ଭାରତର ଅନେକ ସ୍ଥାନରେ ଓସ୍ତ ଗଛ ପୂଜା କରାଯିବାର ଆପଣ ଅନେକ ଥର ଦେଖିଥିବେ। କିନ୍ତୁ କାହିଁକି ? ଆସନ୍ତୁ ଜାଣିବା ହିନ୍ଦୁ ଧର୍ମରେ ଏହାର କଣ ରହିଛି କାରଣ। ଓସ୍ତ ଗଛକୁ ହିନ୍ଦୁ ଧର୍ମରେ ପବିତ୍ର ବୋଲି ମାନିଥାନ୍ତି। ଓସ୍ତ ଗଛକୁ ଶାସ୍ତ୍ର ଅନୁଯାୟୀ ଶନିବାର ଦିନ ପୂଜା କରାଯାଏ। କାରଣ ଶନିବାର ଦିନ ଓସ୍ତ ଗଛରେ ଅନେକ ଦେବାଦେବୀ ବାସ କରିଥାନ୍ତି। ହିନ୍ଦୁ ଧର୍ମରେ କୁହାଯାଏ ଯେ ରିଷ୍ଟ ଦୂର କରିବା ପାଇଁ ଓସ୍ତ ଗଛ ପୂଜା କରାଯାଇଥାଏ। ଖାଲି ଏତିକି ନୁହେଁ ଯେଉଁମାନଙ୍କର ଶନି ଦୋଷ ରହିଥାଏ ସେମାନେ ଓସ୍ତ ଗଛ ମୂଳେ ଦୀପ ଜାଳିଲେ ଶନି ଦୋଷ ଦୂର ହୋଇଥାଏ। କିନ୍ତୁ ଏହି ଗଛକୁ ପୂଜା କରିବା ପାଇଁ ଅନେକ ନୀତି ନିୟମ ରହିଛି। ନୀତି ନିୟମ ସହ ପୂଜା କଲେ ନିଶ୍ଚିତ ଶୁଭ ଫଳ ମିଳିଥାଏ।
ଆସନ୍ତୁ ଜାଣିବା ଓସ୍ତ ଗଛ ପୂଜା କାହିଁକି କରାଯାଏ….
କୁହାଯାଏ ଯେ ଦେବତାମାନେ ଓସ୍ତ ଗଛରେ ରୁହନ୍ତି। ଭଗବାନ ବିଷ୍ଣୁ ଏବଂ ମାଆ ଲକ୍ଷ୍ମୀ ଓସ୍ତ ଗଛରେ ରୁହନ୍ତି ବୋଲି ବିଶ୍ୱାସ ରହିଛି। ତେବେ ଖାଲି ଦେବାତାମାନେ ନୁହଁନ୍ତି ଏଠାରେ ପିତୃ ପୁରୁଷମାନେ ମଧ୍ୟ ବାସ କରିଥାନ୍ତି। ସେଥିପାଇଁ ଓସ୍ତ ଗଛକୁ ପୂଜା କଲେ ପିତୃପୁରୁଷଙ୍କ ଆଶୀର୍ବାଦ ମଧ୍ୟ ମିଳିଥାଏ।ଓସ୍ତ ଗଛର ମୂଳରେ ଭଗବାନ ବିଷ୍ଣୁ ବାସ କରିଥାନ୍ତି।
ସେହିପରି ଗଛର ଶାଖାରେ ନାରାୟଣ ରହିଥାନ୍ତି, ପତ୍ରରେ ଭଗାବାନ ହରି ଏବଂ ଫଳରେ ସମସ୍ତ ଦେବତା ବାସ କରନ୍ତି। କୁହାଯାଏ ଯେ ଓସ୍ତ ଗଛ ହେଉଛି ସାକ୍ଷାତ ଭଗାବାନ ବିଷ୍ଣୁଙ୍କ ରୂପ। ଯେଉଁଥିପାଇଁ ଅନେକ ମୁନି ଋଷି ଏହି ଗଛ ମୂଳେ ବସି ତପସ୍ୟା କରିଥାନ୍ତି ଓ ସିଦ୍ଧି ଲାଭ କରିଥାନ୍ତି। ଏହି ଗଛ ମୂଳରେ ଗୌତମ ବୁଦ୍ଧତ୍ୱ ପ୍ରାପ୍ତି କରିଥିଲେ। ଏହି ଗଛ ତଳେ ବସି ମହାବୀର, ନାନକ ପ୍ରମୁଖ ମଧ୍ୟ ଜ୍ଞାନଲାଭ କରିଥିଲେ।
ଓସ୍ତ ଗଛ ପୂଜାର ଉପକାରିତା…
ପିତୃପୁରୁଷଙ୍କ ଆଶୀର୍ବାଦ ପାଇବା ପାଇଁ, ପ୍ରତିଦିନ ଓସ୍ତ ଗଛର ମୂଳରେ ପାଣି ଦିଆଯାଏ। ଏହା ଅତ୍ୟନ୍ତ ଶୁଭକାରୀ ଓ ମଙ୍ଗଳକାରୀ ବୋଲି କୁହାଯାଏ। ଏହା ସହିତ ଓସ୍ତ ଗଛ ଲଗାଇବା ମଧ୍ୟ ଅନେକ ଲାଭଦାୟକ। ପ୍ରତିଦିନ ଓସ୍ତ ଗଛକୁ ପୂଜା କଲେ ପିତୃଦୋଷରୁ ମୁକ୍ତି ମିଳାଥାଏ ବୋଲି ବିଶ୍ବାସ ରହିଛି।
ପୁରାଣରେ କଣ ରହିଛି ମହତ୍ତ୍ବ-
ସ୍କନ୍ଦ ପୁରାଣରେ ଓସ୍ତ ଗଛ ବିଷୟରେ ଉଲ୍ଲେଖ କରାଯାଇଛି କି. ଭଗବାନ ବିଷ୍ଣୁଙ୍କ ରୂପ ହେଉଛି ଓସ୍ତ ଗଛ। ଏହି ବୃକ୍ଷର ସେବା କଲେ ମନୁଷ୍ୟର ପାପ ସବୁ ଦୂର ହୋଇଯାଏ।
କିପରି ପରିବେ ପୂଜା…
ସାଧାରଣତଃ ଶନି ଦଶା ପଡିଥିଲେ ପ୍ରତି ଶନିବାର ଦିନ ଓସ୍ତ ଗଛ ମୂଳରେ ମାଟି ଦୀପରେ କିଛି କଳା ରାଶି ଗୋଟିଏ ଲୁହା କଣ୍ଟା ପକାଇ ରାଶି ତେଳର ଦୀପ ଦେଲେ ଦଶାରୁ ମୁକ୍ତି ମିଳିଥାଏ। ଏଥିସହ ଗଛ ଚାରିପଟେ ପ୍ରଦକ୍ଷିଣା କରିବା ମଧ୍ୟ ସୁଫଳ ଦେଇଥାଏ।