ବାରିପଦା: ବାଙ୍ଗିରିପୋଷି ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣୀ ଘାଟିରେ ଧଉଳି ଗଣନାଟ୍ୟର ଟ୍ରକ ଓଲଟିବାରୁ ଅତିକମରେ ପାଞ୍ଚ ଜଣ ଲୋକଙ୍କ ମୃତ୍ୟୁ ଘଟିବା ସହିତ ୧୨ ଜଣ ଆହତ ହୋଇଛନ୍ତି । ଗୁରୁତରଙ୍କୁ ଚିକିତ୍ସା ପାଇଁ ସ୍ଥାନୀୟ ଜନସାଧାରଣ, ପୁଲିସ, ଓ ଦେଖାଣହାରିଙ୍କ ସହାୟତାରେ ବାଙ୍ଗିରିପୋଷି ଡାକ୍ତରଖାନାରେ ଭର୍ତ୍ତି କରାଯାଇଛି ।
ଟ୍ରକରେ ଥିବା ସମସ୍ତ ସାମଗ୍ରୀ ୨୦ ଫୁଟ ତଳକୁ ଖସି ପଡିଥିବା ବେଳେ ଉଦ୍ଧାର କାର୍ଯ୍ୟ ଯାରି ରହିଛି । ଲାଇଟ ସରଞ୍ଜାମ ନେଇ ଟ୍ରକଟି ରାଇରଙ୍ଗପୁରରୁ ଜଳେଶ୍ୱର ଯାଉଥିବା ବେଳେ ଝିପି ଝିପି ବର୍ଷ ଯୋଗୁ ଡ୍ରାଇଭର ଭାରସାମ୍ୟ ହରାଇଥିବା କୁହାଯାଉଛି।
ବର୍ତ୍ତମାନ ସୁଦ୍ଧା କିଛି ଯାତ୍ରୀ ଟ୍ରକ ତଳେ ଚାପି ହୋଇ ରହିଛନ୍ତି ବୋଲି ବିଶେଷ ସୂତ୍ରରୁ ପ୍ରକାଶ । ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପୋଲିସଙ୍କୁ ଉଦ୍ଧାର କାର୍ଯ୍ୟରେ ସାହାଯ୍ୟ କରୁଛନ୍ତି ।