ଜାଲ ଶିକ୍ଷାଗତ ପ୍ରମାଣପତ୍ର ଦେଇ ସରକାରୀ ଚାକିରୀ କରିଥିବା ଅଭିଯୋଗ । ଯାହା RTI ସୂଚନା ଆଧାରରେ ଜଣାପଡିଛି । ଏମିତି ଏକ ଘଟଣା ସାମ୍ନାକୁ ଆସିଛି କେନ୍ଦ୍ରାପଡାରୁ । ତେବେ ସୂଚନା ମୁତାବକ, ଡେରାବିଶ ବ୍ଲକ ଜଅଁରା ବାରିମୂଳ ପଞ୍ଚାୟତ ଗରାମ ଗ୍ରାମରେ ସିଆରପି ଭାବେ ଚାକିରୀ କରିଛନ୍ତି ରାଜଶ୍ରୀ ପରିଜା । ସେ ଚାକିରୀ ପାଇଁ ଇଣ୍ଟରଭ୍ୟୁ ଦେବା ବେଳେ ସାର୍ଟିଫିକେଟ ଭେରିଫିକେସନ ସମୟରେ ବିଏଲଏଫଙ୍କୁ ଭୁଆଁ ବୁଲାଇ ନକଲି ସ୍କୁଲ ସାଠିପିକେର୍ଟ ଦେଇ ଚାକିରୀ ପାଇଥିବା ଅଭିଯୋଗ ହୋଇଥିଲା ।
ସିଆରପି ପଦ ପାଇଁ ଦଶମ ପାସ ଯୋଗ୍ୟତା ଥିବା ବେଳେ ରାଜଶ୍ରୀ ଏକ ଜାଲ ସାର୍ଟଫିକେଟ ଦେଇ ନିଯୁକ୍ତି ପାଇଥିଲେ । ରାଜଶ୍ରୀଙ୍କ ସାର୍ଟଫିକେଟରେ ଶକୁନ୍ତଳା ବିଦ୍ୟାନିକେତନରୁ ଦଶମ ପାସ କରିଥିବା ଦର୍ଶା ଯାଇଛି । ଯାହାକୁ ନେଇ ସନ୍ଦହ ସୃଷ୍ଟି ହୋଇଥିଲା । ଘଟଣାର ସତ୍ୟତା ଜାଣିବା ପାଇଁ ସୂଚନା ଅଧିକାର ଆଇନର ସାହାରା ନିଆଯାଇଥିଲା । ସେତିରୁ ମିଳିଥିବା ତଥ୍ୟରୁ ଜଣାପଡୁଛି ରାଜଶ୍ରୀଙ୍କ ପ୍ରମାଣପତ୍ର ମିଛ । ଏହାପରେ ଅଭିଯୋଗକାରୀଙ୍କ ପକ୍ଷରୁ ରାଜଶ୍ରୀଙ୍କ ବିରୁଦ୍ଧରେ ଡେରାବିଶ ବିଡ଼ିଓଙ୍କୁ ସଂଗୀନ ଅଭିଯୋଗ ହୋଇଛି ।
ଆର୍ଟିଆଇ ତଥ୍ୟରେ ବୋଧଙ୍ଗ ସ୍ଥିତ ସକୁନ୍ତଳା ବିଦ୍ୟାନିକେତନ ପକ୍ଷରୁ ଲିଖିତ ଭାବେ ଦର୍ଶା ଯାଇଛି ଯେ, ୨୦୧୦ ମସିହା ଦଶମ ଶ୍ରେଣୀ ଆନୁଆଲ ଓ ସପ୍ଲିମେଣ୍ଟାରୀ ପରୀକ୍ଷାରେ ରାଜଶ୍ରୀ ପରିଜା (ପିତା ରାଜକିସୋର ପରିଜା) ନାମକ କେହି ଛାତ୍ରୀ ତାଙ୍କ ବିଦ୍ୟାଳୟରୁ ପାସ କରିନାହାନ୍ତି । ଏହି ରିପୋର୍ଟ ଆଧାରରେ ଡେରାବିଶ ବିଡ଼ିଓ ଅଭିଯୋଗ ଗ୍ରହଣ କରି କେନ୍ଦ୍ରାପଡ଼ା ଜିଲ୍ଲପାଳଙ୍କ ନିର୍ଦ୍ଦେଶରେ ତଦନ୍ତ ଆରମ୍ଭ କରି ନିଶ୍ଚିନ୍ତ କୋଇଲି ବିଇଓଙ୍କୁ ଚିଠି ଲେଖିଛନ୍ତି । ତଦନ୍ତ ରିପୋର୍ଟ ଆସିବା ପରେ ଜାଲିଆତି କରି ଚାକିରୀ ପାଇଥିବା ରାଜଶ୍ରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ହେବ ବୋଲି ଡେରାବିଶ ବିଡ଼ିଓ ଦାଶରଥି ଜେନା ସୂଚନା ଦେଇଛନ୍ତି ।
ବର୍ତମାନ ଅନ୍ତିମ ତଦନ୍ତ ରିପୋର୍ଟ ଆସିବା ପରେ ରାଜଶ୍ରୀ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ଏଥିସହିତ ସେ ନେଇଥିବା ଦରମା ଟଙ୍କା ତାଙ୍କଠୁ ରିକଭରି କରାଯାଇପାରେ ବୋଲି କହିଛନ୍ତି ବିଡିଓ ।