ଗୋଷ୍ଠୀ ସଂଘର୍ଷ,ଜଣେ ମୃତ ତିନି ଗୁରୁତର

ଯାଜପୁର ବରି ରାମଚନ୍ଦ୍ରପୁର ଥାନା ଅଟିରା ପଂଚାୟତ ଅରୁଆଳ ଗ୍ରାମରେ ଗଛକଟା କୁ କେନ୍ଦ୍ର କରି ତୁମୁଳକାଣ୍ଡ। ଦୁଇ ଗୋଷ୍ଠୀ ସଂଘର୍ଷ ରେ ଜଣେ ମୃତ ଓ ତିନିଜଣ ଗୁରୁତର ହୋଇଛନ୍ତି ।

ମୃତକ ହେଲେ ସୁବାସ ଜେନା। ଉଭୟ ଗୋଷ୍ଠୀ ର ୩ଜଣ ଗୁରୁତର ହେଉଛନ୍ତି ବିକାଶ ପରିଡ଼ା ,ଅମରେଶ ପରିଡ଼ା ଓ ଶ୍ରୀନିବାସ ଜେନା। ଗୁରୁତର ମାନେ ଯାଜପୁର ମୁଖ୍ୟ ଚିକତ୍ସାଳୟ ରେ ଚିକିଶ୍ଚିତ ହେଉଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।।

ସୂଚନା ମୁତାବକ ସୁବାସ ଙ୍କ ଜମି ନିକଟରେ ଥିବା ଗୋଚର ଜମି ରେ ଏକ ଗଛ କଟା କୁ ନେଇ ବିବାଦ ଆରମ୍ଭ ହୋଇଥିଲା। ତହସିଲ ପ୍ରଶାସନ ନିକଟ ରେ ଅଭିଯୋଗ ପରେ ଗଛ କାଠ ଗୁଡ଼ିକୁ ସିଜ୍ କରାଯାଇଥିଲା।

ଏହି କାଠ କୁ ବିକାଶ ଓ ସହଯୋଗୀ ନେବା ସମୟ ରେ ଘଟଣାସ୍ଥଳ ରେ ବିବାଦ ଆରମ୍ଭ ହୋଇ ହାତାହାତି ପର୍ଯ୍ୟନ୍ତ କଥାଯାଇଥିଲା । ପରେ ଏହା ଉଗ୍ର ରୂପ ନେଇ ଏଭଳି ଅଘଟଣ ଘଟିଥିଲା। ଶେଷରେ ଏହି ଗଣ୍ଡୋଗଳ ରେ ଜଣଙ୍କର ଜୀବନ ଚାଲିଯାଇଛି ।

ମୃତ ଶରୀର କୁ ପୋଲିସ ଜବତ କରି ବ୍ୟବଚ୍ଛେଦ ପାଇଁ ପଠାଇଥବା ବେଳେ ଆକ୍ରମଣକାରୀ ଜିଲ୍ଲା ମୂଖ୍ୟ ଚିକିତ୍ସାଳୟ ରେ ଚିକିତ୍ସିତ ହେଉଛନ୍ତି।