ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ପକ୍ଷୀ ଗ୍ରାମ ରୁପେ ପରିଚିତ ଗୋବିନ୍ଦପୁର ଗାଁ ର ମହାନଦୀ କୂଳରେ ” ମହାନଦୀ ଆଳତୀ ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସମସ୍ତ ଗୋବିନ୍ଦପୁର ଗ୍ରାମବାସୀଙ୍କ ଉଦ୍ୟମରେ ତଥା ହଜାର ହଜାର ଅଂଚଳବାସୀଙ୍କ ଉପସ୍ଥିତିରେ ଏହି ପୁଣ୍ୟ ମହାନଦୀ ଆଲତୀ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।ଏଥିରେ ଆଖପାଖ ୬-୭ ଟି ଗ୍ରାମପଞ୍ଚାୟତ ର ହଜାର ହଜାର ଭକ୍ତ ତଥା ଶ୍ରଦ୍ଧାଳୁ ଯୋଗଦାନ କରିଥିଲେ । ମହାନଦୀ ଆଲତୀ କାର୍ଯ୍ୟକ୍ରମରେ କର୍ତ୍ତା ଦାୟିତ୍ବ ସଂପାଦନ କରିଥିଲେ ଗୋବିନ୍ଦପୁର ଗ୍ରାମର ବୁଦ୍ଧଦେବ ପାତ୍ର ତଥା ତାଙ୍କ ପତ୍ନୀ ବେଲମତି ପାତ୍ର । ପୂଜାକାର୍ଯ୍ୟ ସଂପାଦନ କରିଥିଲେ ପଣ୍ଡିତ ସରୋଜ କୁମାର ଦାସ । ଜଙ୍ଗଲ କମିଟୀ ସଭାପତି ଯୋଗେଶ୍ବର ନାୟକ ତଥା ଅନ୍ଯାନ୍ଯ ସଦସ୍ଯ ମଧ୍ଯ ଉପସ୍ଥିତ ରହି ପରିଚାଳନା କରିଥିଲେ । ଏହି ମହାନଦୀ ଆଳତୀ ସମୟରେ ଏକ ଭକ୍ତିପୂର୍ଣ୍ଣ ପରିବେଶ ସୃଷ୍ଟି ହୋଇଥିଲା ।
ଆଖପାଖ ଗ୍ରାମପଞ୍ଚାୟତ ତଥା ଦୂରଦୁରାନ୍ତରୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଯୋଗଦେଇଥିଲେ । ଏହି ଅବସରରେ ବିଶିଷ୍ଟ ମହିଲା କିର୍ତ୍ତନ ଗାୟିକା ଭାନୁମତି ସେଠ କିର୍ତ୍ତନ ପରିବେଷଣ କରି ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲେ ।