ଦିଲ୍ଲୀପ ସାମନ୍ତରାୟଙ୍କ ବିଳମ୍ବିତ ରାତିରେ ମୃତ୍ୟୁ

ହାଇଟେକ ହସ୍ପିଟାଲ ବିସ୍ଫୋରଣ ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇସାରିଥିବା ବେଳେ ଗତକାଲି ବିଳମ୍ବିତ ରାତିରେ ଦିଲ୍ଲୀପ ସାମନ୍ତରାୟଙ୍କ ମୃତ୍ୟୁ ହୋଇଛି। ଗତ ରବିବାର ଦିନ ଦିଲୀପ ସାମନ୍ତ ରାୟଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ମେଡିକାଲ ପକ୍ଷରୁ ଘୋଷଣା ପରେ ମଞ୍ଚେଶ୍ୱର ଥାନା ପୋଲିସ ଓ ପରିବାର ଲୋକଙ୍କ ଉପସ୍ଥିତିରେ ଶବ ବ୍ୟବଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା।

ପରିବାର ଲୋକ ମଧ୍ୟ ମୃତଦେହର ସତ୍କାର କରିଥିଲେ। କିନ୍ତୁ ଏହି ଘଟଣାରେ ଶୁକ୍ରବାର ଆସିଥିଲା ସାଙ୍ଘାତିକ ଟ୍ବିଷ୍ଟ। ଚିକିତ୍ସିତ ହେଉଥିବା ଜ୍ୟୋତିରଞ୍ଜନ ଭେଣ୍ଟିଲେଟରରୁ ବାହାରିବା ପରେ ନିଜକୁ ଦିଲ୍ଲୀପ ସାମନ୍ତରାୟ କହିବାରୁ ମୃତଦେହ ହସ୍ତାନ୍ତରରେ ସାଙ୍ଘାତିକ ଭୁଲ ହୋଇଥିବା ଜଣାପଡିଥିଲା। ଯେଉଁଥିପାଇଁ ଉଭୟ ପରିବାର ଙ୍କ ମାଧ୍ୟ୍ରେ ମେଡିକାଲରେ ମୁହାଁ ମୁହିଁ ପରିସ୍ଥିତି ସୃଷ୍ଟି ହୋଇଥିଲା।

ତେବେ ଅନ୍ୟପଟେ ଦିଲ୍ଲୀପଙ୍କ ମୃତ୍ୟୁକୁ ସହ୍ୟ କରି ନ ପାରି ଦିଲ୍ଲୀପଙ୍କ ପତ୍ନୀ ମୃତ୍ୟୁକୁ ବରଣ କରି ନେଇଛନ୍ତି। ଦୁଇଟି ପରିବାର ସମ୍ପୂର୍ଣ୍ଣ ଉଜୁ଼ଡି ଯାଇଛି ଏଭଳି ଅବହେଳାରୁ। ଏହା ପଛରେ କାହାର ଭୁଲ ରହିଛି ତାକୁ ନେଇ ଚର୍ଚ୍ଚା ହେଉଛି।