ଆଜି ଆନ୍ତର୍ଜାତିକ ଯୋଗ ଦିବସ । ଏହି ଅବସରରେ ଯାଜପୁର ସଂସ୍କୃତି ଭବନ ପରିସରରେ ଯୋଗ ଶିବିର ଅନୁଷ୍ଠିତ ହୋଇଯାଇଛି । ପତଞ୍ଜଳି ଯୋଗ ସମିତି ପକ୍ଷରୁ ଆୟୋଜିତ ଏହି ଶିବିର କୁ ଅତିରିକ୍ତ ଜିଲ୍ଲାପାଳ ରାଜସ୍ଵ ଦିବ୍ୟ ଲୋଚନ ମହାନ୍ତ ମୁଖ୍ୟ ଅତିଥି ଭାବେ ଯୋଗ ଦେଇ ଶିବିର କୁ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବେ ଯାଜପୁର ପୌରପାଳିକାର ଅଧକ୍ଷା ରଞ୍ଜୁଲତା ହୋତା ଯୋଗ ଦେଇ ଯୋଗ ର ଆବଶ୍ୟକତା ସମ୍ପର୍କରେ ମତବ୍ୟକ୍ତ କରିଥିଲେ। ମୁଖ୍ୟ ବକ୍ତା ଭାବେ ପୌର ଉପଧାକ୍ଷ ସନ୍ତୋଷ କୁମାର ମଲ୍ଲିକ ମଣିଷ ଜୀବନକୁ ସୁସ୍ଥ ଓ ନିରୋଗ ରଖିବାରେ ଯୋଗ ସହାୟକ ହୋଇଥାଏ ବୋଲି ମତ ପ୍ରକାଶ କରିଥିଲେ ।
ଅନ୍ୟମାନଙ୍କ ମଧ୍ୟରେ ସହକାରୀ ଜିଲାପାଳ କୁଳମଣି ନାୟକ, ଯୋଗ ସମିତିର ସଭାପତି ପ୍ରବୋଦ କୁମାର ନାୟକ ଙ୍କ ସମେତ ବହୁ ବୁଦ୍ଧିଜୀବୀ ପ୍ରମୁଖ ଉପସ୍ଥିତ ରହି ଯୋଗାଭ୍ୟାସ କରିଥିଲେ। ଏହି ଶିବିରରେ ଯୋଗ ଗୁରୁ ସୁବାଷ ତ୍ରୀପାଠୀ,ମନ୍ମଥ ସାମଲ ଏବଂ ଗୋପିନାଥ ସେଠୀଙ୍କ ପରିଚାଳନା ରେ ବିଭିନ୍ନ ସ୍କୁଲ, କଲେଜ ଓ ସ୍କାଉଟ ଗାଇଡ ର ଛାତ୍ର ଛାତ୍ରୀ ,ବରିଷ୍ଠ ନାଗରିକ ମଞ୍ଚର ସଦସ୍ୟଙ୍କ ସମେତ ଶତାଧିକ ସହରବାସୀ ଉପସ୍ଥିତ ରହି ସାମୁହିକ ଯୋଗାଭ୍ୟାସ କରିଥିଲେ। ଋତୁପର୍ଣା ସାହୁ ଓ କିରଣ କୁମାର ମଲ୍ଲିକ ମଞ୍ଚ ରେ ଯୋଗ ପ୍ରଦର୍ଶନ କରିଥିବା ବେଳେ ପରିଶେଷରେ ବରିଷ୍ଠ ସାମ୍ବାଦିକ ଆନନ୍ଦ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ।