
ପହଲଗାମ ଆକ୍ରମଣ ପରେ, ଦିଲ୍ଲୀ-ମୁମ୍ବାଇ ଏବଂ ୟୁପିରେ ହାଇ ଆଲର୍ଟ ଜାରି, ସୁରକ୍ଷା ବ୍ୟବସ୍ଥା କଡ଼ାକଡ଼ି ସହିତ ପର୍ଯ୍ୟଟନ ସ୍ଥଳଗୁଡ଼ିକ ଉପରେ କଡ଼ା ନଜର

ଜମ୍ମୁ କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଛି। ଏହି ଘଟଣା ପରେ ୟୁପି, ଦିଲ୍ଲୀ ଏବଂ ମୁମ୍ବାଇରେ ହାଇ ଆଲର୍ଟ ଜାରି କରାଯାଇଛି। ୨୦୧୯ ପୁଲୱାମା ଆକ୍ରମଣ ପରେ ଏହି ଆକ୍ରମଣକୁ ଉପତ୍ୟକାର ସବୁଠାରୁ ଭୟଙ୍କର ଆକ୍ରମଣ ବୋଲି କୁହାଯାଉଛି। ପୋଲିସ ଅଧିକାରୀମାନେ ପ୍ରମୁଖ ପର୍ଯ୍ୟଟନ କେନ୍ଦ୍ର ଏବଂ ସୀମା ପୋଷ୍ଟଗୁଡ଼ିକରେ ସୁରକ୍ଷା ବୃଦ୍ଧି କରିଛନ୍ତି। ଧାର୍ମିକ ସ୍ଥଳଗୁଡ଼ିକରେ ବିଶେଷ ସତର୍କ ରହିବାକୁ ଉତ୍ତର ପ୍ରଦେଶ ପୋଲିସକୁ କୁହାଯାଇଛି।

ପର୍ଯ୍ୟଟନ ସ୍ଥଳ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକ ଉପରେ କଡ଼ା ନଜର ରଖିବାକୁ ଦିଲ୍ଲୀ ପୋଲିସକୁ ନିର୍ଦ୍ଦେଶ ଦିଆଯାଇଛି। ଦିଲ୍ଲୀ ପୋଲିସ ସୂତ୍ର ଏହି ସମ୍ପର୍କରେ ସୂଚନା ଦେଇଛି। ଏହି ସମୟରେ ମୁମ୍ବାଇରେ ମଧ୍ୟ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି। ଜୟପୁର ଏବଂ ଅମୃତସରରେ ମଧ୍ୟ ପୋଲିସ ସତର୍କତା ମୋଡରେ ଅଛି। ୟୁପି ପୋଲିସ ମହାନିର୍ଦ୍ଦେଶକ (ଡିଜିପି) ପ୍ରଶାନ୍ତ କୁମାର ରାଜ୍ୟର ସମସ୍ତ ପୋଲିସ କମିଶନର ଏବଂ ଜିଲ୍ଲା ମାଜିଷ୍ଟ୍ରେଟଙ୍କୁ ସଜାଗ ରହିବାକୁ ନିର୍ଦ୍ଦେଶ ଦେଇଛନ୍ତି। ଅଯୋଧ୍ୟା, କାଶୀ ଏବଂ ମଥୁରା ଭଳି ଧାର୍ମିକ ସ୍ଥଳରେ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି। ସମସ୍ତ ଜିଲ୍ଲାରେ ନଜର ରଖିବାକୁ ଡିଜିପି ନିର୍ଦ୍ଦେଶ ଦେଇଛନ୍ତି।

ଏହି ଘାତକ ଆତଙ୍କବାଦୀ ଆକ୍ରମଣକୁ ନିନ୍ଦା କରିବା ପାଇଁ ବିଭିନ୍ନ ସଂଗଠନ ବୁଧବାର ପ୍ରତିବାଦ କରିବାକୁ ନିଷ୍ପତ୍ତି ନେଇଛନ୍ତି ଏବଂ ଫଳସ୍ୱରୂପ ଜମ୍ମୁରେ ମଧ୍ୟ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି।

