ଜମ୍ମୁ କାଶ୍ମୀରରୁ ପୁଣି ଥରେ ଟାର୍ଗେଟ କିଲିଂର ଏକ ଘଟଣା ସାମ୍ନାକୁ ଆସିଛି। ଆତଙ୍କବାଦୀ ପୁଣି ଥରେ ଜଣେ ସାଧାରଣ ନାଗରିକଙ୍କୁ ଟାର୍ଗେଟ କରିଛନ୍ତି। ଆତଙ୍କବାଦୀମାନେ ଅନନ୍ତନାଗରେ ଜଣେ ଯୁବକଙ୍କୁ ଗୁଳି କରି ହତ୍ୟା କରି ଦେଇଛନ୍ତି। ମୃତକ ହେଲେ ଉଧମପୁର ବାସିନ୍ଦା ଦିପୁଯ ସେ ଏକ ଘରୋଇ ସର୍କସରେ କାମ କରୁଥିଲେ। ସେ କୌଣସି କାମରେ ସର୍କସରୁ ବାହାରିଥିବା ବେଳେ ଆତଙ୍କବାଦୀ ତାଙ୍କୁ ଗୁଳି କରି ଦେଇଥିଲେ। ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ମାମଲା ଦାୟର କରି ଯାଞ୍ଚ କରୁଛି। ଆତଙ୍କବାଦୀଙ୍କୁ ଧରିବାକୁ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରାଯାଇଛି।
କାଶ୍ମୀର ଜନତାଙ୍କ ମଧ୍ୟରେ ଅସୁରକ୍ଷିତ ଭାବ ସୃଷ୍ଟି କରିବା ଲକ୍ଷ୍ୟରେ ଆତଙ୍କବାଦୀ ସେଠାରେ ସାଧାରଣ ନାଗରିକଙ୍କୁ ଟାର୍ଗେଟ କରୁଛନ୍ତି। ଏମାନେ ମୁଖ୍ୟତଃ-ଅଣ-ମୁସଲମାନ, କାଶ୍ମୀର ପଣ୍ଡିତଙ୍କ ମଧ୍ୟରେ ଅସୁରକ୍ଷିତତାର ଭାବନା ସୃଷ୍ଟି କରିବାକୁ ଲଗାତର ଟାର୍ଗେଟ କିଲିଂ କରି ଚାଲିଛନ୍ତି। ଏହା ପୂର୍ବରୁ ଚଳିତ ୨୬ ଫେବୃଆରୀରେ ପୁଲୱାମାରେ ଜଣେ କାଶ୍ମୀରୀ ପଣ୍ଡିତଙ୍କୁ ହତ୍ୟା କରିଥିଲେ। ଗତ ଚାରି ମାସ ଭିତରେ କାଶ୍ମୀର ଉପତ୍ୟକାରେ ହିନ୍ଦୁ ନାଗରିକଙ୍କ ଉପରେ ହୋଇଥିବା ଆତଙ୍କୀ ଆକ୍ରମଣର ଏହା ଦ୍ୱିତୀୟ ଘଟଣା।
ହିନ୍ଦୁ, ଇଂରାଜୀ ଦ ଡେଲି ନିକରେ ପ୍ରକାଶିତ ରିପୋର୍ଟ ଅନୁଯାୟୀ, ୨୦୨୨ ମସିହାରେ ଆତଙ୍କବାଦୀମାନେ ସାଧାରଣ ନାଗରିକଙ୍କ ଉପରେ ୩୦ ଆତଙ୍କବାଦୀ ଆକ୍ରମଣ କଲେଣି। ଏହି କେନ୍ଦ୍ରଶାସିତ ଅଞ୍ଚଳରୁ ଧାରା ୩୭୦ ଉଚ୍ଛେଦ ପରଠାରୁ ପୂର୍ବର ଯୋଜନାବଦ୍ଧ ଆକ୍ରମଣ ବଦଳରେ ସାଧାରଣ ନାଗରିକ ତଥା ଅଫ୍ ଡ୍ୟୁଟି ପୋଲିସ୍ ଅଧିକାରୀଙ୍କ ଉପରେ ହେଉଥିବା ଟାର୍ଗେଟ କିଲିଂ ସଂଖ୍ୟା ବୃଦ୍ଧି ପାଇବାରେ ଲାଗିଛି।
ଜମ୍ମୁରେ କାର୍ଯ୍ୟ କରୁଥିବା ଆତଙ୍କବାଦୀ ସଂଗଠନ ଓଭର ଗ୍ରାଉଣ୍ଡ ୱାର୍କର୍ସ (ଓଜିଡବ୍ଲୁ) ଏବଂ ଅଣ୍ଡର ଗ୍ରାଉଣ୍ଡ ୱାର୍କର୍ସ (ୟୁଜିଡବ୍ଲୁ) ଏପର୍ଯ୍ୟନ୍ତ ସକ୍ରିୟ ଅଛନ୍ତି। ସୁରକ୍ଷା ବାହିନୀ କୌ ଣସି ପ୍ରକାରେ ଉପତ୍ୟକାରେ ଆତଙ୍କୀ ଦମନରେ ସଫଳ ହୋଇପାରି ନାହିଁ। ମହିଳା ଓ ଶିଶୁଙ୍କ ସମେତ ସାଧାରଣ ନାଗରିକଙ୍କୁ ଟାର୍ଗେଟ କରି ଆତଙ୍କବାଦୀମାନେ ସ୍ଥାନୀୟ ଜନସାଧାରଣଙ୍କ ମଧ୍ୟରେ ଦୁର୍ବଳତା ଏବଂ ଅସହାୟତାର ଭାବନା ସୃଷ୍ଟି କରିବାକୁ ଚେଷ୍ଟା କରନ୍ତି। ଟାର୍ଗେଟ କିଲିଂର ମୂଳ ଲକ୍ଷ୍ୟ ହେଉଛି ସ୍ଥାନୀୟ ଜନସାଧାରଣଙ୍କୁ ଭୟଭୀତ କରିବା ଏବଂ ଦୈନନ୍ଦିନ ଜୀବନ ଯାତ୍ରାକୁ ବାଧିତ କରିବା।
ଏହା ବ୍ୟତୀତ, ଆତଙ୍କବାଦୀଙ୍କ ଅନ୍ୟ ଏକ ଉଦ୍ଦେଶ୍ୟ ହେଉଛିକି, ଅଞ୍ଚଳର ସୁରକ୍ଷା ବାହିନୀ ଏବଂ ଆଇନ ପ୍ରଣୟନକାରୀ ସଂସ୍ଥାକୁ ଦୁର୍ବଳ କରିବା। ପୋଲିସ ଅଧିକାରୀ, ସେନା ଓ ଅନ୍ୟ ସୁରକ୍ଷାକର୍ମୀଙ୍କୁ ଟାର୍ଗେଟ କରି ଆତଙ୍କବାଦୀମାନେ ଆଇନ ଶୃଙ୍ଖଳା ବଜାୟ ରଖିବା ତଥା ଶକ୍ତି ଓ ନିୟନ୍ତ୍ରଣର ଚିତ୍ର ଆଙ୍କିବା ପାଇଁ ସରକାରଙ୍କ ଦକ୍ଷତା ହ୍ରାସ କରିବାକୁ ଚେଷ୍ଟା ହେଉଛି।