ମିଲେଟ ଉତ୍ପାଦର ଚାହିଦା ଦେଶ ବିଦେଶରେ ବ୍ୟାପୀଥିବା ବେଳେ ବିଶାଖାପାଟଣା ସ୍ଥିତ ନ୍ୟୁଟ୍ରି ହନି ଫ୍ଲେକ୍ସ ଏଲ ଏଲ ପି ର ଏକ ଅଧିକୃତ ଶାଖା ସୁନାବେଡା ହାଲ ସହରାଞ୍ଚଳ ରେ ଆରମ୍ଭ କରାଯାଇଛି। ଏହାର ଉଦଘାଟନ ସମାରୋହରେ ହାଲ ହସପିଟାଲର ବରିଷ୍ଠ ଚିକିତ୍ସାଧିକାରୀ ଡ଼ା.ସଞ୍ଜୟ ପାଲ୍, ଓସମାନିଆ ବିଶ୍ୱବିଦ୍ୟାଳୟର ଏମ. ଭେଙ୍କଟ ଦାସ ଏବଂ ମିଲେଟସ୍ ମ୍ୟାନ ଜି.ସନ୍ତୋଷ କୁମାର ଏବଂ କେ.ଉଷା ନାଗା ପ୍ରସୁନା ‘ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ଏକ ମ୍ୟୁଜିକଲ ନାଇଟ କାର୍ଯ୍ୟକ୍ରମ ର ଆୟୋଜନ କରାଯାଇଥିଲା। ଏଥିରେ ଅଂଶ ଗ୍ରହଣ କରିଥିବା କୁନି କୁନି ପିଲା ମାନଙ୍କୁ ପୁରସ୍କୃତ କରଯାଇଥିଲା।
ନ୍ୟୁଟ୍ରି ହନି ଫ୍ଲେକ୍ସ ଏଲ ଏଲ ପି ପ୍ରତିଷ୍ଠାନ ର ପ୍ରତିନିଧି କେ.ଉଷା ନାଗା ପ୍ରସୁନା” ଜଣେ ଜାତୀୟ ସ୍ତରର ପୁରସ୍କାର ପ୍ରାପ୍ତ ମିଲେଟସ ପ୍ରଶିକ୍ଷିକା ତଥା ଉଦ୍ୟୋଗପତି ଭାବେ ବେଶ ଖ୍ୟାତି ଅର୍ଜନ କରିଛନ୍ତି। ମିଲେଟସ ଜାତୀୟ ଖାଦ୍ୟ ଶସ୍ୟ ଅମଳ ତଥା ଏହାର ବ୍ୟବସାୟୀ କରଣ ସମ୍ବନ୍ଧରେ ଏସ ଏସ ଜି ସଦସ୍ୟ ତଥା କୃଷକ ମାନଙ୍କୁ ସଚେତନ କରନ୍ତି । ଏତଦ୍ ବ୍ୟତୀତ ସେମାନଙ୍କୁ ମୂଲ୍ୟଯୁକ୍ତ ଉତ୍ପାଦଗୁଡିକ ସମ୍ବନ୍ଧରେ ତାଲିମ ଦିଅନ୍ତି ଯଦ୍ଵାରା ସେମାନେ ସେମାନଙ୍କ କଞ୍ଚାମାଲ ରେ ସର୍ବାଧିକ ସହାୟକ ମୂଲ୍ୟ ପାଇପାରିବେ। କେ.ଉଷା ନାଗା ପ୍ରସୁନା ଙ୍କ ଉପସ୍ଥିତି କୋରାପୁଟ ଜିଲ୍ଲାର କୃଷକ ମାନଙ୍କ ପାଇଁ ଲାଭପ୍ରଦ ହେବ ବୋଲି ଆଶା କରାଯାଉଛି।