ପହଲଗାମ ଆତଙ୍କବାଦୀ ଆକ୍ରମଣରେ ମୃତ୍ୟୁବରଣ କରିଥିବା ଲୋକମାନେ ୟୁପି, ମହାରାଷ୍ଟ୍ର, ବଙ୍ଗଳା, କର୍ଣ୍ଣାଟକ, ବିହାର, ମଧ୍ୟ ପ୍ରଦେଶ, ହରିୟାଣା ଓ ଓଡ଼ିଶାର। ଏହି ଆକ୍ରମଣରେ ଆତଙ୍କବାଦୀମାନେ କେବଳ ସେହି ଲୋକମାନଙ୍କୁ ଟାର୍ଗେଟ କରିଥିଲେ ଯେଉଁମାନେ ନିଜ ପରିବାର ସହିତ ଭ୍ରମଣ ପାଇଁ ଯାଇଥିଲେ। ଏପରିକି ଆତଙ୍କବାଦୀମାନେ ଲୋକଙ୍କ ନାଁ ପଚାରି ପଚାରି ଗୁଳି କରିଥିଲେ। ଏହି ଆକ୍ରମଣରେ ଓଡ଼ିଶାର ବାଲେଶ୍ୱର ଜିଲ୍ଲାର ପ୍ରଶାନ୍ତ କୁମାର ଶତପଥୀ ମୃତ୍ୟୁବରଣ କରିଛନ୍ତି ।

ଓଡ଼ିଶାର ବାଲେଶ୍ୱରସ୍ଥିତ ସାରଗାଁ ପଞ୍ଚାୟତ ଈଶାଣି ଗ୍ରାମର ପ୍ରଶାନ୍ତ କୁମାର ଶତପଥୀ(୪୧)। ତେବେ ତାଙ୍କ ପତ୍ନୀ ବାଲେଶ୍ବର ବ୍ଲକ୍ ପ୍ରୋଗ୍ରାମ କୋଅର୍ଡିନେଟର ପ୍ରିୟଦର୍ଶନୀ ଆଚାର୍ଯ୍ୟ ଓ ପୁଅ ତନୁଜ ସୁରକ୍ଷିତ ଅଛନ୍ତି ।
ପାର୍ଲିଆମେଣ୍ଟାରୀ ଷ୍ଟାଣ୍ଡିଂ କମିଟି ସମୀକ୍ଷା ବୈଠକ ଅନୁଷ୍ଠିତ

