() ବିଭିନ୍ନ ଦଫା ଦାବି ନେଇ ଆନ୍ଦୋଳନ କୁ ଓହ୍ଲାଇଲେ ‘ହୋ’ ସମାଜ । ମୟୁରଭଞ୍ଜ ଜିଲ୍ଲା ତିରିଙ୍ଗ ବ୍ଲକର ସତାଧିକ ହୋ ସମ୍ପ୍ରଦାୟର ଲୋକେ ଏକ ରାଲି ମାଧ୍ୟମ ରେ, ବିଭିନ୍ନ ପ୍ରକାର ଦାବି ନେଇ ତିରିଙ୍ଗ ବ୍ଲକ BDO ଙ୍କୁ ଏକ ଦାବି ପତ୍ର ପ୍ରଦାନ କରିଥିଲେ । ହୋ ଭାଷାଭାଷୀ ବହୁଳ MTL ଅଙ୍ଗନବାଡି ଗୁଡିକୁ “ମୁଣ୍ଡା” ପରିବର୍ତ୍ତେ “ହୋ” କରିବା, ତିରିଙ୍ଗ ବ୍ଲକ SSD ବିଦ୍ୟାଳୟ ଗୁଡିକରେ ହୋ ଭାଷାରେ MLE ଶିକ୍ଷକ ନିଯୁକ୍ତି, ହୋ ଭାଷା କୁ ସମ୍ବିଧାନ ର ଅଷ୍ଟମ ଅନୁସୂଚି ରେ ସାମିଲ ତଥା ଓଡିଶା ରେ “ହୋ” ଭାଷା କୁ ଦ୍ଵିତୀୟ ରାଜ ଭାଷା ମାନ୍ୟତା ପ୍ରଦାନ ଭଳି ରହିଥିବା ବେଳେ ଆଗାମୀ ଦିନରେ ସରକାର ଏଥି ପ୍ରତି ଧ୍ୟାନ ନଦେଲେ ଆନ୍ଦୋଳନ ଜୋରଦାର୍ ହେବ ବୋଲି ଚେତାବନି ଦେଇଛନ୍ତି ହୋ ସମ୍ପ୍ରଦାୟର ଲୋକେ । ଆନ୍ଦୋଳନରେ ବୀର୍ଷା କାଣ୍ଡେକାଲ, ଯୁବ ନେତା ଜଲେନ ବାର୍ଦା, ପୂର୍ବତନ ବିଧାୟକ ପ୍ରହଲ୍ଲାଦ ପୂର୍ତୀ, ମନୋରଞ୍ଜନ ତିରିଆ, ଯେମାମଣି ଷୁଣ୍ଢି,ମଟକା ବିରୁଆ, ପାର୍ବତୀ ବିରୁଆ, ପୂର୍ଣ୍ଣିମା ପୂର୍ତୀ ପ୍ରମୁଖ ସାମିଲ ହୋଇଥିଲେ ।