ହରିଆଣା ବିଧାନସଭା ନିର୍ବାଚନ ୨୦୨୪ ଦୌଡରେ ସାମିଲ ଥିବା ହେଭିୱେଟ ନେତାଙ୍କ ମଧ୍ୟରେ ଅଛନ୍ତି ମୁଖ୍ୟମନ୍ତ୍ରୀ ନୟାବ ସିଂ ସାଇନି, ଜେଜେପିର ଦୁଶନ୍ତ ଚଉତାଲାଙ୍କ, ଭୁପିନ୍ଦର ସିଂ ହୁଡା ଏବଂ କଂଗ୍ରେସର ବିନେଶ ଫୋଗାଟ । ଏକ ଦଶନ୍ଧି ପରେ କଂଗ୍ରେସ ରାଜ୍ୟରେ ପ୍ରତ୍ୟାବର୍ତ୍ତନ କରିବାକୁ ଆଶା ରଖିଥିବାବେଳେ ଶାସକ ବିଜେପି ହ୍ୟାଟ୍ରିକ୍ ଉପରେ ନଜର ରଖିଛି। ଅନ୍ୟ ପ୍ରମୁଖ ପ୍ରତିଯୋଗୀମାନେ ହେଉଛନ୍ତି କଂଗ୍ରେସ, ଆମ୍ ଆଦମୀ ପାର୍ଟି (ଏଏପି), ଭାରତୀୟ ଜାତୀୟ ଲୋକ ଦଳ (INLD), ବାହୁଜନ ସମାଜ ପାର୍ଟି (ବିଏସପି), ଜନନାକ ଜନତା ପାର୍ଟି (ଜେଜେପି) ଏବଂ ଆଜାଦ ସମାଜ ପାର୍ଟି (ଏଏସପି)।
ହରୟାଣାରେ ବିଜେପିର ନିର୍ବାଚନ ଅଭିଯାନକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନେତୃତ୍ୱ ନେଇଥିବାବେଳେ, କଂଗ୍ରେସ ନେତା ରାହୁଲ ଗାନ୍ଧୀ ଅନେକ ସାଧାରଣ ସଭାକୁ ସମ୍ବୋଧିତ କରିଥିଲେ ।
- ହରିଆଣା ବିଧାନସଭାର ୯୦ ଆସନରେ ମତଦାନ ଜାରି, ସକାଳ ୯ ଟା ସୁଦ୍ଧା ୯.୫ ପ୍ରତିଶତ ମତଦାନ
- ଚାଲିଛି ୧,୦୦୦ ରୁ ଉର୍ଦ୍ଧ୍ବ ପ୍ରାର୍ଥୀଙ୍କ ଭାଗ୍ୟପରୀକ୍ଷା, ଅକ୍ଟୋବର ୮ ରେ ପ୍ରକାଶିତ ହେବ ଫଳାଫଳ
- ନିର୍ବାଚନରେ ୩୦,୦୦୦ ରୁ ଅଧିକ ପୋଲିସ କର୍ମଚାରୀ ଏବଂ ୨୨୫ ପାରାମିଲିଟାରୀ କମ୍ପାନୀ ନିୟୋଜିତ
- ମୋଟ ଭୋଟରଙ୍କ ମଧ୍ୟରୁ ୧.୦୭ କୋଟି ପୁରୁଷ, ୯୫ ଲକ୍ଷ ମହିଳା ଏବଂ ୪୬୭ ଜଣ ଟ୍ରାନ୍ସଜେଣ୍ଡର ଅଟନ୍ତି
- ଗତ ନିର୍ବାଚନରେ ବିଜେପି ୪୦, କଂଗ୍ରେସ ୩୧ ଏବଂ ଜେଜେପି ୧୦ ଆସନରେ ବିଜୟୀ ହୋଇଥିଲେ
- ୨୦୧୯ ବିଧାନସଭା ନିର୍ବାଚନରେ ରେକର୍ଡ ୬୮ ପ୍ରତିଶତ ଭୋଟର ମତଦାନ କରିଥିଲେ