କେନ୍ଦ୍ରୀୟ ଯୋଜନା ଗୁଡିକ ପ୍ରଣୟନ ଓ କାର୍ଯ୍ୟକାରିତା ସମୟରେ ସାଂସଦ ମାନଙ୍କ ପରାମର୍ଶ ନେବା ଅତ୍ୟନ୍ତ ଜରୁରୀ । ସାଂସଦ ମାନଙ୍କୁ ସମସ୍ତ ବିଷୟରେ ଅବଗତ କରାଇବା ସହ ନିର୍ଦ୍ଧାରିତ ସମୟ ମଧ୍ୟରେ କାର୍ଯ୍ୟ କରିବା ଉପରେ ଗୁରୁତ୍ୱ ଦେଇଛନ୍ତି ପାର୍ଲିଆମେଣ୍ଟ ଗ୍ରାମ ଉନ୍ନୟନ ଓ ପଞ୍ଚାୟତି ରାଜ ସମ୍ବନ୍ଧୀୟ ସ୍ଥାୟୀ କମିଟିର ଅଧ୍ୟକ୍ଷ ସପ୍ତଗିରୀ ଉଲ୍ଲକା । ଏହି ଉପଲକ୍ଷେ ଅନୁଷ୍ଠିତ ଏକ ସମୀକ୍ଷା ବୈଠକରେ ଅଧ୍ୟକ୍ଷତା କରି ଶ୍ରୀ ଉଲ୍ଲକା ସମସ୍ତ ଯୋଜନା ସାଧାରଣ ଲୋକ ମାନଙ୍କ ହିତ ଉଦ୍ଦେଶ୍ୟ ରେ ବ୍ୟବସ୍ଥା ହେଉ ଥିବାରୁ ଏହାର କାର୍ଯ୍ୟ କାରିତା ଓ ସଫଳତା ରେ ଲୋକ ପ୍ରତିନିଧି ମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ । ତେଣୁ କେନ୍ଦ୍ର ସରକାର ପ୍ରଦତ୍ତ ମାର୍ଗଦର୍ଶିକା ଅନୁସାରେ ଲୋକ ପ୍ରତିନିଧି ମାନଙ୍କୁ ସାମିଲ କରିବା, ପରାମର୍ଶ ନେବା ଅତ୍ୟନ୍ତ ଜରୁରୀ । ଯେଉଁ ଠାରେ ଏହାର ଉଲ୍ଲଘଂନ ହେଉଛି ସେଠାରେ ସମ୍ପୃକ୍ତ ଅଧିକାରୀ ଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ଅଧ୍ୟକ୍ଷ ଓ ଅନ୍ୟ ସଦସ୍ୟ ମାନେ ପରାମର୍ଶ ଦେଇଥିଲେ।ପ୍ରକଳ୍ପ ପ୍ରସ୍ତୁତ ସମୟରେ ଲୋକ ପ୍ରତିନିଧି ମାନଙ୍କୁ ଅବଗତ କରାଇବା, ସେମାନଙ୍କ ପରାମର୍ଶ କୁ ପ୍ରକଳ୍ପ ଚୁଡାନ୍ତ ସମୟରେ ଗୁରୁତ୍ୱ ଦେଇ ସ୍ଥାନିତ କରିବା, ଶୁଭାରମ୍ଭ ଓ ଉଦଘାଟନ ସମୟରେ ଲୋକ ପ୍ରତିନିଧି ମାନଙ୍କୁ ସାମିଲ କରିବା, ନିୟମିତ ଭାବେ ଦିଶା ବୈଠକ ଆୟୋଜନ କରିବା ଉପରେ କମିଟି ଗୁରୁତ୍ୱ ଦେଇଥିଲେ ।ପ୍ରଧାନମନ୍ତ୍ରୀ ଗ୍ରାମ ସଡକ ରେ ସିସି ରୋଡ ପାଇଁ କମିଟି ଅନୁମୋଦନ କରିଥିଲେ।ଗ୍ରାମର ଆର୍ଥିକ ଅବସ୍ଥା ରେ ଉନ୍ନତି ହିଁ ଦେଶର ବିକାଶ ।

