ଅଲିମ୍ପିକ୍ସରେ ହରିୟାଣାର ସୁଟର ମନୁ ଭାକର ଇତିହାସ ସୃଷ୍ଟି କରିଛନ୍ତି। ୧୨ ବର୍ଷ ପରେ ଭାରତକୁ ସୁଟିଂରେ ମିଳିଛି ଅଲିମ୍ପିକ୍ସ ପଦକ । ଗତ କାଲି ମନୁ ଭାକର ୧୦ ମିଟର ସୁଟିଂରେ ବ୍ରୋଞ୍ଜ ମେଡାଲ ଜିତି ଅଲିମ୍ପିକ୍ସରେ ଭାରତର ପ୍ରଥମ ମହିଳା ସୁଟର ଭାବେ ଏକ ଐତିହାସିକ ରେକର୍ଡ କରିଥିଲେ ଏବଂ ଏବେ ପୁଣି ଭାକର ମଙ୍ଗଳବାର ଅମ୍ବାଲାର ସରବଜୋତ ସିଂଙ୍କ ସହ ମିଶ୍ରିତ ଦଳ 10 ମିଟର ଏୟାର ପିସ୍ତଲ ଫାଇନାଲରେ ବ୍ରୋଞ୍ଜ ପଦକ ପ୍ରଦାନ କରିଛନ୍ତି। ଏହି ମେଡ଼ାଲ ପରେ ସେ ପ୍ରଥମ ଭାରତୀୟ ଭାବେ ଗୋଟିଏ ଅଲମ୍ପିକ୍ସରେ ୨ପଦକ ବିଜେତାର ରେକର୍ଡ ମଧ୍ୟ ସ୍ଥାପନ କରିଛନ୍ତି । ଏହାକୁ ନେଇ ତାଙ୍କୁ ସାରା ଭାରତରୁ ଛୁଟିଛି ପ୍ରସଂଶାର ଲହରୀ।
