ଯାଜପୁର ବ୍ଳକ୍ ଏରବାଙ୍କ ଅଞ୍ଚଳରେ ଗଣ୍ଡଗୋଳ । ରାଜନୈତିକ ଶତ୍ରୁତାକୁ ନେଇ ଆକ୍ରମଣ । ଯାଜପୁର ଜିଲ୍ଲାର ୩୧ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟ ବିନୋଦ କୁମାର ମାଝିଙ୍କ ପରିବାରକୁ ସଂଘବଦ୍ଧ ଆକ୍ରମଣ କରାଯାଇଥିବା ଅଭିଯୋଗ ହୋଇଛି ।
ଆକ୍ରମଣରେ ବିନୋଦଙ୍କ ପରିବାରର ୩ ଜଣ, ଗ୍ରାମରକ୍ଷୀ ଏବଂ ବିପକ୍ଷ ଗୋଷ୍ଠୀର ଜଣେ ଗୁରୁତର ଆହତ ହୋଇଛନ୍ତି । ରାଜନୈତିକ ପୂର୍ବ ଶତ୍ରୁତାକୁ ନେଇ ଜିଲ୍ଲା ପରିଷଦ ସଭ୍ୟଙ୍କୁ ବିପକ୍ଷ ଗୋଷ୍ଠୀର କିଛି ଲୋକ ରାସ୍ତାରେ ଥଟ୍ଟାମଜା କରିଥିଲେ । ତେବେ ଘଟଣା ଗ୍ରାମରକ୍ଷୀଙ୍କ ଜରିଆରେ ସମାଧାନ କରିବା ପାଇଁ ଉଦ୍ୟମ ଆରମ୍ଭ ହୋଇଥିଲା । ଯୁକ୍ତିତର୍କ ଶେଷ ସୀମାରେ ପହଞ୍ଚିବା ପରେ ଜିଲ୍ଲା ପରିଷଦ ସଭ୍ୟଙ୍କ ପରିବାର ଉପରେ ୩୦ରୁ ଅଧିକ ଲୋକ ସଂଘବଦ୍ଧ ଆକ୍ରମଣ କରିଥିଲେ ।
ଏଥିରେ ତାଙ୍କ ସାନ ଭାଇ ପ୍ରଶାନ୍ତ,ବଡ଼ବାପା ନାରାୟଣ ଓ ବାପା ବୀର କିଶୋରଙ୍କ ସହ ଗ୍ରାମରକ୍ଷୀ ସୁରେନ୍ଦ୍ର ମଲ୍ଲିକ ଗୁରୁତର ହୋଇଥିଲେ । ଆକ୍ରମଣକାରୀଙ୍କ ପକ୍ଷରୁ ବ୍ରଜ କିଶୋର ମଲ୍ଲିକ ମଧ୍ୟ ଗୁରୁତର ହୋଇଛନ୍ତି । ସମସ୍ତଙ୍କୁ ଯାଜପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରି ପ୍ରାଥମିକ ଚିକିତ୍ସା କରାଯାଇଥିଲା । ପରେ ସେମାନଙ୍କୁ କଟକ ସ୍ଥାନାନ୍ତରିତ କରାଯାଇଛି ।