୨୦୩୬ କୁ ବିକଶିତ ଓଡିଶାର ସ୍ବପ୍ନ କୁ ସାକାର ପାଇଁ ସମସ୍ତ ଯୋଜନା ର ସଫଳତା ପାଇଁ କମିଟି ଆହ୍ବାନ ଦେଇଥିଲେ।ଲିଡ ବ୍ୟାଙ୍କ ଭାବେ ୟୁକୋ ବ୍ୟାଙ୍କର ସମୀକ୍ଷା କରାଯାଇଥିଲା।ଗ୍ରାହକ ମାନଙ୍କ ପାଇଁ ଥିବା ବିଭିନ୍ନ ସେବା ସଠିକ ସମୟ ଓ ସଠିକ ଭାବେ ନିର୍ବାହ ପାଇଁ ପରାମର୍ଶ ଦେଇଥିଲେ।ସମୀକ୍ଷା ର ରିପୋର୍ଟ ୧୫ ଦିନ ମଧ୍ୟରେ ପାର୍ଲିଆମେଣ୍ଟକୁ ପ୍ରେରଣ ପାଇଁ ପରାମର୍ଶ ଦେଇଥିଲେ।ଅନ୍ୟ ସଦସ୍ୟ ମାନଙ୍କ ମଧ୍ୟରେ ଭଜନ ଲାଲ ଯାତବ, ବିଜୟ କୁମାର ଦୁବେ, ଗୀତା ଆଲିଆସ ଚନ୍ଦ୍ରପ୍ରଭା,ରାମ ଶଙ୍କର ରାଝେରା, ଡ.ମହମ୍ମଦ ଜାୱ୍ବେଦ,ନବ ଚରଣ ମାଝୀ, ଦେଶ ରାଜ ଶେଖର,ଏଲ ସିଂସନ, ସୁଶୀଲ କୁମାର, ମୃତ୍ୟୁଞ୍ଜୟ ସିଂ ଯାଦବ, ସୋନିଆ ୱ୍ବାଲିଆ ପ୍ରମୁଖ ଯୋଗ ଦେଇଥିଲେ ।

ସେହିପରି ଗ୍ରାମ୍ୟ ଉନ୍ନୟନ ବିଭାଗ ପ୍ରମୁଖ ସଚିବ ସଞ୍ଜୟ କୁମାର ସିଂ, ପଞ୍ଚାୟତିରାଜ କମିଶନର ତଥା ସଚିବ ଏସ ଏନ ଗିରିଶ,ସାମାଜିକ ସୁରକ୍ଷା ବିଭାଗ କମିଶନର ତଥା ସଚିବ ଆର ଏସ ଗୋପାଲନ,ପଞ୍ଚାୟତରାଜର ସ୍ବତନ୍ତ୍ର ପ୍ରୋଜେକ୍ଟ ର ନିର୍ଦ୍ଦେଶକ ଜ୍ୟୋତି ପ୍ରକାଶ ଦାସ,ରାଜ୍ୟ ମିଶନ ନିର୍ଦ୍ଦେଶକ ତଥା ଜୀବିକା ମିଶନ ସିଇଓ ମୋନିକା ପ୍ରିୟଦର୍ଶିନୀ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଅତିରିକ୍ତ ସଚିବ ସୁରେନ୍ଦ୍ର କୁମାର ମିନା,ଯୋଜନା ଓ ପର୍ଯ୍ୟାଲୋଚନା ବିଭାଗର ମଧୁସ୍ମିତା ସାମଲ,ରାଜ୍ୟ ଅର୍ଥ କମିଶନ ର ସଦସ୍ୟ ସଚିବ ସତ୍ୟପ୍ରିୟ ରଥ,ୟୁକୋ ବ୍ୟାଙ୍କ ର ଏମଡି ତଥା ସିଇଓ ଅଶ୍ବିନୀ କୁମାର,ଜିଏମ ଗୌତମ ପାତ୍ର ପ୍ରମୁଖ ଯୋଗ ଦେଇ କମିଟି ଙ୍କୁ ବିଭିନ୍ନ ସୂଚନା ଓ ତଥ୍ୟ ପ୍ରଦାନ କରିଥିଲେ।ପରେ କମିଟି ସଦର ବ୍ଲକର ବେଲଦଳ ଅର୍ଣ୍ଣାମେଣ୍ଟାଲ ପ୍ଲାଣ୍ଟ ନର୍ସରୀ ବୁଲି ଦେଖିବା ସହ ସ୍ବୟଂ ସହାୟକ ଗୋଷ୍ଠୀ ସଦସ୍ୟ ଙ୍କ ସହ ବାର୍ତ୍ତାଳାପ କରିଥିଲେ।ପରେ ଗୋପ ବ୍ଲକର ସୂତନ ପଞ୍ଚାୟତର ହାଟୁଆଦାଣ୍ଡ ଗ୍ରାମ ପରିଦର୍ଶନ କରି ପ୍ରଧାନମନ୍ତ୍ରୀ ଆବାସ ଯୋଜନାରେ ନିର୍ମିତ ଗୃହ ପରିଦର୍ଶନ କରି ହିତାଧିକାରୀଙ୍କ ସହ କଥା ହୋଇ ଥିଲେ।ସେହିପରି ଜାତୀୟ ପରିବାର ସହାୟତା ଯୋଜନା ହିତାଧିକାରୀଙ୍କ ସହ ମଧ୍ୟ କଥା ହୋଇଥିଲେ।କମିଟି ଅଧ୍ୟକ୍ଷ ଓ ସଦସ୍ୟ ମାନେ କୋଣାର୍କ ସୂର୍ଯ୍ୟ ମନ୍ଦିର ଓ ଇଣ୍ଟରପ୍ରିଟେସନ ସେଣ୍ଟର ପରିଦର୍ଶନ କରିଥିଲେ।ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ପ୍ରିୟରଞ୍ଜନ ପୃଷ୍ଟି ଓ ଅତିରିକ୍ତ ଉପ ଜିଲ୍ଲାପାଳ ନିଳମାଧବ ମାଝୀ ସମସ୍ତ କାର୍ଯ୍ୟ ର ତଦାରଖ ଓ ପରିଚାଳନା କରିଥିଲେ।
ଘରୋଇ କଲେଜ ହଷ୍ଟେଲରେ ଛାତ୍ରଙ୍କ ମୃତ୍ୟୁ

