ହଷ୍ଟେଲ ମ୍ୟାନେଜମେଣ୍ଟ, ପାନୀୟ ଜଳ ଏବଂ ଖାଦ୍ୟ ଭଳି ବିଭିନ୍ନ ଗୁରୁତ୍ୱପୂର୍ଣ ପ୍ରସଙ୍ଗରେ ଅବହେଳାକୁ ନେଇ ଅଭିଯୋଗ କରିଛନ୍ତି କୋରାପୁଟ କେନ୍ଦ୍ରୀୟ ବିଶ୍ବବିଦ୍ୟାଳୟର ଛାତ୍ରଛାତ୍ରୀ ।
କୋରାପୁଟ ଜିଲ୍ଲା, ସୁନାବେଡ଼ା କେନ୍ଦ୍ରୀୟ ବିଶ୍ବବିଦ୍ୟାଳୟର ମୁଖ୍ୟ କ୍ୟାମ୍ପସ ଗେଟ୍ରେ ଝୁଲିଲା ତାଲା । ବିଭିନ୍ନ ସମସ୍ୟାର ତୁରନ୍ତ ସମାଧାନ କରିବାକୁ ଦାବିକରି ଗେଟ୍ରେ ତାଲା ପକାଇବା ସହ ପ୍ରତିବାଦ କରୁଛନ୍ତି ଛାତ୍ରଛାତ୍ରୀ । ହଷ୍ଟେଲ ମ୍ୟାନେଜମେଣ୍ଟ, ପାନୀୟ ଜଳ ଏବଂ ଖାଦ୍ୟ ଭଳି ବିଭିନ୍ନ ଗୁରୁତ୍ୱପୂର୍ଣ ପ୍ରସଙ୍ଗରେ ଅବହେଳାକୁ ନେଇ ଅଭିଯୋଗ କରିଛନ୍ତି ଛାତ୍ରଛାତ୍ରୀ ।
ଏ ନେଇ, ବାରମ୍ବାର ପ୍ରତିଶ୍ରୁତି ଦେବାପରେ ମଧ୍ୟ କର୍ତୃପକ୍ଷ ସମସ୍ୟା ଉପରେ ଗୁରୁତ୍ବ ନ ଦେବାରୁ ଗେଟ୍ରେ ତାଲା ପକାଇ ପ୍ରତିବାଦ କରିଥିଲେ ଛାତ୍ରଛାତ୍ରୀ । ଛାତ୍ରଛାତ୍ରୀଙ୍କ କହିବା ଅନୁସାରେ, ଏସବୁ ସମସ୍ୟାନେଇ, କୁଳପତିଙ୍କ ନିକଟରେ ବାରମ୍ବାର ଅଭିଯାଗ କରିବା ସହ ଧାରଣା ପ୍ରଦର୍ଶନ କରିଥିଲେ ମଧ୍ୟ ସେମାନଙ୍କୁ କୌଣସି ସୁଫଳ ମିଳି ନ ଥିଲା । ଛାତ୍ରଛାତ୍ରୀ ସାମ୍ନା କରୁଥିବା ବିଭିନ୍ନ ଅସୁବିଧା ବିଷୟରେ ଅବଗତ ହେବାପରେ, କୋରାପୁଟ ଜିଲ୍ଲାପାଳ ଭି. କୀର୍ତ୍ତି ଭାସନ ଖୁବ ଶୀଘ୍ର ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।