ରାୟଗଡା ଜିଲ୍ଲାରେ ଦିନକୁ ଦିନ ବଡ଼ି ଚାଲିଛି ବାଂଲାଦେଶୀଙ୍କ ଅନୁପ୍ରବେଶ । ଏନେଇ ଆଜି ରାୟଗଡ଼ା ଜିଲ୍ଲା ଚାନ୍ଦିଲି ଥାନାରେ ଏକ ଲିଖିତ ଅଭିଯୋଗ କରିଛନ୍ତି ବଜରଙ୍ଗ ଦଳ । ବାହାର ରାଜ୍ୟରୁ ଆମ ରାଜ୍ୟକୁ ବିଶେଷ କରି ରାୟଗଡ଼ା ଜିଲ୍ଲାରେ ବଢିବାରେ ଲାଗିଛି ବାଙ୍ଗାଳାଦେଶୀଙ୍କ ପ୍ରବେଶ । ଏହି ଦିଗରେ ଜାଣିଶୁଣି ପୋଲିସ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଉନି । ଯାହା ଫଳରେ ରାୟଗଡା ଜିଲ୍ଲାରେ ବାଙ୍ଗାଳାଦେଶୀ ମାନେ ବିଭିନ୍ନ ବ୍ଲକ ଏବଂ ଗାଁ ଗହଳିରେ ପ୍ରବେଶ କରି ଅସମାଜିକ କାର୍ଯ୍ୟରେ ଲିପ୍ତ ରହୁଥିବା ସାମ୍ନାକୁ ଆସୁଛି । ସେମାନଙ୍କ ନିକଟରେ କୌଣସି ସଠିକ୍ ପ୍ରମାଣ ପତ୍ର କିମ୍ବା ସ୍ଥାନୀୟ ବାସିନ୍ଦାର ପ୍ରମାଣ ପତ୍ର ନଥାଇ ସୁଦ୍ଧା ଜିଲ୍ଲାର ଜେକେପୁରୁ, ଗୁଣୁପୁର, କଲ୍ୟାଣସିଙ୍ଗିପୁରୁ, ରାମନା ଗୁଡା ଏବଂ ମୁନିଗୁଡା ସମେତ ବିଭିନ୍ନ ପଞ୍ଚାୟତରେ ୮ ହଜାରରୁ ଉର୍ଦ୍ଧ୍ବ ବାଙ୍ଗଳାଦେଶୀ ବର୍ତ୍ତମାନ ବାସ କରିସାରିଥିବା ଅଭିଯୋଗ ହୋଇଛି ।
ଏସମସ୍ତ ଘଟଣା ସମ୍ପର୍କରେ ଆଗରୁ ବଜରଙ୍ଗ ଦଳ ପକ୍ଷରୁ ବାରମ୍ବାର ଜିଲ୍ଲାପାଳଙ୍କୁ ଏବଂ ଜିଲ୍ଲା ଆରଖି ଅଧିକ୍ଷଙ୍କୁ ମଧ୍ୟ ଅବଗତ କରାଯାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ କୌଣସି ପଦକ୍ଷେପ ଗ୍ରହଣ କରାଯାଇ ନାହିଁ । ସେନେଇ ଆଜି ବଜରଙ୍ଗ ଦଳ ପକ୍ଷରୁ ଶତାଧିକ କାର୍ଯ୍ୟକର୍ତ୍ତା ମିଳିତ ଭାବେ ଏକ ଅଭିଯୋଗ ପତ୍ର ନେଇ ରାୟଗଡା ଜେକେପୁରୁ ଚାନ୍ଦିଲି ଥାନାରେ ପ୍ରବେଶ କରି ଥାନା ଅଧିକାରୀଙ୍କୁ ପ୍ରଦାନ କରିଛନ୍ତି । ତେବେ ଏବି ଘଟଣାର ତଦନ୍ତ ପରେ କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି ଚାନ୍ଦିଲି ଥାନା ଅଧିକାରୀ । ଏହି ଦିଗରେ କେବେ ପୋଲିସ ପ୍ରଶାସନ କଣ କାର୍ଯ୍ୟାନୁଷ୍ଠାନ ଗ୍ରହଣ କରୁଛି ତାହା ଦେଖିବା ବାକି ।