କେନ୍ଦୁଝର ସହର ସ୍ଥିତ ଗାୟତ୍ରୀ ରେସିଡେନସିଆଲ କଲେଜ ନାମକ ଏକ ଘରୋଇ କଲେଜ ହଷ୍ଟେଲ ରେ ବିଳମ୍ବିତ ରାତିରେ ଜଣେ ଛାତ୍ରଙ୍କର ମୃତ୍ୟୁ ହୋଇଛି । ମୃତ ଛାତ୍ର ଜଣକ ହେଲେ ପାଟଣା ଥାନା ଟାଙ୍ଗରପଡା ଗ୍ରାମର ଜଗବନ୍ଧୁ ମହାନ୍ତ ଙ୍କ ପୁଅ ଜଳଧର ମହାନ୍ତ । ମୃତ୍ୟୁ ର କାରଣ ଅସ୍ପଷ୍ଟ ରହିଛି । ଗାୟତ୍ରୀ ରେସିଡେନ୍ସିଆଲ କଲେଜ ହଷ୍ଟେଲରେ ରହି ସମର କୋର୍ସ କରୁଥିଲେ ଜଳଧର । ଗତକାଲି ରାତିରେ ରାତ୍ରୀ ଭୋଜନ ପରେ ଶୋଇଥିବା ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଖବର ପାଇ ବିଦ୍ୟାଳୟ କର୍ତ୍ତୃପକ୍ଷ ସଙ୍ଗେ ସଙ୍ଗେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥଲେ । ପରିବାର ଲୋକ ଏହାର ତଦନ୍ତ ଦାବୀ କରିଛନ୍ତି ।
ହାଇୱା ଧକ୍କାରେ ଯୁବକ ମୃତ

ଚିପ୍ସ ବୋଝେଇ ହାଇୱା ଧକ୍କାରେ ବାଇକ ଆରୋହି ମୃତ । ପିରହାଟ ଥାନା ଅଧିନ ବିନ୍ଧା ଛକ ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ମୃତ ଯୁବକ ଜଣକ ହେଉଛନ୍ତି ତିହିଡି ବ୍ଳକ ଅନ୍ତର୍ଗତ ସାହାପୁର ପଞ୍ଚାୟତ କାନିସାହି କଣ୍ଡରଗଡ଼ିଆ ଗ୍ରାମର ଉତ୍ତମ ଶଙ୍ଖୁଆ । ସୂଚନା ମୁତାବକ ଆଜି ସକାଳୁ ଉତ୍ତମ କୌଣସି ଏକ କାମରେ ତିହିଡି ବ୍ଳକ କାର୍ଯ୍ୟାଳୟକୁ ନିଜ ବାଇକ ଯୋଗେ ଯାଉଥିଲେ । ବିନ୍ଧା ଛକ ନିକଟରେ ବିପରୀତ ଡିଗରୁ ଦ୍ରୁତ ଗତିରେ ଆସୁଥିବା ଚିପ୍ସ ବୋଝେଇ ହାଇୱା ଉତ୍ତମଙ୍କୁ ଧକ୍କା ଦେଇଥିଲା । ଘଟଣା ସ୍ଥଳରେ ହିଁ ଉତ୍ତମ ମୃତ ବରଣ କରିଛନ୍ତି । ଫଳରେ ବିନ୍ଧା ଛକ ନିକଟରେ ଚାପା ଉତ୍ତେଜନା ଦେଖାଦେଇଛି । ଘଟଣା ସ୍ଥଳରେ ପିରହାଟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ଘଟିଥିବା ହାଇୱାକୁ ପିରହାଟ ପୋଲିସ ଜବଦ କରିଥିବା ବେଳେ ଚାଳକ ଫେରାର ଥିବା ଜଣାପଡିଛି ।
ମନ୍ଦିର ପ୍ରତିଷ୍ଠା ପୂର୍ବରୁ ଦୀଘା ମୁହାଣକୁ ଭାସିଆସିଲେ ମହାବାହୁ

ଓଡିଶା ପଶ୍ଚିମବଙ୍ଗ ସୀମାନ୍ତ ରେ ଦିଘା ରେ ଜଗନ୍ନାଥ ମନ୍ଦିର ରେ ମହାପ୍ରଭୁ ଙ୍କୁ ପୁରୀ ରୀତି ନୀତି ଅନୁସାରେ ପ୍ରତିଷ୍ଠା କରାଯିବ । ମାତ୍ର ମହାପ୍ରଭୁ ଙ୍କୁ ପ୍ରତିଷ୍ଠା ପୂର୍ବରୁ ଦୀଘାର ମହାନ୍ତି ଘାଟ ନିକଟରେ ସମୁଦ୍ରରେ ପ୍ରଭୁ ଜଗନ୍ନାଥଙ୍କ ଏକ କାଠ ପ୍ରତିମା ଭାସୁଥିବା ଦେଖିବାକୁ ମିଳିଥିଲା । ସେହି ମହାନ୍ତି ଘାଟରେ ଏକ ନୂତନ ଘାଟ ନିର୍ମାଣ ପାଇଁ କାମ ଚାଲିଥିଲା । ଯେତେବେଳେ କର୍ମଚାରୀ ମାନେ ପ୍ରତିମାଟିକୁ ଦେଖିଲେ, ସେମାନେ ତାହାକୁ ଉଠାଇ କୂଳକୁ ଆଣିଲେ । ଖବର ପ୍ରସାରିତ ହେବା ମାତ୍ରେ ସ୍ଥାନୀୟ ଲୋକ ଏବଂ ପର୍ଯ୍ୟଟକ ଠାକୁରଙ୍କୁ ଦେଖିବା ପାଇଁ ଭିଡ଼ ଜମାଇଥିଲେ । ମନ୍ଦିର ପ୍ରତିଷ୍ଠା ପୂର୍ବରୁ ଦୀଘା ମୁହାଣକୁ ଭାସିଆସିଲେ ମହାବାହୁ । ଖବର ଜଣାପଡିବା ପରେ ଲୋକଙ୍କ ଗହଳି ଲାଗିଥିଲା । ଆଖପାଖର ଲୋକ ଓ ପର୍ଯ୍ୟଟକ ଏକାଠି ହୋଇଥିଲେ ଜଗନ୍ନାଥଙ୍କୁ ଦେଖିବାକୁ । ସୂଚନା ଥାଉକି, ଓଡିଶା ପଶ୍ଚିମବଙ୍ଗ ସୀମାନ୍ତରେ ଆସନ୍ତା ୩୦ତାରିଖରେ ଦିଘାରେ ପ୍ରତିଷ୍ଠା ହେବ ଜଗନ୍ନାଥ ମନ୍ଦିର । ପୁରୀ ରୀତିନୀତି ଅନୁସାରେ ଏଠାରେ ପ୍ରତିଷ୍ଠା କରାଯିବ ମହାପ୍ରଭୁଙ୍କର ।
ଦକ୍ଷିଣ ଚଳଚ୍ଚିତ୍ର ସୁପରଷ୍ଟାର ମହେଶ ବାବୁଙ୍କୁ ଇଡିର ସମନ, ଜାଣନ୍ତୁ ପୁରା ଘଟଣା

ରିଅଲ ଇଷ୍ଟେଟ୍ ଫାର୍ମଗୁଡ଼ିକ ସହିତ ଜଡିତ ମନି ଲଣ୍ଡରିଂ ତଦନ୍ତ ସହିତ ଜଡିତ ତେଲୁଗୁ ସୁପରଷ୍ଟାର ମହେଶ ବାବୁଙ୍କୁ ଇଡି ନୋଟିସ୍ ଜାରି କରିଛି। ଟଲିଉଡ୍ ଅଭିନେତା ମହେଶ ବାବୁଙ୍କୁ ଏପ୍ରିଲ ୨୭ରେ ପଚରାଉଚରା ପାଇଁ ଡକାଯାଇଛି। ରିପୋର୍ଟ ଅନୁସାରେ, ତଦନ୍ତ ଦୁଇଟି ରିଅଲ୍ ଇଷ୍ଟେଟ୍ କମ୍ପାନୀ – ସାଇ ସୂର୍ଯ୍ୟ ଡେଭଲପର୍ସ ଏବଂ ସୁରାଣା ଗ୍ରୁପ୍ ଦ୍ୱାରା ହୋଇଥିବା ଠକେଇ ଏବଂ ବଡ଼ ଧରଣର ଆର୍ଥିକ ଅନିୟମିତତା ସହିତ ଜଡିତ।

ସୂଚନା ଅନୁଯାୟୀ, ମହେଶ ସାଇ ସୂର୍ଯ୍ୟ ଡେଭଲପର୍ସ ଏବଂ ସୁରାଣା ଗ୍ରୁପ୍ ଦ୍ୱାରା ଲଞ୍ଚ କରାଯାଇଥିବା ରିଅଲ୍ ଇଷ୍ଟେଟ୍ ପ୍ରୋଜେକ୍ଟ ପାଇଁ ପ୍ରମୋସନାଲ୍ ବିଜ୍ଞାପନରେ କାମ କରିଥିଲେ। ଏହି ବିଜ୍ଞାପନଗୁଡ଼ିକ ପାଇଁ ମହେଶ ୫.୯ କୋଟି ଟଙ୍କା ପାଇଥିବା ଜଣାପଡ଼ିଛି। ଚେକ୍ ମାଧ୍ୟମରେ ୩.୪ କୋଟି ଟଙ୍କା ଏବଂ ନଗଦ ୨.୫ କୋଟି ଟଙ୍କା। ଏବେ ନଗଦ ଦେୟ ଯାଞ୍ଚ ଅଧୀନକୁ ଆସିଛି।

ତେଲେଙ୍ଗାନା ପୋଲିସ ହାଇଦ୍ରାବାଦ ପ୍ରପର୍ଟିଜ୍ ଲିମିଟେଡର ନରେନ୍ଦ୍ର ସୁରାନା ଏବଂ ସାଇ ସୂର୍ଯ୍ୟ ଡେଭଲପର୍ସର ସତୀଶ ଚନ୍ଦ୍ର ଗୁପ୍ତାଙ୍କ ବିରୋଧରେ ଏଫଆଇଆର ରୁଜୁ କରିଛି। ଅଭିଯୋଗ ହୋଇଛି ଯେ ଏହି ଦୁଇଜଣ ଅନଧିକୃତ ଲେଆଉଟରେ ପ୍ଲଟ୍ ବିକ୍ରୟ କରି, ସମାନ ପ୍ଲଟ୍ ବହୁବାର ବିକ୍ରୟ କରି ଏବଂ ପଞ୍ଜୀକରଣ ବିଷୟରେ ମିଥ୍ୟା ପ୍ରତିଶ୍ରୁତି ଦେଇ କ୍ରେତାମାନଙ୍କୁ ଠକିଥିଲେ। ଇଡି ତଦନ୍ତ ଆରମ୍ଭ କରିବା ମାତ୍ରେ, ସେମାନେ ମହେଶ ବାବୁଙ୍କୁ ଦିଆଯାଇଥିବା ଦେୟ ଉପରେ ଯାଞ୍ଚ କଲେ ଏବଂ ଅନୁମାନ କଲେ ଯେ ନଗଦ ଆକାରରେ ଦିଆଯାଇଥିବା ୨.୫ କୋଟି ଟଙ୍କା ଲଣ୍ଡରିଂ ନେଟୱାର୍କର ଅଂଶ ।

ତେଲେଙ୍ଗାନା ପୋଲିସ ଦ୍ୱାରା ଦାୟର କରାଯାଇଥିବା ଏଫଆଇଆରରେ ଏହି ସଂସ୍ଥାଗୁଡ଼ିକ ଅନଧିକୃତ ଲେଆଉଟରେ ପ୍ଲଟ୍ ବିକ୍ରୟ କରି, ସମାନ ପ୍ଲଟର ଅନେକ ବିକ୍ରୟ କରି ଏବଂ ନକଲି ପଞ୍ଜିକରଣ ଗ୍ୟାରେଣ୍ଟି ପ୍ରଦାନ କରି ନିବେଶକମାନଙ୍କୁ ଠକୁଥିବା ଅଭିଯୋଗ କରାଯାଇଛି। ଏହି ପ୍ରକଳ୍ପଗୁଡ଼ିକର ଅଭିନେତାଙ୍କ ଅନୁମୋଦନ ଜନସାଧାରଣଙ୍କ ବିଶ୍ୱାସ ସୃଷ୍ଟି କରିବାରେ ଏବଂ ଅଭିଯୋଗ ହୋଇଥିବା ଠକେଇ ବିଷୟରେ ଅଜ୍ଞ କ୍ରେତାମାନଙ୍କୁ ଆକର୍ଷିତ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ବୋଲି ବିଶ୍ୱାସ କରାଯାଏ।

ଆପଣଙ୍କୁ କହି ରଖୁଛୁ ଯେ ମହେଶ ବାବୁ ବର୍ତ୍ତମାନ ଏସଏସ ରାଜାମୌଲିଙ୍କ ସହିତ ତାଙ୍କର ପରବର୍ତ୍ତୀ ଫିଲ୍ମରେ ବ୍ୟସ୍ତ ଅଛନ୍ତି। ଏହି ମାସର ଆରମ୍ଭରେ ଫ୍ଲୋର ହୋଇଥିବା ଏହି ଚଳଚ୍ଚିତ୍ରରେ ପ୍ରିୟଙ୍କା ଚୋପ୍ରା ମଧ୍ୟ ମୁଖ୍ୟ ମହିଳା ଭୂମିକାରେ ଅଛନ୍ତି।